অনৃতং সাহসং মায়া মূর্খত্বমতিলোভিতা ।
অশৌচত্বং নির্দযত্বং স্ত্রীণাং দোষাঃ স্বভাবজাঃ ॥ 01 ॥

ভোজ্য়ং ভোজনশক্তিশ্চ রতিশক্তির্বরাংগনা ।
বিভবো দানশক্তিশ্চ নাল্পস্য় তপসঃ ফলম্ ॥ 02 ॥

যস্য় পুত্রো বশীভূতো ভার্য়া ছংদানুগামিনী ।
বিভবে যশ্চ সংতুষ্টস্তস্য় স্বর্গ ইহৈব হি ॥ 03 ॥

তে পুত্রা যে পিতুর্ভক্তাঃ স পিতা যস্তু পোষকঃ ।
তন্মিত্রং যত্র বিশ্বাসঃ সা ভার্য়া যত্র নির্বৃতিঃ ॥ 04 ॥

পরোক্ষে কার্যহংতারং প্রত্যক্ষে প্রিযবাদিনম্ ।
বর্জয়েত্তাদৃশং মিত্রং বিষকুংভং পয়োমুখম্ ॥ 05 ॥

ন বিশ্বসেত্কুমিত্রে চ মিত্রে চাপি ন বিশ্বসেত্ ।
কদাচিত্কুপিতং মিত্রং সর্বং গুহ্য়ং প্রকাশয়েত্ ॥ 06 ॥

মনসা চিংতিতং কার্য়ং বাচা নৈব প্রকাশয়েত্ ।
মংত্রেণ রক্ষয়েদ্গূঢং কার্য়ে চাপি নিয়োজয়েত্ ॥ 07 ॥

কষ্টং চ খলু মূর্খত্বং কষ্টং চ খলু যৌবনম্ ।
কষ্টাত্কষ্টতরং চৈব পরগেহনিবাসনম্ ॥ 08 ॥

শৈলে শৈলে চ মাণিক্য়ং মৌক্তিকং ন গজে গজে ।
সাধবো ন হি সর্বত্র চংদনং ন বনে বনে ॥ 09 ॥

পুত্রাশ্চ বিবিধৈঃ শীলৈর্নিয়োজ্য়াঃ সততং বুধৈঃ ।
নীতিজ্ঞাঃ শীলসংপন্না ভবংতি কুলপূজিতাঃ ॥ 10 ॥

মাতা শত্রুঃ পিতা বৈরী যাভ্য়াং বালা ন পাঠিতাঃ ।
সভামধ্য়ে ন শোভংতে হংসমধ্য়ে বকো যথা ॥ 11 ॥

লালনাদ্বহবো দোষাস্তাডনে বহবো গুণাঃ ।
তস্মাত্পুত্রং চ শিষ্য়ং চ তাডয়েন্ন তু লালয়েত্ ॥ 12 ॥

শ্লোকেন বা তদর্ধেন তদর্ধার্ধাক্ষরেণ বা ।
অবংধ্য়ং দিবসং কুর্য়াদ্দানাধ্যযনকর্মভিঃ ॥ 13 ॥

কাংতাবিয়োগঃ স্বজনাপমানং
ঋণস্য় শেষং কুনৃপস্য় সেবা ।
দারিদ্র্যভাবাদ্বিমুখং চ মিত্রং
বিনাগ্নিনা পংচ দহংতি কাযম্ ॥ 14 ॥

নদীতীরে চ যে বৃক্ষাঃ পরগেহেষু কামিনী ।
মংত্রহীনাশ্চ রাজানঃ শীঘ্রং নশ্য়ংত্যসংশযম্ ॥ 15 ॥

বলং বিদ্য়া চ বিপ্রাণাং রাজ্ঞাং সৈন্য়ং বলং তথা ।
বলং বিত্তং চ বৈশ্য়ানাং শূদ্রাণাং পারিচর্যকম্ ॥ 16 ॥

নির্ধনং পুরুষং বেশ্য়া প্রজা ভগ্নং নৃপং ত্যজেত্ ।
খগা বীতফলং বৃক্ষং ভুক্ত্বা চাভ্য়াগতো গৃহম্ ॥ 17 ॥

গৃহীত্বা দক্ষিণাং বিপ্রাস্ত্যজংতি যজমানকম্ ।
প্রাপ্তবিদ্য়া গুরুং শিষ্য়া দগ্ধারণ্য়ং মৃগাস্তথা ॥ 18 ॥

দুরাচারী দুরাদৃষ্টির্দুরাবাসী চ দুর্জনঃ ।
যন্মৈত্রী ক্রিযতে পুংভির্নরঃ শীঘ্রং বিনশ্যতি ॥ 19 ॥

সমানে শোভতে প্রীতিঃ রাজ্ঞি সেবা চ শোভতে ।
বাণিজ্য়ং ব্যবহারেষু দিব্য়া স্ত্রী শোভতে গৃহে ॥ 20 ॥