ভগবতি তব তীরে নীরমাত্রাশনোঽহম্
বিগতবিষযতৃষ্ণঃ কৃষ্ণমারাধয়ামি ।
সকল কলুষভংগে স্বর্গসোপানসংগে
তরলতরতরংগে দেবি গংগে প্রসীদ ॥ 1 ॥

ভগবতি ভবলীলা মৌলিমালে তবাংভঃ
কণমণুপরিমাণং প্রাণিনো যে স্পৃশংতি ।
অমরনগরনারী চামর গ্রাহিণীনাং
বিগত কলিকলংকাতংকমংকে লুঠংতি ॥ 2 ॥

ব্রহ্মাংডং খংডয়ংতী হরশিরসি জটাবল্লিমুল্লাসয়ংতী
স্বর্লোকাদাপতংতী কনকগিরিগুহাগংডশৈলাত্ স্খলংতী ।
ক্ষোণীপৃষ্ঠে লুঠংতী দুরিতচযচমূর্নির্ভরং ভর্ত্সয়ংতী
পাথোধিং পূরয়ংতী সুরনগরসরিত্পাবনী নঃ পুনাতু ॥ 3 ॥

মজ্জন্মাতংগ কুংভচ্য়ুত মদমদিরামোদমত্তালিজালং
স্নানৈঃ সিদ্ধাংগনানাং কুচয়ুগ বিলসত্কুংকুমাসংগপিংগম্ ।
সায়ং প্রাতর্মুনীনাং কুশকুসুমচয়ৈশ্ছিন্নতীরস্থনীরং
পায়ান্নো গাংগমংভঃ করিকলভ করাক্রাংত রংগস্তরংগম্ ॥ 4 ॥

আদাবাদি পিতামহস্য় নিযম ব্য়াপার পাত্রে জলং
পশ্চাত্পন্নগশায়িনো ভগবতঃ পাদোদকং পাবনম্ ।
ভূয়ঃ শংভুজটাবিভূষণ মণির্জহ্নোর্মহর্ষেরিয়ং
কন্য়া কল্মষনাশিনী ভগবতী ভাগীরথী দৃশ্যতে ॥ 5 ॥

শৈলেংদ্রাদবতারিণী নিজজলে মজ্জজ্জনোত্তারিণী
পারাবারবিহারিণী ভবভযশ্রেণী সমুত্সারিণী ।
শেষাংগৈরনুকারিণী হরশিরোবল্লীদলাকারিণী
কাশীপ্রাংতবিহারিণী বিজযতে গংগা মনোহারিণী ॥ 6 ॥

কুতো বীচির্বীচিস্তব যদি গতা লোচনপথং
ত্বমাপীতা পীতাংবরপুরবাসং বিতরসি ।
ত্বদুত্সংগে গংগে পততি যদি কাযস্তনুভৃতাং
তদা মাতঃ শাংতক্রতবপদলাভোঽপ্যতিলঘুঃ ॥ 7 ॥

গংগে ত্রৈলোক্যসারে সকলসুরবধূধৌতবিস্তীর্ণতোয়ে
পূর্ণব্রহ্মস্বরূপে হরিচরণরজোহারিণি স্বর্গমার্গে ।
প্রাযশ্চিতং যদি স্য়াত্তব জলকণিকা ব্রহ্মহত্য়াদি পাপে
কস্ত্বাং স্তোতুং সমর্থঃ ত্রিজগদঘহরে দেবি গংগে প্রসীদ ॥ 8 ॥

মাতর্জাহ্নবী শংভুসংগমিলিতে মৌলৌ নিধায়াংজলিং
ত্বত্তীরে বপুষোঽবসানসময়ে নারাযণাংঘ্রিদ্বযম্ ।
সানংদং স্মরতো ভবিষ্যতি মম প্রাণপ্রয়াণোত্সবে
ভূয়াদ্ভক্তিরবিচ্য়ুতা হরিহরাদ্বৈতাত্মিকা শাশ্বতী ॥ 9 ॥

গংগাষ্টকমিদং পুণ্য়ং যঃ পঠেত্প্রযতো নরঃ ।
সর্বপাপবিনির্মুক্তো বিষ্ণুলোকং স গচ্ছতি ॥ 10 ॥