ধ্য়ানম্
শ্রীমন্মাতরমংবিকাং বিধিমনোজাতাং সদাভীষ্টদাং
স্কংদেষ্টাং চ জগত্প্রসূং বিজযদাং সত্পুত্র সৌভাগ্যদাম্ ।
সদ্রত্নাভরণান্বিতাং সকরুণাং শুভ্রাং শুভাং সুপ্রভাং
ষষ্ঠাংশাং প্রকৃতেঃ পরং ভগবতীং শ্রীদেবসেনাং ভজে ॥ 1 ॥
ষষ্ঠাংশাং প্রকৃতেঃ শুদ্ধাং সুপ্রতিষ্ঠাং চ সুব্রতাং
সুপুত্রদাং চ শুভদাং দয়ারূপাং জগত্প্রসূম্ ।
শ্বেতচংপকবর্ণাভাং রক্তভূষণভূষিতাং
পবিত্ররূপাং পরমং দেবসেনা পরাং ভজে ॥ 2 ॥
স্তোত্রম্
নমো দেব্য়ৈ মহাদেব্য়ৈ সিদ্ধ্য়ৈ শাংত্য়ৈ নমো নমঃ ।
শুভায়ৈ দেবসেনায়ৈ ষষ্ঠীদেব্য়ৈ নমো নমঃ ॥ 1 ॥
বরদায়ৈ পুত্রদায়ৈ ধনদায়ৈ নমো নমঃ ।
সুখদায়ৈ মোক্ষদায়ৈ ষষ্ঠীদেব্য়ৈ নমো নমঃ ॥ 2 ॥
সৃষ্ট্য়ৈ ষষ্ঠাংশরূপায়ৈ সিদ্ধায়ৈ চ নমো নমঃ ।
মায়ায়ৈ সিদ্ধয়োগিন্য়ৈ ষষ্ঠীদেব্য়ৈ নমো নমঃ ॥ 3 ॥
সারায়ৈ শারদায়ৈ চ পরাদেব্য়ৈ নমো নমঃ ।
বালাধিষ্টাতৃদেব্য়ৈ চ ষষ্ঠীদেব্য়ৈ নমো নমঃ ॥ 4 ॥
কল্য়াণদায়ৈ কল্য়াণ্য়ৈ ফলদায়ৈ চ কর্মণাম্ ।
প্রত্যক্ষায়ৈ সর্বভক্তানাং ষষ্ঠীদেব্য়ৈ নমো নমঃ ॥ 5 ॥
পূজ্য়ায়ৈ স্কংদকাংতায়ৈ সর্বেষাং সর্বকর্মসু ।
দেবরক্ষণকারিণ্য়ৈ ষষ্ঠীদেব্য়ৈ নমো নমঃ ॥ 6 ॥
শুদ্ধসত্ত্বস্বরূপায়ৈ বংদিতায়ৈ নৃণাং সদা ।
হিংসাক্রোধবর্জিতায়ৈ ষষ্ঠীদেব্য়ৈ নমো নমঃ ॥ 7 ॥
ধনং দেহি প্রিয়াং দেহি পুত্রং দেহি সুরেশ্বরি ।
মানং দেহি জয়ং দেহি দ্বিষো জহি মহেশ্বরি ॥ 8 ॥
ধর্মং দেহি যশো দেহি ষষ্ঠীদেবী নমো নমঃ ।
দেহি ভূমিং প্রজাং দেহি বিদ্য়াং দেহি সুপূজিতে ।
কল্য়াণং চ জয়ং দেহি ষষ্ঠীদেব্য়ৈ নমো নমঃ ॥ 9 ॥
ফলশৃতি
ইতি দেবীং চ সংস্তুত্য় লভেত্পুত্রং প্রিযব্রতম্ ।
যশশ্বিনং চ রাজেংদ্রং ষষ্ঠীদেবি প্রসাদতঃ ॥ 10 ॥
ষষ্ঠীস্তোত্রমিদং ব্রহ্মান্ যঃ শৃণোতি তু বত্সরম্ ।
অপুত্রো লভতে পুত্রং বরং সুচির জীবনম্ ॥ 11 ॥
বর্ষমেকং চ যা ভক্ত্য়া সংস্তুত্য়েদং শৃণোতি চ ।
সর্বপাপাদ্বিনির্মুক্তা মহাবংধ্য়া প্রসূযতে ॥ 12 ॥
বীরং পুত্রং চ গুণিনং বিদ্য়াবংতং যশস্বিনম্ ।
সুচিরায়ুষ্যবংতং চ সূতে দেবি প্রসাদতঃ ॥ 13 ॥
কাকবংধ্য়া চ যা নারী মৃতবত্সা চ যা ভবেত্ ।
বর্ষং শৃত্বা লভেত্পুত্রং ষষ্ঠীদেবি প্রসাদতঃ ॥ 14 ॥
রোগয়ুক্তে চ বালে চ পিতামাতা শৃণোতি চেত্ ।
মাসেন মুচ্যতে রোগান্ ষষ্ঠীদেবি প্রসাদতঃ ॥ 15 ॥
জয় দেবি জগন্মাতঃ জগদানংদকারিণি ।
প্রসীদ মম কল্য়াণি নমস্তে ষষ্ঠীদেবতে ॥ 16 ॥
ইতি শ্রী ষষ্ঠীদেবি স্তোত্রম্ ।
