(কৃষ্ণযজুর্বেদীয় তৈত্তিরীয়ারণ্যকে তৃতীয় প্রপাঠকঃ)

হরিঃ ওম্ । তচ্ছং॒-য়োঁরাবৃ॑ণীমহে । গা॒তুং-য়ঁ॒জ্ঞায়॑ ।
গা॒তুং-য়ঁ॒জ্ঞপ॑তয়ে । দৈবী᳚ স্ব॒স্তির॑স্তু নঃ ।
স্ব॒স্তির্মানু॑ষেভ্য়ঃ । ঊ॒র্ধ্বং জি॑গাতু ভেষ॒জম্ ।
শং নো॑ অস্তু দ্বি॒পদে᳚ । শং চতু॑ষ্পদে ॥
ওং শাংতিঃ॒ শাংতিঃ॒ শাংতিঃ॑ ॥

ওং চিত্তি॒স্স্রুক্ । চি॒ত্তমাজ্য়᳚ম্ । বাগ্বেদিঃ॑ । আধী॑তং ব॒র্​হিঃ । কেতো॑ অ॒গ্নিঃ । বিজ্ঞা॑তম॒গ্নিঃ । বাক্প॑তি॒র্​হোতা᳚ । মন॑ উপব॒ক্তা । প্রা॒ণো হ॒বিঃ । সামা᳚ধ্ব॒র্য়ুঃ । বাচ॑স্পতে বিধে নামন্ন্ । বি॒ধেম॑ তে॒ নাম॑ । বি॒ধেস্ত্বম॒স্মাকং॒ নাম॑ । বা॒চস্পতি॒স্সোমং॑ পিবতু । আঽস্মাসু॑ নৃ॒ম্ণং ধা॒ত্স্বাহা᳚ ॥ 1 ॥
অ॒ধ্ব॒র্য়ুঃ পংচ॑ চ ॥ 1 ॥

পৃ॒থি॒বী হোতা᳚ । দ্য়ৌর॑ধ্ব॒র্য়ুঃ । রু॒দ্রো᳚ঽগ্নীত্ । বৃহ॒স্পতি॑রুপব॒ক্তা । বাচ॑স্পতে বা॒চো বী॒র্য়ে॑ণ । সংভৃ॑ততমে॒নাঽঽয়॑ক্ষ্যসে । যজ॑মানায়॒ বার্য়᳚ম্ । আ সুব॒স্কর॑স্মৈ । বা॒চস্পতি॒স্সোমং॑ পিবতি । জ॒জন॒দিংদ্র॑মিংদ্রি॒য়ায়॒ স্বাহা᳚ ॥ 2 ॥
পৃ॒থি॒বী হোতা॒ দশ॑ ॥ 2 ॥

অ॒গ্নির্​হোতা᳚ । অ॒শ্বিনা᳚ঽধ্ব॒র্য়ূ । ত্বষ্টা॒ঽগ্নীত্ । মি॒ত্র উ॑পব॒ক্তা । সোম॒স্সোম॑স্য় পুরো॒গাঃ । শু॒ক্রস্শু॒ক্রস্য়॑ পুরো॒গাঃ । শ্রা॒তাস্ত॑ ইংদ্র॒ সোমাঃ᳚ । বাতা॑পের্​হবন॒শ্রুত॒স্স্বাহা᳚ ॥ 3 ॥
অ॒গ্নির্​হোতা॒ঽষ্টৌ ॥ 3 ॥

সূর্য়ং॑ তে॒ চক্ষুঃ॑ । বাতং॑ প্রা॒ণঃ । দ্য়াং পৃ॒ষ্ঠম্ । অং॒তরি॑ক্ষমা॒ত্মা । অংগৈ᳚র্য়॒জ্ঞম্ । পৃ॒থি॒বীগ্​ম্ শরী॑রৈঃ । বাচ॑স্প॒তেঽচ্ছি॑দ্রয়া বা॒চা । অচ্ছি॑দ্রয়া জু॒হ্বা᳚ । দি॒বি দে॑বা॒বৃধ॒গ্​ম্॒ হোত্রা॒ মের॑যস্ব॒ স্বাহা᳚ ॥ 4 ॥
সূর্য়ং॑ তে॒ নব॑ ॥ 4 ॥

ম॒হাহ॑বি॒র্​হোতা᳚ । স॒ত্যহ॑বিরধ্ব॒র্য়ুঃ । অচ্য়ু॑তপাজা অ॒গ্নীত্ । অচ্য়ু॑তমনা উপব॒ক্তা । অ॒না॒ধৃ॒ষ্যশ্চা᳚প্রতিধৃ॒ষ্যশ্চ॑ য॒জ্ঞস্য়া॑ভিগ॒রৌ । অ॒য়াস্য়॑ উদ্গা॒তা । বাচ॑স্পতে হৃদ্বিধে নামন্ন্ । বি॒ধেম॑ তে॒ নাম॑ । বি॒ধেস্ত্বম॒স্মাকং॒ নাম॑ । বা॒চস্পতি॒স্সোম॑মপাত্ । মা দৈব্য়॒স্তংতু॒শ্ছেদি॒ মা ম॑নু॒ষ্য়ঃ॑ । নমো॑ দি॒বে । নমঃ॑ পৃথি॒ব্য়ৈ স্বাহা᳚ ॥ 5 ॥
অ॒পা॒ত্ত্রীণি॑ চ ॥ 5 ॥

বাগ্ঘোতা᳚ । দী॒ক্ষা পত্নী᳚ । বাতো᳚ঽধ্ব॒র্য়ুঃ । আপো॑ঽভিগ॒রঃ । মনো॑ হ॒বিঃ । তপ॑সি জুহোমি । ভূর্ভুব॒স্সুবঃ॑ । ব্রহ্ম॑ স্বয়ং॒ভু । ব্রহ্ম॑ণে স্বয়ং॒ভুবে॒ স্বাহা᳚ ॥ 6 ॥
বাগ্ঘোতা॒ নব॑ ॥ 6 ॥

ব্রা॒হ্ম॒ণ এক॑হোতা । স য॒জ্ঞঃ । স মে॑ দদাতু প্র॒জাং প॒শূন্পুষ্টিং॒-য়ঁশঃ॑ । য॒জ্ঞশ্চ॑ মে ভূয়াত্ । অ॒গ্নির্দ্বিহো॑তা । স ভ॒র্তা । স মে॑ দদাতু প্র॒জাং প॒শূন্পুষ্টিং॒-য়ঁশঃ॑ । ভ॒র্তা চ॑ মে ভূয়াত্ । পৃ॒থি॒বী ত্রিহো॑তা । স প্র॑তি॒ষ্ঠা ॥ 7 ॥

