মহিম্নঃ পংথানং মদনপরিপংথিপ্রণয়িনি
প্রভুর্নির্ণেতুং তে ভবতি যতমানোঽপি কতমঃ ।
তথাপি শ্রীকাংচীবিহৃতিরসিকে কোঽপি মনসো
বিপাকস্ত্বত্পাদস্তুতিবিধিষু জল্পাকযতি মাম্ ॥1॥

গলগ্রাহী পৌরংদরপুরবনীপল্লবরুচাং
ধৃতপাথম্য়ানামরুণমহসামাদিমগুরুঃ ।
সমিংধে বংধূকস্তবকসহয়ুধ্বা দিশি দিশি
প্রসর্পন্কামাক্ষ্য়াশ্চরণকিরণানামরুণিমা ॥2॥

মরালীনাং যানাভ্যসনকলনামূলগুরবে
দরিদ্রাণাং ত্রাণব্যতিকরসুরোদ্য়ানতরবে ।
তমস্কাংডপ্রৌঢিপ্রকটনতিরস্কারপটবে
জনোঽয়ং কামাক্ষ্য়াশ্চরণনলিনায় স্পৃহযতে ॥3॥

বহংতী সৈংদূরীং সরণিমবনম্রামরপু঱ী-
পুরংধ্রীসীমংতে কবিকমলবালার্কসুষমা ।
ত্রয়ীসীমংতিন্য়াঃ স্তনতটনিচোলারুণপটী
বিভাংতী কামাক্ষ্য়াঃ পদনলিনকাংতির্বিজযতে ॥4॥

প্রণম্রীভূতস্য় প্রণযকলহত্রস্তমনসঃ
স্মরারাতেশ্চূডাবিযতি গৃহমেধী হিমকরঃ ।
যয়োঃ সাংধ্য়াং কাংতিং বহতি সুষমাভিশ্চরণয়োঃ
তয়োর্মে কামাক্ষ্য়া হৃদযমপতংদ্রং বিহরতাম্ ॥5॥

যয়োঃ পীঠায়ংতে বিবুধমুকুটীনাং পটলিকা
যয়োঃ সৌধায়ংতে স্বযমুদযভাজো ভণিতয়ঃ ।
যয়োঃ দাসায়ংতে সরসিজভবাদ্য়াশ্চরণয়োঃ
তয়োর্মে কামাক্ষ্য়া দিনমনু বরীবর্তু হৃদযম্ ॥6॥

নয়ংতী সংকোচং সরসিজরুচং দিক্পরিসরে
সৃজংতী লৌহিত্য়ং নখকিরণচংদ্রার্ধখচিতা ।
কবীংদ্রাণাং হৃত্কৈরববিকসনোদ্য়োগজননী
স্ফুরংতী কামাক্ষ্য়াঃ চরণরুচিসংধ্য়া বিজযতে ॥7॥

বিরাবৈর্মাংজীরৈঃ কিমপি কথয়ংতীব মধুরং
পুরস্তাদানম্রে পুরবিজয়িনি স্মেরবদনে ।
বযস্য়েব প্রৌঢা শিথিলযতি যা প্রেমকলহ-
প্ররোহং কামাক্ষ্য়াঃ চরণয়ুগলী সা বিজযতে ॥8॥

সুপর্বস্ত্রীলোলালকপরিচিতং ষট্পদকুলৈঃ
স্ফুরল্লাক্ষারাগং তরুণতরণিজ্য়োতিররুণৈঃ ।
ভৃতং কাংত্য়ংভোভিঃ বিসৃমরমরংদৈঃ সরসিজৈঃ
বিধত্তে কামাক্ষ্য়াঃ চরণয়ুগলং বংধুপদবীম্ ॥9॥

রজঃসংসর্গেঽপি স্থিতমরজসামেব হৃদয়ে
পরং রক্তত্বেন স্থিতমপি বিরক্তৈকশরণম্ ।
অলভ্য়ং মংদানাং দধদপি সদা মংদগতিতাং
বিধত্তে কামাক্ষ্য়াঃ চরণয়ুগমাশ্চর্যলহরীম্ ॥10॥

জটালা মংজীরস্ফুরদরুণরত্নাংশুনিকরৈঃ
নিষিদংতী মধ্য়ে নখরুচিঝরীগাংগপযসাম্ ।
জগত্ত্রাণং কর্তুং জননি মম কামাক্ষি নিযতং
তপশ্চর্য়াং ধত্তে তব চরণপাথোজয়ুগলী ॥11॥

তুলাকোটিদ্বংদ্বক্কণিতভণিতাভীতিবচসোঃ
বিনম্রং কামাক্ষী বিসৃমরমহঃপাটলিতয়োঃ ।
ক্ষণং বিন্য়াসেন ক্ষপিততমসোর্মে ললিতয়োঃ
পুনীয়ান্মূর্ধানং পুরহরপুরংধ্রী চরণয়োঃ ॥12॥

ভবানি দ্রুহ্য়েতাং ভবনিবিডিতেভ্য়ো মম মুহু-
স্তমোব্য়ামোহেভ্যস্তব জননি কামাক্ষি চরণৌ ।
যয়োর্লাক্ষাবিংদুস্ফুরণধরণাদ্ধ্বর্জটিজটা-
কুটীরা শোণাংকং বহতি বপুরেণাংককলিকা ॥13॥

