𑌨𑌾𑌰𑌦 𑌉𑌵𑌾𑌚 –
𑌭𑌗𑌵𑌨𑍍𑌸𑌰𑍍𑌵𑌧𑌰𑍍𑌮𑌜𑍍𑌞 𑌸𑌰𑍍𑌵𑌶𑌾𑌸𑍍𑌤𑍍𑌰𑌵𑌿𑌶𑌾𑌰𑌦 ।
𑌶𑍍𑌰𑍁𑌤𑌿𑌸𑍍𑌮𑍃𑌤𑌿𑌪𑍁𑌰𑌾𑌣𑌾𑌨𑌾𑌂 𑌰𑌹𑌸𑍍𑌯𑌂 𑌤𑍍𑌵𑌨𑍍𑌮𑍁𑌖𑌾𑌚𑍍𑌛𑍍𑌰𑍁𑌤𑌮𑍍 ॥ 1 ॥

𑌸𑌰𑍍𑌵𑌪𑌾𑌪𑌹𑌰𑌂 𑌦𑍇𑌵 𑌯𑍇𑌨 𑌵𑌿𑌦𑍍𑌯𑌾 𑌪𑍍𑌰𑌵𑌰𑍍𑌤𑌤𑍇 ।
𑌕𑍇𑌨 𑌵𑌾 𑌬𑍍𑌰𑌹𑍍𑌮𑌵𑌿𑌜𑍍𑌞𑌾𑌨𑌂 𑌕𑌿𑌂 𑌨𑍁 𑌵𑌾 𑌮𑍋𑌕𑍍𑌷𑌸𑌾𑌧𑌨𑌮𑍍 ॥ 2 ॥

𑌬𑍍𑌰𑌾𑌹𑍍𑌮𑌣𑌾𑌨𑌾𑌂 𑌗𑌤𑌿𑌃 𑌕𑍇𑌨 𑌕𑍇𑌨 𑌵𑌾 𑌮𑍃𑌤𑍍𑌯𑍁 𑌨𑌾𑌶𑌨𑌮𑍍 ।
𑌐𑌹𑌿𑌕𑌾𑌮𑍁𑌷𑍍𑌮𑌿𑌕𑌫𑌲𑌂 𑌕𑍇𑌨 𑌵𑌾 𑌪𑌦𑍍𑌮𑌲𑍋𑌚𑌨 ॥ 3 ॥

𑌵𑌕𑍍𑌤𑍁𑌮𑌰𑍍𑌹𑌸𑍍𑌯𑌶𑍇𑌷𑍇𑌣 𑌸𑌰𑍍𑌵𑍇 𑌨𑌿𑌖𑌿𑌲𑌮𑌾𑌦𑌿𑌤𑌃 ।
𑌶𑍍𑌰𑍀𑌨𑌾𑌰𑌾𑌯𑌣 𑌉𑌵𑌾𑌚 –
𑌸𑌾𑌧𑍁 𑌸𑌾𑌧𑍁 𑌮𑌹𑌾𑌪𑍍𑌰𑌾𑌜𑍍𑌞 𑌸𑌮𑍍𑌯𑌕𑍍 𑌪𑍃𑌷𑍍𑌟𑌂 𑌤𑍍𑌵𑌯𑌾𑌽𑌨𑌘 ॥ 4 ॥

𑌶𑍃𑌣𑍁 𑌵𑌕𑍍𑌷𑍍𑌯𑌾𑌮𑌿 𑌯𑌤𑍍𑌨𑍇𑌨 𑌗𑌾𑌯𑌤𑍍𑌰𑍍𑌯𑌷𑍍𑌟𑌸𑌹𑌸𑍍𑌰𑌕𑌮𑍍 ।
𑌨𑌾𑌮𑍍𑌨𑌾𑌂 𑌶𑍁𑌭𑌾𑌨𑌾𑌂 𑌦𑌿𑌵𑍍𑌯𑌾𑌨𑌾𑌂 𑌸𑌰𑍍𑌵𑌪𑌾𑌪𑌵𑌿𑌨𑌾𑌶𑌨𑌮𑍍 ॥ 5 ॥

𑌸𑍃𑌷𑍍𑌟𑍍𑌯𑌾𑌦𑍌 𑌯𑌦𑍍𑌭𑌗𑌵𑌤𑌾 𑌪𑍂𑌰𑍍𑌵𑍇 𑌪𑍍𑌰𑍋𑌕𑍍𑌤𑌂 𑌬𑍍𑌰𑌵𑍀𑌮𑌿 𑌤𑍇 ।
𑌅𑌷𑍍𑌟𑍋𑌤𑍍𑌤𑌰𑌸𑌹𑌸𑍍𑌰𑌸𑍍𑌯 𑌋𑌷𑌿𑌰𑍍𑌬𑍍𑌰𑌹𑍍𑌮𑌾 𑌪𑍍𑌰𑌕𑍀𑌰𑍍𑌤𑌿𑌤𑌃 ॥ 6 ॥

𑌛𑌂𑌦𑍋𑌽𑌨𑍁𑌷𑍍𑌟𑍁𑌪𑍍𑌤𑌥𑌾 𑌦𑍇𑌵𑍀 𑌗𑌾𑌯𑌤𑍍𑌰𑍀𑌂 𑌦𑍇𑌵𑌤𑌾 𑌸𑍍𑌮𑍃𑌤𑌾 ।
𑌹𑌲𑍋𑌬𑍀𑌜𑌾𑌨𑌿 𑌤𑌸𑍍𑌯𑍈𑌵 𑌸𑍍𑌵𑌰𑌾𑌃 𑌶𑌕𑍍𑌤𑌯 𑌈𑌰𑌿𑌤𑌾𑌃 ॥ 𑍭 ॥

𑌅𑌂𑌗𑌨𑍍𑌯𑌾𑌸𑌕𑌰𑌨𑍍𑌯𑌾𑌸𑌾𑌵𑍁𑌚𑍍𑌯𑍇𑌤𑍇 𑌮𑌾𑌤𑍃𑌕𑌾𑌕𑍍𑌷𑌰𑍈𑌃 ।
𑌅𑌥 𑌧𑍍𑌯𑌾𑌨𑌂 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌸𑌾𑌧𑌕𑌾𑌨𑌾𑌂 𑌹𑌿𑌤𑌾𑌯 𑌵𑍈 ॥ 𑍮 ॥

𑌧𑍍𑌯𑌾𑌨𑌮𑍍
𑌰𑌕𑍍𑌤𑌶𑍍𑌵𑍇𑌤𑌹𑌿𑌰𑌣𑍍𑌯𑌨𑍀𑌲𑌧𑌵𑌲𑍈𑌰𑍍𑌯𑍁𑌕𑍍𑌤𑌾𑌂 𑌤𑍍𑌰𑌿𑌨𑍀𑌤𑍍𑌰𑍋𑌜𑍍𑌜𑍍𑌵𑌲𑌾𑌂
𑌰𑌕𑍍𑌤𑌾𑌂 𑌰𑌕𑍍𑌤𑌨𑌵𑌸𑍍𑌰𑌜𑌂 𑌮𑌣𑌿𑌗𑌣𑍈𑌰𑍍𑌯𑍁𑌕𑍍𑌤𑌾𑌂 𑌕𑍁𑌮𑌾𑌰𑍀𑌮𑌿𑌮𑌾𑌮𑍍 ।
𑌗𑌾𑌯𑌤𑍍𑌰𑍀𑌂 𑌕𑌮𑌲𑌾𑌸𑌨𑌾𑌂 𑌕𑌰𑌤𑌲𑌵𑍍𑌯𑌾𑌨𑌦𑍍𑌧𑌕𑍁𑌂𑌡𑌾𑌂𑌬𑍁𑌜𑌾𑌂
𑌪𑌦𑍍𑌮𑌾𑌕𑍍𑌷𑍀𑌂 𑌚 𑌵𑌰𑌸𑍍𑌰𑌜𑌂 𑌚 𑌦𑌧𑌤𑍀𑌂 𑌹𑌂𑌸𑌾𑌧𑌿𑌰𑍂𑌢𑌾𑌂 𑌭𑌜𑍇 ॥ 𑍯 ॥

𑌅𑌚𑌿𑌂𑌤𑍍𑌯𑌲𑌕𑍍𑌷𑌣𑌾𑌵𑍍𑌯𑌕𑍍𑌤𑌾𑌪𑍍𑌯𑌰𑍍𑌥𑌮𑌾𑌤𑍃𑌮𑌹𑍇𑌶𑍍𑌵𑌰𑍀 ।
𑌅𑌮𑍃𑌤𑌾𑌰𑍍𑌣𑌵𑌮𑌧𑍍𑌯𑌸𑍍𑌥𑌾𑌪𑍍𑌯𑌜𑌿𑌤𑌾 𑌚𑌾𑌪𑌰𑌾𑌜𑌿𑌤𑌾 ॥ 10 ॥

𑌅𑌣𑌿𑌮𑌾𑌦𑌿𑌗𑍁𑌣𑌾𑌧𑌾𑌰𑌾𑌪𑍍𑌯𑌰𑍍𑌕𑌮𑌂𑌡𑌲𑌸𑌂𑌸𑍍𑌥𑌿𑌤𑌾 ।
𑌅𑌜𑌰𑌾𑌜𑌾𑌪𑌰𑌾𑌧𑌰𑍍𑌮𑌾 𑌅𑌕𑍍𑌷𑌸𑍂𑌤𑍍𑌰𑌧𑌰𑌾𑌧𑌰𑌾 ॥ 11 ॥

𑌅𑌕𑌾𑌰𑌾𑌦𑌿𑌕𑍍𑌷𑌕𑌾𑌰𑌾𑌂𑌤𑌾𑌪𑍍𑌯𑌰𑌿𑌷𑌡𑍍𑌵𑌰𑍍𑌗𑌭𑍇𑌦𑌿𑌨𑍀 ।
𑌅𑌂𑌜𑌨𑌾𑌦𑍍𑌰𑌿𑌪𑍍𑌰𑌤𑍀𑌕𑌾𑌶𑌾𑌪𑍍𑌯𑌂𑌜𑌨𑌾𑌦𑍍𑌰𑌿𑌨𑌿𑌵𑌾𑌸𑌿𑌨𑍀 ॥ 12 ॥

𑌅𑌦𑌿𑌤𑌿𑌶𑍍𑌚𑌾𑌜𑌪𑌾𑌵𑌿𑌦𑍍𑌯𑌾𑌪𑍍𑌯𑌰𑌵𑌿𑌂𑌦𑌨𑌿𑌭𑍇𑌕𑍍𑌷𑌣𑌾 ।
𑌅𑌂𑌤𑌰𑍍𑌬𑌹𑌿𑌃𑌸𑍍𑌥𑌿𑌤𑌾𑌵𑌿𑌦𑍍𑌯𑌾𑌧𑍍𑌵𑌂𑌸𑌿𑌨𑍀 𑌚𑌾𑌂𑌤𑌰𑌾𑌤𑍍𑌮𑌿𑌕𑌾 ॥ 13 ॥

𑌅𑌜𑌾 𑌚𑌾𑌜𑌮𑍁𑌖𑌾𑌵𑌾𑌸𑌾𑌪𑍍𑌯𑌰𑌵𑌿𑌂𑌦𑌨𑌿𑌭𑌾𑌨𑌨𑌾 ।
𑌅𑌰𑍍𑌧𑌮𑌾𑌤𑍍𑌰𑌾𑌰𑍍𑌥𑌦𑌾𑌨𑌜𑍍𑌞𑌾𑌪𑍍𑌯𑌰𑌿𑌮𑌂𑌡𑌲𑌮𑌰𑍍𑌦𑌿𑌨𑍀 ॥ 14 ॥

𑌅𑌸𑍁𑌰𑌘𑍍𑌨𑍀 𑌹𑍍𑌯𑌮𑌾𑌵𑌾𑌸𑍍𑌯𑌾𑌪𑍍𑌯𑌲𑌕𑍍𑌷𑍍𑌮𑍀𑌘𑍍𑌨𑍍𑌯𑌂𑌤𑍍𑌯𑌜𑌾𑌰𑍍𑌚𑌿𑌤𑌾 ।
𑌆𑌦𑌿𑌲𑌕𑍍𑌷𑍍𑌮𑍀𑌶𑍍𑌚𑌾𑌦𑌿𑌶𑌕𑍍𑌤𑌿𑌰𑌾𑌕𑍃𑌤𑌿𑌶𑍍𑌚𑌾𑌯𑌤𑌾𑌨𑌨𑌾 ॥ 15 ॥

𑌆𑌦𑌿𑌤𑍍𑌯𑌪𑌦𑌵𑍀𑌚𑌾𑌰𑌾𑌪𑍍𑌯𑌾𑌦𑌿𑌤𑍍𑌯𑌪𑌰𑌿𑌸𑍇𑌵𑌿𑌤𑌾 ।
𑌆𑌚𑌾𑌰𑍍𑌯𑌾𑌵𑌰𑍍𑌤𑌨𑌾𑌚𑌾𑌰𑌾𑌪𑍍𑌯𑌾𑌦𑌿𑌮𑍂𑌰𑍍𑌤𑌿𑌨𑌿𑌵𑌾𑌸𑌿𑌨𑍀 ॥ 16 ॥

𑌆𑌗𑍍𑌨𑍇𑌯𑍀 𑌚𑌾𑌮𑌰𑍀 𑌚𑌾𑌦𑍍𑌯𑌾 𑌚𑌾𑌰𑌾𑌧𑍍𑌯𑌾 𑌚𑌾𑌸𑌨𑌸𑍍𑌥𑌿𑌤𑌾 ।
𑌆𑌧𑌾𑌰𑌨𑌿𑌲𑌯𑌾𑌧𑌾𑌰𑌾 𑌚𑌾𑌕𑌾𑌶𑌾𑌂𑌤𑌨𑌿𑌵𑌾𑌸𑌿𑌨𑍀 ॥ 1𑍭 ॥

𑌆𑌦𑍍𑌯𑌾𑌕𑍍𑌷𑌰𑌸𑌮𑌾𑌯𑍁𑌕𑍍𑌤𑌾 𑌚𑌾𑌂𑌤𑌰𑌾𑌕𑌾𑌶𑌰𑍂𑌪𑌿𑌣𑍀 ।
𑌆𑌦𑌿𑌤𑍍𑌯𑌮𑌂𑌡𑌲𑌗𑌤𑌾 𑌚𑌾𑌂𑌤𑌰𑌧𑍍𑌵𑌾𑌂𑌤𑌨𑌾𑌶𑌿𑌨𑍀 ॥ 1𑍮 ॥

𑌇𑌂𑌦𑌿𑌰𑌾 𑌚𑍇𑌷𑍍𑌟𑌦𑌾 𑌚𑍇𑌷𑍍𑌟𑌾 𑌚𑍇𑌂𑌦𑍀𑌵𑌰𑌨𑌿𑌭𑍇𑌕𑍍𑌷𑌣𑌾 ।
𑌇𑌰𑌾𑌵𑌤𑍀 𑌚𑍇𑌂𑌦𑍍𑌰𑌪𑌦𑌾 𑌚𑍇𑌂𑌦𑍍𑌰𑌾𑌣𑍀 𑌚𑍇𑌂𑌦𑍁𑌰𑍂𑌪𑌿𑌣𑍀 ॥ 1𑍯 ॥

