জনক উবাচ ॥
তত্ত্ববিজ্ঞানসংদংশমাদায় হৃদয়োদরাত্ ।
নানাবিধপরামর্শশল্য়োদ্ধারঃ কৃতো ময়া ॥ 19-1॥
ক্ব ধর্মঃ ক্ব চ বা কামঃ ক্ব চার্থঃ ক্ব বিবেকিতা ।
ক্ব দ্বৈতং ক্ব চ বাঽদ্বৈতং স্বমহিম্নি স্থিতস্য় মে ॥ 19-2॥
ক্ব ভূতং ক্ব ভবিষ্যদ্ বা বর্তমানমপি ক্ব বা ।
ক্ব দেশঃ ক্ব চ বা নিত্য়ং স্বমহিম্নি স্থিতস্য় মে ॥ 19-3॥
ক্ব চাত্মা ক্ব চ বানাত্মা ক্ব শুভং ক্বাশুভং যথা ।
ক্ব চিংতা ক্ব চ বাচিংতা স্বমহিম্নি স্থিতস্য় মে ॥ 19-4॥
ক্ব স্বপ্নঃ ক্ব সুষুপ্তির্বা ক্ব চ জাগরণং তথা ।
ক্ব তুরীয়ং ভয়ং বাপি স্বমহিম্নি স্থিতস্য় মে ॥ 19-5॥
ক্ব দূরং ক্ব সমীপং বা বাহ্য়ং ক্বাভ্য়ংতরং ক্ব বা ।
ক্ব স্থূলং ক্ব চ বা সূক্ষ্মং স্বমহিম্নি স্থিতস্য় মে ॥ 19-6॥
ক্ব মৃত্য়ুর্জীবিতং বা ক্ব লোকাঃ ক্বাস্য় ক্ব লৌকিকম্ ।
ক্ব লয়ঃ ক্ব সমাধির্বা স্বমহিম্নি স্থিতস্য় মে ॥ 19-7॥
অলং ত্রিবর্গকথয়া যোগস্য় কথয়াপ্যলম্ ।
অলং বিজ্ঞানকথয়া বিশ্রাংতস্য় মমাত্মনি ॥ 19-8॥
