Ashtavakra Gita Chapter 10 - Bengali

Collection of Spiritual and Devotional Literature in Various Indian Languages

View this in:

অষ্টাবক্র গীতা দশমোঽধ্য়ায়ঃ

অষ্টাবক্র উবাচ ॥

বিহায় বৈরিণং কামমর্থং চানর্থসংকুলম্ ।
ধর্মমপ্য়েতয়োর্হেতুং সর্বত্রানাদরং কুরু ॥ 10-1॥

স্বপ্নেংদ্রজালবত্ পশ্য় দিনানি ত্রীণি পংচ বা ।
মিত্রক্ষেত্রধনাগারদারদায়াদিসংপদঃ ॥ 10-2॥

যত্র যত্র ভবেত্তৃষ্ণা সংসারং বিদ্ধি তত্র বৈ ।
প্রৌঢবৈরাগ্যমাশ্রিত্য় বীততৃষ্ণঃ সুখী ভব ॥ 10-3॥

তৃষ্ণামাত্রাত্মকো বংধস্তন্নাশো মোক্ষ উচ্যতে ।
ভবাসংসক্তিমাত্রেণ প্রাপ্তিতুষ্টির্মুহুর্মুহুঃ ॥ 10-4॥

ত্বমেকশ্চেতনঃ শুদ্ধো জডং বিশ্বমসত্তথা ।
অবিদ্য়াপি ন কিংচিত্সা কা বুভুত্সা তথাপি তে ॥ 10-5॥

রাজ্য়ং সুতাঃ কলত্রাণি শরীরাণি সুখানি চ ।
সংসক্তস্য়াপি নষ্টানি তব জন্মনি জন্মনি ॥ 10-6॥

অলমর্থেন কামেন সুকৃতেনাপি কর্মণা ।
এভ্য়ঃ সংসারকাংতারে ন বিশ্রাংতমভূন্ মনঃ ॥ 10-7॥

কৃতং ন কতি জন্মানি কায়েন মনসা গিরা ।
দুঃখমায়াসদং কর্ম তদদ্য়াপ্য়ুপরম্যতাম্ ॥ 10-8॥

Browse Related Categories: