বধ্নীমো বযমংজলিং প্রতিদিনং বংধচ্ছিদে দেহিনাং
কংদর্পাগমতংত্রমূলগুরবে কল্য়াণকেলীভুবে ।
কামাক্ষ্য়া ঘনসারপুংজরজসে কামদ্রুহশ্চক্ষুষাং
মংদারস্তবকপ্রভামদমুষে মংদস্মিতজ্য়োতিষে ॥1॥
সধ্রীচে নবমল্লিকাসুমনসাং নাসাগ্রমুক্তামণে-
রাচার্য়ায় মৃণালকাংডমহসাং নৈসর্গিকায় দ্বিষে ।
স্বর্ধুন্য়া সহ যুধ্বেন হিমরুচেরর্ধাসনাধ্য়াসিনে
কামাক্ষ্য়াঃ স্মিতমংজরীধবলিমাদ্বৈতায় তস্মৈ নমঃ ॥2॥
কর্পূরদ্য়ুতিচাতুরীমতিতরামল্পীযসীং কুর্বতী
দৌর্ভাগ্য়োদযমেব সংবিদধতী দৌষাকরীণাং ত্বিষাম্ ।
ক্ষুল্লানেব মনোজ্ঞমল্লিনিকরান্ফুল্লানপি ব্য়ংজতী
কামাক্ষ্য়া মৃদুলস্মিতাংশুলহরী কামপ্রসূরস্তু মে ॥3॥
যা পীনস্তনমংডলোপরি লসত্কর্পূরলেপাযতে
যা নীলেক্ষণরাত্রিকাংতিততিষু জ্য়োত্স্নাপ্ররোহাযতে ।
যা সৌংদর্যধুনীতরংগততিষু ব্য়ালোলহংসাযতে
কামাক্ষ্য়াঃ শিশিরীকরোতু হৃদয়ং সা মে স্মিতপ্রাচুরী ॥4॥
যেষাং গচ্ছতি পূর্বপক্ষসরণিং কৌমুদ্বতঃ শ্বেতিমা
যেষাং সংততমারুরুক্ষতি তুলাকক্ষ্য়াং শরচ্চংদ্রমাঃ ।
যেষামিচ্ছতি কংবুরপ্যসুলভামংতেবসত্প্রক্রিয়াং
কামাক্ষ্য়া মমতাং হরংতু মম তে হাসত্বিষামংকুরাঃ ॥5॥
আশাসীমসু সংততং বিদধতী নৈশাকরীং ব্য়াক্রিয়াং
কাশানামভিমানভংগকলনাকৌশল্যমাবিভ্রতী ।
ঈশানেন বিলোকিতা সকুতুকং কামাক্ষি তে কল্মষ-
ক্লেশাপাযকরী চকাস্তি লহরী মংদস্মিতজ্য়োতিষাম্ ॥6॥
আরূঢস্য় সমুন্নতস্তনতটীসাম্রাজ্যসিংহাসনং
কংদর্পস্য় বিভোর্জগত্ত্রযপ্রাকট্যমুদ্রানিধেঃ ।
যস্য়াশ্চামরচাতুরীং কলযতে রশ্মিচ্ছটা চংচলা
সা মংদস্মিতমংজরী ভবতু নঃ কামায় কামাক্ষি তে ॥7॥
শংভোর্য়া পরিরংভসংভ্রমবিধৌ নৈর্মল্যসীমানিধিঃ
গৈর্বাণীব তরংগিণী কৃতমৃদুস্য়ংদাং কলিংদাত্মজাম্ ।
কল্মাষীকুরুতে কলংকসুষমাং কংঠস্থলীচুংবিনীং
কামাক্ষ্য়াঃ স্মিতকংদলী ভবতু নঃ কল্য়াণসংদোহিনী ॥8॥
জেতুং হারলতামিব স্তনতটীং সংজগ্মুষী সংততং
গংতুং নির্মলতামিব দ্বিগুণিতাং মগ্না কৃপাস্ত্রোতসি ।
লব্ধুং বিস্মযনীযতামিব হরং রাগাকুলং কুর্বতী
মংজুস্তে স্মিতমংজরী ভবভয়ং মথ্নাতু কামাক্ষি মে ॥9॥
শ্বেতাপি প্রকটং নিশাকররুচাং মালিন্যমাতন্বতী
শীতাপি স্মরপাবকং পশুপতেঃ সংধুক্ষয়ংতী সদা ।
স্বাভাব্য়াদধরাশ্রিতাপি নমতামুচ্চৈর্দিশংতী গতিং
কামাক্ষি স্ফুটমংতরা স্ফুরতু নস্ত্বন্মংদহাসপ্রভা ॥10॥
বক্ত্রশ্রীসরসীজলে তরলিতভ্রূবল্লিকল্লোলিতে
কালিম্না দধতী কটাক্ষজনুষা মাধুব্রতীং ব্য়াপৃতিম্ ।
নির্নিদ্রামলপুংডরীককুহনাপাংডিত্যমাবিভ্রতী
কামাক্ষ্য়াঃ স্মিতচাতুরী মম মনঃ কাতর্যমুন্মূলয়েত্ ॥11॥
নিত্য়ং বাধিতবংধুজীবমধরং মৈত্রীজুষং পল্লবৈঃ
শুদ্ধস্য় দ্বিজমংডলস্য় চ তিরস্কর্তারমপ্য়াশ্রিতা ।
যা বৈমল্যবতী সদৈব নমতাং চেতঃ পুনীতেতরাং
কামাক্ষ্য়া হৃদয়ং প্রসাদযতু মে সা মংদহাসপ্রভা ॥12॥
দ্রুহ্য়ংতী তমসে মুহুঃ কুমুদিনীসাহায়্যমাবিভ্রতী
যাংতী চংদ্রকিশোরশেখরবপুঃসৌধাংগণে প্রেংখণম্ ।
জ্ঞানাংভোনিধিবীচিকাং সুমনসাং কূলংকষাং কুর্বতী
