(শ্রীদেবীভাগবতং, দ্বাদশ স্কংধং, দ্বাদশোঽধ্য়ায়ঃ, মণিদ্বীপ বর্ণন - 3)
ব্য়াস উবাচ ।
তদেব দেবীসদনং মধ্যভাগে বিরাজতে ।
সহস্র স্তংভসংয়ুক্তাশ্চত্বারস্তেষু মংডপাঃ ॥ 1 ॥
শৃংগারমংডপশ্চৈকো মুক্তিমংডপ এব চ ।
জ্ঞানমংডপ সংজ্ঞস্তু তৃতীয়ঃ পরিকীর্তিতঃ ॥ 2 ॥
একাংতমংডপশ্চৈব চতুর্থঃ পরিকীর্তিতঃ ।
নানা বিতানসংয়ুক্তা নানা ধূপৈস্তু ধূপিতাঃ ॥ 3 ॥
কোটিসূর্যসমাঃ কাংত্য়া ভ্রাংজংতে মংডপাঃ শুভাঃ ।
তন্মংডপানাং পরিতঃ কাশ্মীরবনিকা স্মৃতা ॥ 4 ॥
মল্লিকাকুংদবনিকা যত্র পুষ্কলকাঃ স্থিতাঃ ।
অসংখ্য়াতা মৃগমদৈঃ পূরিতাস্তত্স্রবা নৃপ ॥ 5 ॥
মহাপদ্মাটবী তদ্বদ্রত্নসোপাননির্মিতা ।
সুধারসেনসংপূর্ণা গুংজন্মত্তমধুব্রতা ॥ 6 ॥
হংসকারংডবাকীর্ণা গংধপূরিত দিক্তটা ।
বনিকানাং সুগংধৈস্তু মণিদ্বীপং সুবাসিতম্ ॥ 7 ॥
শৃংগারমংডপে দেব্য়ো গায়ংতি বিবিধৈঃ স্বরৈঃ ।
সভাসদো দেববশা মধ্য়ে শ্রীজগদংবিকা ॥ 8 ॥
মুক্তিমংডপমধ্য়ে তু মোচযত্যনিশং শিবা ।
জ্ঞানোপদেশং কুরুতে তৃতীয়ে নৃপ মংডপে ॥ 9 ॥
চতুর্থমংডপে চৈব জগদ্রক্ষা বিচিংতনম্ ।
মংত্রিণী সহিতা নিত্য়ং করোতি জগদংবিকা ॥ 10 ॥
চিংতামণিগৃহে রাজংছক্তি তত্ত্বাত্মকৈঃ পরৈঃ ।
সোপানৈর্দশভির্য়ুক্তো মংচকোপ্যধিরাজতে ॥ 11 ॥
ব্রহ্মা বিষ্ণুশ্চ রুদ্রশ্চ ঈশ্বরশ্চ সদাশিবঃ ।
এতে মংচখুরাঃ প্রোক্তাঃ ফলকস্তু সদাশিবঃ ॥ 12 ॥
তস্য়োপরি মহাদেবো ভুবনেশো বিরাজতে ।
যা দেবী নিজলীলার্থং দ্বিধাভূতা বভূবহ ॥ 13 ॥
সৃষ্ট্য়াদৌ তু স এবায়ং তদর্ধাংগো মহেশ্বরঃ ।
কংদর্প দর্পনাশোদ্যত্কোটি কংদর্পসুংদরঃ ॥ 14 ॥
পংচবক্ত্রস্ত্রিনেত্রশ্চ মণিভূষণ ভূষিতঃ ।
হরিণাভীতিপরশূন্বরং চ নিজবাহুভিঃ ॥ 15 ॥
দধানঃ ষোডশাব্দোঽসৌ দেবঃ সর্বেশ্বরো মহান্ ।
কোটিসূর্য় প্রতীকাশশ্চংদ্রকোটি সুশীতলঃ ॥ 16 ॥
শুদ্ধস্ফটিক সংকাশস্ত্রিনেত্রঃ শীতল দ্য়ুতিঃ ।
বামাংকে সন্নিষণ্ণাঽস্য় দেবী শ্রীভুবনেশ্বরী ॥ 17 ॥
নবরত্নগণাকীর্ণ কাংচীদাম বিরাজিতা ।
তপ্তকাংচনসন্নদ্ধ বৈদূর্য়াংগদভূষণা ॥ 18 ॥