𑌇𑌕𑍍𑌷𑍁𑌕𑍋𑌦𑌂𑌡𑌸𑌂𑌯𑍁𑌕𑍍𑌤𑌾 𑌚𑍇𑌷𑍁𑌸𑌂𑌧𑌾𑌨𑌕𑌾𑌰𑌿𑌣𑍀 ।
𑌇𑌂𑌦𑍍𑌰𑌨𑍀𑌲𑌸𑌮𑌾𑌕𑌾𑌰𑌾 𑌚𑍇𑌡𑌾𑌪𑌿𑌂𑌗𑌲𑌰𑍂𑌪𑌿𑌣𑍀 ॥ 20 ॥

𑌇𑌂𑌦𑍍𑌰𑌾𑌕𑍍𑌷𑍀𑌚𑍇𑌶𑍍𑌵𑌰𑍀 𑌦𑍇𑌵𑍀 𑌚𑍇𑌹𑌾𑌤𑍍𑌰𑌯𑌵𑌿𑌵𑌰𑍍𑌜𑌿𑌤𑌾 ।
𑌉𑌮𑌾 𑌚𑍋𑌷𑌾 𑌹𑍍𑌯𑍁𑌡𑍁𑌨𑌿𑌭𑌾 𑌉𑌰𑍍𑌵𑌾𑌰𑍁𑌕𑌫𑌲𑌾𑌨𑌨𑌾 ॥ 21 ॥

𑌉𑌡𑍁𑌪𑍍𑌰𑌭𑌾 𑌚𑍋𑌡𑍁𑌮𑌤𑍀 𑌹𑍍𑌯𑍁𑌡𑍁𑌪𑌾 𑌹𑍍𑌯𑍁𑌡𑍁𑌮𑌧𑍍𑌯𑌗𑌾 ।
𑌊𑌰𑍍𑌧𑍍𑌵𑌾 𑌚𑌾𑌪𑍍𑌯𑍂𑌰𑍍𑌧𑍍𑌵𑌕𑍇𑌶𑍀 𑌚𑌾𑌪𑍍𑌯𑍂𑌰𑍍𑌧𑍍𑌵𑌾𑌧𑍋𑌗𑌤𑌿𑌭𑍇𑌦𑌿𑌨𑍀 ॥ 22 ॥

𑌊𑌰𑍍𑌧𑍍𑌵𑌬𑌾𑌹𑍁𑌪𑍍𑌰𑌿𑌯𑌾 𑌚𑍋𑌰𑍍𑌮𑌿𑌮𑌾𑌲𑌾𑌵𑌾𑌗𑍍𑌗𑍍𑌰𑌂𑌥𑌦𑌾𑌯𑌿𑌨𑍀 ।
𑌋𑌤𑌂 𑌚𑌰𑍍𑌷𑌿𑌰𑍃𑌤𑍁𑌮𑌤𑍀 𑌋𑌷𑌿𑌦𑍇𑌵𑌨𑌮𑌸𑍍𑌕𑍃𑌤𑌾 ॥ 23 ॥

𑌋𑌗𑍍𑌵𑍇𑌦𑌾 𑌋𑌣𑌹𑌰𑍍𑌤𑍍𑌰𑍀 𑌚 𑌋𑌷𑌿𑌮𑌂𑌡𑌲𑌚𑌾𑌰𑌿𑌣𑍀 ।
𑌋𑌦𑍍𑌧𑌿𑌦𑌾 𑌋𑌜𑍁𑌮𑌾𑌰𑍍𑌗𑌸𑍍𑌥𑌾 𑌋𑌜𑍁𑌧𑌰𑍍𑌮𑌾 𑌋𑌜𑍁𑌪𑍍𑌰𑌦𑌾 ॥ 24 ॥

𑌋𑌗𑍍𑌵𑍇𑌦𑌨𑌿𑌲𑌯𑌾 𑌋𑌜𑍍𑌵𑍀 𑌲𑍁𑌪𑍍𑌤𑌧𑌰𑍍𑌮𑌪𑍍𑌰𑌵𑌰𑍍𑌤𑌿𑌨𑍀 ।
𑌲𑍂𑌤𑌾𑌰𑌿𑌵𑌰𑌸𑌂𑌭𑍂𑌤𑌾 𑌲𑍂𑌤𑌾𑌦𑌿𑌵𑌿𑌷𑌹𑌾𑌰𑌿𑌣𑍀 ॥ 25 ॥

𑌏𑌕𑌾𑌕𑍍𑌷𑌰𑌾 𑌚𑍈𑌕𑌮𑌾𑌤𑍍𑌰𑌾 𑌚𑍈𑌕𑌾 𑌚𑍈𑌕𑍈𑌕𑌨𑌿𑌷𑍍𑌠𑌿𑌤𑌾 ।
𑌐𑌂𑌦𑍍𑌰𑍀 𑌹𑍍𑌯𑍈𑌰𑌾𑌵𑌤𑌾𑌰𑍂𑌢𑌾 𑌚𑍈𑌹𑌿𑌕𑌾𑌮𑍁𑌷𑍍𑌮𑌿𑌕𑌪𑍍𑌰𑌦𑌾 ॥ 26 ॥

𑌓𑌂𑌕𑌾𑌰𑌾 𑌹𑍍𑌯𑍋𑌷𑌧𑍀 𑌚𑍋𑌤𑌾 𑌚𑍋𑌤𑌪𑍍𑌰𑍋𑌤𑌨𑌿𑌵𑌾𑌸𑌿𑌨𑍀 ।
𑌔𑌰𑍍𑌵𑌾 𑌹𑍍𑌯𑍌𑌷𑌧𑌸𑌂𑌪𑌨𑍍𑌨𑌾 𑌔𑌪𑌾𑌸𑌨𑌫𑌲𑌪𑍍𑌰𑌦𑌾 ॥ 2𑍭 ॥

𑌅𑌂𑌡𑌮𑌧𑍍𑌯𑌸𑍍𑌥𑌿𑌤𑌾 𑌦𑍇𑌵𑍀 𑌚𑌾𑌃𑌕𑌾𑌰𑌮𑌨𑍁𑌰𑍂𑌪𑌿𑌣𑍀 ।
𑌕𑌾𑌤𑍍𑌯𑌾𑌯𑌨𑍀 𑌕𑌾𑌲𑌰𑌾𑌤𑍍𑌰𑌿𑌃 𑌕𑌾𑌮𑌾𑌕𑍍𑌷𑍀 𑌕𑌾𑌮𑌸𑍁𑌂𑌦𑌰𑍀 ॥ 2𑍮 ॥

𑌕𑌮𑌲𑌾 𑌕𑌾𑌮𑌿𑌨𑍀 𑌕𑌾𑌂𑌤𑌾 𑌕𑌾𑌮𑌦𑌾 𑌕𑌾𑌲𑌕𑌂𑌠𑌿𑌨𑍀 ।
𑌕𑌰𑌿𑌕𑍁𑌂𑌭𑌸𑍍𑌤𑌨𑌭𑌰𑌾 𑌕𑌰𑌵𑍀𑌰𑌸𑍁𑌵𑌾𑌸𑌿𑌨𑍀 ॥ 2𑍯 ॥

𑌕𑌲𑍍𑌯𑌾𑌣𑍀 𑌕𑍁𑌂𑌡𑌲𑌵𑌤𑍀 𑌕𑍁𑌰𑍁𑌕𑍍𑌷𑍇𑌤𑍍𑌰𑌨𑌿𑌵𑌾𑌸𑌿𑌨𑍀 ।
𑌕𑍁𑌰𑍁𑌵𑌿𑌂𑌦𑌦𑌲𑌾𑌕𑌾𑌰𑌾 𑌕𑍁𑌂𑌡𑌲𑍀 𑌕𑍁𑌮𑍁𑌦𑌾𑌲𑌯𑌾 ॥ 30 ॥

𑌕𑌾𑌲𑌜𑌿𑌹𑍍𑌵𑌾 𑌕𑌰𑌾𑌲𑌾𑌸𑍍𑌯𑌾 𑌕𑌾𑌲𑌿𑌕𑌾 𑌕𑌾𑌲𑌰𑍂𑌪𑌿𑌣𑍀 ।
𑌕𑌮𑌨𑍀𑌯𑌗𑍁𑌣𑌾 𑌕𑌾𑌂𑌤𑌿𑌃 𑌕𑌲𑌾𑌧𑌾𑌰𑌾 𑌕𑍁𑌮𑍁𑌦𑍍𑌵𑌤𑍀 ॥ 31 ॥

𑌕𑍌𑌶𑌿𑌕𑍀 𑌕𑌮𑌲𑌾𑌕𑌾𑌰𑌾 𑌕𑌾𑌮𑌚𑌾𑌰𑌪𑍍𑌰𑌭𑌂𑌜𑌿𑌨𑍀 ।
𑌕𑍌𑌮𑌾𑌰𑍀 𑌕𑌰𑍁𑌣𑌾𑌪𑌾𑌂𑌗𑍀 𑌕𑌕𑍁𑌵𑌂𑌤𑌾 𑌕𑌰𑌿𑌪𑍍𑌰𑌿𑌯𑌾 ॥ 32 ॥

𑌕𑍇𑌸𑌰𑍀 𑌕𑍇𑌶𑌵𑌨𑍁𑌤𑌾 𑌕𑌦𑌂𑌬𑌕𑍁𑌸𑍁𑌮𑌪𑍍𑌰𑌿𑌯𑌾 ।
𑌕𑌾𑌲𑌿𑌂𑌦𑍀 𑌕𑌾𑌲𑌿𑌕𑌾 𑌕𑌾𑌂𑌚𑍀 𑌕𑌲𑌶𑍋𑌦𑍍𑌭𑌵𑌸𑌂𑌸𑍍𑌤𑍁𑌤𑌾 ॥ 33 ॥

𑌕𑌾𑌮𑌮𑌾𑌤𑌾 𑌕𑍍𑌰𑌤𑍁𑌮𑌤𑍀 𑌕𑌾𑌮𑌰𑍂𑌪𑌾 𑌕𑍃𑌪𑌾𑌵𑌤𑍀 ।
𑌕𑍁𑌮𑌾𑌰𑍀 𑌕𑍁𑌂𑌡𑌨𑌿𑌲𑌯𑌾 𑌕𑌿𑌰𑌾𑌤𑍀 𑌕𑍀𑌰𑌵𑌾𑌹𑌨𑌾 ॥ 34 ॥

𑌕𑍈𑌕𑍇𑌯𑍀 𑌕𑍋𑌕𑌿𑌲𑌾𑌲𑌾𑌪𑌾 𑌕𑍇𑌤𑌕𑍀 𑌕𑍁𑌸𑍁𑌮𑌪𑍍𑌰𑌿𑌯𑌾 ।
𑌕𑌮𑌂𑌡𑌲𑍁𑌧𑌰𑌾 𑌕𑌾𑌲𑍀 𑌕𑌰𑍍𑌮𑌨𑌿𑌰𑍍𑌮𑍂𑌲𑌕𑌾𑌰𑌿𑌣𑍀 ॥ 35 ॥

𑌕𑌲𑌹𑌂𑌸𑌗𑌤𑌿𑌃 𑌕𑌕𑍍𑌷𑌾 𑌕𑍃𑌤𑌕𑍌𑌤𑍁𑌕𑌮𑌂𑌗𑌲𑌾 ।
𑌕𑌸𑍍𑌤𑍂𑌰𑍀𑌤𑌿𑌲𑌕𑌾 𑌕𑌂𑌪𑍍𑌰𑌾 𑌕𑌰𑍀𑌂𑌦𑍍𑌰𑌗𑌮𑌨𑌾 𑌕𑍁𑌹𑍂𑌃 ॥ 36 ॥

𑌕𑌰𑍍𑌪𑍂𑌰𑌲𑍇𑌪𑌨𑌾 𑌕𑍃𑌷𑍍𑌣𑌾 𑌕𑌪𑌿𑌲𑌾 𑌕𑍁𑌹𑌰𑌾𑌶𑍍𑌰𑌯𑌾 ।
𑌕𑍂𑌟𑌸𑍍𑌥𑌾 𑌕𑍁𑌧𑌰𑌾 𑌕𑌮𑍍𑌰𑌾 𑌕𑍁𑌕𑍍𑌷𑌿𑌸𑍍𑌥𑌾𑌖𑌿𑌲𑌵𑌿𑌷𑍍𑌟𑌪𑌾 ॥ 3𑍭 ॥

𑌖𑌡𑍍𑌗𑌖𑍇𑌟𑌧𑌰𑌾 𑌖𑌰𑍍𑌵𑌾 𑌖𑍇𑌚𑌰𑍀 𑌖𑌗𑌵𑌾𑌹𑌨𑌾 ।
𑌖𑌟𑍍𑌵𑌾𑌂𑌗𑌧𑌾𑌰𑌿𑌣𑍀 𑌖𑍍𑌯𑌾𑌤𑌾 𑌖𑌗𑌰𑌾𑌜𑍋𑌪𑌰𑌿𑌸𑍍𑌥𑌿𑌤𑌾 ॥ 3𑍮 ॥

𑌖𑌲𑌘𑍍𑌨𑍀 𑌖𑌂𑌡𑌿𑌤𑌜𑌰𑌾 𑌖𑌂𑌡𑌾𑌖𑍍𑌯𑌾𑌨𑌪𑍍𑌰𑌦𑌾𑌯𑌿𑌨𑍀 ।
𑌖𑌂𑌡𑍇𑌂𑌦𑍁𑌤𑌿𑌲𑌕𑌾 𑌗𑌂𑌗𑌾 𑌗𑌣𑍇𑌶𑌗𑍁𑌹𑌪𑍂𑌜𑌿𑌤𑌾 ॥ 3𑍯 ॥

𑌗𑌾𑌯𑌤𑍍𑌰𑍀 𑌗𑍋𑌮𑌤𑍀 𑌗𑍀𑌤𑌾 𑌗𑌾𑌂𑌧𑌾𑌰𑍀 𑌗𑌾𑌨𑌲𑍋𑌲𑍁𑌪𑌾 ।
𑌗𑍌𑌤𑌮𑍀 𑌗𑌾𑌮𑌿𑌨𑍀 𑌗𑌾𑌧𑌾 𑌗𑌂𑌧𑌰𑍍𑌵𑌾𑌪𑍍𑌸𑌰𑌸𑍇𑌵𑌿𑌤𑌾 ॥ 40 ॥

