অস্য় শ্রীললিতা ত্রিশতীস্তোত্র মহামংত্রস্য়, ভগবান্ হযগ্রীব ঋষিঃ, অনুষ্টুপ্ ছংদঃ, শ্রীললিতামহাত্রিপুরসুংদরী দেবতা, ঐং বীজং, সৌঃ শক্তিঃ, ক্লীং কীলকং, মম চতুর্বিধপুরুষার্থফলসিদ্ধ্যর্থে জপে বিনিয়োগঃ ।
ঐমিত্য়াদিভিরংগন্য়াসকরন্য়াসাঃ কার্য়াঃ ।

ধ্য়ানম্ ।
অতিমধুরচাপহস্তা-
-মপরিমিতামোদবাণসৌভাগ্য়াম্ ।
অরুণামতিশযকরুণা-
-মভিনবকুলসুংদরীং বংদে ।

শ্রী হযগ্রীব উবাচ ।
ককাররূপা কল্য়াণী কল্য়াণগুণশালিনী ।
কল্য়াণশৈলনিলয়া কমনীয়া কলাবতী ॥ 1 ॥

কমলাক্ষী কল্মষঘ্নী করুণামৃতসাগরা ।
কদংবকাননাবাসা কদংবকুসুমপ্রিয়া ॥ 2 ॥

কংদর্পবিদ্য়া কংদর্পজনকাপাংগবীক্ষণা ।
কর্পূরবীটিসৌরভ্যকল্লোলিতককুপ্তটা ॥ 3 ॥

কলিদোষহরা কংজলোচনা কম্রবিগ্রহা ।
কর্মাদিসাক্ষিণী কারয়িত্রী কর্মফলপ্রদা ॥ 4 ॥

একাররূপা চৈকাক্ষর্য়েকানেকাক্ষরাকৃতিঃ ।
এতত্তদিত্যনির্দেশ্য়া চৈকানংদচিদাকৃতিঃ ॥ 5 ॥

এবমিত্য়াগমাবোধ্য়া চৈকভক্তিমদর্চিতা ।
একাগ্রচিত্তনির্ধ্য়াতা চৈষণারহিতাদৃতা ॥ 6 ॥

এলাসুগংধিচিকুরা চৈনঃকূটবিনাশিনী ।
একভোগা চৈকরসা চৈকৈশ্বর্যপ্রদায়িনী ॥ 7 ॥

একাতপত্রসাম্রাজ্যপ্রদা চৈকাংতপূজিতা ।
এধমানপ্রভা চৈজদনেকজগদীশ্বরী ॥ 8 ॥

একবীরাদিসংসেব্য়া চৈকপ্রাভবশালিনী ।
ঈকাররূপা চেশিত্রী চেপ্সিতার্থপ্রদায়িনী ॥ 9 ॥

ঈদৃগিত্যবিনির্দেশ্য়া চেশ্বরত্ববিধায়িনী ।
ঈশানাদিব্রহ্মময়ী চেশিত্বাদ্যষ্টসিদ্ধিদা ॥ 10 ॥

ঈক্ষিত্রীক্ষণসৃষ্টাংডকোটিরীশ্বরবল্লভা ।
ঈডিতা চেশ্বরার্ধাংগশরীরেশাধিদেবতা ॥ 11 ॥

ঈশ্বরপ্রেরণকরী চেশতাংডবসাক্ষিণী ।
ঈশ্বরোত্সংগনিলয়া চেতিবাধাবিনাশিনী ॥ 12 ॥

ঈহাবিরহিতা চেশশক্তিরীষত্স্মিতাননা ।
লকাররূপা ললিতা লক্ষ্মীবাণীনিষেবিতা ॥ 13 ॥

লাকিনী ললনারূপা লসদ্দাডিমপাটলা ।
ললংতিকালসত্ফালা ললাটনযনার্চিতা ॥ 14 ॥

লক্ষণোজ্জ্বলদিব্য়াংগী লক্ষকোট্য়ংডনায়িকা ।
লক্ষ্য়ার্থা লক্ষণাগম্য়া লব্ধকামা লতাতনুঃ ॥ 15 ॥

