অর্থনাশং মনস্তাপং গৃহে দুশ্চরিতানি চ ।
বংচনং চাপমানং চ মতিমান্ন প্রকাশয়েত্ ॥ 01 ॥

ধনধান্যপ্রয়োগেষু বিদ্য়াসংগ্রহণে তথা ।
আহারে ব্যবহারে চ ত্যক্তলজ্জঃ সুখী ভবেত্ ॥ 02 ॥

সংতোষামৃততৃপ্তানাং যত্সুখং শাংতিরেব চ ।
ন চ তদ্ধনলুব্ধানামিতশ্চেতশ্চ ধাবতাম্ ॥ 03 ॥

সংতোষস্ত্রিষু কর্তব্য়ঃ স্বদারে ভোজনে ধনে ।
ত্রিষু চৈব ন কর্তব্য়োঽধ্যযনে জপদানয়োঃ ॥ 04 ॥

বিপ্রয়োর্বিপ্রবহ্ন্য়োশ্চ দংপত্য়োঃ স্বামিভৃত্যয়োঃ ।
অংতরেণ ন গংতব্য়ং হলস্য় বৃষভস্য় চ ॥ 05 ॥

পাদাভ্য়াং ন স্পৃশেদগ্নিং গুরুং ব্রাহ্মণমেব চ ।
নৈব গাং ন কুমারীং চ ন বৃদ্ধং ন শিশুং তথা ॥ 06 ॥

শকটং পংচহস্তেন দশহস্তেন বাজিনম্ ।
গজং হস্তসহস্রেণ দেশত্য়াগেন দুর্জনম্ ॥ 07 ॥

হস্তী অংকুশমাত্রেণ বাজী হস্তেন তাড্যতে ।
শ‍ঋংগী লগুডহস্তেন খড্গহস্তেন দুর্জনঃ ॥ 08 ॥

তুষ্য়ংতি ভোজনে বিপ্রা ময়ূরা ঘনগর্জিতে ।
সাধবঃ পরসংপত্তৌ খলাঃ পরবিপত্তিষু ॥ 09 ॥

অনুলোমেন বলিনং প্রতিলোমেন দুর্জনম্ ।
আত্মতুল্যবলং শত্রুং বিনয়েন বলেন বা ॥ 10 ॥

বাহুবীর্য়ং বলং রাজ্ঞাং ব্রহ্মণো ব্রহ্মবিদ্বলী ।
রূপয়ৌবনমাধুর্য়ং স্ত্রীণাং বলমনুত্তমম্ ॥ 11 ॥

নাত্য়ংতং সরলৈর্ভাব্য়ং গত্বা পশ্য় বনস্থলীম্ ।
ছিদ্য়ংতে সরলাস্তত্র কুব্জাস্তিষ্ঠংতি পাদপাঃ ॥ 12 ॥

যত্রোদকং তত্র বসংতি হংসা-
স্তথৈব শুষ্কং পরিবর্জয়ংতি ।
ন হংসতুল্য়েন নরেণ ভাব্য়ং
পুনস্ত্যজংতঃ পুনরাশ্রয়ংতে ॥ 13 ॥

উপার্জিতানাং বিত্তানাং ত্য়াগ এব হি রক্ষণম্ ।
তডাগোদরসংস্থানাং পরীবাহ ইবাংভসাম্ ॥ 14 ॥

যস্য়ার্থাস্তস্য় মিত্রাণি যস্য়ার্থাস্তস্য় বাংধবাঃ ।
যস্য়ার্থাঃ স পুমাঁল্লোকে যস্য়ার্থাঃ স চ পংডিতঃ ॥ 15 ॥

স্বর্গস্থিতানামিহ জীবলোকে
চত্বারি চিহ্নানি বসংতি দেহে ।
দানপ্রসংগো মধুরা চ বাণী
দেবার্চনং ব্রাহ্মণতর্পণং চ ॥ 16 ॥

অত্য়ংতকোপঃ কটুকা চ বাণী
দরিদ্রতা চ স্বজনেষু বৈরম্ ।
নীচপ্রসংগঃ কুলহীনসেবা
চিহ্নানি দেহে নরকস্থিতানাম্ ॥ 17 ॥

গম্যতে যদি মৃগেংদ্রমংদিরং
লভ্যতে করিকপালমৌক্তিকম্ ।
জংবুকালযগতে চ প্রাপ্যতে
বত্সপুচ্ছখরচর্মখংডনম্ ॥ 18 ॥

শুনঃ পুচ্ছমিব ব্যর্থং জীবিতং বিদ্যয়া বিনা ।
ন গুহ্যগোপনে শক্তং ন চ দংশনিবারণে ॥ 19 ॥

বাচাং শৌচং চ মনসঃ শৌচমিংদ্রিযনিগ্রহঃ ।
সর্বভূতদয়াশৌচমেতচ্ছৌচং পরার্থিনাম্ ॥ 20 ॥

পুষ্পে গংধং তিলে তৈলং কাষ্ঠেঽগ্নিং পযসি ঘৃতম্ ।
ইক্ষৌ গুডং তথা দেহে পশ্য়াত্মানং বিবেকতঃ ॥ 21 ॥