𑌕𑌮𑌲𑌾𑌕𑍁𑌚 𑌚𑍂𑌚𑍁𑌕 𑌕𑍁𑌂𑌕𑌮𑌤𑍋
𑌨𑌿𑌯𑌤𑌾𑌰𑍁𑌣𑌿 𑌤𑌾𑌤𑍁𑌲 𑌨𑍀𑌲𑌤𑌨𑍋 ।
𑌕𑌮𑌲𑌾𑌯𑌤 𑌲𑍋𑌚𑌨 𑌲𑍋𑌕𑌪𑌤𑍇
𑌵𑌿𑌜𑌯𑍀𑌭𑌵 𑌵𑍇𑌂𑌕𑌟 𑌶𑍈𑌲𑌪𑌤𑍇 ॥
𑌸𑌚𑌤𑍁𑌰𑍍𑌮𑍁𑌖 𑌷𑌣𑍍𑌮𑍁𑌖 𑌪𑌂𑌚𑌮𑍁𑌖
𑌪𑍍𑌰𑌮𑍁𑌖𑌾 𑌖𑌿𑌲𑌦𑍈𑌵𑌤 𑌮𑍌𑌳𑌿𑌮𑌣𑍇 ।
𑌶𑌰𑌣𑌾𑌗𑌤 𑌵𑌤𑍍𑌸𑌲 𑌸𑌾𑌰𑌨𑌿𑌧𑍇
𑌪𑌰𑌿𑌪𑌾𑌲𑌯 𑌮𑌾𑌂 𑌵𑍃𑌷 𑌶𑍈𑌲𑌪𑌤𑍇 ॥
𑌅𑌤𑌿𑌵𑍇𑌲𑌤𑌯𑌾 𑌤𑌵 𑌦𑍁𑌰𑍍𑌵𑌿𑌷𑌹𑍈
𑌰𑌨𑍁 𑌵𑍇𑌲𑌕𑍃𑌤𑍈 𑌰𑌪𑌰𑌾𑌧𑌶𑌤𑍈𑌃 ।
𑌭𑌰𑌿𑌤𑌂 𑌤𑍍𑌵𑌰𑌿𑌤𑌂 𑌵𑍃𑌷 𑌶𑍈𑌲𑌪𑌤𑍇
𑌪𑌰𑌯𑌾 𑌕𑍃𑌪𑌯𑌾 𑌪𑌰𑌿𑌪𑌾𑌹𑌿 𑌹𑌰𑍇 ॥
𑌅𑌧𑌿 𑌵𑍇𑌂𑌕𑌟 𑌶𑍈𑌲 𑌮𑍁𑌦𑌾𑌰𑌮𑌤𑍇-
𑌰𑍍𑌜𑌨𑌤𑌾𑌭𑌿 𑌮𑌤𑌾𑌧𑌿𑌕 𑌦𑌾𑌨𑌰𑌤𑌾𑌤𑍍 ।
𑌪𑌰𑌦𑍇𑌵𑌤𑌯𑌾 𑌗𑌦𑌿𑌤𑌾𑌨𑌿𑌗𑌮𑍈𑌃
𑌕𑌮𑌲𑌾𑌦𑌯𑌿𑌤𑌾𑌨𑍍𑌨 𑌪𑌰𑌂𑌕𑌲𑌯𑍇 ॥
𑌕𑌲 𑌵𑍇𑌣𑍁𑌰 𑌵𑌾𑌵𑌶 𑌗𑍋𑌪𑌵𑌧𑍂
𑌶𑌤 𑌕𑍋𑌟𑌿 𑌵𑍃𑌤𑌾𑌤𑍍𑌸𑍍𑌮𑌰 𑌕𑍋𑌟𑌿 𑌸𑌮𑌾𑌤𑍍 ।
𑌪𑍍𑌰𑌤𑌿 𑌪𑌲𑍍𑌲𑌵𑌿𑌕𑌾𑌭𑌿 𑌮𑌤𑌾𑌤𑍍-𑌸𑍁𑌖𑌦𑌾𑌤𑍍
𑌵𑌸𑍁𑌦𑍇𑌵 𑌸𑍁𑌤𑌾𑌨𑍍𑌨 𑌪𑌰𑌂𑌕𑌲𑌯𑍇 ॥
𑌅𑌭𑌿𑌰𑌾𑌮 𑌗𑍁𑌣𑌾𑌕𑌰 𑌦𑌾𑌶𑌰𑌧𑍇
𑌜𑌗𑌦𑍇𑌕 𑌧𑌨𑍁𑌰𑍍𑌥𑌰 𑌧𑍀𑌰𑌮𑌤𑍇 ।
𑌰𑌘𑍁𑌨𑌾𑌯𑌕 𑌰𑌾𑌮 𑌰𑌮𑍇𑌶 𑌵𑌿𑌭𑍋