কামাক্ষ্য়াঃ স্মিতকৌমুদী হরতু মে সংসারতাপোদযম্ ॥13॥
কাশ্মীরদ্রবধাতুকর্দমরুচা কল্মাষতাং বিভ্রতী
হংসৌধৈরিব কুর্বতী পরিচিতিং হারীকৃতৈর্মৌক্তিকৈঃ ।
বক্ষোজন্মতুষারশৈলকটকে সংচারমাতন্বতী
কামাক্ষ্য়া মৃদুলস্মিতদ্য়ুতিময়ী ভাগীরথী ভাসতে ॥14॥
কংবোর্বংশপরংপরা ইব কৃপাসংতানবল্লীভুবঃ
সংফুল্লস্তবকা ইব প্রসৃমরা মূর্তাঃ প্রসাদা ইব ।
বাক্পীয়ূষকণা ইব ত্রিপথগাপর্য়াযভেদা ইব
ভ্রাজংতে তব মংদহাসকিরণাঃ কাংচীপুরীনায়িকে ॥15॥
বক্ষোজে ঘনসারপত্ররচনাভংগীসপত্নায়িতা
কংঠে মৌক্তিকহারযষ্টিকিরণব্য়াপারমুদ্রায়িতা ।
ওষ্ঠশ্রীনিকুরুংবপল্লবপুটে প্রেংখত্প্রসূনায়িতা
কামাক্ষি স্ফুরতাং মদীযহৃদয়ে ত্বন্মংদহাসপ্রভা ॥16॥
যেষাং বিংদুরিবোপরি প্রচলিতো নাসাগ্রমুক্তামণিঃ
যেষাং দীন ইবাধিকংঠমযতে হারঃ করালংবনম্ ।
যেষাং বংধুরিবোষ্ঠয়োররুণিমা ধত্তে স্বয়ং রংজনং
কামাক্ষ্য়াঃ প্রভবংতু তে মম শিবোল্লাসায় হাসাংকুরাঃ ॥17॥
যা জাড্য়াংবুনিধিং ক্ষিণোতি ভজতাং বৈরাযতে কৈরবৈঃ
নিত্য়ং যাং নিযমেন যা চ যততে কর্তুং ত্রিণেত্রোত্সবম্ ।
বিংবং চাংদ্রমসং চ বংচযতি যা গর্বেণ সা তাদৃশী
কামাক্ষি স্মিতমংজরী তব কথং জ্য়োত্স্নেত্যসৌ কীর্ত্যতে ॥18॥
আরুঢা রভসাত্পুরঃ পুররিপোরাশ্লেষণোপক্রমে
যা তে মাতরুপৈতি দিব্যতটিনীশংকাকরী তত্ক্ষণম্ ।
ওষ্ঠৌ বেপযতি ভ্রুবৌ কুটিলযত্য়ানম্রযত্য়াননং
তাং বংদে মৃদুহাসপূরসুষমামেকাম্রনাথপ্রিয়ে ॥19॥
বক্ত্রেংদোস্তব চংদ্রিকা স্মিতততির্বল্গু স্ফুরংতী সতাং
স্য়াচ্চেদ্য়ুক্তিমিদং চকোরমনসাং কামাক্ষি কৌতূহলম্ ।
এতচ্চিত্রমহর্নিশং যদধিকামেষা রুচিং গাহতে
বিংবোষ্ঠদ্য়ুমণিপ্রভাস্বপি চ যদ্বিব্বোকমালংবতে ॥20॥
সাদৃশ্য়ং কলশাংবুধের্বহতি যত্কামাক্ষি মংদস্মিতং
শোভামোষ্ঠরুচাংব বিদ্রুমভবামেতাদ্ভিদাং ব্রূমহে ।
একস্মাদুদিতং পুরা কিল পপৌ শর্বঃ পুরাণঃ পুমান্
এতন্মধ্যসমুদ্ভবং রসযতে মাধুর্যরূপং রসম্ ॥21॥
উত্তুংগস্তনকুংভশৈলকটকে বিস্তারিকস্তূরিকা-
পত্রশ্রীজুষি চংচলাঃ স্মিতরুচঃ কামাক্ষি তে কোমলাঃ ।
সংধ্য়াদীধিতিরংজিতা ইব মুহুঃ সাংদ্রাধরজ্য়োতিষা
ব্য়ালোলামলশারদাভ্রশকলব্য়াপারমাতন্বতে ॥22॥
ক্ষীরং দূরত এব তিষ্ঠতু কথং বৈমল্যমাত্রাদিদং
মাতস্তে সহপাঠবীথিমযতাং মংদস্মিতৈর্মংজুলৈঃ ।
কিং চেয়ং তু ভিদাস্তি দোহনবশাদেকং তু সংজাযতে
কামাক্ষি স্বযমর্থিতং প্রণমতামন্যত্তু দোদুহ্যতে ॥23॥
কর্পূরৈরমৃতৈর্জগজ্জননি তে কামাক্ষি চংদ্রাতপৈঃ
মুক্তাহারগুণৈর্মৃণালবলয়ৈর্মুগ্ধস্মিতশ্রীরিযম্ ।
শ্রীকাংচীপুরনায়িকে সমতয়া সংস্তূযতে সজ্জনৈঃ
তত্তাদৃঙ্মম তাপশাংতিবিধয়ে কিং দেবি মংদাযতে ॥24॥
মধ্য়েগর্ভিতমংজুবাক্যলহরীমাধ্বীঝরীশীতলা
মংদারস্তবকাযতে জননি তে মংদস্মিতাংশুচ্ছটা ।
যস্য়া বর্ধয়িতুং মুহুর্বিকসনং কামাক্ষি কামদ্রুহো
বল্গুর্বীক্ষণবিভ্রমব্যতিকরো বাসংতমাসাযতে ॥25॥
বিংবোষ্ঠদ্য়ুতিপুংজরংজিতরুচিস্ত্বন্মংদহাসচ্ছটা ।
কল্য়াণং গিরিসার্বভৌমতনয়ে কল্লোলযত্বাশু মে ।
