ব্য়াস উবাচ

প্রজা পতীনাং প্রথমং তেজসাং পুরুষং প্রভুম্ ।
ভুবনং ভূর্ভুবং দেবং সর্বলোকেশ্বরং প্রভুম্॥ 1

ঈশানাং বরদং পার্থ দৃষ্ণবানসি শংকরম্ ।
তং গচ্চ শরণং দেবং বরদং ভবনেশ্বরম্ ॥ 2

মহাদেবং মহাত্মান মীশানং জটিলং শিবম্ ।
ত্য়্রক্ষং মহাভুজং রুদ্রং শিখিনং চীরবাসনম্ ॥ 3

মহাদেবং হরং স্থাণুং বরদং ভবনেশ্বরম্ ।
জগত্র্পাধানমধিকং জগত্প্রীতমধীশ্বরম্ ॥ 4

জগদ্য়োনিং জগদ্দ্বীপং জযনং জগতো গতিম্ ।
বিশ্বাত্মানং বিশ্বসৃজং বিশ্বমূর্তিং যশস্বিনম্ ॥ 5

বিশ্বেশ্বরং বিশ্ববরং কর্মাণামীশ্বরং প্রভুম্ ।
শংভুং স্বয়ংভুং ভূতেশং ভূতভব্যভবোদ্ভবম্ ॥ 6

যোগং যোগেশ্বরং শর্বং সর্বলোকেশ্বরেশ্বরম্ ।
সর্বশ্রেষ্টং জগচ্ছ্রেষ্টং বরিষ্টং পরমেষ্ঠিনম্ ॥ 7

লোকত্রয় বিধাতারমেকং লোকত্রয়াশ্রযম্ ।
সুদুর্জয়ং জগন্নাথং জন্মমৃত্য়ু জরাতিগম্ ॥ 8

জ্ঞানাত্মানাং জ্ঞানগম্য়ং জ্ঞানশ্রেষ্ঠং সুদর্বিদম্ ।
দাতারং চৈব ভক্তানাং প্রসাদবিহিতান্ বরান্ ॥ 9

তস্য় পারিষদা দিব্য়ারূপৈ র্নানাবিধৈ র্বিভোঃ ।
বামনা জটিলা মুংডা হ্রস্বগ্রীব মহোদরাঃ ॥ 10

মহাকায়া মহোত্সাহা মহাকর্ণাস্তদা পরে ।
আননৈর্বিকৃতৈঃ পাদৈঃ পার্থবেষৈশ্চ বৈকৃতৈঃ ॥ 11

ঈদৃশৈস্স মহাদেবঃ পূজ্যমানো মহেশ্বরঃ ।
সশিবস্তাত তেজস্বী প্রসাদাদ্য়াতি তেঽগ্রতঃ ॥ 12

তস্মিন্ ঘোরে সদা পার্থ সংগ্রামে রোমহর্ষিণে ।
দ্রৌণিকর্ণ কৃপৈর্গুপ্তাং মহেষ্বাসৈঃ প্রহারিভিঃ ॥ 13

কস্তাং সেনাং তদা পার্ধ মনসাপি প্রধর্ষয়েত্ ।
ঋতে দেবান্মহেষ্বাসাদ্বহুরূপান্মহেশ্বরাত্ ॥ 14

প্থাতুমুত্সহতে কশ্চিন্নতস্মিন্নগ্রতঃ স্থিতে ।
ন হি ভূতং সমং তেন ত্রিষু লোকেষু বিদ্যতে ॥ 15

গংধে নাপি হি সংগ্রামে তস্য় কৃদ্দস্য় শত্রবঃ ।
বিসংজ্ঞা হত ভূয়িষ্টা বেপংতিচ পতংতি চ ॥ 16

তস্মৈ নমস্তু কুর্বংতো দেবা স্তিষ্ঠংতি বৈদিবি ।
যে চান্য়ে মানবা লোকে যেচ স্বর্গজিতো নরাঃ ॥ 17

যে ভক্তা বরদং দেবং শিবং রুদ্রমুমাপতিম্ ।
ইহ লোকে সুখং প্রাপ্যতে যাংতি পরমাং গতিম্ ॥ 18

নমস্কুরুষ্ব কৌংতেয় তস্মৈ শাংতায় বৈ সদা ।
রুদ্রায় শিতিকংঠায় কনিষ্ঠায় সুবর্চসে ॥ 19

