॥ 𑌶𑍍𑌰𑍀𑌶𑌂𑌕𑌰𑌾𑌚𑌾𑌰𑍍𑌯𑌸𑍍𑌤𑌵𑌃 ॥
𑌶𑍍𑌰𑍀𑌶𑌂𑌕𑌰𑌾𑌚𑌾𑌰𑍍𑌯𑌵𑌰𑍍𑌯𑌂 𑌸𑌰𑍍𑌵𑌲𑍋𑌕𑍈𑌕𑌵𑌂𑌦𑍍𑌯𑌂 𑌭𑌜𑍇 𑌦𑍇𑌶𑌿𑌕𑍇𑌂𑌦𑍍𑌰𑌮𑍍
𑌧𑌰𑍍𑌮𑌪𑍍𑌰𑌚𑌾𑌰𑍇𑌽𑌤𑌿𑌦𑌕𑍍𑌷𑌂 𑌯𑍋𑌗𑌿𑌗𑍋𑌵𑌿𑌂𑌦𑌪𑌾𑌦𑌾𑌪𑍍𑌤𑌸𑌨𑍍𑌯𑌾𑌸𑌦𑍀𑌕𑍍𑌷𑌮𑍍 ।
𑌦𑍁𑌰𑍍𑌵𑌾𑌦𑌿𑌗𑌰𑍍𑌵𑌾𑌪𑌨𑍋𑌦𑌂 𑌪𑌦𑍍𑌮𑌪𑌾𑌦𑌾𑌦𑌿𑌶𑌿𑌷𑍍𑌯𑌾𑌲𑌿𑌸𑌂𑌸𑍇𑌵𑍍𑌯𑌪𑌾𑌦𑌮𑍍 ॥1॥
(𑌶𑍍𑌰𑍀𑌶𑌂𑌕𑌰𑌾𑌚𑌾𑌰𑍍𑌯𑌵𑌰𑍍𑌯𑌂)
𑌶𑌂𑌕𑌾𑌦𑍍𑌰𑌿𑌦𑌂𑌭𑍋𑌲𑌿𑌲𑍀𑌲𑌂 𑌕𑌿𑌂𑌕𑌰𑌾𑌶𑍇𑌷𑌶𑌿𑌷𑍍𑌯𑌾𑌲𑌿 𑌸𑌂𑌤𑍍𑌰𑌾𑌣𑌶𑍀𑌲𑌮𑍍 ।
𑌬𑌾𑌲𑌾𑌰𑍍𑌕𑌨𑍀𑌕𑌾𑌶𑌚𑍇𑌲𑌂 𑌬𑍋𑌧𑌿𑌤𑌾𑌶𑍇𑌷𑌵𑍇𑌦𑌾𑌂𑌤 𑌗𑍂𑌢𑌾𑌰𑍍𑌥𑌜𑌾𑌲𑌮𑍍 ॥2॥
(𑌶𑍍𑌰𑍀𑌶𑌂𑌕𑌰𑌾𑌚𑌾𑌰𑍍𑌯𑌵𑌰𑍍𑌯𑌂)
𑌰𑍁𑌦𑍍𑌰𑌾𑌕𑍍𑌷𑌮𑌾𑌲𑌾𑌵𑌿𑌭𑍂𑌷𑌂 𑌚𑌂𑌦𑍍𑌰𑌮𑍌𑌲𑍀𑌶𑍍𑌵𑌰𑌾𑌰𑌾𑌧𑌨𑌾𑌵𑌾𑌪𑍍𑌤𑌤𑍋𑌷𑌮𑍍 ।
𑌵𑌿𑌦𑍍𑌰𑌾𑌵𑌿𑌤𑌾𑌶𑍇𑌷𑌦𑍋𑌷𑌂 𑌭𑌦𑍍𑌰𑌪𑍂𑌗𑌪𑍍𑌰𑌦𑌂 𑌭𑌕𑍍𑌤𑌲𑍋𑌕𑌸𑍍𑌯 𑌨𑌿𑌤𑍍𑌯𑌮𑍍 ॥3॥
(𑌶𑍍𑌰𑍀𑌶𑌂𑌕𑌰𑌾𑌚𑌾𑌰𑍍𑌯𑌵𑌰𑍍𑌯𑌂)
𑌪𑌾𑌪𑌾𑌟𑌵𑍀𑌚𑌿𑌤𑍍𑌰𑌭𑌾𑌨𑍁𑌂 𑌜𑍍𑌞𑌾𑌨𑌦𑍀𑌪𑍇𑌨 𑌹𑌾𑌰𑍍𑌦𑌂 𑌤𑌮𑍋 𑌵𑌾𑌰𑌯𑌂𑌤𑌮𑍍 ।
𑌦𑍍𑌵𑍈𑌪𑌾𑌯𑌨𑌪𑍍𑌰𑍀𑌤𑌿𑌭𑌾𑌜𑌂 𑌸𑌰𑍍𑌵𑌤𑌾𑌪𑌾𑌪𑌹𑌾𑌮𑍋𑌘𑌬𑍋𑌧𑌪𑍍𑌰𑌦𑌂 𑌤𑌮𑍍 ॥4॥
(𑌶𑍍𑌰𑍀𑌶𑌂𑌕𑌰𑌾𑌚𑌾𑌰𑍍𑌯𑌵𑌰𑍍𑌯𑌂)
𑌰𑌾𑌜𑌾𑌧𑌿𑌰𑌾𑌜𑌾𑌭𑌿𑌪𑍂𑌜𑍍𑌯𑌂 𑌰𑌮𑍍𑌯𑌶𑍃𑌂𑌗𑌾𑌦𑍍𑌰𑌿𑌵𑌾𑌸𑍈𑌕𑌲𑍋𑌲𑌂 𑌯𑌤𑍀𑌡𑍍𑌯𑌮𑍍 ।
𑌰𑌾𑌕𑍇𑌂𑌦𑍁𑌸𑌂𑌕𑌾𑌶𑌵𑌕𑍍𑌤𑍍𑌰𑌂 𑌰𑌤𑍍𑌨𑌗𑌰𑍍𑌭𑍇𑌭𑌵𑌕𑍍𑌤𑍍𑌰𑌾𑌂𑌘𑍍𑌰𑌿𑌪𑍂𑌜𑌾𑌨𑍁𑌰𑌕𑍍𑌤𑌮𑍍 ॥5॥
(𑌶𑍍𑌰𑍀𑌶𑌂𑌕𑌰𑌾𑌚𑌾𑌰𑍍𑌯𑌵𑌰𑍍𑌯𑌂)
𑌶𑍍𑌰𑍀𑌭𑌾𑌰𑌤𑍀𑌤𑍀𑌰𑍍𑌥𑌗𑍀𑌤𑌂 𑌶𑌂𑌕𑌰𑌾𑌰𑍍𑌯𑌸𑍍𑌤𑌵𑌂 𑌯𑌃 𑌪𑌠𑍇𑌦𑍍𑌭𑌕𑍍𑌤𑌿𑌯𑍁𑌕𑍍𑌤𑌃 ।
𑌸𑍋𑌽𑌵𑌾𑌪𑍍𑌨𑍁𑌯𑌾𑌤𑍍𑌸𑌰𑍍𑌵𑌮𑌿𑌷𑍍𑌟𑌂 𑌶𑌂𑌕𑌰𑌾𑌚𑌾𑌰𑍍𑌯𑌵𑌰𑍍𑌯𑌪𑍍𑌰𑌸𑌾𑌦𑍇𑌨 𑌤𑍂𑌰𑍍𑌣𑌮𑍍 ॥6॥
(𑌶𑍍𑌰𑍀𑌶𑌂𑌕𑌰𑌾𑌚𑌾𑌰𑍍𑌯𑌵𑌰𑍍𑌯𑌂)