ললামরাজদলিকা লংবিমুক্তালতাংচিতা ।
লংবোদরপ্রসূর্লভ্য়া লজ্জাঢ্য়া লযবর্জিতা ॥ 16 ॥

হ্রীং‍কাররূপা হ্রীং‍কারনিলয়া হ্রীং‍পদপ্রিয়া ।
হ্রীং‍কারবীজা হ্রীং‍কারমংত্রা হ্রীং‍কারলক্ষণা ॥ 17 ॥

হ্রীং‍কারজপসুপ্রীতা হ্রীং‍মতী হ্রীং‍বিভূষণা ।
হ্রীং‍শীলা হ্রীং‍পদারাধ্য়া হ্রীং‍গর্ভা হ্রীং‍পদাভিধা ॥ 18 ॥

হ্রীং‍কারবাচ্য়া হ্রীং‍কারপূজ্য়া হ্রীং‍কারপীঠিকা ।
হ্রীং‍কারবেদ্য়া হ্রীং‍কারচিংত্য়া হ্রীং হ্রীং‍শরীরিণী ॥ 19 ॥

হকাররূপা হলধৃক্পূজিতা হরিণেক্ষণা ।
হরপ্রিয়া হরারাধ্য়া হরিব্রহ্মেংদ্রবংদিতা ॥ 20 ॥

হয়ারূঢাসেবিতাংঘ্রির্হযমেধসমর্চিতা ।
হর্যক্ষবাহনা হংসবাহনা হতদানবা ॥ 21 ॥

হত্য়াদিপাপশমনী হরিদশ্বাদিসেবিতা ।
হস্তিকুংভোত্তুংগকুচা হস্তিকৃত্তিপ্রিয়াংগনা ॥ 22 ॥

হরিদ্রাকুংকুমাদিগ্ধা হর্যশ্বাদ্যমরার্চিতা ।
হরিকেশসখী হাদিবিদ্য়া হালামদালসা ॥ 23 ॥

সকাররূপা সর্বজ্ঞা সর্বেশী সর্বমংগলা ।
সর্বকর্ত্রী সর্বভর্ত্রী সর্বহংত্রী সনাতনা ॥ 24 ॥

সর্বানবদ্য়া সর্বাংগসুংদরী সর্বসাক্ষিণী ।
সর্বাত্মিকা সর্বসৌখ্যদাত্রী সর্ববিমোহিনী ॥ 25 ॥

সর্বাধারা সর্বগতা সর্বাবগুণবর্জিতা ।
সর্বারুণা সর্বমাতা সর্বভূষণভূষিতা ॥ 26 ॥

ককারার্থা কালহংত্রী কামেশী কামিতার্থদা ।
কামসংজীবনী কল্য়া কঠিনস্তনমংডলা ॥ 27 ॥

করভোরূঃ কলানাথমুখী কচজিতাংবুদা ।
কটাক্ষস্য়ংদিকরুণা কপালিপ্রাণনায়িকা ॥ 28 ॥

কারুণ্যবিগ্রহা কাংতা কাংতিধূতজপাবলিঃ ।
কলালাপা কংবুকংঠী করনির্জিতপল্লবা ॥ 29 ॥

কল্পবল্লীসমভুজা কস্তূরীতিলকাংচিতা ।
হকারার্থা হংসগতির্হাটকাভরণোজ্জ্বলা ॥ 30 ॥

হারহারিকুচাভোগা হাকিনী হল্যবর্জিতা ।
হরিত্পতিসমারাধ্য়া হঠাত্কারহতাসুরা ॥ 31 ॥

হর্ষপ্রদা হবির্ভোক্ত্রী হার্দসংতমসাপহা ।
হল্লীসলাস্যসংতুষ্টা হংসমংত্রার্থরূপিণী ॥ 32 ॥

হানোপাদাননির্মুক্তা হর্ষিণী হরিসোদরী ।
হাহাহূহূমুখস্তুত্য়া হানিবৃদ্ধিবিবর্জিতা ॥ 33 ॥

হয়্য়ংগবীনহৃদয়া হরিগোপারুণাংশুকা ।
লকারাখ্য়া লতাপূজ্য়া লযস্থিত্য়ুদ্ভবেশ্বরী ॥ 34 ॥