𑌵𑌰𑌦𑍋 𑌭𑌵 𑌦𑍇𑌵 𑌦𑌯𑌾 𑌜𑌲𑌧𑍇 ॥
𑌅𑌵𑌨𑍀 𑌤𑌨𑌯𑌾 𑌕𑌮𑌨𑍀𑌯 𑌕𑌰𑌂
𑌰𑌜𑌨𑍀𑌕𑌰 𑌚𑌾𑌰𑍁 𑌮𑍁𑌖𑌾𑌂𑌬𑍁𑌰𑍁𑌹𑌮𑍍 ।
𑌰𑌜𑌨𑍀𑌚𑌰 𑌰𑌾𑌜𑌤 𑌮𑍋𑌮𑌿 𑌹𑌿𑌰𑌂
𑌮𑌹𑌨𑍀𑌯 𑌮𑌹𑌂 𑌰𑌘𑍁𑌰𑌾𑌮𑌮𑌯𑍇 ॥
𑌸𑍁𑌮𑍁𑌖𑌂 𑌸𑍁𑌹𑍃𑌦𑌂 𑌸𑍁𑌲𑌭𑌂 𑌸𑍁𑌖𑌦𑌂
𑌸𑍍𑌵𑌨𑍁𑌜𑌂 𑌚 𑌸𑍁𑌕𑌾𑌯𑌮 𑌮𑍋𑌘𑌶𑌰𑌮𑍍 ।
𑌅𑌪𑌹𑌾𑌯 𑌰𑌘𑍂𑌦𑍍𑌵𑌯 𑌮𑌨𑍍𑌯𑌮𑌹𑌂
𑌨 𑌕𑌥𑌂𑌚𑌨 𑌕𑌂𑌚𑌨 𑌜𑌾𑌤𑍁𑌭𑌜𑍇 ॥
𑌵𑌿𑌨𑌾 𑌵𑍇𑌂𑌕𑌟𑍇𑌶𑌂 𑌨 𑌨𑌾𑌥𑍋 𑌨 𑌨𑌾𑌥𑌃
𑌸𑌦𑌾 𑌵𑍇𑌂𑌕𑌟𑍇𑌶𑌂 𑌸𑍍𑌮𑌰𑌾𑌮𑌿 𑌸𑍍𑌮𑌰𑌾𑌮𑌿 ।
𑌹𑌰𑍇 𑌵𑍇𑌂𑌕𑌟𑍇𑌶 𑌪𑍍𑌰𑌸𑍀𑌦 𑌪𑍍𑌰𑌸𑍀𑌦
𑌪𑍍𑌰𑌿𑌯𑌂 𑌵𑍇𑌂𑌕𑌟𑍇𑌶 𑌪𑍍𑌰𑌯𑌚𑍍𑌛 𑌪𑍍𑌰𑌯𑌚𑍍𑌛 ॥
𑌅𑌹𑌂 𑌦𑍂𑌰𑌦𑌸𑍍𑌤𑍇 𑌪𑌦𑌾𑌂 𑌭𑍋𑌜𑌯𑍁𑌗𑍍𑌮
𑌪𑍍𑌰𑌣𑌾𑌮𑍇𑌚𑍍𑌛𑌯𑌾 𑌗𑌤𑍍𑌯 𑌸𑍇𑌵𑌾𑌂 𑌕𑌰𑍋𑌮𑌿 ।
𑌸𑌕𑍃𑌤𑍍𑌸𑍇𑌵𑌯𑌾 𑌨𑌿𑌤𑍍𑌯 𑌸𑍇𑌵𑌾𑌫𑌲𑌂 𑌤𑍍𑌵𑌂
𑌪𑍍𑌰𑌯𑌚𑍍𑌛 𑌪𑌯𑌚𑍍𑌛 𑌪𑍍𑌰𑌭𑍋 𑌵𑍇𑌂𑌕𑌟𑍇𑌶 ॥
𑌅𑌜𑍍𑌞𑌾𑌨𑌿𑌨𑌾 𑌮𑌯𑌾 𑌦𑍋𑌷𑌾 𑌨 𑌶𑍇𑌷𑌾𑌨𑍍𑌵𑌿𑌹𑌿𑌤𑌾𑌨𑍍 𑌹𑌰𑍇 ।
𑌕𑍍𑌷𑌮𑌸𑍍𑌵 𑌤𑍍𑌵𑌂 𑌕𑍍𑌷𑌮𑌸𑍍𑌵 𑌤𑍍𑌵𑌂 𑌶𑍇𑌷𑌶𑍈𑌲 𑌶𑌿𑌖𑌾𑌮𑌣𑍇 ॥
