𑌅𑌨𑌂𑌤𑌸𑌂𑌸𑌾𑌰𑌸𑌮𑍁𑌦𑍍𑌰𑌤𑌾𑌰-
𑌨𑍌𑌕𑌾𑌯𑌿𑌤𑌾𑌭𑍍𑌯𑌾𑌂 𑌗𑍁𑌰𑍁𑌭𑌕𑍍𑌤𑌿𑌦𑌾𑌭𑍍𑌯𑌾𑌮𑍍 ।
𑌵𑍈𑌰𑌾𑌗𑍍𑌯𑌸𑌾𑌮𑍍𑌰𑌾𑌜𑍍𑌯𑌦𑌪𑍂𑌜𑌨𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑍍𑌰𑍀𑌗𑍁𑌰𑍁𑌪𑌾𑌦𑍁𑌕𑌾𑌭𑍍𑌯𑌾𑌮𑍍 ॥ 1 ॥
𑌕𑌵𑌿𑌤𑍍𑌵𑌵𑌾𑌰𑌾𑌶𑌿𑌨𑌿𑌶𑌾𑌕𑌰𑌾𑌭𑍍𑌯𑌾𑌂
𑌦𑍌𑌰𑍍𑌭𑌾𑌗𑍍𑌯𑌦𑌾𑌵𑌾𑌂𑌬𑍁𑌦𑌮𑌾𑌲𑌿𑌕𑌾𑌭𑍍𑌯𑌾𑌮𑍍 ।
𑌦𑍂𑌰𑍀𑌕𑍃𑌤𑌾𑌨𑌮𑍍𑌰𑌵𑌿𑌪𑌤𑍍𑌤𑌿𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑍍𑌰𑍀𑌗𑍁𑌰𑍁𑌪𑌾𑌦𑍁𑌕𑌾𑌭𑍍𑌯𑌾𑌮𑍍 ॥ 2 ॥
𑌨𑌤𑌾 𑌯𑌯𑍋𑌃 𑌶𑍍𑌰𑍀𑌪𑌤𑌿𑌤𑌾𑌂 𑌸𑌮𑍀𑌯𑍁𑌃
𑌕𑌦𑌾𑌚𑌿𑌦𑌪𑍍𑌯𑌾𑌶𑍁 𑌦𑌰𑌿𑌦𑍍𑌰𑌵𑌰𑍍𑌯𑌾𑌃 ।
𑌮𑍂𑌕𑌾𑌶𑍍𑌚 𑌵𑌾𑌚𑌸𑍍𑌪𑌤𑌿𑌤𑌾𑌂 𑌹𑌿 𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑍍𑌰𑍀𑌗𑍁𑌰𑍁𑌪𑌾𑌦𑍁𑌕𑌾𑌭𑍍𑌯𑌾𑌮𑍍 ॥ 3 ॥
𑌨𑌾𑌲𑍀𑌕𑌨𑍀𑌕𑌾𑌶𑌪𑌦𑌾𑌹𑍃𑌤𑌾𑌭𑍍𑌯𑌾𑌂
𑌨𑌾𑌨𑌾𑌵𑌿𑌮𑍋𑌹𑌾𑌦𑌿𑌨𑌿𑌵𑌾𑌰𑌿𑌕𑌾𑌭𑍍𑌯𑌾𑌮𑍍 ।
𑌨𑌮𑌜𑍍𑌜𑌨𑌾𑌭𑍀𑌷𑍍𑌟𑌤𑌤𑌿𑌪𑍍𑌰𑌦𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑍍𑌰𑍀𑌗𑍁𑌰𑍁𑌪𑌾𑌦𑍁𑌕𑌾𑌭𑍍𑌯𑌾𑌮𑍍 ॥ 4 ॥
𑌨𑍃𑌪𑌾𑌲𑌿𑌮𑍌𑌲𑌿𑌵𑍍𑌰𑌜𑌰𑌤𑍍𑌨𑌕𑌾𑌂𑌤𑌿-
𑌸𑌰𑌿𑌦𑍍𑌵𑌿𑌰𑌾𑌜𑌜𑍍𑌝𑌷𑌕𑌨𑍍𑌯𑌕𑌾𑌭𑍍𑌯𑌾𑌮𑍍 ।
𑌨𑍃𑌪𑌤𑍍𑌵𑌦𑌾𑌭𑍍𑌯𑌾𑌂 𑌨𑌤𑌲𑍋𑌕𑌪𑌂𑌕𑍍𑌤𑍇𑌃
𑌨𑌮𑍋 𑌨𑌮𑌃 𑌶𑍍𑌰𑍀𑌗𑍁𑌰𑍁𑌪𑌾𑌦𑍁𑌕𑌾𑌭𑍍𑌯𑌾𑌮𑍍 ॥ 5 ॥
𑌪𑌾𑌪𑌾𑌂𑌧𑌕𑌾𑌰𑌾𑌰𑍍𑌕𑌪𑌰𑌂𑌪𑌰𑌾𑌭𑍍𑌯𑌾𑌂
𑌤𑌾𑌪𑌤𑍍𑌰𑌯𑌾𑌹𑍀𑌂𑌦𑍍𑌰𑌖𑌗𑍇𑌶𑍍𑌵𑌰𑌾𑌭𑍍𑌯𑌾𑌮𑍍 ।
𑌜𑌾𑌡𑍍𑌯𑌾𑌬𑍍𑌧𑌿𑌸𑌂𑌶𑍋𑌷𑌣𑌵𑌾𑌡𑌵𑌾𑌭𑍍𑌯𑌾𑌮𑍍
𑌨𑌮𑍋 𑌨𑌮𑌃 𑌶𑍍𑌰𑍀𑌗𑍁𑌰𑍁𑌪𑌾𑌦𑍁𑌕𑌾𑌭𑍍𑌯𑌾𑌮𑍍 ॥ 6 ॥
𑌶𑌮𑌾𑌦𑌿𑌷𑌟𑍍𑌕𑌪𑍍𑌰𑌦𑌵𑍈𑌭𑌵𑌾𑌭𑍍𑌯𑌾𑌂
𑌸𑌮𑌾𑌧𑌿𑌦𑌾𑌨𑌵𑍍𑌰𑌤𑌦𑍀𑌕𑍍𑌷𑌿𑌤𑌾𑌭𑍍𑌯𑌾𑌮𑍍 ।
𑌰𑌮𑌾𑌧𑌵𑌾𑌂𑌘𑍍𑌰𑌿𑌸𑍍𑌥𑌿𑌰𑌭𑌕𑍍𑌤𑌿𑌦𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑍍𑌰𑍀𑌗𑍁𑌰𑍁𑌪𑌾𑌦𑍁𑌕𑌾𑌭𑍍𑌯𑌾𑌮𑍍 ॥ ॥
𑌸𑍍𑌵𑌾𑌰𑍍𑌚𑌾𑌪𑌰𑌾𑌣𑌾𑌮𑌖𑌿𑌲𑍇𑌷𑍍𑌟𑌦𑌾𑌭𑍍𑌯𑌾𑌂
𑌸𑍍𑌵𑌾𑌹𑌾𑌸𑌹𑌾𑌯𑌾𑌕𑍍𑌷𑌧𑍁𑌰𑌂𑌧𑌰𑌾𑌭𑍍𑌯𑌾𑌮𑍍 ।
𑌸𑍍𑌵𑌾𑌂𑌤𑌾𑌚𑍍𑌛𑌭𑌾𑌵𑌪𑍍𑌰𑌦𑌪𑍂𑌜𑌨𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑍍𑌰𑍀𑌗𑍁𑌰𑍁𑌪𑌾𑌦𑍁𑌕𑌾𑌭𑍍𑌯𑌾𑌮𑍍 ॥ ॥
𑌕𑌾𑌮𑌾𑌦𑌿𑌸𑌰𑍍𑌪𑌵𑍍𑌰𑌜𑌗𑌾𑌰𑍁𑌡𑌾𑌭𑍍𑌯𑌾𑌂
𑌵𑌿𑌵𑍇𑌕𑌵𑍈𑌰𑌾𑌗𑍍𑌯𑌨𑌿𑌧𑌿𑌪𑍍𑌰𑌦𑌾𑌭𑍍𑌯𑌾𑌮𑍍 ।
𑌬𑍋𑌧𑌪𑍍𑌰𑌦𑌾𑌭𑍍𑌯𑌾𑌂 𑌦𑍍𑌰𑍁𑌤𑌮𑍋𑌕𑍍𑌷𑌦𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑍍𑌰𑍀𑌗𑍁𑌰𑍁𑌪𑌾𑌦𑍁𑌕𑌾𑌭𑍍𑌯𑌾𑌮𑍍 ॥ ॥
