𑌅𑌸𑍍𑌯 𑌶𑍍𑌰𑍀 𑌅𑌂𑌗𑌾𑌰𑌕 𑌕𑌵𑌚𑌸𑍍𑌯, 𑌕𑌶𑍍𑌯𑌪 𑌋𑌷𑍀𑌃, 𑌅𑌨𑍁𑌷𑍍𑌟𑍁𑌪𑍍 𑌚𑌂𑌦𑌃, 𑌅𑌂𑌗𑌾𑌰𑌕𑍋 𑌦𑍇𑌵𑌤𑌾, 𑌭𑍌𑌮 𑌪𑍍𑌰𑍀𑌤𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥

𑌧𑍍𑌯𑌾𑌨𑌮𑍍
𑌰𑌕𑍍𑌤𑌾𑌂𑌬𑌰𑍋 𑌰𑌕𑍍𑌤𑌵𑌪𑍁𑌃 𑌕𑌿𑌰𑍀𑌟𑍀 𑌚𑌤𑍁𑌰𑍍𑌭𑍁𑌜𑍋 𑌮𑍇𑌷𑌗𑌮𑍋 𑌗𑌦𑌾𑌭𑍃𑌤𑍍 ।
𑌧𑌰𑌾𑌸𑍁𑌤𑌃 𑌶𑌕𑍍𑌤𑌿𑌧𑌰𑌶𑍍𑌚 𑌶𑍂𑌲𑍀 𑌸𑌦𑌾 𑌮𑌮 𑌸𑍍𑌯𑌾𑌦𑍍𑌵𑌰𑌦𑌃 𑌪𑍍𑌰𑌶𑌾𑌂𑌤𑌃 ॥

𑌅𑌥 𑌅𑌂𑌗𑌾𑌰𑌕 𑌕𑌵𑌚𑌮𑍍
𑌅𑌂𑌗𑌾𑌰𑌕𑌃 𑌶𑌿𑌰𑍋 𑌰𑌕𑍍𑌷𑍇𑌤𑍍 𑌮𑍁𑌖𑌂 𑌵𑍈 𑌧𑌰𑌣𑍀𑌸𑍁𑌤𑌃 ।
𑌶𑍍𑌰𑌵𑍌 𑌰𑌕𑍍𑌤𑌂𑌬𑌰𑌃 𑌪𑌾𑌤𑍁 𑌨𑍇𑌤𑍍𑌰𑍇 𑌮𑍇 𑌰𑌕𑍍𑌤𑌲𑍋𑌚𑌨𑌃 ॥ 1 ॥

𑌨𑌾𑌸𑌾𑌂 𑌶𑌕𑍍𑌤𑌿𑌧𑌰𑌃 𑌪𑌾𑌤𑍁 𑌮𑍁𑌖𑌂 𑌮𑍇 𑌰𑌕𑍍𑌤𑌲𑍋𑌚𑌨𑌃 ।
𑌭𑍁𑌜𑍌 𑌮𑍇 𑌰𑌕𑍍𑌤𑌮𑌾𑌲𑍀 𑌚 𑌹𑌸𑍍𑌤𑍌 𑌶𑌕𑍍𑌤𑌿𑌧𑌰𑌸𑍍𑌤𑌥𑌾 ॥2 ॥

𑌵𑌕𑍍𑌷𑌃 𑌪𑌾𑌤𑍁 𑌵𑌰𑌾𑌂𑌗𑌶𑍍𑌚 𑌹𑍃𑌦𑌯𑌂 𑌪𑌾𑌤𑍁 𑌰𑍋𑌹𑌿𑌤𑌃 ।
𑌕𑌟𑌿𑌂 𑌮𑍇 𑌗𑍍𑌰𑌹𑌰𑌾𑌜𑌶𑍍𑌚 𑌮𑍁𑌖𑌂 𑌚𑍈𑌵 𑌧𑌰𑌾𑌸𑍁𑌤𑌃 ॥ 3 ॥

𑌜𑌾𑌨𑍁𑌜𑌂𑌘𑍇 𑌕𑍁𑌜𑌃 𑌪𑌾𑌤𑍁 𑌪𑌾𑌦𑍌 𑌭𑌕𑍍𑌤𑌪𑍍𑌰𑌿𑌯𑌃 𑌸𑌦𑌾 ।
𑌸𑌰𑍍𑌵𑌾𑌣𑍍𑌯𑌨𑍍𑌯𑌾𑌨𑌿 𑌚𑌾𑌂𑌗𑌾𑌨𑌿 𑌰𑌕𑍍𑌷𑍇𑌨𑍍𑌮𑍇 𑌮𑍇𑌷𑌵𑌾𑌹𑌨𑌃 ॥ 4 ॥

𑌫𑌲𑌶𑍍𑌰𑍁𑌤𑌿𑌃
𑌯 𑌇𑌦𑌂 𑌕𑌵𑌚𑌂 𑌦𑌿𑌵𑍍𑌯𑌂 𑌸𑌰𑍍𑌵𑌶𑌤𑍍𑌰𑍁𑌨𑌿𑌵𑌾𑌰𑌣𑌮𑍍 ।
𑌭𑍂𑌤𑌪𑍍𑌰𑍇𑌤𑌪𑌿𑌶𑌾𑌚𑌾𑌨𑌾𑌂 𑌨𑌾𑌶𑌨𑌂 𑌸𑌰𑍍𑌵𑌸𑌿𑌦𑍍𑌧𑌿𑌦𑌮𑍍 ॥

𑌸𑌰𑍍𑌵𑌰𑍋𑌗𑌹𑌰𑌂 𑌚𑍈𑌵 𑌸𑌰𑍍𑌵𑌸𑌂𑌪𑌤𑍍𑌪𑍍𑌰𑌦𑌂 𑌶𑍁𑌭𑌮𑍍 ।
𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌪𑍍𑌰𑌦𑌂 𑌨𑍄𑌣𑌾𑌂 𑌸𑌰𑍍𑌵𑌸𑍌𑌭𑌾𑌗𑍍𑌯𑌵𑌰𑍍𑌧𑌨𑌮𑍍 ॥

𑌰𑍋𑌗𑌬𑌂𑌧𑌵𑌿𑌮𑍋𑌕𑍍𑌷𑌂 𑌚 𑌸𑌤𑍍𑌯𑌮𑍇𑌤𑌨𑍍𑌨 𑌸𑌂𑌶𑌯𑌃 ॥

॥ 𑌇𑌤𑌿 𑌶𑍍𑌰𑍀 𑌮𑌾𑌰𑍍𑌕𑌂𑌡𑍇𑌯𑌪𑍁𑌰𑌾𑌣𑍇 𑌅𑌂𑌗𑌾𑌰𑌕 𑌕𑌵𑌚𑌂 𑌸𑌂𑌪𑍂𑌰𑍍𑌣𑌮𑍍 ॥