পবিত্রীকুর্য়ুর্নুঃ পদতলভুবঃ পাটলরুচঃ
পরাগাস্তে পাপপ্রশমনধুরীণাঃ পরশিবে ।
কণং লব্ধুং যেষাং নিজশিরসি কামাক্ষি বিবশা
বলংতো ব্য়াতন্বংত্যহমহমিকাং মাধবমুখাঃ ॥14॥

বলাকামালাভির্নখরুচিময়ীভিঃ পরিবৃতে
বিনম্রস্বর্নারীবিকচকচকালাংবুদকুলে ।
স্ফুরংতঃ কামাক্ষি স্ফুটদলিতবংধূকসুহৃদ-
স্তটিল্লেখায়ংতে তব চরণপাথোজকিরণাঃ ॥15॥

সরাগঃ সদ্বেষঃ প্রসৃমরসরোজে প্রতিদিনং
নিসর্গাদাক্রামন্বিবুধজনমূর্ধানমধিকম্ ।
কথংকারং মাতঃ কথয় পদপদ্মস্তব সতাং
নতানাং কামাক্ষি প্রকটযতি কৈবল্যসরণিম্ ॥16॥

জপালক্ষ্মীশোণো জনিতপরমজ্ঞাননলিনী-
বিকাসব্য়াসংগো বিফলিতজগজ্জাড্যগরিমা ।
মনঃপূর্বাদ্রিং মে তিলকযতু কামাক্ষি তরসা
তমস্কাংডদ্রোহী তব চরণপাথোজরমণঃ ॥17॥

নমস্কুর্মঃ প্রেংখন্মণিকটকনীলোত্পলমহঃ-
পয়োধৌ রিংখদ্ভির্নখকিরণফেনৈর্ধবলিতে ।
স্ফুটং কুর্বাণায় প্রবলচলদৌর্বানলশিখা-
বিতর্কং কামাক্ষ্য়াঃ সততমরুণিম্নে চরণয়োঃ ॥18॥

শিবে পাশায়েতামলঘুনি তমঃকূপকুহরে
দিনাধীশায়েতাং মম হৃদযপাথোজবিপিনে ।
নভোমাসায়েতাং সরসকবিতারীতিসরিতি
ত্বদীয়ৌ কামাক্ষি প্রসৃতকিরণৌ দেবি চরণৌ ॥19॥

নিষক্তং শ্রুত্য়ংতে নযনমিব সদ্বৃত্তরুচিরৈঃ
সমৈর্জুষ্টং শুদ্ধৈরধরমিব রম্য়ৈর্দ্বিজগণৈঃ ।
শিবে বক্ষোজন্মদ্বিতযমিব মুক্তাশ্রিতমুমে
ত্বদীয়ং কামাক্ষি প্রণতশরণং নৌমি চরণম্ ॥20॥

নমস্য়াসংসজ্জন্নমুচিপরিপংথিপ্রণয়িনী-
নিসর্গপ্রেংখোলত্কুরলকুলকালাহিশবলে ।
নখচ্ছায়াদুগ্ধোদধিপযসি তে বৈদ্রুমরুচাং
প্রচারং কামাক্ষি প্রচুরযতি পাদাব্জসুষমা ॥21॥

কদা দূরীকর্তুং কটুদুরিতকাকোলজনিতং
মহাংতং সংতাপং মদনপরিপংথিপ্রিযতমে ।
ক্ষণাত্তে কামাক্ষি ত্রিভুবনপরীতাপহরণে
পটীয়াংসং লপ্স্য়ে পদকমলসেবামৃতরসম্ ॥22॥

যয়োঃ সাংধ্য়ং রোচিঃ সততমরুণিম্নে স্পৃহযতে
যয়োশ্চাংদ্রী কাংতিঃ পরিপততি দৃষ্ট্বা নখরুচিম্ ।
যয়োঃ পাকোদ্রেকং পিপঠিষতি ভক্ত্য়া কিসলয়ং
ম্রদিম্নঃ কামাক্ষ্য়া মনসি চরণৌ তৌ তনুমহে ॥23॥

জগন্নেদং নেদং পরমিতি পরিত্যজ্য় যতিভিঃ
কুশাগ্রীযস্বাংতৈঃ কুশলধিষণৈঃ শাস্ত্রসরণৌ ।
গবেষ্য়ং কামাক্ষি ধ্রুবমকৃতকানাং গিরিসুতে
গিরামৈদংপর্য়ং তব চরণপদ্মং বিজযতে ॥24॥

কৃতস্নানং শাস্ত্রামৃতসরসি কামাক্ষি নিতরাং
দধানং বৈশদ্য়ং কলিতরসমানংদসুধয়া ।
অলংকারং ভূমের্মুনিজনমনশ্চিন্মযমহা-
পয়োধেরংতস্স্থং তব চরণরত্নং মৃগযতে ॥25॥

মনোগেহে মোহোদ্ভবতিমিরপূর্ণে মম মুহুঃ
দরিদ্রাণীকুর্বংদিনকরসহস্রাণি কিরণৈঃ ।
বিধত্তাং কামাক্ষি প্রসৃমরতমোবংচনচণঃ
ক্ষণার্ধং সান্নিধ্য়ং চরণমণিদীপো জননি তে ॥26॥

