𑌅𑌸𑍍𑌯 𑌶𑍍𑌰𑍀 𑌸𑍂𑌰𑍍𑌯 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌸𑍍𑌯 𑌵𑍇𑌦𑌵𑍍𑌯𑌾𑌸 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍𑌛𑌂𑌦𑌃 𑌸𑌵𑌿𑌤𑌾 𑌦𑍇𑌵𑌤𑌾 𑌸𑌰𑍍𑌵𑌾𑌭𑍀𑌷𑍍𑌟 𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑌧𑍍𑌯𑌾𑌨𑌮𑍍 ।
𑌧𑍍𑌯𑍇𑌯𑌃 𑌸𑌦𑌾 𑌸𑌵𑌿𑌤𑍃𑌮𑌂𑌡𑌲𑌮𑌧𑍍𑌯𑌵𑌰𑍍𑌤𑍀
𑌨𑌾𑌰𑌾𑌯𑌣𑌃 𑌸𑌰𑌸𑌿𑌜𑌾𑌸𑌨𑌸𑌨𑍍𑌨𑌿𑌵𑌿𑌷𑍍𑌟𑌃 ।
𑌕𑍇𑌯𑍂𑌰𑌵𑌾𑌨𑍍 𑌮𑌕𑌰𑌕𑍁𑌂𑌡𑌲𑌵𑌾𑌨𑍍 𑌕𑌿𑌰𑍀𑌟𑍀
𑌹𑌾𑌰𑍀 𑌹𑌿𑌰𑌣𑍍𑌮𑌯𑌵𑌪𑍁𑌰𑍍𑌧𑍃𑌤𑌶𑌂𑌖𑌚𑌕𑍍𑌰𑌃 ॥

𑌸𑍍𑌤𑍋𑌤𑍍𑌰𑌮𑍍 ।
𑌓𑌂 𑌵𑌿𑌶𑍍𑌵𑌵𑌿𑌦𑍍𑌵𑌿𑌶𑍍𑌵𑌜𑌿𑌤𑍍𑌕𑌰𑍍𑌤𑌾 𑌵𑌿𑌶𑍍𑌵𑌾𑌤𑍍𑌮𑌾 𑌵𑌿𑌶𑍍𑌵𑌤𑍋𑌮𑍁𑌖𑌃 ।
𑌵𑌿𑌶𑍍𑌵𑍇𑌶𑍍𑌵𑌰𑍋 𑌵𑌿𑌶𑍍𑌵𑌯𑍋𑌨𑌿𑌰𑍍𑌨𑌿𑌯𑌤𑌾𑌤𑍍𑌮𑌾 𑌜𑌿𑌤𑍇𑌂𑌦𑍍𑌰𑌿𑌯𑌃 ॥ 1 ॥

𑌕𑌾𑌲𑌾𑌶𑍍𑌰𑌯𑌃 𑌕𑌾𑌲𑌕𑌰𑍍𑌤𑌾 𑌕𑌾𑌲𑌹𑌾 𑌕𑌾𑌲𑌨𑌾𑌶𑌨𑌃 ।
𑌮𑌹𑌾𑌯𑍋𑌗𑍀 𑌮𑌹𑌾𑌸𑌿𑌦𑍍𑌧𑌿𑌰𑍍𑌮𑌹𑌾𑌤𑍍𑌮𑌾 𑌸𑍁𑌮𑌹𑌾𑌬𑌲𑌃 ॥ 2 ॥

𑌪𑍍𑌰𑌭𑍁𑌰𑍍𑌵𑌿𑌭𑍁𑌰𑍍𑌭𑍂𑌤𑌨𑌾𑌥𑍋 𑌭𑍂𑌤𑌾𑌤𑍍𑌮𑌾 𑌭𑍁𑌵𑌨𑍇𑌶𑍍𑌵𑌰𑌃 ।
𑌭𑍂𑌤𑌭𑌵𑍍𑌯𑍋 𑌭𑌾𑌵𑌿𑌤𑌾𑌤𑍍𑌮𑌾 𑌭𑍂𑌤𑌾𑌂𑌤𑌃𑌕𑌰𑌣𑌂 𑌶𑌿𑌵𑌃 ॥ 3 ॥

𑌶𑌰𑌣𑍍𑌯𑌃 𑌕𑌮𑌲𑌾𑌨𑌂𑌦𑍋 𑌨𑌂𑌦𑌨𑍋 𑌨𑌂𑌦𑌵𑌰𑍍𑌧𑌨𑌃 ।
𑌵𑌰𑍇𑌣𑍍𑌯𑍋 𑌵𑌰𑌦𑍋 𑌯𑍋𑌗𑍀 𑌸𑍁𑌸𑌂𑌯𑍁𑌕𑍍𑌤𑌃 𑌪𑍍𑌰𑌕𑌾𑌶𑌕𑌃 ॥ 4 ॥

𑌪𑍍𑌰𑌾𑌪𑍍𑌤𑌯𑌾𑌨𑌃 𑌪𑌰𑌪𑍍𑌰𑌾𑌣𑌃 𑌪𑍂𑌤𑌾𑌤𑍍𑌮𑌾 𑌪𑍍𑌰𑌿𑌯𑌤𑌃 𑌪𑍍𑌰𑌿𑌯𑌃 । [𑌪𑍍𑌰𑌯𑌤𑌃]
𑌨𑌯𑌃 𑌸𑌹𑌸𑍍𑌰𑌪𑌾𑌤𑍍 𑌸𑌾𑌧𑍁𑌰𑍍𑌦𑌿𑌵𑍍𑌯𑌕𑍁𑌂𑌡𑌲𑌮𑌂𑌡𑌿𑌤𑌃 ॥ 5 ॥

𑌅𑌵𑍍𑌯𑌂𑌗𑌧𑌾𑌰𑍀 𑌧𑍀𑌰𑌾𑌤𑍍𑌮𑌾 𑌸𑌵𑌿𑌤𑌾 𑌵𑌾𑌯𑍁𑌵𑌾𑌹𑌨𑌃 ।
𑌸𑌮𑌾𑌹𑌿𑌤𑌮𑌤𑌿𑌰𑍍𑌦𑌾𑌤𑌾 𑌵𑌿𑌧𑌾𑌤𑌾 𑌕𑍃𑌤𑌮𑌂𑌗𑌲𑌃 ॥ 6 ॥

𑌕𑌪𑌰𑍍𑌦𑍀 𑌕𑌲𑍍𑌪𑌪𑌾𑌦𑍍𑌰𑍁𑌦𑍍𑌰𑌃 𑌸𑍁𑌮𑌨𑌾 𑌧𑌰𑍍𑌮𑌵𑌤𑍍𑌸𑌲𑌃 ।
𑌸𑌮𑌾𑌯𑍁𑌕𑍍𑌤𑍋 𑌵𑌿𑌮𑍁𑌕𑍍𑌤𑌾𑌤𑍍𑌮𑌾 𑌕𑍃𑌤𑌾𑌤𑍍𑌮𑌾 𑌕𑍃𑌤𑌿𑌨𑌾𑌂 𑌵𑌰𑌃 ॥ 𑍭 ॥

𑌅𑌵𑌿𑌚𑌿𑌂𑌤𑍍𑌯𑌵𑌪𑍁𑌃 𑌶𑍍𑌰𑍇𑌷𑍍𑌠𑍋 𑌮𑌹𑌾𑌯𑍋𑌗𑍀 𑌮𑌹𑍇𑌶𑍍𑌵𑌰𑌃 ।
𑌕𑌾𑌂𑌤𑌃 𑌕𑌾𑌮𑌾𑌰𑌿𑌰𑌾𑌦𑌿𑌤𑍍𑌯𑍋 𑌨𑌿𑌯𑌤𑌾𑌤𑍍𑌮𑌾 𑌨𑌿𑌰𑌾𑌕𑍁𑌲𑌃 ॥ 𑍮 ॥

𑌕𑌾𑌮𑌃 𑌕𑌾𑌰𑍁𑌣𑌿𑌕𑌃 𑌕𑌰𑍍𑌤𑌾 𑌕𑌮𑌲𑌾𑌕𑌰𑌬𑍋𑌧𑌨𑌃 ।
𑌸𑌪𑍍𑌤𑌸𑌪𑍍𑌤𑌿𑌰𑌚𑌿𑌂𑌤𑍍𑌯𑌾𑌤𑍍𑌮𑌾 𑌮𑌹𑌾𑌕𑌾𑌰𑍁𑌣𑌿𑌕𑍋𑌤𑍍𑌤𑌮𑌃 ॥ 𑍯 ॥

𑌸𑌂𑌜𑍀𑌵𑌨𑍋 𑌜𑍀𑌵𑌨𑌾𑌥𑍋 𑌜𑌯𑍋 𑌜𑍀𑌵𑍋 𑌜𑌗𑌤𑍍𑌪𑌤𑌿𑌃 ।
𑌅𑌯𑍁𑌕𑍍𑌤𑍋 𑌵𑌿𑌶𑍍𑌵𑌨𑌿𑌲𑌯𑌃 𑌸𑌂𑌵𑌿𑌭𑌾𑌗𑍀 𑌵𑍃𑌷𑌧𑍍𑌵𑌜𑌃 ॥ 10 ॥

𑌵𑍃𑌷𑌾𑌕𑌪𑌿𑌃 𑌕𑌲𑍍𑌪𑌕𑌰𑍍𑌤𑌾 𑌕𑌲𑍍𑌪𑌾𑌂𑌤𑌕𑌰𑌣𑍋 𑌰𑌵𑌿𑌃 ।
𑌏𑌕𑌚𑌕𑍍𑌰𑌰𑌥𑍋 𑌮𑍌𑌨𑍀 𑌸𑍁𑌰𑌥𑍋 𑌰𑌥𑌿𑌨𑌾𑌂 𑌵𑌰𑌃 ॥ 11 ॥

𑌸𑌕𑍍𑌰𑍋𑌧𑌨𑍋 𑌰𑌶𑍍𑌮𑌿𑌮𑌾𑌲𑍀 𑌤𑍇𑌜𑍋𑌰𑌾𑌶𑌿𑌰𑍍𑌵𑌿𑌭𑌾𑌵𑌸𑍁𑌃 ।
𑌦𑌿𑌵𑍍𑌯𑌕𑍃𑌦𑍍𑌦𑌿𑌨𑌕𑍃𑌦𑍍𑌦𑍇𑌵𑍋 𑌦𑍇𑌵𑌦𑍇𑌵𑍋 𑌦𑌿𑌵𑌸𑍍𑌪𑌤𑌿𑌃 ॥ 12 ॥

𑌦𑍀𑌨𑌨𑌾𑌥𑍋 𑌹𑌰𑍋 𑌹𑍋𑌤𑌾 𑌦𑌿𑌵𑍍𑌯𑌬𑌾𑌹𑍁𑌰𑍍𑌦𑌿𑌵𑌾𑌕𑌰𑌃 ।
𑌯𑌜𑍍𑌞𑍋 𑌯𑌜𑍍𑌞𑌪𑌤𑌿𑌃 𑌪𑍂𑌷𑌾 𑌸𑍍𑌵𑌰𑍍𑌣𑌰𑍇𑌤𑌾𑌃 𑌪𑌰𑌾𑌵𑌰𑌃 ॥ 13 ॥

𑌪𑌰𑌾𑌪𑌰𑌜𑍍𑌞𑌸𑍍𑌤𑌰𑌣𑌿𑌰𑌂𑌶𑍁𑌮𑌾𑌲𑍀 𑌮𑌨𑍋𑌹𑌰𑌃 ।
𑌪𑍍𑌰𑌾𑌜𑍍𑌞𑌃 𑌪𑍍𑌰𑌾𑌜𑍍𑌞𑌪𑌤𑌿𑌃 𑌸𑍂𑌰𑍍𑌯𑌃 𑌸𑌵𑌿𑌤𑌾 𑌵𑌿𑌷𑍍𑌣𑍁𑌰𑌂𑌶𑍁𑌮𑌾𑌨𑍍 ॥ 14 ॥