কপর্দিনে করলায় হর্যক্ষবরদাযচ ।
যাম্য়াযরক্তকেশায় সদ্বৃত্তে শংকরাযচ ॥ 20

কাম্য়ায় হরিনেত্রায় স্থাণুবে পুরুষাযচ ।
হরিকেশায় মুংডায় কনিষ্ঠায় সুবর্চসে ॥ 21

ভাস্করায় সুতীর্থায় দেবদেবায় রংহসে ।
বহুরূপায় প্রিয়ায় প্রিযবাসসে ॥ 22

উষ্ণীষিণে সুবক্ত্রায় সহস্রাক্ষায় মীডুষে ।
গিরীশীয় সুশাংতায় পতয়ে চীরবাসসে ॥ 23

হিরণ্যবাহবে রাজন্নুগ্রায় পতয়েদিশাম্ ।
পর্জন্যপতয়েচৈব ভূতানাং পতয়ে নমঃ ॥ 24

বৃক্ষাণাং পতয়েচৈব গবাং চ পতয়ে তথা ।
বৃক্ষৈরাবৃত্তকায়ায় সেনান্য়ে মধ্যমাযচ ॥ 25

স্রুবহস্তায় দেবায় ধন্বিনে ভার্গবায় চ ।
বহুরূপায় বিশ্বস্য় পতয়ে মুংজবাসসে ॥ 26

সহস্রশিরসে চৈব সহস্র নযনাযচ ।
সহস্রবাহবে চৈব সহস্র চরণায় চ ॥ 27

শরণং গচ্ছ কৌংতেয় বরদং ভুবনেশ্বরম্ ।
উমাপতিং বিরূপাক্ষং দক্ষং যজ্ঞনিবর্হণম্ ॥ 28

প্রজানাং পতিমব্যগ্রং ভূতানাং পতিমব্যযম্ ।
কপর্দিনং বৃষাবর্তং বৃষনাভং বৃষধ্বজম্ ॥ 29

বৃষদর্পং বৃষপতিং বৃষশৃংগং বৃষর্ষভম্ ।
বৃষাকং বৃষভোদারং বৃষভং বৃষভেক্ষণম্ ॥ 30

বৃষায়ুধং বৃষশরং বৃষভূতং মহেশ্বরম্ ।
মহোদরং মহাকায়ং দ্বীপচর্মনিবাসিনম্ ॥ 31

লোকেশং বরদং মুংডং ব্রাহ্মণ্য়ং ব্রাহ্মণপ্রিযম্ ।
ত্রিশূলপাণিং বরদং খড্গচর্মধরং শুভম্ ॥ 32

পিনাকিনং খড্গধরং লোকানাং পতিমীশ্বরম্ ।
প্রপদ্য়ে শরণং দেবং শরণ্য়ং চীরবাসনম্ ॥ 33

নমস্তস্মৈ সুরেশায় যস্য় বৈশ্রবণস্সখা ।
সুবাসসে নমো নিত্য়ং সুব্রতায় সুধন্বিনে ॥ 34

ধনুর্ধরায় দেবায় প্রিযধন্বায় ধন্বিনে ।
ধন্বংতরায় ধনুষে ধন্বাচার্য়ায় তে নমঃ ॥ 35

উগ্রায়ুধায় দেবায় নমস্সুরবরায় চ ।
নমোঽস্তু বহুরূপায় নমস্তে বহুদন্বিনে ॥ 36

নমোঽস্তু স্থাণবে নিত্য়ংনমস্তস্মৈ সুধন্বিনে ।
নমোঽস্তু ত্রিপুরঘ্নায় ভবঘ্নায় চ বৈ নমঃ ॥ 37

বনস্পতীনাং পতয়ে নরাণাং পতয়ে নমঃ ।
মাতৄণাং পতয়ে চৈব গণানাং পতয়ে নমঃ ॥ 38

গবাং চ পতয়ে নিত্য়ং যজ্ঞানাং পতয়ে নমঃ ।
অপাং চ পতয়ে নিত্য়ং দেবানাং পতয়ে নমঃ ॥ 39

পূষ্ণো দংতবিনাশায় ত্র্যক্ষায় বরদাযচ ।
হরায় নীলকংঠায় স্বর্ণকেশায় বৈ নমঃ ॥ 40

ওং শাংতিঃ ওং শাংতিঃ ওং শাংতিঃ