নমঃ শিবাভ্য়াং নবয়ৌবনাভ্য়াং
পরস্পরাশ্লিষ্টবপুর্ধরাভ্য়াম্ ।
নগেংদ্রকন্য়াবৃষকেতনাভ্য়াং
নমো নমঃ শংকরপার্বতীভ্য়াম্ ॥ 1 ॥
নমঃ শিবাভ্য়াং সরসোত্সবাভ্য়াং
নমস্কৃতাভীষ্টবরপ্রদাভ্য়াম্ ।
নারাযণেনার্চিতপাদুকাভ্য়াং
নমো নমঃ শংকরপার্বতীভ্য়াম্ ॥ 2 ॥
নমঃ শিবাভ্য়াং বৃষবাহনাভ্য়াং
বিরিংচিবিষ্ণ্বিংদ্রসুপূজিতাভ্য়াম্ ।
বিভূতিপাটীরবিলেপনাভ্য়াং
নমো নমঃ শংকরপার্বতীভ্য়াম্ ॥ 3 ॥
নমঃ শিবাভ্য়াং জগদীশ্বরাভ্য়াং
জগত্পতিভ্য়াং জযবিগ্রহাভ্য়াম্ ।
জংভারিমুখ্য়ৈরভিবংদিতাভ্য়াং
নমো নমঃ শংকরপার্বতীভ্য়াম্ ॥ 4 ॥
নমঃ শিবাভ্য়াং পরমৌষধাভ্য়াং
পংচাক্ষরীপংজররংজিতাভ্য়াম্ ।
প্রপংচসৃষ্টিস্থিতিসংহৃতাভ্য়াং
নমো নমঃ শংকরপার্বতীভ্য়াম্ ॥ 5 ॥
নমঃ শিবাভ্য়ামতিসুংদরাভ্য়াং
অত্য়ংতমাসক্তহৃদংবুজাভ্য়াম্ ।
অশেষলোকৈকহিতংকরাভ্য়াং
নমো নমঃ শংকরপার্বতীভ্য়াম্ ॥ 6 ॥
নমঃ শিবাভ্য়াং কলিনাশনাভ্য়াং
কংকালকল্য়াণবপুর্ধরাভ্য়াম্ ।
কৈলাসশৈলস্থিতদেবতাভ্য়াং
নমো নমঃ শংকরপার্বতীভ্য়াম্ ॥ 7 ॥
নমঃ শিবাভ্য়ামশুভাপহাভ্য়াং
অশেষলোকৈকবিশেষিতাভ্য়াম্ ।
অকুংঠিতাভ্য়াং স্মৃতিসংভৃতাভ্য়াং
নমো নমঃ শংকরপার্বতীভ্য়াম্ ॥ 8 ॥
নমঃ শিবাভ্য়াং রথবাহনাভ্য়াং
রবীংদুবৈশ্বানরলোচনাভ্য়াম্ ।
রাকাশশাংকাভমুখাংবুজাভ্য়াং
নমো নমঃ শংকরপার্বতীভ্য়াম্ ॥ 9 ॥
নমঃ শিবাভ্য়াং জটিলংধরাভ্য়াং
জরামৃতিভ্য়াং চ বিবর্জিতাভ্য়াম্ ।
জনার্দনাব্জোদ্ভবপূজিতাভ্য়াং
নমো নমঃ শংকরপার্বতীভ্য়াম্ ॥ 10 ॥
নমঃ শিবাভ্য়াং বিষমেক্ষণাভ্য়াং
বিল্বচ্ছদামল্লিকদামভৃদ্ভ্য়াম্ ।
শোভাবতীশাংতবতীশ্বরাভ্য়াং
নমো নমঃ শংকরপার্বতীভ্য়াম্ ॥ 11 ॥
নমঃ শিবাভ্য়াং পশুপালকাভ্য়াং
জগত্রয়ীরক্ষণবদ্ধহৃদ্ভ্য়াম্ ।
সমস্তদেবাসুরপূজিতাভ্য়াং
নমো নমঃ শংকরপার্বতীভ্য়াম্ ॥ 12 ॥
স্তোত্রং ত্রিসংধ্য়ং শিবপার্বতীভ্য়াং
ভক্ত্য়া পঠেদ্দ্বাদশকং নরো যঃ ।
স সর্বসৌভাগ্যফলানি
ভুংক্তে শতায়ুরাংতে শিবলোকমেতি ॥ 13 ॥