𑌸𑌦𑌾𑌗𑌤𑌿𑌰𑍍𑌗𑌂𑌧𑌵𑌹𑍋 𑌵𑌿𑌹𑌿𑌤𑍋 𑌵𑌿𑌧𑌿𑌰𑌾𑌶𑍁𑌗𑌃 ।
𑌪𑌤𑌂𑌗𑌃 𑌪𑌤𑌗𑌃 𑌸𑍍𑌥𑌾𑌣𑍁𑌰𑍍𑌵𑌿𑌹𑌂𑌗𑍋 𑌵𑌿𑌹𑌗𑍋 𑌵𑌰𑌃 ॥ 15 ॥

𑌹𑌰𑍍𑌯𑌶𑍍𑌵𑍋 𑌹𑌰𑌿𑌤𑌾𑌶𑍍𑌵𑌶𑍍𑌚 𑌹𑌰𑌿𑌦𑌶𑍍𑌵𑍋 𑌜𑌗𑌤𑍍𑌪𑍍𑌰𑌿𑌯𑌃 ।
𑌤𑍍𑌰𑍍𑌯𑌂𑌬𑌕𑌃 𑌸𑌰𑍍𑌵𑌦𑌮𑌨𑍋 𑌭𑌾𑌵𑌿𑌤𑌾𑌤𑍍𑌮𑌾 𑌭𑌿𑌷𑌗𑍍𑌵𑌰𑌃 ॥ 16 ॥

𑌆𑌲𑍋𑌕𑌕𑍃𑌲𑍍𑌲𑍋𑌕𑌨𑌾𑌥𑍋 𑌲𑍋𑌕𑌾𑌲𑍋𑌕𑌨𑌮𑌸𑍍𑌕𑍃𑌤𑌃 ।
𑌕𑌾𑌲𑌃 𑌕𑌲𑍍𑌪𑌾𑌂𑌤𑌕𑍋 𑌵𑌹𑍍𑌨𑌿𑌸𑍍𑌤𑌪𑌨𑌃 𑌸𑌂𑌪𑍍𑌰𑌤𑌾𑌪𑌨𑌃 ॥ 1𑍭 ॥

𑌵𑌿𑌲𑍋𑌚𑌨𑍋 𑌵𑌿𑌰𑍂𑌪𑌾𑌕𑍍𑌷𑌃 𑌸𑌹𑌸𑍍𑌰𑌾𑌕𑍍𑌷𑌃 𑌪𑍁𑌰𑌂𑌦𑌰𑌃 ।
𑌸𑌹𑌸𑍍𑌰𑌰𑌶𑍍𑌮𑌿𑌰𑍍𑌮𑌿𑌹𑌿𑌰𑍋 𑌵𑌿𑌵𑌿𑌧𑌾𑌂𑌬𑌰𑌭𑍂𑌷𑌣𑌃 ॥ 1𑍮 ॥

𑌖𑌗𑌃 𑌪𑍍𑌰𑌤𑌰𑍍𑌦𑌨𑍋 𑌧𑌨𑍍𑌯𑍋 𑌹𑌯𑌗𑍋 𑌵𑌾𑌗𑍍𑌵𑌿𑌶𑌾𑌰𑌦𑌃 ।
𑌶𑍍𑌰𑍀𑌮𑌾𑌨𑌶𑌿𑌶𑌿𑌰𑍋 𑌵𑌾𑌗𑍍𑌮𑍀 𑌶𑍍𑌰𑍀𑌪𑌤𑌿𑌃 𑌶𑍍𑌰𑍀𑌨𑌿𑌕𑍇𑌤𑌨𑌃 ॥ 1𑍯 ॥

𑌶𑍍𑌰𑍀𑌕𑌂𑌠𑌃 𑌶𑍍𑌰𑍀𑌧𑌰𑌃 𑌶𑍍𑌰𑍀𑌮𑌾𑌨𑍍 𑌶𑍍𑌰𑍀𑌨𑌿𑌵𑌾𑌸𑍋 𑌵𑌸𑍁𑌪𑍍𑌰𑌦𑌃 ।
𑌕𑌾𑌮𑌚𑌾𑌰𑍀 𑌮𑌹𑌾𑌮𑌾𑌯𑍋 𑌮𑌹𑍋𑌗𑍍𑌰𑍋𑌽𑌵𑌿𑌦𑌿𑌤𑌾𑌮𑌯𑌃 ॥ 20 ॥

𑌤𑍀𑌰𑍍𑌥𑌕𑍍𑌰𑌿𑌯𑌾𑌵𑌾𑌨𑍍 𑌸𑍁𑌨𑌯𑍋 𑌵𑌿𑌭𑌕𑍍𑌤𑍋 𑌭𑌕𑍍𑌤𑌵𑌤𑍍𑌸𑌲𑌃 ।
𑌕𑍀𑌰𑍍𑌤𑌿𑌃 𑌕𑍀𑌰𑍍𑌤𑌿𑌕𑌰𑍋 𑌨𑌿𑌤𑍍𑌯𑌃 𑌕𑍁𑌂𑌡𑌲𑍀 𑌕𑌵𑌚𑍀 𑌰𑌥𑍀 ॥ 21 ॥

𑌹𑌿𑌰𑌣𑍍𑌯𑌰𑍇𑌤𑌾𑌃 𑌸𑌪𑍍𑌤𑌾𑌶𑍍𑌵𑌃 𑌪𑍍𑌰𑌯𑌤𑌾𑌤𑍍𑌮𑌾 𑌪𑌰𑌂𑌤𑌪𑌃 ।
𑌬𑍁𑌦𑍍𑌧𑌿𑌮𑌾𑌨𑌮𑌰𑌶𑍍𑌰𑍇𑌷𑍍𑌠𑍋 𑌰𑍋𑌚𑌿𑌷𑍍𑌣𑍁𑌃 𑌪𑌾𑌕𑌶𑌾𑌸𑌨𑌃 ॥ 22 ॥

𑌸𑌮𑍁𑌦𑍍𑌰𑍋 𑌧𑌨𑌦𑍋 𑌧𑌾𑌤𑌾 𑌮𑌾𑌂𑌧𑌾𑌤𑌾 𑌕𑌶𑍍𑌮𑌲𑌾𑌪𑌹𑌃 ।
𑌤𑌮𑍋𑌘𑍍𑌨𑍋 𑌧𑍍𑌵𑌾𑌂𑌤𑌹𑌾 𑌵𑌹𑍍𑌨𑌿𑌰𑍍𑌹𑍋𑌤𑌾𑌽𑌂𑌤𑌃𑌕𑌰𑌣𑍋 𑌗𑍁𑌹𑌃 ॥ 23 ॥

𑌪𑌶𑍁𑌮𑌾𑌨𑍍 𑌪𑍍𑌰𑌯𑌤𑌾𑌨𑌂𑌦𑍋 𑌭𑍂𑌤𑍇𑌶𑌃 𑌶𑍍𑌰𑍀𑌮𑌤𑌾𑌂 𑌵𑌰𑌃 ।
𑌨𑌿𑌤𑍍𑌯𑍋𑌽𑌦𑌿𑌤𑍋 𑌨𑌿𑌤𑍍𑌯𑌰𑌥𑌃 𑌸𑍁𑌰𑍇𑌶𑌃 𑌸𑍁𑌰𑌪𑍂𑌜𑌿𑌤𑌃 ॥ 24 ॥

𑌅𑌜𑌿𑌤𑍋 𑌵𑌿𑌜𑌿𑌤𑍋 𑌜𑍇𑌤𑌾 𑌜𑌂𑌗𑌮𑌸𑍍𑌥𑌾𑌵𑌰𑌾𑌤𑍍𑌮𑌕𑌃 ।
𑌜𑍀𑌵𑌾𑌨𑌂𑌦𑍋 𑌨𑌿𑌤𑍍𑌯𑌗𑌾𑌮𑍀 𑌵𑌿𑌜𑍇𑌤𑌾 𑌵𑌿𑌜𑌯𑌪𑍍𑌰𑌦𑌃 ॥ 25 ॥

𑌪𑌰𑍍𑌜𑌨𑍍𑌯𑍋𑌽𑌗𑍍𑌨𑌿𑌃 𑌸𑍍𑌥𑌿𑌤𑌿𑌃 𑌸𑍍𑌥𑍇𑌯𑌃 𑌸𑍍𑌥𑌵𑌿𑌰𑍋𑌽𑌥 𑌨𑌿𑌰𑌂𑌜𑌨𑌃 ।
𑌪𑍍𑌰𑌦𑍍𑌯𑍋𑌤𑌨𑍋 𑌰𑌥𑌾𑌰𑍂𑌢𑌃 𑌸𑌰𑍍𑌵𑌲𑍋𑌕𑌪𑍍𑌰𑌕𑌾𑌶𑌕𑌃 ॥ 26 ॥

𑌧𑍍𑌰𑍁𑌵𑍋 𑌮𑍇𑌷𑍀 𑌮𑌹𑌾𑌵𑍀𑌰𑍍𑌯𑍋 𑌹𑌂𑌸𑌃 𑌸𑌂𑌸𑌾𑌰𑌤𑌾𑌰𑌕𑌃 ।
𑌸𑍃𑌷𑍍𑌟𑌿𑌕𑌰𑍍𑌤𑌾 𑌕𑍍𑌰𑌿𑌯𑌾𑌹𑍇𑌤𑍁𑌰𑍍𑌮𑌾𑌰𑍍𑌤𑌂𑌡𑍋 𑌮𑌰𑍁𑌤𑌾𑌂 𑌪𑌤𑌿𑌃 ॥ 2𑍭 ॥

𑌮𑌰𑍁𑌤𑍍𑌵𑌾𑌨𑍍 𑌦𑌹𑌨𑌸𑍍𑌤𑍍𑌵𑌷𑍍𑌟𑌾 𑌭𑌗𑍋 𑌭𑌰𑍍𑌗𑍋𑌽𑌰𑍍𑌯𑌮𑌾 𑌕𑌪𑌿𑌃 ।
𑌵𑌰𑍁𑌣𑍇𑌶𑍋 𑌜𑌗𑌨𑍍𑌨𑌾𑌥𑌃 𑌕𑍃𑌤𑌕𑍃𑌤𑍍𑌯𑌃 𑌸𑍁𑌲𑍋𑌚𑌨𑌃 ॥ 2𑍮 ॥

𑌵𑌿𑌵𑌸𑍍𑌵𑌾𑌨𑍍 𑌭𑌾𑌨𑍁𑌮𑌾𑌨𑍍 𑌕𑌾𑌰𑍍𑌯𑌃 𑌕𑌾𑌰𑌣𑌸𑍍𑌤𑍇𑌜𑌸𑌾𑌂 𑌨𑌿𑌧𑌿𑌃 ।
𑌅𑌸𑌂𑌗𑌗𑌾𑌮𑍀 𑌤𑌿𑌗𑍍𑌮𑌾𑌂𑌶𑍁𑌰𑍍𑌧𑌰𑍍𑌮𑌾𑌂𑌶𑍁𑌰𑍍𑌦𑍀𑌪𑍍𑌤𑌦𑍀𑌧𑌿𑌤𑌿𑌃 ॥ 2𑍯 ॥

𑌸𑌹𑌸𑍍𑌰𑌦𑍀𑌧𑌿𑌤𑌿𑌰𑍍𑌬𑍍𑌰𑌧𑍍𑌨𑌃 𑌸𑌹𑌸𑍍𑌰𑌾𑌂𑌶𑍁𑌰𑍍𑌦𑌿𑌵𑌾𑌕𑌰𑌃 ।
𑌗𑌭𑌸𑍍𑌤𑌿𑌮𑌾𑌨𑍍 𑌦𑍀𑌧𑌿𑌤𑌿𑌮𑌾𑌨𑍍 𑌸𑍍𑌰𑌗𑍍𑌵𑍀 𑌮𑌣𑌿𑌕𑍁𑌲𑌦𑍍𑌯𑍁𑌤𑌿𑌃 ॥ 30 ॥