কবীনাং চেতোবন্নখররুচিসংপর্কি বিবুধ-
স্রবংতীস্রোতোবত্পটুমুখরিতং হংসকরবৈঃ ।
দিনারংভশ্রীবন্নিযতমরুণচ্ছাযসুভগং
মদংতঃ কামাক্ষ্য়াঃ স্ফুরতু পদপংকেরুহয়ুগম্ ॥27॥

সদা কিং সংপর্কাত্প্রকৃতিকঠিনৈর্নাকিমুকুটৈঃ
তটৈর্নীহারাদ্রেরধিকমণুনা যোগিমনসা ।
বিভিংতে সংমোহং শিশিরযতি ভক্তানপি দৃশাম্
অদৃশ্য়ং কামাক্ষি প্রকটযতি তে পাদয়ুগলম্ ॥28॥

পবিত্রাভ্য়ামংব প্রকৃতিমৃদুলাভ্য়াং তব শিবে
পদাভ্য়াং কামাক্ষি প্রসভমভিভূতৈঃ সচকিতৈঃ ।
প্রবালৈরংভোজৈরপি চ বনবাসব্রতদশাঃ
সদৈবারভ্য়ংতে পরিচরিতনানাদ্বিজগণৈঃ ॥29॥

চিরাদ্দৃশ্য়া হংসৈঃ কথমপি সদা হংসসুলভং
নিরস্য়ংতী জাড্য়ং নিযতজডমধ্য়ৈকশরণম্ ।
অদোষব্য়াসংগা সততমপি দোষাপ্তিমলিনং
পয়োজং কামাক্ষ্য়াঃ পরিহসতি পাদাব্জয়ুগলী ॥30॥

সুরাণামানংদপ্রবলনতয়া মংডনতয়া
নখেংদুজ্য়োত্স্নাভির্বিসৃমরতমঃখংডনতয়া ।
পয়োজশ্রীদ্বেষব্রতরততয়া ত্বচ্চরণয়োঃ
বিলাসঃ কামাক্ষি প্রকটযতি নৈশাকরদশাম্ ॥31॥

সিতিম্না কাংতীনাং নখরজনুষাং পাদনলিন-
চ্ছবীনাং শোণিম্না তব জননি কামাক্ষি নমনে ।
লভংতে মংদারগ্রথিতনববংধূককুসুম-
স্রজাং সামীচীন্য়ং সুরপুরপুরংধ্রীকচভরাঃ ॥32॥

স্ফুরন্মধ্য়ে শুদ্ধে নখকিরণদুগ্ধাব্ধিপযসাং
বহন্নব্জং চক্রং দরমপি চ লেখাত্মকতয়া ।
শ্রিতো মাত্স্য়ং রূপং শ্রিযমপি দধানো নিরুপমাং
ত্রিধামা কামাক্ষ্য়াঃ পদনলিননামা বিজযতে ॥33॥

নখশ্রীসন্নদ্ধস্তবকনিচিতঃ স্বৈশ্চ কিরণৈঃ
পিশংগৈঃ কামাক্ষি প্রকটিতলসত্পল্লবরুচিঃ ।
সতাং গম্য়ঃ শংকে সকলফলদাতা সুরতরুঃ
ত্বদীয়ঃ পাদোঽয়ং তুহিনগিরিরাজন্যতনয়ে ॥34॥

বষট্কুর্বন্মাংজীরকলকলৈঃ কর্মলহরী-
হবীংষি প্রৌদ্দংডং জ্বলতি পরমজ্ঞানদহনে ।
মহীয়ান্কামাক্ষি স্ফুটমহসি জোহোতি সুধিয়াং
মনোবেদ্য়াং মাতস্তব চরণযজ্বা গিরিসুতে ॥35॥

মহামংত্রং কিংচিন্মণিকটকনাদৈর্মৃদু জপন্
ক্ষিপংদিক্ষু স্বচ্ছং নখরুচিময়ং ভাস্মনরজঃ ।
নতানাং কামাক্ষি প্রকৃতিপটুরচ্চাট্য় মমতা-
পিশাচীং পাদোঽয়ং প্রকটযতি তে মাংত্রিকদশাম্ ॥36॥

উদীতে বোধেংদৌ তমসি নিতরাং জগ্মুষি দশাং
দরিদ্রাং কামাক্ষি প্রকটমনুরাগং বিদধতী ।
সিতেনাচ্ছাদ্য়াংগং নখরুচিপটেনাংঘ্রিয়ুগলী-
পুরংধ্রী তে মাতঃ স্বযমভিসরত্য়েব হৃদযম্ ॥37॥

দিনারংভঃ সংপন্নলিনবিপিনানামভিনবো
বিকাসো বাসংতঃ সুকবিপিকলোকস্য় নিযতঃ ।
প্রদোষঃ কামাক্ষি প্রকটপরমজ্ঞানশশিন-
শ্চকাস্তি ত্বত্পাদস্মরণমহিমা শৈলতনয়ে ॥38॥

