𑌨𑌾𑌰𑌦 𑌉𑌵𑌾𑌚
𑌸𑍍𑌵𑌾𑌮𑌿𑌨𑍍 𑌸𑌰𑍍𑌵𑌜𑌗𑌨𑍍𑌨𑌾𑌧 𑌸𑌂𑌶𑌯𑍋𑌽𑌸𑍍𑌤𑌿 𑌮𑌮 𑌪𑍍𑌰𑌭𑍋
𑌚𑌤𑍁𑌷𑌷𑍍𑌟𑌿 𑌕𑌳𑌾𑌭𑌿𑌜𑍍𑌞 𑌪𑌾𑌤𑌕𑌾 𑌦𑍍𑌯𑍋𑌗𑌵𑌿𑌦𑍍𑌵𑌰
𑌮𑍁𑌚𑍍𑌯𑌤𑍇 𑌕𑍇𑌨 𑌪𑍁𑌣𑍍𑌯𑍇𑌨 𑌬𑍍𑌰𑌹𑍍𑌮𑌰𑍂𑌪𑌃 𑌕𑌥𑌂 𑌭𑌵𑍇𑌤𑍍
𑌦𑍇𑌹𑌶𑍍𑌚 𑌦𑍇𑌵𑌤𑌾𑌰𑍂𑌪𑍋 𑌮𑌂𑌤𑍍𑌰 𑌰𑍂𑌪𑍋 𑌵𑌿𑌶𑍇𑌷𑌤𑌃
𑌕𑌰𑍍𑌮𑌤 𑌚𑍍𑌛𑍍𑌰𑍋𑌤𑍁 𑌮𑌿𑌚𑍍𑌛𑌾𑌮𑌿 𑌨𑍍𑌯𑌾𑌸𑌂 𑌚 𑌵𑌿𑌧𑌿𑌪𑍂𑌰𑍍𑌵𑌕𑌮𑍍
𑌋𑌷𑌿 𑌶𑍍𑌛𑌂𑌦𑍋𑌽𑌧𑌿 𑌦𑍈𑌵𑌂𑌚 𑌧𑍍𑌯𑌾𑌨𑌂 𑌚 𑌵𑌿𑌧𑌿𑌵 𑌤𑍍𑌪𑍍𑌰𑌭𑍋
𑌨𑌾𑌰𑌾𑌯𑌣 𑌉𑌵𑌾𑌚
𑌅𑌸𑍍𑌯𑍍𑌤𑍇𑌕𑌂 𑌪𑌰𑌮𑌂 𑌗𑍁𑌹𑍍𑌯𑌂 𑌗𑌾𑌯𑌤𑍍𑌰𑍀 𑌕𑌵𑌚𑌂 𑌤𑌥𑌾
𑌪𑌠𑌨𑌾 𑌦𑍍𑌧𑌾𑌰𑌣𑌾 𑌨𑍍𑌮𑌰𑍍𑌤𑍍𑌯 𑌸𑍍𑌸𑌰𑍍𑌵𑌪𑌾𑌪𑍈𑌃 𑌪𑍍𑌰𑌮𑍁𑌚𑍍𑌯𑌤𑍇
𑌸𑌰𑍍𑌵𑌾𑌂𑌕𑌾𑌮𑌾𑌨𑌵𑌾𑌪𑍍𑌨𑍋𑌤𑌿 𑌦𑍇𑌵𑍀 𑌰𑍂𑌪𑌶𑍍𑌚 𑌜𑌾𑌯𑌤𑍇
𑌗𑌾𑌯𑌤𑍍𑌤𑍍𑌰𑍀 𑌕𑌵𑌚𑌸𑍍𑌯𑌾𑌸𑍍𑌯 𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌮𑌹𑍇𑌶𑍍𑌵𑌰𑌾𑌃
