অথ কথমপি মদ্রাসনাং ত্বদ্গুণলেশৈর্বিশোধয়ামি বিভো ।
সাংব সদাশিব শংভো শংকর শরণং মে তব চরণয়ুগম্ ॥ 1 ॥

আখংডলমদখংডনপংডিত তংডুপ্রিয় চংডীশ বিভো ।
সাংব সদাশিব শংভো শংকর শরণং মে তব চরণয়ুগম্ ॥ 2 ॥

ইভচর্মাংবর শংবররিপুবপুরপহরণোজ্জ্বলনযন বিভো ।
সাংব সদাশিব শংভো শংকর শরণং মে তব চরণয়ুগম্ ॥ 3 ॥

ঈশ গিরীশ নরেশ পরেশ মহেশ বিলেশযভূষণ ভো ।
সাংব সদাশিব শংভো শংকর শরণং মে তব চরণয়ুগম্ ॥ 4 ॥

উময়া দিব্যসুমংগলবিগ্রহয়ালিংগিতবামাংগ বিভো ।
সাংব সদাশিব শংভো শংকর শরণং মে তব চরণয়ুগম্ ॥ 5 ॥

ঊরীকুরু মামজ্ঞমনাথং দূরীকুরু মে দুরিতং ভো ।
সাংব সদাশিব শংভো শংকর শরণং মে তব চরণয়ুগম্ ॥ 6 ॥

ঋষিবরমানসহংস চরাচরজননস্থিতিলযকারণ ভো ।
সাংব সদাশিব শংভো শংকর শরণং মে তব চরণয়ুগম্ ॥ 7 ॥

ৠক্ষাধীশকিরীট মহোক্ষারূঢ বিধৃতরুদ্রাক্ষ বিভো ।
সাংব সদাশিব শংভো শংকর শরণং মে তব চরণয়ুগম্ ॥ 8 ॥

লুবর্ণদ্বংদ্বমবৃংতসুকুসুমমিবাংঘ্রৌ তবার্পয়ামি বিভো ।
সাংব সদাশিব শংভো শংকর শরণং মে তব চরণয়ুগম্ ॥ 9 ॥

একং সদিতি শ্রুত্য়া ত্বমেব সদসীত্য়ুপাস্মহে মৃড ভো ।
সাংব সদাশিব শংভো শংকর শরণং মে তব চরণয়ুগম্ ॥ 10 ॥

ঐক্য়ং নিজভক্তেভ্য়ো বিতরসি বিশ্বংভরোঽত্র সাক্ষী ভো ।
সাংব সদাশিব শংভো শংকর শরণং মে তব চরণয়ুগম্ ॥ 11 ॥

ওমিতি তব নির্দেষ্ট্রী মায়াস্মাকং মৃডোপকর্ত্রী ভো ।
সাংব সদাশিব শংভো শংকর শরণং মে তব চরণয়ুগম্ ॥ 12 ॥

ঔদাস্য়ং স্ফুটযতি বিষয়েষু দিগংবরতা চ তবৈব বিভো ।
সাংব সদাশিব শংভো শংকর শরণং মে তব চরণয়ুগম্ ॥ 13 ॥

অংতঃকরণবিশুদ্ধিং ভক্তিং চ ত্বয়ি সতীং প্রদেহি বিভো ।
সাংব সদাশিব শংভো শংকর শরণং মে তব চরণয়ুগম্ ॥ 14 ॥

অস্তোপাধিসমস্তব্যস্তৈ রূপৈর্জগন্ময়োঽসি বিভো ।
সাংব সদাশিব শংভো শংকর শরণং মে তব চরণয়ুগম্ ॥ 15 ॥

করুণাবরুণালয় ময়ি দাস উদাসস্তবোচিতো ন হি ভো ।
সাংব সদাশিব শংভো শংকর শরণং মে তব চরণয়ুগম্ ॥ 16 ॥

খলসহবাসং বিঘটয় ঘটয় সতামেব সংগমনিশং ভো ।
সাংব সদাশিব শংভো শংকর শরণং মে তব চরণয়ুগম্ ॥ 17 ॥

