𑌶𑍍𑌰𑍀 𑌰𑍁𑌦𑍍𑌰 𑌕𑌵𑌚𑌮𑍍

𑌓𑌂 𑌅𑌸𑍍𑌯 𑌶𑍍𑌰𑍀 𑌰𑍁𑌦𑍍𑌰 𑌕𑌵𑌚𑌸𑍍𑌤𑍋𑌤𑍍𑌰 𑌮𑌹𑌾𑌮𑌂𑌤𑍍𑌰𑌸𑍍𑌯 𑌦𑍂𑌰𑍍𑌵𑌾𑌸𑍃𑌷𑌿𑌃 𑌅𑌨𑍁𑌷𑍍𑌠𑍁𑌪𑍍 𑌛𑌂𑌦𑌃 𑌤𑍍𑌰𑍍𑌯𑌂𑌬𑌕 𑌰𑍁𑌦𑍍𑌰𑍋 𑌦𑍇𑌵𑌤𑌾 𑌹𑍍𑌰𑌾𑌂 𑌬𑍀𑌜𑌂 𑌶𑍍𑌰𑍀𑌂 𑌶𑌕𑍍𑌤𑌿𑌃 𑌹𑍍𑌰𑍀𑌂 𑌕𑍀𑌲𑌕𑌂 𑌮𑌮 𑌮𑌨𑌸𑍋𑌽𑌭𑍀𑌷𑍍𑌟𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌹𑍍𑌰𑌾𑌮𑌿𑌤𑍍𑌯𑌾𑌦𑌿 𑌷𑌡𑍍𑌬𑍀𑌜𑍈𑌃 𑌷𑌡𑌂𑌗𑌨𑍍𑌯𑌾𑌸𑌃 ॥

𑌧𑍍𑌯𑌾𑌨𑌮𑍍 ।
𑌶𑌾𑌂𑌤𑌂 𑌪𑌦𑍍𑌮𑌾𑌸𑌨𑌸𑍍𑌥𑌂 𑌶𑌶𑌿𑌧𑌰𑌮𑌕𑍁𑌟𑌂 𑌪𑌂𑌚𑌵𑌕𑍍𑌤𑍍𑌰𑌂 𑌤𑍍𑌰𑌿𑌨𑍇𑌤𑍍𑌰𑌂
𑌶𑍂𑌲𑌂 𑌵𑌜𑍍𑌰𑌂 𑌚 𑌖𑌡𑍍𑌗𑌂 𑌪𑌰𑌶𑍁𑌮𑌭𑌯𑌦𑌂 𑌦𑌕𑍍𑌷𑌭𑌾𑌗𑍇 𑌵𑌹𑌂𑌤𑌮𑍍 ।
𑌨𑌾𑌗𑌂 𑌪𑌾𑌶𑌂 𑌚 𑌘𑌂𑌟𑌾𑌂 𑌪𑍍𑌰𑌳𑌯 𑌹𑍁𑌤𑌵𑌹𑌂 𑌸𑌾𑌂𑌕𑍁𑌶𑌂 𑌵𑌾𑌮𑌭𑌾𑌗𑍇
𑌨𑌾𑌨𑌾𑌲𑌂𑌕𑌾𑌰𑌯𑍁𑌕𑍍𑌤𑌂 𑌸𑍍𑌫𑌟𑌿𑌕𑌮𑌣𑌿𑌨𑌿𑌭𑌂 𑌪𑌾𑌰𑍍𑌵𑌤𑍀𑌶𑌂 𑌨𑌮𑌾𑌮𑌿 ॥

𑌦𑍂𑌰𑍍𑌵𑌾𑌸 𑌉𑌵𑌾𑌚 ।
𑌪𑍍𑌰𑌣𑌮𑍍𑌯 𑌶𑌿𑌰𑌸𑌾 𑌦𑍇𑌵𑌂 𑌸𑍍𑌵𑌯𑌂𑌭𑍁𑌂 𑌪𑌰𑌮𑍇𑌶𑍍𑌵𑌰𑌮𑍍 ।
𑌏𑌕𑌂 𑌸𑌰𑍍𑌵𑌗𑌤𑌂 𑌦𑍇𑌵𑌂 𑌸𑌰𑍍𑌵𑌦𑍇𑌵𑌮𑌯𑌂 𑌵𑌿𑌭𑍁𑌮𑍍 ॥ 1 ॥

𑌰𑍁𑌦𑍍𑌰 𑌵𑌰𑍍𑌮 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌅𑌂𑌗 𑌪𑍍𑌰𑌾𑌣𑌸𑍍𑌯 𑌰𑌕𑍍𑌷𑌯𑍇 ।
𑌅𑌹𑍋𑌰𑌾𑌤𑍍𑌰𑌮𑌯𑌂 𑌦𑍇𑌵𑌂 𑌰𑌕𑍍𑌷𑌾𑌰𑍍𑌥𑌂 𑌨𑌿𑌰𑍍𑌮𑌿𑌤𑌂 𑌪𑍁𑌰𑌾 ॥ 2 ॥

𑌰𑍁𑌦𑍍𑌰𑍋 𑌮𑍇 𑌚𑌾𑌗𑍍𑌰𑌤𑌃 𑌪𑌾𑌤𑍁 𑌪𑌾𑌤𑍁 𑌪𑌾𑌰𑍍𑌶𑍍𑌵𑍌 𑌹𑌰𑌸𑍍𑌤𑌥𑌾 ।
𑌶𑌿𑌰𑍋 𑌮𑍇 𑌈𑌶𑍍𑌵𑌰𑌃 𑌪𑌾𑌤𑍁 𑌲𑌲𑌾𑌟𑌂 𑌨𑍀𑌲𑌲𑍋𑌹𑌿𑌤𑌃 ॥ 3 ॥

𑌨𑍇𑌤𑍍𑌰𑌯𑍋𑌸𑍍𑌤𑍍𑌰𑍍𑌯𑌂𑌬𑌕𑌃 𑌪𑌾𑌤𑍁 𑌮𑍁𑌖𑌂 𑌪𑌾𑌤𑍁 𑌮𑌹𑍇𑌶𑍍𑌵𑌰𑌃 ।
𑌕𑌰𑍍𑌣𑌯𑍋𑌃 𑌪𑌾𑌤𑍁 𑌮𑍇 𑌶𑌂𑌭𑍁𑌃 𑌨𑌾𑌸𑌿𑌕𑌾𑌯𑌾𑌂 𑌸𑌦𑌾𑌶𑌿𑌵𑌃 ॥ 4 ॥

𑌵𑌾𑌗𑍀𑌶𑌃 𑌪𑌾𑌤𑍁 𑌮𑍇 𑌜𑌿𑌹𑍍𑌵𑌾𑌂 𑌓𑌷𑍍𑌠𑍌 𑌪𑌾𑌤𑍍𑌵𑌂𑌬𑌿𑌕𑌾𑌪𑌤𑌿𑌃 ।
𑌶𑍍𑌰𑍀𑌕𑌂𑌠𑌃 𑌪𑌾𑌤𑍁 𑌮𑍇 𑌗𑍍𑌰𑍀𑌵𑌾𑌂 𑌬𑌾𑌹𑍂𑌂𑌶𑍍𑌚𑍈𑌵 𑌪𑌿𑌨𑌾𑌕𑌧𑍃𑌤𑍍 ॥ 5 ॥

𑌹𑍃𑌦𑌯𑌂 𑌮𑍇 𑌮𑌹𑌾𑌦𑍇𑌵𑌃 𑌈𑌶𑍍𑌵𑌰𑍋𑌵𑍍𑌯𑌾𑌤𑍍 𑌸𑍍𑌤𑌨𑌾𑌂𑌤𑌰𑌮𑍍 ।
𑌨𑌾𑌭𑌿𑌂 𑌕𑌟𑌿𑌂 𑌚 𑌵𑌕𑍍𑌷𑌶𑍍𑌚 𑌪𑌾𑌤𑍁 𑌸𑌰𑍍𑌵𑌂 𑌉𑌮𑌾𑌪𑌤𑌿𑌃 ॥ 6 ॥

𑌬𑌾𑌹𑍁𑌮𑌧𑍍𑌯𑌾𑌂𑌤𑌰𑌂 𑌚𑍈𑌵 𑌸𑍂𑌕𑍍𑌷𑍍𑌮𑌰𑍂𑌪𑌃 𑌸𑌦𑌾𑌶𑌿𑌵𑌃 ।
𑌸𑍍𑌵𑌰𑌂 𑌰𑌕𑍍𑌷𑌤𑍁 𑌸𑌰𑍍𑌵𑍇𑌶𑍋 𑌗𑌾𑌤𑍍𑌰𑌾𑌣𑌿 𑌚 𑌯𑌥𑌾 𑌕𑍍𑌰𑌮𑌮𑍍 ॥ 𑍭 ॥

𑌵𑌜𑍍𑌰𑌶𑌕𑍍𑌤𑌿𑌧𑌰𑌂 𑌚𑍈𑌵 𑌪𑌾𑌶𑌾𑌂𑌕𑍁𑌶𑌧𑌰𑌂 𑌤𑌥𑌾 ।
𑌗𑌂𑌡𑌶𑍂𑌲𑌧𑌰𑌂 𑌨𑌿𑌤𑍍𑌯𑌂 𑌰𑌕𑍍𑌷𑌤𑍁 𑌤𑍍𑌰𑌿𑌦𑌶𑍇𑌶𑍍𑌵𑌰𑌃 ॥ 𑍮 ॥

𑌪𑍍𑌰𑌸𑍍𑌥𑌾𑌨𑍇𑌷𑍁 𑌪𑌦𑍇 𑌚𑍈𑌵 𑌵𑍃𑌕𑍍𑌷𑌮𑍂𑌲𑍇 𑌨𑌦𑍀𑌤𑌟𑍇 ।
𑌸𑌂𑌧𑍍𑌯𑌾𑌯𑌾𑌂 𑌰𑌾𑌜𑌭𑌵𑌨𑍇 𑌵𑌿𑌰𑍂𑌪𑌾𑌕𑍍𑌷𑌸𑍍𑌤𑍁 𑌪𑌾𑌤𑍁 𑌮𑌾𑌮𑍍 ॥ 𑍯 ॥

𑌶𑍀𑌤𑍋𑌷𑍍𑌣𑌾𑌦𑌥 𑌕𑌾𑌲𑍇𑌷𑍁 𑌤𑍁𑌹𑌿 𑌨 𑌦𑍍𑌰𑍁𑌮𑌕𑌂𑌟𑌕𑍇 ।
𑌨𑌿𑌰𑍍𑌮𑌨𑍁𑌷𑍍𑌯𑍇𑌽𑌸𑌮𑍇 𑌮𑌾𑌰𑍍𑌗𑍇 𑌤𑍍𑌰𑌾𑌹𑌿 𑌮𑌾𑌂 𑌵𑍃𑌷𑌭𑌧𑍍𑌵𑌜 ॥ 10 ॥

𑌇𑌤𑍍𑌯𑍇𑌤𑌦𑍍𑌰𑍁𑌦𑍍𑌰𑌕𑌵𑌚𑌂 𑌪𑌵𑌿𑌤𑍍𑌰𑌂 𑌪𑌾𑌪𑌨𑌾𑌶𑌨𑌮𑍍 ।
𑌮𑌹𑌾𑌦𑍇𑌵𑌪𑍍𑌰𑌸𑌾𑌦𑍇𑌨 𑌦𑍂𑌰𑍍𑌵𑌾𑌸𑍋 𑌮𑍁𑌨𑌿𑌕𑌲𑍍𑌪𑌿𑌤𑌮𑍍 ॥ 11 ॥

𑌮𑌮𑌾𑌖𑍍𑌯𑌾𑌤𑌂 𑌸𑌮𑌾𑌸𑍇𑌨 𑌨 𑌭𑌯𑌂 𑌵𑌿𑌂𑌦𑌤𑌿 𑌕𑍍𑌵𑌚𑌿𑌤𑍍 ।
𑌪𑍍𑌰𑌾𑌪𑍍𑌨𑍋𑌤𑌿 𑌪𑌰𑌮𑌾𑌰𑍋𑌗𑍍𑌯𑌂 𑌪𑍁𑌣𑍍𑌯𑌮𑌾𑌯𑍁𑌷𑍍𑌯𑌵𑌰𑍍𑌧𑌨𑌮𑍍 ॥ 12 ॥

𑌵𑌿𑌦𑍍𑌯𑌾𑌰𑍍𑌥𑍀 𑌲𑌭𑌤𑍇 𑌵𑌿𑌦𑍍𑌯𑌾𑌂 𑌧𑌨𑌾𑌰𑍍𑌥𑍀 𑌲𑌭𑌤𑍇 𑌧𑌨𑌮𑍍 ।
𑌕𑌨𑍍𑌯𑌾𑌰𑍍𑌥𑍀 𑌲𑌭𑌤𑍇 𑌕𑌨𑍍𑌯𑌾𑌂 𑌨 𑌭𑌯𑌂 𑌵𑌿𑌂𑌦𑌤𑍇 𑌕𑍍𑌵𑌚𑌿𑌤𑍍 ॥ 13 ॥

𑌅𑌪𑍁𑌤𑍍𑌰𑍋 𑌲𑌭𑌤𑍇 𑌪𑍁𑌤𑍍𑌰𑌂 𑌮𑍋𑌕𑍍𑌷𑌾𑌰𑍍𑌥𑍀 𑌮𑍋𑌕𑍍𑌷𑌮𑌾𑌪𑍍𑌨𑍁𑌯𑌾𑌤𑍍 ।
𑌤𑍍𑌰𑌾𑌹𑌿 𑌤𑍍𑌰𑌾𑌹𑌿 𑌮𑌹𑌾𑌦𑍇𑌵 𑌤𑍍𑌰𑌾𑌹𑌿 𑌤𑍍𑌰𑌾𑌹𑌿 𑌤𑍍𑌰𑌯𑍀𑌮𑌯 ॥ 14 ॥

𑌤𑍍𑌰𑌾𑌹𑌿 𑌮𑌾𑌂 𑌪𑌾𑌰𑍍𑌵𑌤𑍀𑌨𑌾𑌥 𑌤𑍍𑌰𑌾𑌹𑌿 𑌮𑌾𑌂 𑌤𑍍𑌰𑌿𑌪𑍁𑌰𑌂𑌤𑌕 ।
𑌪𑌾𑌶𑌂 𑌖𑌟𑍍𑌵𑌾𑌂𑌗 𑌦𑌿𑌵𑍍𑌯𑌾𑌸𑍍𑌤𑍍𑌰𑌂 𑌤𑍍𑌰𑌿𑌶𑍂𑌲𑌂 𑌰𑍁𑌦𑍍𑌰𑌮𑍇𑌵 𑌚 ॥ 15 ॥

𑌨𑌮𑌸𑍍𑌕𑌰𑍋𑌮𑌿 𑌦𑍇𑌵𑍇𑌶 𑌤𑍍𑌰𑌾𑌹𑌿 𑌮𑌾𑌂 𑌜𑌗𑌦𑍀𑌶𑍍𑌵𑌰 ।
𑌶𑌤𑍍𑌰𑍁𑌮𑌧𑍍𑌯𑍇 𑌸𑌭𑌾𑌮𑌧𑍍𑌯𑍇 𑌗𑍍𑌰𑌾𑌮𑌮𑌧𑍍𑌯𑍇 𑌗𑍃𑌹𑌾𑌂𑌤𑌰𑍇 ॥ 16 ॥

𑌗𑌮𑌨𑌾𑌗𑌮𑌨𑍇 𑌚𑍈𑌵 𑌤𑍍𑌰𑌾𑌹𑌿 𑌮𑌾𑌂 𑌭𑌕𑍍𑌤𑌵𑌤𑍍𑌸𑌲 ।
𑌤𑍍𑌵𑌂 𑌚𑌿𑌤𑍍𑌤𑌂 𑌤𑍍𑌵𑌂 𑌮𑌾𑌨𑌸𑌂 𑌚 𑌤𑍍𑌵𑌂 𑌬𑍁𑌦𑍍𑌧𑌿𑌸𑍍𑌤𑍍𑌵𑌂 𑌪𑌰𑌾𑌯𑌣𑌮𑍍 ॥ 1𑍭 ॥

𑌕𑌰𑍍𑌮𑌣𑌾 𑌮𑌨𑌸𑌾 𑌚𑍈𑌵 𑌤𑍍𑌵𑌂 𑌬𑍁𑌦𑍍𑌧𑌿𑌶𑍍𑌚 𑌯𑌥𑌾 𑌸𑌦𑌾 ।
𑌜𑍍𑌵𑌰𑌭𑌯𑌂 𑌛𑌿𑌂𑌦𑌿 𑌸𑌰𑍍𑌵𑌜𑍍𑌵𑌰𑌭𑌯𑌂 𑌛𑌿𑌂𑌦𑌿 𑌗𑍍𑌰𑌹𑌭𑌯𑌂 𑌛𑌿𑌂𑌦𑌿 ॥ 1𑍮 ॥

𑌸𑌰𑍍𑌵𑌶𑌤𑍍𑌰𑍂𑌨𑍍𑌨𑌿𑌵𑌰𑍍𑌤𑍍𑌯𑌾𑌪𑌿 𑌸𑌰𑍍𑌵𑌵𑍍𑌯𑌾𑌧𑌿𑌨𑌿𑌵𑌾𑌰𑌣𑌮𑍍 ।
𑌰𑍁𑌦𑍍𑌰𑌲𑍋𑌕𑌂 𑌸 𑌗𑌚𑍍𑌛𑌤𑌿 𑌰𑍁𑌦𑍍𑌰𑌲𑍋𑌕𑌂 𑌸𑌗𑌚𑍍𑌛𑌤𑍍𑌯𑍋𑌨𑍍𑌨𑌮 𑌇𑌤𑌿 ॥ 1𑍯 ॥

𑌇𑌤𑌿 𑌸𑍍𑌕𑌂𑌦𑌪𑍁𑌰𑌾𑌣𑍇 𑌦𑍂𑌰𑍍𑌵𑌾𑌸 𑌪𑍍𑌰𑍋𑌕𑍍𑌤𑌂 𑌶𑍍𑌰𑍀 𑌰𑍁𑌦𑍍𑌰𑌕𑌵𑌚𑌮𑍍 ॥

Browse Related Categories: