Vidura Neethi - Udyoga Parvam Chapter 38 - Grantha

॥ 𑌇𑌤𑌿 𑌶𑍍𑌰𑍀𑌮𑌹𑌾𑌭𑌾𑌰𑌤𑍇 𑌉𑌦𑍍𑌯𑍋𑌗𑌪𑌰𑍍𑌵𑌣𑌿 𑌪𑍍𑌰𑌜𑌾𑌗𑌰𑌪𑌰𑍍𑌵𑌣𑌿
𑌵𑌿𑌦𑍁𑌰𑌵𑌾𑌕𑍍𑌯𑍇 𑌅𑌷𑍍𑌟𑌤𑍍𑌰𑌿𑌂𑌶𑍋𑌽𑌧𑍍𑌯𑌾𑌯𑌃 ॥
𑌵𑌿𑌦𑍁𑌰 𑌉𑌵𑌾𑌚 ।
𑌊𑌰𑍍𑌧𑍍𑌵𑌂 𑌪𑍍𑌰𑌾𑌣𑌾 𑌹𑍍𑌯𑍁𑌤𑍍𑌕𑍍𑌰𑌾𑌮𑌂𑌤𑌿 𑌯𑍂𑌨𑌃 𑌸𑍍𑌥𑌵𑌿𑌰 𑌆𑌯𑌤𑌿 ।
𑌪𑍍𑌰𑌤𑍍𑌯𑍁𑌤𑍍𑌥𑌾𑌨𑌾𑌭𑌿𑌵𑌾𑌦𑌾𑌭𑍍𑌯𑌾𑌂 𑌪𑍁𑌨𑌸𑍍𑌤𑌾𑌨𑍍𑌪𑌤𑌿𑌪𑌦𑍍𑌯𑌤𑍇 ॥ 1॥
𑌪𑍀𑌠𑌂 𑌦𑌤𑍍𑌤𑍍𑌵𑌾 𑌸𑌾𑌧𑌵𑍇𑌽𑌭𑍍𑌯𑌾𑌗𑌤𑌾𑌯
𑌆𑌨𑍀𑌯𑌾𑌪𑌃 𑌪𑌰𑌿𑌨𑌿𑌰𑍍𑌣𑌿𑌜𑍍𑌯 𑌪𑌾𑌦𑍌 ।
𑌸𑍁𑌖𑌂 𑌪𑍃𑌷𑍍𑌟𑍍𑌵𑌾 𑌪𑍍𑌰𑌤𑌿𑌵𑍇𑌦𑍍𑌯𑌾𑌤𑍍𑌮 𑌸𑌂𑌸𑍍𑌥𑌂
𑌤𑌤𑍋 𑌦𑌦𑍍𑌯𑌾𑌦𑌨𑍍𑌨𑌮𑌵𑍇𑌕𑍍𑌷𑍍𑌯 𑌧𑍀𑌰𑌃 ॥ 2॥
𑌯𑌸𑍍𑌯𑍋𑌦𑌕𑌂 𑌮𑌧𑍁𑌪𑌰𑍍𑌕𑌂 𑌚 𑌗𑌾𑌂 𑌚
𑌨 𑌮𑌂𑌤𑍍𑌰𑌵𑌿𑌤𑍍𑌪𑍍𑌰𑌤𑌿𑌗𑍃𑌹𑍍𑌣𑌾𑌤𑌿 𑌗𑍇𑌹𑍇 ।
𑌲𑍋𑌭𑌾𑌦𑍍𑌭𑌯𑌾𑌦𑌰𑍍𑌥𑌕𑌾𑌰𑍍𑌪𑌣𑍍𑌯𑌤𑍋 𑌵𑌾
𑌤𑌸𑍍𑌯𑌾𑌨𑌰𑍍𑌥𑌂 𑌜𑍀𑌵𑌿𑌤𑌮𑌾𑌹𑍁𑌰𑌾𑌰𑍍𑌯𑌾𑌃 ॥ 3॥
𑌚𑌿𑌕𑌿𑌤𑍍𑌸𑌕𑌃 𑌶𑌕𑍍𑌯 𑌕𑌰𑍍𑌤𑌾𑌵𑌕𑍀𑌰𑍍𑌣𑍀
𑌸𑍍𑌤𑍇𑌨𑌃 𑌕𑍍𑌰𑍂𑌰𑍋 𑌮𑌦𑍍𑌯𑌪𑍋 𑌭𑍍𑌰𑍂𑌣𑌹𑌾 𑌚 ।
𑌸𑍇𑌨𑌾𑌜𑍀𑌵𑍀 𑌶𑍍𑌰𑍁𑌤𑌿𑌵𑌿𑌕𑍍𑌰𑌾𑌯𑌕𑌶𑍍 𑌚
𑌭𑍃𑌶𑌂 𑌪𑍍𑌰𑌿𑌯𑍋𑌽𑌪𑍍𑌯𑌤𑌿𑌥𑌿𑌰𑍍𑌨𑍋𑌦𑌕𑌾𑌰𑍍𑌹𑌃 ॥ 4॥
𑌅𑌵𑌿𑌕𑍍𑌰𑍇𑌯𑌂 𑌲𑌵𑌣𑌂 𑌪𑌕𑍍𑌵𑌮𑌨𑍍𑌨𑌂 𑌦𑌧𑌿
𑌕𑍍𑌷𑍀𑌰𑌂 𑌮𑌧𑍁 𑌤𑍈𑌲𑌂 𑌘𑍃𑌤𑌂 𑌚 ।
𑌤𑌿𑌲𑌾 𑌮𑌾𑌂𑌸𑌂 𑌮𑍂𑌲𑌫𑌲𑌾𑌨𑌿 𑌶𑌾𑌕𑌂
𑌰𑌕𑍍𑌤𑌂 𑌵𑌾𑌸𑌃 𑌸𑌰𑍍𑌵𑌗𑌂𑌧𑌾 𑌗𑍁𑌡𑌶𑍍 𑌚 ॥ 5॥
𑌅𑌰𑍋𑌷𑌣𑍋 𑌯𑌃 𑌸𑌮𑌲𑍋𑌷𑍍𑌟 𑌕𑌾𑌂𑌚𑌨𑌃
𑌪𑍍𑌰𑌹𑍀𑌣 𑌶𑍋𑌕𑍋 𑌗𑌤𑌸𑌂𑌧𑌿 𑌵𑌿𑌗𑍍𑌰𑌹𑌃 ।
𑌨𑌿𑌂𑌦𑌾 𑌪𑍍𑌰𑌶𑌂𑌸𑍋𑌪𑌰𑌤𑌃 𑌪𑍍𑌰𑌿𑌯𑌾𑌪𑍍𑌰𑌿𑌯𑍇
𑌚𑌰𑌨𑍍𑌨𑍁𑌦𑌾𑌸𑍀𑌨𑌵𑌦𑍇𑌷 𑌭𑌿𑌕𑍍𑌷𑍁𑌕𑌃 ॥ 6॥
𑌨𑍀𑌵𑌾𑌰 𑌮𑍂𑌲𑍇𑌂𑌗𑍁𑌦 𑌶𑌾𑌕𑌵𑍃𑌤𑍍𑌤𑌿𑌃
𑌸𑍁𑌸𑌂𑌯𑌤𑌾𑌤𑍍𑌮𑌾𑌗𑍍𑌨𑌿𑌕𑌾𑌰𑍍𑌯𑍇𑌷𑍍𑌵𑌚𑍋𑌦𑍍𑌯𑌃 ।
𑌵𑌨𑍇 𑌵𑌸𑌨𑍍𑌨𑌤𑌿𑌥𑌿𑌷𑍍𑌵𑌪𑍍𑌰𑌮𑌤𑍍𑌤𑍋
𑌧𑍁𑌰𑌂𑌧𑌰𑌃 𑌪𑍁𑌣𑍍𑌯𑌕𑍃𑌦𑍇𑌷 𑌤𑌾𑌪𑌸𑌃 ॥ 𑍭॥
𑌅𑌪𑌕𑍃𑌤𑍍𑌵𑌾 𑌬𑍁𑌦𑍍𑌧𑌿𑌮𑌤𑍋 𑌦𑍂𑌰𑌸𑍍𑌥𑍋𑌽𑌸𑍍𑌮𑍀𑌤𑌿 𑌨𑌾𑌶𑍍𑌵𑌸𑍇𑌤𑍍 ।
𑌦𑍀𑌰𑍍𑌘𑍌 𑌬𑍁𑌦𑍍𑌧𑌿𑌮𑌤𑍋 𑌬𑌾𑌹𑍂 𑌯𑌾𑌭𑍍𑌯𑌾𑌂 𑌹𑌿𑌂𑌸𑌤𑌿 𑌹𑌿𑌂𑌸𑌿𑌤𑌃 ॥ 𑍮॥
𑌨 𑌵𑌿𑌶𑍍𑌵𑌸𑍇𑌦𑌵𑌿𑌶𑍍𑌵𑌸𑍍𑌤𑍇 𑌵𑌿𑌶𑍍𑌵𑌸𑍍𑌤𑍇 𑌨𑌾𑌤𑌿𑌵𑌿𑌶𑍍𑌵𑌸𑍇𑌤𑍍 ।
𑌵𑌿𑌶𑍍𑌵𑌾𑌸𑌾𑌦𑍍𑌭𑌯𑌮𑍁𑌤𑍍𑌪𑌨𑍍𑌨𑌂 𑌮𑍂𑌲𑌾𑌨𑍍𑌯𑌪𑌿 𑌨𑌿𑌕𑍃𑌂𑌤𑌤𑌿 ॥ 𑍯॥
𑌅𑌨𑍀𑌰𑍍𑌷𑍍𑌯𑍁𑌰𑍍𑌗𑍁𑌪𑍍𑌤𑌦𑌾𑌰𑌃 𑌸𑍍𑌯𑌾𑌤𑍍𑌸𑌂𑌵𑌿𑌭𑌾𑌗𑍀 𑌪𑍍𑌰𑌿𑌯𑌂𑌵𑌦𑌃 ।
𑌶𑍍𑌲𑌕𑍍𑌷𑍍𑌣𑍋 𑌮𑌧𑍁𑌰𑌵𑌾𑌕𑍍𑌸𑍍𑌤𑍍𑌰𑍀𑌣𑌾𑌂 𑌨 𑌚𑌾𑌸𑌾𑌂 𑌵𑌶𑌗𑍋 𑌭𑌵𑍇𑌤𑍍 ॥ 10॥
𑌪𑍂𑌜𑌨𑍀𑌯𑌾 𑌮𑌹𑌾𑌭𑌾𑌗𑌾𑌃 𑌪𑍁𑌣𑍍𑌯𑌾𑌶𑍍𑌚 𑌗𑍃𑌹𑌦𑍀𑌪𑍍𑌤𑌯𑌃 ।
𑌸𑍍𑌤𑍍𑌰𑌿𑌯𑌃 𑌶𑍍𑌰𑌿𑌯𑍋 𑌗𑍃𑌹𑌸𑍍𑌯𑍋𑌕𑍍𑌤𑌾𑌸𑍍𑌤𑌸𑍍𑌮𑌾𑌦𑍍𑌰𑌕𑍍𑌷𑍍𑌯𑌾 𑌵𑌿𑌶𑍇𑌷𑌤𑌃 ॥ 11॥
𑌪𑌿𑌤𑍁𑌰𑌂𑌤𑌃𑌪𑍁𑌰𑌂 𑌦𑌦𑍍𑌯𑌾𑌨𑍍𑌮𑌾𑌤𑍁𑌰𑍍𑌦𑌦𑍍𑌯𑌾𑌨𑍍𑌮𑌹𑌾𑌨𑌸𑌮𑍍 ।
𑌗𑍋𑌷𑍁 𑌚𑌾𑌤𑍍𑌮𑌸𑌮𑌂 𑌦𑌦𑍍𑌯𑌾𑌤𑍍𑌸𑍍𑌵𑌯𑌮𑍇𑌵 𑌕𑍃𑌷𑌿𑌂 𑌵𑍍𑌰𑌜𑍇𑌤𑍍 ।
𑌭𑍃𑌤𑍍𑌯𑍈𑌰𑍍𑌵𑌣𑌿𑌜𑍍𑌯𑌾𑌚𑌾𑌰𑌂 𑌚 𑌪𑍁𑌤𑍍𑌰𑍈𑌃 𑌸𑍇𑌵𑍇𑌤 𑌬𑍍𑌰𑌾𑌹𑍍𑌮𑌣𑌾𑌨𑍍 ॥ 12॥
𑌅𑌦𑍍𑌭𑍍𑌯𑍋𑌽𑌗𑍍𑌨𑌿𑌰𑍍𑌬𑍍𑌰𑌹𑍍𑌮𑌤𑌃 𑌕𑍍𑌷𑌤𑍍𑌰𑌮𑌶𑍍𑌮𑌨𑍋 𑌲𑍋𑌹𑌮𑍁𑌤𑍍𑌥𑌿𑌤𑌮𑍍 ।
𑌤𑍇𑌷𑌾𑌂 𑌸𑌰𑍍𑌵𑌤𑍍𑌰𑌗𑌂 𑌤𑍇𑌜𑌃 𑌸𑍍𑌵𑌾𑌸𑍁 𑌯𑍋𑌨𑌿𑌷𑍁 𑌶𑌾𑌮𑍍𑌯𑌤𑌿 ॥ 13॥
𑌨𑌿𑌤𑍍𑌯𑌂 𑌸𑌂𑌤𑌃 𑌕𑍁𑌲𑍇 𑌜𑌾𑌤𑌾𑌃 𑌪𑌾𑌵𑌕𑍋𑌪𑌮 𑌤𑍇𑌜𑌸𑌃 ।