স মে॑ দদাতু প্র॒জাং প॒শূন্পুষ্টিং॒-য়ঁশঃ॑ । প্র॒তি॒ষ্ঠা চ॑ মে ভূয়াত্ । অং॒তরি॑ক্ষং॒ চতু॑র্​হোতা । স বি॒ষ্ঠাঃ । স মে॑ দদাতু প্র॒জাং প॒শূন্পুষ্টিং॒-য়ঁশঃ॑ । বি॒ষ্ঠাশ্চ॑ মে ভূয়াত্ । বা॒য়ুঃ পংচ॑হোতা । স প্রা॒ণঃ । স মে॑ দদাতু প্র॒জাং প॒শূন্পুষ্টিং॒-য়ঁশঃ॑ । প্রা॒ণশ্চ॑ মে ভূয়াত্ ॥ 8 ॥

চং॒দ্রমাঃ॒ ষড্ঢো॑তা । স ঋ॒তূন্ক॑ল্পয়াতি । স মে॑ দদাতু প্র॒জাং প॒শূন্পুষ্টিং॒-য়ঁশঃ॑ । ঋ॒তব॑শ্চ মে কল্পংতাম্ । অন্নগ্​ম্॑ স॒প্তহো॑তা । স প্রা॒ণস্য়॑ প্রা॒ণঃ । স মে॑ দদাতু প্র॒জাং প॒শূন্পুষ্টিং॒-য়ঁশঃ॑ । প্রা॒ণস্য়॑ চ মে প্রা॒ণো ভূ॑য়াত্ । দ্য়ৌর॒ষ্টহো॑তা । সো॑ঽনাধৃ॒ষ্য়ঃ ॥ 9 ॥

স মে॑ দদাতু প্র॒জাং প॒শূন্পুষ্টিং॒-য়ঁশঃ॑ । অ॒না॒ধৃ॒ষ্যশ্চ॑ ভূয়াসম্ । আ॒দি॒ত্য়ো নব॑হোতা । স তে॑জ॒স্বী । স মে॑ দদাতু প্র॒জাং প॒শূন্পুষ্টিং॒-য়ঁশঃ॑ । তে॒জ॒স্বী চ॑ ভূয়াসম্ । প্র॒জাপ॑তি॒র্দশ॑হোতা । স ই॒দগ্​ম্ সর্ব᳚ম্ । স মে॑ দদাতু প্র॒জাং প॒শূন্পুষ্টিং॒-য়ঁশঃ॑ । সর্বং॑ চ মে ভূয়াত্ ॥ 10 ॥

প্র॒তি॒ষ্ঠা প্রা॒ণশ্চ॑ মে ভূয়াদনাধৃ॒ষ্যস্সর্বং চ মে ভূয়াত্ ॥
ব্রা॒হ্ম॒ণো য॒জ্ঞো᳚ঽগ্নির্ভ॒র্তা পৃ॑থি॒বী প্র॑তি॒ষ্ঠাঽংতরি॑ক্ষং-বিঁ॒ষ্ঠা বা॒য়ুঃ প্রা॒ণশ্চং॒দ্রমা॑ স ঋ॒তূনন্ন॒গ্​ম্॒ স প্রা॒ণস্য়॑ প্রা॒ণো দ্য়ৌর॑নাধৃ॒ষ্য় আ॑দি॒ত্যস্স তে॑জ॒স্বী প্র॒জাপ॑তিঃ॒ স ই॒দগ্​ম্ সর্ব॒গ্​ম্॒ সর্বং॑ চ মে ভূয়াত্ ॥

অ॒গ্নির্যজু॑র্ভিঃ । স॒বি॒তা স্তোমৈঃ᳚ । ইংদ্র॑ উক্থাম॒দৈঃ । মি॒ত্রাবরু॑ণাবা॒শিষা᳚ । অংগি॑রসো॒ ধিষ্ণি॑য়ৈর॒গ্নিভিঃ॑ । ম॒রুত॑স্সদোহবির্ধা॒নাভ্য়া᳚ম্ । আপঃ॒ প্রোক্ষ॑ণীভিঃ । ওষ॑ধয়ো ব॒র্​হিষা᳚ । অদি॑তি॒র্বেদ্য়া᳚ । সোমো॑ দী॒ক্ষয়া᳚ ॥ 11 ॥

ত্বষ্টে॒ধ্মেন॑ । বিষ্ণু॑র্য়॒জ্ঞেন॑ । বস॑ব॒ আজ্য়ে॑ন । আ॒দি॒ত্য়া দক্ষি॑ণাভিঃ । বিশ্বে॑ দে॒বা ঊ॒র্জা । পূ॒ষা স্ব॑গাকা॒রেণ॑ । বৃহ॒স্পতিঃ॑ পুরো॒ধয়া᳚ । প্র॒জাপ॑তিরুদ্গী॒থেন॑ । অং॒তরি॑ক্ষং প॒বিত্রে॑ণ । বা॒য়ুঃ পাত্রৈঃ᳚ । অ॒হগ্গ্‍ং শ্র॒দ্ধয়া᳚ ॥ 12 ॥
দী॒ক্ষয়া॒ পাত্রৈ॒রেকং॑ চ ॥ 8 ॥

সেনেংদ্র॑স্য় । ধেনা॒ বৃহ॒স্পতেঃ᳚ । প॒থ্য়া॑ পূ॒ষ্ণঃ । বাগ্বা॒য়োঃ । দী॒ক্ষা সোম॑স্য় । পৃ॒থি॒ব্য়॑গ্নেঃ । বসূ॑নাং গায়॒ত্রী । রু॒দ্রাণাং᳚ ত্রি॒ষ্টুক্ । আ॒দি॒ত্য়ানাং॒ জগ॑তী । বিষ্ণো॑রনু॒ষ্টুক্ ॥ 13 ॥

বরু॑ণস্য় বি॒রাট্ । য॒জ্ঞস্য়॑ পং॒ক্তিঃ । প্র॒জাপ॑তে॒রনু॑মতিঃ । মি॒ত্রস্য়॑ শ্র॒দ্ধা । স॒বি॒তুঃ প্রসূ॑তিঃ । সূর্য়॑স্য়॒ মরী॑চিঃ । চং॒দ্রম॑সো রোহি॒ণী । ঋষী॑ণামরুংধ॒তী । প॒র্জন্য়॑স্য় বি॒দ্য়ুত্ । চত॑স্রো॒ দিশঃ॑ । চত॑স্রোঽবাংতরদি॒শাঃ । অহ॑শ্চ॒ রাত্রি॑শ্চ । কৃ॒ষিশ্চ॒ বৃষ্টি॑শ্চ । ত্বিষি॒শ্চাপ॑চিতিশ্চ । আপ॒শ্চৌষ॑ধযশ্চ । ঊর্ক্চ॑ সূ॒নৃতা॑ চ দে॒বানাং॒ পত্ন॑য়ঃ ॥ 14 ॥
অ॒নু॒ষ্টুগ্দিশ॒ষ্ষট্চ॑ ॥ 9 ॥

দে॒বস্য়॑ ত্বা সবি॒তুঃ প্র॑স॒বে । অ॒শ্বিনো᳚র্বা॒হুভ্য়া᳚ম্ । পূ॒ষ্ণো হস্তা᳚ভ্য়াং॒ প্রতি॑গৃহ্ণামি । রাজা᳚ ত্বা॒ বরু॑ণো নযতু দেবি দক্ষিণে॒ঽগ্নয়ে॒ হির॑ণ্যম্ । তেনা॑মৃত॒ত্বম॑শ্য়াম্ । বয়ো॑ দা॒ত্রে । ময়ো॒ মহ্য়॑মস্তু প্রতিগ্রহী॒ত্রে । ক ই॒দং কস্মা॑ অদাত্ । কামঃ॒ কামা॑য় । কামো॑ দা॒তা ॥ 15 ॥

কামঃ॑ প্রতিগ্রহী॒তা । কামগ্​ম্॑ সমু॒দ্রমাবি॑শ । কামে॑ন ত্বা॒ প্রতি॑গৃহ্ণামি । কামৈ॒তত্তে᳚ । এ॒ষা তে॑ কাম॒ দক্ষি॑ণা । উ॒ত্তা॒নস্ত্বা᳚ঽঽংগীর॒সঃ প্রতি॑গৃহ্ণাতু । সোমা॑য়॒ বাসঃ॑ । রু॒দ্রায়॒ গাম্ । বরু॑ণা॒য়াশ্ব᳚ম্ । প্র॒জাপ॑তয়ে॒ পুরু॑ষম্ ॥ 16 ॥

মন॑বে॒ তল্প᳚ম্ । ত্বষ্ট্রে॒ঽজাম্ । পূ॒ষ্ণেঽবি᳚ম্ । নির্​ঋ॑ত্য়া অশ্বতরগর্দ॒ভৌ । হি॒মব॑তো হ॒স্তিন᳚ম্ । গং॒ধ॒র্বা॒প্স॒রাভ্য়॑স্স্রগলংকর॒ণে । বিশ্বে᳚ভ্য়ো দে॒বেভ্য়ো॑ ধা॒ন্যম্ । বা॒চেঽন্ন᳚ম্ । ব্রহ্ম॑ণ ওদ॒নম্ । স॒মু॒দ্রায়াপঃ॑ ॥ 17 ॥

উ॒ত্তা॒নায়াং᳚গীর॒সায়ানঃ॑ । বৈ॒শ্বা॒ন॒রায়॒ রথ᳚ম্ । বৈ॒শ্বা॒ন॒রঃ প্র॒ত্নথা॒ নাক॒মারু॑হত্ । দি॒বঃ পৃ॒ষ্ঠং ভংদ॑মানস্সু॒মন্ম॑ভিঃ । স পূ᳚র্ব॒বজ্জ॒নয়॑জ্জং॒তবে॒ ধন᳚ম্ । স॒মা॒নম॑জ্মা॒ পরি॑য়াতি॒ জাগৃ॑বিঃ । রাজা᳚ ত্বা॒ বরু॑ণো নযতু দেবি দক্ষিণে বৈশ্বান॒রায়॒ রথ᳚ম্ । তেনা॑মৃত॒ত্বম॑শ্য়াম্ । বয়ো॑ দা॒ত্রে । ময়ো॒ মহ্য়॑মস্তু প্রতিগ্রহী॒ত্রে ॥ 18 ॥

ক ই॒দং কস্মা॑ অদাত্ । কামঃ॒ কামা॑য় । কামো॑ দা॒তা । কামঃ॑ প্রতিগ্রহী॒তা । কামগ্​ম্॑ সমু॒দ্রমাবি॑শ । কামে॑ন ত্বা॒ প্রতি॑গৃহ্ণামি । কামৈ॒তত্তে᳚ । এ॒ষা তে॑ কাম॒ দক্ষি॑ণা । উ॒ত্তা॒নস্ত্বা᳚ঽঽংগীর॒সঃ প্রতি॑গৃহ্ণাতু ॥ 19 ॥
দা॒তা পুরু॑ষ॒মাপঃ॑ প্রতিগ্রহী॒ত্রে নব॑ চ ॥ 10 ॥

সু॒বর্ণং॑ ঘ॒র্মং পরি॑বেদ বে॒নম্ । ইংদ্র॑স্য়া॒ঽঽত্মানং॑ দশ॒ধা চরং॑তম্ । অং॒তস্স॑মু॒দ্রে মন॑সা॒ চরং॑তম্ । ব্রহ্মাঽন্ব॑বিংদ॒দ্দশ॑হোতার॒মর্ণে᳚ । অং॒তঃ প্রবি॑ষ্টশ্শা॒স্তা জনা॑নাম্ । এক॒স্সন্ব॑হু॒ধা বি॑চারঃ । শ॒তগ্​ম্ শু॒ক্রাণি॒ যত্রৈকং॒ ভবং॑তি । সর্বে॒ বেদা॒ যত্রৈকং॒ ভবং॑তি । সর্বে॒ হোতা॑রো॒ যত্রৈকং॒ ভবং॑তি । স॒ মান॑সীন আ॒ত্মা জনা॑নাম্ ॥ 20 ॥

অং॒তঃ প্রবি॑ষ্টশ্শা॒স্তা জনা॑না॒গ্​ম্॒ সর্বা᳚ত্মা । সর্বাঃ᳚ প্র॒জা যত্রৈকং॒ ভবং॑তি । চতু॑র্​হোতারো॒ যত্র॑ সং॒পদং॒ গচ্ছং॑তি দে॒বৈঃ । স॒ মান॑সীন আ॒ত্মা জনা॑নাম্ । ব্রহ্মেংদ্র॑ম॒গ্নিং জগ॑তঃ প্রতি॒ষ্ঠাম্ । দি॒ব আ॒ত্মানগ্​ম্॑ সবি॒তারং॒ বৃহ॒স্পতি᳚ম্ । চতু॑র্​হোতারং প্র॒দিশোঽনু॑ক্লৃ॒প্তম্ । বা॒চো বী॒র্য়ং॑ তপ॒সাঽন্ব॑বিংদত্ । অং॒তঃ প্রবি॑ষ্টং ক॒র্তার॑মে॒তম্ । ত্বষ্টা॑রগ্​ম্ রূ॒পাণি॑ বিকু॒র্বংতং॑-বিঁপ॒শ্চিম্ ॥ 21 ॥

অ॒মৃত॑স্য় প্রা॒ণং-য়ঁ॒জ্ঞমে॒তম্ । চতু॑র্​হোতৃণামা॒ত্মানং॑ ক॒বয়ো॒ নিচি॑ক্য়ুঃ । অং॒তঃ প্রবি॑ষ্টং ক॒র্তার॑মে॒তম্ । দে॒বানাং॒ বংধু॒ নিহি॑তং॒ গুহা॑সু । অ॒মৃতে॑ন ক্লৃ॒প্তং-য়ঁ॒জ্ঞমে॒তম্ । চতু॑র্​হোতৃণামা॒ত্মানং॑ ক॒বয়ো॒ নিচি॑ক্য়ুঃ । শ॒তং নি॒য়ুতঃ॒ পরি॑বেদ॒ বিশ্বা॑ বি॒শ্ববা॑রঃ । বিশ্ব॑মি॒দং-বৃঁ॑ণাতি । ইংদ্র॑স্য়া॒ঽঽত্মা নিহি॑তঃ॒ পংচ॑হোতা । অ॒মৃতং॑ দে॒বানা॒মায়ুঃ॑ প্র॒জানা᳚ম্ ॥ 22 ॥

ইংদ্র॒গ্​ম্॒ রাজা॑নগ্​ম্ সবি॒তার॑মে॒তম্ । বা॒য়োরা॒ত্মানং॑ ক॒বয়ো॒ নিচি॑ক্য়ুঃ । র॒শ্মিগ্​ম্ র॑শ্মী॒নাং মধ্য়ে॒ তপং॑তম্ । ঋ॒তস্য়॑ প॒দে ক॒বয়ো॒ নিপাং᳚তি । য আং᳚ডকো॒শে ভুব॑নং বি॒ভর্তি॑ । অনি॑র্ভিণ্ণ॒স্সন্নথ॑ লো॒কান্ বি॒চষ্টে᳚ । যস্য়াং᳚ডকো॒শগ্​ম্ শুষ্ম॑মা॒হুঃ প্রা॒ণমুল্ব᳚ম্ । তেন॑ ক্লৃ॒প্তো॑ঽমৃতে॑না॒হম॑স্মি । সু॒বর্ণং॒ কোশ॒গ্​ম্॒ রজ॑সা॒ পরী॑বৃতম্ । দে॒বানাং᳚-বঁসু॒ধানীং᳚-বিঁ॒রাজ᳚ম্ ॥ 23 ॥

অ॒মৃত॑স্য় পূ॒র্ণাং তামু॑ ক॒লাং-বিঁচ॑ক্ষতে । পাদ॒গ্​ম্॒ ষড্ঢো॑তু॒র্ন কিলা॑ঽঽবিবিত্সে । যেন॒র্তবঃ॑ পংচ॒ধোত ক্লৃ॒প্তাঃ । উ॒ত বা॑ ষ॒ড্ধা মন॒সোত ক্লৃ॒প্তাঃ । তগ্​ম্ ষড্ঢো॑তারমৃ॒তুভিঃ॒ কল্প॑মানম্ । ঋ॒তস্য়॑ প॒দে ক॒বয়ো॒ নিপাং᳚তি । অং॒তঃ প্রবি॑ষ্টং ক॒র্তার॑মে॒তম্ । অং॒তশ্চং॒দ্রম॑সি॒ মন॑সা॒ চরং॑তম্ । স॒হৈব সংতং॒ ন বিজা॑নংতি দে॒বাঃ । ইংদ্র॑স্য়া॒ঽঽত্মানগ্​ম্॑ শত॒ধা চরং॑তম্ ॥ 24 ॥

ইংদ্রো॒ রাজা॒ জগ॑তো॒ য ঈশে᳚ । স॒প্তহো॑তা সপ্ত॒ধা বিক্লৃ॑প্তঃ । পরে॑ণ॒ তংতুং॑ পরিষি॒চ্যমা॑নম্ । অং॒তরা॑দি॒ত্য়ে মন॑সা॒ চরং॑তম্ । দে॒বানা॒গ্​ম্॒ হৃদ॑য়ং॒ ব্রহ্মাঽন্ব॑বিংদত্ । ব্রহ্মৈ॒তদ্ব্রহ্ম॑ণ॒ উজ্জ॑ভার । অ॒র্কগ্গ্‍ং শ্চোতং॑তগ্​ম্ সরি॒রস্য়॒ মধ্য়ে᳚ । আ যস্মিং॑থ্​স॒প্ত পের॑বঃ । মেহং॑তি বহু॒লাগ্​ম্ শ্রিয়᳚ম্ । ব॒হ্ব॒শ্বামিং॑দ্র॒ গোম॑তীম্ ॥ 25 ॥

অচ্য়ু॑তাং বহু॒লাগ্​ম্ শ্রিয়᳚ম্ । স হরি॑র্বসু॒বিত্ত॑মঃ । পে॒রুরিংদ্রা॑য় পিন্বতে । ব॒হ্ব॒শ্বামিং॑দ্র॒ গোম॑তীম্ । অচ্য়ু॑তাং বহু॒লাগ্​ম্ শ্রিয়᳚ম্ । মহ্য়॒মিংদ্রো॒ নিয়॑চ্ছতু । শ॒তগ্​ম্ শ॒তা অ॑স্য় যু॒ক্তা হরী॑ণাম্ । অ॒র্বাঙা যা॑তু॒ বসু॑ভী র॒শ্মিরিংদ্রঃ॑ । প্রমগ্​ম্‍হ॑ মাণো বহু॒লাগ্​ম্ শ্রিয়᳚ম্ । র॒শ্মিরিংদ্র॑স্সবি॒তা মে॒ নিয়॑চ্ছতু ॥ 26 ॥

ঘৃ॒তং তেজো॒ মধু॑মদিংদ্রি॒যম্ । ময়্য়॒যম॒গ্নির্দ॑ধাতু । হরিঃ॑ পত॒ঙ্গঃ প॑ট॒রী সু॑প॒র্ণঃ । দি॒বি॒ক্ষয়ো॒ নভ॑সা॒ য এতি॑ । স ন॒ ইংদ্রঃ॑ কামব॒রং দ॑দাতু । পংচা॑রং চ॒ক্রং পরি॑বর্ততে পৃ॒থু । হির॑ণ্যজ্য়োতিস্সরি॒রস্য়॒ মধ্য়ে᳚ । অজ॑স্রং॒ জ্য়োতি॒র্নভ॑সা॒ সর্প॑দেতি । স ন॒ ইংদ্রঃ॑ কামব॒রং দ॑দাতু । স॒প্ত যুং॑জংতি॒ রথ॒মেক॑চক্রম্ ॥ 27 ॥

একো॒ অশ্বো॑ বহতি সপ্তনা॒মা । ত্রি॒নাভি॑ চ॒ক্রম॒জর॒মন॑র্বম্ । যেনে॒মা বিশ্বা॒ ভুব॑নানি তস্থুঃ । ভ॒দ্রং পশ্য়ং॑ত॒ উপ॑সেদু॒রগ্রে᳚ । তপো॑ দী॒ক্ষামৃষ॑যস্সুব॒র্বিদঃ॑ । ততঃ॑ ক্ষ॒ত্ত্রং বল॒মোজ॑শ্চ জা॒তম্ । তদ॒স্মৈ দে॒বা অ॒ভিসং ন॑মংতু । শ্বে॒তগ্​ম্ র॒শ্মিং বো॑ভু॒জ্যমা॑নম্ । অ॒পাং নে॒তারং॒ ভুব॑নস্য় গো॒পাম্ । ইংদ্রং॒ নিচি॑ক্য়ুঃ পর॒মে ব্য়ো॑মন্ন্ ॥ 28 ॥

রোহি॑ণীঃ পিংগ॒লা এক॑রূপাঃ । ক্ষরং॑তীঃ পিংগ॒লা এক॑রূপাঃ । শ॒তগ্​ম্ স॒হস্রা॑ণি প্র॒য়ুতা॑নি॒ নাব্য়া॑নাম্ । অ॒য়ং-য়ঁশ্শ্বে॒তো র॒শ্মিঃ । পরি॒ সর্ব॑মি॒দং জগ॑ত্ । প্র॒জাং প॒শূংধনা॑নি । অ॒স্মাকং॑ দদাতু । শ্বে॒তো র॒শ্মিঃ পরি॒ সর্বং॑ বভূব । সুব॒ন্মহ্য়ং॑ প॒শূন্ বি॒শ্বরূ॑পান্ । প॒ত॒ঙ্গম॒ক্তমসু॑রস্য় মা॒যয়া᳚ ॥ 29 ॥

হৃ॒দা প॑শ্য়ংতি॒ মন॑সা মনী॒ষিণঃ॑ । স॒মু॒দ্রে অং॒তঃ ক॒বয়ো॒ বিচ॑ক্ষতে । মরী॑চীনাং প॒দমি॑চ্ছংতি বে॒ধসঃ॑ । প॒ত॒ঙ্গো বাচং॒ মন॑সা বিভর্তি । তাং গং॑ধ॒র্বো॑ঽবদ॒দ্গর্ভে॑ অং॒তঃ । তাং দ্য়োত॑মানাগ্​ম্ স্ব॒র্য়ং॑ মনী॒ষাম্ । ঋ॒তস্য়॑ প॒দে ক॒বয়ো॒ নিপাং᳚তি । যে গ্রা॒ম্য়াঃ প॒শবো॑ বি॒শ্বরূ॑পাঃ । বিরূ॑পা॒স্সংতো॑ বহু॒ধৈক॑রূপাঃ । অ॒গ্নিস্তাগ্​ম্ অগ্রে॒ প্রমু॑মোক্তু দে॒বঃ ॥ 30 ॥

প্র॒জাপ॑তিঃ প্র॒জয়া॑ সং​বিঁদা॒নঃ । বী॒তগ্গ্‍ং স্তু॑কে স্তুকে । যু॒বম॒স্মাসু॒ নিয়॑চ্ছতম্ । প্র প্র॑ য॒জ্ঞপ॑তিং তির । যে গ্রা॒ম্য়াঃ প॒শবো॑ বি॒শ্বরূ॑পাঃ । বিরূ॑পা॒স্সংতো॑ বহু॒ধৈক॑রূপাঃ । তেষাগ্​ম্॑ সপ্তা॒নামি॒হ রংতি॑রস্তু । রা॒যস্পোষা॑য় সুপ্রজা॒স্ত্বায়॑ সু॒বীর্য়া॑য় । য আ॑র॒ণ্য়াঃ প॒শবো॑ বি॒শ্বরূ॑পাঃ । বিরূ॑পা॒স্সংতো॑ বহু॒ধৈক॑রূপাঃ । বা॒য়ুস্তাগ্​ম্ অগ্রে॒ প্রমু॑মোক্তু দে॒বঃ । প্র॒জাপ॑তিঃ প্র॒জয়া॑ সং​বিঁদা॒নঃ । ইডা॑য়ৈ সৃ॒প্তং ঘৃ॒তব॑চ্চরাচ॒রম্ । দে॒বা অন্ব॑বিংদ॒ন্গুহা॑ হি॒তম্ । য আ॑র॒ণ্য়াঃ প॒শবো॑ বি॒শ্বরূ॑পাঃ । বিরূ॑পা॒স্সংতো॑ বহু॒ধৈক॑রূপাঃ । তেষাগ্​ম্॑ সপ্তা॒নামি॒হ রংতি॑রস্তু । রা॒যস্পোষা॑য় সুপ্রজা॒স্ত্বায়॑ সু॒বীর্য়া॑য় ॥ 31 ॥

আ॒ত্মা জনা॑নাং-বিঁকু॒র্বংতং॑-বিঁপ॒শ্চিং প্র॒জানাং᳚-বঁসু॒ধানীং᳚-বিঁ॒রাজং॒ চরং॑তং॒ গোম॑তীং মে॒ নিয়॑চ্ছ॒ত্বেক॑চক্রং॒-ব্য়োঁ॑মন্মা॒যয়া॑ দে॒ব এক॑রূপা অ॒ষ্টৌ চ॑ ॥ 11 ॥

স॒হস্র॑শীর্​ষা॒ পুরু॑ষঃ । স॒হ॒স্রা॒ক্ষস্স॒হস্র॑পাত্ ।
স ভূমিং॑-বিঁ॒শ্বতো॑ বৃ॒ত্বা । অত্য়॑তিষ্ঠদ্দশাংগু॒লম্ ।
পুরু॑ষ এ॒বেদগ্​ম্ সর্ব᳚ম্ । যদ্ভূ॒তং-য়ঁচ্চ॒ ভব্য়᳚ম্ ।
উ॒তামৃ॑ত॒ত্বস্য়েশা॑নঃ । যদন্নে॑নাতি॒রোহ॑তি । এ॒তাবা॑নস্য় মহি॒মা । অতো॒ জ্য়ায়াগ্​ম্॑শ্চ॒ পূরু॑ষঃ ॥ 32,33 ॥

পাদো᳚ঽস্য়॒ বিশ্বা॑ ভূ॒তানি॑ । ত্রি॒পাদ॑স্য়া॒মৃতং॑ দি॒বি ।
ত্রি॒পাদূ॒র্ধ্ব উদৈ॒ত্পুরু॑ষঃ । পাদো᳚ঽস্য়ে॒হাভ॑বা॒ত্পুনঃ॑ ।
ততো॒ বিষ্ব॒ঙ্ব্য়॑ক্রামত্ । সা॒শ॒না॒ন॒শ॒নে অ॒ভি ।
তস্মা᳚দ্বি॒রাড॑জাযত । বি॒রাজো॒ অধি॒ পূরু॑ষঃ । স জা॒তো অত্য়॑রিচ্যত । প॒শ্চাদ্ভূমি॒মথো॑ পু॒রঃ ॥ 34,35 ॥

যত্পুরু॑ষেণ হ॒বিষা᳚ । দে॒বা য॒জ্ঞমত॑ন্বত ।
ব॒সং॒তো অ॑স্য়াঽঽসী॒দাজ্য়᳚ম্ । গ্রী॒ষ্ম ই॒ধ্মশ্শ॒রদ্ধ॒বিঃ ।
স॒প্তাস্য়া॑ঽঽসন্পরি॒ধয়ঃ॑ । ত্রিস্স॒প্ত স॒মিধঃ॑ কৃ॒তাঃ ।
দে॒বা যদ্য়॒জ্ঞং ত॑ন্বা॒নাঃ । অব॑ধ্ন॒ন্পুরু॑ষং প॒শুম্ ।
তং-য়ঁ॒জ্ঞং ব॒র্​হিষি॒ প্রৌক্ষন্॑ । পুরু॑ষং জা॒তম॑গ্র॒তঃ ॥ 34,35 ॥

তেন॑ দে॒বা অয়॑জংত । সা॒ধ্য়া ঋষ॑যশ্চ॒ যে ।
তস্মা᳚দ্য়॒জ্ঞাথ্স॑র্ব॒হুতঃ॑ । সংভৃ॑তং পৃষদা॒জ্যম্ ।
প॒শূগ্‍স্তাগ্‍শ্চ॑ক্রে বায়॒ব্য়ান্॑ । আ॒র॒ণ্য়ান্গ্রা॒ম্য়াশ্চ॒ যে ।
তস্মা᳚দ্য়॒জ্ঞাথ্স॑র্ব॒হুতঃ॑ । ঋচ॒স্সামা॑নি জজ্ঞিরে ।
ছংদাগ্​ম্॑সি জজ্ঞিরে॒ তস্মা᳚ত্ । যজু॒স্তস্মা॑দজাযত ॥ 35,36 ॥

তস্মা॒দশ্বা॑ অজায়ংত । যে কে চো॑ভ॒য়াদ॑তঃ ।
গাবো॑ হ জজ্ঞিরে॒ তস্মা᳚ত্ । তস্মা᳚জ্জা॒তা অ॑জা॒বয়ঃ॑ ।
যত্পুরু॑ষং॒-ব্য়ঁ॑দধুঃ । ক॒তি॒ধা ব্য়॑কল্পযন্ন্ ।
মুখং॒ কিম॑স্য়॒ কৌ বা॒হূ । কা বূ॒রূ পাদা॑বুচ্য়েতে ।
ব্রা॒হ্ম॒ণো᳚ঽস্য়॒ মুখ॑মাসীত্ । বা॒হূ রা॑জ॒ন্য়ঃ॑ কৃ॒তঃ ॥ 36,37 ॥

ঊ॒রূ তদ॑স্য়॒ যদ্বৈশ্য়ঃ॑ । প॒দ্ভ্য়াগ্​ম্ শূ॒দ্রো অ॑জাযত ।
চং॒দ্রমা॒ মন॑সো জা॒তঃ । চক্ষো॒স্সূর্য়ো॑ অজাযত ।
মুখা॒দিংদ্র॑শ্চা॒গ্নিশ্চ॑ । প্রা॒ণাদ্বা॒য়ুর॑জাযত ।
নাভ্য়া॑ আসীদং॒তরি॑ক্ষম্ । শী॒র্​ষ্ণো দ্য়ৌস্সম॑বর্তত ।
প॒দ্ভ্য়াং ভূমি॒র্দিশঃ॒ শ্রোত্রা᳚ত্ ।
তথা॑ লো॒কাগ্​ম্ অ॑কল্পযন্ন্ ॥ 37,38 ॥

বেদা॒হমে॒তং পুরু॑ষং ম॒হাংত᳚ম্ ।
আ॒দি॒ত্যব॑র্ণং॒ তম॑স॒স্তু পা॒রে ।
সর্বা॑ণি রূ॒পাণি॑ বি॒চিত্য়॒ ধীরঃ॑ ।
নামা॑নি কৃ॒ত্বাঽভি॒বদ॒ন্ যদাস্তে᳚ ।
ধা॒তা পু॒রস্তা॒দ্যমু॑দাজ॒হার॑ ।
শ॒ক্রঃ প্রবি॒দ্বান্প্র॒দিশ॒শ্চত॑স্রঃ ।
তমে॒বং-বিঁ॒দ্বান॒মৃত॑ ই॒হ ভ॑বতি ।
নান্য়ঃ পংথা॒ অয়॑নায় বিদ্যতে ।
য॒জ্ঞেন॑ য॒জ্ঞম॑যজংত দে॒বাঃ ।
তানি॒ ধর্মা॑ণি প্রথ॒মান্য়া॑সন্ন্ ।
তে হ॒ নাকং॑ মহি॒মান॑স্সচংতে ।
যত্র॒ পূর্বে॑ সা॒ধ্য়াস্সংতি॑ দে॒বাঃ ॥ 38,39 ॥

পুরু॑ষঃ পু॒রো᳚ঽগ্র॒তো॑ঽজাযত কৃ॒তো॑ঽকল্পযন্নাসং॒দ্বে চ॑ ॥ 12 ॥
জ্য়ায়া॒নধি॒ পূরু॑ষঃ । অন্যত্র॒ পুরু॑ষঃ ॥

অ॒দ্ভ্যস্সংভূ॑তঃ পৃথি॒ব্য়ৈ রসা᳚চ্চ ।
বি॒শ্বক॑র্মণ॒স্সম॑বর্ত॒তাধি॑ ।
তস্য়॒ ত্বষ্টা॑ বি॒দধ॑দ্রূ॒পমে॑তি ।
তত্পুরু॑ষস্য়॒ বিশ্ব॒মাজা॑ন॒মগ্রে᳚ ।
বেদা॒হমে॒তং পুরু॑ষং ম॒হাংত᳚ম্ ।
আ॒দি॒ত্যব॑র্ণং॒ তম॑সঃ॒ পর॑স্তাত্ ।
তমে॒বং-বিঁ॒দ্বান॒মৃত॑ ই॒হ ভ॑বতি ।
নান্য়ঃ পংথা॑ বিদ্য়॒তেঽয়॑নায় ।
প্র॒জাপ॑তিশ্চরতি॒ গর্ভে॑ অং॒তঃ ।
অ॒জায়॑মানো বহু॒ধা বিজা॑যতে ॥ 39,40 ॥

তস্য়॒ ধীরাঃ॒ পরি॑জানংতি॒ যোনি᳚ম্ । মরী॑চীনাং প॒দমি॑চ্ছংতি বে॒ধসঃ॑ । যো দে॒বেভ্য়॒ আত॑পতি । যো দে॒বানাং᳚ পু॒রোহি॑তঃ ।
পূর্বো॒ যো দে॒বেভ্য়ো॑ জা॒তঃ । নমো॑ রু॒চায়॒ ব্রাহ্ম॑য়ে । রুচং॑ ব্রা॒হ্মং জ॒নয়ং॑তঃ । দে॒বা অগ্রে॒ তদ॑ব্রুবন্ন্ । যস্ত্বৈ॒বং ব্রা᳚হ্ম॒ণো বি॒দ্য়াত্ । তস্য়॑ দে॒বা অস॒ন্বশে᳚ । হ্রীশ্চ॑ তে ল॒ক্ষ্মীশ্চ॒ পত্ন্য়ৌ᳚ । অ॒হো॒রা॒ত্রে পা॒র্​শ্বে । নক্ষ॑ত্রাণি রূ॒পম্ । অ॒শ্বিনৌ॒ ব্য়াত্ত᳚ম্ । ই॒ষ্টং ম॑নিষাণ । অ॒মুং ম॑নিষাণ । সর্বং॑ মনিষাণ ॥ 40,41 ॥
জা॒য়॒তে॒ বশে॑ স॒প্ত চ॑ ॥ 13 ॥

ভ॒র্তা সন্ভ্রি॒যমা॑ণো বিভর্তি । একো॑ দে॒বো ব॑হু॒ধা নিবি॑ষ্টঃ । য॒দা ভা॒রং তং॒দ্রয়॑তে॒ স ভর্তু᳚ম্ । নি॒ধায়॑ ভা॒রং পুন॒রস্ত॑মেতি । তমে॒ব মৃ॒ত্য়ুম॒মৃতং॒ তমা॑হুঃ । তং ভ॒র্তারং॒ তমু॑ গো॒প্তার॑মাহুঃ । স ভৃ॒তো ভ্রি॒যমা॑ণো বিভর্তি । য এ॑নং॒-বেঁদ॑ স॒ত্য়েন॒ ভর্তু᳚ম্ । স॒দ্য়ো জা॒তমু॒ত জ॑হাত্য়ে॒ষঃ । উ॒তো জরং॑তং॒ ন জ॑হা॒ত্য়েক᳚ম্ ॥ 41,42 ॥

উ॒তো ব॒হূনেক॒মহ॑র্জহার । অতং॑দ্রো দে॒বস্সদ॑মে॒ব প্রার্থঃ॑ । যস্তদ্বেদ॒ যত॑ আব॒ভূব॑ । সং॒ধাং চ॒ যাগ্​ম্ সং॑দ॒ধে ব্রহ্ম॑ণৈ॒ষঃ । রম॑তে॒ তস্মি᳚ন্নু॒ত জী॒র্ণে শয়া॑নে । নৈনং॑ জহা॒ত্যহ॑স্সু পূ॒র্ব্য়েষু॑ । ত্বামাপো॒ অনু॒ সর্বা᳚শ্চরংতি জান॒তীঃ । ব॒থ্সং পয়॑সা পুনা॒নাঃ । ত্বম॒গ্নিগ্​ম্ হ॑ব্য়॒বাহ॒গ্​ম্॒ সমিং॑থ্​সে । ত্বং ভ॒র্তা মা॑ত॒রিশ্বা᳚ প্র॒জানা᳚ম্ ॥ 42,43 ॥

ত্বং-য়ঁ॒জ্ঞস্ত্বমু॑বে॒বাসি॒ সোমঃ॑ । তব॑ দে॒বা হব॒মায়ং॑তি॒ সর্বে᳚ । ত্বমেকো॑ঽসি ব॒হূননু॒প্রবি॑ষ্টঃ । নম॑স্তে অস্তু সু॒হবো॑ ম এধি । নমো॑ বামস্তু শৃণু॒তগ্​ম্ হবং॑ মে । প্রাণা॑পানাবজি॒রগ্​ম্ সং॒চরং॑তৌ । হ্বয়া॑মি বাং॒ ব্রহ্ম॑ণা তূ॒র্তমেত᳚ম্ । যো মাং দ্বেষ্টি॒ তং জ॑হিতং-য়ুঁবানা । প্রাণা॑পানৌ সং​বিঁদা॒নৌ জ॑হিতম্ । অ॒মুষ্য়াসু॑না॒ মা সংগ॑সাথাম্ ॥ 43 ॥

তং মে॑ দেবা॒ ব্রহ্ম॑ণা সং​বিঁদা॒নৌ । ব॒ধায়॑ দত্তং॒ তম॒হগ্​ম্ হ॑নামি । অস॑জ্জজান স॒ত আব॑ভূব । যং-য়ঁং॑ জ॒জান॒ স উ॑ গো॒পো অ॑স্য় । য॒দা ভা॒রং তং॒দ্রয়॑তে॒ স ভর্তু᳚ম্ । প॒রাস্য়॑ ভা॒রং পুন॒রস্ত॑মেতি । তদ্বৈ ত্বং প্রা॒ণো অ॑ভবঃ । ম॒হান্ভোগঃ॑ প্র॒জাপ॑তেঃ । ভুজঃ॑ করি॒ষ্যমা॑ণঃ । যদ্দে॒বান্প্রাণ॑য়ো॒ নব॑ ॥ 44 ॥
একং॑ প্র॒জানাং᳚ গসাথাং॒ নব॑ ॥ 14 ॥

হরি॒গ্​ম্॒ হরং॑ত॒মনু॑য়ংতি দে॒বাঃ । বিশ্ব॒স্য়েশা॑নং-বৃঁষ॒ভং ম॑তী॒নাম্ । ব্রহ্ম॒ সরূ॑প॒মনু॑মে॒দমাগা᳚ত্ । অয়॑নং॒ মা বিব॑ধী॒র্বিক্র॑মস্ব । মা ছি॑দো মৃত্য়ো॒ মা ব॑ধীঃ । মা মে॒ বলং॒-বিঁবৃ॑হো॒ মা প্রমো॑ষীঃ । প্র॒জাং মা মে॑ রীরিষ॒ আয়ু॑রুগ্র । নৃ॒চক্ষ॑সং ত্বা হ॒বিষা॑ বিধেম । স॒দ্যশ্চ॑কমা॒নায়॑ । প্র॒বে॒পা॒নায়॑ মৃ॒ত্যবে᳚ ॥ 45 ॥