কনচ্ছ্রীচক্রতাটংক বিটংক বদনাংবুজা ।
ললাটকাংতি বিভব বিজিতার্ধসুধাকরা ॥ 19 ॥
বিংবকাংতি তিরস্কারিরদচ্ছদ বিরাজিতা ।
লসত্কুংকুমকস্তূরীতিলকোদ্ভাসিতাননা ॥ 20 ॥
দিব্য় চূডামণি স্ফার চংচচ্চংদ্রকসূর্যকা ।
উদ্যত্কবিসমস্বচ্ছ নাসাভরণ ভাসুরা ॥ 21 ॥
চিংতাকলংবিতস্বচ্ছ মুক্তাগুচ্ছ বিরাজিতা ।
পাটীর পংক কর্পূর কুংকুমালংকৃত স্তনী ॥ 22 ॥
বিচিত্র বিবিধা কল্পা কংবুসংকাশ কংধরা ।
দাডিমীফলবীজাভ দংতপংক্তি বিরাজিতা ॥ 23 ॥
অনর্ঘ্য় রত্নঘটিত মুকুটাংচিত মস্তকা ।
মত্তালিমালাবিলসদলকাঢ্য় মুখাংবুজা ॥ 24 ॥
কলংককার্শ্যনির্মুক্ত শরচ্চংদ্রনিভাননা ।
জাহ্নবীসলিলাবর্ত শোভিনাভিবিভূষিতা ॥ 25 ॥
মাণিক্য় শকলাবদ্ধ মুদ্রিকাংগুলিভূষিতা ।
পুংডরীকদলাকার নযনত্রযসুংদরী ॥ 26 ॥
কল্পিতাচ্ছ মহারাগ পদ্মরাগোজ্জ্বলপ্রভা ।
রত্নকিংকিণিকায়ুক্ত রত্নকংকণশোভিতা ॥ 27 ॥
মণিমুক্তাসরাপার লসত্পদকসংততিঃ ।
রত্নাংগুলিপ্রবিতত প্রভাজাললসত্করা ॥ 28 ॥
কংচুকীগুংফিতাপার নানা রত্নততিদ্য়ুতিঃ ।
মল্লিকামোদি ধম্মিল্ল মল্লিকালিসরাবৃতা ॥ 29 ॥
সুবৃত্তনিবিডোত্তুংগ কুচভারালসা শিবা ।
বরপাশাংকুশাভীতি লসদ্বাহু চতুষ্টয়া ॥ 30 ॥
সর্বশৃংগারবেষাঢ্য়া সুকুমারাংগবল্লরী ।
সৌংদর্যধারাসর্বস্বা নির্ব্য়াজকরুণাময়ী ॥ 31 ॥
নিজসংলাপমাধুর্য় বিনির্ভর্ত্সিতকচ্ছপী ।
কোটিকোটিরবীংদূনাং কাংতিং যা বিভ্রতী পরা ॥ 32 ॥
নানা সখীভির্দাসীভিস্তথা দেবাংগনাদিভিঃ ।
সর্বাভির্দেবতাভিস্তু সমংতাত্পরিবেষ্টিতা ॥ 33 ॥
ইচ্ছাশক্ত্য়া জ্ঞানশক্ত্য়া ক্রিয়াশক্ত্য়া সমন্বিতা ।
লজ্জা তুষ্টিস্তথা পুষ্টিঃ কীর্তিঃ কাংতিঃ ক্ষমা দয়া ॥ 34 ॥
বুদ্ধির্মেধাস্মৃতির্লক্ষ্মীর্মূর্তিমত্য়োংগনাঃ স্মৃতাঃ ।
জয়া চ বিজয়া চৈবাপ্যজিতা চাপরাজিতা ॥ 35 ॥
নিত্য়া বিলাসিনী দোগ্ধ্রী ত্বঘোরা মংগলা নবা ।
পীঠশক্তয় এতাস্তু সেবংতে যাং পরাংবিকাম্ ॥ 36 ॥
যস্য়াস্তু পার্শ্বভাগেস্তোনিধীতৌ শংখপদ্মকৌ ।
নবরত্ন বহানদ্যস্তথা বৈ কাংচনস্রবাঃ ॥ 37 ॥