ধৃতচ্ছায়ং নিত্য়ং সরসিরুহমৈত্রীপরিচিতং
নিধানং দীপ্তীনাং নিখিলজগতাং বোধজনকম্ ।
মুমুক্ষূণাং মার্গপ্রথনপটু কামাক্ষি পদবীং
পদং তে পাতংগীং পরিকলযতে পর্বতসুতে ॥39॥

শনৈস্তীর্ত্বা মোহাংবুধিমথ সমারোঢুমনসঃ
ক্রমাত্কৈবল্য়াখ্য়াং সুকৃতিসুলভাং সৌধবলভীম্ ।
লভংতে নিঃশ্রেণীমিব ঝটিতি কামাক্ষি চরণং
পুরশ্চর্য়াভিস্তে পুরমথনসীমংতিনি জনাঃ ॥40॥

প্রচংডার্তিক্ষোভপ্রমথনকৃতে প্রাতিভসরি-
ত্প্রবাহপ্রোদ্দংডীকরণজলদায় প্রণমতাম্ ।
প্রদীপায় প্রৌঢে ভবতমসি কামাক্ষি চরণ-
প্রসাদৌন্মুখ্য়ায় স্পৃহযতি জনোঽয়ং জননি তে ॥41॥

মরুদ্ভিঃ সংসেব্য়া সততমপি চাংচল্যরহিতা
সদারুণ্য়ং যাংতী পরিণতিদরিদ্রাণসুষমা ।
গুণোত্কর্ষান্মাংজীরককলকলৈস্তর্জনপটুঃ
প্রবালং কামাক্ষ্য়াঃ পরিহসতি পাদাব্জয়ুগলী ॥42॥

জগদ্রক্ষাদক্ষা জলজরুচিশিক্ষাপটুতরা
সমৈর্নম্য়া রম্য়া সততমভিগম্য়া বুধজনৈঃ ।
দ্বয়ী লীলালোলা শ্রুতিষু সুরপালাদিমুকুটী-
তটীসীমাধামা তব জননি কামাক্ষি পদয়োঃ ॥43॥

গিরাং দূরৌ চোরৌ জডিমতিমিরাণাং কৃতজগ-
ত্পরিত্রাণৌ শোণৌ মুনিহৃদযলীলৈকনিপুণৌ ।
নখৈঃ স্মেরৌ সারৌ নিগমবচসাং খংডিতভব-
গ্রহোন্মাদৌ পাদৌ তব জননি কামাক্ষি কলয়ে ॥44॥

অবিশ্রাংতং পংকং যদপি কলযন্য়াবকময়ং
নিরস্যন্কামাক্ষি প্রণমনজুষাং পংকমখিলম্ ।
তুলাকোটিদ্বংদং দধদপি চ গচ্ছন্নতুলতাং
গিরাং মার্গং পাদো গিরিবরসুতে লংঘযতি তে ॥45॥

প্রবালং সব্রীলং বিপিনবিবরে বেপযতি যা
স্ফুরল্লীলং বালাতপমধিকবালং বদতি যা ।
রুচিং সাংধ্য়াং বংধ্য়াং বিরচযতি যা বর্ধযতু সা
শিবং মে কামাক্ষ্য়াঃ পদনলিনপাটল্যলহরী ॥46॥

কিরংজ্য়োত্স্নারীতিং নখমুখরুচা হংসমনসাং
বিতন্বানঃ প্রীতিং বিকচতরুণাংভোরুহরুচিঃ ।
প্রকাশঃ শ্রীপাদস্তব জননি কামাক্ষি তনুতে
শরত্কালপ্রৌঢিং শশিশকলচূডপ্রিযতমে ॥47॥

নখাংকূরস্মেরদ্য়ুতিবিমলগংগাংভসি সুখং
কৃতস্নানং জ্ঞানামৃতমমলমাস্বাদ্য় নিযতম্ ।
উদংচন্মংজীরস্ফুরণমণিদীপে মম মনো
মনোজ্ঞে কামাক্ষ্য়াশ্চরণমণিহর্ম্য়ে বিহরতাম্ ॥48॥

ভবাংভোধৌ নৌকাং জডিমবিপিনে পাবকশিখা-
মমর্ত্য়েংদ্রাদীনামধিমুকুটমুত্তংসকলিকাম্ ।
জগত্তাপে জ্য়োত্স্নামকৃতকবচঃপংজরপুটে
শুকস্ত্রীং কামাক্ষ্য়া মনসি কলয়ে পাদয়ুগলীম্ ॥49॥

পরত্মপ্রাকাশ্যপ্রতিফলনচুংচুঃ প্রণমতাং
মনোজ্ঞস্ত্বত্পাদো মণিমুকুরমুদ্রাং কলযতে ।
যদীয়াং কামাক্ষি প্রকৃতিমসৃণাঃ শোধকদশাং
বিধাতুং চেষ্ঠংতে বলরিপুবধূটীকচভরাঃ ॥50॥

অবিশ্রাংতং তিষ্ঠন্নকৃতকবচঃকংদরপুটী-
কুটীরাংতঃ প্রৌঢং নখরুচিসটালীং প্রকটযন্ ।
প্রচংডং খংডত্বং নযতু মম কামাক্ষি তরসা
তমোবেতংডেংদ্রং তব চরণকংঠীরবপতিঃ ॥51॥