ফুল্লন্মল্লিপিনদ্ধহল্লকময়ী মালেব যা পেশলা
শ্রীকাংচীশ্বরি মারমর্দিতুরুরোমধ্য়ে মুহুর্লংবতে ॥26॥
বিভ্রাণা শরদভ্রবিভ্রমদশাং বিদ্য়োতমানাপ্যসো
কামাক্ষি স্মিতমংজরী কিরতি তে কারুণ্যধারারসম্ ।
আশ্চর্য়ং শিশিরীকরোতি জগতীশ্চালোক্য় চৈনামহো
কামং খেলতি নীলকংঠহৃদয়ং কৌতূহলাংদোলিতম্ ॥27॥
প্রেংখত্প্রৌঢকটাক্ষকুংজকুহরেষ্বত্যচ্ছগুচ্ছায়িতং
বক্ত্রেংদুচ্ছবিসিংধুবীচিনিচয়ে ফেনপ্রতানায়িতম্ ।
নৈরংতর্যবিজৃংভিতস্তনতটে নৈচোলপট্টায়িতং
কালুষ্য়ং কবলীকরোতু মম তে কামাক্ষি মংদস্মিতম্ ॥28॥
পীয়ূষং তব মংথরস্মিতমিতি ব্যর্থৈব সাপপ্রথা
কামাক্ষি ধ্রুবমীদৃশং যদি ভবেদেতত্কথং বা শিবে ।
মংদারস্য় কথালবং ন সহতে মথ্নাতি মংদাকিনী-
মিংদুং নিংদতি কীর্তিতেঽপি কলশীপাথোধিমীর্ষ্য়াযতে ॥29॥
বিশ্বেষাং নযনোত্সবং বিতনুতাং বিদ্য়োততাং চংদ্রমা
বিখ্য়াতো মদনাংতকেন মুকুটীমধ্য়ে চ সংমান্যতাম্ ।
আঃ কিং জাতমনেন হাসসুষমামালোক্য় কামাক্ষি তে
কালংকীমবলংবতে খলু দশাং কল্মাষহীনোঽপ্যসৌ ॥30॥
চেতঃ শীতলয়ংতু নঃ পশুপতেরানংদজীবাতবো
নম্রাণাং নযনাধ্বসীমসু শরচ্চংদ্রাতপোপক্রমাঃ ।
সংসারাখ্যসরোরুহাকরখলীকারে তুষারোত্করাঃ
কামাক্ষি স্মরকীর্তিবীজনিকরাস্ত্বন্মংদহাসাংকুরাঃ ॥31॥
কর্মৌঘাখ্যতমঃকচাকচিকরান্কামাক্ষি সংচিংতয়ে
ত্বন্মংদস্মিতরোচিষাং ত্রিভুবনক্ষেমংকরানংকুরান্ ।
যে বক্ত্রং শিশিরশ্রিয়ো বিকসিতং চংদ্রাতপাংভোরুহ-
দ্বেষোদ্ধেষোণচাতুরীমিব তিরস্কর্তুং পরিষ্কুর্বতে ॥32॥
কুর্য়ুর্নঃ কুলশৈলরাজতনয়ে কূলংকষং মংগলং
কুংদস্পর্ধনচুংচবস্তব শিবে মংদস্মিতপ্রক্রমাঃ ।
যে কামাক্ষি সমস্তসাক্ষিনযনং সংতোষয়ংতীশ্বরং
কর্পূরপ্রকরা ইব প্রসৃমরাঃ পুংসামসাধারণাঃ ॥33॥
কম্রেণ স্নপযস্ব কর্মকুহনাচোরেণ মারাগম-
ব্য়াখ্য়াশিক্ষণদীক্ষিতেন বিদুষামক্ষীণলক্ষ্মীপুষা ।
কামাক্ষি স্মিতকংদলেন কলুষস্ফোটক্রিয়াচুংচুনা
কারুণ্য়ামৃতবীচিকাবিহরণপ্রাচুর্যধুর্য়েণ মাম্ ॥34॥
ত্বন্মংদস্মিতকংদলস্য় নিযতং কামাক্ষি শংকামহে
বিংবঃ কশ্চন নূতনঃ প্রচলিতো নৈশাকরঃ শীকরঃ ।
কিংচ ক্ষীরপয়োনিধিঃ প্রতিনিধিঃ স্বর্বাহিনীবীচিকা-
বিব্বোকোঽপি বিডংব এব কুহনা মল্লীমতল্লীরুচঃ ॥35॥
দুষ্কর্মার্কনিসর্গকর্কশমহস্সংপর্কতপতং মিল-
ত্পংকং শংকরবল্লভে মম মনঃ কাংচীপুরালংক্রিয়ে ।
অংব ত্বন্মৃদুলস্মিতামৃতরসে মংক্ত্বা বিধূয় ব্যথা-
মানংদোদযসৌধশৃংগপদবীমারোঢুমাকাংক্ষতি ॥36॥
নম্রাণাং নগরাজশেখরসুতে নাকালয়ানাং পুরঃ
কামাক্ষি ত্বরয়া বিপত্প্রশমেন কারুণ্যধারাঃ কিরন্ ।
আগচ্ছংতমনুগ্রহং প্রকটযন্নানংদবীজানি তে
নাসীরে মৃদুহাস এব তনুতে নাথে সুধাশীতলঃ ॥37॥
কামাক্ষি প্রথমানবিভ্রমনিধিঃ কংদর্পদর্পপ্রসূঃ
মুগ্ধস্তে মৃদুহাস এব গিরিজে মুষ্ণাতু মে কিল্বিষম্ ।
যং দ্রষ্টুং বিহিতে করগ্রহ উমে শংভুস্ত্রপামীলিতং
স্বৈরং কারযতি স্ম তাংডববিনোদানংদিনা তংডুনা ॥38॥
ক্ষুণ্ণং কেনচিদেব ধীরমনসা কুত্রাপি নানাজনৈঃ
কর্মগ্রংথিনিয়ংত্রিতৈরসুগমং কামাক্ষি সামান্যতঃ ।
মুগ্ধৈর্দ্রুষ্টুমশক্যমেব মনসা মূঢসয় মে মৌক্তিকং
মার্গং দর্শযতু প্রদীপ ইব তে মংদস্মিতশ্রীরিযম্ ॥39॥
জ্য়োত্স্নাকাংতিভিরেব নির্মলতরং নৈশাকরং মংডলং
হংসৈরেব শরদ্বিলাসসময়ে ব্য়াকোচমংভোরুহম্ ।
স্বচ্ছৈরেব বিকস্বরৈরুডুগুণৈঃ কামাক্ষি বিংবং দিবঃ
পুণ্য়ৈরেব মৃদুস্মিতৈস্তব মুখং পুষ্ণাতি শোভাভরম্ ॥40॥
মানগ্রংথিবিধুংতুদেন রভসাদাস্বাদ্যমানে নব-
প্রেমাডংবরপূর্ণিমাহিমকরে কামাক্ষি তে তত্ক্ষণম্ ।
আলোক্য় স্মিতচংদ্রিকাং পুনরিমামুন্মীলনং জগ্মুষীং
চেতঃ শীলযতে চকোরচরিতং চংদ্রার্ধচূডামণেঃ ॥41॥
কামাক্ষি স্মিতমংজরীং তব ভজে যস্য়াস্ত্বিষামংকুরা-
নাপীনস্তনপানলালসতয়া নিশ্শংকমংকেশয়ঃ ।
ঊর্ধ্বং বীক্ষ্য় বিকর্ষতি প্রসৃমরানুদ্দাময়া শুংডয়া
সূনুসুতে বিসশংকয়াশু কুহনাদংতাবলগ্রামণীঃ ॥42॥
গাঢাশ্লেষবিমর্দসংভ্রমবশাদুদ্দামমুক্তাগুণ-
প্রালংবে কুচকুংভয়োর্বিগলিতে দক্ষদ্বিষো বক্ষসি ।
যা সখ্য়েন পিনহ্যতি প্রচুরয়া ভাসা তদীয়াং দশাং
সা মে খেলতু কামকোটি হৃদয়ে সাংদ্রস্মিতাংশুচ্ছটা ॥43॥
মংদারে তব মংথরস্মিতরুচাং মাত্সর্যমালোক্যতে
কামাক্ষি স্মরশাসনে চ নিযতো রাগোদয়ো লক্ষ্যতে ।
চাংদ্রীষু দ্য়ুতিমংজরীষু চ মহাংদ্বেষাংকুরো দৃশ্যতে
শুদ্ধানাং কথমীদৃশী গিরিসুতেঽতিশুদ্ধা দশা কথ্যতাম্ ॥44॥
পীয়ূষং খলু পীযতে সুরজনৈর্দুগ্ধাংবুধির্মথ্যতে
মাহেশৈশ্চ জটাকলাপনিগডৈর্মংদাকিনী নহ্যতে ।
শীতাংশুঃ পরিভূযতে চ তমসা তস্মাদনেতাদৃশী
কামাক্ষি স্মিতমংজরী তব বচোবৈদগ্ধ্যমুল্লংঘতে ॥45॥
আশংকে তব মংদহাসলহরীমন্য়াদৃশীং চংদ্রিকা-
মেকাম্রেশকুটুংবিনি প্রতিপদং যস্য়াঃ প্রভাসংগমে ।
বক্ষোজাংবুরুহে ন তে রচযতঃ কাংচিদ্দশাং কৌঙ্মলী-
মাস্য়াংভোরুহমংব কিংচ শনকৈরালংবতে ফুল্লতাম্ ॥46॥
আস্তীর্ণাধরকাংতিপল্লবচয়ে পাতং মুহুর্জগ্মুষী
মারদ্রোহিণি কংদলত্স্মরশরজ্বালাবলীর্ব্য়ংজতী ।
নিংদংতী ঘনসারহারবলযজ্য়োত্স্নামৃণালানি তে
কামাক্ষি স্মিতচাতুরী বিরহিণীরীতিং জগাহেতরাম্ ॥47॥
সূর্য়ালোকবিধৌ বিকাসমধিকং যাংতী হরংতী তম-
স্সংদোহং নমতাং নিজস্মরণতো দোষাকরদ্বেষিণী ।
নির্য়াংতী বদনারবিংদকুহরান্নির্ধূতজাড্য়া নৃণাং
শ্রীকামাক্ষি তব স্মিতদ্য়ুতিময়ী চিত্রীযতে চংদ্রিকা ॥48॥
কুংঠীকুর্য়ুরমী কুবোধঘটনামস্মন্মনোমাথিনীং
শ্রীকামাক্ষি শিবংকরাস্তব শিবে শ্রীমংদহাসাংকুরাঃ ।
যে তন্বংতি নিরংতরং তরুণিমস্তংবেরমগ্রামণী-
কুংভদ্বংদ্ববিডংবিনি স্তনতটে মুক্তাকুথাডংবরম্ ॥49॥
প্রেংখংতঃ শরদংবুদা ইব শনৈঃ প্রেমানিলৈঃ প্রেরিতা
মজ্জংতো মংদনারিকংঠসুষমাসিংধৌ মুহুর্মংথরম্ ।
শ্রীকামাক্ষি তব স্মিতাংশুনিকরাঃ শ্য়ামাযমানশ্রিয়ো
নীলাংভোধরনৈপুণীং তত ইতো নির্নিদ্রয়ংত্য়ংজসা ॥50॥
ব্য়াপারং চতুরাননৈকবিহৃতৌ ব্য়াকুর্বতী কুর্বতী
রুদ্রাক্ষগ্রহণং মহেশি সততং বাগূর্মিকল্লোলিতা ।
উত্ফুল্লং ধবলারবিংদমধরীকৃত্য় স্ফুরংতী সদা
শ্রীকামাক্ষি সরস্বতী বিজযতে ত্বন্মংদহাসপ্রভা ॥51॥
কর্পূরদ্য়ুতিতস্করেণ মহসা কল্মাষযত্য়াননং
শ্রীকাংচীপুরনায়িকে পতিরিব শ্রীমংদহাসোঽপি তে ।
আলিংগত্যতিপীবরাং স্তনতটীং বিংবাধরং চুংবতি
প্রৌঢং রাগভরং ব্যনক্তি মনসো ধৈর্য়ং ধুনীতেতরাম্ ॥52॥
বৈশদ্য়েন চ বিশ্বতাপহরণক্রীডাপটীযস্তয়া
পাংডিত্য়েন পচেলিমেন জগতাং নেত্রোত্সবোত্পাদেন ।
কামাক্ষি স্মিতকংদলৈস্তব তুলামারোঢুমুদ্য়োগিনী
জ্য়োত্স্নাসৌ জলরাশিপোষণতয়া দূষ্য়াং প্রপন্না দশাম্ ॥53॥
লাবণ্য়াংবুজিনীমৃণালবলয়ৈঃ শৃংগারগংধদ্বিপ-
গ্রামণ্য়ঃ শ্রুতিচামরৈস্তরুণিমস্বারাজ্যতেজোংকুরৈঃ ।
আনংদামৃতসিংধুবীচিপৃষতৈরাস্য়াব্জহংসৈস্তব
শ্রীকামাক্ষি মথান মংদহসিতৈর্মত্কং মনঃকল্মষম্ ॥54॥
উত্তুংগস্তনমংডলীপরিচলন্মাণিক্যহারচ্ছটা-
চংচচ্ছোণিমপুংজমধ্যসরণিং মাতঃ পরিষ্কুর্বতী ।
যা বৈদগ্ধ্যমুপৈতি শংকরজটাকাংতারবাটীপত-
ত্স্বর্বাপীপযসঃ স্মিতদ্য়ুতিরসৌ কামাক্ষি তে মংজুলা ॥55॥
সন্নামৈকজুষা জনেন সুলভং সংসূচয়ংতী শনৈ-
রুত্তুংগস্য় চিরাদনুগ্রহতরোরুত্পত্স্যমানং ফলম্ ।
প্রাথম্য়েন বিকস্বরা কুসুমবত্প্রাগল্ভ্যমভ্য়েয়ুষী
কামাক্ষি স্মিতচাতুরী তব মম ক্ষেমংকরী কল্পতাম্ ॥56॥
ধানুষ্কাগ্রসরস্য় লোলকুটিলভ্রূলেখয়া বিভ্রতো
লীলালোকশিলীমুখং নববযস্সাম্রাজ্যলক্ষ্মীপুষঃ ।
জেতুং মন্মথমর্দিনং জননি তে কামাক্ষি হাসঃ স্বয়ং
বল্গুর্বিভ্রমভূভৃতো বিতনুতে সেনাপতিপ্রক্রিয়াম্ ॥57॥
যন্নাকংপত কালকূটকবলীকারে চুচুংবে ন যদ্-
গ্লান্য়া চক্ষুষি রূষিতানলশিখে রুদ্রস্য় তত্তাদৃশম্ ।
চেতো যত্প্রসভং স্মরজ্বরশিখিজ্বালেন লেলিহ্যতে
তত্কামাক্ষি তব স্মিতাংশুকলিকাহেলাভবং প্রাভবম্ ॥58॥
সংভিন্নেব সুপর্বলোকতটিনী বীচীচয়ৈর্য়ামুনৈঃ
সংমিশ্রেব শশাংকদীপ্তিলহরী নীলৈর্মহানীরদৈঃ ।
কামাক্ষি স্ফুরিতা তব স্মিতরুচিঃ কালাংজনস্পর্ধিনা
কালিম্না কচরোচিষাং ব্যতিকরে কাংচিদ্দশামশ্নুতে ॥59॥
জানীমো জগদীশ্বরপ্রণয়িনি ত্বন্মংদহাসপ্রভাং
শ্রীকামাক্ষি সরোজিনীমভিনবামেষা যতঃ সর্বদা ।
আস্য়েংদোরবলোকেন পশুপতেরভ্য়েতি সংফুল্লতাং
তংদ্রালুস্তদভাব এব তনুতে তদ্বৈপরীত্যক্রমম্ ॥60॥
যাংতী লোহিতিমানমভ্রতটিনী ধাতুচ্ছটাকর্দমৈঃ
ভাংতী বালগভস্তিমালিকিরণৈর্মেঘাবলী শারদী ।
বিংবোষ্ঠদ্য়ুতিপুংজচুংবনকলাশোণাযমানেন তে
কামাক্ষি স্মিতরোচিষা সমদশামারোঢুমাকাংক্ষতে ॥61॥
শ্রীকামাক্ষি মুখেংদুভূষণমিদং মংদস্মিতং তাবকং
নেত্রানংদকরং তথা হিমকরো গচ্ছেদ্যথা তিগ্মতাম্ ।
শীতং দেবি তথা যথা হিমজলং সংতাপমুদ্রাস্পদং
শ্বেতং কিংচ তথা যথা মলিনতাং ধত্তে চ মুক্তামণিঃ ॥62॥
ত্বন্মংদস্মিতমংজরীং প্রসৃমরাং কামাক্ষি চংদ্রাতপং
সংতঃ সংততমামনংত্যমলতা তল্লক্ষণং লক্ষ্যতে ।
অস্মাকং ন ধুনোতি তাপকমধিকং ধূনোতি নাভ্য়ংতরং
ধ্বাংতং তত্খলু দুঃখিনো বযমিদং কেনোতি নো বিদ্মহে ॥63॥
নম্রস্য় প্রণযপ্ররূঢকলহচ্ছেদায় পাদাব্জয়োঃ
মংদং চংদ্রকিশোরশেখরমণেঃ কামাক্ষি রাগেণ তে ।
বংধূকপ্রসবশ্রিয়ং জিতবতো বংহীযসীং তাদৃশীং
বিংবোষ্ঠস্য় রুচিং নিরস্য় হসিতজ্য়োত্স্না বযস্য়াযতে ॥64॥
মুক্তানাং পরিমোচনং বিদধতস্তত্প্রীতিনিষ্পাদিনী
ভূয়ো দূরত এব ধূতমরুতস্তত্পালনং তন্বতী ।
উদ্ভূতস্য় জলাংতরাদবিরতং তদ্দূরতাং জগ্মুষী
কামাক্ষি স্মিতমংজরী তব কথং কংবোস্তুলামশ্নুতে ॥65॥
শ্রীকামাক্ষি তব স্মিতদ্য়ুতিঝরীবৈদগ্ধ্যলীলায়িতং
পশ্য়ংতোঽপি নিরংতরং সুবিমলংমন্য়া জগন্মংডলে ।
লোকং হাসয়িতুং কিমর্থমনিশং প্রাকাশ্যমাতন্বতে
মংদাক্ষং বিরহয়্য় মংগলতরং মংদারচংদ্রাদয়ঃ ॥66॥
ক্ষীরাব্ধেরপি শৈলরাজতনয়ে ত্বন্মংদহাসস্য় চ
শ্রীকামাক্ষি বলক্ষিমোদযনিধেঃ কিংচিদ্ভিদাং ব্রূমহে ।
একস্মৈ পুরুষায় দেবি স দদৌ লক্ষ্মীং কদাচিত্পুরা
সর্বেভ্য়োঽপি দদাত্যসৌ তু সততং লক্ষ্মীং চ বাগীশ্বরীম্ ॥67॥
শ্রীকাংচীপুররত্নদীপকলিকে তান্য়েব মেনাত্মজে
চাকোরাণি কুলানি দেবি সুতরাং ধন্য়ানি মন্য়ামহে ।
কংপাতীরকুটুংবচংক্রমকলাচুংচূনি চংচূপুটৈঃ
নিত্য়ং যানি তব স্মিতেংদুমহসামাস্বাদমাতন্বতে ॥68॥
শৈত্যপ্রক্রমমাশ্রিতোঽপি নমতাং জাড্যপ্রথাং ধূনযন্
নৈর্মল্য়ং পরমং গতোঽপি গিরিশং রাগাকুলং চারযন্ ।
লীলালাপপুরস্সরোঽপি সততং বাচংযমান্প্রীণযন্
কামাক্ষি স্মিতরোচিষাং তব সমুল্লাসঃ কথং বর্ণ্যতে ॥69॥
শ্রোণীচংচলমেখলামুখরিতং লীলাগতং মংথরং
ভ্রূবল্লীচলনং কটাক্ষবলনং মংদাক্ষবীক্ষাচণম্ ।
যদ্বৈদগ্ধ্যমুখেন মন্মথরিপুং সংমোহয়ংত্য়ংজসা
শ্রীকামাক্ষি তব স্মিতায় সততং তস্মৈ নম্সকুর্মহে ॥70॥
শ্রীকামাক্ষি মনোজ্ঞমংদহসিতজ্য়োতিষ্প্ররোহে তব
স্ফীতশ্বেতিমসার্বভৌমসরণিপ্রাগল্ভ্যমভ্য়েয়ুষি ।
চংদ্রোঽয়ং যুবরাজতাং কলযতে চেটীধুরং চংদ্রিকা
শুদ্ধা সা চ সুধাঝরী সহচরীসাধর্ম্যমালংবতে ॥71॥
জ্য়োত্স্না কিং তনুতে ফলং তনুমতামৌষ্ণ্যপ্রশাংতিং বিনা
ত্বন্মংদস্মিতরোচিষা তনুমতাং কামাক্ষি রোচিষ্ণুনা ।
সংতাপো বিনিবার্যতে নববয়ঃপ্রাচুর্যমংকূর্যতে
সৌংদর্য়ং পরিপূর্যতে জগতি সা কীর্তিশ্চ সংচার্যতে ॥72॥
বৈমল্য়ং কুমুদশ্রিয়াং হিমরুচঃ কাংত্য়ৈব সংধুক্ষ্যতে
জ্য়োত্স্নারোচিরপি প্রদোষসময়ং প্রাপ্য়ৈব সংপদ্যতে ।
স্বচ্ছত্বং নবমৌক্তিকস্য় পরমং সংস্কারতো দৃশ্যতে
কামাক্ষ্য়াঃ স্মিতদীধিতের্বিশদিমা নৈসর্গিকো ভাসতে ॥73॥
প্রাকাশ্য়ং পরমেশ্বরপ্রণয়িনি ত্বন্মংদহাসশ্রিয়ঃ
শ্রীকামাক্ষি মম ক্ষিণোতু মমতাবৈচক্ষণীমক্ষয়াম্ ।
যদ্ভীত্য়েব নিলীযতে হিমকরো মেঘোদরে শুক্তিকা-
গর্ভে মৌক্তিকমংডলী চ সরসীমধ্য়ে মৃণালী চ সা ॥74॥
হেরংবে চ গুহে হর্ষভরিতং বাত্সল্যমংকূরযত্
মারদ্রোহিণি পূরুষে সহভুবং প্রেমাংকুরং ব্য়ংজযত্ ।
আনম্রেষু জনেষু পূর্ণকরুণাবৈদগ্ধ্যমুত্তালযত্
কামাক্ষি স্মিতমংজসা তব কথংকারং ময়া কথ্যতে ॥75॥
সংক্রুদ্ধদ্বিজরাজকোঽপ্যবিরতং কুর্বংদ্বিজৈঃ সংগমং
বাণীপদ্ধতিদূরগোঽপি সততং তত্সাহচর্য়ং বহন্ ।
অশ্রাংতং পশুদুর্লভোঽপি কলযন্পত্য়ৌ পশূনাং রতিং
শ্রীকামাক্ষি তব স্মিতামৃতরসস্য়ংদো ময়ি স্পংদতাম্ ॥76॥
শ্রীকামাক্ষি মহেশ্বরে নিরুপমপ্রেমাংকুরপ্রক্রমমং
নিত্য়ং যঃ প্রকটীকরোতি সহজামুন্নিদ্রযন্মাধুরীম্ ।
তত্তাদৃক্তব মংদহাসমহিমা মাতঃ কথং মানিতাং
তন্মূর্ধ্না সুরনিম্নগাং চ কলিকামিংদোশ্চ তাং নিংদতি ॥77॥
যে মাধুর্যবিহারমংটপভুবো যে শৈত্যমুদ্রাকরা
যে বৈশদ্যদশাবিশেষসুভগাস্তে মংদহাসাংকুরাঃ ।
কামাক্ষ্য়াঃ সহজং গুণত্রযমিদং পর্য়াযতঃ কুর্বতাং
বাণীগুংফনডংবরে চ হৃদয়ে কীর্তিপ্ররোহে চ মে ॥78॥
কামাক্ষ্য়া মৃদুলস্মিতাংশুনিকরা দক্ষাংতকে বীক্ষণে
মংদাক্ষগ্রহিলা হিমদ্য়ুতিময়ূখাক্ষেপদীক্ষাংকুরাঃ ।
দাক্ষ্য়ং পক্ষ্মলয়ংতু মাক্ষিকগুডদ্রাক্ষাভবং বাক্ষু মে
সূক্ষ্মং মোক্ষপথং নিরীক্ষিতুমপি প্রক্ষালয়েয়ুর্মনঃ ॥79॥
জাত্য়া শীতশীতলানি মধুরাণ্য়েতানি পূতানি তে
গাংগানীব পয়াংসি দেবি পটলান্যল্পস্মিতজ্য়োতিষাম্ ।
এনঃপংকপরংপরামলিনিতামেকাম্রনাথপ্রিয়ে
প্রজ্ঞানাত্সুতরাং মদীযধিষণাং প্রক্ষালয়ংতু ক্ষণাত্ ॥80॥
অশ্রাংতং পরতংত্রিতঃ পশুপতিস্ত্বন্মংদহাসাংকুরৈঃ
শ্রীকামাক্ষি তদীযবর্ণসমতাসংগেন শংকামহে ।
ইংদুং নাকধুনীং চ শেখরযতে মালাং চ ধত্তে নবৈঃ
বৈকুংঠৈরবকুংঠনং চ কুরুতে ধূলীচয়ৈর্ভাস্মনৈঃ ॥81॥
শ্রীকাংচীপুরদেবতে মৃদুবচস্সৌরভ্যমুদ্রাস্পদং
প্রৌঢপ্রেমলতানবীনকুসুমং মংদস্মিতং তাবকম্ ।
মংদং কংদলতি প্রিযস্য় বদনালোকে সমাভাষণে
শ্লক্ষ্ণে কুঙ্মলতি প্ররূঢপুলকে চাশ্লোষণে ফুল্লতি ॥82॥
কিং ত্রৈস্রোতসমংবিকে পরিণতং স্রোতশ্চতুর্থং নবং
পীয়ূষস্য় সমস্ততাপহরণং কিংবা দ্বিতীয়ং বপুঃ ।
কিংস্বিত্ত্বন্নিকটং গতং মধুরিমাভ্য়াসায় গব্য়ং পয়ঃ
শ্রীকাংচীপুরনাযকপ্রিযতমে মংদস্মিতং তাবকম্ ॥83॥
ভূষা বক্ত্রসরোরুহস্য় সহজা বাচাং সখী শাশ্বতী
নীবী বিভ্রমসংততেঃ পশুপতেঃ সৌধী দৃশাং পারণা ।
জীবাতুর্মদনশ্রিয়ঃ শশিরুচেরুচ্চাটনী দেবতা
শ্রীকামাক্ষি গিরামভূমিমযতে হাসপ্রভামংজরী ॥84॥
সূতিঃ শ্বেতিমকংদলস্য় বসতিঃ শৃংগারসারশ্রিয়ঃ
পূর্তিঃ সূক্তিঝরীরসস্য় লহরী কারুণ্যপাথোনিধেঃ ।
বাটী কাচন কৌসুমী মধুরিমস্বারাজ্যলক্ষ্ম্য়াস্তব
শ্রীকামাক্ষি মমাস্তু মংগলকরী হাসপ্রভাচাতুরী ॥85॥
জংতূনাং জনিদুঃখমৃত্য়ুলহরীসংতাপনং কৃংততঃ
প্রৌঢানুগ্রহপূর্ণশীতলরুচো নিত্য়োদয়ং বিভ্রতঃ ।
শ্রীকামাক্ষি বিসৃত্বরা ইব করা হাসাংকুরাস্তে হঠা-
দালোকেন নিহন্য়ুরংধতমসস্তোমস্য় মে সংততিম্ ॥86॥
উত্তুংগস্তনমংডলস্য় বিলসল্লাবণ্যলীলানটী-
রংগস্য় স্ফুটমূর্ধ্বসীমনি মুহুঃ প্রাকাশ্যমভ্য়েয়ুষী ।
শ্রীকামাক্ষি তব স্মিতদ্য়ুতিততির্বিংবোষ্ঠকাংত্য়ংকুরৈঃ
চিত্রাং বিদ্রুমমুদ্রিতাং বিতনুতে মৌক্তীং বিতানশ্রিযম্ ॥87॥
স্বাভাব্য়াত্তব বক্ত্রমেব ললিতং সংতোষসংপাদনং
শংভোঃ কিং পুনরংচিতস্মিতরুচঃ পাংডিত্যপাত্রীকৃতম্ ।
অংভোজং স্বত এব সর্বজগতাং চক্ষুঃপ্রিয়ংভাবুকং
কামাক্ষি স্ফুরিতে শরদ্বিকসিতে কীদৃগ্বিধং ভ্রাজতে ॥88॥
পুংভির্নির্মলমানসৌর্বিদধতে মৈত্রীং দৃঢং নির্মলাং
লব্ধ্বা কর্মলয়ং চ নির্মলতরাং কীর্তিং লভংতেতরাম্ ।
সূক্তিং পক্ষ্মলয়ংতি নির্মলতমাং যত্তাবকাঃ সেবকাঃ
তত্কামাক্ষি তব স্মিতস্য় কলয়া নৈর্মল্যসীমানিধেঃ ॥89॥
আকর্ষন্নযনানি নাকিসদসাং শৈত্য়েন সংস্তংভয়-
ন্নিংদুং কিংচ বিমোহযন্পশুপতিং বিশ্বার্তিমুচ্চাটযন্ ।
হিংসত্সংসৃতিডংবরং তব শিবে হাসাহ্বয়ো মাংত্রিকঃ
শ্রীকামাক্ষি মদীযমানসতমোবিদ্বেষণে চেষ্টতাম্ ॥90॥
ক্ষেপীয়ঃ ক্ষপয়ংতু কল্মষভয়ান্যস্মাকমল্পস্মিত-
জ্য়োতির্মংডলচংক্রমাস্তব শিবে কামাক্ষি রোচিষ্ণবঃ ।
পীডাকর্মঠকর্মঘর্মসমযব্য়াপারতাপানল-
শ্রীপাতা নবহর্ষবর্ষণসুধাস্রোতস্বিনীশীকরাঃ ॥91॥
শ্রীকামাক্ষি তব স্মিতৈংদবমহঃপূরে পরিংফূর্জতি
প্রৌঢাং বারিধিচাতুরীং কলযতে ভক্তাত্মনাং প্রাতিভম্ ।
দৌর্গত্যপ্রসরাস্তমঃপটলিকাসাধর্ম্যমাবিভ্রতে
সর্বং কৈরবসাহচর্যপদবীরীতিং বিধত্তে পরম্ ॥92॥
মংদারাদিষু মন্মথারিমহিষি প্রাকাশ্যরীতিং নিজাং
কাদাচিত্কতয়া বিশংক্য় বহুশো বৈশদ্যমুদ্রাগুণঃ ।
সাতত্য়েন তব স্মিতে বিতনুতে স্বৈরাসনাবাসনাম্ ॥93॥
ইংধানে ভববীতিহোত্রনিবহে কর্মৌঘচংডানিল-
প্রৌঢিম্না বহুলীকৃতে নিপতিতং সংতাপচিংতাকুলম্ ।
মাতর্মাং পরিষিংচ কিংচিদমলৈঃ পীয়ূষবর্ষৈরিব
শ্রীকামাক্ষি তব স্মিতদ্য়ুতিকণৈঃ শৈশির্যলীলাকরৈঃ ॥94॥
ভাষায়া রসনাগ্রখেলনজুষঃ শৃংগারমুদ্রাসখী-
লীলাজাতরতেঃ সুখেন নিযমস্নানায় মেনাত্মজে ।
শ্রীকামাক্ষি সুধাময়ীব শিশিরা স্রোতস্বিনী তাবকী
গাঢানংদতরংগিতা বিজযতে হাসপ্রভাচাতুরী ॥95॥
সংতাপং বিরলীকরোতু সকলং কামাক্ষি মচ্চেতনা
মজ্জংতী মধুরস্মিতামরধুনীকল্লোলজালেষু তে ।
নৈরংতর্যমুপেত্য় মন্মথমরুল্লোলেষু যেষু স্ফুটং
প্রেমেংদুঃ প্রতিবিংবিতো বিতনুতে কৌতূহলং ধূর্জটেঃ ॥96॥
চেতঃক্ষীরপয়োধিমংথরচলদ্রাগাখ্যমংথাচল-
ক্ষোভব্য়াপৃতিসংভবাং জননি তে মংদস্মিতশ্রীসুধাম্ ।
স্বাদংস্বাদমুদীতকৌতুকরসা নেত্রত্রয়ী শাংকরী
শ্রীকামাক্ষি নিরংতরং পরিণমত্য়ানংদবীচীময়ী ॥97॥
আলোকে তব পংচসাযকরিপোরুদ্দামকৌতূহল-
প্রেংখন্মারুতঘট্টনপ্রচলিতাদানংদদুগ্ধাংবুধেঃ ।
কাচিদ্বীচিরুদংচতি প্রতিনবা সংবিত্প্ররোহাত্মিকা
তাং কামাক্ষি কবীশ্বরাঃ স্মিতমিতি ব্য়াকুর্বতে সর্বদা ॥98॥
সূক্তিঃ শীলযতে কিমদ্রিতনয়ে মংদস্মিতাত্তে মুহুঃ
মাধুর্য়াগমসংপ্রদাযমথবা সূক্তের্নু মংদস্মিতম্ ।
ইত্থং কামপি গাহতে মম মনঃ সংদেহমার্গভ্রমিং
শ্রীকামাক্ষি ন পারমার্থ্যসরণিস্ফূর্তৌ নিধত্তে পদম্ ॥99॥
ক্রীডালোলকৃপাসরোরুহমুখীসৌধাংগণেভ্য়ঃ কবি-
শ্রেণীবাক্পরিপাটিকামৃতঝরীসূতীগৃহেভ্য়ঃ শিবে ।
নির্বাণাংকুরসার্বভৌমপদবীসিংহাসনেভ্যস্তব
শ্রীকামাক্ষি মনোজ্ঞমংদহসিতজ্য়োতিষ্কণেভ্য়ো নমঃ ॥100॥
আর্য়ামেব বিভাবযন্মনসি যঃ পাদারবিংদং পুরঃ
পশ্যন্নারভতে স্তুতিং স নিযতং লব্ধ্বা কটাক্ষচ্ছবিম্ ।
কামাক্ষ্য়া মৃদুলস্মিতাংশুলহরীজ্য়োত্স্নাবযস্য়ান্বিতাম্
আরোহত্যপবর্গসৌধবলভীমানংদবীচীময়ীম্ ॥101॥
॥ ইতি মংদস্মিতশতকং সংপূর্ণম্ ॥
॥ ইতি শ্রী মূকপংচশতী সংপূর্ণা ॥
॥ঔং তত্ সত্ ॥
