বিশুদ্ধং পরং সচ্চিদানংদরূপং
গুণাধারমাধারহীনং বরেণ্যম্ ।
মহাংতং বিভাংতং গুহাংতং গুণাংতং
সুখাংতং স্বয়ং ধাম রামং প্রপদ্য়ে ॥ 1 ॥
শিবং নিত্যমেকং বিভুং তারকাখ্য়ং
সুখাকারমাকারশূন্য়ং সুমান্যম্ ।
মহেশং কলেশং সুরেশং পরেশং
নরেশং নিরীশং মহীশং প্রপদ্য়ে ॥ 2 ॥
যদাবর্ণযত্কর্ণমূলেঽংতকালে
শিবো রাম রামেতি রামেতি কাশ্য়াম্ ।
তদেকং পরং তারকব্রহ্মরূপং
ভজেঽহং ভজেঽহং ভজেঽহং ভজেঽহম্ ॥ 3 ॥
মহারত্নপীঠে শুভে কল্পমূলে
সুখাসীনমাদিত্যকোটিপ্রকাশম্ ।
সদা জানকীলক্ষ্মণোপেতমেকং
সদা রামচংদ্রং ভজেঽহং ভজেঽহম্ ॥ 4 ॥
ক্বণদ্রত্নমংজীরপাদারবিংদং
লসন্মেখলাচারুপীতাংবরাঢ্যম্ ।
মহারত্নহারোল্লসত্কৌস্তুভাংগং
নদচ্চংচরীমংজরীলোলমালম্ ॥ 5 ॥
লসচ্চংদ্রিকাস্মেরশোণাধরাভং
সমুদ্যত্পতংগেংদুকোটিপ্রকাশম্ ।
নমদ্ব্রহ্মরুদ্রাদিকোটীররত্ন
স্ফুরত্কাংতিনীরাজনারাধিতাংঘ্রিম্ ॥ 6 ॥
পুরঃ প্রাংজলীনাংজনেয়াদিভক্তান্
স্বচিন্মুদ্রয়া ভদ্রয়া বোধয়ংতম্ ।
ভজেঽহং ভজেঽহং সদা রামচংদ্রং
ত্বদন্য়ং ন মন্য়ে ন মন্য়ে ন মন্য়ে ॥ 7 ॥
যদা মত্সমীপং কৃতাংতঃ সমেত্য়
প্রচংডপ্রকোপৈর্ভটৈর্ভীষয়েন্মাম্ ।
তদাবিষ্করোষি ত্বদীয়ং স্বরূপং
সদাপত্প্রণাশং সকোদংডবাণম্ ॥ 8 ॥
নিজে মানসে মংদিরে সন্নিধেহি
প্রসীদ প্রসীদ প্রভো রামচংদ্র ।
সসৌমিত্রিণা কৈকয়ীনংদনেন
স্বশক্ত্য়ানুভক্ত্য়া চ সংসেব্যমান ॥ 9 ॥
স্বভক্তাগ্রগণ্য়ৈঃ কপীশৈর্মহীশৈ-
-রনীকৈরনেকৈশ্চ রাম প্রসীদ ।
নমস্তে নমোঽস্ত্বীশ রাম প্রসীদ
প্রশাধি প্রশাধি প্রকাশং প্রভো মাম্ ॥ 10 ॥
ত্বমেবাসি দৈবং পরং মে যদেকং
সুচৈতন্যমেতত্ত্বদন্য়ং ন মন্য়ে ।
যতোঽভূদমেয়ং বিযদ্বায়ুতেজো
জলোর্ব্য়াদিকার্য়ং চরং চাচরং চ ॥ 11 ॥
নমঃ সচ্চিদানংদরূপায় তস্মৈ
নমো দেবদেবায় রামায় তুভ্যম্ ।
নমো জানকীজীবিতেশায় তুভ্য়ং
নমঃ পুংডরীকাযতাক্ষায় তুভ্যম্ ॥ 12 ॥
নমো ভক্তিয়ুক্তানুরক্তায় তুভ্য়ং
নমঃ পুণ্যপুংজৈকলভ্য়ায় তুভ্যম্ ।
নমো বেদবেদ্য়ায় চাদ্য়ায় পুংসে
নমঃ সুংদরায়েংদিরাবল্লভায় ॥ 13 ॥
নমো বিশ্বকর্ত্রে নমো বিশ্বহর্ত্রে
নমো বিশ্বভোক্ত্রে নমো বিশ্বমাত্রে ।
নমো বিশ্বনেত্রে নমো বিশ্বজেত্রে
নমো বিশ্বপিত্রে নমো বিশ্বমাত্রে ॥ 14 ॥
নমস্তে নমস্তে সমস্তপ্রপংচ-
-প্রভোগপ্রয়োগপ্রমাণপ্রবীণ ।
মদীয়ং মনস্ত্বত্পদদ্বংদ্বসেবাং
বিধাতুং প্রবৃত্তং সুচৈতন্যসিদ্ধ্য়ৈ ॥ 15 ॥
শিলাপি ত্বদংঘ্রিক্ষমাসংগিরেণু
প্রসাদাদ্ধি চৈতন্যমাধত্ত রাম ।
নরস্ত্বত্পদদ্বংদ্বসেবাবিধানা-
-ত্সুচৈতন্যমেতীতি কিং চিত্রমত্র ॥ 16 ॥
পবিত্রং চরিত্রং বিচিত্রং ত্বদীয়ং
নরা যে স্মরংত্যন্বহং রামচংদ্র ।
ভবংতং ভবাংতং ভরংতং ভজংতো
লভংতে কৃতাংতং ন পশ্য়ংত্যতোঽংতে ॥ 17 ॥
স পুণ্য়ঃ স গণ্য়ঃ শরণ্য়ো মমায়ং
নরো বেদ যো দেবচূডামণিং ত্বাম্ ।
সদাকারমেকং চিদানংদরূপং
মনোবাগগম্য়ং পরং ধাম রাম ॥ 18 ॥
প্রচংডপ্রতাপপ্রভাবাভিভূত-
-প্রভূতারিবীর প্রভো রামচংদ্র ।
বলং তে কথং বর্ণ্যতেঽতীব বাল্য়ে
যতোঽখংডি চংডীশকোদংডদংডম্ ॥ 19 ॥
দশগ্রীবমুগ্রং সপুত্রং সমিত্রং
সরিদ্দুর্গমধ্যস্থরক্ষোগণেশম্ ।
ভবংতং বিনা রাম বীরো নরো বা
সুরো বাঽমরো বা জয়েত্কস্ত্রিলোক্য়াম্ ॥ 20 ॥
সদা রাম রামেতি রামামৃতং তে
সদারামমানংদনিষ্য়ংদকংদম্ ।
পিবংতং নমংতং সুদংতং হসংতং
হনূমংতমংতর্ভজে তং নিতাংতম্ ॥ 21 ॥
সদা রাম রামেতি রামামৃতং তে
সদারামমানংদনিষ্য়ংদকংদম্ ।
পিবন্নন্বহং নন্বহং নৈব মৃত্য়ো-
-র্বিভেমি প্রসাদাদসাদাত্তবৈব ॥ 22 ॥
অসীতাসমেতৈরকোদংডভূষৈ-
-রসৌমিত্রিবংদ্য়ৈরচংডপ্রতাপৈঃ ।
অলংকেশকালৈরসুগ্রীবমিত্রৈ-
-ররামাভিধেয়ৈরলং দৈবতৈর্নঃ ॥ 23 ॥
অবীরাসনস্থৈরচিন্মুদ্রিকাঢ্য়ৈ-
-রভক্তাংজনেয়াদিতত্ত্বপ্রকাশৈঃ ।
অমংদারমূলৈরমংদারমালৈ-
-ররামাভিধেয়ৈরলং দৈবতৈর্নঃ ॥ 24 ॥
অসিংধুপ্রকোপৈরবংদ্যপ্রতাপৈ-
-রবংধুপ্রয়াণৈরমংদস্মিতাঢ্য়ৈঃ ।
অদংডপ্রবাসৈরখংডপ্রবোধৈ-
-ররামাভিধেয়ৈরলং দৈবতৈর্নঃ ॥ 25 ॥
হরে রাম সীতাপতে রাবণারে
খরারে মুরারেঽসুরারে পরেতি ।
লপংতং নয়ংতং সদাকালমেবং
সমালোকয়ালোকয়াশেষবংধো ॥ 26 ॥
নমস্তে সুমিত্রাসুপুত্রাভিবংদ্য়
নমস্তে সদা কৈকয়ীনংদনেড্য় ।
নমস্তে সদা বানরাধীশবংদ্য়
নমস্তে নমস্তে সদা রামচংদ্র ॥ 27 ॥
প্রসীদ প্রসীদ প্রচংডপ্রতাপ
প্রসীদ প্রসীদ প্রচংডারিকাল ।
প্রসীদ প্রসীদ প্রপন্নানুকংপিন্
প্রসীদ প্রসীদ প্রভো রামচংদ্র ॥ 28 ॥
ভুজংগপ্রয়াতং পরং বেদসারং
মুদা রামচংদ্রস্য় ভক্ত্য়া চ নিত্যম্ ।
পঠন্সংততং চিংতযন্স্বাংতরংগে
স এব স্বয়ং রামচংদ্রঃ স ধন্য়ঃ ॥ 29 ॥
ইতি শ্রীমচ্ছংকরাচার্য় কৃতং শ্রী রাম ভুজংগপ্রয়াত স্তোত্রম্ ।
