দাতৃত্বং প্রিযবক্তৃত্বং ধীরত্বমুচিতজ্ঞতা ।
অভ্য়াসেন ন লভ্য়ংতে চত্বারঃ সহজা গুণাঃ ॥ 01 ॥

আত্মবর্গং পরিত্যজ্য় পরবর্গং সমাশ্রয়েত্ ।
স্বযমেব লয়ং যাতি যথা রাজান্যধর্মতঃ ॥ 02 ॥

হস্তী স্থূলতনুঃ স চাংকুশবশঃ কিং হস্তিমাত্রোঽংকুশো
দীপে প্রজ্বলিতে প্রণশ্যতি তমঃ কিং দীপমাত্রং তমঃ ।
বজ্রেণাপি হতাঃ পতংতি গিরয়ঃ কিং বজ্রমাত্রং নগা-
স্তেজো যস্য় বিরাজতে স বলবান্স্থূলেষু কঃ প্রত্যয়ঃ ॥ 03 ॥

কলৌ দশসহস্রাণি হরিস্ত্যজতি মেদিনীম্ ।
তদর্ধং জাহ্নবীতোয়ং তদর্ধং গ্রামদেবতাঃ ॥ 04 ॥

গৃহাসক্তস্য় নো বিদ্য়া নো দয়া মাংসভোজিনঃ ।
দ্রব্যলুব্ধস্য় নো সত্য়ং স্ত্রৈণস্য় ন পবিত্রতা ॥ 05 ॥

ন দুর্জনঃ সাধুদশামুপৈতি
বহুপ্রকারৈরপি শিক্ষ্যমাণঃ ।
আমূলসিক্তঃ পযসা ঘৃতেন
ন নিংববৃক্ষো মধুরত্বমেতি ॥ 06 ॥

অংতর্গতমলো দুষ্টস্তীর্থস্নানশতৈরপি ।
ন শুধ্যতি যথা ভাংডং সুরায়া দাহিতং চ সত্ ॥ 07 ॥

ন বেত্তি যো যস্য় গুণপ্রকর্ষং
স তং সদা নিংদতি নাত্র চিত্রম্ ।
যথা কিরাতী করিকুংভলব্ধাং
মুক্তাং পরিত্যজ্য় বিভর্তি গুংজাম্ ॥ 08 ॥

যে তু সংবত্সরং পূর্ণং নিত্য়ং মৌনেন ভুংজতে ।
যুগকোটিসহস্রং তৈঃ স্বর্গলোকে মহীযতে ॥ 09 ॥

কামক্রোধৌ তথা লোভং স্বাদুশ‍ঋংগারকৌতুকে ।
অতিনিদ্রাতিসেবে চ বিদ্য়ার্থী হ্যষ্ট বর্জয়েত্ ॥ 10 ॥

অকৃষ্টফলমূলেন বনবাসরতঃ সদা ।
কুরুতেঽহরহঃ শ্রাদ্ধমৃষির্বিপ্রঃ স উচ্যতে ॥ 11 ॥

একাহারেণ সংতুষ্টঃ ষট্কর্মনিরতঃ সদা ।
ঋতুকালাভিগামী চ স বিপ্রো দ্বিজ উচ্যতে ॥ 12 ॥

লৌকিকে কর্মণি রতঃ পশূনাং পরিপালকঃ ।
বাণিজ্যকৃষিকর্মা যঃ স বিপ্রো বৈশ্য় উচ্যতে ॥ 13 ॥

লাক্ষাদিতৈলনীলীনাং কৌসুংভমধুসর্পিষাম্ ।
বিক্রেতা মদ্যমাংসানাং স বিপ্রঃ শূদ্র উচ্যতে ॥ 14 ॥

পরকার্যবিহংতা চ দাংভিকঃ স্বার্থসাধকঃ ।
ছলী দ্বেষী মৃদুঃ ক্রূরো বিপ্রো মার্জার উচ্যতে ॥ 15 ॥

বাপীকূপতডাগানামারামসুরবেশ্মনাম্ ।
উচ্ছেদনে নিরাশংকঃ স বিপ্রো ম্লেচ্ছ উচ্যতে ॥ 16 ॥

দেবদ্রব্য়ং গুরুদ্রব্য়ং পরদারাভিমর্শনম্ ।
নির্বাহঃ সর্বভূতেষু বিপ্রশ্চাংডাল উচ্যতে ॥ 17 ॥

দেয়ং ভোজ্যধনং ধনং সুকৃতিভির্নো সংচযস্তস্য় বৈ
শ্রীকর্ণস্য় বলেশ্চ বিক্রমপতেরদ্য়াপি কীর্তিঃ স্থিতা ।
অস্মাকং মধুদানভোগরহিতং নাথং চিরাত্সংচিতং
নির্বাণাদিতি নৈজপাদয়ুগলং ধর্ষংত্যহো মক্ষিকাঃ ॥ 18 ॥