Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

𑌨𑌾𑌰𑌾𑌯𑌣 𑌕𑌵𑌚𑌮𑍍

𑌨𑍍𑌯𑌾𑌸𑌃

𑌅𑌂𑌗𑌨𑍍𑌯𑌾𑌸𑌃
𑌓𑌂 𑌓𑌂 𑌪𑌾𑌦𑌯𑍋𑌃 𑌨𑌮𑌃 ।
𑌓𑌂 𑌨𑌂 𑌜𑌾𑌨𑍁𑌨𑍋𑌃 𑌨𑌮𑌃 ।
𑌓𑌂 𑌮𑍋𑌂 𑌊𑌰𑍍𑌵𑍋𑌃 𑌨𑌮𑌃 ।
𑌓𑌂 𑌨𑌾𑌂 𑌉𑌦𑌰𑍇 𑌨𑌮𑌃 ।
𑌓𑌂 𑌰𑌾𑌂 𑌹𑍃𑌦𑌿 𑌨𑌮𑌃 ।
𑌓𑌂 𑌯𑌂 𑌉𑌰𑌸𑌿 𑌨𑌮𑌃 ।
𑌓𑌂 𑌣𑌾𑌂 𑌮𑍁𑌖𑍇 𑌨𑌮𑌃 ।
𑌓𑌂 𑌯𑌂 𑌶𑌿𑌰𑌸𑌿 𑌨𑌮𑌃 ।

𑌕𑌰𑌨𑍍𑌯𑌾𑌸𑌃
𑌓𑌂 𑌓𑌂 𑌦𑌕𑍍𑌷𑌿𑌣𑌤𑌰𑍍𑌜𑌨𑍍𑌯𑌾𑌂 𑌨𑌮𑌃 ।
𑌓𑌂 𑌨𑌂 𑌦𑌕𑍍𑌷𑌿𑌣𑌮𑌧𑍍𑌯𑌮𑌾𑌯𑌾𑌂 𑌨𑌮𑌃 ।
𑌓𑌂 𑌮𑍋𑌂 𑌦𑌕𑍍𑌷𑌿𑌣𑌾𑌨𑌾𑌮𑌿𑌕𑌾𑌯𑌾𑌂 𑌨𑌮𑌃 ।
𑌓𑌂 𑌭𑌂 𑌦𑌕𑍍𑌷𑌿𑌣𑌕𑌨𑌿𑌷𑍍𑌠𑌿𑌕𑌾𑌯𑌾𑌂 𑌨𑌮𑌃 ।
𑌓𑌂 𑌗𑌂 𑌵𑌾𑌮𑌕𑌨𑌿𑌷𑍍𑌠𑌿𑌕𑌾𑌯𑌾𑌂 𑌨𑌮𑌃 ।
𑌓𑌂 𑌵𑌂 𑌵𑌾𑌮𑌾𑌨𑌿𑌕𑌾𑌯𑌾𑌂 𑌨𑌮𑌃 ।
𑌓𑌂 𑌤𑍇𑌂 𑌵𑌾𑌮𑌮𑌧𑍍𑌯𑌮𑌾𑌯𑌾𑌂 𑌨𑌮𑌃 ।
𑌓𑌂 𑌵𑌾𑌂 𑌵𑌾𑌮𑌤𑌰𑍍𑌜𑌨𑍍𑌯𑌾𑌂 𑌨𑌮𑌃 ।
𑌓𑌂 𑌸𑍁𑌂 𑌦𑌕𑍍𑌷𑌿𑌣𑌾𑌂𑌗𑍁𑌷𑍍𑌠𑍋𑌰𑍍𑌧𑍍𑌵𑌪𑌰𑍍𑌵𑌣𑌿 𑌨𑌮𑌃 ।
𑌓𑌂 𑌦𑍇𑌂 𑌦𑌕𑍍𑌷𑌿𑌣𑌾𑌂𑌗𑍁𑌷𑍍𑌠𑌾𑌧𑌃 𑌪𑌰𑍍𑌵𑌣𑌿 𑌨𑌮𑌃 ।
𑌓𑌂 𑌵𑌾𑌂 𑌵𑌾𑌮𑌾𑌂𑌗𑍁𑌷𑍍𑌠𑍋𑌰𑍍𑌧𑍍𑌵𑌪𑌰𑍍𑌵𑌣𑌿 𑌨𑌮𑌃 ।
𑌓𑌂 𑌯𑌂 𑌵𑌾𑌮𑌾𑌂𑌗𑍁𑌷𑍍𑌠𑌾𑌧𑌃 𑌪𑌰𑍍𑌵𑌣𑌿 𑌨𑌮𑌃 ।

𑌵𑌿𑌷𑍍𑌣𑍁𑌷𑌡𑌕𑍍𑌷𑌰𑌨𑍍𑌯𑌾𑌸𑌃
𑌓𑌂 𑌓𑌂 𑌹𑍃𑌦𑌯𑍇 𑌨𑌮𑌃 ।
𑌓𑌂 𑌵𑌿𑌂 𑌮𑍂𑌰𑍍𑌧𑍍𑌨𑍈 𑌨𑌮𑌃 ।
𑌓𑌂 𑌷𑌂 𑌭𑍍𑌰𑍁𑌰𑍍𑌵𑍋𑌰𑍍𑌮𑌧𑍍𑌯𑍇 𑌨𑌮𑌃 ।
𑌓𑌂 𑌣𑌂 𑌶𑌿𑌖𑌾𑌯𑌾𑌂 𑌨𑌮𑌃 ।
𑌓𑌂 𑌵𑍇𑌂 𑌨𑍇𑌤𑍍𑌰𑌯𑍋𑌃 𑌨𑌮𑌃 ।
𑌓𑌂 𑌨𑌂 𑌸𑌰𑍍𑌵𑌸𑌂𑌧𑌿𑌷𑍁 𑌨𑌮𑌃 ।
𑌓𑌂 𑌮𑌃 𑌪𑍍𑌰𑌾𑌚𑍍𑌯𑌾𑌂 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌓𑌂 𑌮𑌃 𑌆𑌗𑍍𑌨𑍇𑌯𑍍𑌯𑌾𑌂 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌓𑌂 𑌮𑌃 𑌦𑌕𑍍𑌷𑌿𑌣𑌸𑍍𑌯𑌾𑌂 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌓𑌂 𑌮𑌃 𑌨𑍈𑌋𑌤𑍍𑌯𑍇 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌓𑌂 𑌮𑌃 𑌪𑍍𑌰𑌤𑍀𑌚𑍍𑌯𑌾𑌂 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌓𑌂 𑌮𑌃 𑌵𑌾𑌯𑌵𑍍𑌯𑍇 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌓𑌂 𑌮𑌃 𑌉𑌦𑍀𑌚𑍍𑌯𑌾𑌂 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌓𑌂 𑌮𑌃 𑌐𑌶𑌾𑌨𑍍𑌯𑌾𑌂 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌓𑌂 𑌮𑌃 𑌊𑌰𑍍𑌧𑍍𑌵𑌾𑌯𑌾𑌂 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌓𑌂 𑌮𑌃 𑌅𑌧𑌰𑌾𑌯𑌾𑌂 𑌅𑌸𑍍𑌤𑍍𑌰𑌾𑌯 𑌫𑌟𑍍 ।

𑌶𑍍𑌰𑍀 𑌹𑌰𑌿𑌃

𑌅𑌥 𑌶𑍍𑌰𑍀𑌨𑌾𑌰𑌾𑌯𑌣𑌕𑌵𑌚

𑌰𑌾𑌜𑍋𑌵𑌾𑌚
𑌯𑌯𑌾 𑌗𑍁𑌪𑍍𑌤𑌃 𑌸𑌹𑌸𑍍𑌰𑌾𑌕𑍍𑌷𑌃 𑌸𑌵𑌾𑌹𑌾𑌨𑍍 𑌰𑌿𑌪𑍁𑌸𑍈𑌨𑌿𑌕𑌾𑌨𑍍 ।
𑌕𑍍𑌰𑍀𑌡𑌨𑍍𑌨𑌿𑌵 𑌵𑌿𑌨𑌿𑌰𑍍𑌜𑌿𑌤𑍍𑌯 𑌤𑍍𑌰𑌿𑌲𑍋𑌕𑍍𑌯𑌾 𑌬𑍁𑌭𑍁𑌜𑍇 𑌶𑍍𑌰𑌿𑌯𑌮𑍍 ॥ 1 ॥

𑌭𑌗𑌵𑌂𑌸𑍍𑌤𑌨𑍍𑌮𑌮𑌾𑌖𑍍𑌯𑌾𑌹𑌿 𑌵𑌰𑍍𑌮 𑌨𑌾𑌰𑌾𑌯𑌣𑌾𑌤𑍍𑌮𑌕𑌮𑍍 ।
𑌯𑌥𑌾𑌽𑌽𑌤𑌤𑌾𑌯𑌿𑌨𑌃 𑌶𑌤𑍍𑌰𑍂𑌨𑍍 𑌯𑍇𑌨 𑌗𑍁𑌪𑍍𑌤𑍋𑌽𑌜𑌯𑌨𑍍𑌮𑍃𑌧𑍇 ॥ 2 ॥

𑌶𑍍𑌰𑍀 𑌶𑍁𑌕 𑌉𑌵𑌾𑌚
𑌵𑍃𑌤𑌃 𑌪𑍁𑌰𑍋𑌹𑌿𑌤𑌸𑍍𑌤𑍍𑌵𑌾𑌷𑍍𑌟𑍍𑌰𑍋 𑌮𑌹𑍇𑌂𑌦𑍍𑌰𑌾𑌯𑌾𑌨𑍁𑌪𑍃𑌚𑍍𑌛𑌤𑍇 ।
𑌨𑌾𑌰𑌾𑌯𑌣𑌾𑌖𑍍𑌯𑌂 𑌵𑌰𑍍𑌮𑌾𑌹 𑌤𑌦𑌿𑌹𑍈𑌕𑌮𑌨𑌾𑌃 𑌶𑍃𑌣𑍁 ॥ 3 ॥

𑌶𑍍𑌰𑍀𑌵𑌿𑌶𑍍𑌵𑌰𑍂𑌪 𑌉𑌵𑌾𑌚
𑌧𑍌𑌤𑌾𑌂𑌘𑍍𑌰𑌿𑌪𑌾𑌣𑌿𑌰𑌾𑌚𑌮𑍍𑌯 𑌸𑌪𑌵𑌿𑌤𑍍𑌰 𑌉𑌦𑌙𑍍𑌮𑍁𑌖𑌃 ।
𑌕𑍃𑌤𑌸𑍍𑌵𑌾𑌂𑌗𑌕𑌰𑌨𑍍𑌯𑌾𑌸𑍋 𑌮𑌂𑌤𑍍𑌰𑌾𑌭𑍍𑌯𑌾𑌂 𑌵𑌾𑌗𑍍𑌯𑌤𑌃 𑌶𑍁𑌚𑌿𑌃 ॥ 4 ॥

𑌨𑌾𑌰𑌾𑌯𑌣𑌮𑌯𑌂 𑌵𑌰𑍍𑌮 𑌸𑌨𑍍𑌨𑌹𑍍𑌯𑍇𑌦𑍍𑌭𑌯 𑌆𑌗𑌤𑍇 ।
𑌦𑍈𑌵𑌭𑍂𑌤𑌾𑌤𑍍𑌮𑌕𑌰𑍍𑌮𑌭𑍍𑌯𑍋 𑌨𑌾𑌰𑌾𑌯𑌣𑌮𑌯𑌃 𑌪𑍁𑌮𑌾𑌨𑍍 ॥ 5 ॥

𑌪𑌾𑌦𑌯𑍋𑌰𑍍𑌜𑌾𑌨𑍁𑌨𑍋𑌰𑍂𑌰𑍍𑌵𑍋𑌰𑍁𑌦𑌰𑍇 𑌹𑍃𑌦𑍍𑌯𑌥𑍋𑌰𑌸𑌿 ।
𑌮𑍁𑌖𑍇 𑌶𑌿𑌰𑌸𑍍𑌯𑌾𑌨𑍁𑌪𑍂𑌰𑍍𑌵𑍍𑌯𑌾𑌦𑍋𑌂𑌕𑌾𑌰𑌾𑌦𑍀𑌨𑌿 𑌵𑌿𑌨𑍍𑌯𑌸𑍇𑌤𑍍 ॥ 6 ॥

𑌓𑌂 𑌨𑌮𑍋 𑌨𑌾𑌰𑌾𑌯𑌣𑌾𑌯𑍇𑌤𑌿 𑌵𑌿𑌪𑌰𑍍𑌯𑌯𑌮𑌥𑌾𑌪𑌿 𑌵𑌾 ।
𑌕𑌰𑌨𑍍𑌯𑌾𑌸𑌂 𑌤𑌤𑌃 𑌕𑍁𑌰𑍍𑌯𑌾𑌦𑍍𑌦𑍍𑌵𑌾𑌦𑌶𑌾𑌕𑍍𑌷𑌰𑌵𑌿𑌦𑍍𑌯𑌯𑌾 ॥ 𑍭 ॥

𑌪𑍍𑌰𑌣𑌵𑌾𑌦𑌿𑌯𑌕𑌾𑌰𑌾𑌂𑌤𑌮𑌂𑌗𑍁𑌲𑍍𑌯𑌂𑌗𑍁𑌷𑍍𑌠𑌪𑌰𑍍𑌵𑌸𑍁 ।
𑌨𑍍𑌯𑌸𑍇𑌦𑍍𑌧𑍃𑌦𑌯 𑌓𑌂𑌕𑌾𑌰𑌂 𑌵𑌿𑌕𑌾𑌰𑌮𑌨𑍁 𑌮𑍂𑌰𑍍𑌧𑌨𑌿 ॥ 𑍮 ॥

𑌷𑌕𑌾𑌰𑌂 𑌤𑍁 𑌭𑍍𑌰𑍁𑌵𑍋𑌰𑍍𑌮𑌧𑍍𑌯𑍇 𑌣𑌕𑌾𑌰𑌂 𑌶𑌿𑌖𑌯𑌾 𑌨𑍍𑌯𑌸𑍇𑌤𑍍 ।
𑌵𑍇𑌕𑌾𑌰𑌂 𑌨𑍇𑌤𑍍𑌰𑌯𑍋𑌰𑍍𑌯𑍁𑌂𑌜𑍍𑌯𑌾𑌨𑍍𑌨𑌕𑌾𑌰𑌂 𑌸𑌰𑍍𑌵𑌸𑌂𑌧𑌿𑌷𑍁 ॥ 𑍯 ॥

𑌮𑌕𑌾𑌰𑌮𑌸𑍍𑌤𑍍𑌰𑌮𑍁𑌦𑍍𑌦𑌿𑌶𑍍𑌯 𑌮𑌂𑌤𑍍𑌰𑌮𑍂𑌰𑍍𑌤𑌿𑌰𑍍𑌭𑌵𑍇𑌦𑍍𑌬𑍁𑌧𑌃 ।
𑌸𑌵𑌿𑌸𑌰𑍍𑌗𑌂 𑌫𑌡𑌂𑌤𑌂 𑌤𑌤𑍍𑌸𑌰𑍍𑌵𑌦𑌿𑌕𑍍𑌷𑍁 𑌵𑌿𑌨𑌿𑌰𑍍𑌦𑌿𑌶𑍇𑌤𑍍 ॥ 10 ॥

𑌓𑌂 𑌵𑌿𑌷𑍍𑌣𑌵𑍇 𑌨𑌮𑌃 ॥

𑌇𑌤𑍍𑌯𑌾𑌤𑍍𑌮𑌾𑌨𑌂 𑌪𑌰𑌂 𑌧𑍍𑌯𑌾𑌯𑍇𑌦𑍍𑌧𑍍𑌯𑍇𑌯𑌂 𑌷𑌟𑍍𑌛𑌕𑍍𑌤𑌿𑌭𑌿𑌰𑍍𑌯𑍁𑌤𑌮𑍍 ।
𑌵𑌿𑌦𑍍𑌯𑌾𑌤𑍇𑌜𑌸𑍍𑌤𑌪𑍋𑌮𑍂𑌰𑍍𑌤𑌿𑌮𑌿𑌮𑌂 𑌮𑌂𑌤𑍍𑌰𑌮𑍁𑌦𑌾𑌹𑌰𑍇𑌤𑍍 ॥ 11 ॥

𑌓𑌂 𑌹𑌰𑌿𑌰𑍍𑌵𑌿𑌦𑌧𑍍𑌯𑌾𑌨𑍍𑌮𑌮 𑌸𑌰𑍍𑌵𑌰𑌕𑍍𑌷𑌾𑌂
𑌨𑍍𑌯𑌸𑍍𑌤𑌾𑌂𑌘𑍍𑌰𑌿𑌪𑌦𑍍𑌮𑌃 𑌪𑌤𑌗𑍇𑌂𑌦𑍍𑌰 𑌪𑍃𑌷𑍍𑌠𑍇 ।
𑌦𑌰𑌾𑌰𑌿𑌚𑌰𑍍𑌮𑌾𑌸𑌿𑌗𑌦𑍇𑌷𑍁𑌚𑌾𑌪-
-𑌪𑌾𑌶𑌾𑌂𑌦𑌧𑌾𑌨𑍋𑌽𑌷𑍍𑌟𑌗𑍁𑌣𑍋𑌽𑌷𑍍𑌟𑌬𑌾𑌹𑍁𑌃 ॥ 12 ॥

𑌜𑌲𑍇𑌷𑍁 𑌮𑌾𑌂 𑌰𑌕𑍍𑌷𑌤𑍁 𑌮𑌤𑍍𑌸𑍍𑌯𑌮𑍂𑌰𑍍𑌤𑌿-
-𑌰𑍍𑌯𑌾𑌦𑍋𑌗𑌣𑍇𑌭𑍍𑌯𑍋 𑌵𑌰𑍁𑌣𑌸𑍍𑌯 𑌪𑌾𑌶𑌾𑌤𑍍 ।
𑌸𑍍𑌥𑌲𑍇𑌷𑍁 𑌮𑌾𑌯𑌾𑌵𑌟𑍁𑌵𑌾𑌮𑌨𑍋𑌽𑌵𑍍𑌯𑌾-
-𑌤𑍍𑌤𑍍𑌰𑌿𑌵𑌿𑌕𑍍𑌰𑌮𑌃 𑌖𑍇𑌽𑌵𑌤𑍁 𑌵𑌿𑌶𑍍𑌵𑌰𑍂𑌪𑌃 ॥ 13 ॥

𑌦𑍁𑌰𑍍𑌗𑍇𑌷𑍍𑌵𑌟𑌵𑍍𑌯𑌾𑌜𑌿𑌮𑍁𑌖𑌾𑌦𑌿𑌷𑍁 𑌪𑍍𑌰𑌭𑍁𑌃
𑌪𑌾𑌯𑌾𑌨𑍍𑌨𑍃𑌸𑌿𑌂𑌹𑍋𑌽𑌸𑍁𑌰𑌯𑍂𑌥𑌪𑌾𑌰𑌿𑌃 ।
𑌵𑌿𑌮𑍁𑌂𑌚𑌤𑍋 𑌯𑌸𑍍𑌯 𑌮𑌹𑌾𑌟𑍍𑌟𑌹𑌾𑌸𑌂
𑌦𑌿𑌶𑍋 𑌵𑌿𑌨𑍇𑌦𑍁𑌰𑍍𑌨𑍍𑌯𑌪𑌤𑌂𑌶𑍍𑌚 𑌗𑌰𑍍𑌭𑌾𑌃 ॥ 14 ॥

𑌰𑌕𑍍𑌷𑌤𑍍𑌵𑌸𑍌 𑌮𑌾𑌧𑍍𑌵𑌨𑌿 𑌯𑌜𑍍𑌞𑌕𑌲𑍍𑌪𑌃
𑌸𑍍𑌵𑌦𑌂𑌷𑍍𑌟𑍍𑌰𑌯𑍋𑌨𑍍𑌨𑍀𑌤𑌧𑌰𑍋 𑌵𑌰𑌾𑌹𑌃 ।
𑌰𑌾𑌮𑍋𑌽𑌦𑍍𑌰𑌿𑌕𑍂𑌟𑍇𑌷𑍍𑌵𑌥 𑌵𑌿𑌪𑍍𑌰𑌵𑌾𑌸𑍇
𑌸𑌲𑌕𑍍𑌷𑍍𑌮𑌣𑍋𑌽𑌵𑍍𑌯𑌾𑌦𑍍𑌭𑌰𑌤𑌾𑌗𑍍𑌰𑌜𑍋𑌽𑌸𑍍𑌮𑌾𑌨𑍍 ॥ 15 ॥

𑌮𑌾𑌮𑍁𑌗𑍍𑌰𑌧𑌰𑍍𑌮𑌾𑌦𑌖𑌿𑌲𑌾𑌤𑍍𑌪𑍍𑌰𑌮𑌾𑌦𑌾-
-𑌨𑍍𑌨𑌾𑌰𑌾𑌯𑌣𑌃 𑌪𑌾𑌤𑍁 𑌨𑌰𑌶𑍍𑌚 𑌹𑌾𑌸𑌾𑌤𑍍 ।
𑌦𑌤𑍍𑌤𑌸𑍍𑌤𑍍𑌵𑌯𑍋𑌗𑌾𑌦𑌥 𑌯𑍋𑌗𑌨𑌾𑌥𑌃
𑌪𑌾𑌯𑌾𑌦𑍍𑌗𑍁𑌣𑍇𑌶𑌃 𑌕𑌪𑌿𑌲𑌃 𑌕𑌰𑍍𑌮𑌬𑌂𑌧𑌾𑌤𑍍 ॥ 16 ॥

𑌸𑌨𑌤𑍍𑌕𑍁𑌮𑌾𑌰𑍋𑌽𑌵𑌤𑍁 𑌕𑌾𑌮𑌦𑍇𑌵𑌾-
-𑌦𑍍𑌧𑌯𑌾𑌨𑌨𑍋 𑌮𑌾𑌂 𑌪𑌥𑌿 𑌦𑍇𑌵𑌹𑍇𑌲𑌨𑌾𑌤𑍍 ।
𑌦𑍇𑌵𑌰𑍍𑌷𑌿𑌵𑌰𑍍𑌯𑌃 𑌪𑍁𑌰𑍁𑌷𑌾𑌰𑍍𑌚𑌨𑌾𑌂𑌤𑌰𑌾-
-𑌤𑍍𑌕𑍂𑌰𑍍𑌮𑍋 𑌹𑌰𑌿𑌰𑍍𑌮𑌾𑌂 𑌨𑌿𑌰𑌯𑌾𑌦𑌶𑍇𑌷𑌾𑌤𑍍 ॥ 1𑍭 ॥

𑌧𑌨𑍍𑌵𑌂𑌤𑌰𑌿𑌰𑍍𑌭𑌗𑌵𑌾𑌨𑍍𑌪𑌾𑌤𑍍𑌵𑌪𑌥𑍍𑌯𑌾-
-𑌦𑍍𑌦𑍍𑌵𑌂𑌦𑍍𑌵𑌾𑌦𑍍𑌭𑌯𑌾𑌦𑍃𑌷𑌭𑍋 𑌨𑌿𑌰𑍍𑌜𑌿𑌤𑌾𑌤𑍍𑌮𑌾 ।
𑌯𑌜𑍍𑌞𑌶𑍍𑌚 𑌲𑍋𑌕𑌾𑌦𑌵𑌤𑌾𑌜𑍍𑌜𑌨𑌾𑌂𑌤𑌾-
-𑌦𑍍𑌬𑌲𑍋 𑌗𑌣𑌾𑌤𑍍𑌕𑍍𑌰𑍋𑌧𑌵𑌶𑌾𑌦𑌹𑍀𑌂𑌦𑍍𑌰𑌃 ॥ 1𑍮 ॥

𑌦𑍍𑌵𑍈𑌪𑌾𑌯𑌨𑍋 𑌭𑌗𑌵𑌾𑌨𑌪𑍍𑌰𑌬𑍋𑌧𑌾-
-𑌦𑍍𑌬𑍁𑌦𑍍𑌧𑌸𑍍𑌤𑍁 𑌪𑌾𑌷𑌂𑌡𑌗𑌣𑌾𑌤𑍍𑌪𑍍𑌰𑌮𑌾𑌦𑌾𑌤𑍍 ।
𑌕𑌲𑍍𑌕𑌿𑌃 𑌕𑌲𑍇𑌃 𑌕𑌾𑌲𑌮𑌲𑌾𑌤𑍍𑌪𑍍𑌰𑌪𑌾𑌤𑍁
𑌧𑌰𑍍𑌮𑌾𑌵𑌨𑌾𑌯𑍋𑌰𑍁𑌕𑍃𑌤𑌾𑌵𑌤𑌾𑌰𑌃 ॥ 1𑍯 ॥

𑌮𑌾𑌂 𑌕𑍇𑌶𑌵𑍋 𑌗𑌦𑌯𑌾 𑌪𑍍𑌰𑌾𑌤𑌰𑌵𑍍𑌯𑌾-
-𑌦𑍍𑌗𑍋𑌵𑌿𑌂𑌦 𑌆𑌸𑌂𑌗𑌵𑌮𑌾𑌤𑍍𑌤𑌵𑍇𑌣𑍁𑌃 ।
𑌨𑌾𑌰𑌾𑌯𑌣𑌃 𑌪𑍍𑌰𑌾𑌹𑍍𑌣 𑌉𑌦𑌾𑌤𑍍𑌤𑌶𑌕𑍍𑌤𑌿-
-𑌰𑍍𑌮𑌧𑍍𑌯𑌂𑌦𑌿𑌨𑍇 𑌵𑌿𑌷𑍍𑌣𑍁𑌰𑌰𑍀𑌂𑌦𑍍𑌰𑌪𑌾𑌣𑌿𑌃 ॥ 20 ॥

𑌦𑍇𑌵𑍋𑌽𑌪𑌰𑌾𑌹𑍍𑌣𑍇 𑌮𑌧𑍁𑌹𑍋𑌗𑍍𑌰𑌧𑌨𑍍𑌵𑌾
𑌸𑌾𑌯𑌂 𑌤𑍍𑌰𑌿𑌧𑌾𑌮𑌾𑌵𑌤𑍁 𑌮𑌾𑌧𑌵𑍋 𑌮𑌾𑌮𑍍 ।
𑌦𑍋𑌷𑍇 𑌹𑍃𑌷𑍀𑌕𑍇𑌶 𑌉𑌤𑌾𑌰𑍍𑌧𑌰𑌾𑌤𑍍𑌰𑍇
𑌨𑌿𑌶𑍀𑌥 𑌏𑌕𑍋𑌽𑌵𑌤𑍁 𑌪𑌦𑍍𑌮𑌨𑌾𑌭𑌃 ॥ 21 ॥

𑌶𑍍𑌰𑍀𑌵𑌤𑍍𑌸𑌧𑌾𑌮𑌾𑌽𑌪𑌰𑌰𑌾𑌤𑍍𑌰 𑌈𑌶𑌃
𑌪𑍍𑌰𑌤𑍍𑌯𑍁𑌷 𑌈𑌶𑍋𑌽𑌸𑌿𑌧𑌰𑍋 𑌜𑌨𑌾𑌰𑍍𑌦𑌨𑌃 ।
𑌦𑌾𑌮𑍋𑌦𑌰𑍋𑌽𑌵𑍍𑌯𑌾𑌦𑌨𑍁𑌸𑌂𑌧𑍍𑌯𑌂 𑌪𑍍𑌰𑌭𑌾𑌤𑍇
𑌵𑌿𑌶𑍍𑌵𑍇𑌶𑍍𑌵𑌰𑍋 𑌭𑌗𑌵𑌾𑌨𑍍𑌕𑌾𑌲𑌮𑍂𑌰𑍍𑌤𑌿𑌃 ॥ 22 ॥

𑌚𑌕𑍍𑌰𑌂 𑌯𑍁𑌗𑌾𑌂𑌤𑌾𑌨𑌲𑌤𑌿𑌗𑍍𑌮𑌨𑍇𑌮𑌿
𑌭𑍍𑌰𑌮𑌤𑍍𑌸𑌮𑌂𑌤𑌾𑌦𑍍𑌭𑌗𑌵𑌤𑍍𑌪𑍍𑌰𑌯𑍁𑌕𑍍𑌤𑌮𑍍 ।
𑌦𑌂𑌦𑌗𑍍𑌧𑌿 𑌦𑌂𑌦𑌗𑍍𑌧𑍍𑌯𑌰𑌿𑌸𑍈𑌨𑍍𑌯𑌮𑌾𑌶𑍁
𑌕𑌕𑍍𑌷𑌂 𑌯𑌥𑌾 𑌵𑌾𑌤𑌸𑌖𑍋 𑌹𑍁𑌤𑌾𑌶𑌃 ॥ 23 ॥

𑌗𑌦𑍇𑌽𑌶𑌨𑌿𑌸𑍍𑌪𑌰𑍍𑌶𑌨𑌵𑌿𑌸𑍍𑌫𑍁𑌲𑌿𑌂𑌗𑍇
𑌨𑌿𑌷𑍍𑌪𑌿𑌂𑌢𑌿 𑌨𑌿𑌷𑍍𑌪𑌿𑌂𑌢𑍍𑌯𑌜𑌿𑌤𑌪𑍍𑌰𑌿𑌯𑌾𑌸𑌿 ।
𑌕𑍂𑌷𑍍𑌮𑌾𑌂𑌡𑌵𑍈𑌨𑌾𑌯𑌕𑌯𑌕𑍍𑌷𑌰𑌕𑍍𑌷𑍋
𑌭𑍂𑌤𑌗𑍍𑌰𑌹𑌾𑌂𑌶𑍍𑌚𑍂𑌰𑍍𑌣𑌯 𑌚𑍂𑌰𑍍𑌣𑌯𑌾𑌰𑍀𑌨𑍍 ॥ 24 ॥

𑌤𑍍𑌵𑌂 𑌯𑌾𑌤𑍁𑌧𑌾𑌨𑌪𑍍𑌰𑌮𑌥𑌪𑍍𑌰𑍇𑌤𑌮𑌾𑌤𑍃-
-𑌪𑌿𑌶𑌾𑌚𑌵𑌿𑌪𑍍𑌰𑌗𑍍𑌰𑌹𑌘𑍋𑌰𑌦𑍃𑌷𑍍𑌟𑍀𑌨𑍍 ।
𑌦𑌰𑍇𑌂𑌦𑍍𑌰 𑌵𑌿𑌦𑍍𑌰𑌾𑌵𑌯 𑌕𑍃𑌷𑍍𑌣𑌪𑍂𑌰𑌿𑌤𑍋
𑌭𑍀𑌮𑌸𑍍𑌵𑌨𑍋𑌽𑌰𑍇𑌰𑍍𑌹𑍃𑌦𑌯𑌾𑌨𑌿 𑌕𑌂𑌪𑌯𑌨𑍍 ॥ 25 ॥

𑌤𑍍𑌵𑌂 𑌤𑌿𑌗𑍍𑌮𑌧𑌾𑌰𑌾𑌸𑌿𑌵𑌰𑌾𑌰𑌿𑌸𑍈𑌨𑍍𑌯-
-𑌮𑍀𑌶𑌪𑍍𑌰𑌯𑍁𑌕𑍍𑌤𑍋 𑌮𑌮 𑌛𑌿𑌂𑌧𑌿 𑌛𑌿𑌂𑌧𑌿 ।
𑌚𑌕𑍍𑌷𑍂𑌂𑌷𑌿 𑌚𑌰𑍍𑌮𑌨𑍍 𑌶𑌤𑌚𑌂𑌦𑍍𑌰 𑌛𑌾𑌦𑌯
𑌦𑍍𑌵𑌿𑌷𑌾𑌮𑌘𑍋𑌨𑌾𑌂 𑌹𑌰 𑌪𑌾𑌪𑌚𑌕𑍍𑌷𑍁𑌷𑌾𑌮𑍍 ॥ 26 ॥

𑌯𑌨𑍍𑌨𑍋 𑌭𑌯𑌂 𑌗𑍍𑌰𑌹𑍇𑌭𑍍𑌯𑍋𑌽𑌭𑍂𑌤𑍍𑌕𑍇𑌤𑍁𑌭𑍍𑌯𑍋 𑌨𑍃𑌭𑍍𑌯 𑌏𑌵 𑌚 ।
𑌸𑌰𑍀𑌸𑍃𑌪𑍇𑌭𑍍𑌯𑍋 𑌦𑌂𑌷𑍍𑌟𑍍𑌰𑌿𑌭𑍍𑌯𑍋 𑌭𑍂𑌤𑍇𑌭𑍍𑌯𑍋𑌽𑌘𑍇𑌭𑍍𑌯 𑌏𑌵 𑌚 ॥ 2𑍭 ॥

𑌸𑌰𑍍𑌵𑌾𑌣𑍍𑌯𑍇𑌤𑌾𑌨𑌿 𑌭𑌗𑌵𑌨𑍍𑌨𑌾𑌮𑌰𑍂𑌪𑌾𑌸𑍍𑌤𑍍𑌰𑌕𑍀𑌰𑍍𑌤𑌨𑌾𑌤𑍍 ।
𑌪𑍍𑌰𑌯𑌾𑌂𑌤𑍁 𑌸𑌂𑌕𑍍𑌷𑌯𑌂 𑌸𑌦𑍍𑌯𑍋 𑌯𑍇 𑌨𑌃 𑌶𑍍𑌰𑍇𑌯𑌃𑌪𑍍𑌰𑌤𑍀𑌪𑌕𑌾𑌃 ॥ 2𑍮 ॥

𑌗𑌰𑍁𑌡𑍋 𑌭𑌗𑌵𑌾𑌨𑍍 𑌸𑍍𑌤𑍋𑌤𑍍𑌰𑌸𑍍𑌤𑍋𑌮𑌶𑍍𑌛𑌂𑌦𑍋𑌮𑌯𑌃 𑌪𑍍𑌰𑌭𑍁𑌃 ।
𑌰𑌕𑍍𑌷𑌤𑍍𑌵𑌶𑍇𑌷𑌕𑍃𑌚𑍍𑌛𑍍𑌰𑍇𑌭𑍍𑌯𑍋 𑌵𑌿𑌷𑍍𑌵𑌕𑍍𑌸𑍇𑌨𑌃 𑌸𑍍𑌵𑌨𑌾𑌮𑌭𑌿𑌃 ॥ 2𑍯 ॥

𑌸𑌰𑍍𑌵𑌾𑌪𑌦𑍍𑌭𑍍𑌯𑍋 𑌹𑌰𑍇𑌰𑍍𑌨𑌾𑌮𑌰𑍂𑌪𑌯𑌾𑌨𑌾𑌯𑍁𑌧𑌾𑌨𑌿 𑌨𑌃 ।
𑌬𑍁𑌦𑍍𑌧𑍀𑌂𑌦𑍍𑌰𑌿𑌯𑌮𑌨𑌃𑌪𑍍𑌰𑌾𑌣𑌾𑌨𑍍𑌪𑌾𑌂𑌤𑍁 𑌪𑌾𑌰𑍍𑌷𑌦𑌭𑍂𑌷𑌣𑌾𑌃 ॥ 30 ॥

𑌯𑌥𑌾 𑌹𑌿 𑌭𑌗𑌵𑌾𑌨𑍇𑌵 𑌵𑌸𑍍𑌤𑍁𑌤𑌃 𑌸𑌦𑌸𑌚𑍍𑌚 𑌯𑌤𑍍 ।
𑌸𑌤𑍍𑌯𑍇𑌨𑌾𑌨𑍇𑌨 𑌨𑌃 𑌸𑌰𑍍𑌵𑍇 𑌯𑌾𑌂𑌤𑍁 𑌨𑌾𑌶𑌮𑍁𑌪𑌦𑍍𑌰𑌵𑌾𑌃 ॥ 31 ॥

𑌯𑌥𑍈𑌕𑌾𑌤𑍍𑌮𑍍𑌯𑌾𑌨𑍁𑌭𑌾𑌵𑌾𑌨𑌾𑌂 𑌵𑌿𑌕𑌲𑍍𑌪𑌰𑌹𑌿𑌤𑌃 𑌸𑍍𑌵𑌯𑌮𑍍 ।
𑌭𑍂𑌷𑌣𑌾𑌯𑍁𑌧𑌲𑌿𑌂𑌗𑌾𑌖𑍍𑌯𑌾 𑌧𑌤𑍍𑌤𑍇 𑌶𑌕𑍍𑌤𑍀𑌃 𑌸𑍍𑌵𑌮𑌾𑌯𑌯𑌾 ॥ 32 ॥

𑌤𑍇𑌨𑍈𑌵 𑌸𑌤𑍍𑌯𑌮𑌾𑌨𑍇𑌨 𑌸𑌰𑍍𑌵𑌜𑍍𑌞𑍋 𑌭𑌗𑌵𑌾𑌨𑍍 𑌹𑌰𑌿𑌃 ।
𑌪𑌾𑌤𑍁 𑌸𑌰𑍍𑌵𑍈𑌃 𑌸𑍍𑌵𑌰𑍂𑌪𑍈𑌰𑍍𑌨𑌃 𑌸𑌦𑌾 𑌸𑌰𑍍𑌵𑌤𑍍𑌰 𑌸𑌰𑍍𑌵𑌗𑌃 ॥ 33 ॥

𑌵𑌿𑌦𑌿𑌕𑍍𑌷𑍁 𑌦𑌿𑌕𑍍𑌷𑍂𑌰𑍍𑌧𑍍𑌵𑌮𑌧𑌃 𑌸𑌮𑌂𑌤𑌾-
-𑌦𑌂𑌤𑌰𑍍𑌬𑌹𑌿𑌰𑍍𑌭𑌗𑌵𑌾𑌨𑍍𑌨𑌾𑌰𑌸𑌿𑌂𑌹𑌃 ।
𑌪𑍍𑌰𑌹𑌾𑌪𑌯𑌁𑌲𑍍𑌲𑍋𑌕𑌭𑌯𑌂 𑌸𑍍𑌵𑌨𑍇𑌨
𑌸𑍍𑌵𑌤𑍇𑌜𑌸𑌾 𑌗𑍍𑌰𑌸𑍍𑌤𑌸𑌮𑌸𑍍𑌤𑌤𑍇𑌜𑌾𑌃 ॥ 34 ॥

𑌮𑌘𑌵𑌨𑍍𑌨𑌿𑌦𑌮𑌾𑌖𑍍𑌯𑌾𑌤𑌂 𑌵𑌰𑍍𑌮 𑌨𑌾𑌰𑌾𑌯𑌣𑌾𑌤𑍍𑌮𑌕𑌮𑍍 ।
𑌵𑌿𑌜𑍇𑌷𑍍𑌯𑌸𑍍𑌯𑌂𑌜𑌸𑌾 𑌯𑍇𑌨 𑌦𑌂𑌶𑌿𑌤𑍋𑌽𑌸𑍁𑌰𑌯𑍂𑌥𑌪𑌾𑌨𑍍 ॥ 35 ॥

𑌏𑌤𑌦𑍍𑌧𑌾𑌰𑌯𑌮𑌾𑌣𑌸𑍍𑌤𑍁 𑌯𑌂 𑌯𑌂 𑌪𑌶𑍍𑌯𑌤𑌿 𑌚𑌕𑍍𑌷𑍁𑌷𑌾 ।
𑌪𑌦𑌾 𑌵𑌾 𑌸𑌂𑌸𑍍𑌪𑍃𑌶𑍇𑌤𑍍𑌸𑌦𑍍𑌯𑌃 𑌸𑌾𑌧𑍍𑌵𑌸𑌾𑌤𑍍𑌸 𑌵𑌿𑌮𑍁𑌚𑍍𑌯𑌤𑍇 ॥ 36 ॥

𑌨 𑌕𑍁𑌤𑌶𑍍𑌚𑌿𑌦𑍍𑌭𑌯𑌂 𑌤𑌸𑍍𑌯 𑌵𑌿𑌦𑍍𑌯𑌾𑌂 𑌧𑌾𑌰𑌯𑌤𑍋 𑌭𑌵𑍇𑌤𑍍 ।
𑌰𑌾𑌜𑌦𑌸𑍍𑌯𑍁𑌗𑍍𑌰𑌹𑌾𑌦𑌿𑌭𑍍𑌯𑍋 𑌵𑍍𑌯𑌾𑌧𑍍𑌯𑌾𑌦𑌿𑌭𑍍𑌯𑌶𑍍𑌚 𑌕𑌰𑍍𑌹𑌿𑌚𑌿𑌤𑍍 ॥ 3𑍭 ॥

𑌇𑌮𑌾𑌂 𑌵𑌿𑌦𑍍𑌯𑌾𑌂 𑌪𑍁𑌰𑌾 𑌕𑌶𑍍𑌚𑌿𑌤𑍍𑌕𑍌𑌶𑌿𑌕𑍋 𑌧𑌾𑌰𑌯𑌨𑍍 𑌦𑍍𑌵𑌿𑌜𑌃 ।
𑌯𑍋𑌗𑌧𑌾𑌰𑌣𑌯𑌾 𑌸𑍍𑌵𑌾𑌂𑌗𑌂 𑌜𑌹𑍌 𑌸 𑌮𑌰𑍁𑌧𑌨𑍍𑌵𑌨𑌿 ॥ 3𑍮 ॥

𑌤𑌸𑍍𑌯𑍋𑌪𑌰𑌿 𑌵𑌿𑌮𑌾𑌨𑍇𑌨 𑌗𑌂𑌧𑌰𑍍𑌵𑌪𑌤𑌿𑌰𑍇𑌕𑌦𑌾 ।
𑌯𑌯𑍌 𑌚𑌿𑌤𑍍𑌰𑌰𑌥𑌃 𑌸𑍍𑌤𑍍𑌰𑍀𑌭𑌿𑌰𑍍𑌵𑍃𑌤𑍋 𑌯𑌤𑍍𑌰 𑌦𑍍𑌵𑌿𑌜𑌕𑍍𑌷𑌯𑌃 ॥ 3𑍯 ॥

𑌗𑌗𑌨𑌾𑌨𑍍𑌨𑍍𑌯𑌪𑌤𑌤𑍍𑌸𑌦𑍍𑌯𑌃 𑌸𑌵𑌿𑌮𑌾𑌨𑍋 𑌹𑍍𑌯𑌵𑌾𑌕𑍍𑌛𑌿𑌰𑌾𑌃 ।
𑌸 𑌵𑌾𑌲𑌖𑌿𑌲𑍍𑌯𑌵𑌚𑌨𑌾𑌦𑌸𑍍𑌥𑍀𑌨𑍍𑌯𑌾𑌦𑌾𑌯 𑌵𑌿𑌸𑍍𑌮𑌿𑌤𑌃 ।
𑌪𑍍𑌰𑌾𑌪𑍍𑌯 𑌪𑍍𑌰𑌾𑌚𑍍𑌯𑌾𑌂 𑌸𑌰𑌸𑍍𑌵𑌤𑍍𑌯𑌾𑌂 𑌸𑍍𑌨𑌾𑌤𑍍𑌵𑌾 𑌧𑌾𑌮 𑌸𑍍𑌵𑌮𑌨𑍍𑌵𑌗𑌾𑌤𑍍 ॥ 40 ॥

𑌶𑍍𑌰𑍀 𑌶𑍁𑌕 𑌉𑌵𑌾𑌚
𑌯 𑌇𑌦𑌂 𑌶𑍃𑌣𑍁𑌯𑌾𑌤𑍍𑌕𑌾𑌲𑍇 𑌯𑍋 𑌧𑌾𑌰𑌯𑌤𑌿 𑌚𑌾𑌦𑍃𑌤𑌃 ।
𑌤𑌂 𑌨𑌮𑌸𑍍𑌯𑌂𑌤𑌿 𑌭𑍂𑌤𑌾𑌨𑌿 𑌮𑍁𑌚𑍍𑌯𑌤𑍇 𑌸𑌰𑍍𑌵𑌤𑍋 𑌭𑌯𑌾𑌤𑍍 ॥ 41 ॥

𑌏𑌤𑌾𑌂 𑌵𑌿𑌦𑍍𑌯𑌾𑌮𑌧𑌿𑌗𑌤𑍋 𑌵𑌿𑌶𑍍𑌵𑌰𑍂𑌪𑌾𑌚𑍍𑌛𑌤𑌕𑍍𑌰𑌤𑍁𑌃 ।
𑌤𑍍𑌰𑍈𑌲𑍋𑌕𑍍𑌯𑌲𑌕𑍍𑌷𑍍𑌮𑍀𑌂 𑌬𑍁𑌭𑍁𑌜𑍇 𑌵𑌿𑌨𑌿𑌰𑍍𑌜𑌿𑌤𑍍𑌯 𑌮𑍃𑌧𑍇𑌽𑌸𑍁𑌰𑌾𑌨𑍍 ॥ 42 ॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌷𑌷𑍍𑌠𑌸𑍍𑌕𑌂𑌧𑍇 𑌨𑌾𑌰𑌾𑌯𑌣𑌵𑌰𑍍𑌮𑍋𑌪𑌦𑍇𑌶𑍋 𑌨𑌾𑌮𑌾𑌷𑍍𑌟𑌮𑍋𑌽𑌧𑍍𑌯𑌾𑌯𑌃 ।


Browse Related Categories: