যাজ্ঞবল্ক্যকৃত সরস্বতী স্তবম্

যাজ্ঞবল্ক্য় উবাচ
কৃপাং কুরু জগন্মাতর্‌-মামেবং হততেজসম্‌ ।
গুরুশাপাত্ স্মৃতিভ্রষ্টং বিদ্য়াহীনং চ দুঃখিতম্‌ ॥ 1 ॥

জ্ঞানং দেহি স্মৃতিং বিদ্য়াং শক্তিং শিষ্য় প্রবোধিনীম্‌ ।
গ্রংথকর্তৃত্ব শক্তিং চ সুশিষ্য়ং সুপ্রতিষ্ঠিতম্‌ ॥ 2 ॥

প্রতিভাং সত্সভায়াং চ বিচারক্ষমতাং শুভাম্‌ ।
লুপ্তং সর্বং দৈব যোগা-ন্নবীভূতং পুনঃ কুরু ॥ 3 ॥

যথাংকুরং ভস্মনি চ করোতি দেবতা পুনঃ ।
ব্রহ্মস্বরূপা পরমা জ্য়োতীরূপা সনাতনী ॥ 4 ॥

সর্ববিদ্য়াধিদেবী যা তস্য়ৈ বাণ্য়ৈ নমো নমঃ ।
বিসর্গ বিংদুমাত্রাসু যদধিষ্ঠানমেবচ ॥ 5 ॥

তদধিষ্ঠাত্রী যা দেবী তস্য়ৈ বাণ্য়ৈ নমো নমঃ ।
ব্য়াখ্য়াস্বরূপা সা দেবী ব্য়াখ্য়াধিষ্ঠাতৃরূপিণী ॥ 6 ॥

যয়া বিনা প্রসংখ্য়াবান্ সংখ্য়াং কর্তুং ন শক্যতে ।
কালসংখ্য়া স্বরূপা যা তস্য়ৈ দেব্য়ৈ নমো নমঃ ॥ 7 ॥

ভ্রম সিদ্ধাংতরূপা যা তস্য়ৈ দেব্য়ৈ নমো নমঃ ।
স্মৃতিশক্তি জ্ঞানশক্তি বুদ্ধিশক্তি স্বরূপিণী ॥ 8 ॥

প্রতিভাকল্পনাশক্তির্‌-য়া চ তস্য়ৈ নমোনমঃ ।
সনত্কুমারো ব্রহ্মাণং জ্ঞানং পপ্রচ্ছ যত্র বৈ ॥ 9 ॥

বভূব মূকবত্সোস্পি সিদ্ধাংতং কর্তু মক্ষমঃ ।
তদাষ্জগাম ভগবা-নাত্মা শ্রীকৃষ্ণ ঈশ্বরঃ ॥ 10 ॥

উবাচ স চ তাং স্তৌহি বাণী মিষ্টাং প্রজাপতে ।
স চ তুষ্টাব তাং ব্রহ্মা চাজ্ঞয়া পরমাত্মনঃ ॥ 11 ॥

চকার তত্প্রসাদেন তদা সিদ্ধাংত মুত্তমম্‌ ।
যদাপ্যনংতং পপ্রচ্ছ জ্ঞানমেকং বসুংধরা ॥ 12 ॥

বভূব মূকবত্সোস্পি সিদ্ধাংতং কর্তু মক্ষমঃ ।
তদা তাং চ স তুষ্টাব সংত্রস্তঃ কশ্যপাজ্ঞয়া ॥ 13 ॥

তত শ্চকার সিদ্ধাংতং নির্মলং ভ্রম ভংজনম্‌ ।
ব্য়াসঃ পুরাণসূত্রং চ পপ্রচ্ছ বাল্মীকিং যদা ॥ 14 ॥

মৌনীভূত শ্চ সস্মার তামেব জগদংবিকাম্‌ ।
তদা চকার সিদ্ধাংতং তদ্বরেণ মুনীশ্বরঃ ॥ 15 ॥

সংপ্রাপ্য় নির্মলং জ্ঞানং ভ্রমাংধ্য় ধ্বংসদীপকম্‌ ।
পুরাণসূত্রং শ্রুত্বা চ ব্য়াসঃ কৃষ্ণকলোদ্ভবঃ ॥ 16 ॥

তাং শিবাং বেদ দধ্য়ৌ চ শতবর্ষং চ পুষ্করে ।
তদা ত্বত্তো বরং প্রাপ্য় সত্কবীংদ্রো বভূব হ ॥ 17 ॥

তদা বেদবিভাগং চ পুরাণং চ চকার সঃ ।
যদা মহেংদ্রঃ পপ্রচ্ছ তত্ত্বজ্ঞানং সদাশিবম্‌ ॥ 18 ॥

ক্ষণং তামেব সংচিংত্য় তস্মৈ জ্ঞানং দদৌ বিভুঃ ।
পপ্রচ্ছ শব্দশাস্ত্রং চ মহেংদ্র শ্চ বৃহস্পতিম্‌ ॥ 19 ॥

দিব্য় বর্ষ সহস্রং চ স ত্বাং দধ্য়ৌ চ পুষ্করে ।
তদা ত্বত্তো বরং প্রাপ্য় দিব্যবর্ষসহস্রকম্‌ ॥ 20 ॥

উবাচ শব্দ শাস্ত্রং চ তদর্থং চ সুরেশ্বরম্‌ ।
অধ্য়াপিতাশ্চ যে শিষ্য়া যৈরধীতং মুনীশ্বরৈঃ ॥ 21 ॥

তে চ তাং পরিসংচিত্য় প্রবর্তংতে সুরেশ্বরীম্‌ ।
ত্বং সংস্তুতা পূজিতা চ মুনীংদ্রৈ র্মনু মানবৈঃ ॥ 22 ॥

দৈত্য়েংদ্রৈ শ্চ সুরৈশ্চাপি ব্রহ্ম বিষ্ণুশিবাদিভিঃ ।
জডীভূত স্সহস্রাস্য়ঃ পংচবক্ত্র শ্চতুর্মুখঃ ॥ 23 ॥

যাং স্তোতুং কি মহং স্তৌমি তামেকাস্য়েন মানবঃ ।
ইত্য়ুক্ত্বা যাজ্ঞবল্ক্য় শ্চ ভক্তিনম্রাত্ম কংধরঃ ॥ 24 ॥

প্রণনাম নিরাহারো রুরোদ চ মুহুর্মুহুঃ ।
জ্য়োতীরূপা মহামায়া তেন দৃষ্টা7প্য়ুবাচ তম্‌ ॥ 25 ॥

সুকবীংদ্রো ভবেত্য়ুক্ত্বা বৈকুংঠং চ জগাম হ ।
যাজ্ঞবল্ক্য় কৃতং বাণী স্তোত্রমেতত্তু যঃ পঠেত্‌ ॥ 26 ॥

স কবীংদ্রো মহাবাগ্মী বৃহস্পতিসমো ভবেত্‌ ।
মহা মূর্খশ্চ দুর্বুদ্ধির্‌-বর্ষমেকং যদা পঠেত্‌ ।
স পংডিতশ্চ মেধাবী সুকবীংদ্রো ভবেদ্ধ্রুবম্‌ ॥ 27 ॥

ইতি শ্রী দেবী ভাগবতে মহাপুরাণে নবমস্কংধে
সরস্বতীস্তবং নাম পংচমোধ্য়ায়ঃ ।
সরস্বতী কটাক্ষ সিদ্ধিরস্তু ।

ইদং ময়াকৃতং পারাযণং
শ্রীসদ্গুরু চরণারবিংদার্পণমস্তু ।