অর্জুন উবাচ ।
নমস্তে সিদ্ধসেনানি আর্য়ে মংদরবাসিনি ।
কুমারি কালি কাপালি কপিলে কৃষ্ণপিংগলে ॥ 1 ॥
ভদ্রকালি নমস্তুভ্য়ং মহাকালি নমোঽস্তু তে ।
চংডি চংডে নমস্তুভ্য়ং তারিণি বরবর্ণিনি ॥ 2 ॥
কাত্য়াযনি মহাভাগে করালি বিজয়ে জয়ে ।
শিখিপিংছধ্বজধরে নানাভরণভূষিতে ॥ 3 ॥
অট্টশূলপ্রহরণে খড্গখেটকধারিণি ।
গোপেংদ্রস্য়ানুজে জ্য়েষ্ঠে নংদগোপকুলোদ্ভবে ॥ 4 ॥
মহিষাসৃক্প্রিয়ে নিত্য়ং কৌশিকি পীতবাসিনি ।
অট্টহাসে কোকমুখে নমস্তেঽস্তু রণপ্রিয়ে ॥ 5 ॥
উমে শাকংভরি শ্বেতে কৃষ্ণে কৈটভনাশিনি ।
হিরণ্য়াক্ষি বিরূপাক্ষি সুধূম্রাক্ষি নমোঽস্তু তে ॥ 6 ॥
বেদশ্রুতিমহাপুণ্য়ে ব্রহ্মণ্য়ে জাতবেদসি ।
জংবূকটকচৈত্য়েষু নিত্য়ং সন্নিহিতালয়ে ॥ 7 ॥
ত্বং ব্রহ্মবিদ্য়া বিদ্য়ানাং মহানিদ্রা চ দেহিনাম্ ।
স্কংদমাতর্ভগবতি দুর্গে কাংতারবাসিনি ॥ 8 ॥
স্বাহাকারঃ স্বধা চৈব কলা কাষ্ঠা সরস্বতী ।
সাবিত্রী বেদমাতা চ তথা বেদাংত উচ্যতে ॥ 9 ॥
স্তুতাসি ত্বং মহাদেবি বিশুদ্ধেনাংতরাত্মনা ।
জয়ো ভবতু মে নিত্য়ং ত্বত্প্রসাদাদ্রণাজিরে ॥ 10 ॥
কাংতারভযদুর্গেষু ভক্তানাং চালয়েষু চ ।
নিত্য়ং বসসি পাতালে যুদ্ধে জযসি দানবান্ ॥ 11 ॥
ত্বং জংভনী মোহিনী চ মায়া হ্রীঃ শ্রীস্তথৈব চ ।
সংধ্য়া প্রভাবতী চৈব সাবিত্রী জননী তথা ॥ 12 ॥
তুষ্টিঃ পুষ্টির্ধৃতির্দীপ্তিশ্চংদ্রাদিত্যবিবর্ধিনী ।
ভূতির্ভূতিমতাং সংখ্য়ে বীক্ষ্যসে সিদ্ধচারণৈঃ ॥ 13 ॥
ইতি শ্রীমন্মহাভারতে ভীষ্মপর্বণি ত্রয়োবিংশোঽধ্য়ায়ে অর্জুন কৃত শ্রী দুর্গা স্তোত্রম্ ।
