॥ তৃতীয় মুংডকে প্রথমঃ খংডঃ ॥

দ্বা সুপর্ণা সয়ুজা সখায়া সমানং-বৃঁক্ষং পরিষস্বজাতে ।
তয়োরন্য়ঃ পিপ্পলং স্বাদ্বত্ত্যনশ্নন্নন্য়ো অভিচাকশীতি ॥ 1॥

সমানে বৃক্ষে পুরুষো নিমগ্নোঽনিশয়া শোচতি মুহ্যমানঃ ।
জুষ্টং-য়ঁদা পশ্যত্যন্যমীশমস্য়
মহিমানমিতি বীতশোকঃ ॥ 2॥

যদা পশ্য়ঃ পশ্যতে রুক্মবর্ণং
কর্তারমীশং পুরুষং ব্রহ্ময়োনিম্ ।
তদা বিদ্বান্ পুণ্যপাপে বিধূয়
নিরংজনঃ পরমং সাম্যমুপৈতি ॥ 3॥

প্রণো হ্য়েষ যঃ সর্বভূতৈর্বিভাতি
বিজানন্ বিদ্বান্ ভবতে নাতিবাদী ।
আত্মক্রীড আত্মরতিঃ ক্রিয়াবা-
নেষ ব্রহ্মবিদাং-বঁরিষ্ঠঃ ॥ 4॥

সত্য়েন লভ্যস্তপসা হ্য়েষ আত্মা
সম্যগ্জ্ঞানেন ব্রহ্মচর্য়েণ নিত্যম্ ।
অংতঃশরীরে জ্য়োতির্ময়ো হি শুভ্রো
যং পশ্য়ংতি যতয়ঃ ক্ষীণদোষাঃ ॥ 5॥

সত্যমেব জযতে নানৃতং
সত্য়েন পংথা বিততো দেবয়ানঃ ।
যেনাঽঽক্রমংত্য়ৃষয়ো হ্য়াপ্তকামা
যত্র তত্ সত্যস্য় পরমং নিধানম্ ॥ 6॥

বৃহচ্চ তদ্ দিব্যমচিংত্যরূপং
সূক্ষ্মাচ্চ তত্ সূক্ষ্মতরং-বিঁভাতি ।
দূরাত্ সুদূরে তদিহাংতিকে চ
পশ্য়ংত্বিহৈব নিহিতং গুহায়াম্ ॥ 7॥

ন চক্ষুষা গৃহ্যতে নাপি বাচা
নান্য়ৈর্দেবৈস্তপসা কর্মণ বা ।
জ্ঞানপ্রসাদেন বিশুদ্ধসত্ত্ব-
স্ততস্তু তং পশ্যতে নিষ্কলং
ধ্য়াযমানঃ ॥ 8॥

এষোঽণুরাত্মা চেতসা বেদিতব্য়ো
যস্মিন্ প্রাণঃ পংচধা সং​বিঁবেশ ।
প্রাণৈশ্চিত্তং সর্বমোতং প্রজানাং
যস্মিন্ বিশুদ্ধে বিভবত্য়েষ আত্মা ॥ 9॥

যং-য়ংঁ লোকং মনসা সং​বিঁভাতি
বিশুদ্ধসত্ত্বঃ কামযতে যাংশ্চ কামান্ ।
তং তং-লোঁকং জযতে তাংশ্চ কামাং-
স্তস্মাদাত্মজ্ঞং হ্যর্চয়েত্ ভূতিকামঃ ॥ 10॥

॥ ইতি মুংডকোপনিষদি তৃতীযমুংডকে প্রথমঃ খংডঃ ॥