সপ্তধাতুবহানদ্য়ো নিধিভ্য়াং তু বিনির্গতাঃ ।
সুধাসিংধ্বংতগামিন্যস্তাঃ সর্বা নৃপসত্তম ॥ 38 ॥
সা দেবী ভুবনেশানী তদ্বামাংকে বিরাজতে ।
সর্বেশ ত্বং মহেশস্য় যত্সংগা দেব নান্যথা ॥ 39 ॥
চিংতামণি গৃহস্য়াঽস্য় প্রমাণং শৃণু ভূমিপ ।
সহস্রয়োজনায়ামং মহাংতস্তত্প্রচক্ষতে ॥ 40 ॥
তদুত্তরে মহাশালাঃ পূর্বস্মাদ্ দ্বিগুণাঃ স্মৃতাঃ ।
অংতরিক্ষগতং ত্বেতন্নিরাধারং বিরাজতে ॥ 41 ॥
সংকোচশ্চ বিকাশশ্চ জাযতেঽস্য় নিরংতরম্ ।
পটবত্কার্যবশতঃ প্রলয়ে সর্জনে তথা ॥ 42 ॥
শালানাং চৈব সর্বেষাং সর্বকাংতিপরাবধি ।
চিংতামণিগৃহং প্রোক্তং যত্র দেবী মহোময়ী ॥ 43 ॥
যেয়ে উপাসকাঃ সংতি প্রতিব্রহ্মাংডবর্তিনঃ ।
দেবেষু নাগলোকেষু মনুষ্য়েষ্বিতরেষু চ ॥ 44 ॥
শ্রীদেব্য়াস্তে চ সর্বেপি ব্রজংত্যত্রৈব ভূমিপ ।
দেবীক্ষেত্রে যে ত্যজংতি প্রাণাংদেব্যর্চনে রতাঃ ॥ 45 ॥
তে সর্বে যাংতি তত্রৈব যত্র দেবী মহোত্সবা ।
ঘৃতকুল্য়া দুগ্ধকুল্য়া দধিকুল্য়া মধুস্রবাঃ ॥ 46 ॥
স্য়ংদংতি সরিতঃ সর্বাস্তথামৃতবহাঃ পরাঃ ।
দ্রাক্ষারসবহাঃ কাশ্চিজ্জংবূরসবহাঃ পরাঃ ॥ 47 ॥
আম্রেক্ষুরসবাহিন্য়ো নদ্যস্তাস্তু সহস্রশঃ ।
মনোরথফলাবৃক্ষাবাপ্য়ঃ কূপাস্তথৈব চ ॥ 48 ॥
যথেষ্টপানফলদান ন্য়ূনং কিংচিদস্তি হি ।
ন রোগপলিতং বাপি জরা বাপি কদাচন ॥ 49 ॥
ন চিংতা ন চ মাত্সর্য়ং কামক্রোধাদিকং তথা ।
সর্বে যুবানঃ সস্ত্রীকাঃ সহস্রাদিত্যবর্চসঃ ॥ 50 ॥
ভজংতি সততং দেবীং তত্র শ্রীভুবনেশ্বরীম্ ।
কেচিত্সলোকতাপন্নাঃ কেচিত্সামীপ্যতাং গতাঃ ॥ 51 ॥
সরূপতাং গতাঃ কেচিত্সার্ষ্টিতাং চ পরেগতাঃ ।
যায়াস্তু দেবতাস্তত্র প্রতিব্রহ্মাংডবর্তিনাম্ ॥ 52 ॥
সমষ্টয়ঃ স্থিতাস্তাস্তু সেবংতে জগদীশ্বরীম্ ।
সপ্তকোটিমহামংত্রা মূর্তিমংত উপাসতে ॥ 53 ॥
মহাবিদ্য়াশ্চ সকলাঃ সাম্য়াবস্থাত্মিকাং শিবাম্ ।
কারণব্রহ্মরূপাং তাং মায়া শবলবিগ্রহাম্ ॥ 54 ॥
ইত্থং রাজন্ময়া প্রোক্তং মণিদ্বীপং মহত্তরম্ ।
ন সূর্যচংদ্রৌ নো বিদ্য়ুত্কোটয়োগ্নিস্তথৈব চ ॥ 55 ॥