লাস্যদর্শনসংতুষ্টা লাভালাভবিবর্জিতা ।
লংঘ্য়েতরাজ্ঞা লাবণ্যশালিনী লঘুসিদ্ধিদা ॥ 35 ॥

লাক্ষারসসবর্ণাভা লক্ষ্মণাগ্রজপূজিতা ।
লভ্য়েতরা লব্ধভক্তিসুলভা লাংগলায়ুধা ॥ 36 ॥

লগ্নচামরহস্তশ্রীশারদাপরিবীজিতা ।
লজ্জাপদসমারাধ্য়া লংপটা লকুলেশ্বরী ॥ 37 ॥

লব্ধমানা লব্ধরসা লব্ধসংপত্সমুন্নতিঃ ।
হ্রীং‍কারিণী হ্রীং‍কারাদ্য়া হ্রীং‍মধ্য়া হ্রীং‍শিখামণিঃ ॥ 38 ॥

হ্রীং‍কারকুংডাগ্নিশিখা হ্রীং‍কারশশিচংদ্রিকা ।
হ্রীং‍কারভাস্কররুচির্হ্রীং‍কারাংভোদচংচলা ॥ 39 ॥

হ্রীং‍কারকংদাংকুরিকা হ্রীং‍কারৈকপরাযণা ।
হ্রীং‍কারদীর্ঘিকাহংসী হ্রীং‍কারোদ্য়ানকেকিনী ॥ 40 ॥

হ্রীং‍কারারণ্যহরিণী হ্রীং‍কারাবালবল্লরী ।
হ্রীং‍কারপংজরশুকী হ্রীং‍কারাংগণদীপিকা ॥ 41 ॥

হ্রীং‍কারকংদরাসিংহী হ্রীং‍কারাংভোজভৃংগিকা ।
হ্রীং‍কারসুমনোমাধ্বী হ্রীং‍কারতরুমংজরী ॥ 42 ॥

সকারাখ্য়া সমরসা সকলাগমসংস্তুতা ।
সর্ববেদাংততাত্পর্যভূমিঃ সদসদাশ্রয়া ॥ 43 ॥

সকলা সচ্চিদানংদা সাধ্য়া সদ্গতিদায়িনী ।
সনকাদিমুনিধ্য়েয়া সদাশিবকুটুংবিনী ॥ 44 ॥

সকালাধিষ্ঠানরূপা সত্যরূপা সমাকৃতিঃ ।
সর্বপ্রপংচনির্মাত্রী সমনাধিকবর্জিতা ॥ 45 ॥

সর্বোত্তুংগা সংগহীনা সগুণা সকলেষ্টদা ।
ককারিণী কাব্যলোলা কামেশ্বরমনোহরা ॥ 46 ॥

কামেশ্বরপ্রাণনাডী কামেশোত্সংগবাসিনী ।
কামেশ্বরালিংগিতাংগী কামেশ্বরসুখপ্রদা ॥ 47 ॥

কামেশ্বরপ্রণয়িনী কামেশ্বরবিলাসিনী ।
কামেশ্বরতপঃসিদ্ধিঃ কামেশ্বরমনঃপ্রিয়া ॥ 48 ॥

কামেশ্বরপ্রাণনাথা কামেশ্বরবিমোহিনী ।
কামেশ্বরব্রহ্মবিদ্য়া কামেশ্বরগৃহেশ্বরী ॥ 49 ॥

কামেশ্বরাহ্লাদকরী কামেশ্বরমহেশ্বরী ।
কামেশ্বরী কামকোটিনিলয়া কাংক্ষিতার্থদা ॥ 50 ॥

লকারিণী লব্ধরূপা লব্ধধীর্লব্ধবাংছিতা ।
লব্ধপাপমনোদূরা লব্ধাহংকারদুর্গমা ॥ 51 ॥

লব্ধশক্তির্লব্ধদেহা লব্ধৈশ্বর্যসমুন্নতিঃ ।
লব্ধবৃদ্ধির্লব্ধলীলা লব্ধয়ৌবনশালিনী ॥ 52 ॥

