যা কুংদেংদু তুষারহারধবলা যা শুভ্রবস্ত্রাবৃতা
যা বীণাবরদংডমংডিতকরা যা শ্বেতপদ্মাসনা ।
যা ব্রহ্মাচ্য়ুত শংকরপ্রভৃতিভির্দেবৈস্সদা পূজিতা
সা মাং পাতু সরস্বতী ভগবতী নিশ্শেষজাড্য়াপহা ॥ 1 ॥
দোর্ভির্য়ুক্তা চতুর্ভিঃ স্ফটিকমণিনিভৈ রক্ষমালাংদধানা
হস্তেনৈকেন পদ্মং সিতমপিচ শুকং পুস্তকং চাপরেণ ।
ভাসা কুংদেংদুশংখস্ফটিকমণিনিভা ভাসমানাzসমানা
সা মে বাগ্দেবতেয়ং নিবসতু বদনে সর্বদা সুপ্রসন্না ॥ 2 ॥
সুরাসুরৈস্সেবিতপাদপংকজা করে বিরাজত্কমনীযপুস্তকা ।
বিরিংচিপত্নী কমলাসনস্থিতা সরস্বতী নৃত্যতু বাচি মে সদা ॥ 3 ॥
সরস্বতী সরসিজকেসরপ্রভা তপস্বিনী সিতকমলাসনপ্রিয়া ।
ঘনস্তনী কমলবিলোললোচনা মনস্বিনী ভবতু বরপ্রসাদিনী ॥ 4 ॥
সরস্বতি নমস্তুভ্য়ং বরদে কামরূপিণি ।
বিদ্য়ারংভং করিষ্য়ামি সিদ্ধির্ভবতু মে সদা ॥ 5 ॥
সরস্বতি নমস্তুভ্য়ং সর্বদেবি নমো নমঃ ।
শাংতরূপে শশিধরে সর্বয়োগে নমো নমঃ ॥ 6 ॥
নিত্য়ানংদে নিরাধারে নিষ্কলায়ৈ নমো নমঃ ।
বিদ্য়াধরে বিশালাক্ষি শুদ্ধজ্ঞানে নমো নমঃ ॥ 7 ॥
শুদ্ধস্ফটিকরূপায়ৈ সূক্ষ্মরূপে নমো নমঃ ।
শব্দব্রহ্মি চতুর্হস্তে সর্বসিদ্ধ্য়ৈ নমো নমঃ ॥ 8 ॥
মুক্তালংকৃত সর্বাংগ্য়ৈ মূলাধারে নমো নমঃ ।
মূলমংত্রস্বরূপায়ৈ মূলশক্ত্য়ৈ নমো নমঃ ॥ 9 ॥
মনোন্মনি মহাভোগে বাগীশ্বরি নমো নমঃ ।
বাগ্ম্য়ৈ বরদহস্তায়ৈ বরদায়ৈ নমো নমঃ ॥ 10 ॥
বেদায়ৈ বেদরূপায়ৈ বেদাংতায়ৈ নমো নমঃ ।
গুণদোষবিবর্জিন্য়ৈ গুণদীপ্ত্য়ৈ নমো নমঃ ॥ 11 ॥
সর্বজ্ঞানে সদানংদে সর্বরূপে নমো নমঃ ।
সংপন্নায়ৈ কুমার্য়ৈ চ সর্বজ্ঞে তে নমো নমঃ ॥ 12 ॥
যোগানার্য় উমাদেব্য়ৈ যোগানংদে নমো নমঃ ।
দিব্যজ্ঞান ত্রিনেত্রায়ৈ দিব্যমূর্ত্য়ৈ নমো নমঃ ॥ 13 ॥
অর্ধচংদ্রজটাধারি চংদ্রবিংবে নমো নমঃ ।
চংদ্রাদিত্যজটাধারি চংদ্রবিংবে নমো নমঃ ॥ 14 ॥
অণুরূপে মহারূপে বিশ্বরূপে নমো নমঃ ।
অণিমাদ্যষ্টসিদ্ধায়ৈ আনংদায়ৈ নমো নমঃ ॥ 15 ॥
জ্ঞান বিজ্ঞান রূপায়ৈ জ্ঞানমূর্তে নমো নমঃ ।
নানাশাস্ত্র স্বরূপায়ৈ নানারূপে নমো নমঃ ॥ 16 ॥
পদ্মজা পদ্মবংশা চ পদ্মরূপে নমো নমঃ ।
পরমেষ্ঠ্য়ৈ পরামূর্ত্য়ৈ নমস্তে পাপনাশিনী ॥ 17 ॥
মহাদেব্য়ৈ মহাকাল্য়ৈ মহালক্ষ্ম্য়ৈ নমো নমঃ ।
ব্রহ্মবিষ্ণুশিবায়ৈ চ ব্রহ্মনার্য়ৈ নমো নমঃ ॥ 18 ॥
কমলাকরপুষ্পা চ কামরূপে নমো নমঃ ।
কপালিকর্মদীপ্তায়ৈ কর্মদায়ৈ নমো নমঃ ॥ 19 ॥
সায়ং প্রাতঃ পঠেন্নিত্য়ং ষণ্মাসাত্সিদ্ধিরুচ্যতে ।
চোরব্য়াঘ্রভয়ং নাস্তি পঠতাং শৃণ্বতামপি ॥ 20 ॥
ইত্থং সরস্বতী স্তোত্রমগস্ত্যমুনি বাচকম্ ।
সর্বসিদ্ধিকরং নৄণাং সর্বপাপপ্রণাশনম্ ॥ 21 ॥
