𑌅𑌸𑍍𑌯 𑌶𑍍𑌰𑍀 𑌚𑌂𑌦𑍍𑌰 𑌕𑌵𑌚𑌸𑍍𑌯 । 𑌗𑍌𑌤𑌮 𑌋𑌷𑌿𑌃 । 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃 । 𑌶𑍍𑌰𑍀 𑌚𑌂𑌦𑍍𑌰𑍋 𑌦𑍇𑌵𑌤𑌾 । 𑌚𑌂𑌦𑍍𑌰 𑌪𑍍𑌰𑍀𑌤𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥

𑌧𑍍𑌯𑌾𑌨𑌂

𑌸𑌮𑌂 𑌚𑌤𑍁𑌰𑍍𑌭𑍁𑌜𑌂 𑌵𑌂𑌦𑍇 𑌕𑍇𑌯𑍂𑌰 𑌮𑌕𑍁𑌟𑍋𑌜𑍍𑌵𑌲𑌮𑍍 ।
𑌵𑌾𑌸𑍁𑌦𑍇𑌵𑌸𑍍𑌯 𑌨𑌯𑌨𑌂 𑌶𑌂𑌕𑌰𑌸𑍍𑌯 𑌚 𑌭𑍂𑌷𑌣𑌮𑍍 ॥

𑌏𑌵𑌂 𑌧𑍍𑌯𑌾𑌤𑍍𑌵𑌾 𑌜𑌪𑍇𑌨𑍍𑌨𑌿𑌤𑍍𑌯𑌂 𑌶𑌶𑌿𑌨𑌃 𑌕𑌵𑌚𑌂 𑌶𑍁𑌭𑌮𑍍 ॥

𑌅𑌥 𑌚𑌂𑌦𑍍𑌰 𑌕𑌵𑌚𑌮𑍍

𑌶𑌶𑍀 𑌪𑌾𑌤𑍁 𑌶𑌿𑌰𑍋𑌦𑍇𑌶𑌂 𑌭𑌾𑌲𑌂 𑌪𑌾𑌤𑍁 𑌕𑌲𑌾𑌨𑌿𑌧𑌿𑌃 ।
𑌚𑌕𑍍𑌷𑍁𑌷𑍀 𑌚𑌂𑌦𑍍𑌰𑌮𑌾𑌃 𑌪𑌾𑌤𑍁 𑌶𑍍𑌰𑍁𑌤𑍀 𑌪𑌾𑌤𑍁 𑌨𑌿𑌶𑌾𑌪𑌤𑌿𑌃 ॥ 1 ॥

𑌪𑍍𑌰𑌾𑌣𑌂 𑌕𑍍𑌷𑌪𑌕𑌰𑌃 𑌪𑌾𑌤𑍁 𑌮𑍁𑌖𑌂 𑌕𑍁𑌮𑍁𑌦𑌬𑌾𑌂𑌧𑌵𑌃 ।
𑌪𑌾𑌤𑍁 𑌕𑌂𑌠𑌂 𑌚 𑌮𑍇 𑌸𑍋𑌮𑌃 𑌸𑍍𑌕𑌂𑌧𑍇 𑌜𑍈𑌵𑌾𑌤𑍃𑌕𑌸𑍍𑌤𑌥𑌾 ॥ 2 ॥

𑌕𑌰𑍌 𑌸𑍁𑌧𑌾𑌕𑌰𑌃 𑌪𑌾𑌤𑍁 𑌵𑌕𑍍𑌷𑌃 𑌪𑌾𑌤𑍁 𑌨𑌿𑌶𑌾𑌕𑌰𑌃 ।
𑌹𑍃𑌦𑌯𑌂 𑌪𑌾𑌤𑍁 𑌮𑍇 𑌚𑌂𑌦𑍍𑌰𑍋 𑌨𑌾𑌭𑌿𑌂 𑌶𑌂𑌕𑌰𑌭𑍂𑌷𑌣𑌃 ॥ 3 ॥

𑌮𑌧𑍍𑌯𑌂 𑌪𑌾𑌤𑍁 𑌸𑍁𑌰𑌶𑍍𑌰𑍇𑌷𑍍𑌠𑌃 𑌕𑌟𑌿𑌂 𑌪𑌾𑌤𑍁 𑌸𑍁𑌧𑌾𑌕𑌰𑌃 ।
𑌊𑌰𑍂 𑌤𑌾𑌰𑌾𑌪𑌤𑌿𑌃 𑌪𑌾𑌤𑍁 𑌮𑍃𑌗𑌾𑌂𑌕𑍋 𑌜𑌾𑌨𑍁𑌨𑍀 𑌸𑌦𑌾 ॥ 4 ॥

𑌅𑌬𑍍𑌧𑌿𑌜𑌃 𑌪𑌾𑌤𑍁 𑌮𑍇 𑌜𑌂𑌘𑍇 𑌪𑌾𑌤𑍁 𑌪𑌾𑌦𑍌 𑌵𑌿𑌧𑍁𑌃 𑌸𑌦𑌾 ।
𑌸𑌰𑍍𑌵𑌾𑌣𑍍𑌯𑌨𑍍𑌯𑌾𑌨𑌿 𑌚𑌾𑌂𑌗𑌾𑌨𑌿 𑌪𑌾𑌤𑍁 𑌚𑌂𑌦𑍍𑌰𑍋𑌖𑌿𑌲𑌂 𑌵𑌪𑍁𑌃 ॥ 5 ॥

𑌫𑌲𑌶𑍍𑌰𑍁𑌤𑌿𑌃
𑌏𑌤𑌦𑍍𑌧𑌿 𑌕𑌵𑌚𑌂 𑌦𑌿𑌵𑍍𑌯𑌂 𑌭𑍁𑌕𑍍𑌤𑌿 𑌮𑍁𑌕𑍍𑌤𑌿 𑌪𑍍𑌰𑌦𑌾𑌯𑌕𑌮𑍍 ।
𑌯𑌃 𑌪𑌠𑍇𑌚𑍍𑌛𑍃𑌣𑍁𑌯𑌾𑌦𑍍𑌵𑌾𑌪𑌿 𑌸𑌰𑍍𑌵𑌤𑍍𑌰 𑌵𑌿𑌜𑌯𑍀 𑌭𑌵𑍇𑌤𑍍 ॥ 6 ॥

॥ 𑌇𑌤𑌿 𑌶𑍍𑌰𑍀𑌚𑌂𑌦𑍍𑌰 𑌕𑌵𑌚𑌂 𑌸𑌂𑌪𑍂𑌰𑍍𑌣𑌮𑍍 ॥