॥ দ্বিতীয় মুংডকে দ্বিতীয়ঃ খংডঃ ॥

আবিঃ সংনিহিতং গুহাচরং নাম
মহত্পদমত্রৈতত্ সমর্পিতম্ ।
এজত্প্রাণন্নিমিষচ্চ যদেতজ্জানথ
সদসদ্বরেণ্য়ং পরং-বিঁজ্ঞানাদ্যদ্বরিষ্ঠং প্রজানাম্ ॥ 1॥

যদর্চিমদ্যদণুভ্য়োঽণু চ
যস্মিঁল্লোকা নিহিতা লোকিনশ্চ ।
তদেতদক্ষরং ব্রহ্ম স প্রাণস্তদু বাঙ্মনঃ
তদেতত্সত্য়ং তদমৃতং তদ্বেদ্ধব্য়ং সোম্য় বিদ্ধি ॥ 2॥

ধনুর্ গৃহীত্বৌপনিষদং মহাস্ত্রং
শরং হ্য়ুপাসা নিশিতং সংধয়ীত ।
আযম্য় তদ্ভাবগতেন চেতসা
লক্ষ্য়ং তদেবাক্ষরং সোম্য় বিদ্ধি ॥ 3॥

প্রণবো ধনুঃ শারো হ্য়াত্মা ব্রহ্ম তল্লক্ষ্যমুচ্যতে ।
অপ্রমত্তেন বেদ্ধব্য়ং শরবত্ তন্ময়ো ভবেত্ ॥ 4॥

যস্মিন্ দ্য়ৌঃ পৃথিবী চাংতরিক্ষমোতং
মনঃ সহ প্রাণৈশ্চ সর্বৈঃ ।
তমেবৈকং জানথ আত্মানমন্য়া বাচো
বিমুংচথামৃতস্য়ৈষ সেতুঃ ॥ 5॥

অরা ইব রথনাভৌ সংহতা যত্র নাড্য়ঃ ।
স এষোঽংতশ্চরতে বহুধা জাযমানঃ ।
ওমিত্য়েবং ধ্য়াযথ আত্মানং স্বস্তি বঃ
পারায় তমসঃ পরস্তাত্ ॥ 6॥

যঃ সর্বজ্ঞঃ সর্ববিদ্ যস্য়ৈষ মহিমা ভুবি ।
দিব্য়ে ব্রহ্মপুরে হ্য়েষ ব্য়োম্ন্য়াত্মা প্রতিষ্ঠিতঃ ॥

মনোময়ঃ প্রাণশরীরনেতা
প্রতিষ্ঠিতোঽন্নে হৃদয়ং সন্নিধায় ।
তদ্ বিজ্ঞানেন পরিপশ্য়ংতি ধীরা
আনংদরূপমমৃতং-য়ঁদ্ বিভাতি ॥ 7॥

ভিদ্যতে হৃদযগ্রংথিশ্ছিদ্য়ংতে সর্বসংশয়াঃ ।
ক্ষীয়ংতে চাস্য় কর্মাণি তস্মিন্ দৃষ্টে পরাবরে ॥ 8॥

হিরণ্ময়ে পরে কোশে বিরজং ব্রহ্ম নিষ্কলম্ ।
তচ্ছুভ্রং জ্য়োতিষং জ্য়োতিস্তদ্ যদাত্মবিদো বিদুঃ ॥ 9॥

ন তত্র সূর্য়ো ভাতি ন চংদ্রতারকং
নেমা বিদ্য়ুতো ভাংতি কুতোঽযমগ্নিঃ ।
তমেব ভাংতমনুভাতি সর্বং
তস্য় ভাসা সর্বমিদং-বিঁভাতি ॥ 10॥

ব্রহ্মৈবেদমমৃতং পুরস্তাদ্ ব্রহ্ম পশ্চাদ্ ব্রহ্ম দক্ষিণতশ্চোত্তরেণ ।
অধশ্চোর্ধ্বং চ প্রসৃতং ব্রহ্মৈবেদং-বিঁশ্বমিদং-বঁরিষ্ঠম্ ॥ 11॥

॥ ইতি মুংডকোপনিষদি দ্বিতীযমুংডকে দ্বিতীয়ঃ খংডঃ ॥