॥ তৃতীযমুংডকে দ্বিতীয়ঃ খংডঃ ॥

স বেদৈতত্ পরমং ব্রহ্ম ধাম
যত্র বিশ্বং নিহিতং ভাতি শুভ্রম্ ।
উপাসতে পুরুষং-য়েঁ হ্যকামাস্তে
শুক্রমেতদতিবর্তংতি ধীরাঃ ॥ 1॥

কামান্ যঃ কামযতে মন্যমানঃ
স কামভির্জাযতে তত্র তত্র ।
পর্য়াপ্তকামস্য় কৃতাত্মনস্তু
ইহৈব সর্বে প্রবিলীয়ংতি কামাঃ ॥ 2॥

নাযমাত্মা প্রবচনেন লভ্য়ো
ন মেধয়া ন বহুনা শ্রুতেন ।
যমেবৈষ বৃণুতে তেন লভ্য়-
স্তস্য়ৈষ আত্মা বিবৃণুতে তনূং স্বাম্ ॥ 3॥

নাযমাত্মা বলহীনেন লভ্য়ো
ন চ প্রমাদাত্ তপসো বাপ্যলিংগাত্ ।
এতৈরুপায়ৈর্যততে যস্তু বিদ্বাং-
স্তস্য়ৈষ আত্মা বিশতে ব্রহ্মধাম ॥ 4॥

সংপ্রাপ্য়ৈনমৃষয়ো জ্ঞানতৃপ্তাঃ
কৃতাত্মানো বীতরাগাঃ প্রশাংতাঃ
তে সর্বগং সর্বতঃ প্রাপ্য় ধীরা
যুক্তাত্মানঃ সর্বমেবাবিশংতি ॥ 5॥

বেদাংতবিজ্ঞানসুনিশ্চিতার্থাঃ
সংন্য়াসয়োগাদ্ যতয়ঃ শুদ্ধসত্ত্বাঃ ।
তে ব্রহ্মলোকেষু পরাংতকালে
পরামৃতাঃ পরিমুচ্য়ংতি সর্বে ॥ 6॥

গতাঃ কলাঃ পংচদশ প্রতিষ্ঠা
দেবাশ্চ সর্বে প্রতিদেবতাসু ।
কর্মাণি বিজ্ঞানমযশ্চ আত্মা
পরেঽব্যয়ে সর্বে একীভবংতি ॥ 7॥

যথা নদ্য়ঃ স্য়ংদমানাঃ সমুদ্রেঽ
স্তং গচ্ছংতি নামরূপে বিহায় ।
তথা বিদ্বান্ নামরূপাদ্বিমুক্তঃ
পরাত্পরং পুরুষমুপৈতি দিব্যম্ ॥ 8॥

স যো হ বৈ তত্ পরমং ব্রহ্ম বেদ
ব্রহ্মৈব ভবতি নাস্য়াব্রহ্মবিত্কুলে ভবতি ।
তরতি শোকং তরতি পাপ্মানং গুহাগ্রংথিভ্য়ো
বিমুক্তোঽমৃতো ভবতি ॥ 9॥

তদেতদৃচাঽভ্য়ুক্তম্ ।
ক্রিয়াবংতঃ শ্রোত্রিয়া ব্রহ্মনিষ্ঠাঃ
স্বয়ং জুহ্বত একর্​ষিং শ্রদ্ধয়ংতঃ ।
তেষামেবৈতাং ব্রহ্মবিদ্য়াং-বঁদেত
শিরোব্রতং-বিঁধিবদ্ যৈস্তু চীর্ণম্ ॥ 10॥

তদেতত্ সত্যমৃষিরংগিরাঃ
পুরোবাচ নৈতদচীর্ণব্রতোঽধীতে ।
নমঃ পরমৃষিভ্য়ো নমঃ পরমৃষিভ্য়ঃ ॥ 11॥

॥ ইতি মুংডকোপনিষদি তৃতীযমুংডকে দ্বিতীয়ঃ খংডঃ ॥

॥ ইত্যথর্ববেদীয় মুংডকোপনিষত্সমাপ্তা ॥

ওং ভ॒দ্রং কর্ণে॑ভিঃ শৃণু॒য়াম॑ দেবাঃ । ভ॒দ্রং প॑শ্য়েমা॒ক্ষভি॒-র্যজ॑ত্রাঃ । স্থি॒রৈরংগৈ᳚স্তুষ্টু॒বাগ্​ম্ স॑স্ত॒নূভিঃ॑ । ব্যশে॑ম দে॒বহি॑তং॒-য়ঁদায়ুঃ॑ । স্ব॒স্তি ন॒ ইংদ্রো॑ বৃ॒দ্ধশ্র॑বাঃ । স্ব॒স্তি নঃ॑ পূ॒ষা বি॒শ্ববে॑দাঃ । স্ব॒স্তি ন॒স্তার্ক্ষ্য়ো॒ অরি॑ষ্টনেমিঃ । স্ব॒স্তি নো॒ বৃহ॒স্পতি॑-র্দধাতু ॥
ওং শাংতিঃ॒ শাংতিঃ॒ শাংতিঃ॑ ॥

॥ ওং শাংতিঃ শাংতিঃ শাংতিঃ ॥