অনংতসংসারসমুদ্রতার-
নৌকায়িতাভ্য়াং গুরুভক্তিদাভ্য়াম্ ।
বৈরাগ্যসাম্রাজ্যদপূজনাভ্য়াং
নমো নমঃ শ্রীগুরুপাদুকাভ্য়াম্ ॥ 1 ॥
কবিত্ববারাশিনিশাকরাভ্য়াং
দৌর্ভাগ্যদাবাংবুদমালিকাভ্য়াম্ ।
দূরীকৃতানম্রবিপত্তিতাভ্য়াং
নমো নমঃ শ্রীগুরুপাদুকাভ্য়াম্ ॥ 2 ॥
নতা যয়োঃ শ্রীপতিতাং সমীয়ুঃ
কদাচিদপ্য়াশু দরিদ্রবর্য়াঃ ।
মূকাশ্চ বাচস্পতিতাং হি তাভ্য়াং
নমো নমঃ শ্রীগুরুপাদুকাভ্য়াম্ ॥ 3 ॥
নালীকনীকাশপদাহৃতাভ্য়াং
নানাবিমোহাদিনিবারিকাভ্য়াম্ ।
নমজ্জনাভীষ্টততিপ্রদাভ্য়াং
নমো নমঃ শ্রীগুরুপাদুকাভ্য়াম্ ॥ 4 ॥
নৃপালিমৌলিব্রজরত্নকাংতি-
সরিদ্বিরাজজ্ঝষকন্যকাভ্য়াম্ ।
নৃপত্বদাভ্য়াং নতলোকপংক্তেঃ
নমো নমঃ শ্রীগুরুপাদুকাভ্য়াম্ ॥ 5 ॥
পাপাংধকারার্কপরংপরাভ্য়াং
তাপত্রয়াহীংদ্রখগেশ্বরাভ্য়াম্ ।
জাড্য়াব্ধিসংশোষণবাডবাভ্য়াম্
নমো নমঃ শ্রীগুরুপাদুকাভ্য়াম্ ॥ 6 ॥
শমাদিষট্কপ্রদবৈভবাভ্য়াং
সমাধিদানব্রতদীক্ষিতাভ্য়াম্ ।
রমাধবাংঘ্রিস্থিরভক্তিদাভ্য়াং
নমো নমঃ শ্রীগুরুপাদুকাভ্য়াম্ ॥ 7 ॥
স্বার্চাপরাণামখিলেষ্টদাভ্য়াং
স্বাহাসহায়াক্ষধুরংধরাভ্য়াম্ ।
স্বাংতাচ্ছভাবপ্রদপূজনাভ্য়াং
নমো নমঃ শ্রীগুরুপাদুকাভ্য়াম্ ॥ 8 ॥
কামাদিসর্পব্রজগারুডাভ্য়াং
বিবেকবৈরাগ্যনিধিপ্রদাভ্য়াম্ ।
বোধপ্রদাভ্য়াং দ্রুতমোক্ষদাভ্য়াং
নমো নমঃ শ্রীগুরুপাদুকাভ্য়াম্ ॥ 9 ॥
