যস্য় চিত্তং দ্রবীভূতং কৃপয়া সর্বজংতুষু ।
তস্য় জ্ঞানেন মোক্ষেণ কিং জটাভস্মলেপনৈঃ ॥ 01 ॥

একমপ্যক্ষরং যস্তু গুরুঃ শিষ্য়ং প্রবোধয়েত্ ।
পৃথিব্য়াং নাস্তি তদ্দ্রব্য়ং যদ্দত্ত্বা সোঽনৃণী ভবেত্ ॥ 02 ॥

খলানাং কংটকানাং চ দ্বিবিধৈব প্রতিক্রিয়া ।
উপানন্মুখভংগো বা দূরতো বা বিসর্জনম্ ॥ 02 ॥

কুচৈলিনং দংতমলোপধারিণং
বহ্বাশিনং নিষ্ঠুরভাষিণং চ ।
সূর্য়োদয়ে চাস্তমিতে শয়ানং
বিমুংচতি শ্রীর্যদি চক্রপাণিঃ ॥ 04 ॥

ত্যজংতি মিত্রাণি ধনৈর্বিহীনং
পুত্রাশ্চ দারাশ্চ সুহৃজ্জনাশ্চ ।
তমর্থবংতং পুনরাশ্রয়ংতি
অর্থো হি লোকে মনুষ্যস্য় বংধুঃ ॥ 05 ॥

অন্য়ায়োপার্জিতং দ্রব্য়ং দশ বর্ষাণি তিষ্ঠতি ।
প্রাপ্তে চৈকাদশে বর্ষে সমূলং তদ্বিনশ্যতি ॥ 06 ॥

অয়ুক্তং স্বামিনো যুক্তং যুক্তং নীচস্য় দূষণম্ ।
অমৃতং রাহবে মৃত্য়ুর্বিষং শংকরভূষণম্ ॥ 07 ॥

তদ্ভোজনং যদ্দ্বিজভুক্তশেষং
তত্সৌহৃদং যত্ক্রিযতে পরস্মিন্ ।
সা প্রাজ্ঞতা যা ন করোতি পাপং
দংভং বিনা যঃ ক্রিযতে স ধর্মঃ ॥ 08 ॥

মণির্লুংঠতি পাদাগ্রে কাচঃ শিরসি ধার্যতে ।
ক্রযবিক্রযবেলায়াং কাচঃ কাচো মণির্মণিঃ ॥ 09 ॥

অনংতশাস্ত্রং বহুলাশ্চ বিদ্য়াঃ
স্বল্পশ্চ কালো বহুবিঘ্নতা চ ।
যত্সারভূতং তদুপাসনীয়াং
হংসো যথা ক্ষীরমিবাংবুমধ্য়াত্ ॥ 10 ॥

দূরাগতং পথি শ্রাংতং বৃথা চ গৃহমাগতম্ ।
অনর্চয়িত্বা যো ভুংক্তে স বৈ চাংডাল উচ্যতে ॥ 11 ॥

পঠংতি চতুরো বেদাংধর্মশাস্ত্রাণ্যনেকশঃ ।
আত্মানং নৈব জানংতি দর্বী পাকরসং যথা ॥ 12 ॥

ধন্য়া দ্বিজময়ী নৌকা বিপরীতা ভবার্ণবে ।
তরংত্যধোগতাঃ সর্বে উপরিষ্ঠাঃ পতংত্যধঃ ॥ 13 ॥

অযমমৃতনিধানং নাযকোঽপ্য়োষধীনাম্
অমৃতমযশরীরঃ কাংতিয়ুক্তোঽপি চংদ্রঃ ।
ভবতিবিগতরশ্মির্মংডলং প্রাপ্য় ভানোঃ
পরসদননিবিষ্টঃ কো লঘুত্বং ন যাতি ॥ 14 ॥

অলিরয়ং নলিনীদলমধ্যগঃ
কমলিনীমকরংদমদালসঃ ।
বিধিবশাত্পরদেশমুপাগতঃ
কুটজপুষ্পরসং বহু মন্যতে ॥ 15 ॥

পীতঃ ক্রুদ্ধেন তাতশ্চরণতলহতো বল্লভো যেন রোষা
দাবাল্য়াদ্বিপ্রবর্য়ৈঃ স্ববদনবিবরে ধার্যতে বৈরিণী মে ।
গেহং মে ছেদয়ংতি প্রতিদিবসমুমাকাংতপূজানিমিত্তং
তস্মাত্খিন্না সদাহং দ্বিজকুলনিলয়ং নাথ যুক্তং ত্যজামি ॥ 16 ॥

বংধনানি খলু সংতি বহূনি
প্রেমরজ্জুকৃতবংধনমন্যত্ ।
দারুভেদনিপুণোঽপি ষডংঘ্রি-
র্নিষ্ক্রিয়ো ভবতি পংকজকোশেঃ ॥ 17 ॥

ছিন্নোঽপি চংদন তরুর্ন জহাতি গংধং
বৃদ্ধোঽপি বারণপতি-র্নজহাতি লীলাম্ ।
হংত্রার্পিতো মধুরতাং ন জহাতি চেক্ষুঃ
ক্ষীণোঽপি ন ত্যজতি শিলগুণান্ কুলীনঃ ॥ 18 ॥