𑌋𑌷𑌯𑍋 𑌋𑌗𑍍𑌯𑌜𑍁𑌸𑍍𑌸𑌾𑌮𑌾𑌥𑌰𑍍𑌵 𑌚𑍍𑌛𑌂𑌦𑌾𑌂𑌸𑌿 𑌨𑌾𑌰𑌦
𑌬𑍍𑌰𑌹𑍍𑌮𑌰𑍂𑌪𑌾 𑌦𑍇𑌵𑌤𑍋𑌕𑍍𑌤𑌾 𑌗𑌾𑌯𑌤𑍍𑌰𑍀 𑌪𑌰𑌮𑌾 𑌕𑌳𑌾
𑌤𑌦𑍍𑌬𑍀𑌜𑌂 𑌭𑌰𑍍𑌗 𑌇𑌤𑍍𑌯𑍇𑌷𑌾 𑌶𑌕𑍍𑌤𑌿 𑌰𑍁𑌕𑍍𑌤𑌾 𑌮𑌨𑍀𑌷𑌿𑌭𑌿𑌃
𑌕𑍀𑌲𑌕𑌂𑌚 𑌧𑌿𑌯𑌃 𑌪𑍍𑌰𑍋𑌕𑍍𑌤𑌂 𑌮𑍋𑌕𑍍𑌷𑌾𑌰𑍍𑌧𑍇 𑌵𑌿𑌨𑌿𑌯𑍋𑌜𑌨𑌮𑍍
𑌚𑌤𑍁𑌰𑍍𑌭𑌿𑌰𑍍𑌹𑍃𑌦𑌯𑌂 𑌪𑍍𑌰𑍋𑌕𑍍𑌤𑌂 𑌤𑍍𑌰𑌿𑌭𑌿 𑌰𑍍𑌵𑌰𑍍𑌣𑍈 𑌶𑍍𑌶𑌿𑌰 𑌸𑍍𑌸𑍍𑌮𑍃𑌤𑌮𑍍
𑌚𑌤𑍁𑌰𑍍𑌭𑌿𑌸𑍍𑌸𑍍𑌯𑌾𑌚𑍍𑌛𑌿𑌖𑌾 𑌪𑌶𑍍𑌚𑌾𑌤𑍍𑌤𑍍𑌰𑌿𑌭𑌿𑌸𑍍𑌤𑍁 𑌕𑌵𑌚𑌂 𑌸𑍍𑌸𑍍𑌮𑍁𑌤𑌮𑍍
𑌚𑌤𑍁𑌰𑍍𑌭𑌿 𑌰𑍍𑌨𑍇𑌤𑍍𑌰 𑌮𑍁𑌦𑍍𑌧𑌿𑌷𑍍𑌟𑌂 𑌚𑌤𑍁𑌰𑍍𑌭𑌿𑌸𑍍𑌸𑍍𑌯𑌾𑌤𑍍𑌤𑌦𑌸𑍍𑌰𑍍𑌤𑌕𑌮𑍍
𑌅𑌥 𑌧𑍍𑌯𑌾𑌨𑌂 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌸𑌾𑌧𑌕𑌾𑌭𑍀𑌷𑍍𑌟𑌦𑌾𑌯𑌕𑌮𑍍
𑌮𑍁𑌕𑍍𑌤𑌾 𑌵𑌿𑌦𑍍𑌰𑍁𑌮 𑌹𑍇𑌮𑌨𑍀𑌲 𑌧𑌵𑌳 𑌚𑍍𑌛𑌾𑌯𑍈𑌰𑍍𑌮𑍁𑌖𑍈 𑌸𑍍𑌤𑍍𑌰𑍀𑌕𑍍𑌷𑌣𑍈𑌃
𑌯𑍁𑌕𑍍𑌤𑌾𑌮𑌿𑌂𑌦𑍁 𑌨𑌿𑌬𑌦𑍍𑌧 𑌰𑌤𑍍𑌨 𑌮𑌕𑍁𑌟𑌾𑌂 𑌤𑌤𑍍𑌵𑌾𑌰𑍍𑌧 𑌵𑌰𑍍𑌣𑌾𑌤𑍍𑌮𑌿𑌕𑌾𑌮𑍍 ।
𑌗𑌾𑌯𑌤𑍍𑌤𑍍𑌰𑍀𑌂 𑌵𑌰𑌦𑌾𑌭𑌯𑌾𑌂 𑌕𑍁𑌶𑌕𑌶𑌾𑌶𑍍𑌶𑍁𑌭𑍍𑌰𑌂 𑌕𑌪𑌾𑌲𑌂 𑌗𑌦𑌾𑌂
𑌶𑌂𑌖𑌂 𑌚𑌕𑍍𑌰 𑌮𑌥𑌾𑌰𑌵𑌿𑌂𑌦 𑌯𑍁𑌗𑌳𑌂 𑌹𑌸𑍍𑌤𑍈𑌰𑍍𑌵𑌹𑌂𑌤𑍀𑌂 𑌭𑌜𑍇 ॥
𑌗𑌾𑌯𑌤𑍍𑌤𑍍𑌰𑍀 𑌪𑍂𑌰𑍍𑌵𑌤𑌃 𑌪𑌾𑌤𑍁 𑌸𑌾𑌵𑌿𑌤𑍍𑌰𑍀 𑌪𑌾𑌤𑍁 𑌦𑌕𑍍𑌷𑌿𑌣𑍇
𑌬𑍍𑌰𑌹𑍍𑌮 𑌸𑌂𑌧𑍍𑌯𑌾𑌤𑍁 𑌮𑍇 𑌪𑌶𑍍𑌚𑌾𑌦𑍁𑌤𑍍𑌤𑌰𑌾𑌯𑌾𑌂 𑌸𑌰𑌸𑍍𑌵𑌤𑍀
𑌪𑌾𑌰𑍍𑌵𑌤𑍀 𑌮𑍇 𑌦𑌿𑌶𑌂 𑌰𑌾𑌕𑍍𑌷𑍇 𑌤𑍍𑌪𑌾𑌵𑌕𑍀𑌂 𑌜𑌲𑌶𑌾𑌯𑌿𑌨𑍀
𑌯𑌾𑌤𑍂𑌧𑌾𑌨𑍀𑌂 𑌦𑌿𑌶𑌂 𑌰𑌕𑍍𑌷𑍇 𑌦𑍍𑌯𑌾𑌤𑍁𑌧𑌾𑌨𑌭𑌯𑌂𑌕𑌰𑍀
𑌪𑌾𑌵𑌮𑌾𑌨𑍀𑌂 𑌦𑌿𑌶𑌂 𑌰𑌕𑍍𑌷𑍇𑌤𑍍𑌪𑌵𑌮𑌾𑌨 𑌵𑌿𑌲𑌾𑌸𑌿𑌨𑍀
𑌦𑌿𑌶𑌂 𑌰𑍌𑌦𑍍𑌰𑍀𑌂𑌚 𑌮𑍇 𑌪𑌾𑌤𑍁 𑌰𑍁𑌦𑍍𑌰𑌾𑌣𑍀 𑌰𑍁𑌦𑍍𑌰 𑌰𑍂𑌪𑌿𑌣𑍀
𑌊𑌰𑍍𑌧𑍍𑌵𑌂 𑌬𑍍𑌰𑌹𑍍𑌮𑌾𑌣𑍀 𑌮𑍇 𑌰𑌕𑍍𑌷𑍇 𑌦𑌧𑌸𑍍𑌤𑌾 𑌦𑍍𑌵𑍈𑌷𑍍𑌣𑌵𑍀 𑌤𑌥𑌾