গরলং জগদুপকৃতয়ে গিলিতং ভবতা সমোঽস্তি কোঽত্র বিভো ।
সাংব সদাশিব শংভো শংকর শরণং মে তব চরণয়ুগম্ ॥ 18 ॥

ঘনসারগৌরগাত্র প্রচুরজটাজূটবদ্ধগংগ বিভো ।
সাংব সদাশিব শংভো শংকর শরণং মে তব চরণয়ুগম্ ॥ 19 ॥

জ্ঞপ্তিঃ সর্বশরীরেষ্বখংডিতা যা বিভাতি সা ত্বং ভো ।
সাংব সদাশিব শংভো শংকর শরণং মে তব চরণয়ুগম্ ॥ 20 ॥

চপলং মম হৃদযকপিং বিষযদ্রুচরং দৃঢং বধান বিভো ।
সাংব সদাশিব শংভো শংকর শরণং মে তব চরণয়ুগম্ ॥ 21 ॥

ছায়া স্থাণোরপি তব তাপং নমতাং হরত্যহো শিব ভো ।
সাংব সদাশিব শংভো শংকর শরণং মে তব চরণয়ুগম্ ॥ 22 ॥

জয় কৈলাসনিবাস প্রমথগণাধীশ ভূসুরার্চিত ভো ।
সাংব সদাশিব শংভো শংকর শরণং মে তব চরণয়ুগম্ ॥ 23 ॥

ঝণুতকঝংকিণুঝণুতত্কিটতক-শব্দৈর্নটসি মহানট ভো ।
সাংব সদাশিব শংভো শংকর শরণং মে তব চরণয়ুগম্ ॥ 24 ॥

জ্ঞানং বিক্ষেপাবৃতিরহিতং কুরু মে গুরুস্ত্বমেব বিভো ।
সাংব সদাশিব শংভো শংকর শরণং মে তব চরণয়ুগম্ ॥ 25 ॥

টংকারস্তব ধনুষো দলযতি হৃদয়ং দ্বিষামশনিরিব ভো ।
সাংব সদাশিব শংভো শংকর শরণং মে তব চরণয়ুগম্ ॥ 26 ॥

ঠাকৃতিরিব তব মায়া বহিরংতঃ শূন্যরূপিণী খলু ভো ।
সাংব সদাশিব শংভো শংকর শরণং মে তব চরণয়ুগম্ ॥ 27 ॥

ডংবরমংবুরুহামপি দলযত্যনঘং ত্বদংঘ্রিয়ুগলং ভো ।
সাংব সদাশিব শংভো শংকর শরণং মে তব চরণয়ুগম্ ॥ 28 ॥

ঢক্কাক্ষসূত্রশূলদ্রুহিণকরোটীসমুল্লসত্কর ভো ।
সাংব সদাশিব শংভো শংকর শরণং মে তব চরণয়ুগম্ ॥ 29 ॥

ণাকারগর্ভিণী চেচ্ছুভদা তে শরগতির্নৃণামিহ ভো ।
সাংব সদাশিব শংভো শংকর শরণং মে তব চরণয়ুগম্ ॥ 30 ॥

তব মন্বতিসংজপতঃ সদ্যস্তরতি নরো হি ভবাব্ধিং ভো ।
সাংব সদাশিব শংভো শংকর শরণং মে তব চরণয়ুগম্ ॥ 31 ॥

থূত্কারস্তস্য় মুখে ভূয়াত্তে নাম নাস্তি যস্য় বিভো ।
সাংব সদাশিব শংভো শংকর শরণং মে তব চরণয়ুগম্ ॥ 32 ॥

দযনীযশ্চ দয়ালুঃ কোঽস্তি মদন্যস্ত্বদন্য় ইহ বদ ভো ।
সাংব সদাশিব শংভো শংকর শরণং মে তব চরণয়ুগম্ ॥ 33 ॥

ধর্মস্থাপনদক্ষ ত্র্যক্ষ গুরো দক্ষযজ্ঞশিক্ষক ভো ।
সাংব সদাশিব শংভো শংকর শরণং মে তব চরণয়ুগম্ ॥ 34 ॥

ননু তাডিতোঽসি ধনুষা লুব্ধধিয়া ত্বং পুরা নরেণ বিভো ।
সাংব সদাশিব শংভো শংকর শরণং মে তব চরণয়ুগম্ ॥ 35 ॥

পরিমাতুং তব মূর্তিং নালমজস্তত্পরাত্পরোঽসি বিভো ।
সাংব সদাশিব শংভো শংকর শরণং মে তব চরণয়ুগম্ ॥ 36 ॥

ফলমিহ নৃতয়া জনুষস্ত্বত্পদসেবা সনাতনেশ বিভো ।
সাংব সদাশিব শংভো শংকর শরণং মে তব চরণয়ুগম্ ॥ 37 ॥

বলমারোগ্য়ং চায়ুস্ত্বদ্গুণরুচিতাং চিরং প্রদেহি বিভো ।
সাংব সদাশিব শংভো শংকর শরণং মে তব চরণয়ুগম্ ॥ 38 ॥

ভগবন্ভর্গ ভয়াপহ ভূতপতে ভূতিভূষিতাংগ বিভো ।
সাংব সদাশিব শংভো শংকর শরণং মে তব চরণয়ুগম্ ॥ 39 ॥

মহিমা তব ন হি মাতি শ্রুতিষু হিমানীধরাত্মজাধব ভো ।
সাংব সদাশিব শংভো শংকর শরণং মে তব চরণয়ুগম্ ॥ 40 ॥

যমনিযমাদিভিরংগৈর্যমিনো হৃদয়ে ভজংতি স ত্বং ভো ।
সাংব সদাশিব শংভো শংকর শরণং মে তব চরণয়ুগম্ ॥ 41 ॥

রজ্জাবহিরিব শুক্তৌ রজতমিব ত্বয়ি জগংতি ভাংতি বিভো ।
সাংব সদাশিব শংভো শংকর শরণং মে তব চরণয়ুগম্ ॥ 42 ॥

লব্ধ্বা ভবত্প্রসাদাচ্চক্রং বিধুরবতি লোকমখিলং ভো ।
সাংব সদাশিব শংভো শংকর শরণং মে তব চরণয়ুগম্ ॥ 43 ॥

বসুধাতদ্ধরতচ্ছযরথমৌর্বীশর পরাকৃতাসুর ভো ।
সাংব সদাশিব শংভো শংকর শরণং মে তব চরণয়ুগম্ ॥ 44 ॥

শর্ব দেব সর্বোত্তম সর্বদ দুর্বৃত্তগর্বহরণ বিভো ।
সাংব সদাশিব শংভো শংকর শরণং মে তব চরণয়ুগম্ ॥ 45 ॥

ষড্রিপুষডূর্মিষড্বিকারহর সন্মুখ ষণ্মুখজনক বিভো ।
সাংব সদাশিব শংভো শংকর শরণং মে তব চরণয়ুগম্ ॥ 46 ॥

সত্য়ং জ্ঞানমনংতং ব্রহ্মেত্য়েতল্লক্ষণলক্ষিত ভো ।
সাংব সদাশিব শংভো শংকর শরণং মে তব চরণয়ুগম্ ॥ 47 ॥

হাহাহূহূমুখসুরগাযকগীতাপদানপদ্য় বিভো ।
সাংব সদাশিব শংভো শংকর শরণং মে তব চরণয়ুগম্ ॥ 48 ॥

লাদির্ন হি প্রয়োগস্তদংতমিহ মংগলং সদাস্তু বিভো ।
সাংব সদাশিব শংভো শংকর শরণং মে তব চরণয়ুগম্ ॥ 49 ॥

ক্ষণমিব দিবসান্নেষ্যতি ত্বত্পদসেবাক্ষণোত্সুকঃ শিব ভো ।
সাংব সদাশিব শংভো শংকর শরণং মে তব চরণয়ুগম্ ॥ 50 ॥

ইতি শ্রীমত্পরমহংসপরিব্রাজকাচার্যস্য় শ্রীগোবিংদভগবত্পূজ্যপাদশিষ্যস্য় শ্রীমচ্ছংকরভগবতঃ কৃতৌ সুবর্ণমালা স্তুতিঃ সংপূর্ণা ॥