𑌅𑌥 𑌶𑌿𑌵𑌕𑌚𑌮𑍍
𑌅𑌸𑍍𑌯 𑌶𑍍𑌰𑍀 𑌶𑌿𑌵𑌕𑌵𑌚 𑌸𑍍𑌤𑍋𑌤𑍍𑌰 𑌮𑌹𑌾𑌮𑌂𑌤𑍍𑌰𑌸𑍍𑌯 ।
𑌋𑌷𑌭-𑌯𑍋𑌗𑍀𑌶𑍍𑌵𑌰 𑌋𑌷𑌿𑌃 ।
𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃 ।
𑌶𑍍𑌰𑍀-𑌸𑌾𑌂𑌬𑌸𑌦𑌾𑌶𑌿𑌵𑍋 𑌦𑍇𑌵𑌤𑌾 ।
𑌓𑌂 𑌬𑍀𑌜𑌮𑍍 ।
𑌨𑌮𑌃 𑌶𑌕𑍍𑌤𑌿𑌃 ।
𑌶𑌿𑌵𑌾𑌯𑍇𑌤𑌿 𑌕𑍀𑌲𑌕𑌮𑍍 ।
𑌸𑌾𑌂𑌬𑌸𑌦𑌾𑌶𑌿𑌵𑌪𑍍𑌰𑍀𑌤𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥

𑌕𑌰𑌨𑍍𑌯𑌾𑌸𑌃
𑌓𑌂 𑌸𑌦𑌾𑌶𑌿𑌵𑌾𑌯 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌨𑌂 𑌗𑌂𑌗𑌾𑌧𑌰𑌾𑌯 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌮𑌂 𑌮𑍃𑌤𑍍𑌯𑍁𑌂𑌜𑌯𑌾𑌯 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌶𑌿𑌂 𑌶𑍂𑌲𑌪𑌾𑌣𑌯𑍇 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌵𑌾𑌂 𑌪𑌿𑌨𑌾𑌕𑌪𑌾𑌣𑌯𑍇 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌯𑌂 𑌉𑌮𑌾𑌪𑌤𑌯𑍇 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।

𑌹𑍃𑌦𑌯𑌾𑌦𑌿 𑌅𑌂𑌗𑌨𑍍𑌯𑌾𑌸𑌃
𑌓𑌂 𑌸𑌦𑌾𑌶𑌿𑌵𑌾𑌯 𑌹𑍃𑌦𑌯𑌾𑌯 𑌨𑌮𑌃 ।
𑌨𑌂 𑌗𑌂𑌗𑌾𑌧𑌰𑌾𑌯 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑌮𑌂 𑌮𑍃𑌤𑍍𑌯𑍁𑌂𑌜𑌯𑌾𑌯 𑌶𑌿𑌖𑌾𑌯𑍈 𑌵𑌷𑌟𑍍 ।
𑌶𑌿𑌂 𑌶𑍂𑌲𑌪𑌾𑌣𑌯𑍇 𑌕𑌵𑌚𑌾𑌯 𑌹𑍁𑌮𑍍 ।
𑌵𑌾𑌂 𑌪𑌿𑌨𑌾𑌕𑌪𑌾𑌣𑌯𑍇 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍 ।
𑌯𑌂 𑌉𑌮𑌾𑌪𑌤𑌯𑍇 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌬𑌂𑌧𑌃 ॥

𑌧𑍍𑌯𑌾𑌨𑌮𑍍
𑌵𑌜𑍍𑌰𑌦𑌂𑌷𑍍𑌟𑍍𑌰𑌂 𑌤𑍍𑌰𑌿𑌨𑌯𑌨𑌂 𑌕𑌾𑌲𑌕𑌂𑌠 𑌮𑌰𑌿𑌂𑌦𑌮𑌮𑍍 ।
𑌸𑌹𑌸𑍍𑌰𑌕𑌰-𑌮𑌤𑍍𑌯𑍁𑌗𑍍𑌰𑌂 𑌵𑌂𑌦𑍇 𑌶𑌂𑌭𑍁𑌂 𑌉𑌮𑌾𑌪𑌤𑌿𑌮𑍍 ॥
𑌰𑍁𑌦𑍍𑌰𑌾𑌕𑍍𑌷-𑌕𑌂𑌕𑌣-𑌲𑌸𑌤𑍍𑌕𑌰-𑌦𑌂𑌡𑌯𑍁𑌗𑍍𑌮𑌃 𑌪𑌾𑌲𑌾𑌂𑌤𑌰𑌾-𑌲𑌸𑌿𑌤-𑌭𑌸𑍍𑌮𑌧𑍃𑌤-𑌤𑍍𑌰𑌿𑌪𑍁𑌂𑌡𑍍𑌰𑌃 ।
𑌪𑌂𑌚𑌾𑌕𑍍𑌷𑌰𑌂 𑌪𑌰𑌿𑌪𑌠𑌨𑍍 𑌵𑌰𑌮𑌂𑌤𑍍𑌰𑌰𑌾𑌜𑌂 𑌧𑍍𑌯𑌾𑌯𑌨𑍍 𑌸𑌦𑌾 𑌪𑌶𑍁𑌪𑌤𑌿𑌂 𑌶𑌰𑌣𑌂 𑌵𑍍𑌰𑌜𑍇𑌥𑌾𑌃 ॥

𑌅𑌤𑌃 𑌪𑌰𑌂 𑌸𑌰𑍍𑌵𑌪𑍁𑌰𑌾𑌣-𑌗𑍁𑌹𑍍𑌯𑌂 𑌨𑌿𑌃𑌶𑍇𑌷-𑌪𑌾𑌪𑍌𑌘𑌹𑌰𑌂 𑌪𑌵𑌿𑌤𑍍𑌰𑌮𑍍 ।
𑌜𑌯𑌪𑍍𑌰𑌦𑌂 𑌸𑌰𑍍𑌵-𑌵𑌿𑌪𑌤𑍍𑌪𑍍𑌰𑌮𑍋𑌚𑌨𑌂 𑌵𑌕𑍍𑌷𑍍𑌯𑌾𑌮𑌿 𑌶𑍈𑌵𑌂 𑌕𑌵𑌚𑌂 𑌹𑌿𑌤𑌾𑌯 𑌤𑍇 ॥

𑌪𑌂𑌚𑌪𑍂𑌜𑌾
𑌲𑌂 𑌪𑍃𑌥𑌿𑌵𑍍𑌯𑌾𑌤𑍍𑌮𑌨𑍇 𑌗𑌂𑌧𑌂 𑌸𑌮𑌰𑍍𑌪𑌯𑌾𑌮𑌿 ।
𑌹𑌂 𑌆𑌕𑌾𑌶𑌾𑌤𑍍𑌮𑌨𑍇 𑌪𑍁𑌷𑍍𑌪𑍈𑌃 𑌪𑍂𑌜𑌯𑌾𑌮𑌿 ।
𑌯𑌂 𑌵𑌾𑌯𑍍𑌵𑌾𑌤𑍍𑌮𑌨𑍇 𑌧𑍂𑌪𑌂 𑌆𑌘𑍍𑌰𑌾𑌪𑌯𑌾𑌮𑌿 ।
𑌰𑌂 𑌅𑌗𑍍𑌨𑍍𑌯𑌾𑌤𑍍𑌮𑌨𑍇 𑌦𑍀𑌪𑌂 𑌦𑌰𑍍𑌶𑌯𑌾𑌮𑌿 ।
𑌵𑌂 𑌅𑌮𑍃𑌤𑌾𑌤𑍍𑌮𑌨𑍇 𑌅𑌮𑍃𑌤𑌂 𑌮𑌹𑌾-𑌨𑍈𑌵𑍇𑌦𑍍𑌯𑌂 𑌨𑌿𑌵𑍇𑌦𑌯𑌾𑌮𑌿 ।
𑌸𑌂 𑌸𑌰𑍍𑌵𑌾𑌤𑍍𑌮𑌨𑍇 𑌸𑌰𑍍𑌵𑍋𑌪𑌚𑌾𑌰-𑌪𑍂𑌜𑌾𑌂 𑌸𑌮𑌰𑍍𑌪𑌯𑌾𑌮𑌿 ॥

𑌮𑌂𑌤𑍍𑌰𑌃

𑌋𑌷𑌭 𑌉𑌵𑌾𑌚 ।
𑌨𑌮𑌸𑍍𑌕𑍃𑌤𑍍𑌯 𑌮𑌹𑌾𑌦𑍇𑌵𑌂 𑌵𑌿𑌶𑍍𑌵-𑌵𑍍𑌯𑌾𑌪𑌿𑌨-𑌮𑍀𑌶𑍍𑌵𑌰𑌮𑍍 ।
𑌵𑌕𑍍𑌷𑍍𑌯𑍇 𑌶𑌿𑌵𑌮𑌯𑌂 𑌵𑌰𑍍𑌮 𑌸𑌰𑍍𑌵𑌰𑌕𑍍𑌷𑌾𑌕𑌰𑌂 𑌨𑍃𑌣𑌾𑌮𑍍 ॥ 1 ॥

𑌶𑍁𑌚𑍌 𑌦𑍇𑌶𑍇 𑌸𑌮𑌾𑌸𑍀𑌨𑍋 𑌯𑌥𑌾𑌵𑌤𑍍𑌕𑌲𑍍𑌪𑌿𑌤𑌾𑌸𑌨𑌃 ।
𑌜𑌿𑌤𑍇𑌂𑌦𑍍𑌰𑌿𑌯𑍋 𑌜𑌿𑌤𑌪𑍍𑌰𑌾𑌣-𑌶𑍍𑌚𑌿𑌂𑌤𑌯𑍇𑌚𑍍𑌛𑌿𑌵𑌮𑌵𑍍𑌯𑌯𑌮𑍍 ॥ 2 ॥

𑌹𑍃𑌤𑍍𑌪𑍁𑌂𑌡𑌰𑍀𑌕𑌾𑌂𑌤𑌰𑌸𑌨𑍍𑌨𑌿𑌵𑌿𑌷𑍍𑌟𑌂
𑌸𑍍𑌵𑌤𑍇𑌜𑌸𑌾 𑌵𑍍𑌯𑌾𑌪𑍍𑌤-𑌨𑌭𑍋𑌽𑌵𑌕𑌾𑌶𑌮𑍍 ।
𑌅𑌤𑍀𑌂𑌦𑍍𑌰𑌿𑌯𑌂 𑌸𑍂𑌕𑍍𑌷𑍍𑌮𑌮𑌨𑌂𑌤𑌮𑌾𑌦𑍍𑌯𑌂
𑌧𑍍𑌯𑌾𑌯𑍇𑌤𑍍𑌪𑌰𑌾𑌨𑌂𑌦𑌮𑌯𑌂 𑌮𑌹𑍇𑌶𑌮𑍍 ॥ 3 ॥

𑌧𑍍𑌯𑌾𑌨𑌾𑌵𑌧𑍂𑌤𑌾𑌖𑌿𑌲𑌕𑌰𑍍𑌮𑌬𑌂𑌧-
-𑌶𑍍𑌚𑌿𑌰𑌂 𑌚𑌿𑌦𑌾𑌨𑌂𑌦𑌨𑌿𑌮𑌗𑍍𑌨𑌚𑍇𑌤𑌾𑌃 ।
𑌷𑌡𑌕𑍍𑌷𑌰𑌨𑍍𑌯𑌾𑌸𑌸𑌮𑌾𑌹𑌿𑌤𑌾𑌤𑍍𑌮𑌾
𑌶𑍈𑌵𑍇𑌨 𑌕𑍁𑌰𑍍𑌯𑌾𑌤𑍍𑌕𑌵𑌚𑍇𑌨 𑌰𑌕𑍍𑌷𑌾𑌮𑍍 ॥ 4 ॥

𑌮𑌾𑌂 𑌪𑌾𑌤𑍁 𑌦𑍇𑌵𑍋𑌽𑌖𑌿𑌲𑌦𑍇𑌵𑌤𑌾𑌤𑍍𑌮𑌾
𑌸𑌂𑌸𑌾𑌰𑌕𑍂𑌪𑍇 𑌪𑌤𑌿𑌤𑌂 𑌗𑌭𑍀𑌰𑍇 ।
𑌤𑌨𑍍𑌨𑌾𑌮 𑌦𑌿𑌵𑍍𑌯𑌂 𑌵𑌰𑌮𑌂𑌤𑍍𑌰𑌮𑍂𑌲𑌂
𑌧𑍁𑌨𑍋𑌤𑍁 𑌮𑍇 𑌸𑌰𑍍𑌵𑌮𑌘𑌂 𑌹𑍃𑌦𑌿𑌸𑍍𑌥𑌮𑍍 ॥ 5 ॥

𑌸𑌰𑍍𑌵𑌤𑍍𑌰 𑌮𑌾𑌂 𑌰𑌕𑍍𑌷𑌤𑍁 𑌵𑌿𑌶𑍍𑌵𑌮𑍂𑌰𑍍𑌤𑌿-
-𑌰𑍍𑌜𑍍𑌯𑍋𑌤𑌿-𑌰𑍍𑌮𑌯𑌾𑌨𑌂𑌦𑌘𑌨𑌶𑍍𑌚𑌿𑌦𑌾𑌤𑍍𑌮𑌾 ।
𑌅𑌣𑍋𑌰𑌣𑍀𑌯𑌾𑌨𑍁𑌰𑍁𑌶𑌕𑍍𑌤𑌿𑌰𑍇𑌕𑌃
𑌸 𑌈𑌶𑍍𑌵𑌰𑌃 𑌪𑌾𑌤𑍁 𑌭𑌯𑌾𑌦𑌶𑍇𑌷𑌾𑌤𑍍 ॥ 6 ॥

𑌯𑍋 𑌭𑍂𑌸𑍍𑌵𑌰𑍂𑌪𑍇𑌣 𑌬𑌿𑌭𑌰𑍍𑌤𑌿 𑌵𑌿𑌶𑍍𑌵𑌂
𑌪𑌾𑌯𑌾𑌤𑍍𑌸 𑌭𑍂𑌮𑍇𑌰𑍍𑌗𑌿𑌰𑌿𑌶𑍋𑌽𑌷𑍍𑌟𑌮𑍂𑌰𑍍𑌤𑌿𑌃 ।
𑌯𑍋𑌽𑌪𑌾𑌂 𑌸𑍍𑌵𑌰𑍂𑌪𑍇𑌣 𑌨𑍃𑌣𑌾𑌂 𑌕𑌰𑍋𑌤𑌿
𑌸𑌂𑌜𑍀𑌵𑌨𑌂 𑌸𑍋𑌽𑌵𑌤𑍁 𑌮𑌾𑌂 𑌜𑌲𑍇𑌭𑍍𑌯𑌃 ॥ 𑍭 ॥

𑌕𑌲𑍍𑌪𑌾𑌵𑌸𑌾𑌨𑍇 𑌭𑍁𑌵𑌨𑌾𑌨𑌿 𑌦𑌗𑍍𑌧𑍍𑌵𑌾
𑌸𑌰𑍍𑌵𑌾𑌣𑌿 𑌯𑍋 𑌨𑍃𑌤𑍍𑌯𑌤𑌿 𑌭𑍂𑌰𑌿𑌲𑍀𑌲𑌃 ।
𑌸 𑌕𑌾𑌲𑌰𑍁𑌦𑍍𑌰𑍋𑌽𑌵𑌤𑍁 𑌮𑌾𑌂 𑌦𑌵𑌾𑌗𑍍𑌨𑍇-
-𑌰𑍍𑌵𑌾𑌤𑍍𑌯𑌾𑌦𑌿𑌭𑍀𑌤𑍇-𑌰𑌖𑌿𑌲𑌾𑌚𑍍𑌚 𑌤𑌾𑌪𑌾𑌤𑍍 ॥ 𑍮 ॥

𑌪𑍍𑌰𑌦𑍀𑌪𑍍𑌤-𑌵𑌿𑌦𑍍𑌯𑍁𑌤𑍍𑌕𑌨𑌕𑌾𑌵𑌭𑌾𑌸𑍋
𑌵𑌿𑌦𑍍𑌯𑌾𑌵𑌰𑌾𑌭𑍀𑌤𑌿-𑌕𑍁𑌠𑌾𑌰𑌪𑌾𑌣𑌿𑌃 ।
𑌚𑌤𑍁𑌰𑍍𑌮𑍁𑌖𑌸𑍍𑌤𑌤𑍍𑌪𑍁𑌰𑍁𑌷𑌸𑍍𑌤𑍍𑌰𑌿𑌨𑍇𑌤𑍍𑌰𑌃
𑌪𑍍𑌰𑌾𑌚𑍍𑌯𑌾𑌂 𑌸𑍍𑌥𑌿𑌤𑍋 𑌰𑌕𑍍𑌷𑌤𑍁 𑌮𑌾𑌮𑌜𑌸𑍍𑌰𑌮𑍍 ॥ 𑍯 ॥

𑌕𑍁𑌠𑌾𑌰 𑌖𑍇𑌟𑌾𑌂𑌕𑍁𑌶𑌪𑌾𑌶𑌶𑍂𑌲
𑌕𑌪𑌾𑌲𑌪𑌾𑌶𑌾𑌕𑍍𑌷 𑌗𑍁𑌣𑌾𑌂𑌦𑌧𑌾𑌨𑌃 ।
𑌚𑌤𑍁𑌰𑍍𑌮𑍁𑌖𑍋 𑌨𑍀𑌲-𑌰𑍁𑌚𑌿𑌸𑍍𑌤𑍍𑌰𑌿𑌨𑍇𑌤𑍍𑌰𑌃
𑌪𑌾𑌯𑌾𑌦𑌘𑍋𑌰𑍋 𑌦𑌿𑌶𑌿 𑌦𑌕𑍍𑌷𑌿𑌣𑌸𑍍𑌯𑌾𑌮𑍍 ॥ 10 ॥

𑌕𑍁𑌂𑌦𑍇𑌂𑌦𑍁-𑌶𑌂𑌖-𑌸𑍍𑌫𑌟𑌿𑌕𑌾𑌵𑌭𑌾𑌸𑍋
𑌵𑍇𑌦𑌾𑌕𑍍𑌷𑌮𑌾𑌲𑌾-𑌵𑌰𑌦𑌾𑌭𑌯𑌾𑌂𑌕𑌃 ।
𑌤𑍍𑌰𑍍𑌯𑌕𑍍𑌷𑌶𑍍𑌚𑌤𑍁𑌰𑍍𑌵𑌕𑍍𑌤𑍍𑌰 𑌉𑌰𑍁𑌪𑍍𑌰𑌭𑌾𑌵𑌃
𑌸𑌦𑍍𑌯𑍋𑌽𑌧𑌿𑌜𑌾𑌤𑍋𑌽𑌵𑌤𑍁 𑌮𑌾𑌂 𑌪𑍍𑌰𑌤𑍀𑌚𑍍𑌯𑌾𑌮𑍍 ॥ 11 ॥

𑌵𑌰𑌾𑌕𑍍𑌷-𑌮𑌾𑌲𑌾𑌭𑌯𑌟𑌂𑌕-𑌹𑌸𑍍𑌤𑌃
𑌸𑌰𑍋𑌜-𑌕𑌿𑌂𑌜𑌲𑍍𑌕𑌸𑌮𑌾𑌨𑌵𑌰𑍍𑌣𑌃 ।
𑌤𑍍𑌰𑌿𑌲𑍋𑌚𑌨-𑌶𑍍𑌚𑌾𑌰𑍁𑌚𑌤𑍁𑌰𑍍𑌮𑍁𑌖𑍋 𑌮𑌾𑌂
𑌪𑌾𑌯𑌾𑌦𑍁𑌦𑍀𑌚𑍍𑌯𑌾𑌂 𑌦𑌿𑌶𑌿 𑌵𑌾𑌮𑌦𑍇𑌵𑌃 ॥ 12 ॥

𑌵𑍇𑌦𑌾𑌭𑌯𑍇𑌷𑍍𑌟𑌾𑌂𑌕𑍁𑌶𑌟𑌂𑌕𑌪𑌾𑌶-
-𑌕𑌪𑌾𑌲𑌢𑌕𑍍𑌕𑌾𑌕𑍍𑌷𑌰-𑌶𑍂𑌲𑌪𑌾𑌣𑌿𑌃 ।
𑌸𑌿𑌤𑌦𑍍𑌯𑍁𑌤𑌿𑌃 𑌪𑌂𑌚𑌮𑍁𑌖𑍋𑌽𑌵𑌤𑌾𑌨𑍍𑌮𑌾-
-𑌮𑍀𑌶𑌾𑌨 𑌊𑌰𑍍𑌧𑍍𑌵𑌂 𑌪𑌰𑌮𑌪𑍍𑌰𑌕𑌾𑌶𑌃 ॥ 13 ॥

𑌮𑍂𑌰𑍍𑌧𑌾𑌨𑌮𑌵𑍍𑌯𑌾𑌨𑍍𑌮𑌮 𑌚𑌂𑌦𑍍𑌰𑌮𑍌𑌳𑌿𑌃
𑌫𑌾𑌲𑌂 𑌮𑌮𑌾𑌵𑍍𑌯𑌾𑌦𑌥 𑌫𑌾𑌲𑌨𑍇𑌤𑍍𑌰𑌃 ।
𑌨𑍇𑌤𑍍𑌰𑍇 𑌮𑌮𑌾𑌵𑍍𑌯𑌾𑌦𑍍𑌭𑌗𑌨𑍇𑌤𑍍𑌰𑌹𑌾𑌰𑍀
𑌨𑌾𑌸𑌾𑌂 𑌸𑌦𑌾 𑌰𑌕𑍍𑌷𑌤𑍁 𑌵𑌿𑌶𑍍𑌵𑌨𑌾𑌥𑌃 ॥ 14 ॥

𑌪𑌾𑌯𑌾𑌚𑍍𑌛𑍍𑌰𑍁𑌤𑍀 𑌮𑍇 𑌶𑍍𑌰𑍁𑌤𑌿𑌗𑍀𑌤𑌕𑍀𑌰𑍍𑌤𑌿𑌃
𑌕𑌪𑍋𑌲𑌮𑌵𑍍𑌯𑌾𑌤𑍍𑌸𑌤𑌤𑌂 𑌕𑌪𑌾𑌲𑍀 ।
𑌵𑌕𑍍𑌤𑍍𑌰𑌂 𑌸𑌦𑌾 𑌰𑌕𑍍𑌷𑌤𑍁 𑌪𑌂𑌚𑌵𑌕𑍍𑌤𑍍𑌰𑍋
𑌜𑌿𑌹𑍍𑌵𑌾𑌂 𑌸𑌦𑌾 𑌰𑌕𑍍𑌷𑌤𑍁 𑌵𑍇𑌦𑌜𑌿𑌹𑍍𑌵𑌃 ॥ 15 ॥

𑌕𑌂𑌠𑌂 𑌗𑌿𑌰𑍀𑌶𑍋𑌽𑌵𑌤𑍁 𑌨𑍀𑌲𑌕𑌂𑌠𑌃
𑌪𑌾𑌣𑌿𑌦𑍍𑌵𑌯𑌂 𑌪𑌾𑌤𑍁 𑌪𑌿𑌨𑌾𑌕𑌪𑌾𑌣𑌿𑌃 ।
𑌦𑍋𑌰𑍍𑌮𑍂𑌲𑌮𑌵𑍍𑌯𑌾𑌨𑍍𑌮𑌮 𑌧𑌰𑍍𑌮𑌬𑌾𑌹𑍁𑌃
𑌵𑌕𑍍𑌷𑌃𑌸𑍍𑌥𑌲𑌂 𑌦𑌕𑍍𑌷𑌮𑌖𑌾𑌂𑌤𑌕𑍋𑌽𑌵𑍍𑌯𑌾𑌤𑍍 ॥ 16 ॥

𑌮𑌮𑍋𑌦𑌰𑌂 𑌪𑌾𑌤𑍁 𑌗𑌿𑌰𑍀𑌂𑌦𑍍𑌰𑌧𑌨𑍍𑌵𑌾
𑌮𑌧𑍍𑌯𑌂 𑌮𑌮𑌾𑌵𑍍𑌯𑌾𑌨𑍍𑌮𑌦𑌨𑌾𑌂𑌤𑌕𑌾𑌰𑍀 ।
𑌹𑍇𑌰𑌂𑌬𑌤𑌾𑌤𑍋 𑌮𑌮 𑌪𑌾𑌤𑍁 𑌨𑌾𑌭𑌿𑌂
𑌪𑌾𑌯𑌾𑌤𑍍𑌕𑌟𑌿𑌂 𑌧𑍂𑌰𑍍𑌜𑌟𑌿𑌰𑍀𑌶𑍍𑌵𑌰𑍋 𑌮𑍇 ॥ 1𑍭 ॥
[𑌸𑍍𑌮𑌰𑌾𑌰𑌿-𑌰𑌵𑍍𑌯𑌾𑌨𑍍𑌮𑌮 𑌗𑍁𑌹𑍍𑌯𑌦𑍇𑌶𑌮𑍍
𑌪𑍃𑌷𑍍𑌟𑌂 𑌸𑌦𑌾 𑌰𑌕𑍍𑌷𑌤𑍁 𑌪𑌾𑌰𑍍𑌵𑌤𑍀𑌶𑌃 ।]

𑌊𑌰𑍁𑌦𑍍𑌵𑌯𑌂 𑌪𑌾𑌤𑍁 𑌕𑍁𑌬𑍇𑌰𑌮𑌿𑌤𑍍𑌰𑍋
𑌜𑌾𑌨𑍁𑌦𑍍𑌵𑌯𑌂 𑌮𑍇 𑌜𑌗𑌦𑍀𑌶𑍍𑌵𑌰𑍋𑌽𑌵𑍍𑌯𑌾𑌤𑍍 ।
𑌜𑌂𑌘𑌾𑌯𑍁𑌗𑌂 𑌪𑍁𑌂𑌗𑌵𑌕𑍇𑌤𑍁𑌰𑌵𑍍𑌯𑌾-
-𑌤𑍍𑌪𑌾𑌦𑍌 𑌮𑌮𑌾𑌵𑍍𑌯𑌾𑌤𑍍𑌸𑍁𑌰𑌵𑌂𑌦𑍍𑌯𑌪𑌾𑌦𑌃 ॥ 1𑍮 ॥

