(𑌋𑌗𑍍𑌵𑍇𑌦 - 10.03𑍭)

𑌨𑌮𑍋॑ 𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯॒ 𑌚𑌕𑍍𑌷॑𑌸𑍇 𑌮॒𑌹𑍋 𑌦𑍇॒𑌵𑌾𑌯॒ 𑌤𑌦𑍃॒𑌤𑌂 𑌸॑𑌪𑌰𑍍𑌯𑌤 ।
𑌦𑍂॒𑌰𑍇॒𑌦𑍃𑌶𑍇॑ 𑌦𑍇॒𑌵𑌜𑌾॑𑌤𑌾𑌯 𑌕𑍇॒𑌤𑌵𑍇॑ 𑌦𑌿॒𑌵𑌸𑍍𑌪𑍁॒𑌤𑍍𑌰𑌾𑌯॒ 𑌸𑍂॒𑌰𑍍𑌯𑌾॑𑌯 𑌶𑌂𑌸𑌤 ॥ 1

𑌸𑌾 𑌮𑌾॑ 𑌸॒𑌤𑍍𑌯𑍋𑌕𑍍𑌤𑌿𑌃॒ 𑌪𑌰𑌿॑ 𑌪𑌾𑌤𑍁 𑌵𑌿॒𑌶𑍍𑌵𑌤𑍋॒ 𑌦𑍍𑌯𑌾𑌵𑌾॑ 𑌚॒ 𑌯𑌤𑍍𑌰॑ 𑌤॒𑌤𑌨॒𑌨𑍍𑌨𑌹𑌾॑𑌨𑌿 𑌚 ।
𑌵𑌿𑌶𑍍𑌵॑𑌮॒𑌨𑍍𑌯𑌨𑍍𑌨𑌿 𑌵𑌿॑𑌶𑌤𑍇॒ 𑌯𑌦𑍇𑌜॑𑌤𑌿 𑌵𑌿॒𑌶𑍍𑌵𑌾𑌹𑌾𑌪𑍋॑ 𑌵𑌿॒𑌶𑍍𑌵𑌾𑌹𑍋𑌦𑍇॑𑌤𑌿॒ 𑌸𑍂𑌰𑍍𑌯𑌃॑ ॥ 2

𑌨 𑌤𑍇॒ 𑌅𑌦𑍇॑𑌵𑌃 𑌪𑍍𑌰॒𑌦𑌿𑌵𑍋॒ 𑌨𑌿 𑌵𑌾॑𑌸𑌤𑍇॒ 𑌯𑌦𑍇॑𑌤॒𑌶𑍇𑌭𑌿𑌃॑ 𑌪𑌤॒𑌰𑍈 𑌰॑𑌥॒𑌰𑍍𑌯𑌸𑌿॑ ।
𑌪𑍍𑌰𑌾॒𑌚𑍀𑌨॑𑌮॒𑌨𑍍𑌯𑌦𑌨𑍁॑ 𑌵𑌰𑍍𑌤𑌤𑍇॒ 𑌰𑌜॒ 𑌉𑌦॒𑌨𑍍𑌯𑍇𑌨॒ 𑌜𑍍𑌯𑌾𑌤𑌿॑𑌷𑌾 𑌯𑌾𑌸𑌿 𑌸𑍂𑌰𑍍𑌯 ॥ 3

𑌯𑍇𑌨॑ 𑌸𑍂𑌰𑍍𑌯॒ 𑌜𑍍𑌯𑍋𑌤𑌿॑𑌷𑌾॒ 𑌬𑌾𑌧॑𑌸𑍇॒ 𑌤𑌮𑍋॒ 𑌜𑌗॑𑌚𑍍𑌚॒ 𑌵𑌿𑌶𑍍𑌵॑𑌮𑍁𑌦𑌿॒𑌯𑌰𑍍​𑌷𑌿॑ 𑌭𑌾॒𑌨𑍁𑌨𑌾॑ ।
𑌤𑍇𑌨𑌾॒𑌸𑍍𑌮𑌦𑍍𑌵𑌿𑌶𑍍𑌵𑌾॒𑌮𑌨𑌿॑𑌰𑌾॒𑌮𑌨𑌾॑𑌹𑍁𑌤𑌿॒𑌮𑌪𑌾𑌮𑍀॑𑌵𑌾॒𑌮𑌪॑ 𑌦𑍁॒𑌷𑍍𑌷𑍍𑌵𑌪𑍍𑌨𑍍𑌯𑌂॑ 𑌸𑍁𑌵 ॥ 4

