প্রণম্য় শিরসা বিষ্ণুং ত্রৈলোক্য়াধিপতিং প্রভুম্ ।
নানাশাস্ত্রোদ্ধৃতং বক্ষ্য়ে রাজনীতিসমুচ্চযম্ ॥ 01 ॥

অধীত্য়েদং যথাশাস্ত্রং নরো জানাতি সত্তমঃ ।
ধর্মোপদেশবিখ্য়াতং কার্য়াকার্য়ং শুভাশুভম্ ॥ 02 ॥

তদহং সংপ্রবক্ষ্য়ামি লোকানাং হিতকাম্যয়া ।
যেন বিজ্ঞাতমাত্রেণ সর্বজ্ঞাত্বং প্রপদ্যতে ॥ 03 ॥

মূর্খশিষ্য়োপদেশেন দুষ্টস্ত্রীভরণেন চ ।
দুঃখিতৈঃ সংপ্রয়োগেণ পংডিতোঽপ্যবসীদতি ॥ 04 ॥

দুষ্টা ভার্য়া শঠং মিত্রং ভৃত্যশ্চোত্তরদাযকঃ ।
সসর্পে চ গৃহে বাসো মৃত্য়ুরেব ন সংশয়ঃ ॥ 05 ॥

আপদর্থে ধনং রক্ষেদ্দারান্ রক্ষেদ্ধনৈরপি ।
আত্মানং সততং রক্ষেদ্দারৈরপি ধনৈরপি ॥ 06 ॥

আপদর্থে ধনং রক্ষেচ্ছ্রীমতাং কুত আপদঃ ।
কদাচিচ্চলতে লক্ষ্মীঃ সংচিতোঽপি বিনশ্যতি ॥ 07 ॥

যস্মিংদেশে ন সম্মানো ন বৃত্তির্ন চ বাংধবাঃ ।
ন চ বিদ্য়াগমোঽপ্যস্তি বাসং তত্র ন কারয়েত্ ॥ 08 ॥

ধনিকঃ শ্রোত্রিয়ো রাজা নদী বৈদ্যস্তু পংচমঃ ।
পংচ যত্র ন বিদ্য়ংতে ন তত্র দিবসং বসেত্ ॥ 09 ॥

লোকয়াত্রা ভয়ং লজ্জা দাক্ষিণ্য়ং ত্য়াগশীলতা ।
পংচ যত্র ন বিদ্য়ংতে ন কুর্য়াত্তত্র সংস্থিতিম্ ॥ 10 ॥

জানীয়াত্প্রেষণে ভৃত্য়ান্বাংধবান্ ব্যসনাগমে ।
মিত্রং চাপত্তিকালেষু ভার্য়াং চ বিভবক্ষয়ে ॥ 11 ॥

আতুরে ব্যসনে প্রাপ্তে দুর্ভিক্ষে শত্রুসংকটে ।
রাজদ্বারে শ্মশানে চ যস্তিষ্ঠতি স বাংধবঃ ॥ 12 ॥

যো ধ্রুবাণি পরিত্যজ্য় অধ্রুবং পরিষেবতে ।
ধ্রুবাণি তস্য় নশ্য়ংতি চাধ্রুবং নষ্টমেব হি ॥ 13 ॥

বরয়েত্কুলজাং প্রাজ্ঞো বিরূপামপি কন্যকাম্ ।
রূপশীলাং ন নীচস্য় বিবাহঃ সদৃশে কুলে ॥ 14 ॥

নদীনাং শস্ত্রপাণীনাংনখীনাং শ‍ঋংগিণাং তথা ।
বিশ্বাসো নৈব কর্তব্য়ঃ স্ত্রীষু রাজকুলেষু চ ॥ 15 ॥

বিষাদপ্যমৃতং গ্রাহ্যমমেধ্য়াদপি কাংচনম্ ।
অমিত্রাদপি সদ্বৃত্তং বালাদপি সুভাষিতম্ ॥ 16 ॥

স্ত্রীণাং দ্বিগুণ আহারো লজ্জা চাপি চতুর্গুণা ।
সাহসং ষড্গুণং চৈব কামশ্চাষ্টগুণঃ স্মৃতঃ ॥ 17 ॥