অষ্টাবক্র উবাচ ॥
অবিনাশিনমাত্মানমেকং বিজ্ঞায় তত্ত্বতঃ ।
তবাত্মজ্ঞানস্য় ধীরস্য় কথমর্থার্জনে রতিঃ ॥ 3-1॥
আত্মাজ্ঞানাদহো প্রীতির্বিষযভ্রমগোচরে ।
শুক্তেরজ্ঞানতো লোভো যথা রজতবিভ্রমে ॥ 3-2॥
বিশ্বং স্ফুরতি যত্রেদং তরংগা ইব সাগরে ।
সোঽহমস্মীতি বিজ্ঞায় কিং দীন ইব ধাবসি ॥ 3-3॥
শ্রুত্বাপি শুদ্ধচৈতন্য় আত্মানমতিসুংদরম্ ।
উপস্থেঽত্য়ংতসংসক্তো মালিন্যমধিগচ্ছতি ॥ 3-4॥
সর্বভূতেষু চাত্মানং সর্বভূতানি চাত্মনি ।
মুনের্জানত আশ্চর্য়ং মমত্বমনুবর্ততে ॥ 3-5॥
আস্থিতঃ পরমাদ্বৈতং মোক্ষার্থেঽপি ব্যবস্থিতঃ ।
আশ্চর্য়ং কামবশগো বিকলঃ কেলিশিক্ষয়া ॥ 3-6॥
উদ্ভূতং জ্ঞানদুর্মিত্রমবধার্য়াতিদুর্বলঃ ।
আশ্চর্য়ং কামমাকাংক্ষেত্ কালমংতমনুশ্রিতঃ ॥ 3-7॥
ইহামুত্র বিরক্তস্য় নিত্য়ানিত্যবিবেকিনঃ ।
আশ্চর্য়ং মোক্ষকামস্য় মোক্ষাদ্ এব বিভীষিকা ॥ 3-8॥
ধীরস্তু ভোজ্যমানোঽপি পীড্যমানোঽপি সর্বদা ।
আত্মানং কেবলং পশ্যন্ ন তুষ্যতি ন কুপ্যতি ॥ 3-9॥
চেষ্টমানং শরীরং স্বং পশ্যত্যন্যশরীরবত্ ।
সংস্তবে চাপি নিংদায়াং কথং ক্ষুভ্য়েত্ মহাশয়ঃ ॥ 3-10॥
মায়ামাত্রমিদং বিশ্বং পশ্যন্ বিগতকৌতুকঃ ।
অপি সন্নিহিতে মৃত্য়ৌ কথং ত্রস্যতি ধীরধীঃ ॥ 3-11॥
নিঃস্পৃহং মানসং যস্য় নৈরাশ্য়েঽপি মহাত্মনঃ ।
তস্য়াত্মজ্ঞানতৃপ্তস্য় তুলনা কেন জাযতে ॥ 3-12॥
স্বভাবাদ্ এব জানানো দৃশ্যমেতন্ন কিংচন ।
ইদং গ্রাহ্যমিদং ত্য়াজ্য়ং স কিং পশ্যতি ধীরধীঃ ॥ 3-13॥
অংতস্ত্যক্তকষাযস্য় নির্দ্বংদ্বস্য় নিরাশিষঃ ।
যদৃচ্ছয়াগতো ভোগো ন দুঃখায় ন তুষ্টয়ে ॥ 3-14॥
