𑌶𑌿𑌰𑍋 𑌮𑍇 𑌪𑌾𑌤𑍁 𑌮𑌾𑌰𑍍𑌤𑌾𑌂𑌡𑍋 𑌕𑌪𑌾𑌲𑌂 𑌰𑍋𑌹𑌿𑌣𑍀𑌪𑌤𑌿𑌃 ।
𑌮𑍁𑌖𑌮𑌂𑌗𑌾𑌰𑌕𑌃 𑌪𑌾𑌤𑍁 𑌕𑌂𑌠𑌶𑍍𑌚 𑌶𑌶𑌿𑌨𑌂𑌦𑌨𑌃 ॥ 1 ॥

𑌬𑍁𑌦𑍍𑌧𑌿𑌂 𑌜𑍀𑌵𑌃 𑌸𑌦𑌾 𑌪𑌾𑌤𑍁 𑌹𑍃𑌦𑌯𑌂 𑌭𑍃𑌗𑍁𑌨𑌂𑌦𑌨𑌃 ।
𑌜𑌠𑌰𑌂 𑌚 𑌶𑌨𑌿𑌃 𑌪𑌾𑌤𑍁 𑌜𑌿𑌹𑍍𑌵𑌾𑌂 𑌮𑍇 𑌦𑌿𑌤𑌿𑌨𑌂𑌦𑌨𑌃 ॥ 2 ॥

𑌪𑌾𑌦𑍌 𑌕𑍇𑌤𑍁𑌃 𑌸𑌦𑌾 𑌪𑌾𑌤𑍁 𑌵𑌾𑌰𑌾𑌃 𑌸𑌰𑍍𑌵𑌾𑌂𑌗𑌮𑍇𑌵 𑌚 ।
𑌤𑌿𑌥𑌯𑍋𑌽𑌷𑍍𑌟𑍌 𑌦𑌿𑌶𑌃 𑌪𑌾𑌂𑌤𑍁 𑌨𑌕𑍍𑌷𑌤𑍍𑌰𑌾𑌣𑌿 𑌵𑌪𑍁𑌃 𑌸𑌦𑌾 ॥ 3 ॥

𑌅𑌂𑌸𑍌 𑌰𑌾𑌶𑌿𑌃 𑌸𑌦𑌾 𑌪𑌾𑌤𑍁 𑌯𑍋𑌗𑌾𑌶𑍍𑌚 𑌸𑍍𑌥𑍈𑌰𑍍𑌯𑌮𑍇𑌵 𑌚 ।
𑌗𑍁𑌹𑍍𑌯𑌂 𑌲𑌿𑌂𑌗𑌂 𑌸𑌦𑌾 𑌪𑌾𑌂𑌤𑍁 𑌸𑌰𑍍𑌵𑍇 𑌗𑍍𑌰𑌹𑌾𑌃 𑌶𑍁𑌭𑌪𑍍𑌰𑌦𑌾𑌃 ॥ 4 ॥

𑌅𑌣𑌿𑌮𑌾𑌦𑍀𑌨𑌿 𑌸𑌰𑍍𑌵𑌾𑌣𑌿 𑌲𑌭𑌤𑍇 𑌯𑌃 𑌪𑌠𑍇𑌦𑍍 𑌧𑍃𑌵𑌮𑍍 ।
𑌏𑌤𑌾𑌂 𑌰𑌕𑍍𑌷𑌾𑌂 𑌪𑌠𑍇𑌦𑍍 𑌯𑌸𑍍𑌤𑍁 𑌭𑌕𑍍𑌤𑍍𑌯𑌾 𑌸 𑌪𑍍𑌰𑌯𑌤𑌃 𑌸𑍁𑌧𑍀𑌃 ॥ 5 ॥

𑌸 𑌚𑌿𑌰𑌾𑌯𑍁𑌃 𑌸𑍁𑌖𑍀 𑌪𑍁𑌤𑍍𑌰𑍀 𑌰𑌣𑍇 𑌚 𑌵𑌿𑌜𑌯𑍀 𑌭𑌵𑍇𑌤𑍍 ।
𑌅𑌪𑍁𑌤𑍍𑌰𑍋 𑌲𑌭𑌤𑍇 𑌪𑍁𑌤𑍍𑌰𑌂 𑌧𑌨𑌾𑌰𑍍𑌥𑍀 𑌧𑌨𑌮𑌾𑌪𑍍𑌨𑍁𑌯𑌾𑌤𑍍 ॥ 6 ॥

𑌦𑌾𑌰𑌾𑌰𑍍𑌥𑍀 𑌲𑌭𑌤𑍇 𑌭𑌾𑌰𑍍𑌯𑌾𑌂 𑌸𑍁𑌰𑍂𑌪𑌾𑌂 𑌸𑍁𑌮𑌨𑍋𑌹𑌰𑌾𑌮𑍍 ।
𑌰𑍋𑌗𑍀 𑌰𑍋𑌗𑌾𑌤𑍍𑌪𑍍𑌰𑌮𑍁𑌚𑍍𑌯𑍇𑌤 𑌬𑌦𑍍𑌧𑍋 𑌮𑍁𑌚𑍍𑌯𑍇𑌤 𑌬𑌂𑌧𑌨𑌾𑌤𑍍 ॥ 𑍭 ॥

𑌜𑌲𑍇 𑌸𑍍𑌥𑌲𑍇 𑌚𑌾𑌂𑌤𑌰𑌿𑌕𑍍𑌷𑍇 𑌕𑌾𑌰𑌾𑌗𑌾𑌰𑍇 𑌵𑌿𑌶𑍇𑌷𑌤𑌃 ।
𑌯𑌃 𑌕𑌰𑍇 𑌧𑌾𑌰𑌯𑍇𑌨𑍍𑌨𑌿𑌤𑍍𑌯𑌂 𑌭𑌯𑌂 𑌤𑌸𑍍𑌯 𑌨 𑌵𑌿𑌦𑍍𑌯𑌤𑍇 ॥ 𑍮 ॥

𑌬𑍍𑌰𑌹𑍍𑌮𑌹𑌤𑍍𑌯𑌾 𑌸𑍁𑌰𑌾𑌪𑌾𑌨𑌂 𑌸𑍍𑌤𑍇𑌯𑌂 𑌗𑍁𑌰𑍍𑌵𑌂𑌗𑌨𑌾𑌗𑌮𑌃 ।
𑌸𑌰𑍍𑌵𑌪𑌾𑌪𑍈𑌃 𑌪𑍍𑌰𑌮𑍁𑌚𑍍𑌯𑍇𑌤 𑌕𑌵𑌚𑌸𑍍𑌯 𑌚 𑌧𑌾𑌰𑌣𑌾𑌤𑍍 ॥ 𑍯 ॥

𑌨𑌾𑌰𑍀 𑌵𑌾𑌮𑌭𑍁𑌜𑍇 𑌧𑍃𑌤𑍍𑌵𑌾 𑌸𑍁𑌖𑍈𑌶𑍍𑌵𑌰𑍍𑌯𑌸𑌮𑌨𑍍𑌵𑌿𑌤𑌾 ।
𑌕𑌾𑌕𑌵𑌂𑌧𑍍𑌯𑌾 𑌜𑌨𑍍𑌮𑌵𑌂𑌧𑍍𑌯𑌾 𑌮𑍃𑌤𑌵𑌤𑍍𑌸𑌾 𑌚 𑌯𑌾 𑌭𑌵𑍇𑌤𑍍 ।
𑌬𑌹𑍍𑌵𑌪𑌤𑍍𑌯𑌾 𑌜𑍀𑌵𑌵𑌤𑍍𑌸𑌾 𑌕𑌵𑌚𑌸𑍍𑌯 𑌪𑍍𑌰𑌸𑌾𑌦𑌤𑌃 ॥ 10 ॥

𑌇𑌤𑌿 𑌗𑍍𑌰𑌹𑌯𑌾𑌮𑌲𑍇 𑌉𑌤𑍍𑌤𑌰𑌖𑌂𑌡𑍇 𑌨𑌵𑌗𑍍𑌰𑌹 𑌕𑌵𑌚𑌂 𑌸𑌮𑌾𑌪𑍍𑌤𑌮𑍍 ।