𑌭𑌾𑌸𑍍𑌕𑌰𑌃 𑌸𑍁𑌰𑌕𑌾𑌰𑍍𑌯𑌜𑍍𑌞𑌃 𑌸𑌰𑍍𑌵𑌜𑍍𑌞𑌸𑍍𑌤𑍀𑌕𑍍𑌷𑍍𑌣𑌦𑍀𑌧𑌿𑌤𑌿𑌃 ।
𑌸𑍁𑌰𑌜𑍍𑌯𑍇𑌷𑍍𑌠𑌃 𑌸𑍁𑌰𑌪𑌤𑌿𑌰𑍍𑌬𑌹𑍁𑌜𑍍𑌞𑍋 𑌵𑌚𑌸𑌾𑌂 𑌪𑌤𑌿𑌃 ॥ 31 ॥

𑌤𑍇𑌜𑍋𑌨𑌿𑌧𑌿𑌰𑍍𑌬𑍃𑌹𑌤𑍍𑌤𑍇𑌜𑌾 𑌬𑍃𑌹𑌤𑍍𑌕𑍀𑌰𑍍𑌤𑌿𑌰𑍍𑌬𑍃𑌹𑌸𑍍𑌪𑌤𑌿𑌃 ।
𑌅𑌹𑌿𑌮𑌾𑌨𑍂𑌰𑍍𑌜𑌿𑌤𑍋 𑌧𑍀𑌮𑌾𑌨𑌾𑌮𑍁𑌕𑍍𑌤𑌃 𑌕𑍀𑌰𑍍𑌤𑌿𑌵𑌰𑍍𑌧𑌨𑌃 ॥ 32 ॥

𑌮𑌹𑌾𑌵𑍈𑌦𑍍𑌯𑍋 𑌗𑌣𑌪𑌤𑌿𑌰𑍍𑌧𑌨𑍇𑌶𑍋 𑌗𑌣𑌨𑌾𑌯𑌕𑌃 ।
𑌤𑍀𑌵𑍍𑌰𑌪𑍍𑌰𑌤𑌾𑌪𑌨𑌸𑍍𑌤𑌾𑌪𑍀 𑌤𑌾𑌪𑌨𑍋 𑌵𑌿𑌶𑍍𑌵𑌤𑌾𑌪𑌨𑌃 ॥ 33 ॥

𑌕𑌾𑌰𑍍𑌤𑌸𑍍𑌵𑌰𑍋 𑌹𑍃𑌷𑍀𑌕𑍇𑌶𑌃 𑌪𑌦𑍍𑌮𑌾𑌨𑌂𑌦𑍋𑌽𑌤𑌿𑌨𑌂𑌦𑌿𑌤𑌃 ।
𑌪𑌦𑍍𑌮𑌨𑌾𑌭𑍋𑌽𑌮𑍃𑌤𑌾𑌹𑌾𑌰𑌃 𑌸𑍍𑌥𑌿𑌤𑌿𑌮𑌾𑌨𑍍 𑌕𑍇𑌤𑍁𑌮𑌾𑌨𑍍 𑌨𑌭𑌃 ॥ 34 ॥

𑌅𑌨𑌾𑌦𑍍𑌯𑌂𑌤𑍋𑌽𑌚𑍍𑌯𑍁𑌤𑍋 𑌵𑌿𑌶𑍍𑌵𑍋 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌘𑍃𑌣𑌿𑌰𑍍𑌵𑌿𑌰𑌾𑌟𑍍 ।
𑌆𑌮𑍁𑌕𑍍𑌤𑌕𑌵𑌚𑍋 𑌵𑌾𑌗𑍍𑌮𑍀 𑌕𑌂𑌚𑍁𑌕𑍀 𑌵𑌿𑌶𑍍𑌵𑌭𑌾𑌵𑌨𑌃 ॥ 35 ॥

𑌅𑌨𑌿𑌮𑌿𑌤𑍍𑌤𑌗𑌤𑌿𑌃 𑌶𑍍𑌰𑍇𑌷𑍍𑌠𑌃 𑌶𑌰𑌣𑍍𑌯𑌃 𑌸𑌰𑍍𑌵𑌤𑍋𑌮𑍁𑌖𑌃 ।
𑌵𑌿𑌗𑌾𑌹𑍀 𑌵𑍇𑌣𑍁𑌰𑌸𑌹𑌃 𑌸𑌮𑌾𑌯𑍁𑌕𑍍𑌤𑌃 𑌸𑌮𑌾𑌕𑍍𑌰𑌤𑍁𑌃 ॥ 36 ॥

𑌧𑌰𑍍𑌮𑌕𑍇𑌤𑍁𑌰𑍍𑌧𑌰𑍍𑌮𑌰𑌤𑌿𑌃 𑌸𑌂𑌹𑌰𑍍𑌤𑌾 𑌸𑌂𑌯𑌮𑍋 𑌯𑌮𑌃 ।
𑌪𑍍𑌰𑌣𑌤𑌾𑌰𑍍𑌤𑌿𑌹𑌰𑍋 𑌵𑌾𑌯𑍁𑌃 𑌸𑌿𑌦𑍍𑌧𑌕𑌾𑌰𑍍𑌯𑍋 𑌜𑌨𑍇𑌶𑍍𑌵𑌰𑌃 ॥ 3𑍭 ॥

𑌨𑌭𑍋 𑌵𑌿𑌗𑌾𑌹𑌨𑌃 𑌸𑌤𑍍𑌯𑌃 𑌸𑌵𑌿𑌤𑌾𑌤𑍍𑌮𑌾 𑌮𑌨𑍋𑌹𑌰𑌃 ।
𑌹𑌾𑌰𑍀 𑌹𑌰𑌿𑌰𑍍𑌹𑌰𑍋 𑌵𑌾𑌯𑍁𑌰𑍃𑌤𑍁𑌃 𑌕𑌾𑌲𑌾𑌨𑌲𑌦𑍍𑌯𑍁𑌤𑌿𑌃 ॥ 3𑍮 ॥

𑌸𑍁𑌖𑌸𑍇𑌵𑍍𑌯𑍋 𑌮𑌹𑌾𑌤𑍇𑌜𑌾 𑌜𑌗𑌤𑌾𑌮𑍇𑌕𑌕𑌾𑌰𑌣𑌮𑍍 ।
𑌮𑌹𑍇𑌂𑌦𑍍𑌰𑍋 𑌵𑌿𑌷𑍍𑌟𑍁𑌤𑌃 𑌸𑍍𑌤𑍋𑌤𑍍𑌰𑌂 𑌸𑍍𑌤𑍁𑌤𑌿𑌹𑍇𑌤𑍁𑌃 𑌪𑍍𑌰𑌭𑌾𑌕𑌰𑌃 ॥ 3𑍯 ॥

𑌸𑌹𑌸𑍍𑌰𑌕𑌰 𑌆𑌯𑍁𑌷𑍍𑌮𑌾𑌨𑍍 𑌅𑌰𑍋𑌷𑌃 𑌸𑍁𑌖𑌦𑌃 𑌸𑍁𑌖𑍀 ।
𑌵𑍍𑌯𑌾𑌧𑌿𑌹𑌾 𑌸𑍁𑌖𑌦𑌃 𑌸𑍌𑌖𑍍𑌯𑌂 𑌕𑌲𑍍𑌯𑌾𑌣𑌃 𑌕𑌲𑌤𑌾𑌂 𑌵𑌰𑌃 ॥ 40 ॥

𑌆𑌰𑍋𑌗𑍍𑌯𑌕𑌾𑌰𑌣𑌂 𑌸𑌿𑌦𑍍𑌧𑌿𑌰𑍃𑌦𑍍𑌧𑌿𑌰𑍍𑌵𑍃𑌦𑍍𑌧𑌿𑌰𑍍𑌬𑍃𑌹𑌸𑍍𑌪𑌤𑌿𑌃 ।
𑌹𑌿𑌰𑌣𑍍𑌯𑌰𑍇𑌤𑌾 𑌆𑌰𑍋𑌗𑍍𑌯𑌂 𑌵𑌿𑌦𑍍𑌵𑌾𑌨𑍍 𑌬𑍍𑌰𑌧𑍍𑌨𑍋 𑌬𑍁𑌧𑍋 𑌮𑌹𑌾𑌨𑍍 ॥ 41 ॥

𑌪𑍍𑌰𑌾𑌣𑌵𑌾𑌨𑍍 𑌧𑍃𑌤𑌿𑌮𑌾𑌨𑍍 𑌘𑌰𑍍𑌮𑍋 𑌘𑌰𑍍𑌮𑌕𑌰𑍍𑌤𑌾 𑌰𑍁𑌚𑌿𑌪𑍍𑌰𑌦𑌃 ।
𑌸𑌰𑍍𑌵𑌪𑍍𑌰𑌿𑌯𑌃 𑌸𑌰𑍍𑌵𑌸𑌹𑌃 𑌸𑌰𑍍𑌵𑌶𑌤𑍍𑌰𑍁𑌵𑌿𑌨𑌾𑌶𑌨𑌃 ॥ 42 ॥

𑌪𑍍𑌰𑌾𑌂𑌶𑍁𑌰𑍍𑌵𑌿𑌦𑍍𑌯𑍋𑌤𑌨𑍋 𑌦𑍍𑌯𑍋𑌤𑌃 𑌸𑌹𑌸𑍍𑌰𑌕𑌿𑌰𑌣𑌃 𑌕𑍃𑌤𑍀 ।
𑌕𑍇𑌯𑍂𑌰𑍀 𑌭𑍂𑌷𑌣𑍋𑌦𑍍𑌭𑌾𑌸𑍀 𑌭𑌾𑌸𑌿𑌤𑍋 𑌭𑌾𑌸𑌨𑍋𑌽𑌨𑌲𑌃 ॥ 43 ॥

𑌶𑌰𑌣𑍍𑌯𑌾𑌰𑍍𑌤𑌿𑌹𑌰𑍋 𑌹𑍋𑌤𑌾 𑌖𑌦𑍍𑌯𑍋𑌤𑌃 𑌖𑌗𑌸𑌤𑍍𑌤𑌮𑌃 ।
𑌸𑌰𑍍𑌵𑌦𑍍𑌯𑍋𑌤𑍋 𑌭𑌵𑌦𑍍𑌯𑍋𑌤𑌃 𑌸𑌰𑍍𑌵𑌦𑍍𑌯𑍁𑌤𑌿𑌕𑌰𑍋 𑌮𑌤𑌃 ॥ 44 ॥

𑌕𑌲𑍍𑌯𑌾𑌣𑌃 𑌕𑌲𑍍𑌯𑌾𑌣𑌕𑌰𑌃 𑌕𑌲𑍍𑌯𑌃 𑌕𑌲𑍍𑌯𑌕𑌰𑌃 𑌕𑌵𑌿𑌃 ।
𑌕𑌲𑍍𑌯𑌾𑌣𑌕𑍃𑌤𑍍 𑌕𑌲𑍍𑌯𑌵𑌪𑍁𑌃 𑌸𑌰𑍍𑌵𑌕𑌲𑍍𑌯𑌾𑌣𑌭𑌾𑌜𑌨𑌮𑍍 ॥ 45 ॥

𑌶𑌾𑌂𑌤𑌿𑌪𑍍𑌰𑌿𑌯𑌃 𑌪𑍍𑌰𑌸𑌨𑍍𑌨𑌾𑌤𑍍𑌮𑌾 𑌪𑍍𑌰𑌶𑌾𑌂𑌤𑌃 𑌪𑍍𑌰𑌶𑌮𑌪𑍍𑌰𑌿𑌯𑌃 ।
𑌉𑌦𑌾𑌰𑌕𑌰𑍍𑌮𑌾 𑌸𑍁𑌨𑌯𑌃 𑌸𑍁𑌵𑌰𑍍𑌚𑌾 𑌵𑌰𑍍𑌚𑌸𑍋𑌜𑍍𑌜𑍍𑌵𑌲𑌃 ॥ 46 ॥

𑌵𑌰𑍍𑌚𑌸𑍍𑌵𑍀 𑌵𑌰𑍍𑌚𑌸𑌾𑌮𑍀𑌶𑌸𑍍𑌤𑍍𑌰𑍈𑌲𑍋𑌕𑍍𑌯𑍇𑌶𑍋 𑌵𑌶𑌾𑌨𑍁𑌗𑌃 ।
𑌤𑍇𑌜𑌸𑍍𑌵𑍀 𑌸𑍁𑌯𑌶𑌾 𑌵𑌰𑍍𑌷𑍍𑌮𑍀 𑌵𑌰𑍍𑌣𑌾𑌧𑍍𑌯𑌕𑍍𑌷𑍋 𑌬𑌲𑌿𑌪𑍍𑌰𑌿𑌯𑌃 ॥ 4𑍭 ॥

𑌯𑌶𑌸𑍍𑌵𑍀 𑌤𑍇𑌜𑍋𑌨𑌿𑌲𑌯𑌸𑍍𑌤𑍇𑌜𑌸𑍍𑌵𑍀 𑌪𑍍𑌰𑌕𑍃𑌤𑌿𑌸𑍍𑌥𑌿𑌤𑌃 ।
𑌆𑌕𑌾𑌶𑌗𑌃 𑌶𑍀𑌘𑍍𑌰𑌗𑌤𑌿𑌰𑌾𑌶𑍁𑌗𑍋 𑌗𑌤𑌿𑌮𑌾𑌨𑍍 𑌖𑌗𑌃 ॥ 4𑍮 ॥

𑌗𑍋𑌪𑌤𑌿𑌰𑍍𑌗𑍍𑌰𑌹𑌦𑍇𑌵𑍇𑌶𑍋 𑌗𑍋𑌮𑌾𑌨𑍇𑌕𑌃 𑌪𑍍𑌰𑌭𑌂𑌜𑌨𑌃 ।
𑌜𑌨𑌿𑌤𑌾 𑌪𑍍𑌰𑌜𑌨𑍋 𑌜𑍀𑌵𑍋 𑌦𑍀𑌪𑌃 𑌸𑌰𑍍𑌵𑌪𑍍𑌰𑌕𑌾𑌶𑌕𑌃 ॥ 4𑍯 ॥

𑌸𑌰𑍍𑌵𑌸𑌾𑌕𑍍𑌷𑍀 𑌯𑍋𑌗𑌨𑌿𑌤𑍍𑌯𑍋 𑌨𑌭𑌸𑍍𑌵𑌾𑌨𑌸𑍁𑌰𑌾𑌂𑌤𑌕𑌃 ।
𑌰𑌕𑍍𑌷𑍋𑌘𑍍𑌨𑍋 𑌵𑌿𑌘𑍍𑌨𑌶𑌮𑌨𑌃 𑌕𑌿𑌰𑍀𑌟𑍀 𑌸𑍁𑌮𑌨𑌃𑌪𑍍𑌰𑌿𑌯𑌃 ॥ 50 ॥

𑌮𑌰𑍀𑌚𑌿𑌮𑌾𑌲𑍀 𑌸𑍁𑌮𑌤𑌿𑌃 𑌕𑍃𑌤𑌾𑌭𑌿𑌖𑍍𑌯𑌵𑌿𑌶𑍇𑌷𑌕𑌃 ।
𑌶𑌿𑌷𑍍𑌟𑌾𑌚𑌾𑌰𑌃 𑌶𑍁𑌭𑌾𑌚𑌾𑌰𑌃 𑌸𑍍𑌵𑌚𑌾𑌰𑌾𑌚𑌾𑌰𑌤𑌤𑍍𑌪𑌰𑌃 ॥ 51 ॥

𑌮𑌂𑌦𑌾𑌰𑍋 𑌮𑌾𑌠𑌰𑍋 𑌵𑍇𑌣𑍁𑌃 𑌕𑍍𑌷𑍁𑌧𑌾𑌪𑌃 𑌕𑍍𑌷𑍍𑌮𑌾𑌪𑌤𑌿𑌰𑍍𑌗𑍁𑌰𑍁𑌃 ।
𑌸𑍁𑌵𑌿𑌶𑌿𑌷𑍍𑌟𑍋 𑌵𑌿𑌶𑌿𑌷𑍍𑌟𑌾𑌤𑍍𑌮𑌾 𑌵𑌿𑌧𑍇𑌯𑍋 𑌜𑍍𑌞𑌾𑌨𑌶𑍋𑌭𑌨𑌃 ॥ 52 ॥

𑌮𑌹𑌾𑌶𑍍𑌵𑍇𑌤𑌃 𑌪𑍍𑌰𑌿𑌯𑍋 𑌜𑍍𑌞𑍇𑌯𑌃 𑌸𑌾𑌮𑌗𑍋 𑌮𑍋𑌕𑍍𑌷𑌦𑌾𑌯𑌕𑌃 ।
𑌸𑌰𑍍𑌵𑌵𑍇𑌦𑌪𑍍𑌰𑌗𑍀𑌤𑌾𑌤𑍍𑌮𑌾 𑌸𑌰𑍍𑌵𑌵𑍇𑌦𑌲𑌯𑍋 𑌮𑌹𑌾𑌨𑍍 ॥ 53 ॥

𑌵𑍇𑌦𑌮𑍂𑌰𑍍𑌤𑌿𑌶𑍍𑌚𑌤𑍁𑌰𑍍𑌵𑍇𑌦𑍋 𑌵𑍇𑌦𑌭𑍃𑌦𑍍𑌵𑍇𑌦𑌪𑌾𑌰𑌗𑌃 ।
𑌕𑍍𑌰𑌿𑌯𑌾𑌵𑌾𑌨𑌸𑌿𑌤𑍋 𑌜𑌿𑌷𑍍𑌣𑍁𑌰𑍍𑌵𑌰𑍀𑌯𑌾𑌂𑌶𑍁𑌰𑍍𑌵𑌰𑌪𑍍𑌰𑌦𑌃 ॥ 54 ॥

𑌵𑍍𑌰𑌤𑌚𑌾𑌰𑍀 𑌵𑍍𑌰𑌤𑌧𑌰𑍋 𑌲𑍋𑌕𑌬𑌂𑌧𑍁𑌰𑌲𑌂𑌕𑍃𑌤𑌃 ।
𑌅𑌲𑌂𑌕𑌾𑌰𑌾𑌕𑍍𑌷𑌰𑍋 𑌵𑍇𑌦𑍍𑌯𑍋 𑌵𑌿𑌦𑍍𑌯𑌾𑌵𑌾𑌨𑍍 𑌵𑌿𑌦𑌿𑌤𑌾𑌶𑌯𑌃 ॥ 55 ॥

𑌆𑌕𑌾𑌰𑍋 𑌭𑍂𑌷𑌣𑍋 𑌭𑍂𑌷𑍍𑌯𑍋 𑌭𑍂𑌷𑍍𑌣𑍁𑌰𑍍𑌭𑍁𑌵𑌨𑌪𑍂𑌜𑌿𑌤𑌃 ।
𑌚𑌕𑍍𑌰𑌪𑌾𑌣𑌿𑌰𑍍𑌧𑍍𑌵𑌜𑌧𑌰𑌃 𑌸𑍁𑌰𑍇𑌶𑍋 𑌲𑍋𑌕𑌵𑌤𑍍𑌸𑌲𑌃 ॥ 56 ॥

𑌵𑌾𑌗𑍍𑌮𑌿𑌪𑌤𑌿𑌰𑍍𑌮𑌹𑌾𑌬𑌾𑌹𑍁𑌃 𑌪𑍍𑌰𑌕𑍃𑌤𑌿𑌰𑍍𑌵𑌿𑌕𑍃𑌤𑌿𑌰𑍍𑌗𑍁𑌣𑌃 ।
𑌅𑌂𑌧𑌕𑌾𑌰𑌾𑌪𑌹𑌃 𑌶𑍍𑌰𑍇𑌷𑍍𑌠𑍋 𑌯𑍁𑌗𑌾𑌵𑌰𑍍𑌤𑍋 𑌯𑍁𑌗𑌾𑌦𑌿𑌕𑍃𑌤𑍍 ॥ 5𑍭 ॥

𑌅𑌪𑍍𑌰𑌮𑍇𑌯𑌃 𑌸𑌦𑌾𑌯𑍋𑌗𑍀 𑌨𑌿𑌰𑌹𑌂𑌕𑌾𑌰 𑌈𑌶𑍍𑌵𑌰𑌃 ।
𑌶𑍁𑌭𑌪𑍍𑌰𑌦𑌃 𑌶𑍁𑌭𑌃 𑌶𑌾𑌸𑍍𑌤𑌾 𑌶𑍁𑌭𑌕𑌰𑍍𑌮𑌾 𑌶𑍁𑌭𑌪𑍍𑌰𑌦𑌃 ॥ 5𑍮 ॥

𑌸𑌤𑍍𑌯𑌵𑌾𑌨𑍍 𑌶𑍍𑌰𑍁𑌤𑌿𑌮𑌾𑌨𑍁𑌚𑍍𑌚𑍈𑌰𑍍𑌨𑌕𑌾𑌰𑍋 𑌵𑍃𑌦𑍍𑌧𑌿𑌦𑍋𑌽𑌨𑌲𑌃 ।
𑌬𑌲𑌭𑍃𑌦𑍍𑌬𑌲𑌦𑍋 𑌬𑌂𑌧𑍁𑌰𑍍𑌮𑌤𑌿𑌮𑌾𑌨𑍍 𑌬𑌲𑌿𑌨𑌾𑌂 𑌵𑌰𑌃 ॥ 5𑍯 ॥

𑌅𑌨𑌂𑌗𑍋 𑌨𑌾𑌗𑌰𑌾𑌜𑍇𑌂𑌦𑍍𑌰𑌃 𑌪𑌦𑍍𑌮𑌯𑍋𑌨𑌿𑌰𑍍𑌗𑌣𑍇𑌶𑍍𑌵𑌰𑌃 ।
𑌸𑌂𑌵𑌤𑍍𑌸𑌰 𑌋𑌤𑍁𑌰𑍍𑌨𑍇𑌤𑌾 𑌕𑌾𑌲𑌚𑌕𑍍𑌰𑌪𑍍𑌰𑌵𑌰𑍍𑌤𑌕𑌃 ॥ 60 ॥

𑌪𑌦𑍍𑌮𑍇𑌕𑍍𑌷𑌣𑌃 𑌪𑌦𑍍𑌮𑌯𑍋𑌨𑌿𑌃 𑌪𑍍𑌰𑌭𑌾𑌵𑌾𑌨𑌮𑌰𑌃 𑌪𑍍𑌰𑌭𑍁𑌃 ।
𑌸𑍁𑌮𑍂𑌰𑍍𑌤𑌿𑌃 𑌸𑍁𑌮𑌤𑌿𑌃 𑌸𑍋𑌮𑍋 𑌗𑍋𑌵𑌿𑌂𑌦𑍋 𑌜𑌗𑌦𑌾𑌦𑌿𑌜𑌃 ॥ 61 ॥