𑌵𑌿𑌶𑍍𑌵॑𑌸𑍍𑌯॒ 𑌹𑌿 𑌪𑍍𑌰𑍇𑌷𑌿॑𑌤𑍋॒ 𑌰𑌕𑍍𑌷॑𑌸𑌿 𑌵𑍍𑌰॒𑌤𑌮𑌹𑍇॑𑌳𑌯𑌨𑍍𑌨𑍁॒𑌚𑍍𑌚𑌰॑𑌸𑌿 𑌸𑍍𑌵॒𑌧𑌾 𑌅𑌨𑍁॑ ।
𑌯𑌦॒𑌦𑍍𑌯 𑌤𑍍𑌵𑌾॑ 𑌸𑍂𑌰𑍍𑌯𑍋𑌪॒𑌬𑍍𑌰𑌵𑌾॑𑌮𑌹𑍈॒ 𑌤𑌂 𑌨𑍋॑ 𑌦𑍇॒𑌵𑌾 𑌅𑌨𑍁॑ 𑌮𑌂𑌸𑍀𑌰𑌤॒ 𑌕𑍍𑌰𑌤𑍁॑𑌮𑍍 ॥ 5

𑌤𑌂 𑌨𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌤𑌨𑍍𑌨॒ 𑌆𑌪॒ 𑌇𑌂𑌦𑍍𑌰𑌃॑ 𑌶𑍃𑌣𑍍𑌵𑌂𑌤𑍁 𑌮॒𑌰𑍁𑌤𑍋॒ 𑌹𑌵𑌂॒-𑌵𑌁𑌚𑌃॑ ।
𑌮𑌾 𑌶𑍂𑌨𑍇॑ 𑌭𑍂𑌮॒ 𑌸𑍂𑌰𑍍𑌯॑𑌸𑍍𑌯 𑌸𑌂॒𑌦𑍃𑌶𑌿॑ 𑌭॒𑌦𑍍𑌰𑌂 𑌜𑍀𑌵𑌂॑𑌤𑍋 𑌜𑌰॒𑌣𑌾𑌮॑𑌶𑍀𑌮𑌹𑌿 ॥ 6

𑌵𑌿॒𑌶𑍍𑌵𑌾𑌹𑌾॑ 𑌤𑍍𑌵𑌾 𑌸𑍁॒𑌮𑌨॑𑌸𑌃 𑌸𑍁॒𑌚𑌕𑍍𑌷॑𑌸𑌃 𑌪𑍍𑌰॒𑌜𑌾𑌵𑌂॑𑌤𑍋 𑌅𑌨𑌮𑍀॒𑌵𑌾 𑌅𑌨𑌾॑𑌗𑌸𑌃 ।
𑌉॒𑌦𑍍𑌯𑌂𑌤𑌂॑ 𑌤𑍍𑌵𑌾 𑌮𑌿𑌤𑍍𑌰𑌮𑌹𑍋 𑌦𑌿॒𑌵𑍇𑌦𑌿॑𑌵𑍇॒ 𑌜𑍍𑌯𑍋𑌗𑍍𑌜𑍀॒𑌵𑌾𑌃 𑌪𑍍𑌰𑌤𑌿॑ 𑌪𑌶𑍍𑌯𑍇𑌮 𑌸𑍂𑌰𑍍𑌯 ॥ 𑍭

𑌮𑌹𑌿॒ 𑌜𑍍𑌯𑍋𑌤𑌿॒𑌰𑍍𑌬𑌿𑌭𑍍𑌰॑𑌤𑌂 𑌤𑍍𑌵𑌾 𑌵𑌿𑌚𑌕𑍍𑌷𑌣॒ 𑌭𑌾𑌸𑍍𑌵𑌂॑𑌤𑌂॒ 𑌚𑌕𑍍𑌷𑍁॑𑌷𑍇𑌚𑌕𑍍𑌷𑍁𑌷𑍇॒ 𑌮𑌯𑌃॑ ।
𑌆॒𑌰𑍋𑌹𑌂॑𑌤𑌂 𑌬𑍃𑌹॒𑌤𑌃 𑌪𑌾𑌜॑𑌸॒𑌸𑍍𑌪𑌰𑌿॑ 𑌵॒𑌯𑌂 𑌜𑍀॒𑌵𑌾𑌃 𑌪𑍍𑌰𑌤𑌿॑ 𑌪𑌶𑍍𑌯𑍇𑌮 𑌸𑍂𑌰𑍍𑌯 ॥ 𑍮