𑌗𑍋𑌵𑌿𑌂𑌦𑌚𑌰𑌣𑌾𑌕𑍍𑌰𑌾𑌂𑌤𑌾 𑌗𑍁𑌣𑌤𑍍𑌰𑌯𑌵𑌿𑌭𑌾𑌵𑌿𑌤𑌾 ।
𑌗𑌂𑌧𑌰𑍍𑌵𑍀 𑌗𑌹𑍍𑌵𑌰𑍀 𑌗𑍋𑌤𑍍𑌰𑌾 𑌗𑌿𑌰𑍀𑌶𑌾 𑌗𑌹𑌨𑌾 𑌗𑌮𑍀 ॥ 41 ॥

𑌗𑍁𑌹𑌾𑌵𑌾𑌸𑌾 𑌗𑍁𑌣𑌵𑌤𑍀 𑌗𑍁𑌰𑍁𑌪𑌾𑌪𑌪𑍍𑌰𑌣𑌾𑌶𑌿𑌨𑍀 ।
𑌗𑍁𑌰𑍍𑌵𑍀 𑌗𑍁𑌣𑌵𑌤𑍀 𑌗𑍁𑌹𑍍𑌯𑌾 𑌗𑍋𑌪𑍍𑌤𑌵𑍍𑌯𑌾 𑌗𑍁𑌣𑌦𑌾𑌯𑌿𑌨𑍀 ॥ 42 ॥

𑌗𑌿𑌰𑌿𑌜𑌾 𑌗𑍁𑌹𑍍𑌯𑌮𑌾𑌤𑌂𑌗𑍀 𑌗𑌰𑍁𑌡𑌧𑍍𑌵𑌜𑌵𑌲𑍍𑌲𑌭𑌾 ।
𑌗𑌰𑍍𑌵𑌾𑌪𑌹𑌾𑌰𑌿𑌣𑍀 𑌗𑍋𑌦𑌾 𑌗𑍋𑌕𑍁𑌲𑌸𑍍𑌥𑌾 𑌗𑌦𑌾𑌧𑌰𑌾 ॥ 43 ॥

𑌗𑍋𑌕𑌰𑍍𑌣𑌨𑌿𑌲𑌯𑌾𑌸𑌕𑍍𑌤𑌾 𑌗𑍁𑌹𑍍𑌯𑌮𑌂𑌡𑌲𑌵𑌰𑍍𑌤𑌿𑌨𑍀 ।
𑌘𑌰𑍍𑌮𑌦𑌾 𑌘𑌨𑌦𑌾 𑌘𑌂𑌟𑌾 𑌘𑍋𑌰𑌦𑌾𑌨𑌵𑌮𑌰𑍍𑌦𑌿𑌨𑍀 ॥ 44 ॥

𑌘𑍃𑌣𑌿𑌮𑌂𑌤𑍍𑌰𑌮𑌯𑍀 𑌘𑍋𑌷𑌾 𑌘𑌨𑌸𑌂𑌪𑌾𑌤𑌦𑌾𑌯𑌿𑌨𑍀 ।
𑌘𑌂𑌟𑌾𑌰𑌵𑌪𑍍𑌰𑌿𑌯𑌾 𑌘𑍍𑌰𑌾𑌣𑌾 𑌘𑍃𑌣𑌿𑌸𑌂𑌤𑍁𑌷𑍍𑌟𑌕𑌾𑌰𑌿𑌣𑍀 ॥ 45 ॥

𑌘𑌨𑌾𑌰𑌿𑌮𑌂𑌡𑌲𑌾 𑌘𑍂𑌰𑍍𑌣𑌾 𑌘𑍃𑌤𑌾𑌚𑍀 𑌘𑌨𑌵𑍇𑌗𑌿𑌨𑍀 ।
𑌜𑍍𑌞𑌾𑌨𑌧𑌾𑌤𑍁𑌮𑌯𑍀 𑌚𑌰𑍍𑌚𑌾 𑌚𑌰𑍍𑌚𑌿𑌤𑌾 𑌚𑌾𑌰𑍁𑌹𑌾𑌸𑌿𑌨𑍀 ॥ 46 ॥

𑌚𑌟𑍁𑌲𑌾 𑌚𑌂𑌡𑌿𑌕𑌾 𑌚𑌿𑌤𑍍𑌰𑌾 𑌚𑌿𑌤𑍍𑌰𑌮𑌾𑌲𑍍𑌯𑌵𑌿𑌭𑍂𑌷𑌿𑌤𑌾 ।
𑌚𑌤𑍁𑌰𑍍𑌭𑍁𑌜𑌾 𑌚𑌾𑌰𑍁𑌦𑌂𑌤𑌾 𑌚𑌾𑌤𑍁𑌰𑍀 𑌚𑌰𑌿𑌤𑌪𑍍𑌰𑌦𑌾 ॥ 4𑍭 ॥

𑌚𑍂𑌲𑌿𑌕𑌾 𑌚𑌿𑌤𑍍𑌰𑌵𑌸𑍍𑌤𑍍𑌰𑌾𑌂𑌤𑌾 𑌚𑌂𑌦𑍍𑌰𑌮𑌃𑌕𑌰𑍍𑌣𑌕𑍁𑌂𑌡𑌲𑌾 ।
𑌚𑌂𑌦𑍍𑌰𑌹𑌾𑌸𑌾 𑌚𑌾𑌰𑍁𑌦𑌾𑌤𑍍𑌰𑍀 𑌚𑌕𑍋𑌰𑍀 𑌚𑌂𑌦𑍍𑌰𑌹𑌾𑌸𑌿𑌨𑍀 ॥ 4𑍮 ॥

𑌚𑌂𑌦𑍍𑌰𑌿𑌕𑌾 𑌚𑌂𑌦𑍍𑌰𑌧𑌾𑌤𑍍𑌰𑍀 𑌚 𑌚𑍌𑌰𑍀 𑌚𑍌𑌰𑌾 𑌚 𑌚𑌂𑌡𑌿𑌕𑌾 ।
𑌚𑌂𑌚𑌦𑍍𑌵𑌾𑌗𑍍𑌵𑌾𑌦𑌿𑌨𑍀 𑌚𑌂𑌦𑍍𑌰𑌚𑍂𑌡𑌾 𑌚𑍋𑌰𑌵𑌿𑌨𑌾𑌶𑌿𑌨𑍀 ॥ 4𑍯 ॥

𑌚𑌾𑌰𑍁𑌚𑌂𑌦𑌨𑌲𑌿𑌪𑍍𑌤𑌾𑌂𑌗𑍀 𑌚𑌂𑌚𑌚𑍍𑌚𑌾𑌮𑌰𑌵𑍀𑌜𑌿𑌤𑌾 ।
𑌚𑌾𑌰𑍁𑌮𑌧𑍍𑌯𑌾 𑌚𑌾𑌰𑍁𑌗𑌤𑌿𑌶𑍍𑌚𑌂𑌦𑌿𑌲𑌾 𑌚𑌂𑌦𑍍𑌰𑌰𑍂𑌪𑌿𑌣𑍀 ॥ 50 ॥

𑌚𑌾𑌰𑍁𑌹𑍋𑌮𑌪𑍍𑌰𑌿𑌯𑌾 𑌚𑌾𑌰𑍍𑌵𑌾𑌚𑌰𑌿𑌤𑌾 𑌚𑌕𑍍𑌰𑌬𑌾𑌹𑍁𑌕𑌾 ।
𑌚𑌂𑌦𑍍𑌰𑌮𑌂𑌡𑌲𑌮𑌧𑍍𑌯𑌸𑍍𑌥𑌾 𑌚𑌂𑌦𑍍𑌰𑌮𑌂𑌡𑌲𑌦𑌰𑍍𑌪𑌣𑌾 ॥ 51 ॥

𑌚𑌕𑍍𑌰𑌵𑌾𑌕𑌸𑍍𑌤𑌨𑍀 𑌚𑍇𑌷𑍍𑌟𑌾 𑌚𑌿𑌤𑍍𑌰𑌾 𑌚𑌾𑌰𑍁𑌵𑌿𑌲𑌾𑌸𑌿𑌨𑍀 ।
𑌚𑌿𑌤𑍍𑌸𑍍𑌵𑌰𑍂𑌪𑌾 𑌚𑌂𑌦𑍍𑌰𑌵𑌤𑍀 𑌚𑌂𑌦𑍍𑌰𑌮𑌾𑌶𑍍𑌚𑌂𑌦𑌨𑌪𑍍𑌰𑌿𑌯𑌾 ॥ 52 ॥

𑌚𑍋𑌦𑌯𑌿𑌤𑍍𑌰𑍀 𑌚𑌿𑌰𑌪𑍍𑌰𑌜𑍍𑌞𑌾 𑌚𑌾𑌤𑌕𑌾 𑌚𑌾𑌰𑍁𑌹𑍇𑌤𑍁𑌕𑍀 ।
𑌛𑌤𑍍𑌰𑌯𑌾𑌤𑌾 𑌛𑌤𑍍𑌰𑌧𑌰𑌾 𑌛𑌾𑌯𑌾 𑌛𑌂𑌦𑌃𑌪𑌰𑌿𑌚𑍍𑌛𑌦𑌾 ॥ 53 ॥

𑌛𑌾𑌯𑌾𑌦𑍇𑌵𑍀 𑌛𑌿𑌦𑍍𑌰𑌨𑌖𑌾 𑌛𑌨𑍍𑌨𑍇𑌂𑌦𑍍𑌰𑌿𑌯𑌵𑌿𑌸𑌰𑍍𑌪𑌿𑌣𑍀 ।
𑌛𑌂𑌦𑍋𑌽𑌨𑍁𑌷𑍍𑌟𑍁𑌪𑍍𑌪𑍍𑌰𑌤𑌿𑌷𑍍𑌠𑌾𑌂𑌤𑌾 𑌛𑌿𑌦𑍍𑌰𑍋𑌪𑌦𑍍𑌰𑌵𑌭𑍇𑌦𑌿𑌨𑍀 ॥ 54 ॥

𑌛𑍇𑌦𑌾 𑌛𑌤𑍍𑌰𑍇𑌶𑍍𑌵𑌰𑍀 𑌛𑌿𑌨𑍍𑌨𑌾 𑌛𑍁𑌰𑌿𑌕𑌾 𑌛𑍇𑌦𑌨𑌪𑍍𑌰𑌿𑌯𑌾 ।
𑌜𑌨𑌨𑍀 𑌜𑌨𑍍𑌮𑌰𑌹𑌿𑌤𑌾 𑌜𑌾𑌤𑌵𑍇𑌦𑌾 𑌜𑌗𑌨𑍍𑌮𑌯𑍀 ॥ 55 ॥

𑌜𑌾𑌹𑍍𑌨𑌵𑍀 𑌜𑌟𑌿𑌲𑌾 𑌜𑍇𑌤𑍍𑌰𑍀 𑌜𑌰𑌾𑌮𑌰𑌣𑌵𑌰𑍍𑌜𑌿𑌤𑌾 ।
𑌜𑌂𑌬𑍂𑌦𑍍𑌵𑍀𑌪𑌵𑌤𑍀 𑌜𑍍𑌵𑌾𑌲𑌾 𑌜𑌯𑌂𑌤𑍀 𑌜𑌲𑌶𑌾𑌲𑌿𑌨𑍀 ॥ 56 ॥

𑌜𑌿𑌤𑍇𑌂𑌦𑍍𑌰𑌿𑌯𑌾 𑌜𑌿𑌤𑌕𑍍𑌰𑍋𑌧𑌾 𑌜𑌿𑌤𑌾𑌮𑌿𑌤𑍍𑌰𑌾 𑌜𑌗𑌤𑍍𑌪𑍍𑌰𑌿𑌯𑌾 ।
𑌜𑌾𑌤𑌰𑍂𑌪𑌮𑌯𑍀 𑌜𑌿𑌹𑍍𑌵𑌾 𑌜𑌾𑌨𑌕𑍀 𑌜𑌗𑌤𑍀 𑌜𑌰𑌾 ॥ 5𑍭 ॥

𑌜𑌨𑌿𑌤𑍍𑌰𑍀 𑌜𑌹𑍍𑌨𑍁𑌤𑌨𑌯𑌾 𑌜𑌗𑌤𑍍𑌤𑍍𑌰𑌯𑌹𑌿𑌤𑍈𑌷𑌿𑌣𑍀 ।
𑌜𑍍𑌵𑌾𑌲𑌾𑌮𑍁𑌖𑍀 𑌜𑌪𑌵𑌤𑍀 𑌜𑍍𑌵𑌰𑌘𑍍𑌨𑍀 𑌜𑌿𑌤𑌵𑌿𑌷𑍍𑌟𑌪𑌾 ॥ 5𑍮 ॥

𑌜𑌿𑌤𑌾𑌕𑍍𑌰𑌾𑌂𑌤𑌮𑌯𑍀 𑌜𑍍𑌵𑌾𑌲𑌾 𑌜𑌾𑌗𑍍𑌰𑌤𑍀 𑌜𑍍𑌵𑌰𑌦𑍇𑌵𑌤𑌾 ।
𑌜𑍍𑌵𑌲𑌂𑌤𑍀 𑌜𑌲𑌦𑌾 𑌜𑍍𑌯𑍇𑌷𑍍𑌠𑌾 𑌜𑍍𑌯𑌾𑌘𑍋𑌷𑌾𑌸𑍍𑌫𑍋𑌟𑌦𑌿𑌙𑍍𑌮𑍁𑌖𑍀 ॥ 5𑍯 ॥

𑌜𑌂𑌭𑌿𑌨𑍀 𑌜𑍃𑌂𑌭𑌣𑌾 𑌜𑍃𑌂𑌭𑌾 𑌜𑍍𑌵𑌲𑌨𑍍𑌮𑌾𑌣𑌿𑌕𑍍𑌯𑌕𑍁𑌂𑌡𑌲𑌾 ।
𑌝𑌿𑌂𑌝𑌿𑌕𑌾 𑌝𑌣𑌨𑌿𑌰𑍍𑌘𑍋𑌷𑌾 𑌝𑌂𑌝𑌾𑌮𑌾𑌰𑍁𑌤𑌵𑍇𑌗𑌿𑌨𑍀 ॥ 60 ॥

