হির॑ণ্যশৃংগং॒-বঁরু॑ণং॒ প্রপ॑দ্য়ে তী॒র্থং মে॑ দেহি॒ যাচি॑তঃ ।
য॒ন্ময়া॑ ভু॒ক্তম॒সাধূ॑নাং পা॒পেভ্য়॑শ্চ প্র॒তিগ্র॑হঃ ।
যন্মে॒ মন॑সা বা॒চা॒ ক॒র্ম॒ণা বা দু॑ষ্কৃতং॒ কৃতম্ ।
তন্ন॒ ইংদ্রো॒ বরু॑ণো॒ বৃহ॒স্পতিঃ॑ সবি॒তা চ॑ পুনংতু॒ পুনঃ॑ পুনঃ ।
নমো॒ঽগ্নয়ে᳚ঽপ্সু॒মতে॒ নম॒ ইংদ্রা॑য়॒ নমো॒ বরু॑ণায়॒ নমো বারুণ্য়ৈ॑ নমো॒ঽদ্ভ্য়ঃ ॥
যদ॒পাং ক্রূ॒রং-য়ঁদ॑মে॒ধ্য়ং-য়ঁদ॑শাং॒তং তদপ॑গচ্ছতাত্ ।
অ॒ত্য়া॒শ॒নাদ॑তী-পা॒না॒-দ্য়॒চ্চ উ॒গ্রাত্প্র॑তি॒গ্রহা᳚ত্ ।
তন্নো॒ বরু॑ণো রা॒জা॒ পা॒ণিনা᳚ হ্যব॒মর্শতু ।
সো॑ঽহম॑পা॒পো বি॒রজো॒ নির্মু॒ক্তো মু॑ক্তকি॒ল্বিষঃ॑ ।
নাক॑স্য় পৃ॒ষ্ঠ-মারু॑হ্য়॒ গচ্ছে॒দ্ ব্রহ্ম॑সলো॒কতাম্ ।
যশ্চা॒প্সু বরু॑ণ॒স্স পু॒নাত্ব॑ঘমর্ষ॒ণঃ ।
ই॒মং মে॑ গংগে যমুনে সরস্বতি॒ শুতু॑দ্রি॒-স্তোমগ্ম্॑ সচতা॒ পরু॒ষ্ণিয়া ।
অ॒সি॒ক্নি॒য়া ম॑রুদ্বৃধে বি॒তস্ত॒য়াঽঽর্জী॑কীয়ে শৃণু॒হ্য়া সু॒ষোম॑য়া ।
ঋ॒তং চ॑ স॒ত্য়ং চা॒ভী᳚দ্ধা॒-ত্তপ॒সোঽধ্য়॑জাযত ।
ততো॒ রাত্রি॑রজাযত॒ তত॑-স্সমু॒দ্রো অ॑র্ণ॒বঃ ॥
স॒মু॒দ্রাদ॑র্ণ॒বা দধি॑ সংবঁথ্স॒রো অ॑জাযত ।
অ॒হো॒রা॒ত্রাণি॑ বি॒দধ॒দ্বিশ্ব॑স্য় মিষ॒তো ব॒শী ।
সূ॒র্য়া॒চং॒দ্র॒মসৌ॑ ধা॒তা য॑থা পূ॒র্বম॑কল্পযত্ ।
দিবং॑ চ পৃথি॒বীং চাং॒তরি॑ক্ষ॒-মথো॒ সুবঃ॑ ।
যত্পৃ॑থি॒ব্য়াগ্ম্ রজঃ॑ স্ব॒মাংতরি॑ক্ষে বি॒রোদ॑সী ।
ই॒মাগ্গ্ম্ স্তদা॒পো ব॑রুণঃ পু॒নাত্ব॑ঘমর্ষ॒ণঃ ।
পু॒নংতু॒ বস॑বঃ পু॒নাতু॒ বরু॑ণঃ পু॒নাত্ব॑ঘমর্ষ॒ণঃ ।
এ॒ষ ভূ॒তস্য়॑ ম॒ধ্য়ে ভুব॑নস্য় গো॒প্তা ।
এ॒ষ পু॒ণ্যকৃ॑তাং-লোঁ॒কা॒নে॒ষ মৃ॒ত্য়োর্ হি॑র॒ণ্মযম্᳚ ।
দ্য়াবা॑পৃথি॒ব্য়োর্ হি॑র॒ণ্ময়॒গ্ম্॒ সগ্গ্ম্ শ্রি॑ত॒গ্ম্॒ সুবঃ॑ ॥
সন॒-স্সুব॒-স্সগ্ম্শি॑শাধি ।
আর্দ্রং॒ জ্বল॑তি॒ জ্য়োতি॑র॒হম॑স্মি ।
জ্য়োতি॒র্জ্বল॑তি॒ ব্রহ্মা॒হম॑স্মি ।
যো॑ঽহম॑স্মি॒ ব্রহ্মা॒হম॑স্মি ।
অ॒হম॑স্মি॒ ব্রহ্মা॒হম॑স্মি ।
অ॒হমে॒বাহং মাং জু॑হোমি॒ স্বাহা᳚ ।
অ॒কা॒র্য়॒কা॒র্য়॑বকী॒র্ণীস্তে॒নো ভ্রূ॑ণ॒হা গু॑রুত॒ল্পগঃ ।
বরু॑ণো॒ঽপাম॑ঘমর্ষ॒ণ-স্তস্মা᳚ত্ পা॒পাত্ প্রমু॑চ্যতে ।
র॒জোভূমি॑-স্ত্ব॒মাগ্ম্ রোদ॑যস্ব॒ প্রব॑দংতি॒ ধীরাঃ᳚ ।
আক্রাং᳚থ্সমু॒দ্রঃ প্র॑থ॒মে বিধ॑র্মংজ॒নয়॑ন্ প্র॒জা ভুব॑নস্য়॒ রাজা᳚ ।
বৃষা॑ প॒বিত্রে॒ অধি॒সানো॒ অব্য়ে॑ বৃ॒হত্সোমো॑ বাবৃধে সুবা॒ন ইংদুঃ॑ ॥