এতস্য় ভাসা কোট্য়ংশ কোট্য়ংশো নাপি তে সমাঃ ।
ক্বচিদ্বিদ্রুমসংকাশং ক্বচিন্মরকতচ্ছবি ॥ 56 ॥
বিদ্য়ুদ্ভানুসমচ্ছায়ং মধ্যসূর্যসমং ক্বচিত্ ।
বিদ্য়ুত্কোটিমহাধারা সারকাংতিততং ক্বচিত্ ॥ 57 ॥
ক্বচিত্সিংদূর নীলেংদ্রং মাণিক্য় সদৃশচ্ছবি ।
হীরসার মহাগর্ভ ধগদ্ধগিত দিক্তটম্ ॥ 58 ॥
কাংত্য়া দাবানলসমং তপ্তকাংচন সন্নিভম্ ।
ক্বচিচ্চংদ্রোপলোদ্গারং সূর্য়োদ্গারং চ কুত্র চিত্ ॥ 59 ॥
রত্নশৃংগি সমায়ুক্তং রত্নপ্রাকার গোপুরম্ ।
রত্নপত্রৈ রত্নফলৈর্বৃক্ষৈশ্চ পরিমংডিতম্ ॥ 60 ॥
নৃত্যন্ময়ূরসংঘৈশ্চ কপোতরণিতোজ্জ্বলম্ ।
কোকিলাকাকলীলাপৈঃ শুকলাপৈশ্চ শোভিতম্ ॥ 61 ॥
সুরম্য় রমণীয়াংবু লক্ষাবধি সরোবৃতম্ ।
তন্মধ্যভাগ বিলসদ্বিকচদ্রত্ন পংকজৈঃ ॥ 62 ॥
সুগংধিভিঃ সমংতাত্তু বাসিতং শতয়োজনম্ ।
মংদমারুত সংভিন্ন চলদ্দ্রুম সমাকুলম্ ॥ 63 ॥
চিংতামণি সমূহানাং জ্য়োতিষা বিততাংবরম্ ।
রত্নপ্রভাভিরভিতো ধগদ্ধগিত দিক্তটম্ ॥ 64 ॥
বৃক্ষব্রাত মহাগংধবাতব্রাত সুপূরিতম্ ।
ধূপধূপায়িতং রাজন্মণিদীপায়ুতোজ্জ্বলম্ ॥ 65 ॥
মণিজালক সচ্ছিদ্র তরলোদরকাংতিভিঃ ।
দিঙ্মোহজনকং চৈতদ্দর্পণোদর সংয়ুতম্ ॥ 66 ॥
ঐশ্বর্যস্য় সমগ্রস্য় শৃংগারস্য়াখিলস্য় চ ।
সর্বজ্ঞতায়াঃ সর্বায়াস্তেজসশ্চাখিলস্য় চ ॥ 67 ॥
পরাক্রমস্য় সর্বস্য় সর্বোত্তমগুণস্য় চ ।
সকলা যা দয়ায়াশ্চ সমাপ্তিরিহ ভূপতে ॥ 68 ॥
রাজ্ঞ আনংদমারভ্য় ব্রহ্মলোকাংত ভূমিষু ।
আনংদা যে স্থিতাঃ সর্বে তেঽত্রৈবাংতর্ভবংতি হি ॥ 69 ॥
ইতি তে বর্ণিতং রাজন্মণিদ্বীপং মহত্তরম্ ।
মহাদেব্য়াঃ পরংস্থানং সর্বলোকোত্তমোত্তমম্ ॥ 70 ॥
এতস্য় স্মরণাত্সদ্য়ঃ সর্বপাপং বিনশ্যতি ।
প্রাণোত্ক্রমণসংধৌ তু স্মৃত্বা তত্রৈব গচ্ছতি ॥ 71 ॥
অধ্য়ায় পংচকং ত্বেতত্পঠেন্নিত্য়ং সমাহিতঃ ।
ভূতপ্রেতপিশাচাদি বাধা তত্র ভবেন্ন হি ॥ 72 ॥
নবীন গৃহ নির্মাণে বাস্তুয়াগে তথৈব চ ।
পঠিতব্য়ং প্রযত্নেন কল্য়াণং তেন জাযতে ॥ 73 ॥
ইতি শ্রীদেবীভাগবতে মহাপুরাণে দ্বাদশস্কংধে দ্বাদশোধ্য়ায়ঃ ॥