𑌝𑌲𑍍𑌲𑌰𑍀𑌵𑌾𑌦𑍍𑌯𑌕𑍁𑌶𑌲𑌾 𑌞𑌰𑍂𑌪𑌾 𑌞𑌭𑍁𑌜𑌾 𑌸𑍍𑌮𑍃𑌤𑌾 ।
𑌟𑌂𑌕𑌬𑌾𑌣𑌸𑌮𑌾𑌯𑍁𑌕𑍍𑌤𑌾 𑌟𑌂𑌕𑌿𑌨𑍀 𑌟𑌂𑌕𑌭𑍇𑌦𑌿𑌨𑍀 ॥ 61 ॥

𑌟𑌂𑌕𑍀𑌗𑌣𑌕𑍃𑌤𑌾𑌘𑍋𑌷𑌾 𑌟𑌂𑌕𑌨𑍀𑌯𑌮𑌹𑍋𑌰𑌸𑌾 ।
𑌟𑌂𑌕𑌾𑌰𑌕𑌾𑌰𑌿𑌣𑍀 𑌦𑍇𑌵𑍀 𑌠𑌠𑌶𑌬𑍍𑌦𑌨𑌿𑌨𑌾𑌦𑌿𑌨𑍀 ॥ 62 ॥

𑌡𑌾𑌮𑌰𑍀 𑌡𑌾𑌕𑌿𑌨𑍀 𑌡𑌿𑌂𑌭𑌾 𑌡𑍁𑌂𑌡𑍁𑌮𑌾𑌰𑍈𑌕𑌨𑌿𑌰𑍍𑌜𑌿𑌤𑌾 ।
𑌡𑌾𑌮𑌰𑍀𑌤𑌂𑌤𑍍𑌰𑌮𑌾𑌰𑍍𑌗𑌸𑍍𑌥𑌾 𑌡𑌮𑌡𑍍𑌡𑌮𑌰𑍁𑌨𑌾𑌦𑌿𑌨𑍀 ॥ 63 ॥

𑌡𑌿𑌂𑌡𑍀𑌰𑌵𑌸𑌹𑌾 𑌡𑌿𑌂𑌭𑌲𑌸𑌤𑍍𑌕𑍍𑌰𑍀𑌡𑌾𑌪𑌰𑌾𑌯𑌣𑌾 ।
𑌢𑍁𑌂𑌢𑌿𑌵𑌿𑌘𑍍𑌨𑍇𑌶𑌜𑌨𑌨𑍀 𑌢𑌕𑍍𑌕𑌾𑌹𑌸𑍍𑌤𑌾 𑌢𑌿𑌲𑌿𑌵𑍍𑌰𑌜𑌾 ॥ 64 ॥

𑌨𑌿𑌤𑍍𑌯𑌜𑍍𑌞𑌾𑌨𑌾 𑌨𑌿𑌰𑍁𑌪𑌮𑌾 𑌨𑌿𑌰𑍍𑌗𑍁𑌣𑌾 𑌨𑌰𑍍𑌮𑌦𑌾 𑌨𑌦𑍀 ।
𑌤𑍍𑌰𑌿𑌗𑍁𑌣𑌾 𑌤𑍍𑌰𑌿𑌪𑌦𑌾 𑌤𑌂𑌤𑍍𑌰𑍀 𑌤𑍁𑌲𑌸𑍀 𑌤𑌰𑍁𑌣𑌾 𑌤𑌰𑍁𑌃 ॥ 65 ॥

𑌤𑍍𑌰𑌿𑌵𑌿𑌕𑍍𑌰𑌮𑌪𑌦𑌾𑌕𑍍𑌰𑌾𑌂𑌤𑌾 𑌤𑍁𑌰𑍀𑌯𑌪𑌦𑌗𑌾𑌮𑌿𑌨𑍀 ।
𑌤𑌰𑍁𑌣𑌾𑌦𑌿𑌤𑍍𑌯𑌸𑌂𑌕𑌾𑌶𑌾 𑌤𑌾𑌮𑌸𑍀 𑌤𑍁𑌹𑌿𑌨𑌾 𑌤𑍁𑌰𑌾 ॥ 66 ॥

𑌤𑍍𑌰𑌿𑌕𑌾𑌲𑌜𑍍𑌞𑌾𑌨𑌸𑌂𑌪𑌨𑍍𑌨𑌾 𑌤𑍍𑌰𑌿𑌵𑍇𑌣𑍀 𑌚 𑌤𑍍𑌰𑌿𑌲𑍋𑌚𑌨𑌾 ।
𑌤𑍍𑌰𑌿𑌶𑌕𑍍𑌤𑌿𑌸𑍍𑌤𑍍𑌰𑌿𑌪𑍁𑌰𑌾 𑌤𑍁𑌂𑌗𑌾 𑌤𑍁𑌰𑌂𑌗𑌵𑌦𑌨𑌾 𑌤𑌥𑌾 ॥ 6𑍭 ॥

𑌤𑌿𑌮𑌿𑌂𑌗𑌿𑌲𑌗𑌿𑌲𑌾 𑌤𑍀𑌵𑍍𑌰𑌾 𑌤𑍍𑌰𑌿𑌸𑍍𑌰𑍋𑌤𑌾 𑌤𑌾𑌮𑌸𑌾𑌦𑌿𑌨𑍀 ।
𑌤𑌂𑌤𑍍𑌰𑌮𑌂𑌤𑍍𑌰𑌵𑌿𑌶𑍇𑌷𑌜𑍍𑌞𑌾 𑌤𑌨𑍁𑌮𑌧𑍍𑌯𑌾 𑌤𑍍𑌰𑌿𑌵𑌿𑌷𑍍𑌟𑌪𑌾 ॥ 6𑍮 ॥

𑌤𑍍𑌰𑌿𑌸𑌂𑌧𑍍𑌯𑌾 𑌤𑍍𑌰𑌿𑌸𑍍𑌤𑌨𑍀 𑌤𑍋𑌷𑌾𑌸𑌂𑌸𑍍𑌥𑌾 𑌤𑌾𑌲𑌪𑍍𑌰𑌤𑌾𑌪𑌿𑌨𑍀 ।
𑌤𑌾𑌟𑌂𑌕𑌿𑌨𑍀 𑌤𑍁𑌷𑌾𑌰𑌾𑌭𑌾 𑌤𑍁𑌹𑌿𑌨𑌾𑌚𑌲𑌵𑌾𑌸𑌿𑌨𑍀 ॥ 6𑍯 ॥

𑌤𑌂𑌤𑍁𑌜𑌾𑌲𑌸𑌮𑌾𑌯𑍁𑌕𑍍𑌤𑌾 𑌤𑌾𑌰𑌹𑌾𑌰𑌾𑌵𑌲𑌿𑌪𑍍𑌰𑌿𑌯𑌾 ।
𑌤𑌿𑌲𑌹𑍋𑌮𑌪𑍍𑌰𑌿𑌯𑌾 𑌤𑍀𑌰𑍍𑌥𑌾 𑌤𑌮𑌾𑌲𑌕𑍁𑌸𑍁𑌮𑌾𑌕𑍃𑌤𑌿𑌃 ॥ 𑍭0 ॥

𑌤𑌾𑌰𑌕𑌾 𑌤𑍍𑌰𑌿𑌯𑍁𑌤𑌾 𑌤𑌨𑍍𑌵𑍀 𑌤𑍍𑌰𑌿𑌶𑌂𑌕𑍁𑌪𑌰𑌿𑌵𑌾𑌰𑌿𑌤𑌾 ।
𑌤𑌲𑍋𑌦𑌰𑍀 𑌤𑌿𑌲𑌾𑌭𑍂𑌷𑌾 𑌤𑌾𑌟𑌂𑌕𑌪𑍍𑌰𑌿𑌯𑌵𑌾𑌦𑌿𑌨𑍀 ॥ 𑍭1 ॥

𑌤𑍍𑌰𑌿𑌜𑌟𑌾 𑌤𑌿𑌤𑍍𑌤𑌿𑌰𑍀 𑌤𑍃𑌷𑍍𑌣𑌾 𑌤𑍍𑌰𑌿𑌵𑌿𑌧𑌾 𑌤𑌰𑍁𑌣𑌾𑌕𑍃𑌤𑌿𑌃 ।
𑌤𑌪𑍍𑌤𑌕𑌾𑌂𑌚𑌨𑌸𑌂𑌕𑌾𑌶𑌾 𑌤𑌪𑍍𑌤𑌕𑌾𑌂𑌚𑌨𑌭𑍂𑌷𑌣𑌾 ॥ 𑍭2 ॥

𑌤𑍍𑌰𑍈𑌯𑌂𑌬𑌕𑌾 𑌤𑍍𑌰𑌿𑌵𑌰𑍍𑌗𑌾 𑌚 𑌤𑍍𑌰𑌿𑌕𑌾𑌲𑌜𑍍𑌞𑌾𑌨𑌦𑌾𑌯𑌿𑌨𑍀 ।
𑌤𑌰𑍍𑌪𑌣𑌾 𑌤𑍃𑌪𑍍𑌤𑌿𑌦𑌾 𑌤𑍃𑌪𑍍𑌤𑌾 𑌤𑌾𑌮𑌸𑍀 𑌤𑍁𑌂𑌬𑍁𑌰𑍁𑌸𑍍𑌤𑍁𑌤𑌾 ॥ 𑍭3 ॥

𑌤𑌾𑌰𑍍𑌕𑍍𑌷𑍍𑌯𑌸𑍍𑌥𑌾 𑌤𑍍𑌰𑌿𑌗𑍁𑌣𑌾𑌕𑌾𑌰𑌾 𑌤𑍍𑌰𑌿𑌭𑌂𑌗𑍀 𑌤𑌨𑍁𑌵𑌲𑍍𑌲𑌰𑌿𑌃 ।
𑌥𑌾𑌤𑍍𑌕𑌾𑌰𑍀 𑌥𑌾𑌰𑌵𑌾 𑌥𑌾𑌂𑌤𑌾 𑌦𑍋𑌹𑌿𑌨𑍀 𑌦𑍀𑌨𑌵𑌤𑍍𑌸𑌲𑌾 ॥ 𑍭4 ॥

𑌦𑌾𑌨𑌵𑌾𑌂𑌤𑌕𑌰𑍀 𑌦𑍁𑌰𑍍𑌗𑌾 𑌦𑍁𑌰𑍍𑌗𑌾𑌸𑍁𑌰𑌨𑌿𑌬𑌰𑍍𑌹𑌿𑌣𑍀 ।
𑌦𑍇𑌵𑌰𑍀𑌤𑌿𑌰𑍍𑌦𑌿𑌵𑌾𑌰𑌾𑌤𑍍𑌰𑌿𑌰𑍍𑌦𑍍𑌰𑍌𑌪𑌦𑍀 𑌦𑍁𑌂𑌦𑍁𑌭𑌿𑌸𑍍𑌵𑌨𑌾 ॥ 𑍭5 ॥

𑌦𑍇𑌵𑌯𑌾𑌨𑍀 𑌦𑍁𑌰𑌾𑌵𑌾𑌸𑌾 𑌦𑌾𑌰𑌿𑌦𑍍𑌰𑍍𑌯𑍋𑌦𑍍𑌭𑍇𑌦𑌿𑌨𑍀 𑌦𑌿𑌵𑌾 ।
𑌦𑌾𑌮𑍋𑌦𑌰𑌪𑍍𑌰𑌿𑌯𑌾 𑌦𑍀𑌪𑍍𑌤𑌾 𑌦𑌿𑌗𑍍𑌵𑌾𑌸𑌾 𑌦𑌿𑌗𑍍𑌵𑌿𑌮𑍋𑌹𑌿𑌨𑍀 ॥ 𑍭6 ॥

𑌦𑌂𑌡𑌕𑌾𑌰𑌣𑍍𑌯𑌨𑌿𑌲𑌯𑌾 𑌦𑌂𑌡𑌿𑌨𑍀 𑌦𑍇𑌵𑌪𑍂𑌜𑌿𑌤𑌾 ।
𑌦𑍇𑌵𑌵𑌂𑌦𑍍𑌯𑌾 𑌦𑌿𑌵𑌿𑌷𑌦𑌾 𑌦𑍍𑌵𑍇𑌷𑌿𑌣𑍀 𑌦𑌾𑌨𑌵𑌾𑌕𑍃𑌤𑌿𑌃 ॥ 𑍭𑍭 ॥

𑌦𑍀𑌨𑌾𑌨𑌾𑌥𑌸𑍍𑌤𑍁𑌤𑌾 𑌦𑍀𑌕𑍍𑌷𑌾 𑌦𑍈𑌵𑌤𑌾𑌦𑌿𑌸𑍍𑌵𑌰𑍂𑌪𑌿𑌣𑍀 ।
𑌧𑌾𑌤𑍍𑌰𑍀 𑌧𑌨𑍁𑌰𑍍𑌧𑌰𑌾 𑌧𑍇𑌨𑍁𑌰𑍍𑌧𑌾𑌰𑌿𑌣𑍀 𑌧𑌰𑍍𑌮𑌚𑌾𑌰𑌿𑌣𑍀 ॥ 𑍭𑍮 ॥

𑌧𑍁𑌰𑌂𑌧𑌰𑌾 𑌧𑌰𑌾𑌧𑌾𑌰𑌾 𑌧𑌨𑌦𑌾 𑌧𑌾𑌨𑍍𑌯𑌦𑍋𑌹𑌿𑌨𑍀 ।
𑌧𑌰𑍍𑌮𑌶𑍀𑌲𑌾 𑌧𑌨𑌾𑌧𑍍𑌯𑌕𑍍𑌷𑌾 𑌧𑌨𑍁𑌰𑍍𑌵𑍇𑌦𑌵𑌿𑌶𑌾𑌰𑌦𑌾 ॥ 𑍭𑍯 ॥

𑌧𑍃𑌤𑌿𑌰𑍍𑌧𑌨𑍍𑌯𑌾 𑌧𑍃𑌤𑌪𑌦𑌾 𑌧𑌰𑍍𑌮𑌰𑌾𑌜𑌪𑍍𑌰𑌿𑌯𑌾 𑌧𑍍𑌰𑍁𑌵𑌾 ।
𑌧𑍂𑌮𑌾𑌵𑌤𑍀 𑌧𑍂𑌮𑌕𑍇𑌶𑍀 𑌧𑌰𑍍𑌮𑌶𑌾𑌸𑍍𑌤𑍍𑌰𑌪𑍍𑌰𑌕𑌾𑌶𑌿𑌨𑍀 ॥ 𑍮0 ॥

𑌨𑌂𑌦𑌾 𑌨𑌂𑌦𑌪𑍍𑌰𑌿𑌯𑌾 𑌨𑌿𑌦𑍍𑌰𑌾 𑌨𑍃𑌨𑍁𑌤𑌾 𑌨𑌂𑌦𑌨𑌾𑌤𑍍𑌮𑌿𑌕𑌾 ।
𑌨𑌰𑍍𑌮𑌦𑌾 𑌨𑌲𑌿𑌨𑍀 𑌨𑍀𑌲𑌾 𑌨𑍀𑌲𑌕𑌂𑌠𑌸𑌮𑌾𑌶𑍍𑌰𑌯𑌾 ॥ 𑍮1 ॥