𑌕𑍍𑌷𑌮𑌾𑌵𑌂𑌤𑍋 𑌨𑌿𑌰𑌾𑌕𑌾𑌰𑌾𑌃 𑌕𑌾𑌷𑍍𑌠𑍇𑌽𑌗𑍍𑌨𑌿𑌰𑌿𑌵 𑌶𑍇𑌰𑌤𑍇 ॥ 14॥
𑌯𑌸𑍍𑌯 𑌮𑌂𑌤𑍍𑌰𑌂 𑌨 𑌜𑌾𑌨𑌂𑌤𑌿 𑌬𑌾𑌹𑍍𑌯𑌾𑌶𑍍𑌚𑌾𑌭𑍍𑌯𑌂𑌤𑌰𑌾𑌶𑍍 𑌚 𑌯𑍇 ।
𑌸 𑌰𑌾𑌜𑌾 𑌸𑌰𑍍𑌵𑌤𑌶𑍍𑌚𑌕𑍍𑌷𑍁𑌶𑍍𑌚𑌿𑌰𑌮𑍈𑌶𑍍𑌵𑌰𑍍𑌯𑌮𑌶𑍍𑌨𑍁𑌤𑍇 ॥ 15॥
𑌕𑌰𑌿𑌷𑍍𑌯𑌨𑍍𑌨 𑌪𑍍𑌰𑌭𑌾𑌷𑍇𑌤 𑌕𑍃𑌤𑌾𑌨𑍍𑌯𑍇𑌵 𑌚 𑌦𑌰𑍍𑌶𑌯𑍇𑌤𑍍 ।
𑌧𑌰𑍍𑌮𑌕𑌾𑌮𑌾𑌰𑍍𑌥 𑌕𑌾𑌰𑍍𑌯𑌾𑌣𑌿 𑌤𑌥𑌾 𑌮𑌂𑌤𑍍𑌰𑍋 𑌨 𑌭𑌿𑌦𑍍𑌯𑌤𑍇 ॥ 16॥

One should never speak of what one intends to do in respect of virtue, profit and pleasure, let it not be revealed till it is done. Don't let your counsels be divulged to others.

𑌗𑌿𑌰𑌿𑌪𑍃𑌷𑍍𑌠𑌮𑍁𑌪𑌾𑌰𑍁𑌹𑍍𑌯 𑌪𑍍𑌰𑌾𑌸𑌾𑌦𑌂 𑌵𑌾 𑌰𑌹𑍋𑌗𑌤𑌃 ।
𑌅𑌰𑌣𑍍𑌯𑍇 𑌨𑌿𑌃𑌶𑌲𑌾𑌕𑍇 𑌵𑌾 𑌤𑌤𑍍𑌰 𑌮𑌂𑌤𑍍𑌰𑍋 𑌵𑌿𑌧𑍀𑌯𑌤𑍇 ॥ 1𑍭॥
𑌨𑌾𑌸𑍁𑌹𑍃𑌤𑍍𑌪𑌰𑌮𑌂 𑌮𑌂𑌤𑍍𑌰𑌂 𑌭𑌾𑌰𑌤𑌾𑌰𑍍𑌹𑌤𑌿 𑌵𑍇𑌦𑌿𑌤𑍁𑌮𑍍 ।
𑌅𑌪𑌂𑌡𑌿𑌤𑍋 𑌵𑌾𑌪𑌿 𑌸𑍁𑌹𑍃𑌤𑍍𑌪𑌂𑌡𑌿𑌤𑍋 𑌵𑌾𑌪𑍍𑌯𑌨𑌾𑌤𑍍𑌮𑌵𑌾𑌨𑍍 ।
𑌅𑌮𑌾𑌤𑍍𑌯𑍇 𑌹𑍍𑌯𑌰𑍍𑌥𑌲𑌿𑌪𑍍𑌸𑌾 𑌚 𑌮𑌂𑌤𑍍𑌰𑌰𑌕𑍍𑌷𑌣𑌮𑍇𑌵 𑌚 ॥ 1𑍮॥
𑌕𑍃𑌤𑌾𑌨𑌿 𑌸𑌰𑍍𑌵𑌕𑌾𑌰𑍍𑌯𑌾𑌣𑌿 𑌯𑌸𑍍𑌯 𑌵𑌾 𑌪𑌾𑌰𑍍𑌷𑌦𑌾 𑌵𑌿𑌦𑍁𑌃 ।
𑌗𑍂𑌢𑌮𑌂𑌤𑍍𑌰𑌸𑍍𑌯 𑌨𑍃𑌪𑌤𑍇𑌸𑍍𑌤𑌸𑍍𑌯 𑌸𑌿𑌦𑍍𑌧𑌿𑌰𑌸𑌂𑌶𑌯𑌮𑍍 ॥ 1𑍯॥
𑌅𑌪𑍍𑌰𑌶𑌸𑍍𑌤𑌾𑌨𑌿 𑌕𑌰𑍍𑌮𑌾𑌣𑌿 𑌯𑍋 𑌮𑍋𑌹𑌾𑌦𑌨𑍁𑌤𑌿𑌷𑍍𑌠𑌤𑌿 ।
𑌸 𑌤𑍇𑌷𑌾𑌂 𑌵𑌿𑌪𑌰𑌿𑌭𑍍𑌰𑌂𑌶𑍇 𑌭𑍍𑌰𑌶𑍍𑌯𑌤𑍇 𑌜𑍀𑌵𑌿𑌤𑌾𑌦𑌪𑌿 ॥ 20॥
𑌕𑌰𑍍𑌮𑌣𑌾𑌂 𑌤𑍁 𑌪𑍍𑌰𑌶𑌸𑍍𑌤𑌾𑌨𑌾𑌮𑌨𑍁𑌷𑍍𑌠𑌾𑌨𑌂 𑌸𑍁𑌖𑌾𑌵𑌹𑌮𑍍 ।
𑌤𑍇𑌷𑌾𑌮𑍇𑌵𑌾𑌨𑌨𑍁𑌷𑍍𑌠𑌾𑌨𑌂 𑌪𑌶𑍍𑌚𑌾𑌤𑍍𑌤𑌾𑌪𑌕𑌰𑌂 𑌮𑌹𑌤𑍍 ॥ 21॥
𑌸𑍍𑌥𑌾𑌨𑌵𑍃𑌦𑍍𑌧 𑌕𑍍𑌷𑌯𑌜𑍍𑌞𑌸𑍍𑌯 𑌷𑌾𑌡𑍍𑌗𑍁𑌣𑍍𑌯 𑌵𑌿𑌦𑌿𑌤𑌾𑌤𑍍𑌮𑌨𑌃 ।
𑌅𑌨𑌵𑌜𑍍𑌞𑌾𑌤 𑌶𑍀𑌲𑌸𑍍𑌯 𑌸𑍍𑌵𑌾𑌧𑍀𑌨𑌾 𑌪𑍃𑌥𑌿𑌵𑍀 𑌨𑍃𑌪 ॥ 22॥
𑌅𑌮𑍋𑌘𑌕𑍍𑌰𑍋𑌧𑌹𑌰𑍍𑌷𑌸𑍍𑌯 𑌸𑍍𑌵𑌯𑌂 𑌕𑍃𑌤𑍍𑌯𑌾𑌨𑍍𑌵𑌵𑍇𑌕𑍍𑌷𑌿𑌣𑌃 ।
𑌆𑌤𑍍𑌮𑌪𑍍𑌰𑌤𑍍𑌯𑌯 𑌕𑍋𑌶𑌸𑍍𑌯 𑌵𑌸𑍁𑌧𑍇𑌯𑌂 𑌵𑌸𑍁𑌂𑌧𑌰𑌾 ॥ 23॥