পুরস্তাত্কামাক্ষি প্রচুররসমাখংডলপুরী-
পুরংধ্রীণাং লাস্য়ং তব ললিতমালোক্য় শনকৈঃ ।
নখশ্রীভিঃ স্মেরা বহু বিতনুতে নূপুররবৈ-
শ্চমত্কৃত্য়া শংকে চরণয়ুগলী চাটুরচনাঃ ॥52॥

সরোজং নিংদংতী নখকিরণকর্পূরশিশিরা
নিষিক্তা মারারের্মুকুটশশিরেখাহিমজলৈঃ ।
স্ফুরংতী কামাক্ষি স্ফুটরুচিময়ে পল্লবচয়ে
তবাধত্তে মৈত্রীং পথিকসুদৃশা পাদয়ুগলী ॥53॥

নতানাং সংপত্তেরনবরতমাকর্ষণজপঃ
প্ররোহত্সংসারপ্রসরগরিমস্তংভনজপঃ ।
ত্বদীয়ঃ কামাক্ষি স্মরহরমনোমোহনজপঃ
পটীয়ান্নঃ পায়াত্পদনলিনমংজীরনিনদঃ ॥54॥

বিতন্বীথা নাথে মম শিরসি কামাক্ষি কৃপয়া
পদাংভোজন্য়াসং পশুপরিবৃঢপ্রাণদয়িতে ।
পিবংতো যন্মুদ্রাং প্রকটমুপকংপাপরিসরং
দৃশা নানংদ্য়ংতে নলিনভবনারাযণমুখাঃ ॥55॥

প্রণামোদ্যদ্বৃংদারমুকুটমংদারকলিকা-
বিলোলল্লোলংবপ্রকরমযধূমপ্রচুরিমা ।
প্রদীপ্তঃ পাদাব্জদ্য়ুতিবিততিপাটল্যলহরী-
কৃশানুঃ কামাক্ষ্য়া মম দহতু সংসারবিপিনম্ ॥56॥

বলক্ষশ্রীরৃক্ষাধিপশিশুসদৃক্ষৈস্তব নখৈঃ
জিঘৃক্ষুর্দক্ষত্বং সরসিরুহভিক্ষুত্বকরণে ।
ক্ষণান্মে কামাক্ষি ক্ষপিতভবসংক্ষোভগরিমা
বচোবৈচক্ষন্য়ং চরণয়ুগলী পক্ষ্মলযতাত্ ॥57॥

সমংতাত্কামাক্ষি ক্ষততিমিরসংতানসুভগান্
অনংতাভির্ভাভির্দিনমনু দিগংতান্বিরচযন্ ।
অহংতায়া হংতা মম জডিমদংতাবলহরিঃ
বিভিংতাং সংতাপং তব চরণচিংতামণিরসৌ ॥58॥

দধানো ভাস্বত্তামমৃতনিলয়ো লোহিতবপুঃ
বিনম্রাণাং সৌম্য়ো গুরুরপি কবিত্বং চ কলযন্ ।
গতৌ মংদো গংগাধরমহিষি কামাক্ষি ভজতাং
তমঃকেতুর্মাতস্তব চরণপদ্মো বিজযতে ॥59॥

নয়ংতীং দাসত্বং নলিনভবমুখ্য়ানসুলভ-
প্রদানাদ্দীনানামমরতরুদৌর্ভাগ্যজননীম্ ।
জগজ্জন্মক্ষেমক্ষযবিধিষু কামাক্ষি পদয়ো-
র্ধুরীণামীষ্টে করস্তব ভণিতুমাহোপুরুষিকাম্ ॥60॥

জনোঽয়ং সংতপ্তো জননি ভবচংডাংশুকিরণৈঃ
অলব্ধবৈকং শীতং কণমপি পরজ্ঞানপযসঃ ।
তমোমার্গে পাংথস্তব ঝটিতি কামাক্ষি শিশিরাং
পদাংভোজচ্ছায়াং পরমশিবজায়ে মৃগযতে ॥61॥

জযত্য়ংব শ্রীমন্নখকিরণচীনাংশুকময়ং
বিতানং বিভ্রাণে সুরমুকুটসংঘট্টমসৃণে ।
নিজারুণ্যক্ষৌমাস্তরণবতি কামাক্ষি সুলভা
বুধৈঃ সংবিন্নারী তব চরণমাণিক্যভবনে ॥62॥

প্রতীমঃ কামাক্ষি স্ফুরিততরুণাদিত্যকিরণ-
শ্রিয়ো মূলদ্রব্য়ং তব চরণমদ্রীংদ্রতনয়ে ।
সুরেংদ্রাশামাপূরযতি যদসৌ ধ্বাংতমখিলং
ধুনীতে দিগ্ভাগানপি চ মহসা পাটলযতে ॥63॥

মহাভাষ্যব্য়াখ্য়াপটুশযনমারোপযতি বা
স্মরব্য়াপারের্ষ্য়াপিশুননিটিলং কারযতি বা ।
দ্বিরেফাণামধ্য়াসযতি সততং বাধিবসতিং
প্রণম্রান্কামাক্ষ্য়াঃ পদনলিনমাহাত্ম্যগরিমা ॥64॥