𑌨𑌾𑌰𑌾𑌯𑌣𑌪𑍍𑌰𑌿𑌯𑌾 𑌨𑌿𑌤𑍍𑌯𑌾 𑌨𑌿𑌰𑍍𑌮𑌲𑌾 𑌨𑌿𑌰𑍍𑌗𑍁𑌣𑌾 𑌨𑌿𑌧𑌿𑌃 ।
𑌨𑌿𑌰𑌾𑌧𑌾𑌰𑌾 𑌨𑌿𑌰𑍁𑌪𑌮𑌾 𑌨𑌿𑌤𑍍𑌯𑌶𑍁𑌦𑍍𑌧𑌾 𑌨𑌿𑌰𑌂𑌜𑌨𑌾 ॥ 𑍮2 ॥

𑌨𑌾𑌦𑌬𑌿𑌂𑌦𑍁𑌕𑌲𑌾𑌤𑍀𑌤𑌾 𑌨𑌾𑌦𑌬𑌿𑌂𑌦𑍁𑌕𑌲𑌾𑌤𑍍𑌮𑌿𑌕𑌾 ।
𑌨𑍃𑌸𑌿𑌂𑌹𑌿𑌨𑍀 𑌨𑌗𑌧𑌰𑌾 𑌨𑍃𑌪𑌨𑌾𑌗𑌵𑌿𑌭𑍂𑌷𑌿𑌤𑌾 ॥ 𑍮3 ॥

𑌨𑌰𑌕𑌕𑍍𑌲𑍇𑌶𑌶𑌮𑌨𑍀 𑌨𑌾𑌰𑌾𑌯𑌣𑌪𑌦𑍋𑌦𑍍𑌭𑌵𑌾 ।
𑌨𑌿𑌰𑌵𑌦𑍍𑌯𑌾 𑌨𑌿𑌰𑌾𑌕𑌾𑌰𑌾 𑌨𑌾𑌰𑌦𑌪𑍍𑌰𑌿𑌯𑌕𑌾𑌰𑌿𑌣𑍀 ॥ 𑍮4 ॥

𑌨𑌾𑌨𑌾𑌜𑍍𑌯𑍋𑌤𑌿𑌃 𑌸𑌮𑌾𑌖𑍍𑌯𑌾𑌤𑌾 𑌨𑌿𑌧𑌿𑌦𑌾 𑌨𑌿𑌰𑍍𑌮𑌲𑌾𑌤𑍍𑌮𑌿𑌕𑌾 ।
𑌨𑌵𑌸𑍂𑌤𑍍𑌰𑌧𑌰𑌾 𑌨𑍀𑌤𑌿𑌰𑍍𑌨𑌿𑌰𑍁𑌪𑌦𑍍𑌰𑌵𑌕𑌾𑌰𑌿𑌣𑍀 ॥ 𑍮5 ॥

𑌨𑌂𑌦𑌜𑌾 𑌨𑌵𑌰𑌤𑍍𑌨𑌾𑌢𑍍𑌯𑌾 𑌨𑍈𑌮𑌿𑌷𑌾𑌰𑌣𑍍𑌯𑌵𑌾𑌸𑌿𑌨𑍀 ।
𑌨𑌵𑌨𑍀𑌤𑌪𑍍𑌰𑌿𑌯𑌾 𑌨𑌾𑌰𑍀 𑌨𑍀𑌲𑌜𑍀𑌮𑍂𑌤𑌨𑌿𑌸𑍍𑌵𑌨𑌾 ॥ 𑍮6 ॥

𑌨𑌿𑌮𑍇𑌷𑌿𑌣𑍀 𑌨𑌦𑍀𑌰𑍂𑌪𑌾 𑌨𑍀𑌲𑌗𑍍𑌰𑍀𑌵𑌾 𑌨𑌿𑌶𑍀𑌶𑍍𑌵𑌰𑍀 ।
𑌨𑌾𑌮𑌾𑌵𑌲𑌿𑌰𑍍𑌨𑌿𑌶𑍁𑌂𑌭𑌘𑍍𑌨𑍀 𑌨𑌾𑌗𑌲𑍋𑌕𑌨𑌿𑌵𑌾𑌸𑌿𑌨𑍀 ॥ 𑍮𑍭 ॥

𑌨𑌵𑌜𑌾𑌂𑌬𑍂𑌨𑌦𑌪𑍍𑌰𑌖𑍍𑌯𑌾 𑌨𑌾𑌗𑌲𑍋𑌕𑌾𑌧𑌿𑌦𑍇𑌵𑌤𑌾 ।
𑌨𑍂𑌪𑍁𑌰𑌾𑌕𑍍𑌰𑌾𑌂𑌤𑌚𑌰𑌣𑌾 𑌨𑌰𑌚𑌿𑌤𑍍𑌤𑌪𑍍𑌰𑌮𑍋𑌦𑌿𑌨𑍀 ॥ 𑍮𑍮 ॥

𑌨𑌿𑌮𑌗𑍍𑌨𑌾𑌰𑌕𑍍𑌤𑌨𑌯𑌨𑌾 𑌨𑌿𑌰𑍍𑌘𑌾𑌤𑌸𑌮𑌨𑌿𑌸𑍍𑌵𑌨𑌾 ।
𑌨𑌂𑌦𑌨𑍋𑌦𑍍𑌯𑌾𑌨𑌨𑌿𑌲𑌯𑌾 𑌨𑌿𑌰𑍍𑌵𑍍𑌯𑍂𑌹𑍋𑌪𑌰𑌿𑌚𑌾𑌰𑌿𑌣𑍀 ॥ 𑍮𑍯 ॥

𑌪𑌾𑌰𑍍𑌵𑌤𑍀 𑌪𑌰𑌮𑍋𑌦𑌾𑌰𑌾 𑌪𑌰𑌬𑍍𑌰𑌹𑍍𑌮𑌾𑌤𑍍𑌮𑌿𑌕𑌾 𑌪𑌰𑌾 ।
𑌪𑌂𑌚𑌕𑍋𑌶𑌵𑌿𑌨𑌿𑌰𑍍𑌮𑍁𑌕𑍍𑌤𑌾 𑌪𑌂𑌚𑌪𑌾𑌤𑌕𑌨𑌾𑌶𑌿𑌨𑍀 ॥ 𑍯0 ॥

𑌪𑌰𑌚𑌿𑌤𑍍𑌤𑌵𑌿𑌧𑌾𑌨𑌜𑍍𑌞𑌾 𑌪𑌂𑌚𑌿𑌕𑌾 𑌪𑌂𑌚𑌰𑍂𑌪𑌿𑌣𑍀 ।
𑌪𑍂𑌰𑍍𑌣𑌿𑌮𑌾 𑌪𑌰𑌮𑌾 𑌪𑍍𑌰𑍀𑌤𑌿𑌃 𑌪𑌰𑌤𑍇𑌜𑌃 𑌪𑍍𑌰𑌕𑌾𑌶𑌿𑌨𑍀 ॥ 𑍯1 ॥

𑌪𑍁𑌰𑌾𑌣𑍀 𑌪𑍌𑌰𑍁𑌷𑍀 𑌪𑍁𑌣𑍍𑌯𑌾 𑌪𑍁𑌂𑌡𑌰𑍀𑌕𑌨𑌿𑌭𑍇𑌕𑍍𑌷𑌣𑌾 ।
𑌪𑌾𑌤𑌾𑌲𑌤𑌲𑌨𑌿𑌰𑍍𑌮𑌗𑍍𑌨𑌾 𑌪𑍍𑌰𑍀𑌤𑌾 𑌪𑍍𑌰𑍀𑌤𑌿𑌵𑌿𑌵𑌰𑍍𑌧𑌿𑌨𑍀 ॥ 𑍯2 ॥

𑌪𑌾𑌵𑌨𑍀 𑌪𑌾𑌦𑌸𑌹𑌿𑌤𑌾 𑌪𑍇𑌶𑌲𑌾 𑌪𑌵𑌨𑌾𑌶𑌿𑌨𑍀 ।
𑌪𑍍𑌰𑌜𑌾𑌪𑌤𑌿𑌃 𑌪𑌰𑌿𑌶𑍍𑌰𑌾𑌂𑌤𑌾 𑌪𑌰𑍍𑌵𑌤𑌸𑍍𑌤𑌨𑌮𑌂𑌡𑌲𑌾 ॥ 𑍯3 ॥

𑌪𑌦𑍍𑌮𑌪𑍍𑌰𑌿𑌯𑌾 𑌪𑌦𑍍𑌮𑌸𑌂𑌸𑍍𑌥𑌾 𑌪𑌦𑍍𑌮𑌾𑌕𑍍𑌷𑍀 𑌪𑌦𑍍𑌮𑌸𑌂𑌭𑌵𑌾 ।
𑌪𑌦𑍍𑌮𑌪𑌤𑍍𑌰𑌾 𑌪𑌦𑍍𑌮𑌪𑌦𑌾 𑌪𑌦𑍍𑌮𑌿𑌨𑍀 𑌪𑍍𑌰𑌿𑌯𑌭𑌾𑌷𑌿𑌣𑍀 ॥ 𑍯4 ॥

𑌪𑌶𑍁𑌪𑌾𑌶𑌵𑌿𑌨𑌿𑌰𑍍𑌮𑍁𑌕𑍍𑌤𑌾 𑌪𑍁𑌰𑌂𑌧𑍍𑌰𑍀 𑌪𑍁𑌰𑌵𑌾𑌸𑌿𑌨𑍀 ।
𑌪𑍁𑌷𑍍𑌕𑌲𑌾 𑌪𑍁𑌰𑍁𑌷𑌾 𑌪𑌰𑍍𑌵𑌾 𑌪𑌾𑌰𑌿𑌜𑌾𑌤𑌸𑍁𑌮𑌪𑍍𑌰𑌿𑌯𑌾 ॥ 𑍯5 ॥

𑌪𑌤𑌿𑌵𑍍𑌰𑌤𑌾 𑌪𑌵𑌿𑌤𑍍𑌰𑌾𑌂𑌗𑍀 𑌪𑍁𑌷𑍍𑌪𑌹𑌾𑌸𑌪𑌰𑌾𑌯𑌣𑌾 ।
𑌪𑍍𑌰𑌜𑍍𑌞𑌾𑌵𑌤𑍀𑌸𑍁𑌤𑌾 𑌪𑍌𑌤𑍍𑌰𑍀 𑌪𑍁𑌤𑍍𑌰𑌪𑍂𑌜𑍍𑌯𑌾 𑌪𑌯𑌸𑍍𑌵𑌿𑌨𑍀 ॥ 𑍯6 ॥

𑌪𑌟𑍍𑌟𑌿𑌪𑌾𑌶𑌧𑌰𑌾 𑌪𑌂𑌕𑍍𑌤𑌿𑌃 𑌪𑌿𑌤𑍃𑌲𑍋𑌕𑌪𑍍𑌰𑌦𑌾𑌯𑌿𑌨𑍀 ।
𑌪𑍁𑌰𑌾𑌣𑍀 𑌪𑍁𑌣𑍍𑌯𑌶𑍀𑌲𑌾 𑌚 𑌪𑍍𑌰𑌣𑌤𑌾𑌰𑍍𑌤𑌿𑌵𑌿𑌨𑌾𑌶𑌿𑌨𑍀 ॥ 𑍯𑍭 ॥

𑌪𑍍𑌰𑌦𑍍𑌯𑍁𑌮𑍍𑌨𑌜𑌨𑌨𑍀 𑌪𑍁𑌷𑍍𑌟𑌾 𑌪𑌿𑌤𑌾𑌮𑌹𑌪𑌰𑌿𑌗𑍍𑌰𑌹𑌾 ।
𑌪𑍁𑌂𑌡𑌰𑍀𑌕𑌪𑍁𑌰𑌾𑌵𑌾𑌸𑌾 𑌪𑍁𑌂𑌡𑌰𑍀𑌕𑌸𑌮𑌾𑌨𑌨𑌾 ॥ 𑍯𑍮 ॥

𑌪𑍃𑌥𑍁𑌜𑌂𑌘𑌾 𑌪𑍃𑌥𑍁𑌭𑍁𑌜𑌾 𑌪𑍃𑌥𑍁𑌪𑌾𑌦𑌾 𑌪𑍃𑌥𑍂𑌦𑌰𑍀 ।
𑌪𑍍𑌰𑌵𑌾𑌲𑌶𑍋𑌭𑌾 𑌪𑌿𑌂𑌗𑌾𑌕𑍍𑌷𑍀 𑌪𑍀𑌤𑌵𑌾𑌸𑌾𑌃 𑌪𑍍𑌰𑌚𑌾𑌪𑌲𑌾 ॥ 𑍯𑍯 ॥

𑌪𑍍𑌰𑌸𑌵𑌾 𑌪𑍁𑌷𑍍𑌟𑌿𑌦𑌾 𑌪𑍁𑌣𑍍𑌯𑌾 𑌪𑍍𑌰𑌤𑌿𑌷𑍍𑌠𑌾 𑌪𑍍𑌰𑌣𑌵𑌾𑌗𑌤𑌿𑌃 ।
𑌪𑌂𑌚𑌵𑌰𑍍𑌣𑌾 𑌪𑌂𑌚𑌵𑌾𑌣𑍀 𑌪𑌂𑌚𑌿𑌕𑌾 𑌪𑌂𑌜𑌰𑌸𑍍𑌥𑌿𑌤𑌾 ॥ 100 ॥

𑌪𑌰𑌮𑌾𑌯𑌾 𑌪𑌰𑌜𑍍𑌯𑍋𑌤𑌿𑌃 𑌪𑌰𑌪𑍍𑌰𑍀𑌤𑌿𑌃 𑌪𑌰𑌾𑌗𑌤𑌿𑌃 ।
𑌪𑌰𑌾𑌕𑌾𑌷𑍍𑌠𑌾 𑌪𑌰𑍇𑌶𑌾𑌨𑍀 𑌪𑌾𑌵𑌨𑍀 𑌪𑌾𑌵𑌕𑌦𑍍𑌯𑍁𑌤𑌿𑌃 ॥ 101 ॥

𑌪𑍁𑌣𑍍𑌯𑌭𑌦𑍍𑌰𑌾 𑌪𑌰𑌿𑌚𑍍𑌛𑍇𑌦𑍍𑌯𑌾 𑌪𑍁𑌷𑍍𑌪𑌹𑌾𑌸𑌾 𑌪𑍃𑌥𑍂𑌦𑌰𑍀 ।
𑌪𑍀𑌤𑌾𑌂𑌗𑍀 𑌪𑍀𑌤𑌵𑌸𑌨𑌾 𑌪𑍀𑌤𑌶𑌯𑍍𑌯𑌾 𑌪𑌿𑌶𑌾𑌚𑌿𑌨𑍀 ॥ 102 ॥

