নিশুংভবধোনাম নবমোধ্য়ায়ঃ ॥
ধ্য়ানং
ওং বংধূক কাংচননিভং রুচিরাক্ষমালাং
পাশাংকুশৌ চ বরদাং নিজবাহুদংডৈঃ ।
বিভ্রাণমিংদু শকলাভরণাং ত্রিনেত্রাং-
অর্ধাংবিকেশমনিশং বপুরাশ্রয়ামি ॥
রাজৌবাচ॥1॥
বিচিত্রমিদমাখ্য়াতং ভগবন্ ভবতা মম ।
দেব্য়াশ্চরিতমাহাত্ম্য়ং রক্ত বীজবধাশ্রিতম্ ॥ 2॥
ভূযশ্চেচ্ছাম্যহং শ্রোতুং রক্তবীজে নিপাতিতে ।
চকার শুংভো যত্কর্ম নিশুংভশ্চাতিকোপনঃ ॥3॥
ঋষিরুবাচ ॥4॥
চকার কোপমতুলং রক্তবীজে নিপাতিতে।
শুংভাসুরো নিশুংভশ্চ হতেষ্বন্য়েষু চাহবে ॥5॥
হন্যমানং মহাসৈন্য়ং বিলোক্য়ামর্ষমুদ্বহন্।
অভ্যদাবন্নিশুংবোঽথ মুখ্যয়াসুর সেনয়া ॥6॥
তস্য়াগ্রতস্তথা পৃষ্ঠে পার্শ্বয়োশ্চ মহাসুরাঃ
সংদষ্টৌষ্ঠপুটাঃ ক্রুদ্ধা হংতুং দেবীমুপাযয়ুঃ ॥7॥
আজগাম মহাবীর্য়ঃ শুংভোঽপি স্ববলৈর্বৃতঃ।
নিহংতুং চংডিকাং কোপাত্কৃত্বা যুদ্দং তু মাতৃভিঃ ॥8॥
ততো যুদ্ধমতীবাসীদ্দেব্য়া শুংভনিশুংভয়োঃ।
শরবর্ষমতীবোগ্রং মেঘয়োরিব বর্ষতোঃ ॥9॥
চিচ্ছেদাস্তাংছরাংস্তাভ্য়াং চংডিকা স্বশরোত্করৈঃ।
তাডয়ামাস চাংগেষু শস্ত্রৌঘৈরসুরেশ্বরৌ ॥10॥
নিশুংভো নিশিতং খড্গং চর্ম চাদায় সুপ্রভম্।
অতাডযন্মূর্ধ্নি সিংহং দেব্য়া বাহনমুত্তমম্॥11॥
তাডিতে বাহনে দেবী ক্ষুর প্রেণাসিমুত্তমম্।
শুংভস্য়াশু চিচ্ছেদ চর্ম চাপ্যষ্ট চংদ্রকম্ ॥12॥
ছিন্নে চর্মণি খড্গে চ শক্তিং চিক্ষেপ সোঽসুরঃ।
তামপ্যস্য় দ্বিধা চক্রে চক্রেণাভিমুখাগতাম্॥13॥
কোপাধ্মাতো নিশুংভোঽথ শূলং জগ্রাহ দানবঃ।
আয়াতং মুষ্ঠিপাতেন দেবী তচ্চাপ্যচূর্ণযত্॥14॥
আবিদ্ধ্য়াথ গদাং সোঽপি চিক্ষেপ চংডিকাং প্রতি।
সাপি দেব্য়াস্ ত্রিশূলেন ভিন্না ভস্মত্বমাগতা॥15॥
ততঃ পরশুহস্তং তমায়াংতং দৈত্যপুংগবং।
আহত্য় দেবী বাণৌঘৈরপাতযত ভূতলে॥16॥
তস্মিন্নি পতিতে ভূমৌ নিশুংভে ভীমবিক্রমে।
ভ্রাতর্যতীব সংক্রুদ্ধঃ প্রযয়ৌ হংতুমংবিকাম্॥17॥
স রথস্থস্তথাত্য়ুচ্ছৈ র্গৃহীতপরমায়ুধৈঃ।
ভুজৈরষ্টাভিরতুলৈ র্ব্য়াপ্য়া শেষং বভৌ নভঃ॥18॥
তমায়াংতং সমালোক্য় দেবী শংখমবাদযত্।
জ্য়াশব্দং চাপি ধনুষ শ্চকারাতীব দুঃসহম্॥19॥
পূরয়ামাস ককুভো নিজঘংটা স্বনেন চ।
সমস্তদৈত্যসৈন্য়ানাং তেজোবধবিধায়িনা॥20॥
ততঃ সিংহো মহানাদৈ স্ত্য়াজিতেভমহামদৈঃ।
পুরয়ামাস গগনং গাং তথৈব দিশো দশ॥21॥
ততঃ কালী সমুত্পত্য় গগনং ক্ষ্মামতাডযত্।