𑌯𑌸𑍍𑌯॑ 𑌤𑍇॒ 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌕𑍇॒𑌤𑍁𑌨𑌾॒ 𑌪𑍍𑌰 𑌚𑍇𑌰॑𑌤𑍇॒ 𑌨𑌿 𑌚॑ 𑌵𑌿॒𑌶𑌂𑌤𑍇॑ 𑌅॒𑌕𑍍𑌤𑍁𑌭𑌿𑌃॑ ।
𑌅॒𑌨𑌾॒𑌗𑌾॒𑌸𑍍𑌤𑍍𑌵𑍇𑌨॑ 𑌹𑌰𑌿𑌕𑍇𑌶 𑌸𑍂॒𑌰𑍍𑌯𑌾𑌹𑍍𑌨𑌾॑𑌹𑍍𑌨𑌾 𑌨𑍋॒ 𑌵𑌸𑍍𑌯॑𑌸𑌾𑌵𑌸𑍍𑌯॒𑌸𑍋𑌦𑌿॑𑌹𑌿 ॥ 𑍯

𑌶𑌂 𑌨𑍋॑ 𑌭𑌵॒ 𑌚𑌕𑍍𑌷॑𑌸𑌾॒ 𑌶𑌂 𑌨𑍋॒ 𑌅𑌹𑍍𑌨𑌾॒ 𑌶𑌂 𑌭𑌾॒𑌨𑍁𑌨𑌾॒ 𑌶𑌂 𑌹𑌿॒𑌮𑌾 𑌶𑌂 𑌘𑍃𑌣𑍇𑌨॑ ।
𑌯𑌥𑌾॒ 𑌶𑌮𑌧𑍍𑌵𑌂॒𑌛𑌮𑌸॑𑌦𑍍𑌦𑍁𑌰𑍋॒𑌣𑍇 𑌤𑌤𑍍𑌸𑍂॑𑌰𑍍𑌯॒ 𑌦𑍍𑌰𑌵𑌿॑𑌣𑌂 𑌧𑍇𑌹𑌿 𑌚𑌿॒𑌤𑍍𑌰𑌮𑍍 ॥ 10

𑌅॒𑌸𑍍𑌮𑌾𑌕𑌂॑ 𑌦𑍇𑌵𑌾 𑌉॒𑌭𑌯𑌾॑𑌯॒ 𑌜𑌨𑍍𑌮॑𑌨𑍇॒ 𑌶𑌰𑍍𑌮॑ 𑌯𑌚𑍍𑌛𑌤 𑌦𑍍𑌵𑌿॒𑌪𑌦𑍇॒ 𑌚𑌤𑍁॑𑌷𑍍𑌪𑌦𑍇 ।
𑌅॒𑌦𑌤𑍍𑌪𑌿𑌬॑𑌦𑍂॒𑌰𑍍𑌜𑌯॑𑌮𑌾𑌨॒𑌮𑌾𑌶𑌿॑𑌤𑌂॒ 𑌤𑌦॒𑌸𑍍𑌮𑍇 𑌶𑌂-𑌯𑍋𑌁𑌰॑𑌰॒𑌪𑍋 𑌦॑𑌧𑌾𑌤𑌨 ॥ 11

𑌯𑌦𑍍𑌵𑍋॑ 𑌦𑍇𑌵𑌾𑌶𑍍𑌚𑌕𑍃॒𑌮 𑌜𑌿॒𑌹𑍍𑌵𑌯𑌾॑ 𑌗𑍁॒𑌰𑍁 𑌮𑌨॑𑌸𑍋 𑌵𑌾॒ 𑌪𑍍𑌰𑌯𑍁॑𑌤𑍀 𑌦𑍇𑌵॒𑌹𑍇𑌳॑𑌨𑌮𑍍 ।
𑌅𑌰𑌾॑𑌵𑌾॒ 𑌯𑍋 𑌨𑍋॑ 𑌅॒𑌭𑌿 𑌦𑍁॑𑌚𑍍𑌛𑍁𑌨𑌾॒𑌯𑌤𑍇॒ 𑌤𑌸𑍍𑌮𑌿𑌂॒𑌤𑌦𑍇𑌨𑍋॑ 𑌵𑌸𑌵𑍋॒ 𑌨𑌿 𑌧𑍇॑𑌤𑌨 ॥ 12

𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ।