ଦର୍ଶନାଦଭ୍ରସଦସି ଜନନାତ୍କମଲାଲୟେ ।
କାଶ୍ୟାଂ ତୁ ମରଣାନ୍ମୁକ୍ତିଃ ସ୍ମରଣାଦରୁଣାଚଲେ ॥ 1 ॥
କରୁଣାପୂରିତାପାଂଗଂ ଶରଣାଗତଵତ୍ସଲମ୍ ।
ତରୁଣେଂଦୁଜଟାମୌଲିଂ ସ୍ମରଣାଦରୁଣାଚଲମ୍ ॥ 2 ॥
ସମସ୍ତଜଗଦାଧାରଂ ସଚ୍ଚିଦାନଂଦଵିଗ୍ରହମ୍ ।
ସହସ୍ରରଥସୋପେତଂ ସ୍ମରଣାଦରୁଣାଚଲମ୍ ॥ 3 ॥
କାଂଚନପ୍ରତିମାଭାସଂ ଵାଂଛିତାର୍ଥଫଲପ୍ରଦମ୍ ।
ମାଂ ଚ ରକ୍ଷ ସୁରାଧ୍ୟକ୍ଷଂ ସ୍ମରଣାଦରୁଣାଚଲମ୍ ॥ 4 ॥
ବଦ୍ଧଚଂଦ୍ରଜଟାଜୂଟମର୍ଧନାରୀକଲେବରମ୍ ।
ଵର୍ଧମାନଦୟାଂଭୋଧିଂ ସ୍ମରଣାଦରୁଣାଚଲମ୍ ॥ 5 ॥
କାଂଚନପ୍ରତିମାଭାସଂ ସୂର୍ୟକୋଟିସମପ୍ରଭମ୍ ।
ବଦ୍ଧଵ୍ୟାଘ୍ରପୁରୀଧ୍ୟାନଂ ସ୍ମରଣାଦରୁଣାଚଲମ୍ ॥ 6 ॥
ଶିକ୍ଷୟାଖିଲଦେଵାରି ଭକ୍ଷିତକ୍ଷ୍ଵେଲକଂଧରମ୍ ।
ରକ୍ଷୟାଖିଲଭକ୍ତାନାଂ ସ୍ମରଣାଦରୁଣାଚଲମ୍ ॥ 7 ॥
ଅଷ୍ଟଭୂତିସମାୟୁକ୍ତମିଷ୍ଟକାମଫଲପ୍ରଦମ୍ ।
ଶିଷ୍ଟଭକ୍ତିସମାୟୁକ୍ତାନ୍ ସ୍ମରଣାଦରୁଣାଚଲମ୍ ॥ 8 ॥
ଵିନାୟକସୁରାଧ୍ୟକ୍ଷଂ ଵିଷ୍ଣୁବ୍ରହ୍ମେଂଦ୍ରସେଵିତମ୍ ।
ଵିମଲାରୁଣପାଦାବ୍ଜଂ ସ୍ମରଣାଦରୁଣାଚଲମ୍ ॥ 9 ॥
ମଂଦାରମଲ୍ଲିକାଜାତିକୁଂଦଚଂପକପଂକଜୈଃ ।
ଇଂଦ୍ରାଦିପୂଜିତାଂ ଦେଵୀଂ ସ୍ମରଣାଦରୁଣାଚଲମ୍ ॥ 10 ॥
ସଂପତ୍କରଂ ପାର୍ଵତୀଶଂ ସୂର୍ୟଚଂଦ୍ରାଗ୍ନିଲୋଚନମ୍ ।
ମଂଦସ୍ମିତମୁଖାଂଭୋଜଂ ସ୍ମରଣାଦରୁଣାଚଲମ୍ ॥ 11 ॥
ଇତି ଶ୍ରୀଅରୁଣାଚଲାଷ୍ଟକମ୍ ॥