প্রাস্মা॒ আশা॑ অশৃণ্বন্ন্ । কামে॑নাজনয়॒ন্পুনঃ॑ । কামে॑ন মে॒ কাম॒ আগা᳚ত্ । হৃদ॑য়া॒দ্ধৃদ॑য়ং মৃ॒ত্য়োঃ । যদ॒মীষা॑ম॒দঃ প্রি॒যম্ । তদৈতূপ॒মাম॒ভি । পরং॑ মৃত্য়ো॒ অনু॒ পরে॑হি॒ পংথা᳚ম্ । যস্তে॒ স্ব ইত॑রো দেব॒য়ানা᳚ত্ । চক্ষু॑ষ্মতে শৃণ্ব॒তে তে᳚ ব্রবীমি । মা নঃ॑ প্র॒জাগ্​ম্ রী॑রিষো॒ মোত বী॒রান্ । প্র পূ॒র্ব্য়ং মন॑সা॒ বংদ॑মানঃ । নাধ॑মানো বৃষ॒ভং চ॑র্​ষণী॒নাম্ । যঃ প্র॒জানা॑মেক॒রাণ্মানু॑ষীণাম্ । মৃ॒ত্য়ুং-য়ঁ॑জে প্রথম॒জামৃ॒তস্য়॑ ॥ 46 ॥
মৃ॒ত্যবে॑ বী॒রাগ্​ম্শ্চ॒ত্বারি॑ চ ॥ 15 ॥

ত॒রণি॑র্বি॒শ্বদ॑র্​শতো জ্য়োতি॒ষ্কৃদ॑সি সূর্য় । বিশ্ব॒মা ভা॑সি রোচ॒নম্ । উ॒প॒য়া॒মগৃ॑হীতোঽসি॒ সূর্য়া॑য় ত্বা॒ ভ্রাজ॑স্বত এ॒ষ তে॒ যোনি॒স্সূর্য়া॑য় ত্বা॒ ভ্রাজ॑স্বতে ॥ 47 ॥ 16 ॥

আপ্য়া॑যস্ব মদিংতম॒ সোম॒ বিশ্বা॑ভিরূ॒তিভিঃ॑ । ভবা॑ নস্স॒প্রথ॑স্তমঃ ॥ (48) ॥ 17 ॥

ঈ॒য়ুষ্টে যে পূর্ব॑তরা॒মপ॑শ্যন্ ব্য়ু॒চ্ছংতী॑মু॒ষসং॒ মর্ত্য়া॑সঃ । অ॒স্মাভি॑রূ॒ নু প্র॑তি॒চক্ষ্য়া॑ঽভূ॒দো তে যং॑তি॒ যে অ॑প॒রীষু॒ পশ্য়ান্॑ ॥ 49 ॥ 18 ॥

জ্য়োতি॑ষ্মতীং ত্বা সাদয়ামি জ্য়োতি॒ষ্কৃতং॑ ত্বা সাদয়ামি জ্য়োতি॒র্বিদং॑ ত্বা সাদয়ামি॒ ভাস্ব॑তীং ত্বা সাদয়ামি॒ জ্বলং॑তীং ত্বা সাদয়ামি মল্মলা॒ভবং॑তীং ত্বা সাদয়ামি॒ দীপ্য়॑মানাং ত্বা সাদয়ামি॒ রোচ॑মানাং ত্বা সাদয়া॒ম্যজ॑স্রাং ত্বা সাদয়ামি বৃ॒হজ্জ্য়ো॑তিষং ত্বা সাদয়ামি বো॒ধয়ং॑তীং ত্বা সাদয়ামি॒ জাগ্র॑তীং ত্বা সাদয়ামি ॥ 50 ॥ 19 ॥

প্র॒য়া॒সায়॒ স্বাহা॑ঽঽয়া॒সায়॒ স্বাহা॑ বিয়া॒সায়॒ স্বাহা॑ সং​য়াঁ॒সায়॒ স্বাহো᳚দ্য়া॒সায়॒ স্বাহা॑ঽবয়া॒সায়॒ স্বাহা॑ শু॒চে স্বাহা॒ শোকা॑য়॒ স্বাহা॑ তপ্য়॒ত্বৈ স্বাহা॒ তপ॑তে॒ স্বাহা᳚ ব্রহ্মহ॒ত্য়ায়ৈ॒ স্বাহা॒ সর্ব॑স্মৈ॒ স্বাহা᳚ ॥ 51 ॥ 20 ॥

চি॒ত্তগ্​ম্ সং॑তা॒নেন॑ ভ॒বং-য়ঁ॒ক্না রু॒দ্রং তনি॑ম্না পশু॒পতিগ্গ্​ম্॑ স্থূলহৃদ॒য়েনা॒গ্নিগ্​ম্ হৃদ॑য়েন রু॒দ্রং-লোঁহি॑তেন শ॒র্বং মত॑স্নাভ্য়াং মহাদে॒বমং॒তঃ পা᳚র্​শ্বেনৌষিষ্ঠ॒হনগ্​ম্॑ শিংগীনিকো॒শ্য়া᳚ভ্য়াম্ ॥ 52 ॥ 21 ॥

চি॒ত্তিঃ॑ পৃথি॒ব্য়॑গ্নি॒স্সূর্য়ং॑ তে॒ চক্ষু॑র্ম॒হাহ॑বি॒র্​হোতা॒ বাগ্ঘোতা᳚ ব্রাহ্ম॒ণ এক॑হোতা॒ঽগ্নির্যজু॑র্ভি॒স্সেনেংদ্র॑স্য় দে॒বস্য়॑ সু॒বর্ণং॑ ঘ॒র্মগ্​ম্ স॒হস্র॑শীর্​ষা॒ঽদ্ভ্য়ো ভ॒র্তা হরিং॑ ত॒রণি॒রাপ্য়া॑যস্বে॒য়ুষ্টে যে জ্য়োতি॑ষ্মতীং প্রয়া॒সায়॑ চি॒ত্তমেক॑বিগ্​ম্শতিঃ ॥ 21 ॥

চিত্তি॑র॒গ্নির্যজু॑র্ভিরং॒তঃ প্রবি॑ষ্টঃ প্র॒জাপ॑তির্ভ॒র্তাসন্প্রয়া॒সায়॒ দ্বিপং॑চা॒শত্ ॥ 52 ॥

চিত্তি॑র॒গ্নির্যজু॑র্ভিরং॒তঃ প্রবি॑ষ্টঃ প্র॒জাপ॑তিঃ প্র॒জয়া॑ সং​বিঁদা॒নস্তস্য়॒ ধীরা॒ জ্য়োতি॑ষ্মতীং॒ ত্রিপং॑চা॒শত্ ॥ 53 ॥

তচ্ছং॒-য়োঁরাবৃ॑ণীমহে । গা॒তুং-য়ঁ॒জ্ঞায়॑ ।
গা॒তুং-য়ঁ॒জ্ঞপ॑তয়ে । দৈবী᳚ স্ব॒স্তির॑স্তু নঃ ।
স্ব॒স্তির্মানু॑ষেভ্য়ঃ । ঊ॒র্ধ্বং জি॑গাতু ভেষ॒জম্ ।
শং নো॑ অস্তু দ্বি॒পদে᳚ । শং চতু॑ষ্পদে ॥
ওং শাংতিঃ॒ শাংতিঃ॒ শাংতিঃ॑ ॥