ন ধ্য়াতং পদমীশ্বরস্য় বিধিবত্সংসারবিচ্ছিত্তয়ে
স্বর্গদ্বারকপাটপাটনপটুর্ধর্মোঽপি নোপার্জিতঃ ।
নারীপীনপয়োধরোরুয়ুগলা স্বপ্নেঽপি নালিংগিতং
মাতুঃ কেবলমেব যৌবনবনচ্ছেদে কুঠারা বযম্ ॥ 01 ॥
জল্পংতি সার্ধমন্য়েন পশ্য়ংত্যন্য়ং সবিভ্রমাঃ ।
হৃদয়ে চিংতয়ংত্যন্য়ং ন স্ত্রীণামেকতো রতিঃ ॥ 02 ॥
যো মোহান্মন্যতে মূঢো রক্তেয়ং ময়ি কামিনী ।
স তস্য়া বশগো ভূত্বা নৃত্য়েত্ ক্রীডাশকুংতবত্ ॥ 03 ॥
কোঽর্থান্প্রাপ্য় ন গর্বিতো বিষয়িণঃ কস্য়াপদোঽস্তং গতাঃ
স্ত্রীভিঃ কস্য় ন খংডিতং ভুবি মনঃ কো নাম রাজপ্রিয়ঃ ।
কঃ কালস্য় ন গোচরত্বমগমত্ কোঽর্থী গতো গৌরবং
কো বা দুর্জনদুর্গমেষু পতিতঃ ক্ষেমেণ যাতঃ পথি ॥ 04 ॥
ন নির্মিতো ন চৈব ন দৃষ্টপূর্বো
ন শ্রূযতে হেমময়ঃ কুরংগঃ ।
তথাঽপি তৃষ্ণা রঘুনংদনস্য়
বিনাশকালে বিপরীতবুদ্ধিঃ ॥ 05 ॥
গুণৈরুত্তমতাং যাতি নোচ্চৈরাসনসংস্থিতাঃ ।
প্রাসাদশিখরস্থোঽপি কাকঃ কিং গরুডাযতে ॥ 06 ॥
গুণাঃ সর্বত্র পূজ্য়ংতে ন মহত্য়োঽপি সংপদঃ ।
পূর্ণেংদুঃ কিং তথা বংদ্য়ো নিষ্কলংকো যথা কৃশঃ ॥ 07 ॥
পরৈরুক্তগুণো যস্তু নির্গুণোঽপি গুণী ভবেত্ ।
ইংদ্রোঽপি লঘুতাং যাতি স্বয়ং প্রখ্য়াপিতৈর্গুণৈঃ ॥ 08 ॥
বিবেকিনমনুপ্রাপ্তা গুণা যাংতি মনোজ্ঞতাম্ ।
সুতরাং রত্নমাভাতি চামীকরনিয়োজিতম্ ॥ 09 ॥
গুণৈঃ সর্বজ্ঞতুল্য়োঽপি সীদত্য়েকো নিরাশ্রয়ঃ ।
অনর্ঘ্যমপি মাণিক্য়ং হেমাশ্রযমপেক্ষতে ॥ 10 ॥
অতিক্লেশেন যদ্দ্রব্যমতিলোভেন যত্সুখম্ ।
শত্রূণাং প্রণিপাতেন তে হ্যর্থা মা ভবংতু মে ॥ 11 ॥
কিং তয়া ক্রিযতে লক্ষ্ম্য়া যা বধূরিব কেবলা ।
যা তু বেশ্য়েব সামান্য়া পথিকৈরপি ভুজ্যতে ॥ 12 ॥
ধনেষু জীবিতব্য়েষু স্ত্রীষু চাহারকর্মসু ।
অতৃপ্তাঃ প্রাণিনঃ সর্বে যাতা যাস্য়ংতি যাংতি চ ॥ 13 ॥
ক্ষীয়ংতে সর্বদানানি যজ্ঞহোমবলিক্রিয়াঃ ।
ন ক্ষীযতে পাত্রদানমভয়ং সর্বদেহিনাম্ ॥ 14 ॥
তৃণং লঘু তৃণাত্তূলং তূলাদপি চ যাচকঃ ।
বায়ুনা কিং ন নীতোঽসৌ মাময়ং যাচয়িষ্যতি ॥ 15 ॥
বরং প্রাণপরিত্য়াগো মানভংগেন জীবনাত্ ।
প্রাণত্য়াগে ক্ষণং দুঃখং মানভংগে দিনে দিনে ॥ 16 ॥
প্রিযবাক্যপ্রদানেন সর্বে তুষ্য়ংতি জংতবঃ ।
তস্মাত্তদেব বক্তব্য়ং বচনে কা দরিদ্রতা ॥ 17 ॥
সংসারকটুবৃক্ষস্য় দ্বে ফলেঽমৃতোপমে ।
সুভাষিতং চ সুস্বাদু সংগতিঃ সজ্জনে জনে ॥ 18 ॥
জন্ম জন্ম যদভ্যস্তং দানমধ্যযনং তপঃ ।
তেনৈবাঽভ্য়াসয়োগেন দেহী চাভ্যস্যতে পুনঃ ॥ 19 ॥
পুস্তকস্থা তু যা বিদ্য়া পরহস্তগতং ধনম্ ।
কার্যকালে সমুত্পন্নে ন সা বিদ্য়া ন তদ্ধনম্ ॥ 20 ॥