লব্ধাতিশযসর্বাংগসৌংদর্য়া লব্ধবিভ্রমা ।
লব্ধরাগা লব্ধপতির্লব্ধনানাগমস্থিতিঃ ॥ 53 ॥

লব্ধভোগা লব্ধসুখা লব্ধহর্ষাভিপূরিতা ।
হ্রীং‍কারমূর্তির্হ্রীং‍কারসৌধশৃংগকপোতিকা ॥ 54 ॥

হ্রীং‍কারদুগ্ধাব্ধিসুধা হ্রীং‍কারকমলেংদিরা ।
হ্রীং‍কারমণিদীপার্চির্হ্রীং‍কারতরুশারিকা ॥ 55 ॥

হ্রীং‍কারপেটকমণির্হ্রীং‍কারাদর্শবিংবিতা ।
হ্রীং‍কারকোশাসিলতা হ্রীং‍কারাস্থাননর্তকী ॥ 56 ॥

হ্রীং‍কারশুক্তিকামুক্তামণির্হ্রীং‍কারবোধিতা ।
হ্রীং‍কারমযসৌবর্ণস্তংভবিদ্রুমপুত্রিকা ॥ 57 ॥

হ্রীং‍কারবেদোপনিষদ্ হ্রীং‍কারাধ্বরদক্ষিণা ।
হ্রীং‍কারনংদনারামনবকল্পকবল্লরী ॥ 58 ॥

হ্রীং‍কারহিমবদ্গংগা হ্রীং‍কারার্ণবকৌস্তুভা ।
হ্রীং‍কারমংত্রসর্বস্বা হ্রীং‍কারপরসৌখ্যদা ॥ 59 ॥

উত্তরপীঠিকা (ফলশৃতিঃ)
হযগ্রীব উবাচ ।
ইত্য়েবং তে ময়াখ্য়াতং দেব্য়া নামশতত্রযম্ ।
রহস্য়াতিরহস্যত্বাদ্গোপনীয়ং ত্বয়া মুনে ॥ 1 ॥

শিববর্ণানি নামানি শ্রীদেব্য়া কথিতানি হি ।
শক্ত্যক্ষরাণি নামানি কামেশকথিতানি চ ॥ 2 ॥

উভয়াক্ষরনামানি হ্য়ুভাভ্য়াং কথিতানি বৈ ।
তদন্য়ৈর্গ্রথিতং স্তোত্রমেতস্য় সদৃশং কিমু ॥ 3 ॥

নানেন সদৃশং স্তোত্রং শ্রীদেবীপ্রীতিদাযকম্ ।
লোকত্রয়েঽপি কল্য়াণং সংভবেন্নাত্র সংশয়ঃ ॥ 4 ॥

সূত উবাচ ।
ইতি হযমুখগীতং স্তোত্ররাজং নিশম্য়
প্রগলিতকলুষোঽভূচ্চিত্তপর্য়াপ্তিমেত্য় ।
নিজগুরুমথ নত্বা কুংভজন্মা তদুক্তং
পুনরধিকরহস্য়ং জ্ঞাতুমেবং জগাদ ॥ 5 ॥

অগস্ত্য় উবাচ ।
অশ্বানন মহাভাগ রহস্যমপি মে বদ ।
শিববর্ণানি কান্যত্র শক্তিবর্ণানি কানি হি ॥ 6 ॥

উভয়োরপি বর্ণানি কানি বা বদ দেশিক ।
ইতি পৃষ্টঃ কুংভজেন হযগ্রীবোঽবদত্পুনঃ ॥ 7 ॥

হযগ্রীব উবাচ ।
তব গোপ্য়ং কিমস্তীহ সাক্ষাদংবানুশাসনাত্ ।
ইদং ত্বতিরহস্য়ং তে বক্ষ্য়ামি শৃণু কুংভজ ॥ 8 ॥

এতদ্বিজ্ঞানমাত্রেণ শ্রীবিদ্য়া সিদ্ধিদা ভবেত্ ।
কত্রয়ং হদ্বয়ং চৈব শৈবো ভাগঃ প্রকীর্তিতঃ ॥ 9 ॥

শক্ত্যক্ষরাণি শেষাণি হ্রীংকার উভয়াত্মকঃ ।
এবং বিভাগমজ্ঞাত্বা যে বিদ্য়াজপশালিনঃ ॥ 10 ॥

ন তেষাং সিদ্ধিদা বিদ্য়া কল্পকোটিশতৈরপি ।
চতুর্ভিঃ শিবচক্রৈশ্চ শক্তিচক্রৈশ্চ পংচভিঃ ॥ 11 ॥

নবচক্রৈশ্চ সংসিদ্ধং শ্রীচক্রং শিবয়োর্বপুঃ ।
ত্রিকোণমষ্টকোণং চ দশকোণদ্বয়ং তথা ॥ 12 ॥

চতুর্দশারং চৈতানি শক্তিচক্রাণি পংচ চ ।
বিংদুশ্চাষ্টদলং পদ্মং পদ্মং ষোডশপত্রকম্ ॥ 13 ॥

চতুরশ্রং চ চত্বারি শিবচক্রাণ্যনুক্রমাত্ ।
ত্রিকোণে বৈংদবং শ্লিষ্টং অষ্টারেঽষ্টদলাংবুজম্ ॥ 14 ॥

দশারয়োঃ ষোডশারং ভূগৃহং ভুবনাশ্রকে ।
শৈবানামপি শাক্তানাং চক্রাণাং চ পরস্পরম্ ॥ 15 ॥

অবিনাভাবসংবংধং যো জানাতি স চক্রবিত্ ।
ত্রিকোণরূপিণী শক্তির্বিংদুরূপপরঃ শিবঃ ॥ 16 ॥

অবিনাভাবসংবংধং তস্মাদ্বিংদুত্রিকোণয়োঃ ।
এবং বিভাগমজ্ঞাত্বা শ্রীচক্রং যঃ সমর্চয়েত্ ॥ 17 ॥

ন তত্ফলমবাপ্নোতি ললিতাংবা ন তুষ্যতি ।
যে চ জানংতি লোকেঽস্মিন্ শ্রীবিদ্য়াচক্রবেদিনঃ ॥ 18 ॥

সামন্যবেদিনঃ সর্বে বিশেষজ্ঞোঽতিদুর্লভঃ ।
স্বয়ংবিদ্য়াবিশেষজ্ঞো বিশেষজ্ঞং সমর্চয়েত্ ॥ 19 ॥

তস্মৈ দেয়ং ততো গ্রাহ্যমশক্তস্তস্য় দাপয়েত্ ।
অংধং তমঃ প্রবিশংতি যেঽবিদ্য়াং সমুপাসতে ॥ 20 ॥

ইতি শ্রুতিরপাহৈতানবিদ্য়োপাসকান্পুনঃ ।
বিদ্য়ান্য়োপাসকানেব নিংদত্য়ারুণিকী শ্রুতিঃ ॥ 21 ॥

অশ্রুতা সশ্রুতাসশ্চ যজ্বানো যেঽপ্যযজ্বনঃ ।
স্বর্য়ংতো নাপেক্ষংতে ইংদ্রমগ্নিং চ যে বিদুঃ ॥ 22 ॥

সিকতা ইব সংয়ংতি রশ্মিভিঃ সমুদীরিতাঃ ।
অস্মাল্লোকাদমুষ্মাচ্চেত্য়াহ চারণ্যকশ্রুতিঃ ॥ 23 ॥

যস্য় নো পশ্চিমং জন্ম যদি বা শংকরঃ স্বযম্ ।
তেনৈব লভ্যতে বিদ্য়া শ্রীমত্পংচদশাক্ষরী ॥ 24 ॥

ইতি মংত্রেষু বহুধা বিদ্য়ায়া মহিমোচ্যতে ।
মোক্ষৈকহেতুবিদ্য়া তু শ্রীবিদ্য়া নাত্র সংশয়ঃ ॥ 25 ॥

ন শিল্পাদিজ্ঞানয়ুক্তে বিদ্বচ্ছব্ধঃ প্রয়ুজ্যতে ।
মোক্ষৈকহেতুবিদ্য়া সা শ্রীবিদ্য়ৈব ন সংশয়ঃ ॥ 26 ॥