𑌮𑌹𑍇𑌶𑍍𑌵𑌰𑌃 𑌪𑌾𑌤𑍁 𑌦𑌿𑌨𑌾𑌦𑌿𑌯𑌾𑌮𑍇
𑌮𑌾𑌂 𑌮𑌧𑍍𑌯𑌯𑌾𑌮𑍇𑌽𑌵𑌤𑍁 𑌵𑌾𑌮𑌦𑍇𑌵𑌃 ।
𑌤𑍍𑌰𑌿𑌲𑍋𑌚𑌨𑌃 𑌪𑌾𑌤𑍁 𑌤𑍃𑌤𑍀𑌯𑌯𑌾𑌮𑍇
𑌵𑍃𑌷𑌧𑍍𑌵𑌜𑌃 𑌪𑌾𑌤𑍁 𑌦𑌿𑌨𑌾𑌂𑌤𑍍𑌯𑌯𑌾𑌮𑍇 ॥ 1𑍯 ॥

𑌪𑌾𑌯𑌾𑌨𑍍𑌨𑌿𑌶𑌾𑌦𑍌 𑌶𑌶𑌿𑌶𑍇𑌖𑌰𑍋 𑌮𑌾𑌂
𑌗𑌂𑌗𑌾𑌧𑌰𑍋 𑌰𑌕𑍍𑌷𑌤𑍁 𑌮𑌾𑌂 𑌨𑌿𑌶𑍀𑌥𑍇 ।
𑌗𑍌𑌰𑍀𑌪𑌤𑌿𑌃 𑌪𑌾𑌤𑍁 𑌨𑌿𑌶𑌾𑌵𑌸𑌾𑌨𑍇
𑌮𑍃𑌤𑍍𑌯𑍁𑌂𑌜𑌯𑍋 𑌰𑌕𑍍𑌷𑌤𑍁 𑌸𑌰𑍍𑌵𑌕𑌾𑌲𑌮𑍍 ॥ 20 ॥

𑌅𑌂𑌤𑌃𑌸𑍍𑌥𑌿𑌤𑌂 𑌰𑌕𑍍𑌷𑌤𑍁 𑌶𑌂𑌕𑌰𑍋 𑌮𑌾𑌂
𑌸𑍍𑌥𑌾𑌣𑍁𑌃 𑌸𑌦𑌾 𑌪𑌾𑌤𑍁 𑌬𑌹𑌿𑌃𑌸𑍍𑌥𑌿𑌤𑌂 𑌮𑌾𑌮𑍍 ।
𑌤𑌦𑌂𑌤𑌰𑍇 𑌪𑌾𑌤𑍁 𑌪𑌤𑌿𑌃 𑌪𑌶𑍂𑌨𑌾𑌂
𑌸𑌦𑌾𑌶𑌿𑌵𑍋 𑌰𑌕𑍍𑌷𑌤𑍁 𑌮𑌾𑌂 𑌸𑌮𑌂𑌤𑌾𑌤𑍍 ॥ 21 ॥

𑌤𑌿𑌷𑍍𑌠𑌂𑌤-𑌮𑌵𑍍𑌯𑌾𑌦𑍍𑌭𑍁𑌵𑌨𑍈𑌕𑌨𑌾𑌥𑌃
𑌪𑌾𑌯𑌾𑌦𑍍𑌵𑍍𑌰𑌜𑌂𑌤𑌂 𑌪𑍍𑌰𑌮𑌥𑌾𑌧𑌿𑌨𑌾𑌥𑌃 ।
𑌵𑍇𑌦𑌾𑌂𑌤𑌵𑍇𑌦𑍍𑌯𑍋𑌽𑌵𑌤𑍁 𑌮𑌾𑌂 𑌨𑌿𑌷𑌣𑍍𑌣𑌂
𑌮𑌾𑌮𑌵𑍍𑌯𑌯𑌃 𑌪𑌾𑌤𑍁 𑌶𑌿𑌵𑌃 𑌶𑌯𑌾𑌨𑌮𑍍 ॥ 22 ॥

𑌮𑌾𑌰𑍍𑌗𑍇𑌷𑍁 𑌮𑌾𑌂 𑌰𑌕𑍍𑌷𑌤𑍁 𑌨𑍀𑌲𑌕𑌂𑌠𑌃
𑌶𑍈𑌲𑌾𑌦𑌿-𑌦𑍁𑌰𑍍𑌗𑍇𑌷𑍁 𑌪𑍁𑌰𑌤𑍍𑌰𑌯𑌾𑌰𑌿𑌃 ।
𑌅𑌰𑌣𑍍𑌯𑌵𑌾𑌸𑌾𑌦𑌿-𑌮𑌹𑌾𑌪𑍍𑌰𑌵𑌾𑌸𑍇
𑌪𑌾𑌯𑌾𑌨𑍍𑌮𑍃𑌗𑌵𑍍𑌯𑌾𑌧 𑌉𑌦𑌾𑌰𑌶𑌕𑍍𑌤𑌿𑌃 ॥ 23 ॥

𑌕𑌲𑍍𑌪𑌾𑌂𑌤-𑌕𑌾𑌲𑍋𑌗𑍍𑌰-𑌪𑌟𑍁𑌪𑍍𑌰𑌕𑍋𑌪𑌃 [𑌕𑌟𑍋𑌪]
𑌸𑍍𑌫𑍁𑌟𑌾𑌟𑍍𑌟-𑌹𑌾𑌸𑍋𑌚𑍍𑌚𑌲𑌿𑌤𑌾𑌂𑌡-𑌕𑍋𑌶𑌃 ।
𑌘𑍋𑌰𑌾𑌰𑌿-𑌸𑍇𑌨𑌾𑌰𑍍𑌣𑌵𑌦𑍁𑌰𑍍𑌨𑌿𑌵𑌾𑌰-
-𑌮𑌹𑌾𑌭𑌯𑌾𑌦𑍍𑌰𑌕𑍍𑌷𑌤𑍁 𑌵𑍀𑌰𑌭𑌦𑍍𑌰𑌃 ॥ 24 ॥

𑌪𑌤𑍍𑌤𑍍𑌯𑌶𑍍𑌵𑌮𑌾𑌤𑌂𑌗-𑌰𑌥𑌾𑌵𑌰𑍂𑌧𑌿𑌨𑍀- [𑌘𑌟𑌾𑌵𑌰𑍂𑌥]
-𑌸𑌹𑌸𑍍𑌰-𑌲𑌕𑍍𑌷𑌾𑌯𑍁𑌤-𑌕𑍋𑌟𑌿𑌭𑍀𑌷𑌣𑌮𑍍 ।
𑌅𑌕𑍍𑌷𑍌𑌹𑌿𑌣𑍀𑌨𑌾𑌂 𑌶𑌤𑌮𑌾𑌤𑌤𑌾𑌯𑌿𑌨𑌾𑌂
𑌛𑌿𑌂𑌦𑍍𑌯𑌾𑌨𑍍𑌮𑍃𑌡𑍋 𑌘𑍋𑌰𑌕𑍁𑌠𑌾𑌰𑌧𑌾𑌰𑌯𑌾 ॥ 25 ॥

𑌨𑌿𑌹𑌂𑌤𑍁 𑌦𑌸𑍍𑌯𑍂𑌨𑍍𑌪𑍍𑌰𑌳𑌯𑌾𑌨𑌲𑌾𑌰𑍍𑌚𑌿-
-𑌰𑍍𑌜𑍍𑌵𑌲𑌤𑍍𑌤𑍍𑌰𑌿𑌶𑍂𑌲𑌂 𑌤𑍍𑌰𑌿𑌪𑍁𑌰𑌾𑌂𑌤𑌕𑌸𑍍𑌯 ।
𑌶𑌾𑌰𑍍𑌦𑍂𑌲-𑌸𑌿𑌂𑌹𑌰𑍍𑌕𑍍𑌷𑌵𑍃𑌕𑌾𑌦𑌿-𑌹𑌿𑌂𑌸𑍍𑌰𑌾𑌨𑍍
𑌸𑌂𑌤𑍍𑌰𑌾𑌸𑌯𑌤𑍍𑌵𑍀𑌶-𑌧𑌨𑍁𑌃 𑌪𑌿𑌨𑌾𑌕𑌃 ॥ 26 ॥

𑌦𑍁𑌸𑍍𑌸𑍍𑌵𑌪𑍍𑌨 𑌦𑍁𑌶𑍍𑌶𑌕𑍁𑌨 𑌦𑍁𑌰𑍍𑌗𑌤𑌿 𑌦𑍌𑌰𑍍𑌮𑌨𑌸𑍍𑌯
𑌦𑍁𑌰𑍍𑌭𑌿𑌕𑍍𑌷 𑌦𑍁𑌰𑍍𑌵𑍍𑌯𑌸𑌨 𑌦𑍁𑌸𑍍𑌸𑌹 𑌦𑍁𑌰𑍍𑌯𑌶𑌾𑌂𑌸𑌿 ।
𑌉𑌤𑍍𑌪𑌾𑌤-𑌤𑌾𑌪-𑌵𑌿𑌷𑌭𑍀𑌤𑌿-𑌮𑌸𑌦𑍍𑌗𑍍𑌰𑌹𑌾𑌰𑍍𑌤𑌿𑌂
𑌵𑍍𑌯𑌾𑌧𑍀𑌂𑌶𑍍𑌚 𑌨𑌾𑌶𑌯𑌤𑍁 𑌮𑍇 𑌜𑌗𑌤𑌾𑌮𑌧𑍀𑌶𑌃 ॥ 2𑍭 ॥

𑌓𑌂 𑌨𑌮𑍋 𑌭𑌗𑌵𑌤𑍇 𑌸𑌦𑌾𑌶𑌿𑌵𑌾𑌯
𑌸𑌕𑌲-𑌤𑌤𑍍𑌤𑍍𑌵𑌾𑌤𑍍𑌮𑌕𑌾𑌯
𑌸𑌰𑍍𑌵-𑌮𑌂𑌤𑍍𑌰-𑌸𑍍𑌵𑌰𑍂𑌪𑌾𑌯
𑌸𑌰𑍍𑌵-𑌯𑌂𑌤𑍍𑌰𑌾𑌧𑌿𑌷𑍍𑌠𑌿𑌤𑌾𑌯
𑌸𑌰𑍍𑌵-𑌤𑌂𑌤𑍍𑌰-𑌸𑍍𑌵𑌰𑍂𑌪𑌾𑌯
𑌸𑌰𑍍𑌵-𑌤𑌤𑍍𑌤𑍍𑌵-𑌵𑌿𑌦𑍂𑌰𑌾𑌯
𑌬𑍍𑌰𑌹𑍍𑌮-𑌰𑍁𑌦𑍍𑌰𑌾𑌵𑌤𑌾𑌰𑌿𑌣𑍇-𑌨𑍀𑌲𑌕𑌂𑌠𑌾𑌯
𑌪𑌾𑌰𑍍𑌵𑌤𑍀-𑌮𑌨𑍋𑌹𑌰𑌪𑍍𑌰𑌿𑌯𑌾𑌯
𑌸𑍋𑌮-𑌸𑍂𑌰𑍍𑌯𑌾𑌗𑍍𑌨𑌿-𑌲𑍋𑌚𑌨𑌾𑌯
𑌭𑌸𑍍𑌮𑍋𑌦𑍍𑌧𑍂𑌳𑌿𑌤-𑌵𑌿𑌗𑍍𑌰𑌹𑌾𑌯
𑌮𑌹𑌾𑌮𑌣𑌿-𑌮𑍁𑌕𑍁𑌟-𑌧𑌾𑌰𑌣𑌾𑌯
𑌮𑌾𑌣𑌿𑌕𑍍𑌯-𑌭𑍂𑌷𑌣𑌾𑌯
𑌸𑍃𑌷𑍍𑌟𑌿𑌸𑍍𑌥𑌿𑌤𑌿-𑌪𑍍𑌰𑌳𑌯𑌕𑌾𑌲-𑌰𑍌𑌦𑍍𑌰𑌾𑌵𑌤𑌾𑌰𑌾𑌯
𑌦𑌕𑍍𑌷𑌾𑌧𑍍𑌵𑌰-𑌧𑍍𑌵𑌂𑌸𑌕𑌾𑌯
𑌮𑌹𑌾𑌕𑌾𑌲-𑌭𑍇𑌦𑌨𑌾𑌯
𑌮𑍂𑌲𑌧𑌾𑌰𑍈𑌕-𑌨𑌿𑌲𑌯𑌾𑌯
𑌤𑌤𑍍𑌵𑌾𑌤𑍀𑌤𑌾𑌯
𑌗𑌂𑌗𑌾𑌧𑌰𑌾𑌯
𑌸𑌰𑍍𑌵-𑌦𑍇𑌵𑌾𑌦𑌿-𑌦𑍇𑌵𑌾𑌯
𑌷𑌡𑌾𑌶𑍍𑌰𑌯𑌾𑌯
𑌵𑍇𑌦𑌾𑌂𑌤-𑌸𑌾𑌰𑌾𑌯
𑌤𑍍𑌰𑌿𑌵𑌰𑍍𑌗-𑌸𑌾𑌧𑌨𑌾𑌯
𑌅𑌨𑌂𑌤𑌕𑍋𑌟𑌿-𑌬𑍍𑌰𑌹𑍍𑌮𑌾𑌂𑌡-𑌨𑌾𑌯𑌕𑌾𑌯
𑌅𑌨𑌂𑌤-𑌵𑌾𑌸𑍁𑌕𑌿-𑌤𑌕𑍍𑌷𑌕-𑌕𑌰𑍍𑌕𑍋𑌟𑌕-𑌶𑌂𑌖-𑌕𑍁𑌲𑌿𑌕-𑌪𑌦𑍍𑌮-𑌮𑌹𑌾𑌪𑌦𑍍𑌮𑍇𑌤𑌿-𑌅𑌷𑍍𑌟-𑌮𑌹𑌾-𑌨𑌾𑌗-𑌕𑍁𑌲𑌭𑍂𑌷𑌣𑌾𑌯
𑌪𑍍𑌰𑌣𑌵𑌸𑍍𑌵𑌰𑍂𑌪𑌾𑌯
𑌚𑌿𑌦𑌾𑌕𑌾𑌶𑌾𑌯
𑌆𑌕𑌾𑌶-𑌦𑌿𑌕𑍍-𑌸𑍍𑌵𑌰𑍂𑌪𑌾𑌯
𑌗𑍍𑌰𑌹-𑌨𑌕𑍍𑌷𑌤𑍍𑌰-𑌮𑌾𑌲𑌿𑌨𑍇
𑌸𑌕𑌲𑌾𑌯
𑌕𑌳𑌂𑌕-𑌰𑌹𑌿𑌤𑌾𑌯
𑌸𑌕𑌲-𑌲𑍋𑌕𑍈𑌕-𑌕𑌰𑍍𑌤𑍍𑌰𑍇
𑌸𑌕𑌲-𑌲𑍋𑌕𑍈𑌕-𑌭𑌰𑍍𑌤𑍍𑌰𑍇
𑌸𑌕𑌲-𑌲𑍋𑌕𑍈𑌕-𑌸𑌂𑌹𑌰𑍍𑌤𑍍𑌰𑍇
𑌸𑌕𑌲-𑌲𑍋𑌕𑍈𑌕-𑌗𑍁𑌰𑌵𑍇
𑌸𑌕𑌲-𑌲𑍋𑌕𑍈𑌕-𑌸𑌾𑌕𑍍𑌷𑌿𑌣𑍇
𑌸𑌕𑌲-𑌨𑌿𑌗𑌮𑌗𑍁𑌹𑍍𑌯𑌾𑌯
𑌸𑌕𑌲-𑌵𑍇𑌦𑌾𑌂𑌤-𑌪𑌾𑌰𑌗𑌾𑌯
𑌸𑌕𑌲-𑌲𑍋𑌕𑍈𑌕-𑌵𑌰𑌪𑍍𑌰𑌦𑌾𑌯
𑌸𑌕𑌲-𑌲𑍋𑌕𑍈𑌕-𑌶𑌂𑌕𑌰𑌾𑌯
𑌸𑌕𑌲-𑌦𑍁𑌰𑌿𑌤𑌾𑌰𑍍𑌤𑌿-𑌭𑌂𑌜𑌨𑌾𑌯
𑌸𑌕𑌲-𑌜𑌗𑌦𑌭𑌯𑌂𑌕𑌰𑌾𑌯
𑌶𑌶𑌾𑌂𑌕-𑌶𑍇𑌖𑌰𑌾𑌯
𑌶𑌾𑌶𑍍𑌵𑌤-𑌨𑌿𑌜𑌾𑌵𑌾𑌸𑌾𑌯
𑌨𑌿𑌰𑌾𑌕𑌾𑌰𑌾𑌯
𑌨𑌿𑌰𑌾𑌭𑌾𑌸𑌾𑌯
𑌨𑌿𑌰𑌾𑌮𑌯𑌾𑌯
𑌨𑌿𑌰𑍍𑌮𑌲𑌾𑌯
𑌨𑌿𑌰𑍍𑌲𑍋𑌭𑌾𑌯
𑌨𑌿𑌰𑍍𑌮𑌦𑌾𑌯
𑌨𑌿𑌶𑍍𑌚𑌿𑌂𑌤𑌾𑌯
𑌨𑌿𑌰𑌹𑌂𑌕𑌾𑌰𑌾𑌯
𑌨𑌿𑌰𑌂𑌕𑍁𑌶𑌾𑌯
𑌨𑌿𑌷𑍍𑌕𑌳𑌂𑌕𑌾𑌯
𑌨𑌿𑌰𑍍𑌗𑍁𑌣𑌾𑌯
𑌨𑌿𑌷𑍍𑌕𑌾𑌮𑌾𑌯
𑌨𑌿𑌰𑍂𑌪𑌪𑍍𑌲𑌵𑌾𑌯
𑌨𑌿𑌰𑌵𑌧𑍍𑌯𑌾𑌯
𑌨𑌿𑌰𑌂𑌤𑌰𑌾𑌯
𑌨𑌿𑌰𑍁𑌪𑌦𑍍𑌰𑌵𑌾𑌯
𑌨𑌿𑌰𑌵𑌦𑍍𑌯𑌾𑌯
𑌨𑌿𑌰𑌂𑌤𑌰𑌾𑌯
𑌨𑌿𑌷𑍍𑌕𑌾𑌰𑌣𑌾𑌯
𑌨𑌿𑌰𑌾𑌤𑌂𑌕𑌾𑌯
𑌨𑌿𑌷𑍍𑌪𑍍𑌰𑌪𑌂𑌚𑌾𑌯
𑌨𑌿𑌸𑍍𑌸𑌂𑌗𑌾𑌯
𑌨𑌿𑌰𑍍𑌦𑍍𑌵𑌂𑌦𑍍𑌵𑌾𑌯
𑌨𑌿𑌰𑌾𑌧𑌾𑌰𑌾𑌯
𑌨𑍀𑌰𑌾𑌗𑌾𑌯
𑌨𑌿𑌶𑍍𑌕𑍍𑌰𑍋𑌧𑌾𑌯
𑌨𑌿𑌰𑍍𑌲𑍋𑌭𑌾𑌯
𑌨𑌿𑌷𑍍𑌪𑌾𑌪𑌾𑌯
𑌨𑌿𑌰𑍍𑌵𑌿𑌕𑌲𑍍𑌪𑌾𑌯
𑌨𑌿𑌰𑍍𑌭𑍇𑌦𑌾𑌯
𑌨𑌿𑌷𑍍𑌕𑍍𑌰𑌿𑌯𑌾𑌯
𑌨𑌿𑌸𑍍𑌤𑍁𑌲𑌾𑌯
𑌨𑌿𑌶𑍍𑌶𑌂𑌶𑌯𑌾𑌯
𑌨𑌿𑌰𑌂𑌜𑌨𑌾𑌯
𑌨𑌿𑌰𑍁𑌪𑌮-𑌵𑌿𑌭𑌵𑌾𑌯
𑌨𑌿𑌤𑍍𑌯-𑌶𑍁𑌦𑍍𑌧-𑌬𑍁𑌦𑍍𑌧-𑌮𑍁𑌕𑍍𑌤-𑌪𑌰𑌿𑌪𑍂𑌰𑍍𑌣-𑌸𑌚𑍍𑌚𑌿𑌦𑌾𑌨𑌂𑌦𑌾𑌦𑍍𑌵𑌯𑌾𑌯
𑌪𑌰𑌮-𑌶𑌾𑌂𑌤-𑌸𑍍𑌵𑌰𑍂𑌪𑌾𑌯
𑌪𑌰𑌮-𑌶𑌾𑌂𑌤-𑌪𑍍𑌰𑌕𑌾𑌶𑌾𑌯
𑌤𑍇𑌜𑍋𑌰𑍂𑌪𑌾𑌯
𑌤𑍇𑌜𑍋𑌮𑌯𑌾𑌯
𑌤𑍇𑌜𑍋𑌽𑌧𑌿𑌪𑌤𑌯𑍇
𑌜𑌯 𑌜𑌯 𑌰𑍁𑌦𑍍𑌰 𑌮𑌹𑌾𑌰𑍁𑌦𑍍𑌰
𑌮𑌹𑌾-𑌰𑍌𑌦𑍍𑌰
𑌭𑌦𑍍𑌰𑌾𑌵𑌤𑌾𑌰
𑌮𑌹𑌾-𑌭𑍈𑌰𑌵
𑌕𑌾𑌲-𑌭𑍈𑌰𑌵
𑌕𑌲𑍍𑌪𑌾𑌂𑌤-𑌭𑍈𑌰𑌵
𑌕𑌪𑌾𑌲-𑌮𑌾𑌲𑌾𑌧𑌰
𑌖𑌟𑍍𑌵𑌾𑌂𑌗-𑌚𑌰𑍍𑌮-𑌖𑌡𑍍𑌗-𑌧𑌰
𑌪𑌾𑌶𑌾𑌂𑌕𑍁𑌶-𑌡𑌮𑌰𑍂𑌶𑍂𑌲-𑌚𑌾𑌪-𑌬𑌾𑌣-𑌗𑌦𑌾-𑌶𑌕𑍍𑌤𑌿-𑌭𑌿𑌂𑌦𑌿-
𑌪𑌾𑌲-𑌤𑍋𑌮𑌰-𑌮𑍁𑌸𑌲-𑌭𑍁𑌶𑍁𑌂𑌡𑍀-𑌮𑍁𑌦𑍍𑌗𑌰-𑌪𑌾𑌶-𑌪𑌰𑌿𑌘-𑌶𑌤𑌘𑍍𑌨𑍀-𑌚𑌕𑍍𑌰𑌾𑌦𑍍𑌯𑌾𑌯𑍁𑌧-𑌭𑍀𑌷𑌣𑌾𑌕𑌾𑌰
𑌸𑌹𑌸𑍍𑌰-𑌮𑍁𑌖
𑌦𑌂𑌷𑍍𑌟𑍍𑌰𑌾𑌕𑌰𑌾𑌲-𑌵𑌦𑌨
𑌵𑌿𑌕𑌟𑌾𑌟𑍍𑌟𑌹𑌾𑌸
𑌵𑌿𑌸𑍍𑌫𑌾𑌤𑌿𑌤-𑌬𑍍𑌰𑌹𑍍𑌮𑌾𑌂𑌡-𑌮𑌂𑌡𑌲-𑌨𑌾𑌗𑍇𑌂𑌦𑍍𑌰𑌕𑍁𑌂𑌡𑌲
𑌨𑌾𑌗𑍇𑌂𑌦𑍍𑌰𑌹𑌾𑌰
𑌨𑌾𑌗𑍇𑌂𑌦𑍍𑌰𑌵𑌲𑌯
𑌨𑌾𑌗𑍇𑌂𑌦𑍍𑌰𑌚𑌰𑍍𑌮𑌧𑌰
𑌨𑌾𑌗𑍇𑌂𑌦𑍍𑌰𑌨𑌿𑌕𑍇𑌤𑌨
𑌮𑍃𑌤𑍍𑌯𑍁𑌂𑌜𑌯
𑌤𑍍𑌰𑍍𑌯𑌂𑌬𑌕
𑌤𑍍𑌰𑌿𑌪𑍁𑌰𑌾𑌂𑌤𑌕
𑌵𑌿𑌶𑍍𑌵𑌰𑍂𑌪
𑌵𑌿𑌰𑍂𑌪𑌾𑌕𑍍𑌷
𑌵𑌿𑌶𑍍𑌵𑍇𑌶𑍍𑌵𑌰
𑌵𑍃𑌷𑌭𑌵𑌾𑌹𑌨
𑌵𑌿𑌷𑌵𑌿𑌭𑍂𑌷𑌣
𑌵𑌿𑌶𑍍𑌵𑌤𑍋𑌮𑍁𑌖
𑌸𑌰𑍍𑌵𑌤𑍋𑌮𑍁𑌖
𑌮𑌾𑌂 𑌰𑌕𑍍𑌷 𑌰𑌕𑍍𑌷
𑌜𑍍𑌵𑌲 𑌜𑍍𑌵𑌲
𑌪𑍍𑌰𑌜𑍍𑌵𑌲 𑌪𑍍𑌰𑌜𑍍𑌵𑌲
𑌮𑌹𑌾𑌮𑍃𑌤𑍍𑌯𑍁𑌭𑌯𑌂 𑌶𑌮𑌯 𑌶𑌮𑌯
𑌅𑌪𑌮𑍃𑌤𑍍𑌯𑍁𑌭𑌯𑌂 𑌨𑌾𑌶𑌯 𑌨𑌾𑌶𑌯
𑌰𑍋𑌗𑌭𑌯𑌂 𑌉𑌤𑍍𑌸𑌾𑌦𑌯 𑌉𑌤𑍍𑌸𑌾𑌦𑌯
𑌵𑌿𑌷𑌸𑌰𑍍𑌪𑌭𑌯𑌂 𑌶𑌮𑌯 𑌶𑌮𑌯
𑌚𑍋𑌰𑌾𑌨𑍍 𑌮𑌾𑌰𑌯 𑌮𑌾𑌰𑌯
𑌮𑌮 𑌶𑌤𑍍𑌰𑍂𑌨𑍍 𑌉𑌚𑍍𑌚𑌾𑌟𑌯 𑌉𑌚𑍍𑌚𑌾𑌟𑌯
𑌤𑍍𑌰𑌿𑌶𑍂𑌲𑍇𑌨 𑌵𑌿𑌦𑌾𑌰𑌯 𑌵𑌿𑌦𑌾𑌰𑌯
𑌕𑍁𑌠𑌾𑌰𑍇𑌣 𑌭𑌿𑌂𑌧𑌿 𑌭𑌿𑌂𑌧𑌿
𑌖𑌡𑍍𑌗𑍇𑌨 𑌛𑌿𑌂𑌦𑍍𑌦𑌿 𑌛𑌿𑌂𑌦𑍍𑌦𑌿
𑌖𑌟𑍍𑌵𑌾𑌂𑌗𑍇𑌨 𑌵𑌿𑌪𑍋𑌧𑌯 𑌵𑌿𑌪𑍋𑌧𑌯
𑌮𑌮 𑌪𑌾𑌪𑌂 𑌶𑍋𑌧𑌯 𑌶𑍋𑌧𑌯
𑌮𑍁𑌸𑌲𑍇𑌨 𑌨𑌿𑌷𑍍𑌪𑍇𑌷𑌯 𑌨𑌿𑌷𑍍𑌪𑍇𑌷𑌯
𑌬𑌾𑌣𑍈𑌃 𑌸𑌂𑌤𑌾𑌡𑌯 𑌸𑌂𑌤𑌾𑌡𑌯
𑌯𑌕𑍍𑌷 𑌰𑌕𑍍𑌷𑌾𑌂𑌸𑌿 𑌭𑍀𑌷𑌯 𑌭𑍀𑌷𑌯
𑌅𑌶𑍇𑌷 𑌭𑍂𑌤𑌾𑌨𑍍 𑌵𑌿𑌦𑍍𑌰𑌾𑌵𑌯 𑌵𑌿𑌦𑍍𑌰𑌾𑌵𑌯
𑌕𑍂𑌷𑍍𑌮𑌾𑌂𑌡-𑌭𑍂𑌤-𑌬𑍇𑌤𑌾𑌳-𑌮𑌾𑌰𑍀𑌗𑌣-𑌬𑍍𑌰𑌹𑍍𑌮𑌰𑌾𑌕𑍍𑌷𑌸-𑌗𑌣𑌾𑌨𑍍 𑌸𑌂𑌤𑍍𑌰𑌾𑌸𑌯 𑌸𑌂𑌤𑍍𑌰𑌾𑌸𑌯
𑌮𑌮 𑌅𑌭𑌯𑌂 𑌕𑍁𑌰𑍁 𑌕𑍁𑌰𑍁
[𑌮𑌮 𑌪𑌾𑌪𑌂 𑌶𑍋𑌧𑌯 𑌶𑍋𑌧𑌯]
𑌨𑌰𑌕-𑌮𑌹𑌾𑌭𑌯𑌾𑌨𑍍 𑌮𑌾𑌂 𑌉𑌦𑍍𑌧𑌰 𑌉𑌦𑍍𑌧𑌰
𑌵𑌿𑌤𑍍𑌰𑌸𑍍𑌤𑌂 𑌮𑌾𑌂 𑌆𑌶𑍍𑌵𑌾𑌸𑌯 𑌆𑌶𑍍𑌵𑌾𑌸𑌯
𑌅𑌮𑍃𑌤-𑌕𑌟𑌾𑌕𑍍𑌷-𑌵𑍀𑌕𑍍𑌷𑌣𑍇𑌨 𑌮𑌾𑌂 𑌆𑌲𑍋𑌕𑌯 𑌆𑌲𑍋𑌕𑌯
𑌸𑌂𑌜𑍀𑌵𑌯 𑌸𑌂𑌜𑍀𑌵𑌯
𑌕𑍍𑌷𑍁𑌤𑍍𑌤𑍃𑌷𑍍𑌣𑌾𑌰𑍍𑌤𑌂 𑌮𑌾𑌂 𑌆𑌪𑍍𑌯𑌾𑌯𑌯 𑌆𑌪𑍍𑌯𑌾𑌯𑌯
𑌦𑍁𑌃𑌖𑌾𑌤𑍁𑌰𑌂 𑌮𑌾𑌂 𑌆𑌨𑌂𑌦𑌯 𑌆𑌨𑌂𑌦𑌯
𑌶𑌿𑌵𑌕𑌵𑌚𑍇𑌨 𑌮𑌾𑌂 𑌆𑌚𑍍𑌛𑌾𑌦𑌯 𑌆𑌚𑍍𑌛𑌾𑌦𑌯
𑌹𑌰 𑌹𑌰
𑌹𑌰 𑌹𑌰
𑌮𑍃𑌤𑍍𑌯𑍁𑌂𑌜𑌯
𑌤𑍍𑌰𑍍𑌯𑌂𑌬𑌕
𑌸𑌦𑌾𑌶𑌿𑌵
𑌪𑌰𑌮𑌶𑌿𑌵
𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌨𑌮𑌃 ॥

𑌪𑍂𑌰𑍍𑌵𑌵𑌤𑍍 - 𑌹𑍃𑌦𑌯𑌾𑌦𑌿 𑌨𑍍𑌯𑌾𑌸𑌃 ।
𑌪𑌂𑌚𑌪𑍂𑌜𑌾 ॥
𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌵𑌿𑌮𑍋𑌕𑌃 ॥

𑌫𑌲𑌶𑍍𑌰𑍁𑌤𑌿𑌃

𑌋𑌷𑌭 𑌉𑌵𑌾𑌚 ।
𑌇𑌤𑍍𑌯𑍇𑌤𑌤𑍍𑌕𑌵𑌚𑌂 𑌶𑍈𑌵𑌂 𑌵𑌰𑌦𑌂 𑌵𑍍𑌯𑌾𑌹𑍃𑌤𑌂 𑌮𑌯𑌾 ।
𑌸𑌰𑍍𑌵-𑌬𑌾𑌧𑌾-𑌪𑍍𑌰𑌶𑌮𑌨𑌂 𑌰𑌹𑌸𑍍𑌯𑌂 𑌸𑌰𑍍𑌵𑌦𑍇𑌹𑌿𑌨𑌾𑌮𑍍 ॥ 1 ॥

𑌯𑌃 𑌸𑌦𑌾 𑌧𑌾𑌰𑌯𑍇𑌨𑍍𑌮𑌰𑍍𑌤𑍍𑌯𑌃 𑌶𑍈𑌵𑌂 𑌕𑌵𑌚𑌮𑍁𑌤𑍍𑌤𑌮𑌮𑍍 ।
𑌨 𑌤𑌸𑍍𑌯 𑌜𑌾𑌯𑌤𑍇 𑌕𑍍𑌵𑌾𑌪𑌿 𑌭𑌯𑌂 𑌶𑌂𑌭𑍋𑌰𑌨𑍁𑌗𑍍𑌰𑌹𑌾𑌤𑍍 ॥ 2 ॥

𑌕𑍍𑌷𑍀𑌣𑌾𑌯𑍁-𑌰𑍍𑌮𑍃𑌤𑍍𑌯𑍁𑌮𑌾𑌪𑌨𑍍𑌨𑍋 𑌮𑌹𑌾𑌰𑍋𑌗𑌹𑌤𑍋𑌽𑌪𑌿 𑌵𑌾 ।
𑌸𑌦𑍍𑌯𑌃 𑌸𑍁𑌖𑌮𑌵𑌾𑌪𑍍𑌨𑍋𑌤𑌿 𑌦𑍀𑌰𑍍𑌘𑌮𑌾𑌯𑍁𑌶𑍍𑌚 𑌵𑌿𑌂𑌦𑌤𑌿 ॥ 3 ॥

𑌸𑌰𑍍𑌵𑌦𑌾𑌰𑌿𑌦𑍍𑌰𑍍𑌯𑌶𑌮𑌨𑌂 𑌸𑍌𑌮𑌾𑌂𑌗𑌲𑍍𑌯-𑌵𑌿𑌵𑌰𑍍𑌧𑌨𑌮𑍍 ।
𑌯𑍋 𑌧𑌤𑍍𑌤𑍇 𑌕𑌵𑌚𑌂 𑌶𑍈𑌵𑌂 𑌸 𑌦𑍇𑌵𑍈𑌰𑌪𑌿 𑌪𑍂𑌜𑍍𑌯𑌤𑍇 ॥ 4 ॥

𑌮𑌹𑌾𑌪𑌾𑌤𑌕-𑌸𑌂𑌘𑌾𑌤𑍈𑌰𑍍𑌮𑍁𑌚𑍍𑌯𑌤𑍇 𑌚𑍋𑌪𑌪𑌾𑌤𑌕𑍈𑌃 ।
𑌦𑍇𑌹𑌾𑌂𑌤𑍇 𑌶𑌿𑌵𑌮𑌾𑌪𑍍𑌨𑍋𑌤𑌿 𑌶𑌿𑌵-𑌵𑌰𑍍𑌮𑌾𑌨𑍁𑌭𑌾𑌵𑌤𑌃 ॥ 5 ॥

𑌤𑍍𑌵𑌮𑌪𑌿 𑌶𑍍𑌰𑌦𑍍𑌧𑌯𑌾 𑌵𑌤𑍍𑌸 𑌶𑍈𑌵𑌂 𑌕𑌵𑌚𑌮𑍁𑌤𑍍𑌤𑌮𑌮𑍍 ।
𑌧𑌾𑌰𑌯𑌸𑍍𑌵 𑌮𑌯𑌾 𑌦𑌤𑍍𑌤𑌂 𑌸𑌦𑍍𑌯𑌃 𑌶𑍍𑌰𑍇𑌯𑍋 𑌹𑍍𑌯𑌵𑌾𑌪𑍍𑌸𑍍𑌯𑌸𑌿 ॥ 6 ॥

𑌸𑍂𑌤 𑌉𑌵𑌾𑌚 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌋𑌷𑌭𑍋 𑌯𑍋𑌗𑍀 𑌤𑌸𑍍𑌮𑍈 𑌪𑌾𑌰𑍍𑌥𑌿𑌵-𑌸𑍂𑌨𑌵𑍇 ।
𑌦𑌦𑍌 𑌶𑌂𑌖𑌂 𑌮𑌹𑌾𑌰𑌾𑌵𑌂 𑌖𑌡𑍍𑌗𑌂 𑌚𑌾𑌰𑌿𑌨𑌿𑌷𑍂𑌦𑌨𑌮𑍍 ॥ 𑍭 ॥

𑌪𑍁𑌨𑌶𑍍𑌚 𑌭𑌸𑍍𑌮 𑌸𑌂𑌮𑌂𑌤𑍍𑌰𑍍𑌯 𑌤𑌦𑌂𑌗𑌂 𑌸𑌰𑍍𑌵𑌤𑍋𑌽𑌸𑍍𑌪𑍃𑌶𑌤𑍍 ।
𑌗𑌜𑌾𑌨𑌾𑌂 𑌷𑌟𑍍𑌸𑌹𑌸𑍍𑌰𑌸𑍍𑌯 𑌦𑍍𑌵𑌿𑌗𑍁𑌣𑌂 𑌚 𑌬𑌲𑌂 𑌦𑌦𑍌 ॥ 𑍮 ॥

𑌭𑌸𑍍𑌮𑌪𑍍𑌰𑌭𑌾𑌵𑌾𑌤𑍍𑌸𑌂𑌪𑍍𑌰𑌾𑌪𑍍𑌯 𑌬𑌲𑍈𑌶𑍍𑌵𑌰𑍍𑌯𑌧𑍃𑌤𑌿𑌸𑍍𑌮𑍃𑌤𑌿𑌃 ।
𑌸 𑌰𑌾𑌜𑌪𑍁𑌤𑍍𑌰𑌃 𑌶𑍁𑌶𑍁𑌭𑍇 𑌶𑌰𑌦𑌰𑍍𑌕 𑌇𑌵 𑌶𑍍𑌰𑌿𑌯𑌾 ॥ 𑍯 ॥

𑌤𑌮𑌾𑌹 𑌪𑍍𑌰𑌾𑌂𑌜𑌲𑌿𑌂 𑌭𑍂𑌯𑌃 𑌸 𑌯𑍋𑌗𑍀 𑌰𑌾𑌜𑌨𑌂𑌦𑌨𑌮𑍍 ।
𑌏𑌷 𑌖𑌡𑍍𑌗𑍋 𑌮𑌯𑌾 𑌦𑌤𑍍𑌤𑌸𑍍𑌤𑌪𑍋𑌮𑌂𑌤𑍍𑌰𑌾𑌨𑍁𑌭𑌾𑌵𑌤𑌃 ॥ 10 ॥

𑌶𑌿𑌤𑌧𑌾𑌰𑌮𑌿𑌮𑌂 𑌖𑌡𑍍𑌗𑌂 𑌯𑌸𑍍𑌮𑍈 𑌦𑌰𑍍𑌶𑌯𑌸𑌿 𑌸𑍍𑌫𑍁𑌟𑌮𑍍 ।
𑌸 𑌸𑌦𑍍𑌯𑍋 𑌮𑍍𑌰𑌿𑌯𑌤𑍇 𑌶𑌤𑍍𑌰𑍁𑌃 𑌸𑌾𑌕𑍍𑌷𑌾𑌨𑍍𑌮𑍃𑌤𑍍𑌯𑍁𑌰𑌪𑌿 𑌸𑍍𑌵𑌯𑌮𑍍 ॥ 11 ॥

𑌅𑌸𑍍𑌯 𑌶𑌂𑌖𑌸𑍍𑌯 𑌨𑌿𑌹𑍍𑌰𑌾𑌦𑌂 𑌯𑍇 𑌶𑍃𑌣𑍍𑌵𑌂𑌤𑌿 𑌤𑌵𑌾𑌹𑌿𑌤𑌾𑌃 ।
𑌤𑍇 𑌮𑍂𑌰𑍍𑌛𑌿𑌤𑌾𑌃 𑌪𑌤𑌿𑌷𑍍𑌯𑌂𑌤𑌿 𑌨𑍍𑌯𑌸𑍍𑌤𑌶𑌸𑍍𑌤𑍍𑌰𑌾 𑌵𑌿𑌚𑍇𑌤𑌨𑌾𑌃 ॥ 12 ॥

𑌖𑌡𑍍𑌗𑌶𑌂𑌖𑌾𑌵𑌿𑌮𑍌 𑌦𑌿𑌵𑍍𑌯𑍌 𑌪𑌰𑌸𑍈𑌨𑍍𑌯𑌵𑌿𑌨𑌾𑌶𑌿𑌨𑍌 ।
𑌆𑌤𑍍𑌮𑌸𑍈𑌨𑍍𑌯𑌸𑍍𑌵𑌪𑌕𑍍𑌷𑌾𑌣𑌾𑌂 𑌶𑍌𑌰𑍍𑌯𑌤𑍇𑌜𑍋𑌵𑌿𑌵𑌰𑍍𑌧𑌨𑍌 ॥ 13 ॥

𑌏𑌤𑌯𑍋𑌶𑍍𑌚 𑌪𑍍𑌰𑌭𑌾𑌵𑍇𑌨 𑌶𑍈𑌵𑍇𑌨 𑌕𑌵𑌚𑍇𑌨 𑌚 ।
𑌦𑍍𑌵𑌿𑌷𑌟𑍍𑌸𑌹𑌸𑍍𑌰𑌨𑌾𑌗𑌾𑌨𑌾𑌂 𑌬𑌲𑍇𑌨 𑌮𑌹𑌤𑌾𑌪𑌿 𑌚 ॥ 14 ॥

𑌭𑌸𑍍𑌮𑌧𑌾𑌰𑌣𑌸𑌾𑌮𑌰𑍍𑌥𑍍𑌯𑌾𑌚𑍍𑌛𑌤𑍍𑌰𑍁𑌸𑍈𑌨𑍍𑌯𑌂 𑌵𑌿𑌜𑍇𑌷𑍍𑌯𑌸𑌿 ।
𑌪𑍍𑌰𑌾𑌪𑍍𑌯 𑌸𑌿𑌂𑌹𑌾𑌸𑌨𑌂 𑌪𑍈𑌤𑍍𑌰𑍍𑌯𑌂 𑌗𑍋𑌪𑍍𑌤𑌾𑌸𑌿 𑌪𑍃𑌥𑌿𑌵𑍀𑌮𑌿𑌮𑌾𑌮𑍍 ॥ 15 ॥

𑌇𑌤𑌿 𑌭𑌦𑍍𑌰𑌾𑌯𑍁𑌷𑌂 𑌸𑌮𑍍𑌯𑌗𑌨𑍁𑌶𑌾𑌸𑍍𑌯 𑌸𑌮𑌾𑌤𑍃𑌕𑌮𑍍 ।
𑌤𑌾𑌭𑍍𑌯𑌾𑌂 𑌸𑌂𑌪𑍂𑌜𑌿𑌤𑌃 𑌸𑍋𑌽𑌥 𑌯𑍋𑌗𑍀 𑌸𑍍𑌵𑍈𑌰𑌗𑌤𑌿𑌰𑍍𑌯𑌯𑍌 ॥ 16 ॥

𑌇𑌤𑌿 𑌶𑍍𑌰𑍀𑌸𑍍𑌕𑌾𑌂𑌦𑌮𑌹𑌾𑌪𑍁𑌰𑌾𑌣𑍇 𑌬𑍍𑌰𑌹𑍍𑌮𑍋𑌤𑍍𑌤𑌰𑌖𑌂𑌡𑍇 𑌶𑌿𑌵𑌕𑌵𑌚 𑌪𑍍𑌰𑌭𑌾𑌵 𑌵𑌰𑍍𑌣𑌨𑌂 𑌨𑌾𑌮 𑌦𑍍𑌵𑌾𑌦𑌶𑍋𑌽𑌧𑍍𑌯𑌾𑌯𑌃 𑌸𑌂𑌪𑍂𑌰𑍍𑌣𑌃 ॥