জয় কামেশি চামুংডে জয় ভূতাপহারিণি ।
জয় সর্বগতে দেবি কামেশ্বরি নমোঽস্তু তে ॥ 1 ॥
বিশ্বমূর্তে শুভে শুদ্ধে বিরূপাক্ষি ত্রিলোচনে ।
ভীমরূপে শিবে বিদ্য়ে কামেশ্বরি নমোঽস্তু তে ॥ 2 ॥
মালাজয়ে জয়ে জংভে ভূতাক্ষি ক্ষুভিতেঽক্ষয়ে ।
মহামায়ে মহেশানি কামেশ্বরি নমোঽস্তু তে ॥ 3 ॥
ভীমাক্ষি ভীষণে দেবি সর্বভূতক্ষয়ংকরি ।
কালি চ বিকরালি চ কামেশ্বরি নমোঽস্তু তে ॥ 3 ॥
কালি করালবিক্রাংতে কামেশ্বরি হরপ্রিয়ে ।
সর্বশাস্ত্রসারভূতে কামেশ্বরি নমোঽস্তু তে ॥ 4 ॥
কামরূপপ্রদীপে চ নীলকূটনিবাসিনি ।
নিশুংভশুংভমথনি কামেশ্বরি নমোঽস্তু তে ॥ 5 ॥
কামাখ্য়ে কামরূপস্থে কামেশ্বরি হরিপ্রিয়ে ।
কামনাং দেহি মে নিত্য়ং কামেশ্বরি নমোঽস্তু তে ॥ 6 ॥
বপানাঢ্যমহাবক্ত্রে তথা ত্রিভুবনেশ্বরি ।
মহিষাসুরবধে দেবি কামেশ্বরি নমোঽস্তু তে ॥ 7 ॥
ছাগতুষ্টে মহাভীমে কামাখ্য়ে সুরবংদিতে ।
জয় কামপ্রদে তুষ্টে কামেশ্বরি নমোঽস্তু তে ॥ 8 ॥
ভ্রষ্টরাজ্য়ো যদা রাজা নবম্য়াং নিযতঃ শুচিঃ ।
অষ্টম্য়াং চ চতুর্দশ্য়ামুপবাসী নরোত্তমঃ ॥ 9 ॥
সংবত্সরেণ লভতে রাজ্য়ং নিষ্কংটকং পুনঃ ।
য ইদং শৃণুয়াদ্ভক্ত্য়া তব দেবি সমুদ্ভবম্ ।
সর্বপাপবিনির্মুক্তঃ পরং নির্বাণমৃচ্ছতি ॥ 10 ॥
শ্রীকামরূপেশ্বরি ভাস্করপ্রভেপ্রকাশিতাংভোজনিভাযতাননে ।
সুরারিরক্ষঃস্তুতিপাতনোত্সুকেত্রয়ীময়ে দেবনুতে নমামি ॥ 11 ॥
সিতাসিতে রক্তপিশংগবিগ্রহেরূপাণি যস্য়াঃ প্রতিভাংতি তানি ।
বিকাররূপা চ বিকল্পিতানিশুভাশুভানামপি তাং নমামি ॥ 12 ॥
কামরূপসমুদ্ভূতে কামপীঠাবতংসকে ।
বিশ্বাধারে মহামায়ে কামেশ্বরি নমোঽস্তু তে ॥ 13 ॥
অব্যক্তবিগ্রহে শাংতে সংততে কামরূপিণি ।
কালগম্য়ে পরে শাংতে কামেশ্বরি নমোঽস্তু তে ॥ 14 ॥
যা সুষুম্নাংতরালস্থা চিংত্যতে জ্য়োতিরূপিণী ।
প্রণতোঽস্মি পরাং বীরাং কামেশ্বরি নমোঽস্তু তে ॥ 15 ॥
দংষ্ট্রাকরালবদনে মুংডমালোপশোভিতে ।
সর্বতঃ সর্বগে দেবি কামেশ্বরি নমোঽস্তু তে ॥ 16 ॥
চামুংডে চ মহাকালি কালি কপালহারিণী ।
পাশহস্তে দংডহস্তে কামেশ্বরি নমোঽস্তু তে ॥ 17 ॥
চামুংডে কুলমালাস্য়ে তীক্ষ্ণদংষ্ট্রে মহাবলে ।
শবয়ানস্থিতে দেবি কামেশ্বরি নমোঽস্তু তে ॥ 18 ॥
ইতি শ্রী কামাখ্য়া স্তোত্রম্ ।