তস্মাদ্বিদ্য়াবিদেবাত্র বিদ্বান্বিদ্বানিতীর্যতে ।
স্বয়ং বিদ্য়াবিদে দদ্য়াত্খ্য়াপয়েত্তদ্গুণান্সুধীঃ ॥ 27 ॥

স্বয়ংবিদ্য়ারহস্যজ্ঞো বিদ্য়ামাহাত্ম্যবেদ্যপি ।
বিদ্য়াবিদং নার্চয়েচ্চেত্কো বা তং পূজয়েজ্জনঃ ॥ 28 ॥

প্রসংগাদিদমুক্তং তে প্রকৃতং শৃণু কুংভজ ।
যঃ কীর্তয়েত্সকৃদ্ভক্ত্য়া দিব্যনামশতত্রযম্ ॥ 29 ॥

তস্য় পুণ্যমহং বক্ষ্য়ে শৃণু ত্বং কুংভসংভব ।
রহস্যনামসাহস্রপাঠে যত্ফলমীরিতম্ ॥ 30 ॥

তত্ফলং কোটিগুণিতমেকনামজপাদ্ভবেত্ ।
কামেশ্বরীকামেশাভ্য়াং কৃতং নামশতত্রযম্ ॥ 31 ॥

নান্য়েন তুলয়েদেতত্ স্তোত্রেণান্যকৃতেন চ ।
শ্রিয়ঃ পরংপরা যস্য় ভাবি বা চোত্তরোত্তরম্ ॥ 32 ॥

তেনৈব লভ্যতে চৈতত্পশ্চাচ্ছ্রেয়ঃ পরীক্ষয়েত্ ।
অস্য়া নাম্নাং ত্রিশত্য়াস্তু মহিমা কেন বর্ণ্যতে ॥ 33 ॥

যা স্বয়ং শিবয়োর্বক্ত্রপদ্মাভ্য়াং পরিনিঃসৃতা ।
নিত্য়ং ষোডশসংখ্য়াকান্বিপ্রানাদৌ তু ভোজয়েত্ ॥ 34 ॥

অভ্যক্তাংস্তিলতৈলেন স্নাতানুষ্ণেন বারিণা ।
অভ্যর্চ্য় গংধপুষ্পাদ্য়ৈঃ কামেশ্বর্য়াদিনামভিঃ ॥ 35 ॥

সূপাপূপৈঃ শর্করাদ্য়ৈঃ পাযসৈঃ ফলসংয়ুতৈঃ ।
বিদ্য়াবিদো বিশেষেণ ভোজয়েত্ষোডশ দ্বিজান্ ॥ 36 ॥

এবং নিত্য়ার্চনং কুর্য়াদাদৌ ব্রাহ্মণভোজনম্ ।
ত্রিশতীনামভিঃ পশ্চাদ্ব্রাহ্মণান্ক্রমশোঽর্চয়েত্ ॥ 37 ॥

তৈলাভ্য়ংগাদিকং দত্বা বিভবে সতি ভক্তিতঃ ।
শুক্লপ্রতিপদারভ্য় পৌর্ণমাস্যবধি ক্রমাত্ ॥ 38 ॥

দিবসে দিবসে বিপ্রা ভোজ্য়া বিংশতিসংখ্যয়া ।
দশভিঃ পংচভির্বাপি ত্রিভিরেকেন বা দিনৈঃ ॥ 39 ॥

ত্রিংশত্ষষ্টিঃ শতং বিপ্রাঃ সংভোজ্য়াস্ত্রিশতং ক্রমাত্ ।
এবং যঃ কুরুতে ভক্ত্য়া জন্মমধ্য়ে সকৃন্নরঃ ॥ 40 ॥

তস্য়ৈব সফলং জন্ম মুক্তিস্তস্য় করে স্থিরা ।
রহস্যনামসাহস্রভোজনেঽপ্য়েবমেব হি ॥ 41 ॥

আদৌ নিত্যবলিং কুর্য়াত্পশ্চাদ্ব্রাহ্মণভোজনম্ ।
রহস্যনামসাহস্রমহিমা যো ময়োদিতঃ ॥ 42 ॥

স শীকরাণুরত্নৈকনাম্নো মহিমবারিধেঃ ।
বাগ্দেবীরচিতে নামসাহস্রে যদ্যদীরিতম্ ॥ 43 ॥

তত্ফলং কোটিগুণিতং নাম্নোঽপ্য়েকস্য় কীর্তনাত্ ।
এতদন্য়ৈর্জপৈঃ স্তোত্রৈরর্চনৈর্যত্ফলং ভবেত্ ॥ 44 ॥

তত্ফলং কোটিগুণিতং ভবেন্নামশতত্রয়াত্ ।
বাগ্দেবীরচিতে স্তোত্রে তাদৃশো মহিমা যদি ॥ 45 ॥

সাক্ষাত্কামেশকামেশীকৃতেঽস্মিন্গৃহ্যতামিতি ।
সকৃত্সংকীর্তনাদেব নাম্নামস্মিন্ শতত্রয়ে ॥ 46 ॥

ভবেচ্চিত্তস্য় পর্য়াপ্তির্ন্য়ূনমন্য়ানপেক্ষিণী ।
ন জ্ঞাতব্যমিতোঽপ্যন্যত্র জপ্তব্য়ং চ কুংভজ ॥ 47 ॥

যদ্যত্সাধ্যতমং কার্য়ং তত্তদর্থমিদং জপেত্ ।
তত্তত্ফলমবাপ্নোতি পশ্চাত্কার্য়ং পরীক্ষয়েত্ ॥ 48 ॥

যে যে প্রয়োগাস্তংত্রেষু তৈস্তৈর্যত্সাধ্যতে ফলম্ ।
তত্সর্বং সিধ্যতি ক্ষিপ্রং নামত্রিশতকীর্তনাত্ ॥ 49 ॥

আয়ুষ্করং পুষ্টিকরং পুত্রদং বশ্যকারকম্ ।
বিদ্য়াপ্রদং কীর্তিকরং সুকবিত্বপ্রদাযকম্ ॥ 50 ॥

সর্বসংপত্প্রদং সর্বভোগদং সর্বসৌখ্যদম্ ।
সর্বাভীষ্টপ্রদং চৈব দেব্য়া নামশতত্রযম্ ॥ 51 ॥

এতজ্জপপরো ভূয়ান্নান্যদিচ্ছেত্কদাচন ।
এতত্কীর্তনসংতুষ্টা শ্রীদেবী ললিতাংবিকা ॥ 52 ॥

ভক্তস্য় যদ্যদিষ্টং স্য়াত্তত্তত্পূরযতে ধ্রুবম্ ।
তস্মাত্কুংভোদ্ভব মুনে কীর্তয় ত্বমিদং সদা ॥ 53 ॥

নাপরং কিংচিদপি তে বোদ্ধব্যমবশিষ্যতে ।
ইতি তে কথিতং স্তোত্রং ললিতাপ্রীতিদাযকম্ ॥ 54 ॥

নাবিদ্য়াবেদিনে ব্রূয়ান্নাভক্তায় কদাচন ।
ন শঠায় ন দুষ্টায় নাবিশ্বাসায় কর্হিচিত্ ॥ 56 ॥

যো ব্রূয়াত্ত্রিশতীং নাম্নাং তস্য়ানর্থো মহান্ভবেত্ ।
ইত্য়াজ্ঞা শাংকরী প্রোক্তা তস্মাদ্গোপ্যমিদং ত্বয়া ॥ 57 ॥

ললিতাপ্রেরিতেনৈব ময়োক্তং স্তোত্রমুত্তমম্ ।
রহস্যনামসাহস্রাদপি গোপ্যমিদং মুনে ॥ 58 ॥

সূত উবাচ ।
এবমুক্ত্বা হযগ্রীবঃ কুংভজং তাপসোত্তমম্ ।
স্তোত্রেণানেন ললিতাং স্তুত্বা ত্রিপুরসুংদরীম্ ।
আনংদলহরীমগ্নমানসঃ সমবর্তত ॥ 59 ॥

ইতি ব্রহ্মাংডপুরাণে উত্তরখংডে হযগ্রীবাগস্ত্যসংবাদে ললিতোপাখ্য়ানে স্তোত্রখংডে শ্রীললিতাত্রিশতীস্তোত্ররত্নম্ ।