𑌏𑌵𑌂 𑌦𑌶 𑌦𑌿𑌶𑍋 𑌰𑌕𑍍𑌷𑍇 𑌤𑍍𑌸𑌰𑍍𑌵𑌾𑌂𑌗𑌂 𑌭𑍁𑌵𑌨𑍇𑌶𑍍𑌵𑌰𑍀
𑌤𑌤𑍍𑌪𑌦𑌂 𑌪𑌾𑌤𑍁 𑌮𑍇 𑌪𑌾𑌦𑍌 𑌜𑌂𑌘𑍇 𑌮𑍇 𑌸𑌵𑌿𑌤𑍁𑌃𑌪𑌦𑌮𑍍
𑌵𑌰𑍇𑌣𑍍𑌯𑌂 𑌕𑌟𑌿 𑌦𑍇𑌶𑍇𑌤𑍁 𑌨𑌾𑌭𑌿𑌂 𑌭𑌰𑍍𑌗 𑌸𑍍𑌤𑌥𑍈𑌵𑌚
𑌦𑍇𑌵𑌸𑍍𑌯 𑌮𑍇 𑌤𑌦𑍍𑌧𑍃𑌦𑌯𑌂 𑌧𑍀𑌮𑌹𑍀𑌤𑌿 𑌚 𑌗𑌲𑍍𑌲𑌯𑍋𑌃
𑌧𑌿𑌯𑌃 𑌪𑌦𑌂 𑌚 𑌮𑍇 𑌨𑍇𑌤𑍍𑌰𑍇 𑌯𑌃 𑌪𑌦𑌂 𑌮𑍇 𑌲𑌲𑌾𑌟𑌕𑌮𑍍
𑌨𑌃 𑌪𑌦𑌂 𑌪𑌾𑌤𑍁 𑌮𑍇 𑌮𑍂𑌰𑍍𑌧𑍍𑌨𑌿 𑌶𑌿𑌖𑌾𑌯𑌾𑌂 𑌮𑍇 𑌪𑍍𑌰𑌚𑍋𑌦𑌯𑌾𑌤𑍍
𑌤𑌤𑍍𑌪𑌦𑌂 𑌪𑌾𑌤𑍁 𑌮𑍂𑌰𑍍𑌧𑌾𑌨𑌂 𑌸𑌕𑌾𑌰𑌃 𑌪𑌾𑌤𑍁 𑌫𑌾𑌲𑌕𑌮𑍍
𑌚𑌕𑍍𑌷𑍁𑌷𑍀𑌤𑍁 𑌵𑌿𑌕𑌾𑌰𑌾𑌰𑍍𑌣𑍋 𑌤𑍁𑌕𑌾𑌰𑌸𑍍𑌤𑍁 𑌕𑌪𑍋𑌲𑌯𑍋𑌃
𑌨𑌾𑌸𑌾𑌪𑍁𑌟𑌂 𑌵𑌕𑌾𑌰𑌾𑌰𑍍𑌣𑍋 𑌰𑌕𑌾𑌰𑌸𑍍𑌤𑍁 𑌮𑍁𑌖𑍇 𑌤𑌥𑌾
𑌣𑌿𑌕𑌾𑌰 𑌊𑌰𑍍𑌧𑍍𑌵 𑌮𑍋𑌷𑍍𑌠𑌂𑌤𑍁 𑌯𑌕𑌾𑌰𑌸𑍍𑌤𑍍𑌵𑌧𑌰𑍋𑌷𑍍𑌠𑌕𑌮𑍍
𑌆𑌸𑍍𑌯𑌮𑌧𑍍𑌯𑍇 𑌭𑌕𑌾𑌰𑌾𑌰𑍍𑌣𑍋 𑌗𑍋𑌕𑌾𑌰 𑌶𑍍𑌚𑍁𑌬𑍁𑌕𑍇 𑌤𑌥𑌾
𑌦𑍇𑌕𑌾𑌰𑌃 𑌕𑌂𑌠 𑌦𑍇𑌶𑍇𑌤𑍁 𑌵𑌕𑌾𑌰 𑌸𑍍𑌸𑍍𑌕𑌂𑌧 𑌦𑍇𑌶𑌕𑌮𑍍