𑌪𑍀𑌤𑌕𑍍𑌰𑌿𑌯𑌾 𑌪𑌿𑌶𑌾𑌚𑌘𑍍𑌨𑍀 𑌪𑌾𑌟𑌲𑌾𑌕𑍍𑌷𑍀 𑌪𑌟𑍁𑌕𑍍𑌰𑌿𑌯𑌾 ।
𑌪𑌂𑌚𑌭𑌕𑍍𑌷𑌪𑍍𑌰𑌿𑌯𑌾𑌚𑌾𑌰𑌾 𑌪𑍂𑌤𑌨𑌾𑌪𑍍𑌰𑌾𑌣𑌘𑌾𑌤𑌿𑌨𑍀 ॥ 103 ॥

𑌪𑍁𑌨𑍍𑌨𑌾𑌗𑌵𑌨𑌮𑌧𑍍𑌯𑌸𑍍𑌥𑌾 𑌪𑍁𑌣𑍍𑌯𑌤𑍀𑌰𑍍𑌥𑌨𑌿𑌷𑍇𑌵𑌿𑌤𑌾 ।
𑌪𑌂𑌚𑌾𑌂𑌗𑍀 𑌚 𑌪𑌰𑌾𑌶𑌕𑍍𑌤𑌿𑌃 𑌪𑌰𑌮𑌾𑌹𑍍𑌲𑌾𑌦𑌕𑌾𑌰𑌿𑌣𑍀 ॥ 104 ॥

𑌪𑍁𑌷𑍍𑌪𑌕𑌾𑌂𑌡𑌸𑍍𑌥𑌿𑌤𑌾 𑌪𑍂𑌷𑌾 𑌪𑍋𑌷𑌿𑌤𑌾𑌖𑌿𑌲𑌵𑌿𑌷𑍍𑌟𑌪𑌾 ।
𑌪𑍍𑌰𑌾𑌣𑌪𑍍𑌰𑌿𑌯𑌾 𑌪𑌂𑌚𑌶𑌿𑌖𑌾 𑌪𑌨𑍍𑌨𑌗𑍋𑌪𑌰𑌿𑌶𑌾𑌯𑌿𑌨𑍀 ॥ 105 ॥

𑌪𑌂𑌚𑌮𑌾𑌤𑍍𑌰𑌾𑌤𑍍𑌮𑌿𑌕𑌾 𑌪𑍃𑌥𑍍𑌵𑍀 𑌪𑌥𑌿𑌕𑌾 𑌪𑍃𑌥𑍁𑌦𑍋𑌹𑌿𑌨𑍀 ।
𑌪𑍁𑌰𑌾𑌣𑌨𑍍𑌯𑌾𑌯𑌮𑍀𑌮𑌾𑌂𑌸𑌾 𑌪𑌾𑌟𑌲𑍀 𑌪𑍁𑌷𑍍𑌪𑌗𑌂𑌧𑌿𑌨𑍀 ॥ 106 ॥

𑌪𑍁𑌣𑍍𑌯𑌪𑍍𑌰𑌜𑌾 𑌪𑌾𑌰𑌦𑌾𑌤𑍍𑌰𑍀 𑌪𑌰𑌮𑌾𑌰𑍍𑌗𑍈𑌕𑌗𑍋𑌚𑌰𑌾 ।
𑌪𑍍𑌰𑌵𑌾𑌲𑌶𑍋𑌭𑌾 𑌪𑍂𑌰𑍍𑌣𑌾𑌶𑌾 𑌪𑍍𑌰𑌣𑌵𑌾 𑌪𑌲𑍍𑌲𑌵𑍋𑌦𑌰𑍀 ॥ 10𑍭 ॥

𑌫𑌲𑌿𑌨𑍀 𑌫𑌲𑌦𑌾 𑌫𑌲𑍍𑌗𑍁𑌃 𑌫𑍂𑌤𑍍𑌕𑌾𑌰𑍀 𑌫𑌲𑌕𑌾𑌕𑍃𑌤𑌿𑌃 ।
𑌫𑌣𑍀𑌂𑌦𑍍𑌰𑌭𑍋𑌗𑌶𑌯𑌨𑌾 𑌫𑌣𑌿𑌮𑌂𑌡𑌲𑌮𑌂𑌡𑌿𑌤𑌾 ॥ 10𑍮 ॥

𑌬𑌾𑌲𑌬𑌾𑌲𑌾 𑌬𑌹𑍁𑌮𑌤𑌾 𑌬𑌾𑌲𑌾𑌤𑌪𑌨𑌿𑌭𑌾𑌂𑌶𑍁𑌕𑌾 ।
𑌬𑌲𑌭𑌦𑍍𑌰𑌪𑍍𑌰𑌿𑌯𑌾 𑌵𑌂𑌦𑍍𑌯𑌾 𑌬𑌡𑌵𑌾 𑌬𑍁𑌦𑍍𑌧𑌿𑌸𑌂𑌸𑍍𑌤𑍁𑌤𑌾 ॥ 10𑍯 ॥

𑌬𑌂𑌦𑍀𑌦𑍇𑌵𑍀 𑌬𑌿𑌲𑌵𑌤𑍀 𑌬𑌡𑌿𑌶𑌘𑍍𑌨𑍀 𑌬𑌲𑌿𑌪𑍍𑌰𑌿𑌯𑌾 ।
𑌬𑌾𑌂𑌧𑌵𑍀 𑌬𑍋𑌧𑌿𑌤𑌾 𑌬𑍁𑌦𑍍𑌧𑌿𑌰𑍍𑌬𑌂𑌧𑍂𑌕𑌕𑍁𑌸𑍁𑌮𑌪𑍍𑌰𑌿𑌯𑌾 ॥ 110 ॥

𑌬𑌾𑌲𑌭𑌾𑌨𑍁𑌪𑍍𑌰𑌭𑌾𑌕𑌾𑌰𑌾 𑌬𑍍𑌰𑌾𑌹𑍍𑌮𑍀 𑌬𑍍𑌰𑌾𑌹𑍍𑌮𑌣𑌦𑍇𑌵𑌤𑌾 ।
𑌬𑍃𑌹𑌸𑍍𑌪𑌤𑌿𑌸𑍍𑌤𑍁𑌤𑌾 𑌬𑍃𑌂𑌦𑌾 𑌬𑍃𑌂𑌦𑌾𑌵𑌨𑌵𑌿𑌹𑌾𑌰𑌿𑌣𑍀 ॥ 111 ॥

𑌬𑌾𑌲𑌾𑌕𑌿𑌨𑍀 𑌬𑌿𑌲𑌾𑌹𑌾𑌰𑌾 𑌬𑌿𑌲𑌵𑌾𑌸𑌾 𑌬𑌹𑍂𑌦𑌕𑌾 ।
𑌬𑌹𑍁𑌨𑍇𑌤𑍍𑌰𑌾 𑌬𑌹𑍁𑌪𑌦𑌾 𑌬𑌹𑍁𑌕𑌰𑍍𑌣𑌾𑌵𑌤𑌂𑌸𑌿𑌕𑌾 ॥ 112 ॥

𑌬𑌹𑍁𑌬𑌾𑌹𑍁𑌯𑍁𑌤𑌾 𑌬𑍀𑌜𑌰𑍂𑌪𑌿𑌣𑍀 𑌬𑌹𑍁𑌰𑍂𑌪𑌿𑌣𑍀 ।
𑌬𑌿𑌂𑌦𑍁𑌨𑌾𑌦𑌕𑌲𑌾𑌤𑍀𑌤𑌾 𑌬𑌿𑌂𑌦𑍁𑌨𑌾𑌦𑌸𑍍𑌵𑌰𑍂𑌪𑌿𑌣𑍀 ॥ 113 ॥

𑌬𑌦𑍍𑌧𑌗𑍋𑌧𑌾𑌂𑌗𑍁𑌲𑌿𑌤𑍍𑌰𑌾𑌣𑌾 𑌬𑌦𑌰𑍍𑌯𑌾𑌶𑍍𑌰𑌮𑌵𑌾𑌸𑌿𑌨𑍀 ।
𑌬𑍃𑌂𑌦𑌾𑌰𑌕𑌾 𑌬𑍃𑌹𑌤𑍍𑌸𑍍𑌕𑌂𑌧𑌾 𑌬𑍃𑌹𑌤𑍀 𑌬𑌾𑌣𑌪𑌾𑌤𑌿𑌨𑍀 ॥ 114 ॥

𑌬𑍃𑌂𑌦𑌾𑌧𑍍𑌯𑌕𑍍𑌷𑌾 𑌬𑌹𑍁𑌨𑍁𑌤𑌾 𑌵𑌨𑌿𑌤𑌾 𑌬𑌹𑍁𑌵𑌿𑌕𑍍𑌰𑌮𑌾 ।
𑌬𑌦𑍍𑌧𑌪𑌦𑍍𑌮𑌾𑌸𑌨𑌾𑌸𑍀𑌨𑌾 𑌬𑌿𑌲𑍍𑌵𑌪𑌤𑍍𑌰𑌤𑌲𑌸𑍍𑌥𑌿𑌤𑌾 ॥ 115 ॥

𑌬𑍋𑌧𑌿𑌦𑍍𑌰𑍁𑌮𑌨𑌿𑌜𑌾𑌵𑌾𑌸𑌾 𑌬𑌡𑌿𑌸𑍍𑌥𑌾 𑌬𑌿𑌂𑌦𑍁𑌦𑌰𑍍𑌪𑌣𑌾 ।
𑌬𑌾𑌲𑌾 𑌬𑌾𑌣𑌾𑌸𑌨𑌵𑌤𑍀 𑌬𑌡𑌬𑌾𑌨𑌲𑌵𑍇𑌗𑌿𑌨𑍀 ॥ 116 ॥

𑌬𑍍𑌰𑌹𑍍𑌮𑌾𑌂𑌡𑌬𑌹𑌿𑌰𑌂𑌤𑌃𑌸𑍍𑌥𑌾 𑌬𑍍𑌰𑌹𑍍𑌮𑌕𑌂𑌕𑌣𑌸𑍂𑌤𑍍𑌰𑌿𑌣𑍀 ।
𑌭𑌵𑌾𑌨𑍀 𑌭𑍀𑌷𑌣𑌵𑌤𑍀 𑌭𑌾𑌵𑌿𑌨𑍀 𑌭𑌯𑌹𑌾𑌰𑌿𑌣𑍀 ॥ 11𑍭 ॥

𑌭𑌦𑍍𑌰𑌕𑌾𑌲𑍀 𑌭𑍁𑌜𑌂𑌗𑌾𑌕𑍍𑌷𑍀 𑌭𑌾𑌰𑌤𑍀 𑌭𑌾𑌰𑌤𑌾𑌶𑌯𑌾 ।
𑌭𑍈𑌰𑌵𑍀 𑌭𑍀𑌷𑌣𑌾𑌕𑌾𑌰𑌾 𑌭𑍂𑌤𑌿𑌦𑌾 𑌭𑍂𑌤𑌿𑌮𑌾𑌲𑌿𑌨𑍀 ॥ 11𑍮 ॥

𑌭𑌾𑌮𑌿𑌨𑍀 𑌭𑍋𑌗𑌨𑌿𑌰𑌤𑌾 𑌭𑌦𑍍𑌰𑌦𑌾 𑌭𑍂𑌰𑌿𑌵𑌿𑌕𑍍𑌰𑌮𑌾 ।
𑌭𑍂𑌤𑌵𑌾𑌸𑌾 𑌭𑍃𑌗𑍁𑌲𑌤𑌾 𑌭𑌾𑌰𑍍𑌗𑌵𑍀 𑌭𑍂𑌸𑍁𑌰𑌾𑌰𑍍𑌚𑌿𑌤𑌾 ॥ 11𑍯 ॥

𑌭𑌾𑌗𑍀𑌰𑌥𑍀 𑌭𑍋𑌗𑌵𑌤𑍀 𑌭𑌵𑌨𑌸𑍍𑌥𑌾 𑌭𑌿𑌷𑌗𑍍𑌵𑌰𑌾 ।
𑌭𑌾𑌮𑌿𑌨𑍀 𑌭𑍋𑌗𑌿𑌨𑍀 𑌭𑌾𑌷𑌾 𑌭𑌵𑌾𑌨𑍀 𑌭𑍂𑌰𑌿𑌦𑌕𑍍𑌷𑌿𑌣𑌾 ॥ 120 ॥

𑌭𑌰𑍍𑌗𑌾𑌤𑍍𑌮𑌿𑌕𑌾 𑌭𑍀𑌮𑌵𑌤𑍀 𑌭𑌵𑌬𑌂𑌧𑌵𑌿𑌮𑍋𑌚𑌿𑌨𑍀 ।
𑌭𑌜𑌨𑍀𑌯𑌾 𑌭𑍂𑌤𑌧𑌾𑌤𑍍𑌰𑍀𑌰𑌂𑌜𑌿𑌤𑌾 𑌭𑍁𑌵𑌨𑍇𑌶𑍍𑌵𑌰𑍀 ॥ 121 ॥

𑌭𑍁𑌜𑌂𑌗𑌵𑌲𑌯𑌾 𑌭𑍀𑌮𑌾 𑌭𑍇𑌰𑍁𑌂𑌡𑌾 𑌭𑌾𑌗𑌧𑍇𑌯𑌿𑌨𑍀 ।
𑌮𑌾𑌤𑌾 𑌮𑌾𑌯𑌾 𑌮𑌧𑍁𑌮𑌤𑍀 𑌮𑌧𑍁𑌜𑌿𑌹𑍍𑌵𑌾 𑌮𑌧𑍁𑌪𑍍𑌰𑌿𑌯𑌾 ॥ 122 ॥

𑌮𑌹𑌾𑌦𑍇𑌵𑍀 𑌮𑌹𑌾𑌭𑌾𑌗𑌾 𑌮𑌾𑌲𑌿𑌨𑍀 𑌮𑍀𑌨𑌲𑍋𑌚𑌨𑌾 ।
𑌮𑌾𑌯𑌾𑌤𑍀𑌤𑌾 𑌮𑌧𑍁𑌮𑌤𑍀 𑌮𑌧𑍁𑌮𑌾𑌂𑌸𑌾 𑌮𑌧𑍁𑌦𑍍𑌰𑌵𑌾 ॥ 123 ॥

𑌮𑌾𑌨𑌵𑍀 𑌮𑌧𑍁𑌸𑌂𑌭𑍂𑌤𑌾 𑌮𑌿𑌥𑌿𑌲𑌾𑌪𑍁𑌰𑌵𑌾𑌸𑌿𑌨𑍀 ।
𑌮𑌧𑍁𑌕𑍈𑌟𑌭𑌸𑌂𑌹𑌰𑍍𑌤𑍍𑌰𑍀 𑌮𑍇𑌦𑌿𑌨𑍀 𑌮𑍇𑌘𑌮𑌾𑌲𑌿𑌨𑍀 ॥ 124 ॥

𑌮𑌂𑌦𑍋𑌦𑌰𑍀 𑌮𑌹𑌾𑌮𑌾𑌯𑌾 𑌮𑍈𑌥𑌿𑌲𑍀 𑌮𑌸𑍃𑌣𑌪𑍍𑌰𑌿𑌯𑌾 ।
𑌮𑌹𑌾𑌲𑌕𑍍𑌷𑍍𑌮𑍀𑌰𑍍𑌮𑌹𑌾𑌕𑌾𑌲𑍀 𑌮𑌹𑌾𑌕𑌨𑍍𑌯𑌾 𑌮𑌹𑍇𑌶𑍍𑌵𑌰𑍀 ॥ 125 ॥

𑌮𑌾𑌹𑍇𑌂𑌦𑍍𑌰𑍀 𑌮𑍇𑌰𑍁𑌤𑌨𑌯𑌾 𑌮𑌂𑌦𑌾𑌰𑌕𑍁𑌸𑍁𑌮𑌾𑌰𑍍𑌚𑌿𑌤𑌾 ।
𑌮𑌂𑌜𑍁𑌮𑌂𑌜𑍀𑌰𑌚𑌰𑌣𑌾 𑌮𑍋𑌕𑍍𑌷𑌦𑌾 𑌮𑌂𑌜𑍁𑌭𑌾𑌷𑌿𑌣𑍀 ॥ 126 ॥

𑌮𑌧𑍁𑌰𑌦𑍍𑌰𑌾𑌵𑌿𑌣𑍀 𑌮𑍁𑌦𑍍𑌰𑌾 𑌮𑌲𑌯𑌾 𑌮𑌲𑌯𑌾𑌨𑍍𑌵𑌿𑌤𑌾 ।
𑌮𑍇𑌧𑌾 𑌮𑌰𑌕𑌤𑌶𑍍𑌯𑌾𑌮𑌾 𑌮𑌾𑌗𑌧𑍀 𑌮𑍇𑌨𑌕𑌾𑌤𑍍𑌮𑌜𑌾 ॥ 12𑍭 ॥

𑌮𑌹𑌾𑌮𑌾𑌰𑍀 𑌮𑌹𑌾𑌵𑍀𑌰𑌾 𑌮𑌹𑌾𑌶𑍍𑌯𑌾𑌮𑌾 𑌮𑌨𑍁𑌸𑍍𑌤𑍁𑌤𑌾 ।
𑌮𑌾𑌤𑍃𑌕𑌾 𑌮𑌿𑌹𑌿𑌰𑌾𑌭𑌾𑌸𑌾 𑌮𑍁𑌕𑍁𑌂𑌦𑌪𑌦𑌵𑌿𑌕𑍍𑌰𑌮𑌾 ॥ 12𑍮 ॥

𑌮𑍂𑌲𑌾𑌧𑌾𑌰𑌸𑍍𑌥𑌿𑌤𑌾 𑌮𑍁𑌗𑍍𑌧𑌾 𑌮𑌣𑌿𑌪𑍂𑌰𑌕𑌵𑌾𑌸𑌿𑌨𑍀 ।
𑌮𑍃𑌗𑌾𑌕𑍍𑌷𑍀 𑌮𑌹𑌿𑌷𑌾𑌰𑍂𑌢𑌾 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑍀 ॥ 12𑍯 ॥

𑌯𑍋𑌗𑌾𑌸𑌨𑌾 𑌯𑍋𑌗𑌗𑌮𑍍𑌯𑌾 𑌯𑍋𑌗𑌾 𑌯𑍌𑌵𑌨𑌕𑌾𑌶𑍍𑌰𑌯𑌾 ।
𑌯𑍌𑌵𑌨𑍀 𑌯𑍁𑌦𑍍𑌧𑌮𑌧𑍍𑌯𑌸𑍍𑌥𑌾 𑌯𑌮𑍁𑌨𑌾 𑌯𑍁𑌗𑌧𑌾𑌰𑌿𑌣𑍀 ॥ 130 ॥

𑌯𑌕𑍍𑌷𑌿𑌣𑍀 𑌯𑍋𑌗𑌯𑍁𑌕𑍍𑌤𑌾 𑌚 𑌯𑌕𑍍𑌷𑌰𑌾𑌜𑌪𑍍𑌰𑌸𑍂𑌤𑌿𑌨𑍀 ।
𑌯𑌾𑌤𑍍𑌰𑌾 𑌯𑌾𑌨𑌵𑌿𑌧𑌾𑌨𑌜𑍍𑌞𑌾 𑌯𑌦𑍁𑌵𑌂𑌶𑌸𑌮𑍁𑌦𑍍𑌭𑌵𑌾 ॥ 131 ॥

𑌯𑌕𑌾𑌰𑌾𑌦𑌿𑌹𑌕𑌾𑌰𑌾𑌂𑌤𑌾 𑌯𑌾𑌜𑍁𑌷𑍀 𑌯𑌜𑍍𑌞𑌰𑍂𑌪𑌿𑌣𑍀 ।
𑌯𑌾𑌮𑌿𑌨𑍀 𑌯𑍋𑌗𑌨𑌿𑌰𑌤𑌾 𑌯𑌾𑌤𑍁𑌧𑌾𑌨𑌭𑌯𑌂𑌕𑌰𑍀 ॥ 132 ॥

𑌰𑍁𑌕𑍍𑌮𑌿𑌣𑍀 𑌰𑌮𑌣𑍀 𑌰𑌾𑌮𑌾 𑌰𑍇𑌵𑌤𑍀 𑌰𑍇𑌣𑍁𑌕𑌾 𑌰𑌤𑌿𑌃 ।
𑌰𑍌𑌦𑍍𑌰𑍀 𑌰𑍌𑌦𑍍𑌰𑌪𑍍𑌰𑌿𑌯𑌾𑌕𑌾𑌰𑌾 𑌰𑌾𑌮𑌮𑌾𑌤𑌾 𑌰𑌤𑌿𑌪𑍍𑌰𑌿𑌯𑌾 ॥ 133 ॥

𑌰𑍋𑌹𑌿𑌣𑍀 𑌰𑌾𑌜𑍍𑌯𑌦𑌾 𑌰𑍇𑌵𑌾 𑌰𑌮𑌾 𑌰𑌾𑌜𑍀𑌵𑌲𑍋𑌚𑌨𑌾 ।
𑌰𑌾𑌕𑍇𑌶𑍀 𑌰𑍂𑌪𑌸𑌂𑌪𑌨𑍍𑌨𑌾 𑌰𑌤𑍍𑌨𑌸𑌿𑌂𑌹𑌾𑌸𑌨𑌸𑍍𑌥𑌿𑌤𑌾 ॥ 134 ॥

𑌰𑌕𑍍𑌤𑌮𑌾𑌲𑍍𑌯𑌾𑌂𑌬𑌰𑌧𑌰𑌾 𑌰𑌕𑍍𑌤𑌗𑌂𑌧𑌾𑌨𑍁𑌲𑍇𑌪𑌨𑌾 ।
𑌰𑌾𑌜𑌹𑌂𑌸𑌸𑌮𑌾𑌰𑍂𑌢𑌾 𑌰𑌂𑌭𑌾 𑌰𑌕𑍍𑌤𑌬𑌲𑌿𑌪𑍍𑌰𑌿𑌯𑌾 ॥ 135 ॥

𑌰𑌮𑌣𑍀𑌯𑌯𑍁𑌗𑌾𑌧𑌾𑌰𑌾 𑌰𑌾𑌜𑌿𑌤𑌾𑌖𑌿𑌲𑌭𑍂𑌤𑌲𑌾 ।
𑌰𑍁𑌰𑍁𑌚𑌰𑍍𑌮𑌪𑌰𑍀𑌧𑌾𑌨𑌾 𑌰𑌥𑌿𑌨𑍀 𑌰𑌤𑍍𑌨𑌮𑌾𑌲𑌿𑌕𑌾 ॥ 136 ॥

𑌰𑍋𑌗𑍇𑌶𑍀 𑌰𑍋𑌗𑌶𑌮𑌨𑍀 𑌰𑌾𑌵𑌿𑌣𑍀 𑌰𑍋𑌮𑌹𑌰𑍍𑌷𑌿𑌣𑍀 ।
𑌰𑌾𑌮𑌚𑌂𑌦𑍍𑌰𑌪𑌦𑌾𑌕𑍍𑌰𑌾𑌂𑌤𑌾 𑌰𑌾𑌵𑌣𑌚𑍍𑌛𑍇𑌦𑌕𑌾𑌰𑌿𑌣𑍀 ॥ 13𑍭 ॥

𑌰𑌤𑍍𑌨𑌵𑌸𑍍𑌤𑍍𑌰𑌪𑌰𑌿𑌚𑍍𑌛𑌨𑍍𑌨𑌾 𑌰𑌥𑌸𑍍𑌥𑌾 𑌰𑍁𑌕𑍍𑌮𑌭𑍂𑌷𑌣𑌾 ।
𑌲𑌜𑍍𑌜𑌾𑌧𑌿𑌦𑍇𑌵𑌤𑌾 𑌲𑍋𑌲𑌾 𑌲𑌲𑌿𑌤𑌾 𑌲𑌿𑌂𑌗𑌧𑌾𑌰𑌿𑌣𑍀 ॥ 13𑍮 ॥

𑌲𑌕𑍍𑌷𑍍𑌮𑍀𑌰𑍍𑌲𑍋𑌲𑌾 𑌲𑍁𑌪𑍍𑌤𑌵𑌿𑌷𑌾 𑌲𑍋𑌕𑌿𑌨𑍀 𑌲𑍋𑌕𑌵𑌿𑌶𑍍𑌰𑍁𑌤𑌾 ।
𑌲𑌜𑍍𑌜𑌾 𑌲𑌂𑌬𑍋𑌦𑌰𑍀 𑌦𑍇𑌵𑍀 𑌲𑌲𑌨𑌾 𑌲𑍋𑌕𑌧𑌾𑌰𑌿𑌣𑍀 ॥ 13𑍯 ॥

𑌵𑌰𑌦𑌾 𑌵𑌂𑌦𑌿𑌤𑌾 𑌵𑌿𑌦𑍍𑌯𑌾 𑌵𑍈𑌷𑍍𑌣𑌵𑍀 𑌵𑌿𑌮𑌲𑌾𑌕𑍃𑌤𑌿𑌃 ।
𑌵𑌾𑌰𑌾𑌹𑍀 𑌵𑌿𑌰𑌜𑌾 𑌵𑌰𑍍𑌷𑌾 𑌵𑌰𑌲𑌕𑍍𑌷𑍍𑌮𑍀𑌰𑍍𑌵𑌿𑌲𑌾𑌸𑌿𑌨𑍀 ॥ 140 ॥

𑌵𑌿𑌨𑌤𑌾 𑌵𑍍𑌯𑍋𑌮𑌮𑌧𑍍𑌯𑌸𑍍𑌥𑌾 𑌵𑌾𑌰𑌿𑌜𑌾𑌸𑌨𑌸𑌂𑌸𑍍𑌥𑌿𑌤𑌾 ।
𑌵𑌾𑌰𑍁𑌣𑍀 𑌵𑍇𑌣𑍁𑌸𑌂𑌭𑍂𑌤𑌾 𑌵𑍀𑌤𑌿𑌹𑍋𑌤𑍍𑌰𑌾 𑌵𑌿𑌰𑍂𑌪𑌿𑌣𑍀 ॥ 141 ॥

𑌵𑌾𑌯𑍁𑌮𑌂𑌡𑌲𑌮𑌧𑍍𑌯𑌸𑍍𑌥𑌾 𑌵𑌿𑌷𑍍𑌣𑍁𑌰𑍂𑌪𑌾 𑌵𑌿𑌧𑌿𑌪𑍍𑌰𑌿𑌯𑌾 ।
𑌵𑌿𑌷𑍍𑌣𑍁𑌪𑌤𑍍𑌨𑍀 𑌵𑌿𑌷𑍍𑌣𑍁𑌮𑌤𑍀 𑌵𑌿𑌶𑌾𑌲𑌾𑌕𑍍𑌷𑍀 𑌵𑌸𑍁𑌂𑌧𑌰𑌾 ॥ 142 ॥

𑌵𑌾𑌮𑌦𑍇𑌵𑌪𑍍𑌰𑌿𑌯𑌾 𑌵𑍇𑌲𑌾 𑌵𑌜𑍍𑌰𑌿𑌣𑍀 𑌵𑌸𑍁𑌦𑍋𑌹𑌿𑌨𑍀 ।
𑌵𑍇𑌦𑌾𑌕𑍍𑌷𑌰𑌪𑌰𑍀𑌤𑌾𑌂𑌗𑍀 𑌵𑌾𑌜𑌪𑍇𑌯𑌫𑌲𑌪𑍍𑌰𑌦𑌾 ॥ 143 ॥

𑌵𑌾𑌸𑌵𑍀 𑌵𑌾𑌮𑌜𑌨𑌨𑍀 𑌵𑍈𑌕𑍁𑌂𑌠𑌨𑌿𑌲𑌯𑌾 𑌵𑌰𑌾 ।
𑌵𑍍𑌯𑌾𑌸𑌪𑍍𑌰𑌿𑌯𑌾 𑌵𑌰𑍍𑌮𑌧𑌰𑌾 𑌵𑌾𑌲𑍍𑌮𑍀𑌕𑌿𑌪𑌰𑌿𑌸𑍇𑌵𑌿𑌤𑌾 ॥ 144 ॥

𑌶𑌾𑌕𑌂𑌭𑌰𑍀 𑌶𑌿𑌵𑌾 𑌶𑌾𑌂𑌤𑌾 𑌶𑌾𑌰𑌦𑌾 𑌶𑌰𑌣𑌾𑌗𑌤𑌿𑌃 ।
𑌶𑌾𑌤𑍋𑌦𑌰𑍀 𑌶𑍁𑌭𑌾𑌚𑌾𑌰𑌾 𑌶𑍁𑌂𑌭𑌾𑌸𑍁𑌰𑌵𑌿𑌮𑌰𑍍𑌦𑌿𑌨𑍀 ॥ 145 ॥

𑌶𑍋𑌭𑌾𑌵𑌤𑍀 𑌶𑌿𑌵𑌾𑌕𑌾𑌰𑌾 𑌶𑌂𑌕𑌰𑌾𑌰𑍍𑌧𑌶𑌰𑍀𑌰𑌿𑌣𑍀 ।
𑌶𑍋𑌣𑌾 𑌶𑍁𑌭𑌾𑌶𑌯𑌾 𑌶𑍁𑌭𑍍𑌰𑌾 𑌶𑌿𑌰𑌃𑌸𑌂𑌧𑌾𑌨𑌕𑌾𑌰𑌿𑌣𑍀 ॥ 146 ॥

𑌶𑌰𑌾𑌵𑌤𑍀 𑌶𑌰𑌾𑌨𑌂𑌦𑌾 𑌶𑌰𑌜𑍍𑌜𑍍𑌯𑍋𑌤𑍍𑌸𑍍𑌨𑌾 𑌶𑍁𑌭𑌾𑌨𑌨𑌾 ।
𑌶𑌰𑌭𑌾 𑌶𑍂𑌲𑌿𑌨𑍀 𑌶𑍁𑌦𑍍𑌧𑌾 𑌶𑌬𑌰𑍀 𑌶𑍁𑌕𑌵𑌾𑌹𑌨𑌾 ॥ 14𑍭 ॥

𑌶𑍍𑌰𑍀𑌮𑌤𑍀 𑌶𑍍𑌰𑍀𑌧𑌰𑌾𑌨𑌂𑌦𑌾 𑌶𑍍𑌰𑌵𑌣𑌾𑌨𑌂𑌦𑌦𑌾𑌯𑌿𑌨𑍀 ।
𑌶𑌰𑍍𑌵𑌾𑌣𑍀 𑌶𑌰𑍍𑌵𑌰𑍀𑌵𑌂𑌦𑍍𑌯𑌾 𑌷𑌡𑍍𑌭𑌾𑌷𑌾 𑌷𑌡𑍃𑌤𑍁𑌪𑍍𑌰𑌿𑌯𑌾 ॥ 14𑍮 ॥

𑌷𑌡𑌾𑌧𑌾𑌰𑌸𑍍𑌥𑌿𑌤𑌾 𑌦𑍇𑌵𑍀 𑌷𑌣𑍍𑌮𑍁𑌖𑌪𑍍𑌰𑌿𑌯𑌕𑌾𑌰𑌿𑌣𑍀 ।
𑌷𑌡𑌂𑌗𑌰𑍂𑌪𑌸𑍁𑌮𑌤𑍀 𑌸𑍁𑌰𑌾𑌸𑍁𑌰𑌨𑌮𑌸𑍍𑌕𑍃𑌤𑌾 ॥ 14𑍯 ॥

𑌸𑌰𑌸𑍍𑌵𑌤𑍀 𑌸𑌦𑌾𑌧𑌾𑌰𑌾 𑌸𑌰𑍍𑌵𑌮𑌂𑌗𑌲𑌕𑌾𑌰𑌿𑌣𑍀 ।
𑌸𑌾𑌮𑌗𑌾𑌨𑌪𑍍𑌰𑌿𑌯𑌾 𑌸𑍂𑌕𑍍𑌷𑍍𑌮𑌾 𑌸𑌾𑌵𑌿𑌤𑍍𑌰𑍀 𑌸𑌾𑌮𑌸𑌂𑌭𑌵𑌾 ॥ 150 ॥

𑌸𑌰𑍍𑌵𑌾𑌵𑌾𑌸𑌾 𑌸𑌦𑌾𑌨𑌂𑌦𑌾 𑌸𑍁𑌸𑍍𑌤𑌨𑍀 𑌸𑌾𑌗𑌰𑌾𑌂𑌬𑌰𑌾 ।
𑌸𑌰𑍍𑌵𑍈𑌶𑍍𑌵𑌰𑍍𑌯𑌪𑍍𑌰𑌿𑌯𑌾 𑌸𑌿𑌦𑍍𑌧𑌿𑌃 𑌸𑌾𑌧𑍁𑌬𑌂𑌧𑍁𑌪𑌰𑌾𑌕𑍍𑌰𑌮𑌾 ॥ 151 ॥

𑌸𑌪𑍍𑌤𑌰𑍍𑌷𑌿𑌮𑌂𑌡𑌲𑌗𑌤𑌾 𑌸𑍋𑌮𑌮𑌂𑌡𑌲𑌵𑌾𑌸𑌿𑌨𑍀 ।
𑌸𑌰𑍍𑌵𑌜𑍍𑌞𑌾 𑌸𑌾𑌂𑌦𑍍𑌰𑌕𑌰𑍁𑌣𑌾 𑌸𑌮𑌾𑌨𑌾𑌧𑌿𑌕𑌵𑌰𑍍𑌜𑌿𑌤𑌾 ॥ 152 ॥

𑌸𑌰𑍍𑌵𑍋𑌤𑍍𑌤𑍁𑌂𑌗𑌾 𑌸𑌂𑌗𑌹𑍀𑌨𑌾 𑌸𑌦𑍍𑌗𑍁𑌣𑌾 𑌸𑌕𑌲𑍇𑌷𑍍𑌟𑌦𑌾 ।
𑌸𑌰𑌧𑌾 𑌸𑍂𑌰𑍍𑌯𑌤𑌨𑌯𑌾 𑌸𑍁𑌕𑍇𑌶𑍀 𑌸𑍋𑌮𑌸𑌂𑌹𑌤𑌿𑌃 ॥ 153 ॥

𑌹𑌿𑌰𑌣𑍍𑌯𑌵𑌰𑍍𑌣𑌾 𑌹𑌰𑌿𑌣𑍀 𑌹𑍍𑌰𑍀𑌂𑌕𑌾𑌰𑍀 𑌹𑌂𑌸𑌵𑌾𑌹𑌿𑌨𑍀 ।
𑌕𑍍𑌷𑍌𑌮𑌵𑌸𑍍𑌤𑍍𑌰𑌪𑌰𑍀𑌤𑌾𑌂𑌗𑍀 𑌕𑍍𑌷𑍀𑌰𑌾𑌬𑍍𑌧𑌿𑌤𑌨𑌯𑌾 𑌕𑍍𑌷𑌮𑌾 ॥ 154 ॥

𑌗𑌾𑌯𑌤𑍍𑌰𑍀 𑌚𑍈𑌵 𑌸𑌾𑌵𑌿𑌤𑍍𑌰𑍀 𑌪𑌾𑌰𑍍𑌵𑌤𑍀 𑌚 𑌸𑌰𑌸𑍍𑌵𑌤𑍀 ।
𑌵𑍇𑌦𑌗𑌰𑍍𑌭𑌾 𑌵𑌰𑌾𑌰𑍋𑌹𑌾 𑌶𑍍𑌰𑍀𑌗𑌾𑌯𑌤𑍍𑌰𑍀 𑌪𑌰𑌾𑌂𑌬𑌿𑌕𑌾 ॥ 155 ॥

𑌇𑌤𑌿 𑌸𑌾𑌹𑌸𑍍𑌰𑌕𑌂 𑌨𑌾𑌮𑍍𑌨𑌾𑌂 𑌗𑌾𑌯𑌤𑍍𑌰𑍍𑌯𑌾𑌶𑍍𑌚𑍈𑌵 𑌨𑌾𑌰𑌦 ।
𑌪𑍁𑌣𑍍𑌯𑌦𑌂 𑌸𑌰𑍍𑌵𑌪𑌾𑌪𑌘𑍍𑌨𑌂 𑌮𑌹𑌾𑌸𑌂𑌪𑌤𑍍𑌤𑌿𑌦𑌾𑌯𑌕𑌮𑍍 ॥ 156 ॥

𑌏𑌵𑌂 𑌨𑌾𑌮𑌾𑌨𑌿 𑌗𑌾𑌯𑌤𑍍𑌰𑍍𑌯𑌾𑌸𑍍𑌤𑍋𑌷𑍋𑌤𑍍𑌪𑌤𑍍𑌤𑌿𑌕𑌰𑌾𑌣𑌿 𑌹𑌿 ।
𑌅𑌷𑍍𑌟𑌮𑍍𑌯𑌾𑌂 𑌚 𑌵𑌿𑌶𑍇𑌷𑍇𑌣 𑌪𑌠𑌿𑌤𑌵𑍍𑌯𑌂 𑌦𑍍𑌵𑌿𑌜𑍈𑌃 𑌸𑌹 ॥ 15𑍭 ॥

𑌜𑌪𑌂 𑌕𑍃𑌤𑍍𑌵𑌾 𑌹𑍋𑌮 𑌪𑍂𑌜𑌾 𑌧𑍍𑌯𑌾𑌨𑌂 𑌕𑍃𑌤𑍍𑌵𑌾 𑌵𑌿𑌶𑍇𑌷𑌤𑌃 ।
𑌯𑌸𑍍𑌮𑍈 𑌕𑌸𑍍𑌮𑍈 𑌨 𑌦𑌾𑌤𑌵𑍍𑌯𑌂 𑌗𑌾𑌯𑌤𑍍𑌰𑍍𑌯𑌾𑌸𑍍𑌤𑍁 𑌵𑌿𑌶𑍇𑌷𑌤𑌃 ॥ 15𑍮 ॥

𑌸𑍁𑌭𑌕𑍍𑌤𑌾𑌯 𑌸𑍁𑌶𑌿𑌷𑍍𑌯𑌾𑌯 𑌵𑌕𑍍𑌤𑌵𑍍𑌯𑌂 𑌭𑍂𑌸𑍁𑌰𑌾𑌯 𑌵𑍈 ।
𑌭𑍍𑌰𑌷𑍍𑌟𑍇𑌭𑍍𑌯𑌃 𑌸𑌾𑌧𑌕𑍇𑌭𑍍𑌯𑌶𑍍𑌚 𑌬𑌾𑌂𑌧𑌵𑍇𑌭𑍍𑌯𑍋 𑌨 𑌦𑌰𑍍𑌶𑌯𑍇𑌤𑍍 ॥ 15𑍯 ॥

𑌯𑌦𑍍𑌗𑍃𑌹𑍇 𑌲𑌿𑌖𑌿𑌤𑌂 𑌶𑌾𑌸𑍍𑌤𑍍𑌰𑌂 𑌭𑌯𑌂 𑌤𑌸𑍍𑌯 𑌨 𑌕𑌸𑍍𑌯𑌚𑌿𑌤𑍍 ।
𑌚𑌂𑌚𑌲𑌾𑌪𑌿𑌸𑍍𑌥𑌿𑌰𑌾 𑌭𑍂𑌤𑍍𑌵𑌾 𑌕𑌮𑌲𑌾 𑌤𑌤𑍍𑌰 𑌤𑌿𑌷𑍍𑌠𑌤𑌿 ॥ 160 ॥

𑌇𑌦𑌂 𑌰𑌹𑌸𑍍𑌯𑌂 𑌪𑌰𑌮𑌂 𑌗𑍁𑌹𑍍𑌯𑌾𑌦𑍍𑌗𑍁𑌹𑍍𑌯𑌤𑌰𑌂 𑌮𑌹𑌤𑍍 ।
𑌪𑍁𑌣𑍍𑌯𑌪𑍍𑌰𑌦𑌂 𑌮𑌨𑍁𑌷𑍍𑌯𑌾𑌣𑌾𑌂 𑌦𑌰𑌿𑌦𑍍𑌰𑌾𑌣𑌾𑌂 𑌨𑌿𑌧𑌿𑌪𑍍𑌰𑌦𑌮𑍍 ॥ 161 ॥

𑌮𑍋𑌕𑍍𑌷𑌪𑍍𑌰𑌦𑌂 𑌮𑍁𑌮𑍁𑌕𑍍𑌷𑍂𑌣𑌾𑌂 𑌕𑌾𑌮𑌿𑌨𑌾𑌂 𑌸𑌰𑍍𑌵𑌕𑌾𑌮𑌦𑌮𑍍 ।
𑌰𑍋𑌗𑌾𑌦𑍍𑌵𑍈 𑌮𑍁𑌚𑍍𑌯𑌤𑍇 𑌰𑍋𑌗𑍀 𑌬𑌦𑍍𑌧𑍋 𑌮𑍁𑌚𑍍𑌯𑍇𑌤 𑌬𑌂𑌧𑌨𑌾𑌤𑍍 ॥ 162 ॥

𑌬𑍍𑌰𑌹𑍍𑌮𑌹𑌤𑍍𑌯𑌾 𑌸𑍁𑌰𑌾𑌪𑌾𑌨𑌂 𑌸𑍁𑌵𑌰𑍍𑌣𑌸𑍍𑌤𑍇𑌯𑌿𑌨𑍋 𑌨𑌰𑌾𑌃 ।
𑌗𑍁𑌰𑍁𑌤𑌲𑍍𑌪𑌗𑌤𑍋 𑌵𑌾𑌪𑌿 𑌪𑌾𑌤𑌕𑌾𑌨𑍍𑌮𑍁𑌚𑍍𑌯𑌤𑍇 𑌸𑌕𑍃𑌤𑍍 ॥ 163 ॥

𑌅𑌸𑌤𑍍𑌪𑍍𑌰𑌤𑌿𑌗𑍍𑌰𑌹𑌾𑌚𑍍𑌚𑍈𑌵𑌾𑌽𑌭𑌕𑍍𑌷𑍍𑌯𑌭𑌕𑍍𑌷𑌾𑌦𑍍𑌵𑌿𑌶𑍇𑌷𑌤𑌃 ।
𑌪𑌾𑌖𑌂𑌡𑌾𑌨𑍃𑌤𑌮𑍁𑌖𑍍𑌯𑍇𑌭𑍍𑌯𑌃 𑌪𑌠𑌨𑌾𑌦𑍇𑌵 𑌮𑍁𑌚𑍍𑌯𑌤𑍇 ॥ 164 ॥

𑌇𑌦𑌂 𑌰𑌹𑌸𑍍𑌯𑌮𑌮𑌲𑌂 𑌮𑌯𑍋𑌕𑍍𑌤𑌂 𑌪𑌦𑍍𑌮𑌜𑍋𑌦𑍍𑌭𑌵 ।
𑌬𑍍𑌰𑌹𑍍𑌮𑌸𑌾𑌯𑍁𑌜𑍍𑌯𑌦𑌂 𑌨𑍄𑌣𑌾𑌂 𑌸𑌤𑍍𑌯𑌂 𑌸𑌤𑍍𑌯𑌂 𑌨 𑌸𑌂𑌶𑌯𑌃 ॥ 165 ॥

𑌇𑌤𑌿 𑌶𑍍𑌰𑍀𑌦𑍇𑌵𑍀𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌦𑍍𑌵𑌾𑌦𑌶𑌸𑍍𑌕𑌂𑌧𑍇 𑌗𑌾𑌯𑌤𑍍𑌰𑍀𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰 𑌕𑌥𑌨𑌂 𑌨𑌾𑌮 𑌷𑌷𑍍𑌠𑍋𑌽𑌧𑍍𑌯𑌾𑌯𑌃 ॥