අථ කථමපි මද්රාසනාං ත්වද්ගුණලේශෛර්විශෝධයාමි විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 1 ॥

ආඛංඩලමදඛංඩනපංඩිත තංඩුප්රිය චංඩීශ විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 2 ॥

ඉභචර්මාංබර ශංබරරිපුවපුරපහරණෝජ්ජ්වලනයන විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 3 ॥

ඊශ ගිරීශ නරේශ පරේශ මහේශ බිලේශයභූෂණ භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 4 ॥

උමයා දිව්යසුමංගළවිග්රහයාලිංගිතවාමාංග විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 5 ॥

ඌරීකුරු මාමජ්ඤමනාථං දූරීකුරු මේ දුරිතං භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 6 ॥

ඍෂිවරමානසහංස චරාචරජනනස්ථිතිලයකාරණ භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 7 ॥

ॠක්ෂාධීශකිරීට මහෝක්ෂාරූඪ විධෘතරුද්රාක්ෂ විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 8 ॥

ලුවර්ණද්වංද්වමවෘංතසුකුසුමමිවාංඝ්රෞ තවාර්පයාමි විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 9 ॥

ඒකං සදිති ශ්රුත්යා ත්වමේව සදසීත්යුපාස්මහේ මෘඩ භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 10 ॥

ඓක්යං නිජභක්තේභ්යෝ විතරසි විශ්වංභරෝऽත්ර සාක්ෂී භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 11 ॥

ඕමිති තව නිර්දේෂ්ට්රී මායාස්මාකං මෘඩෝපකර්ත්රී භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 12 ॥

ඖදාස්යං ස්ඵුටයති විෂයේෂු දිගංබරතා ච තවෛව විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 13 ॥

අංතඃකරණවිශුද්ධිං භක්තිං ච ත්වයි සතීං ප්රදේහි විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 14 ॥

අස්තෝපාධිසමස්තව්යස්තෛ රූපෛර්ජගන්මයෝऽසි විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 15 ॥

කරුණාවරුණාලය මයි දාස උදාසස්තවෝචිතෝ න හි භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 16 ॥

ඛලසහවාසං විඝටය ඝටය සතාමේව සංගමනිශං භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 17 ॥

ගරළං ජගදුපකෘතයේ ගිලිතං භවතා සමෝऽස්ති කෝऽත්ර විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 18 ॥

ඝනසාරගෞරගාත්ර ප්රචුරජටාජූටබද්ධගංග විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 19 ॥

ජ්ඤප්තිඃ සර්වශරීරේෂ්වඛංඩිතා යා විභාති සා ත්වං භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 20 ॥

චපලං මම හෘදයකපිං විෂයද්රුචරං දෘඪං බධාන විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 21 ॥

ඡායා ස්ථාණෝරපි තව තාපං නමතාං හරත්යහෝ ශිව භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 22 ॥

ජය කෛලාසනිවාස ප්රමථගණාධීශ භූසුරාර්චිත භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 23 ॥

ඣණුතකඣංකිණුඣණුතත්කිටතක-ශබ්දෛර්නටසි මහානට භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 24 ॥

ජ්ඤානං වික්ෂේපාවෘතිරහිතං කුරු මේ ගුරුස්ත්වමේව විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 25 ॥

ටංකාරස්තව ධනුෂෝ දලයති හෘදයං ද්විෂාමශනිරිව භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 26 ॥

ඨාකෘතිරිව තව මායා බහිරංතඃ ශූන්යරූපිණී ඛලු භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 27 ॥

ඩංබරමංබුරුහාමපි දලයත්යනඝං ත්වදංඝ්රියුගළං භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 28 ॥

ඪක්කාක්ෂසූත්රශූලද්රුහිණකරෝටීසමුල්ලසත්කර භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 29 ॥

ණාකාරගර්භිණී චේච්ඡුභදා තේ ශරගතිර්නෘණාමිහ භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 30 ॥

තව මන්වතිසංජපතඃ සද්යස්තරති නරෝ හි භවාබ්ධිං භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 31 ॥

ථූත්කාරස්තස්ය මුඛේ භූයාත්තේ නාම නාස්ති යස්ය විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 32 ॥

දයනීයශ්ච දයාළුඃ කෝऽස්ති මදන්යස්ත්වදන්ය ඉහ වද භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 33 ॥

ධර්මස්ථාපනදක්ෂ ත්ර්යක්ෂ ගුරෝ දක්ෂයජ්ඤශික්ෂක භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 34 ॥

නනු තාඩිතෝऽසි ධනුෂා ලුබ්ධධියා ත්වං පුරා නරේණ විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 35 ॥

පරිමාතුං තව මූර්තිං නාලමජස්තත්පරාත්පරෝऽසි විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 36 ॥

ඵලමිහ නෘතයා ජනුෂස්ත්වත්පදසේවා සනාතනේශ විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 37 ॥

බලමාරෝග්යං චායුස්ත්වද්ගුණරුචිතාං චිරං ප්රදේහි විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 38 ॥

භගවන්භර්ග භයාපහ භූතපතේ භූතිභූෂිතාංග විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 39 ॥

මහිමා තව න හි මාති ශ්රුතිෂු හිමානීධරාත්මජාධව භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 40 ॥

යමනියමාදිභිරංගෛර්යමිනෝ හෘදයේ භජංති ස ත්වං භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 41 ॥

රජ්ජාවහිරිව ශුක්තෞ රජතමිව ත්වයි ජගංති භාංති විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 42 ॥

ලබ්ධ්වා භවත්ප්රසාදාච්චක්රං විධුරවති ලෝකමඛිලං භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 43 ॥

වසුධාතද්ධරතච්ඡයරථමෞර්වීශර පරාකෘතාසුර භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 44 ॥

ශර්ව දේව සර්වෝත්තම සර්වද දුර්වෘත්තගර්වහරණ විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 45 ॥

ෂඩ්රිපුෂඩූර්මිෂඩ්විකාරහර සන්මුඛ ෂණ්මුඛජනක විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 46 ॥

සත්යං ජ්ඤානමනංතං බ්රහ්මේත්යේතල්ලක්ෂණලක්ෂිත භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 47 ॥

හාහාහූහූමුඛසුරගායකගීතාපදානපද්ය විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 48 ॥

ළාදිර්න හි ප්රයෝගස්තදංතමිහ මංගළං සදාස්තු විභෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 49 ॥

ක්ෂණමිව දිවසාන්නේෂ්යති ත්වත්පදසේවාක්ෂණෝත්සුකඃ ශිව භෝ ।
සාංබ සදාශිව ශංභෝ ශංකර ශරණං මේ තව චරණයුගම් ॥ 50 ॥

ඉති ශ්රීමත්පරමහංසපරිව්රාජකාචාර්යස්ය ශ්රීගෝවිංදභගවත්පූජ්යපාදශිෂ්යස්ය ශ්රීමච්ඡංකරභගවතඃ කෘතෞ සුවර්ණමාලා ස්තුතිඃ සංපූර්ණා ॥