করাভ্য়াং তন্নিনাদেন প্রাক্স্বনাস্তে তিরোহিতাঃ॥22॥
অট্টাট্টহাসমশিবং শিবদূতী চকার হ।
বৈঃ শব্দৈরসুরাস্ত্রেসুঃ শুংভঃ কোপং পরং যয়ৌ॥23॥
দুরাত্মং স্তিষ্ট তিষ্ঠেতি ব্য়াজ হারাংবিকা যদা।
তদা জয়েত্যভিহিতং দেবৈরাকাশ সংস্থিতৈঃ॥24॥
শুংভেনাগত্য় যা শক্তির্মুক্তা জ্বালাতিভীষণা।
আয়াংতী বহ্নিকূটাভা সা নিরস্তা মহোল্কয়া॥25॥
সিংহনাদেন শুংভস্য় ব্য়াপ্তং লোকত্রয়াংতরম্।
নির্ঘাতনিঃস্বনো ঘোরো জিতবানবনীপতে॥26॥
শুংভমুক্তাংছরাংদেবী শুংভস্তত্প্রহিতাংছরান্।
চিচ্ছেদ স্বশরৈরুগ্রৈঃ শতশোঽথ সহস্রশঃ॥27॥
ততঃ সা চংডিকা ক্রুদ্ধা শূলেনাভিজঘান তম্।
স তদাভি হতো ভূমৌ মূর্ছিতো নিপপাত হ॥28॥
ততো নিশুংভঃ সংপ্রাপ্য় চেতনামাত্তকার্মুকঃ।
আজঘান শরৈর্দেবীং কালীং কেসরিণং তথা॥29॥
পুনশ্চ কৃত্বা বাহুনাময়ুতং দনুজেশ্বরঃ।
চক্রায়ুধেন দিতিজশ্চাদয়ামাস চংডিকাম্॥30॥
ততো ভগবতী ক্রুদ্ধা দুর্গাদুর্গার্তি নাশিনী।
চিচ্ছেদ দেবী চক্রাণি স্বশরৈঃ সাযকাংশ্চ তান্॥31॥
ততো নিশুংভো বেগেন গদামাদায় চংডিকাম্।
অভ্যধাবত বৈ হংতুং দৈত্য় সেনাসমাবৃতঃ॥32॥
তস্য়াপতত এবাশু গদাং চিচ্ছেদ চংডিকা।
খড্গেন শিতধারেণ স চ শূলং সমাদদে॥33॥
শূলহস্তং সমায়াংতং নিশুংভমমরার্দনম্।
হৃদি বিব্য়াধ শূলেন বেগাবিদ্ধেন চংডিকা॥34॥
খিন্নস্য় তস্য় শূলেন হৃদয়ান্নিঃসৃতোঽপরঃ।
মহাবলো মহাবীর্যস্তিষ্ঠেতি পুরুষো বদন্॥35॥
তস্য় নিষ্ক্রামতো দেবী প্রহস্য় স্বনবত্ততঃ।
শিরশ্চিচ্ছেদ খড্গেন ততোঽসাবপতদ্ভুবি॥36॥
ততঃ সিংহশ্চ খাদোগ্র দংষ্ট্রাক্ষুণ্ণশিরোধরান্।
অসুরাং স্তাংস্তথা কালী শিবদূতী তথাপরান্॥37॥
কৌমারী শক্তিনির্ভিন্নাঃ কেচিন্নেশুর্মহাসুরাঃ
ব্রহ্মাণী মংত্রপূতেন তোয়েনান্য়ে নিরাকৃতাঃ॥38॥
মাহেশ্বরী ত্রিশূলেন ভিন্নাঃ পেতুস্তথাপরে।
বারাহীতুংডঘাতেন কেচিচ্চূর্ণী কৃতা ভুবি॥39॥
খংডং খংডং চ চক্রেণ বৈষ্ণব্য়া দানবাঃ কৃতাঃ।
বজ্রেণ চৈংদ্রী হস্তাগ্র বিমুক্তেন তথাপরে॥40॥
কেচিদ্বিনেশুরসুরাঃ কেচিন্নষ্টামহাহবাত্।
ভক্ষিতাশ্চাপরে কালীশিবধূতী মৃগাধিপৈঃ॥41॥
॥ স্বস্তি শ্রী মার্কংডেয় পুরাণে সাবর্নিকে মন্বংতরে দেবি মহত্ম্য়ে নিশুংভবধোনাম নবমোধ্য়ায় সমাপ্তম্ ॥
আহুতি
ওং ক্লীং জয়ংতী সাংগায়ৈ সশক্তিকায়ৈ সপরিবারায়ৈ সবাহনায়ৈ মহাহুতিং সমর্পয়ামি নমঃ স্বাহা ॥