𑌸𑍍𑌯𑌕𑌾𑌰𑍋 𑌦𑌕𑍍𑌷𑌿𑌣𑌂 𑌹𑌸𑍍𑌤𑌂 𑌧𑍀𑌕𑌾𑌰𑍋 𑌵𑌾𑌮 𑌹𑌸𑍍𑌤𑌕𑌮𑍍
𑌮𑌕𑌾𑌰𑍋 𑌹𑍃𑌦𑌯𑌂 𑌰𑌕𑍍𑌷𑍇𑌦𑍍𑌧𑌿𑌕𑌾𑌰 𑌉𑌦𑌰𑍇 𑌤𑌥𑌾
𑌧𑌿𑌕𑌾𑌰𑍋 𑌨𑌾𑌭𑌿 𑌦𑍇𑌶𑍇𑌤𑍁 𑌯𑍋𑌕𑌾𑌰𑌸𑍍𑌤𑍁 𑌕𑌟𑌿𑌂 𑌤𑌥𑌾
𑌗𑍁𑌹𑍍𑌯𑌂 𑌰𑌕𑍍𑌷𑌤𑍁 𑌯𑍋𑌕𑌾𑌰 𑌊𑌰𑍂 𑌦𑍍𑌵𑍌 𑌨𑌃 𑌪𑌦𑌾𑌕𑍍𑌷𑌰𑌮𑍍
𑌪𑍍𑌰𑌕𑌾𑌰𑍋 𑌜𑌾𑌨𑍁𑌨𑍀 𑌰𑌕𑍍𑌷𑍇 𑌚𑍍𑌛𑍋𑌕𑌾𑌰𑍋 𑌜𑌂𑌘 𑌦𑍇𑌶𑌕𑌮𑍍
𑌦𑌕𑌾𑌰𑌂 𑌗𑍁𑌲𑍍𑌫 𑌦𑍇𑌶𑍇𑌤𑍁 𑌯𑌾𑌕𑌾𑌰𑌃 𑌪𑌦𑌯𑍁𑌗𑍍𑌮𑌕𑌮𑍍
𑌤𑌕𑌾𑌰 𑌵𑍍𑌯𑌂𑌜𑌨𑌂 𑌚𑍈𑌵 𑌸𑌰𑍍𑌵𑌾𑌂𑌗𑍇 𑌮𑍇 𑌸𑌦𑌾𑌵𑌤𑍁
𑌇𑌦𑌂𑌤𑍁 𑌕𑌵𑌚𑌂 𑌦𑌿𑌵𑍍𑌯𑌂 𑌬𑌾𑌧𑌾 𑌶𑌤 𑌵𑌿𑌨𑌾𑌶𑌨𑌮𑍍
𑌚𑌤𑍁𑌷𑍍𑌷𑌷𑍍𑌟𑌿 𑌕𑌳𑌾 𑌵𑌿𑌦𑍍𑌯𑌾𑌦𑌾𑌯𑌕𑌂 𑌮𑍋𑌕𑍍𑌷𑌕𑌾𑌰𑌕𑌮𑍍
𑌮𑍁𑌚𑍍𑌯𑌤𑍇 𑌸𑌰𑍍𑌵 𑌪𑌾𑌪𑍇𑌭𑍍𑌯𑌃 𑌪𑌰𑌂 𑌬𑍍𑌰𑌹𑍍𑌮𑌾𑌧𑌿𑌗𑌚𑍍𑌛𑌤𑌿
𑌪𑌠𑌨𑌾 𑌚𑍍𑌛𑍍𑌰𑌵𑌣𑌾 𑌦𑍍𑌵𑌾𑌪𑌿 𑌗𑍋 𑌸𑌹𑌸𑍍𑌰 𑌫𑌲𑌂 𑌲𑌭𑍇𑌤𑍍
𑌶𑍍𑌰𑍀 𑌦𑍇𑌵𑍀𑌭𑌾𑌗𑌵𑌤𑌾𑌂𑌤𑌰𑍍𑌗𑌤 𑌗𑌾𑌯𑌤𑍍𑌤𑍍𑌰𑍀 𑌕𑌵𑌚𑌂 𑌸𑌂𑌪𑍂𑌰𑍍𑌣𑌂