বিবেকাংভস্স্রোতস্স্নপনপরিপাটীশিশিরিতে
সমীভূতে শাস্ত্রস্মরণহলসংকর্ষণবশাত্ ।
সতাং চেতঃক্ষেত্রে বপতি তব কামাক্ষি চরণো
মহাসংবিত্সস্যপ্রকরবরবীজং গিরিসুতে ॥65॥

দধানো মংদারস্তবকপরিপাটীং নখরুচা
বহংদীপ্তাং শোণাংগুলিপটলচাংপেযকলিকাম্ ।
অশোকোল্লাসং নঃ প্রচুরযতু কামাক্ষি চরণো
বিকাসী বাসংতঃ সময় ইব তে শর্বদয়িতে ॥66॥

নখাংশুপ্রাচুর্যপ্রসৃমরমরালালিধবলঃ
স্ফুরন্মংজীরোদ্যন্মরকতমহশ্শৈবলয়ুতঃ ।
ভবত্য়াঃ কামাক্ষি স্ফুটচরণপাটল্যকপটো
নদঃ শোণাভিখ্য়ো নগপতিতনূজে বিজযতে ॥67॥

ধুনানং পংকৌঘং পরমসুলভং কংটককুলৈঃ
বিকাসব্য়াসংগং বিদধদপরাধীনমনিশম্ ।
নখেংদুজ্য়োত্স্নাভির্বিশদরুচি কামাক্ষি নিতরাম্
অসামান্য়ং মন্য়ে সরসিজমিদং তে পদয়ুগম্ ॥68॥

করীংদ্রায় দ্রুহ্যত্যলসগতিলীলাসু বিমলৈঃ
পয়োজৈর্মাত্সর্য়ং প্রকটযতি কামং কলযতে ।
পদাংভোজদ্বংদ্বং তব তদপি কামাক্ষি হৃদয়ং
মুনীনাং শাংতানাং কথমনিশমস্মৈ স্পৃহযতে ॥69॥

নিরস্তা শোণিম্না চরণকিরণানাং তব শিবে
সমিংধানা সংধ্য়ারুচিরচলরাজন্যতনয়ে ।
অসামর্থ্য়াদেনং পরিভবিতুমেতত্সমরুচাং
সরোজানাং জানে মুকুলযতি শোভাং প্রতিদিনম্ ॥70॥

উপাদিক্ষদ্দাক্ষ্য়ং তব চরণনামা গুরুরসৌ
মরালানাং শংকে মসৃণগতিলালিত্যসরণৌ ।
অতস্তে নিস্তংদ্রং নিযতমমুনা সখ্যপদবীং
প্রপন্নং পাথোজং প্রতি দধতি কামাক্ষি কুতুকম্ ॥71॥

দধানৈঃ সংসর্গং প্রকৃতিমলিনৈঃ ষট্পদকুলৈঃ
দ্বিজাধীশশ্লাঘাবিধিষু বিদধদ্ভির্মুকুলতাম্ ।
রজোমিশ্রৈঃ পদ্মৈর্নিযতমপি কামাক্ষি পদয়োঃ
বিরোধস্তে যুক্তো বিষমশরবৈরিপ্রিযতমে ॥72॥

কবিত্বশ্রীমিশ্রীকরণনিপুণৌ রক্ষণচণৌ
বিপন্নানাং শ্রীমন্নলিনমসৃণৌ শোণকিরণৌ ।
মুনীংদ্রাণামংতঃকরণশরণৌ মংদসরণৌ
মনোজ্ঞৌ কামাক্ষ্য়া দুরিতহরণৌ নৌমি চরণৌ ॥73॥

পরস্মাত্সর্বস্মাদপি চ পরয়োর্মুক্তিকরয়োঃ
নখশ্রীভির্জ্য়োত্স্নাকলিততুলয়োস্তাম্রতলয়োঃ ।
নিলীয়ে কামাক্ষ্য়া নিগমনুতয়োর্নাকিনতয়োঃ
নিরস্তপ্রোন্মীলন্নলিনমদয়োরেব পদয়োঃ ॥74॥

স্বভাবাদন্য়োন্য়ং কিসলযমপীদং তব পদং
ম্রদিম্না শোণিম্না ভগবতি দধাতে সদৃশতাম্ ।
বনে পূর্বস্য়েচ্ছা সততমবনে কিং তু জগতাং
পরস্য়েত্থং ভেদঃ স্ফুরতি হৃদি কামাক্ষি সুধিয়াম্ ॥75॥

কথং বাচালোঽপি প্রকটমণিমংজীরনিনদৈঃ
সদৈবানংদার্দ্রান্বিরচযতি বাচংযমজনান্ ।
প্রকৃত্য়া তে শোণচ্ছবিরপি চ কামাক্ষি চরণো
মনীষানৈর্মল্য়ং কথমিব নৃণাং মাংসলযতে ॥76॥

চলত্তৃষ্ণাবীচীপরিচলনপর্য়াকুলতয়া
মুহুর্ভ্রাংতস্তাংতঃ পরমশিববামাক্ষি পরবান্ ।
তিতীর্ষুঃ কামাক্ষি প্রচুরতরকর্মাংবুধিমমুং
কদাহং লপ্স্য়ে তে চরণমণিসেতুং গিরিসুতে ॥77॥

বিশুষ্য়ংত্য়াং প্রজ্ঞাসরিতি দুরিতগ্রীষ্মসময়-
প্রভাবেণ ক্ষীণে সতি মম মনঃকেকিনি শুচা ।
ত্বদীয়ঃ কামাক্ষি স্ফুরিতচরণাংভোদমহিমা
নভোমাসাটোপং নগপতিসুতে কিং ন কুরুতে ॥78॥

বিনম্রাণাং চেতোভবনবলভীসীম্নি চরণ-
প্রদীপে প্রাকাশ্য়ং দধতি তব নির্ধূততমসি ।
অসীমা কামাক্ষি স্বযমলঘুদুষ্কর্মলহরী
বিঘূর্ণংতী শাংতিং শলভপরিপাটীব ভজতে ॥79॥

বিরাজংতী শুক্তির্নখকিরণমুক্তামণিততেঃ
বিপত্পাথোরাশৌ তরিরপি নরাণাং প্রণমতাম্ ।
ত্বদীয়ঃ কামাক্ষি ধ্রুবমলঘুবহ্নির্ভববনে
মুনীনাং জ্ঞানাগ্নেররণিরযমংঘির্বিজযতে ॥80॥

সমস্তৈঃ সংসেব্য়ঃ সততমপি কামাক্ষি বিবুধৈঃ
স্তুতো গংধর্বস্ত্রীসুললিতবিপংচীকলরবৈঃ ।
ভবত্য়া ভিংদানো ভবগিরিকুলং জৃংভিততমো-
বলদ্রোহী মাতশ্চরণপুরুহূতো বিজযতে ॥81॥

বসংতং ভক্তানামপি মনসি নিত্য়ং পরিলসদ্-
ঘনচ্ছায়াপূর্ণং শুচিমপি নৃণাং তাপশমনম্ ।
নখেংদুজ্য়োত্স্নাভিঃ শিশিরমপি পদ্মোদযকরং
নমামঃ কামাক্ষ্য়াশ্চরণমধিকাশ্চর্যকরণম্ ॥82॥

কবীংদ্রাণাং নানাভণিতিগুণচিত্রীকৃতবচঃ-
প্রপংচব্য়াপারপ্রকটনকলাকৌশলনিধিঃ ।
অধঃকুর্বন্নব্জং সনকভৃগুমুখ্য়ৈর্মুনিজনৈঃ
নমস্য়ঃ কামাক্ষ্য়াশ্চরণপরমেষ্ঠী বিজযতে ॥83॥

ভবত্য়াঃ কামাক্ষি স্ফুরিতপদপংকেরুহভুবাং
পরাগাণাং পূরৈঃ পরিহৃতকলংকব্যতিকরৈঃ ।
নতানামামৃষ্টে হৃদযমুকুরে নির্মলরুচি
প্রসন্নে নিশ্শেষং প্রতিফলতি বিশ্বং গিরিসুতে ॥84॥

তব ত্রস্তং পাদাত্কিসলযমরণ্য়াংতরমগাত্
পরং রেখারূপং কমলমমুমেবাশ্রিতমভূত্ ।
জিতানাং কামাক্ষি দ্বিতযমপি যুক্তং পরিভবে
বিদেশে বাসো বা শরণগমনং বা নিজরিপোঃ ॥85॥

গৃহীত্বা যাথার্থ্য়ং নিগমবচসাং দেশিককৃপা-
কটাক্ষর্কজ্য়োতিশ্শমিতমমতাবংধতমসঃ ।
যতংতে কামাক্ষি প্রতিদিবসমংতর্দ্রঢয়িতুং
ত্বদীয়ং পাদাব্জং সুকৃতপরিপাকেন সুজনাঃ ॥86॥

জডানামপ্য়ংব স্মরণসময়ে তবচ্চরণয়োঃ
ভ্রমন্মংথক্ষ্মাভৃদ্ধুমুঘুমিতসিংধুপ্রতিভটাঃ ।
প্রসন্নাঃ কামাক্ষি প্রসভমধরস্পংদনকরা
ভবংতি স্বচ্ছংদং প্রকৃতিপরিপক্কা ভণিতয়ঃ ॥87॥

বহন্নপ্যশ্রাংতং মধুরনিনদং হংসকমসৌ
তমেবাধঃ কর্তুং কিমিব যততে কেলিগমনে ।
ভবস্য়ৈবানংদং বিদধদপি কামাক্ষি চরণো
ভবত্য়াস্তদ্দ্রোহং ভগবতি কিমেবং বিতনুতে ॥88॥

যদত্য়ংতং তাম্যত্যলসগতিবার্তাস্বপি শিবে
তদেতত্কামাক্ষি প্রকৃতিমৃদুলং তে পদয়ুগম্ ।
কিরীটৈঃ সংঘট্টং কথমিব সুরৌঘস্য় সহতে
মুনীংদ্রাণামাস্তে মনসি চ কথং সূচিনিশিতে ॥89॥

মনোরংগে মত্কে বিবুধজনসংমোদজননী
সরাগব্য়াসংগং সরসমৃদুসংচারসুভগা ।
মনোজ্ঞা কামাক্ষি প্রকটযতু লাস্যপ্রকরণং
রণন্মংজীরা তে চরণয়ুগলীনর্তকবধূঃ ॥90॥

