ব্রহ্ম হ দেবেভ্য়ো বিজিগ্য়ে তস্য় হ ব্রহ্মণো বিজয়ে দেবা অমহীয়ংত ॥ 1॥

ত ঐক্ষংতাস্মাকমেবায়ং-বিঁজয়োঽস্মাকমেবায়ং মহিমেতি । তদ্ধৈষাং-বিঁজজ্ঞৌ তেভ্য়ো হ প্রাদুর্বভূব তন্ন ব্যজানত কিমিদং-য়ঁক্ষমিতি ॥ 2॥

তেঽগ্নিমব্রুবংজাতবেদ এতদ্বিজানীহি কিমিদং-য়ঁক্ষমিতি তথেতি ॥ 3॥

তদভ্যদ্রবত্তমভ্যবদত্কোঽসীত্যগ্নির্বা অহমস্মীত্যব্রবীজ্জাতবেদা বা অহমস্মীতি ॥ 4॥

তস্মিন্স্ত্বয়ি কিং-বীঁর্যমিত্যপীদꣳ সর্বং দহেয়ং-য়ঁদিদং পৃথিব্য়ামিতি ॥ 5॥

তস্মৈ তৃণং নিদধাবেতদ্দহেতি । তদুপপ্রেয়ায় সর্বজবেন তন্ন শশাক দগ্ধুং স তত এব নিববৃতে নৈতদশকং-বিঁজ্ঞাতুং-য়ঁদেতদ্যক্ষমিতি ॥ 6॥

অথ বায়ুমব্রুবন্বাযবেতদ্বিজানীহি কিমেতদ্যক্ষমিতি তথেতি ॥ 7॥

তদভ্যদ্রবত্তমভ্যবদত্কোঽসীতি বায়ুর্বা অহমস্মীত্যব্রবীন্মাতরিশ্বা বা অহমস্মীতি ॥ 8॥

তস্মিন্স্ত্বয়ি কিং-বীঁর্যমিত্যপীদং সর্বমাদদীয় যদিদং পৃথিব্য়ামিতি ॥ 9॥

তস্মৈ তৃণং নিদধাবেতদাদত্স্বেতি তদুপপ্রেয়ায় সর্বজবেন তন্ন শশাকাদাতুং স তত এব নিববৃতে নৈতদশকং-বিঁজ্ঞাতুং-য়ঁদেতদ্যক্ষমিতি ॥ 10॥

অথেংদ্রমব্রুবন্মঘবন্নেতদ্বিজানীহি কিমেতদ্যক্ষমিতি তথেতি তদভ্যদ্রবত্তস্মাত্তিরোদধে ॥ 11॥

স তস্মিন্নেবাকাশে স্ত্রিযমাজগাম বহুশোভমানামুমাং হৈমবতীং তাগ্​ম্হোবাচ কিমেতদ্যক্ষমিতি ॥ 12॥

॥ ইতি কেনোপনিষদি তৃতীয়ঃ খংডঃ ॥