𑌪𑍀𑌤𑌵𑌾𑌸𑌾𑌃 𑌕𑍃𑌷𑍍𑌣𑌵𑌾𑌸𑌾 𑌦𑌿𑌗𑍍𑌵𑌾𑌸𑌾𑌸𑍍𑌤𑍍𑌵𑌿𑌂𑌦𑍍𑌰𑌿𑌯𑌾𑌤𑌿𑌗𑌃 ।
𑌅𑌤𑍀𑌂𑌦𑍍𑌰𑌿𑌯𑍋𑌽𑌨𑍇𑌕𑌰𑍂𑌪𑌃 𑌸𑍍𑌕𑌂𑌦𑌃 𑌪𑌰𑌪𑍁𑌰𑌂𑌜𑌯𑌃 ॥ 62 ॥

𑌶𑌕𑍍𑌤𑌿𑌮𑌾𑌨𑍍 𑌜𑌲𑌧𑍃𑌗𑍍𑌭𑌾𑌸𑍍𑌵𑌾𑌨𑍍 𑌮𑍋𑌕𑍍𑌷𑌹𑍇𑌤𑍁𑌰𑌯𑍋𑌨𑌿𑌜𑌃 ।
𑌸𑌰𑍍𑌵𑌦𑌰𑍍𑌶𑍀 𑌜𑌿𑌤𑌾𑌦𑌰𑍍𑌶𑍋 𑌦𑍁𑌃𑌸𑍍𑌵𑌪𑍍𑌨𑌾𑌶𑍁𑌭𑌨𑌾𑌶𑌨𑌃 ॥ 63 ॥

𑌮𑌾𑌂𑌗𑌲𑍍𑌯𑌕𑌰𑍍𑌤𑌾 𑌤𑌰𑌣𑌿𑌰𑍍𑌵𑍇𑌗𑌵𑌾𑌨𑍍 𑌕𑌶𑍍𑌮𑌲𑌾𑌪𑌹𑌃 ।
𑌸𑍍𑌪𑌷𑍍𑌟𑌾𑌕𑍍𑌷𑌰𑍋 𑌮𑌹𑌾𑌮𑌂𑌤𑍍𑌰𑍋 𑌵𑌿𑌶𑌾𑌖𑍋 𑌯𑌜𑌨𑌪𑍍𑌰𑌿𑌯𑌃 ॥ 64 ॥

𑌵𑌿𑌶𑍍𑌵𑌕𑌰𑍍𑌮𑌾 𑌮𑌹𑌾𑌶𑌕𑍍𑌤𑌿𑌰𑍍𑌦𑍍𑌯𑍁𑌤𑌿𑌰𑍀𑌶𑍋 𑌵𑌿𑌹𑌂𑌗𑌮𑌃 ।
𑌵𑌿𑌚𑌕𑍍𑌷𑌣𑍋 𑌦𑌕𑍍𑌷 𑌇𑌂𑌦𑍍𑌰𑌃 𑌪𑍍𑌰𑌤𑍍𑌯𑍂𑌷𑌃 𑌪𑍍𑌰𑌿𑌯𑌦𑌰𑍍𑌶𑌨𑌃 ॥ 65 ॥

𑌅𑌖𑌿𑌨𑍍𑌨𑍋 𑌵𑍇𑌦𑌨𑌿𑌲𑌯𑍋 𑌵𑍇𑌦𑌵𑌿𑌦𑍍𑌵𑌿𑌦𑌿𑌤𑌾𑌶𑌯𑌃 ।
𑌪𑍍𑌰𑌭𑌾𑌕𑌰𑍋 𑌜𑌿𑌤𑌰𑌿𑌪𑍁𑌃 𑌸𑍁𑌜𑌨𑍋𑌽𑌰𑍁𑌣𑌸𑌾𑌰𑌥𑌿𑌃 ॥ 66 ॥

𑌕𑍁𑌨𑌾𑌶𑍀 𑌸𑍁𑌰𑌤𑌃 𑌸𑍍𑌕𑌂𑌦𑍋 𑌮𑌹𑌿𑌤𑍋𑌽𑌭𑌿𑌮𑌤𑍋 𑌗𑍁𑌰𑍁𑌃 ।
𑌗𑍍𑌰𑌹𑌰𑌾𑌜𑍋 𑌗𑍍𑌰𑌹𑌪𑌤𑌿𑌰𑍍𑌗𑍍𑌰𑌹𑌨𑌕𑍍𑌷𑌤𑍍𑌰𑌮𑌂𑌡𑌲𑌃 ॥ 6𑍭 ॥

𑌭𑌾𑌸𑍍𑌕𑌰𑌃 𑌸𑌤𑌤𑌾𑌨𑌂𑌦𑍋 𑌨𑌂𑌦𑌨𑍋 𑌨𑌰𑌵𑌾𑌹𑌨𑌃 ।
𑌮𑌂𑌗𑌲𑍋𑌽𑌥 𑌮𑌂𑌗𑌲𑌵𑌾𑌨𑍍 𑌮𑌾𑌂𑌗𑌲𑍍𑌯𑍋 𑌮𑌂𑌗𑌲𑌾𑌵𑌹𑌃 ॥ 6𑍮 ॥

𑌮𑌂𑌗𑌲𑍍𑌯𑌚𑌾𑌰𑍁𑌚𑌰𑌿𑌤𑌃 𑌶𑍀𑌰𑍍𑌣𑌃 𑌸𑌰𑍍𑌵𑌵𑍍𑌰𑌤𑍋 𑌵𑍍𑌰𑌤𑍀 ।
𑌚𑌤𑍁𑌰𑍍𑌮𑍁𑌖𑌃 𑌪𑌦𑍍𑌮𑌮𑌾𑌲𑍀 𑌪𑍂𑌤𑌾𑌤𑍍𑌮𑌾 𑌪𑍍𑌰𑌣𑌤𑌾𑌰𑍍𑌤𑌿𑌹𑌾 ॥ 6𑍯 ॥

𑌅𑌕𑌿𑌂𑌚𑌨𑌃 𑌸𑌤𑌾𑌮𑍀𑌶𑍋 𑌨𑌿𑌰𑍍𑌗𑍁𑌣𑍋 𑌗𑍁𑌣𑌵𑌾𑌂𑌛𑍁𑌚𑌿𑌃 ।
𑌸𑌂𑌪𑍂𑌰𑍍𑌣𑌃 𑌪𑍁𑌂𑌡𑌰𑍀𑌕𑌾𑌕𑍍𑌷𑍋 𑌵𑌿𑌧𑍇𑌯𑍋 𑌯𑍋𑌗𑌤𑌤𑍍𑌪𑌰𑌃 ॥ 𑍭0 ॥

𑌸𑌹𑌸𑍍𑌰𑌾𑌂𑌶𑍁𑌃 𑌕𑍍𑌰𑌤𑍁𑌮𑌤𑌿𑌃 𑌸𑌰𑍍𑌵𑌜𑍍𑌞𑌃 𑌸𑍁𑌮𑌤𑌿𑌃 𑌸𑍁𑌵𑌾𑌕𑍍 ।
𑌸𑍁𑌵𑌾𑌹𑌨𑍋 𑌮𑌾𑌲𑍍𑌯𑌦𑌾𑌮𑌾 𑌕𑍃𑌤𑌾𑌹𑌾𑌰𑍋 𑌹𑌰𑌿𑌪𑍍𑌰𑌿𑌯𑌃 ॥ 𑍭1 ॥

𑌬𑍍𑌰𑌹𑍍𑌮𑌾 𑌪𑍍𑌰𑌚𑍇𑌤𑌾𑌃 𑌪𑍍𑌰𑌥𑌿𑌤𑌃 𑌪𑍍𑌰𑌯𑌤𑌾𑌤𑍍𑌮𑌾 𑌸𑍍𑌥𑌿𑌰𑌾𑌤𑍍𑌮𑌕𑌃 ।
𑌶𑌤𑌵𑌿𑌂𑌦𑍁𑌃 𑌶𑌤𑌮𑍁𑌖𑍋 𑌗𑌰𑍀𑌯𑌾𑌨𑌨𑌲𑌪𑍍𑌰𑌭𑌃 ॥ 𑍭2 ॥

𑌧𑍀𑌰𑍋 𑌮𑌹𑌤𑍍𑌤𑌰𑍋 𑌵𑌿𑌪𑍍𑌰𑌃 𑌪𑍁𑌰𑌾𑌣𑌪𑍁𑌰𑍁𑌷𑍋𑌤𑍍𑌤𑌮𑌃 ।
𑌵𑌿𑌦𑍍𑌯𑌾𑌰𑌾𑌜𑌾𑌧𑌿𑌰𑌾𑌜𑍋 𑌹𑌿 𑌵𑌿𑌦𑍍𑌯𑌾𑌵𑌾𑌨𑍍 𑌭𑍂𑌤𑌿𑌦𑌃 𑌸𑍍𑌥𑌿𑌤𑌃 ॥ 𑍭3 ॥

𑌅𑌨𑌿𑌰𑍍𑌦𑍇𑌶𑍍𑌯𑌵𑌪𑍁𑌃 𑌶𑍍𑌰𑍀𑌮𑌾𑌨𑍍 𑌵𑌿𑌪𑌾𑌪𑍍𑌮𑌾 𑌬𑌹𑍁𑌮𑌂𑌗𑌲𑌃 ।
𑌸𑍍𑌵𑌃𑌸𑍍𑌥𑌿𑌤𑌃 𑌸𑍁𑌰𑌥𑌃 𑌸𑍍𑌵𑌰𑍍𑌣𑍋 𑌮𑍋𑌕𑍍𑌷𑌦𑍋 𑌬𑌲𑌿𑌕𑍇𑌤𑌨𑌃 ॥ 𑍭4 ॥

𑌨𑌿𑌰𑍍𑌦𑍍𑌵𑌂𑌦𑍍𑌵𑍋 𑌦𑍍𑌵𑌂𑌦𑍍𑌵𑌹𑌾 𑌸𑍍𑌵𑌰𑍍𑌗𑌃 𑌸𑌰𑍍𑌵𑌗𑌃 𑌸𑌂𑌪𑍍𑌰𑌕𑌾𑌶𑌕𑌃 ।
𑌦𑌯𑌾𑌲𑍁𑌃 𑌸𑍂𑌕𑍍𑌷𑍍𑌮𑌧𑍀𑌃 𑌕𑍍𑌷𑌾𑌂𑌤𑌿𑌃 𑌕𑍍𑌷𑍇𑌮𑌾𑌕𑍍𑌷𑍇𑌮𑌸𑍍𑌥𑌿𑌤𑌿𑌪𑍍𑌰𑌿𑌯𑌃 ॥ 𑍭5 ॥

𑌭𑍂𑌧𑌰𑍋 𑌭𑍂𑌪𑌤𑌿𑌰𑍍𑌵𑌕𑍍𑌤𑌾 𑌪𑌵𑌿𑌤𑍍𑌰𑌾𑌤𑍍𑌮𑌾 𑌤𑍍𑌰𑌿𑌲𑍋𑌚𑌨𑌃 ।
𑌮𑌹𑌾𑌵𑌰𑌾𑌹𑌃 𑌪𑍍𑌰𑌿𑌯𑌕𑍃𑌦𑍍𑌦𑌾𑌤𑌾 𑌭𑍋𑌕𑍍𑌤𑌾𑌽𑌭𑌯𑌪𑍍𑌰𑌦𑌃 ॥ 𑍭6 ॥

𑌚𑌕𑍍𑌰𑌵𑌰𑍍𑌤𑍀 𑌧𑍃𑌤𑌿𑌕𑌰𑌃 𑌸𑌂𑌪𑍂𑌰𑍍𑌣𑍋𑌽𑌥 𑌮𑌹𑍇𑌶𑍍𑌵𑌰𑌃 ।
𑌚𑌤𑍁𑌰𑍍𑌵𑍇𑌦𑌧𑌰𑍋𑌽𑌚𑌿𑌂𑌤𑍍𑌯𑍋 𑌵𑌿𑌨𑌿𑌂𑌦𑍍𑌯𑍋 𑌵𑌿𑌵𑌿𑌧𑌾𑌶𑌨𑌃 ॥ 𑍭𑍭 ॥

𑌵𑌿𑌚𑌿𑌤𑍍𑌰𑌰𑌥 𑌏𑌕𑌾𑌕𑍀 𑌸𑌪𑍍𑌤𑌸𑌪𑍍𑌤𑌿𑌃 𑌪𑌰𑌾𑌤𑍍𑌪𑌰𑌃 ।
𑌸𑌰𑍍𑌵𑍋𑌦𑌧𑌿𑌸𑍍𑌥𑌿𑌤𑌿𑌕𑌰𑌃 𑌸𑍍𑌥𑌿𑌤𑌿𑌸𑍍𑌥𑍇𑌯𑌃 𑌸𑍍𑌥𑌿𑌤𑌿𑌪𑍍𑌰𑌿𑌯𑌃 ॥ 𑍭𑍮 ॥

𑌨𑌿𑌷𑍍𑌕𑌲𑌃 𑌪𑍁𑌷𑍍𑌕𑌲𑍋 𑌵𑌿𑌭𑍁𑌰𑍍𑌵𑌸𑍁𑌮𑌾𑌨𑍍 𑌵𑌾𑌸𑌵𑌪𑍍𑌰𑌿𑌯𑌃 ।
𑌪𑌶𑍁𑌮𑌾𑌨𑍍 𑌵𑌾𑌸𑌵𑌸𑍍𑌵𑌾𑌮𑍀 𑌵𑌸𑍁𑌧𑌾𑌮𑌾 𑌵𑌸𑍁𑌪𑍍𑌰𑌦𑌃 ॥ 𑍭𑍯 ॥

𑌬𑌲𑌵𑌾𑌨𑍍 𑌜𑍍𑌞𑌾𑌨𑌵𑌾𑌂𑌸𑍍𑌤𑌤𑍍𑌤𑍍𑌵𑌮𑍋𑌂𑌕𑌾𑌰𑌸𑍍𑌤𑍍𑌰𑌿𑌷𑍁𑌸𑌂𑌸𑍍𑌥𑌿𑌤𑌃 ।
𑌸𑌂𑌕𑌲𑍍𑌪𑌯𑍋𑌨𑌿𑌰𑍍𑌦𑌿𑌨𑌕𑍃𑌦𑍍𑌭𑌗𑌵𑌾𑌨𑍍 𑌕𑌾𑌰𑌣𑌾𑌪𑌹𑌃 ॥ 𑍮0 ॥

𑌨𑍀𑌲𑌕𑌂𑌠𑍋 𑌧𑌨𑌾𑌧𑍍𑌯𑌕𑍍𑌷𑌶𑍍𑌚𑌤𑍁𑌰𑍍𑌵𑍇𑌦𑌪𑍍𑌰𑌿𑌯𑌂𑌵𑌦𑌃 ।
𑌵𑌷𑌟𑍍𑌕𑌾𑌰𑍋𑌦𑍍𑌗𑌾𑌤𑌾 𑌹𑍋𑌤𑌾 𑌸𑍍𑌵𑌾𑌹𑌾𑌕𑌾𑌰𑍋 𑌹𑍁𑌤𑌾𑌹𑍁𑌤𑌿𑌃 ॥ 𑍮1 ॥

𑌜𑌨𑌾𑌰𑍍𑌦𑌨𑍋 𑌜𑌨𑌾𑌨𑌂𑌦𑍋 𑌨𑌰𑍋 𑌨𑌾𑌰𑌾𑌯𑌣𑍋𑌽𑌂𑌬𑍁𑌦𑌃 ।
𑌸𑌂𑌦𑍇𑌹𑌨𑌾𑌶𑌨𑍋 𑌵𑌾𑌯𑍁𑌰𑍍𑌧𑌨𑍍𑌵𑍀 𑌸𑍁𑌰𑌨𑌮𑌸𑍍𑌕𑍃𑌤𑌃 ॥ 𑍮2 ॥

𑌵𑌿𑌗𑍍𑌰𑌹𑍀 𑌵𑌿𑌮𑌲𑍋 𑌵𑌿𑌂𑌦𑍁𑌰𑍍𑌵𑌿𑌶𑍋𑌕𑍋 𑌵𑌿𑌮𑌲𑌦𑍍𑌯𑍁𑌤𑌿𑌃 ।
𑌦𑍍𑌯𑍁𑌤𑌿𑌮𑌾𑌨𑍍 𑌦𑍍𑌯𑍋𑌤𑌨𑍋 𑌵𑌿𑌦𑍍𑌯𑍁𑌦𑍍𑌵𑌿𑌦𑍍𑌯𑌾𑌵𑌾𑌨𑍍 𑌵𑌿𑌦𑌿𑌤𑍋 𑌬𑌲𑍀 ॥ 𑍮3 ॥

𑌘𑌰𑍍𑌮𑌦𑍋 𑌹𑌿𑌮𑌦𑍋 𑌹𑌾𑌸𑌃 𑌕𑍃𑌷𑍍𑌣𑌵𑌰𑍍𑌤𑍍𑌮𑌾 𑌸𑍁𑌤𑌾𑌜𑌿𑌤𑌃 ।
𑌸𑌾𑌵𑌿𑌤𑍍𑌰𑍀𑌭𑌾𑌵𑌿𑌤𑍋 𑌰𑌾𑌜𑌾 𑌵𑌿𑌶𑍍𑌵𑌾𑌮𑌿𑌤𑍍𑌰𑍋 𑌘𑍃𑌣𑌿𑌰𑍍𑌵𑌿𑌰𑌾𑌟𑍍 ॥ 𑍮4 ॥

𑌸𑌪𑍍𑌤𑌾𑌰𑍍𑌚𑌿𑌃 𑌸𑌪𑍍𑌤𑌤𑍁𑌰𑌗𑌃 𑌸𑌪𑍍𑌤𑌲𑍋𑌕𑌨𑌮𑌸𑍍𑌕𑍃𑌤𑌃 ।
𑌸𑌂𑌪𑍂𑌰𑍍𑌣𑍋𑌽𑌥 𑌜𑌗𑌨𑍍𑌨𑌾𑌥𑌃 𑌸𑍁𑌮𑌨𑌾𑌃 𑌶𑍋𑌭𑌨𑌪𑍍𑌰𑌿𑌯𑌃 ॥ 𑍮5 ॥

𑌸𑌰𑍍𑌵𑌾𑌤𑍍𑌮𑌾 𑌸𑌰𑍍𑌵𑌕𑍃𑌤𑍍 𑌸𑍃𑌷𑍍𑌟𑌿𑌃 𑌸𑌪𑍍𑌤𑌿𑌮𑌾𑌨𑍍 𑌸𑌪𑍍𑌤𑌮𑍀𑌪𑍍𑌰𑌿𑌯𑌃 ।
𑌸𑍁𑌮𑍇𑌧𑌾 𑌮𑍇𑌧𑌿𑌕𑍋 𑌮𑍇𑌧𑍍𑌯𑍋 𑌮𑍇𑌧𑌾𑌵𑍀 𑌮𑌧𑍁𑌸𑍂𑌦𑌨𑌃 ॥ 𑍮6 ॥

𑌅𑌂𑌗𑌿𑌰𑌃𑌪𑌤𑌿𑌃 𑌕𑌾𑌲𑌜𑍍𑌞𑍋 𑌧𑍂𑌮𑌕𑍇𑌤𑍁𑌃 𑌸𑍁𑌕𑍇𑌤𑌨𑌃 ।
𑌸𑍁𑌖𑍀 𑌸𑍁𑌖𑌪𑍍𑌰𑌦𑌃 𑌸𑍌𑌖𑍍𑌯𑌃 𑌕𑌾𑌂𑌤𑌿𑌃 𑌕𑌾𑌂𑌤𑌿𑌪𑍍𑌰𑌿𑌯𑍋 𑌮𑍁𑌨𑌿𑌃 ॥ 𑍮𑍭 ॥

𑌸𑌂𑌤𑌾𑌪𑌨𑌃 𑌸𑌂𑌤𑌪𑌨 𑌆𑌤𑌪𑌸𑍍𑌤𑌪𑌸𑌾𑌂 𑌪𑌤𑌿𑌃 ।
𑌉𑌮𑌾𑌪𑌤𑌿𑌃 𑌸𑌹𑌸𑍍𑌰𑌾𑌂𑌶𑍁𑌃 𑌪𑍍𑌰𑌿𑌯𑌕𑌾𑌰𑍀 𑌪𑍍𑌰𑌿𑌯𑌂𑌕𑌰𑌃 ॥ 𑍮𑍮 ॥

𑌪𑍍𑌰𑍀𑌤𑌿𑌰𑍍𑌵𑌿𑌮𑌨𑍍𑌯𑍁𑌰𑌂𑌭𑍋𑌤𑍍𑌥𑌃 𑌖𑌂𑌜𑌨𑍋 𑌜𑌗𑌤𑌾𑌂 𑌪𑌤𑌿𑌃 ।
𑌜𑌗𑌤𑍍𑌪𑌿𑌤𑌾 𑌪𑍍𑌰𑍀𑌤𑌮𑌨𑌾𑌃 𑌸𑌰𑍍𑌵𑌃 𑌖𑌰𑍍𑌵𑍋 𑌗𑍁𑌹𑍋𑌽𑌚𑌲𑌃 ॥ 𑍮𑍯 ॥

𑌸𑌰𑍍𑌵𑌗𑍋 𑌜𑌗𑌦𑌾𑌨𑌂𑌦𑍋 𑌜𑌗𑌨𑍍𑌨𑍇𑌤𑌾 𑌸𑍁𑌰𑌾𑌰𑌿𑌹𑌾 ।
𑌶𑍍𑌰𑍇𑌯𑌃 𑌶𑍍𑌰𑍇𑌯𑌸𑍍𑌕𑌰𑍋 𑌜𑍍𑌯𑌾𑌯𑌾𑌨𑍍 𑌮𑌹𑌾𑌨𑍁𑌤𑍍𑌤𑌮 𑌉𑌦𑍍𑌭𑌵𑌃 ॥ 𑍯0 ॥

𑌉𑌤𑍍𑌤𑌮𑍋 𑌮𑍇𑌰𑍁𑌮𑍇𑌯𑍋𑌽𑌥 𑌧𑌰𑌣𑍋 𑌧𑌰𑌣𑍀𑌧𑌰𑌃 ।
𑌧𑌰𑌾𑌧𑍍𑌯𑌕𑍍𑌷𑍋 𑌧𑌰𑍍𑌮𑌰𑌾𑌜𑍋 𑌧𑌰𑍍𑌮𑌾𑌧𑌰𑍍𑌮𑌪𑍍𑌰𑌵𑌰𑍍𑌤𑌕𑌃 ॥ 𑍯1 ॥

𑌰𑌥𑌾𑌧𑍍𑌯𑌕𑍍𑌷𑍋 𑌰𑌥𑌗𑌤𑌿𑌸𑍍𑌤𑌰𑍁𑌣𑌸𑍍𑌤𑌨𑌿𑌤𑍋𑌽𑌨𑌲𑌃 ।
𑌉𑌤𑍍𑌤𑌰𑍋𑌽𑌨𑍁𑌤𑍍𑌤𑌰𑌸𑍍𑌤𑌾𑌪𑍀 𑌅𑌵𑌾𑌕𑍍𑌪𑌤𑌿𑌰𑌪𑌾𑌂 𑌪𑌤𑌿𑌃 ॥ 𑍯2 ॥

𑌪𑍁𑌣𑍍𑌯𑌸𑌂𑌕𑍀𑌰𑍍𑌤𑌨𑌃 𑌪𑍁𑌣𑍍𑌯𑍋 𑌹𑍇𑌤𑍁𑌰𑍍𑌲𑍋𑌕𑌤𑍍𑌰𑌯𑌾𑌶𑍍𑌰𑌯𑌃 ।
𑌸𑍍𑌵𑌰𑍍𑌭𑌾𑌨𑍁𑌰𑍍𑌵𑌿𑌗𑌤𑌾𑌨𑌂𑌦𑍋 𑌵𑌿𑌶𑌿𑌷𑍍𑌟𑍋𑌤𑍍𑌕𑍃𑌷𑍍𑌟𑌕𑌰𑍍𑌮𑌕𑍃𑌤𑍍 ॥ 𑍯3 ॥

𑌵𑍍𑌯𑌾𑌧𑌿𑌪𑍍𑌰𑌣𑌾𑌶𑌨𑌃 𑌕𑍍𑌷𑍇𑌮𑌃 𑌶𑍂𑌰𑌃 𑌸𑌰𑍍𑌵𑌜𑌿𑌤𑌾𑌂 𑌵𑌰𑌃 ।
𑌏𑌕𑌰𑌥𑍋 𑌰𑌥𑌾𑌧𑍀𑌶𑌃 𑌪𑌿𑌤𑌾 𑌶𑌨𑍈𑌶𑍍𑌚𑌰𑌸𑍍𑌯 𑌹𑌿 ॥ 𑍯4 ॥

𑌵𑍈𑌵𑌸𑍍𑌵𑌤𑌗𑍁𑌰𑍁𑌰𑍍𑌮𑍃𑌤𑍍𑌯𑍁𑌰𑍍𑌧𑌰𑍍𑌮𑌨𑌿𑌤𑍍𑌯𑍋 𑌮𑌹𑌾𑌵𑍍𑌰𑌤𑌃 ।
𑌪𑍍𑌰𑌲𑌂𑌬𑌹𑌾𑌰𑌸𑌂𑌚𑌾𑌰𑍀 𑌪𑍍𑌰𑌦𑍍𑌯𑍋𑌤𑍋 𑌦𑍍𑌯𑍋𑌤𑌿𑌤𑌾𑌨𑌲𑌃 ॥ 𑍯5 ॥

𑌸𑌂𑌤𑌾𑌪𑌹𑍃𑌤𑍍 𑌪𑌰𑍋 𑌮𑌂𑌤𑍍𑌰𑍋 𑌮𑌂𑌤𑍍𑌰𑌮𑍂𑌰𑍍𑌤𑌿𑌰𑍍𑌮𑌹𑌾𑌬𑌲𑌃 ।
𑌶𑍍𑌰𑍇𑌷𑍍𑌠𑌾𑌤𑍍𑌮𑌾 𑌸𑍁𑌪𑍍𑌰𑌿𑌯𑌃 𑌶𑌂𑌭𑍁𑌰𑍍𑌮𑌰𑍁𑌤𑌾𑌮𑍀𑌶𑍍𑌵𑌰𑍇𑌶𑍍𑌵𑌰𑌃 ॥ 𑍯6 ॥

𑌸𑌂𑌸𑌾𑌰𑌗𑌤𑌿𑌵𑌿𑌚𑍍𑌚𑍇𑌤𑍍𑌤𑌾 𑌸𑌂𑌸𑌾𑌰𑌾𑌰𑍍𑌣𑌵𑌤𑌾𑌰𑌕𑌃 ।
𑌸𑌪𑍍𑌤𑌜𑌿𑌹𑍍𑌵𑌃 𑌸𑌹𑌸𑍍𑌰𑌾𑌰𑍍𑌚𑍀 𑌰𑌤𑍍𑌨𑌗𑌰𑍍𑌭𑍋𑌽𑌪𑌰𑌾𑌜𑌿𑌤𑌃 ॥ 𑍯𑍭 ॥

𑌧𑌰𑍍𑌮𑌕𑍇𑌤𑍁𑌰𑌮𑍇𑌯𑌾𑌤𑍍𑌮𑌾 𑌧𑌰𑍍𑌮𑌾𑌧𑌰𑍍𑌮𑌵𑌰𑌪𑍍𑌰𑌦𑌃 ।
𑌲𑍋𑌕𑌸𑌾𑌕𑍍𑌷𑍀 𑌲𑍋𑌕𑌗𑍁𑌰𑍁𑌰𑍍𑌲𑍋𑌕𑍇𑌶𑌶𑍍𑌚𑌂𑌡𑌵𑌾𑌹𑌨𑌃 ॥ 𑍯𑍮 ॥

𑌧𑌰𑍍𑌮𑌯𑍂𑌪𑍋 𑌯𑍂𑌪𑌵𑍃𑌕𑍍𑌷𑍋 𑌧𑌨𑍁𑌷𑍍𑌪𑌾𑌣𑌿𑌰𑍍𑌧𑌨𑍁𑌰𑍍𑌧𑌰𑌃 ।
𑌪𑌿𑌨𑌾𑌕𑌧𑍃𑌙𑍍𑌮𑌹𑍋𑌤𑍍𑌸𑌾𑌹𑍋 𑌮𑌹𑌾𑌮𑌾𑌯𑍋 𑌮𑌹𑌾𑌶𑌨𑌃 ॥ 𑍯𑍯 ॥

𑌵𑍀𑌰𑌃 𑌶𑌕𑍍𑌤𑌿𑌮𑌤𑌾𑌂 𑌶𑍍𑌰𑍇𑌷𑍍𑌠𑌃 𑌸𑌰𑍍𑌵𑌶𑌸𑍍𑌤𑍍𑌰𑌭𑍃𑌤𑌾𑌂 𑌵𑌰𑌃 ।
𑌜𑍍𑌞𑌾𑌨𑌗𑌮𑍍𑌯𑍋 𑌦𑍁𑌰𑌾𑌰𑌾𑌧𑍍𑌯𑍋 𑌲𑍋𑌹𑌿𑌤𑌾𑌂𑌗𑍋 𑌵𑌿𑌵𑌰𑍍𑌧𑌨𑌃 ॥ 100 ॥

𑌖𑌗𑍋𑌽𑌂𑌧𑍋 𑌧𑌰𑍍𑌮𑌦𑍋 𑌨𑌿𑌤𑍍𑌯𑍋 𑌧𑌰𑍍𑌮𑌕𑍃𑌚𑍍𑌚𑌿𑌤𑍍𑌰𑌵𑌿𑌕𑍍𑌰𑌮𑌃 ।
𑌭𑌗𑌵𑌾𑌨𑌾𑌤𑍍𑌮𑌵𑌾𑌨𑍍 𑌮𑌂𑌤𑍍𑌰𑌸𑍍𑌤𑍍𑌰𑍍𑌯𑌕𑍍𑌷𑌰𑍋 𑌨𑍀𑌲𑌲𑍋𑌹𑌿𑌤𑌃 ॥ 101 ॥

𑌏𑌕𑍋𑌽𑌨𑍇𑌕𑌸𑍍𑌤𑍍𑌰𑌯𑍀 𑌕𑌾𑌲𑌃 𑌸𑌵𑌿𑌤𑌾 𑌸𑌮𑌿𑌤𑌿𑌂𑌜𑌯𑌃 ।
𑌶𑌾𑌰𑍍𑌙𑍍𑌗𑌧𑌨𑍍𑌵𑌾𑌽𑌨𑌲𑍋 𑌭𑍀𑌮𑌃 𑌸𑌰𑍍𑌵𑌪𑍍𑌰𑌹𑌰𑌣𑌾𑌯𑍁𑌧𑌃 ॥ 102 ॥

𑌸𑍁𑌕𑌰𑍍𑌮𑌾 𑌪𑌰𑌮𑍇𑌷𑍍𑌠𑍀 𑌚 𑌨𑌾𑌕𑌪𑌾𑌲𑍀 𑌦𑌿𑌵𑌿𑌸𑍍𑌥𑌿𑌤𑌃 ।
𑌵𑌦𑌾𑌨𑍍𑌯𑍋 𑌵𑌾𑌸𑍁𑌕𑌿𑌰𑍍𑌵𑍈𑌦𑍍𑌯 𑌆𑌤𑍍𑌰𑍇𑌯𑍋𑌽𑌥 𑌪𑌰𑌾𑌕𑍍𑌰𑌮𑌃 ॥ 103 ॥

𑌦𑍍𑌵𑌾𑌪𑌰𑌃 𑌪𑌰𑌮𑍋𑌦𑌾𑌰𑌃 𑌪𑌰𑌮𑍋 𑌬𑍍𑌰𑌹𑍍𑌮𑌚𑌰𑍍𑌯𑌵𑌾𑌨𑍍 ।
𑌉𑌦𑍀𑌚𑍍𑌯𑌵𑍇𑌷𑍋 𑌮𑍁𑌕𑍁𑌟𑍀 𑌪𑌦𑍍𑌮𑌹𑌸𑍍𑌤𑍋 𑌹𑌿𑌮𑌾𑌂𑌶𑍁𑌭𑍃𑌤𑍍 ॥ 104 ॥

𑌸𑌿𑌤𑌃 𑌪𑍍𑌰𑌸𑌨𑍍𑌨𑌵𑌦𑌨𑌃 𑌪𑌦𑍍𑌮𑍋𑌦𑌰𑌨𑌿𑌭𑌾𑌨𑌨𑌃 ।
𑌸𑌾𑌯𑌂 𑌦𑌿𑌵𑌾 𑌦𑌿𑌵𑍍𑌯𑌵𑌪𑍁𑌰𑌨𑌿𑌰𑍍𑌦𑍇𑌶𑍍𑌯𑍋 𑌮𑌹𑌾𑌲𑌯𑌃 ॥ 105 ॥

𑌮𑌹𑌾𑌰𑌥𑍋 𑌮𑌹𑌾𑌨𑍀𑌶𑌃 𑌶𑍇𑌷𑌃 𑌸𑌤𑍍𑌤𑍍𑌵𑌰𑌜𑌸𑍍𑌤𑌮𑌃 ।
𑌧𑍃𑌤𑌾𑌤𑌪𑌤𑍍𑌰𑌪𑍍𑌰𑌤𑌿𑌮𑍋 𑌵𑌿𑌮𑌰𑍍𑌷𑍀 𑌨𑌿𑌰𑍍𑌣𑌯𑌃 𑌸𑍍𑌥𑌿𑌤𑌃 ॥ 106 ॥

𑌅𑌹𑌿𑌂𑌸𑌕𑌃 𑌶𑍁𑌦𑍍𑌧𑌮𑌤𑌿𑌰𑌦𑍍𑌵𑌿𑌤𑍀𑌯𑍋 𑌵𑌿𑌵𑌰𑍍𑌧𑌨𑌃 ।
𑌸𑌰𑍍𑌵𑌦𑍋 𑌧𑌨𑌦𑍋 𑌮𑍋𑌕𑍍𑌷𑍋 𑌵𑌿𑌹𑌾𑌰𑍀 𑌬𑌹𑍁𑌦𑌾𑌯𑌕𑌃 ॥ 10𑍭 ॥

𑌚𑌾𑌰𑍁𑌰𑌾𑌤𑍍𑌰𑌿𑌹𑌰𑍋 𑌨𑌾𑌥𑍋 𑌭𑌗𑌵𑌾𑌨𑍍 𑌸𑌰𑍍𑌵𑌗𑍋𑌽𑌵𑍍𑌯𑌯𑌃 ।
𑌮𑌨𑍋𑌹𑌰𑌵𑌪𑍁𑌃 𑌶𑍁𑌭𑍍𑌰𑌃 𑌶𑍋𑌭𑌨𑌃 𑌸𑍁𑌪𑍍𑌰𑌭𑌾𑌵𑌨𑌃 ॥ 10𑍮 ॥

𑌸𑍁𑌪𑍍𑌰𑌭𑌾𑌵𑌃 𑌸𑍁𑌪𑍍𑌰𑌤𑌾𑌪𑌃 𑌸𑍁𑌨𑍇𑌤𑍍𑌰𑍋 𑌦𑌿𑌗𑍍𑌵𑌿𑌦𑌿𑌕𑍍𑌪𑌤𑌿𑌃 ।
𑌰𑌾𑌜𑍍𑌞𑍀𑌪𑍍𑌰𑌿𑌯𑌃 𑌶𑌬𑍍𑌦𑌕𑌰𑍋 𑌗𑍍𑌰𑌹𑍇𑌶𑌸𑍍𑌤𑌿𑌮𑌿𑌰𑌾𑌪𑌹𑌃 ॥ 10𑍯 ॥

𑌸𑍈𑌂𑌹𑌿𑌕𑍇𑌯𑌰𑌿𑌪𑍁𑌰𑍍𑌦𑍇𑌵𑍋 𑌵𑌰𑌦𑍋 𑌵𑌰𑌨𑌾𑌯𑌕𑌃 ।
𑌚𑌤𑍁𑌰𑍍𑌭𑍁𑌜𑍋 𑌮𑌹𑌾𑌯𑍋𑌗𑍀 𑌯𑍋𑌗𑍀𑌶𑍍𑌵𑌰𑌪𑌤𑌿𑌸𑍍𑌤𑌥𑌾 ॥ 110 ॥

𑌅𑌨𑌾𑌦𑌿𑌰𑍂𑌪𑍋𑌽𑌦𑌿𑌤𑌿𑌜𑍋 𑌰𑌤𑍍𑌨𑌕𑌾𑌂𑌤𑌿𑌃 𑌪𑍍𑌰𑌭𑌾𑌮𑌯𑌃 ।
𑌜𑌗𑌤𑍍𑌪𑍍𑌰𑌦𑍀𑌪𑍋 𑌵𑌿𑌸𑍍𑌤𑍀𑌰𑍍𑌣𑍋 𑌮𑌹𑌾𑌵𑌿𑌸𑍍𑌤𑍀𑌰𑍍𑌣𑌮𑌂𑌡𑌲𑌃 ॥ 111 ॥

𑌏𑌕𑌚𑌕𑍍𑌰𑌰𑌥𑌃 𑌸𑍍𑌵𑌰𑍍𑌣𑌰𑌥𑌃 𑌸𑍍𑌵𑌰𑍍𑌣𑌶𑌰𑍀𑌰𑌧𑍃𑌕𑍍 ।
𑌨𑌿𑌰𑌾𑌲𑌂𑌬𑍋 𑌗𑌗𑌨𑌗𑍋 𑌧𑌰𑍍𑌮𑌕𑌰𑍍𑌮𑌪𑍍𑌰𑌭𑌾𑌵𑌕𑍃𑌤𑍍 ॥ 112 ॥

𑌧𑌰𑍍𑌮𑌾𑌤𑍍𑌮𑌾 𑌕𑌰𑍍𑌮𑌣𑌾𑌂 𑌸𑌾𑌕𑍍𑌷𑍀 𑌪𑍍𑌰𑌤𑍍𑌯𑌕𑍍𑌷𑌃 𑌪𑌰𑌮𑍇𑌶𑍍𑌵𑌰𑌃 ।
𑌮𑍇𑌰𑍁𑌸𑍇𑌵𑍀 𑌸𑍁𑌮𑍇𑌧𑌾𑌵𑍀 𑌮𑍇𑌰𑍁𑌰𑌕𑍍𑌷𑌾𑌕𑌰𑍋 𑌮𑌹𑌾𑌨𑍍 ॥ 113 ॥

𑌆𑌧𑌾𑌰𑌭𑍂𑌤𑍋 𑌰𑌤𑌿𑌮𑌾𑌂𑌸𑍍𑌤𑌥𑌾 𑌚 𑌧𑌨𑌧𑌾𑌨𑍍𑌯𑌕𑍃𑌤𑍍 ।
𑌪𑌾𑌪𑌸𑌂𑌤𑌾𑌪𑌹𑌰𑍍𑌤𑌾 𑌚 𑌮𑌨𑍋𑌵𑌾𑌂𑌛𑌿𑌤𑌦𑌾𑌯𑌕𑌃 ॥ 114 ॥

𑌰𑍋𑌗𑌹𑌰𑍍𑌤𑌾 𑌰𑌾𑌜𑍍𑌯𑌦𑌾𑌯𑍀 𑌰𑌮𑌣𑍀𑌯𑌗𑍁𑌣𑍋𑌽𑌨𑍃𑌣𑍀 ।
𑌕𑌾𑌲𑌤𑍍𑌰𑌯𑌾𑌨𑌂𑌤𑌰𑍂𑌪𑍋 𑌮𑍁𑌨𑌿𑌵𑍃𑌂𑌦𑌨𑌮𑌸𑍍𑌕𑍃𑌤𑌃 ॥ 115 ॥

𑌸𑌂𑌧𑍍𑌯𑌾𑌰𑌾𑌗𑌕𑌰𑌃 𑌸𑌿𑌦𑍍𑌧𑌃 𑌸𑌂𑌧𑍍𑌯𑌾𑌵𑌂𑌦𑌨𑌵𑌂𑌦𑌿𑌤𑌃 ।
𑌸𑌾𑌮𑍍𑌰𑌾𑌜𑍍𑌯𑌦𑌾𑌨𑌨𑌿𑌰𑌤𑌃 𑌸𑌮𑌾𑌰𑌾𑌧𑌨𑌤𑍋𑌷𑌵𑌾𑌨𑍍 ॥ 116 ॥

𑌭𑌕𑍍𑌤𑌦𑍁𑌃𑌖𑌕𑍍𑌷𑌯𑌕𑌰𑍋 𑌭𑌵𑌸𑌾𑌗𑌰𑌤𑌾𑌰𑌕𑌃 ।
𑌭𑌯𑌾𑌪𑌹𑌰𑍍𑌤𑌾 𑌭𑌗𑌵𑌾𑌨𑌪𑍍𑌰𑌮𑍇𑌯𑌪𑌰𑌾𑌕𑍍𑌰𑌮𑌃 ।
𑌮𑌨𑍁𑌸𑍍𑌵𑌾𑌮𑍀 𑌮𑌨𑍁𑌪𑌤𑌿𑌰𑍍𑌮𑌾𑌨𑍍𑌯𑍋 𑌮𑌨𑍍𑌵𑌂𑌤𑌰𑌾𑌧𑌿𑌪𑌃 ॥ 11𑍭 ॥

𑌫𑌲𑌶𑍍𑌰𑍁𑌤𑌿𑌃 ।
𑌏𑌤𑌤𑍍𑌤𑍇 𑌸𑌰𑍍𑌵𑌮𑌾𑌖𑍍𑌯𑌾𑌤𑌂 𑌯𑌨𑍍𑌮𑌾𑌂 𑌤𑍍𑌵𑌂 𑌪𑌰𑌿𑌪𑍃𑌚𑍍𑌛𑌸𑌿 ।
𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑌂 𑌸𑌵𑌿𑌤𑍁𑌃 𑌪𑌰𑌾𑌶𑌰𑍍𑌯𑍋 𑌯𑌦𑌾𑌹 𑌮𑍇 ॥ 1 ॥

𑌧𑌨𑍍𑌯𑌂 𑌯𑌶𑌸𑍍𑌯𑌮𑌾𑌯𑍁𑌷𑍍𑌯𑌂 𑌦𑍁𑌃𑌖𑌦𑍁𑌃𑌸𑍍𑌵𑌪𑍍𑌨𑌨𑌾𑌶𑌨𑌮𑍍 ।
𑌬𑌂𑌧𑌮𑍋𑌕𑍍𑌷𑌕𑌰𑌂 𑌚𑍈𑌵 𑌭𑌾𑌨𑍋𑌰𑍍𑌨𑌾𑌮𑌾𑌨𑍁𑌕𑍀𑌰𑍍𑌤𑌨𑌾𑌤𑍍 ॥ 2 ॥

𑌯𑌸𑍍𑌤𑍍𑌵𑌿𑌦𑌂 𑌶𑍃𑌣𑍁𑌯𑌾𑌨𑍍𑌨𑌿𑌤𑍍𑌯𑌂 𑌪𑌠𑍇𑌦𑍍𑌵𑌾 𑌪𑍍𑌰𑌯𑌤𑍋 𑌨𑌰𑌃 ।
𑌅𑌕𑍍𑌷𑌯𑌂 𑌸𑍁𑌖𑌮𑌨𑍍𑌨𑌾𑌦𑍍𑌯𑌂 𑌭𑌵𑍇𑌤𑍍𑌤𑌸𑍍𑌯𑍋𑌪𑌸𑌾𑌧𑌿𑌤𑌮𑍍 ॥ 3 ॥

𑌨𑍃𑌪𑌾𑌗𑍍𑌨𑌿𑌤𑌸𑍍𑌕𑌰𑌭𑌯𑌂 𑌵𑍍𑌯𑌾𑌧𑌿𑌤𑍋 𑌨 𑌭𑌯𑌂 𑌭𑌵𑍇𑌤𑍍 ।
𑌵𑌿𑌜𑌯𑍀 𑌚 𑌭𑌵𑍇𑌨𑍍𑌨𑌿𑌤𑍍𑌯𑌮𑌾𑌶𑍍𑌰𑌯𑌂 𑌪𑌰𑌮𑌾𑌪𑍍𑌨𑍁𑌯𑌾𑌤𑍍 ॥ 4 ॥

𑌕𑍀𑌰𑍍𑌤𑌿𑌮𑌾𑌨𑍍 𑌸𑍁𑌭𑌗𑍋 𑌵𑌿𑌦𑍍𑌵𑌾𑌨𑍍 𑌸 𑌸𑍁𑌖𑍀 𑌪𑍍𑌰𑌿𑌯𑌦𑌰𑍍𑌶𑌨𑌃 ।
𑌜𑍀𑌵𑍇𑌦𑍍𑌵𑌰𑍍𑌷𑌶𑌤𑌾𑌯𑍁𑌶𑍍𑌚 𑌸𑌰𑍍𑌵𑌵𑍍𑌯𑌾𑌧𑌿𑌵𑌿𑌵𑌰𑍍𑌜𑌿𑌤𑌃 ॥ 5 ॥

𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑌮𑌿𑌦𑌮𑌂𑌶𑍁𑌮𑌤𑌃 𑌪𑌠𑍇𑌦𑍍𑌯𑌃
𑌪𑍍𑌰𑌾𑌤𑌃 𑌶𑍁𑌚𑌿𑌰𑍍𑌨𑌿𑌯𑌮𑌵𑌾𑌨𑍍 𑌸𑍁𑌸𑌮𑍃𑌦𑍍𑌧𑌿𑌯𑍁𑌕𑍍𑌤𑌃 ।
𑌦𑍂𑌰𑍇𑌣 𑌤𑌂 𑌪𑌰𑌿𑌹𑌰𑌂𑌤𑌿 𑌸𑌦𑍈𑌵 𑌰𑍋𑌗𑌾𑌃
𑌭𑍂𑌤𑌾𑌃 𑌸𑍁𑌪𑌰𑍍𑌣𑌮𑌿𑌵 𑌸𑌰𑍍𑌵𑌮𑌹𑍋𑌰𑌗𑍇𑌂𑌦𑍍𑌰𑌾𑌃 ॥ 6 ॥

𑌇𑌤𑌿 𑌶𑍍𑌰𑍀 𑌭𑌵𑌿𑌷𑍍𑌯𑌪𑍁𑌰𑌾𑌣𑍇 𑌸𑌪𑍍𑌤𑌮𑌕𑌲𑍍𑌪𑍇 𑌶𑍍𑌰𑍀𑌭𑌗𑌵𑌤𑍍𑌸𑍂𑌰𑍍𑌯𑌸𑍍𑌯 𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ॥