পরিষ্কুর্বন্মাতঃ পশুপতিকপর্দং চরণরাট্
পরাচাং হৃত্পদ্মং পরমভণিতীনাং চ মকুটম্ ।
ভবাখ্য়ে পাথোধৌ পরিহরতু কামাক্ষি মমতা-
পরাধীনত্বং মে পরিমুষিতপাথোজমহিমা ॥91॥

প্রসূনৈঃ সংপর্কাদমরতরুণীকুংতলভবৈঃ
অভীষ্টানাং দানাদনিশমপি কামাক্ষি নমতাম্ ।
স্বসংগাত্কংকেলিপ্রসবজনকত্বেন চ শিবে
ত্রিধা ধত্তে বার্তাং সুরভিরিতি পাদো গিরিসুতে ॥92॥

মহামোহস্তেনব্যতিকরভয়াত্পালযতি যো
বিনিক্ষিপ্তং স্বস্মিন্নিজজনমনোরত্নমনিশম্ ।
স রাগস্য়োদ্রেকাত্সততমপি কামাক্ষি তরসা
কিমেবং পাদোঽসৌ কিসলযরুচিং চোরযতি তে ॥93॥

সদা স্বাদুংকারং বিষযলহরীশালিকণিকাং
সমাস্বাদ্য় শ্রাংতং হৃদযশুকপোতং জননি মে ।
কৃপাজালে ফালেক্ষণমহিষি কামাক্ষি রভসাত্
গৃহীত্বা রুংধীথারস্তব পদয়ুগীপংজরপুটে ॥94॥

ধুনানং কামাক্ষি স্মরণলবমাত্রেণ জডিম-
জ্বরপ্রৌঢিং গূঢস্থিতি নিগমনৈকুংজকুহরে ।
অলভ্য়ং সর্বেষাং কতিচন লভংতে সুকৃতিনঃ
চিরাদন্বিষ্য়ংতস্তব চরণসিদ্ধৌষধমিদম্ ॥95॥

রণন্মংজীরাভ্য়াং ললিতগমনাভ্য়াং সুকৃতিনাং
মনোবাস্তব্য়াভ্য়াং মথিততিমিরাভ্য়াং নখরুচা ।
নিধেয়াভ্য়াং পত্য়া নিজশিরসি কামাক্ষি সততং
নমস্তে পাদাভ্য়াং নলিনমৃদুলাভ্য়াং গিরিসুতে ॥96॥

সুরাগে রাকেংদুপ্রতিনিধিমুখে পর্বতসুতে
চিরাল্লভ্য়ে ভক্ত্য়া শমধনজনানাং পরিষদা ।
মনোভৃংগো মত্কঃ পদকমলয়ুগ্মে জননি তে
প্রকামং কামাক্ষি ত্রিপুরহরবামাক্ষি রমতাম্ ॥97॥

শিবে সংবিদ্রূপে শশিশকলচূডপ্রিযতমে
শনৈর্গত্য়াগত্য়া জিতসুরবরেভে গিরিসুতে ।
যতংতে সংতস্তে চরণনলিনালানয়ুগলে
সদা বদ্ধং চিত্তপ্রমদকরিয়ূথং দৃঢতরম্ ॥98॥

যশঃ সূতে মাতর্মধুরকবিতাং পক্ষ্মলযতে
শ্রিয়ং দত্তে চিত্তে কমপি পরিপাকং প্রথযতে ।
সতাং পাশগ্রংথিং শিথিলযতি কিং কিং ন কুরুতে
প্রপন্নে কামাক্ষ্য়াঃ প্রণতিপরিপাটী চরণয়োঃ ॥99॥

মনীষাং মাহেংদ্রীং ককুভমিব তে কামপি দশাং
প্রধত্তে কামাক্ষ্য়াশ্চরণতরুণাদিত্যকিরণঃ ।
যদীয়ে সংপর্কে ধৃতরসমরংদা কবযতাং
পরীপাকং ধত্তে পরিমলবতী সূক্তিনলিনী ॥100॥

পুরা মারারাতিঃ পুরমজযদংব স্তবশতৈঃ
প্রসন্নায়াং সত্য়াং ত্বয়ি তুহিনশৈলেংদ্রতনয়ে ।
অতস্তে কামাক্ষি স্ফুরতু তরসা কালসময়ে
সমায়াতে মাতর্মম মনসি পাদাব্জয়ুগলম্ ॥101॥

পদদ্বংদ্বং মংদং গতিষু নিবসংতং হৃদি সতাং
গিরামংতে ভ্রাংতং কৃতকরহিতানাং পরিবৃঢে ।
জনানামানংদং জননি জনয়ংতং প্রণমতাং
ত্বদীয়ং কামাক্ষি প্রতিদিনমহং নৌমি বিমলম্ ॥102॥

ইদং যঃ কামাক্ষ্য়াশ্চরণনলিনস্তোত্রশতকং
জপেন্নিত্য়ং ভক্ত্য়া নিখিলজগদাহ্লাদজনকম্ ।
স বিশ্বেষাং বংদ্য়ঃ সকলকবিলোকৈকতিলকঃ
চিরং ভুক্ত্বা ভোগান্পরিণমতি চিদ্রূপকলয়া ॥103॥

॥ ইতি পাদারবিংদশতকং সংপূর্ণম্ ॥