॥ ইতি শ্রীমহাভারতে উদ্য়োগপর্বণি প্রজাগরপর্বণি
বিদুরহিতবাক্য়ে ষট্ত্রিংশোঽধ্য়ায়ঃ ॥
বিদুর উবাচ ।
অত্রৈবোদাহরংতীমমিতিহাসং পুরাতনম্ ।
আত্রেযস্য় চ সংবাদং সাধ্য়ানাং চেতি নঃ শ্রুতম্ ॥ 1॥
চরংতং হংসরূপেণ মহর্ষিং সংশিতব্রতম্ ।
সাধ্য়া দেবা মহাপ্রাজ্ঞং পর্যপৃচ্ছংত বৈ পুরা ॥ 2॥
সাধ্য়া ঊচুঃ ।
সাধ্য়া দেবা বয়্মস্মো মহর্ষে
দৃষ্ট্বা ভবংতং ন শক্নুমোঽনুমাতুম্ ।
শ্রুতেন ধীরো বুদ্ধিমাংস্ত্বং মতো নঃ
কাব্য়াং বাচং বক্তুমর্হস্য়ুদারাম্ ॥ 3॥
হংস উবাচ ।
এতত্কার্যমমরাঃ সংশ্রুতং মে
ধৃতিঃ শমঃ সত্যধর্মানুবৃত্তিঃ ।
গ্রংথিং বিনীয় হৃদযস্য় সর্বং
প্রিয়াপ্রিয়ে চাত্মবশং নয়ীত ॥ 4॥
আক্রুশ্যমানো নাক্রোশেন্মন্য়ুরেব তিতিক্ষিতঃ ।
আক্রোষ্টারং নির্দহতি সুকৃতং চাস্য় বিংদতি ॥ 5॥
নাক্রোশী স্য়ান্নাবমানী পরস্য়
মিত্রদ্রোহী নোত নীচোপসেবী ।
ন চাতিমানী ন চ হীনবৃত্তো
রূক্ষাং বাচং রুশতীং বর্জয়ীত ॥ 6॥
মর্মাণ্যস্থীনি হৃদয়ং তথাসূন্
ঘোরা বাচো নির্দহংতীহ পুংসাম্ ।
তস্মাদ্বাচং রুশতীং রূক্ষরূপাং
ধর্মারামো নিত্যশো বর্জয়ীত ॥ 7॥
অরুং তুরং পরুষং রূক্ষবাচং
বাক্কংটকৈর্বিতুদংতং মনুষ্য়ান্ ।
বিদ্য়াদলক্ষ্মীকতমং জনানাং
মুখে নিবদ্ধাং নিরৃতিং বহংতম্ ॥ 8॥
পরশ্চেদেনমধিবিধ্য়েত বাণৈর্
ভৃশং সুতীক্ষ্ণৈরনলার্ক দীপ্তৈঃ ।
বিরিচ্যমানোঽপ্যতিরিচ্যমানো
বিদ্য়াত্কবিঃ সুকৃতং মে দধাতি ॥ 9॥
যদি সংতং সেবতে যদ্যসংতং
তপস্বিনং যদি বা স্তেনমেব ।
বাসো যথা রংগ বশং প্রয়াতি
তথা স তেষাং বশমভ্য়ুপৈতি ॥ 10॥
বাদং তু যো ন প্রবদেন্ন বাদয়েদ্
যো নাহতঃ প্রতিহন্য়ান্ন ঘাতয়েত্ ।
যো হংতুকামস্য় ন পাপমিচ্ছেত্
তস্মৈ দেবাঃ স্পৃহয়ংত্য়াগতায় ॥ 11॥
অব্য়াহৃতং ব্য়াহৃতাচ্ছ্রেয় আহুঃ
সত্য়ং বদেদ্ব্য়াহৃতং তদ্দ্বিতীযম্ ।
প্রিয়ংবদেদ্ব্য়াহৃতং তত্তৃতীয়ং
ধর্ম্য়ং বদেদ্ব্য়াহৃতং তচ্চতুর্থম্ ॥ 12॥
যাদৃশৈঃ সংবিবদতে যাদৃশাংশ্ চোপসেবতে ।
যাদৃগিচ্ছেচ্চ ভবিতুং তাদৃগ্ভবতি পূরুষঃ ॥ 13॥
যতো যতো নিবর্ততে ততস্ততো বিমুচ্যতে ।
নিবর্তনাদ্ধি সর্বতো ন বেত্তি দুঃখমণ্বপি ॥ 14॥
ন জীযতে নোত জিগীষতেঽন্য়ান্
ন বৈরক্কৃচ্চাপ্রতিঘাতকশ্ চ ।
নিংদা প্রশংসাসু সমস্বভাবো
ন শোচতে হৃষ্যতি নৈব চাযম্ ॥ 15॥
ভাবমিচ্ছতি সর্বস্য় নাভাবে কুরুতে মতিম্ ।
সত্যবাদী মৃদুর্দাংতো যঃ স উত্তমপূরুষঃ ॥ 16॥
নানর্থকং সাংত্বযতি প্রতিজ্ঞায় দদাতি চ ।
রাদ্ধাপরাদ্ধে জানাতি যঃ স মধ্যমপূরুষঃ ॥ 17॥
দুঃশাসনস্তূপহংতা ন শাস্তা
নাবর্ততে মন্য়ুবশাত্কৃতঘ্নঃ ।
ন কস্য় চিন্মিত্রমথো দুরাত্মা
কলাশ্চৈতা অধমস্য়েহ পুংসঃ ॥ 18॥
ন শ্রদ্দধাতি কল্য়াণং পরেভ্য়োঽপ্য়াত্মশংকিতঃ ।
নিরাকরোতি মিত্রাণি যো বৈ সোঽধম পূরুষঃ ॥ 19॥
উত্তমানেব সেবেত প্রাপ্তে কালে তু মধ্যমান্ ।
অধমাংস্তু ন সেবেত য ইচ্ছেচ্ছ্রেয় আত্মনঃ ॥ 20॥
প্রাপ্নোতি বৈ বিত্তমসদ্বলেন
নিত্য়োত্থানাত্প্রজ্ঞয়া পৌরুষেণ ।
ন ত্বেব সম্যগ্লভতে প্রশংসাং
ন বৃত্তমাপ্নোতি মহাকুলানাম্ ॥ 21॥
ধৃতরাষ্ট্র উবাচ ।
মহাকুলানাং স্পৃহয়ংতি দেবা
ধর্মার্থবৃদ্ধাশ্চ বহুশ্রুতাশ্ চ ।
পৃচ্ছামি ত্বাং বিদুর প্রশ্নমেতং
ভবংতি বৈ কানি মহাকুলানি ॥ 22॥
বিদুর উবাচ ।
তমো দমো ব্রহ্মবিত্ত্বং বিতানাঃ
পুণ্য়া বিবাহাঃ সততান্ন দানম্ ।
যেষ্বেবৈতে সপ্তগুণা ভবংতি
সম্যগ্বৃত্তাস্তানি মহাকুলানি ॥ 23॥
যেষাং ন বৃত্তং ব্যথতে ন যোনির্
বৃত্তপ্রসাদেন চরংতি ধর্মম্ ।
যে কীর্তিমিচ্ছংতি কুলে বিশিষ্টাং
ত্যক্তানৃতাস্তানি মহাকুলানি ॥ 24॥
অনিজ্যয়াবিবাহৈর্শ্চ বেদস্য়োত্সাদনেন চ ।
কুলান্যকুলতাং যাংতি ধর্মস্য়াতিক্রমেণ চ ॥ 25॥
দেব দ্রব্যবিনাশেন ব্রহ্ম স্বহরণেন চ ।
কুলান্যকুলতাং যাংতি ব্রাহ্মণাতিক্রমেণ চ ॥ 26॥
ব্রাহ্মণানাং পরিভবাত্পরিবাদাচ্চ ভারত ।
কুলান্যকুলতাং যাংতি ন্য়াসাপহরণেন চ ॥ 27॥
কুলানি সমুপেতানি গোভিঃ পুরুষতোঽশ্বতঃ ।
কুলসংখ্য়াং ন গচ্ছংতি যানি হীনানি বৃত্ততঃ ॥ 28॥
বৃত্ততস্ত্ববিহীনানি কুলান্যল্পধনান্যপি ।
কুলসংখ্য়াং তু গচ্ছংতি কর্ষংতি চ মযদ্যশঃ ॥ 29॥
মা নঃ কুলে বৈরকৃত্কশ্ চিদস্তু
রাজামাত্য়ো মা পরস্বাপহারী ।
মিত্রদ্রোহী নৈকৃতিকোঽনৃতী বা
পূর্বাশী বা পিতৃদেবাতিথিভ্য়ঃ ॥ 30॥
যশ্চ নো ব্রাহ্মণং হন্য়াদ্যশ্চ নো ব্রাহ্মণাংদ্বিষেত্ ।
ন নঃ স সমিতিং গচ্ছেদ্যশ্চ নো নির্বপেত্কৃষিম্ ॥ 31॥
তৃণানি ভূমিরুদকং বাক্চতুর্থী চ সূনৃতা ।
সতামেতানি গেহেষু নোচ্ছিদ্য়ংতে কদা চন ॥ 32॥
শ্রদ্ধয়া পরয়া রাজন্নুপনীতানি সত্কৃতিম্ ।
প্রবৃত্তানি মহাপ্রাজ্ঞ ধর্মিণাং পুণ্যকর্মণাম্ ॥ 33॥
সূক্ষ্মোঽপি ভারং নৃপতে স্য়ংদনো বৈ
শক্তো বোঢুং ন তথান্য়ে মহীজাঃ ।
এবং যুক্তা ভারসহা ভবংতি
মহাকুলীনা ন তথান্য়ে মনুষ্য়াঃ ॥ 34॥
ন তন্মিত্রং যস্য় কোপাদ্বিভেতি
যদ্বা মিত্রং শংকিতেনোপচর্যম্ ।
যস্মিন্মিত্রে পিতরীবাশ্বসীত
তদ্বৈ মিত্রং সংগতানীতরাণি ॥ 35॥
যদি চেদপ্যসংবংধো মিত্রভাবেন বর্ততে ।
স এব বংধুস্তন্মিত্রং সা গতিস্তত্পরাযণম্ ॥ 36॥
চলচিত্তস্য় বৈ পুংসো বৃদ্ধাননুপসেবতঃ ।
পারিপ্লবমতের্নিত্যমধ্রুবো মিত্র সংগ্রহঃ ॥ 37॥
চলচিত্তমনাত্মানমিংদ্রিয়াণাং বশানুগম্ ।
অর্থাঃ সমতিবর্তংতে হংসাঃ শুষ্কং সরো যথা ॥ 38॥
অকস্মাদেব কুপ্য়ংতি প্রসীদংত্যনিমিত্ততঃ ।
শীলমেতদসাধূনামভ্রং পারিপ্লবং যথা ॥ 39॥
সত্কৃতাশ্চ কৃতার্থাশ্চ মিত্রাণাং ন ভবংতি যে ।
তান্মৃতানপি ক্রব্য়াদাঃ কৃতঘ্নান্নোপভুংজতে ॥ 40॥
অর্থয়েদেব মিত্রাণি সতি বাসতি বা ধনে ।
নানর্থযন্বিজানাতি মিত্রাণাং সারফল্গুতাম্ ॥ 41॥
সংতাপাদ্ভ্রশ্যতে রূপং সংতাপাদ্ভ্রশ্যতে বলম্ ।
সংতাপাদ্ভ্রশ্যতে জ্ঞানং সংতাপাদ্ব্য়াধিমৃচ্ছতি ॥ 42॥
অনবাপ্য়ং চ শোকেন শরীরং চোপতপ্যতে ।
অমিত্রাশ্চ প্রহৃষ্য়ংতি মা স্ম শোকে মনঃ কৃথাঃ ॥ 43॥
পুনর্নরো ম্রিযতে জাযতে চ
পুনর্নরো হীযতে বর্ধতে পুনঃ ।
পুনর্নরো যাচতি যাচ্যতে চ
পুনর্নরঃ শোচতি শোচ্যতে পুনঃ ॥ 44॥
সুখং চ দুঃখং চ ভবাভবৌ চ
লাভালাভৌ মরণং জীবিতং চ ।
পর্য়াযশঃ সর্বমিহ স্পৃশংতি
তস্মাদ্ধীরো নৈব হৃষ্য়েন্ন শোচেত্ ॥ 45॥
চলানি হীমানি ষডিংদ্রিয়াণি
তেষাং যদ্যদ্বর্ততে যত্র যত্র ।
ততস্ততঃ স্রবতে বুদ্ধিরস্য়
ছিদ্রোদ কুংভাদিব নিত্যমংভঃ ॥ 46॥
ধৃতরাষ্ট্র উবাচ ।
তনুরুচ্ছঃ শিখী রাজা মিথ্য়োপচরিতো ময়া ।
মংদানাং মম পুত্রাণাং যুদ্ধেনাংতং করিষ্যতি ॥ 47॥
নিত্য়োদ্বিগ্নমিদং সর্বং নিত্য়োদ্বিগ্নমিদং মনঃ ।
যত্তত্পদমনুদ্বিগ্নং তন্মে বদ মহামতে ॥ 48॥
বিদুর উবাচ ।
নান্যত্র বিদ্য়া তপসোর্নান্যত্রেংদ্রিয় নিগ্রহাত্ ।
নান্যত্র লোভসংত্য়াগাচ্ছাংতিং পশ্য়াম তেঽনঘ ॥ 49॥
বুদ্ধ্য়া ভয়ং প্রণুদতি তপসা বিংদতে মহত্ ।
গুরুশুশ্রূষয়া জ্ঞানং শাংতিং ত্য়াগেন বিংদতি ॥ 50॥
অনাশ্রিতা দানপুণ্য়ং বেদ পুণ্যমনাশ্রিতাঃ ।
রাগদ্বেষবিনির্মুক্তা বিচরংতীহ মোক্ষিণঃ ॥ 51॥
স্বধীতস্য় সুয়ুদ্ধস্য় সুকৃতস্য় চ কর্মণঃ ।
তপসশ্চ সুতপ্তস্য় তস্য়াংতে সুখমেধতে ॥ 52॥
স্বাস্তীর্ণানি শযনানি প্রপন্না
ন বৈ ভিন্না জাতু নিদ্রাং লভংতে ।
ন স্ত্রীষু রাজন্রতিমাপ্নুবংতি
ন মাগধৈঃ স্তূযমানা ন সূতৈঃ ॥ 53॥
ন বৈ ভিন্না জাতু চরংতি ধর্মং
ন বৈ সুখং প্রাপ্নুবংতীহ ভিন্নাঃ ।
ন বৈ ভিন্না গৌরবং মানয়ংতি
ন বৈ ভিন্নাঃ প্রশমং রোচয়ংতি ॥ 54॥
ন বৈ তেষাং স্বদতে পথ্যমুক্তং
যোগক্ষেমং কল্পতে নোত তেষাম্ ।
ভিন্নানাং বৈ মনুজেংদ্র পরাযণং
ন বিদ্যতে কিং চিদন্যদ্বিনাশাত্ ॥ 55॥
সংভাব্য়ং গোষু সংপন্নং সংভাব্য়ং ব্রাহ্মণে তপঃ ।
সংভাব্য়ং স্ত্রীষু চাপল্য়ং সংভাব্য়ং জ্ঞাতিতো ভযম্ ॥ 56॥
তংতবোঽপ্য়াযতা নিত্য়ং তংতবো বহুলাঃ সমাঃ ।
বহূন্বহুত্বাদায়াসান্সহংতীত্য়ুপমা সতাম্ ॥ 57॥
ধূমায়ংতে ব্যপেতানি জ্বলংতি সহিতানি চ ।
ধৃতরাষ্ট্রোল্মুকানীব জ্ঞাতয়ো ভরতর্ষভ ॥ 58॥
ব্রাহ্মণেষু চ যে শূরাঃ স্ত্রীষু জ্ঞাতিষু গোষু চ ।
বৃংতাদিব ফলং পক্বং ধৃতরাষ্ট্র পতংতি তে ॥ 59॥
মহানপ্য়েকজো বৃক্ষো বলবান্সুপ্রতিষ্ঠিতঃ ।
প্রসহ্য় এব বাতেন শাখা স্কংধং বিমর্দিতুম্ ॥ 60॥
অথ যে সহিতা বৃক্ষাঃ সংঘশঃ সুপ্রতিষ্ঠিতাঃ ।
তে হি শীঘ্রতমান্বাতান্সহংতেঽন্য়োন্যসংশ্রয়াত্ ॥ 61॥
এবং মনুষ্যমপ্য়েকং গুণৈরপি সমন্বিতম্ ।
শক্য়ং দ্বিষংতো মন্য়ংতে বায়ুর্দ্রুমমিবৌকজম্ ॥ 62॥
অন্য়োন্যসমুপষ্টংভাদন্য়োন্য়াপাশ্রয়েণ চ ।
জ্ঞাতয়ঃ সংপ্রবর্ধংতে সরসীবোত্পলান্য়ুত ॥ 63॥
অবধ্য়া ব্রাহ্মণা গাবো স্ত্রিয়ো বালাশ্চ জ্ঞাতয়ঃ ।
যেষাং চান্নানি ভুংজীত যে চ স্য়ুঃ শরণাগতাঃ ॥ 64॥
ন মনুষ্য়ে গুণঃ কশ্চিদন্য়ো ধনবতাং অপি ।
অনাতুরত্বাদ্ভদ্রং তে মৃতকল্পা হি রোগিণঃ ॥ 65॥
অব্য়াধিজং কটুকং শীর্ষ রোগং
পাপানুবংধং পরুষং তীক্ষ্ণমুগ্রম্ ।
সতাং পেয়ং যন্ন পিবংত্যসংতো
মন্য়ুং মহারাজ পিব প্রশাম্য় ॥ 66॥
রোগার্দিতা ন ফলান্য়াদ্রিয়ংতে
ন বৈ লভংতে বিষয়েষু তত্ত্বম্ ।
দুঃখোপেতা রোগিণো নিত্যমেব
ন বুধ্য়ংতে ধনভোগান্ন সৌখ্যম্ ॥ 67॥
পুরা হ্য়ুক্তো নাকরোস্ত্বং বচো মে
দ্য়ূতে জিতাং দ্রৌপদীং প্রেক্ষ্য় রাজন্ ।
দুর্য়োধনং বারয়েত্যক্ষবত্য়াং
কিতবত্বং পংডিতা বর্জয়ংতি ॥ 68॥
ন তদ্বলং যন্মৃদুনা বিরুধ্যতে
মিশ্রো ধর্মস্তরসা সেবিতব্য়ঃ ।
প্রধ্বংসিনী ক্রূরসমাহিতা শ্রীর্
মৃদুপ্রৌঢা গচ্ছতি পুত্রপৌত্রান্ ॥ 69॥
ধার্তরাষ্ট্রাঃ পাংডবান্পালয়ংতু
পাংডোঃ সুতাস্তব পুত্রাংশ্চ পাংতু ।
একারিমিত্রাঃ কুরবো হ্য়েকমংত্রা
জীবংতু রাজন্সুখিনঃ সমৃদ্ধাঃ ॥ 70॥
মেঢীভূতঃ কৌরবাণাং ত্বমদ্য়
ত্বয়্য়াধীনং কুরু কুলমাজমীঢ ।
পার্থান্বালান্বনবাস প্রতপ্তান্
গোপাযস্ব স্বং যশস্তাত রক্ষন্ ॥ 71॥
সংধত্স্ব ত্বং কৌরবান্পাংডুপুত্রৈর্
মা তেঽংতরং রিপবঃ প্রার্থয়ংতু ।
সত্য়ে স্থিতাস্তে নরদেব সর্বে
দুর্য়োধনং স্থাপয় ত্বং নরেংদ্র ॥ 72॥
॥ ইতি শ্রীমহাভারতে উদ্য়োগপর্বণি প্রজাগরপর্বণি
বিদুরহিতবাক্য়ে ষট্ত্রিংশোঽধ্য়ায়ঃ ॥ 36॥