𑌨𑌾𑌮𑌮𑌾𑌤𑍍𑌰𑍇𑌣 𑌤𑍁𑌷𑍍𑌯𑍇𑌤 𑌛𑌤𑍍𑌰𑍇𑌣 𑌚 𑌮𑌹𑍀𑌪𑌤𑌿𑌃 ।
𑌭𑍃𑌤𑍍𑌯𑍇𑌭𑍍𑌯𑍋 𑌵𑌿𑌸𑍃𑌜𑍇𑌦𑌰𑍍𑌥𑌾𑌨𑍍𑌨𑍈𑌕𑌃 𑌸𑌰𑍍𑌵𑌹𑌰𑍋 𑌭𑌵𑍇𑌤𑍍 ॥ 24॥
𑌬𑍍𑌰𑌾𑌹𑍍𑌮𑌣𑍋 𑌬𑍍𑌰𑌾𑌹𑍍𑌮𑌣𑌂 𑌵𑍇𑌦 𑌭𑌰𑍍𑌤𑌾 𑌵𑍇𑌦 𑌸𑍍𑌤𑍍𑌰𑌿𑌯𑌂 𑌤𑌥𑌾 ।
𑌅𑌮𑌾𑌤𑍍𑌯𑌂 𑌨𑍃𑌪𑌤𑌿𑌰𑍍𑌵𑍇𑌦 𑌰𑌾𑌜𑌾 𑌰𑌾𑌜𑌾𑌨𑌮𑍇𑌵 𑌚 ॥ 25॥
𑌨 𑌶𑌤𑍍𑌰𑍁𑌰𑌂𑌕𑌮𑌾𑌪𑌨𑍍𑌨𑍋 𑌮𑍋𑌕𑍍𑌤𑌵𑍍𑌯𑍋 𑌵𑌧𑍍𑌯𑌤𑌾𑌂 𑌗𑌤𑌃 ।
𑌅𑌹𑌤𑌾𑌦𑍍𑌧𑌿 𑌭𑌯𑌂 𑌤𑌸𑍍𑌮𑌾𑌜𑍍𑌜𑌾𑌯𑌤𑍇 𑌨𑌚𑌿𑌰𑌾𑌦𑌿𑌵 ॥ 26॥
𑌦𑍈𑌵𑌤𑍇𑌷𑍁 𑌚 𑌯𑌤𑍍𑌨𑍇𑌨 𑌰𑌾𑌜𑌸𑍁 𑌬𑍍𑌰𑌾𑌹𑍍𑌮𑌣𑍇𑌷𑍁 𑌚 ।
𑌨𑌿𑌯𑌂𑌤𑌵𑍍𑌯𑌃 𑌸𑌦𑌾 𑌕𑍍𑌰𑍋𑌧𑍋 𑌵𑍃𑌦𑍍𑌧𑌬𑌾𑌲𑌾𑌤𑍁𑌰𑍇𑌷𑍁 𑌚 ॥ 2𑍭॥
𑌨𑌿𑌰𑌰𑍍𑌥𑌂 𑌕𑌲𑌹𑌂 𑌪𑍍𑌰𑌾𑌜𑍍𑌞𑍋 𑌵𑌰𑍍𑌜𑌯𑍇𑌨𑍍𑌮𑍂𑌢 𑌸𑍇𑌵𑌿𑌤𑌮𑍍 ।
𑌕𑍀𑌰𑍍𑌤𑌿𑌂 𑌚 𑌲𑌭𑌤𑍇 𑌲𑍋𑌕𑍇 𑌨 𑌚𑌾𑌨𑌰𑍍𑌥𑍇𑌨 𑌯𑍁𑌜𑍍𑌯𑌤𑍇 ॥ 2𑍮॥
𑌪𑍍𑌰𑌸𑌾𑌦𑍋 𑌨𑌿𑌷𑍍𑌫𑌲𑍋 𑌯𑌸𑍍𑌯 𑌕𑍍𑌰𑍋𑌧𑌶𑍍𑌚𑌾𑌪𑌿 𑌨𑌿𑌰𑌰𑍍𑌥𑌕𑌃 ।
𑌨 𑌤𑌂 𑌭𑌰𑍍𑌤𑌾𑌰𑌮𑌿𑌚𑍍𑌛𑌂𑌤𑌿 𑌷𑌂𑌢𑌂 𑌪𑌤𑌿𑌮𑌿𑌵 𑌸𑍍𑌤𑍍𑌰𑌿𑌯𑌃 ॥ 2𑍯॥
𑌨 𑌬𑍁𑌦𑍍𑌧𑌿𑌰𑍍𑌧𑌨𑌲𑌾𑌭𑌾𑌯 𑌨 𑌜𑌾𑌡𑍍𑌯𑌮𑌸𑌮𑍃𑌦𑍍𑌧𑌯𑍇 ।
𑌲𑍋𑌕𑌪𑌰𑍍𑌯𑌾𑌯 𑌵𑍃𑌤𑍍𑌤𑌾𑌂𑌤𑌂 𑌪𑍍𑌰𑌾𑌜𑍍𑌞𑍋 𑌜𑌾𑌨𑌾𑌤𑌿 𑌨𑍇𑌤𑌰𑌃 ॥ 30॥
𑌵𑌿𑌦𑍍𑌯𑌾 𑌶𑍀𑌲𑌵𑌯𑍋𑌵𑍃𑌦𑍍𑌧𑌾𑌨𑍍𑌬𑍁𑌦𑍍𑌧𑌿𑌵𑍃𑌦𑍍𑌧𑌾𑌂𑌶𑍍𑌚 𑌭𑌾𑌰𑌤 ।
𑌧𑌨𑌾𑌭𑌿𑌜𑌨 𑌵𑍃𑌦𑍍𑌧𑌾𑌂𑌶𑍍𑌚 𑌨𑌿𑌤𑍍𑌯𑌂 𑌮𑍂𑌢𑍋𑌽𑌵𑌮𑌨𑍍𑌯𑌤𑍇 ॥ 31॥
𑌅𑌨𑌾𑌰𑍍𑌯 𑌵𑍃𑌤𑍍𑌤𑌮𑌪𑍍𑌰𑌾𑌜𑍍𑌞𑌮𑌸𑍂𑌯𑌕𑌮𑌧𑌾𑌰𑍍𑌮𑌿𑌕𑌮𑍍 ।
𑌅𑌨𑌰𑍍𑌥𑌾𑌃 𑌕𑍍𑌷𑌿𑌪𑍍𑌰𑌮𑌾𑌯𑌾𑌂𑌤𑌿 𑌵𑌾𑌗𑍍𑌦𑍁𑌷𑍍𑌟𑌂 𑌕𑍍𑌰𑍋𑌧𑌨𑌂 𑌤𑌥𑌾 ॥ 32॥
𑌅𑌵𑌿𑌸𑌂𑌵𑌾𑌦𑌨𑌂 𑌦𑌾𑌨𑌂 𑌸𑌮𑌯𑌸𑍍𑌯𑌾𑌵𑍍𑌯𑌤𑌿𑌕𑍍𑌰𑌮𑌃 ।
𑌆𑌵𑌰𑍍𑌤𑌯𑌂𑌤𑌿 𑌭𑍂𑌤𑌾𑌨𑌿 𑌸𑌮𑍍𑌯𑌕𑍍𑌪𑍍𑌰𑌣𑌿𑌹𑌿𑌤𑌾 𑌚 𑌵𑌾𑌕𑍍 ॥ 33॥
𑌅𑌵𑌿𑌸𑌂𑌵𑌾𑌦𑌕𑍋 𑌦𑌕𑍍𑌷𑌃 𑌕𑍃𑌤𑌜𑍍𑌞𑍋 𑌮𑌤𑌿𑌮𑌾𑌨𑍃𑌜𑍁𑌃 ।
𑌅𑌪𑌿 𑌸𑌂𑌕𑍍𑌷𑍀𑌣 𑌕𑍋𑌶𑍋𑌽𑌪𑌿 𑌲𑌭𑌤𑍇 𑌪𑌰𑌿𑌵𑌾𑌰𑌣𑌮𑍍 ॥ 34॥
𑌧𑍃𑌤𑌿𑌃 𑌶𑌮𑍋 𑌦𑌮𑌃 𑌶𑍌𑌚𑌂 𑌕𑌾𑌰𑍁𑌣𑍍𑌯𑌂 𑌵𑌾𑌗𑌨𑌿𑌷𑍍𑌠𑍁𑌰𑌾 ।
𑌮𑌿𑌤𑍍𑌰𑌾𑌣𑌾𑌂 𑌚𑌾𑌨𑌭𑌿𑌦𑍍𑌰𑍋𑌹𑌃 𑌸𑌤𑍈𑌤𑌾𑌃 𑌸𑌮𑌿𑌧𑌃 𑌶𑍍𑌰𑌿𑌯𑌃 ॥ 35॥
𑌅𑌸𑌂𑌵𑌿𑌭𑌾𑌗𑍀 𑌦𑍁𑌷𑍍𑌟𑌾𑌤𑍍𑌮𑌾 𑌕𑍃𑌤𑌘𑍍𑌨𑍋 𑌨𑌿𑌰𑌪𑌤𑍍𑌰𑌪𑌃 ।
𑌤𑌾𑌦𑍃𑌙𑍍𑌨𑌰𑌾𑌧𑌮𑍋 𑌲𑍋𑌕𑍇 𑌵𑌰𑍍𑌜𑌨𑍀𑌯𑍋 𑌨𑌰𑌾𑌧𑌿𑌪 ॥ 36॥
𑌨 𑌸 𑌰𑌾𑌤𑍍𑌰𑍌 𑌸𑍁𑌖𑌂 𑌶𑍇𑌤𑍇 𑌸 𑌸𑌰𑍍𑌪 𑌇𑌵 𑌵𑍇𑌶𑍍𑌮𑌨𑌿 ।
𑌯𑌃 𑌕𑍋𑌪𑌯𑌤𑌿 𑌨𑌿𑌰𑍍𑌦𑍋𑌷𑌂 𑌸 𑌦𑍋𑌷𑍋𑌽𑌭𑍍𑌯𑌂𑌤𑌰𑌂 𑌜𑌨𑌮𑍍 ॥ 3𑍭॥
𑌯𑍇𑌷𑍁 𑌦𑍁𑌷𑍍𑌟𑍇𑌷𑍁 𑌦𑍋𑌷𑌃 𑌸𑍍𑌯𑌾𑌦𑍍𑌯𑍋𑌗𑌕𑍍𑌷𑍇𑌮𑌸𑍍𑌯 𑌭𑌾𑌰𑌤 ।
𑌸𑌦𑌾 𑌪𑍍𑌰𑌸𑌾𑌦𑌨𑌂 𑌤𑍇𑌷𑌾𑌂 𑌦𑍇𑌵𑌤𑌾𑌨𑌾𑌮𑌿𑌵𑌾𑌚𑌰𑍇𑌤𑍍 ॥ 3𑍮॥
𑌯𑍇𑌽𑌰𑍍𑌥𑌾𑌃 𑌸𑍍𑌤𑍍𑌰𑍀𑌷𑍁 𑌸𑌮𑌾𑌸𑌕𑍍𑌤𑌾𑌃 𑌪𑍍𑌰𑌥𑌮𑍋𑌤𑍍𑌪𑌤𑌿𑌤𑍇𑌷𑍁 𑌚 ।
𑌯𑍇 𑌚𑌾𑌨𑌾𑌰𑍍𑌯 𑌸𑌮𑌾𑌸𑌕𑍍𑌤𑌾𑌃 𑌸𑌰𑍍𑌵𑍇 𑌤𑍇 𑌸𑌂𑌶𑌯𑌂 𑌗𑌤𑌾𑌃 ॥ 3𑍯॥
𑌯𑌤𑍍𑌰 𑌸𑍍𑌤𑍍𑌰𑍀 𑌯𑌤𑍍𑌰 𑌕𑌿𑌤𑌵𑍋 𑌯𑌤𑍍𑌰 𑌬𑌾𑌲𑍋𑌽𑌨𑍁𑌶𑌾𑌸𑍍𑌤𑌿 𑌚 ।
𑌮𑌜𑍍𑌜𑌂𑌤𑌿 𑌤𑍇𑌽𑌵𑌶𑌾 𑌦𑍇𑌶𑌾 𑌨𑌦𑍍𑌯𑌾𑌮𑌶𑍍𑌮𑌪𑍍𑌲𑌵𑌾 𑌇𑌵 ॥ 40॥
𑌪𑍍𑌰𑌯𑍋𑌜𑌨𑍇𑌷𑍁 𑌯𑍇 𑌸𑌕𑍍𑌤𑌾 𑌨 𑌵𑌿𑌶𑍇𑌷𑍇𑌷𑍁 𑌭𑌾𑌰𑌤 ।
𑌤𑌾𑌨𑌹𑌂 𑌪𑌂𑌡𑌿𑌤𑌾𑌨𑍍𑌮𑌨𑍍𑌯𑍇 𑌵𑌿𑌶𑍇𑌷𑌾 𑌹𑌿 𑌪𑍍𑌰𑌸𑌂𑌗𑌿𑌨𑌃 ॥ 41॥
𑌯𑌂 𑌪𑍍𑌰𑌶𑌂𑌸𑌂𑌤𑌿 𑌕𑌿𑌤𑌵𑌾 𑌯𑌂 𑌪𑍍𑌰𑌶𑌂𑌸𑌂𑌤𑌿 𑌚𑌾𑌰𑌣𑌾𑌃 ।
𑌯𑌂 𑌪𑍍𑌰𑌶𑌂𑌸𑌂𑌤𑌿 𑌬𑌂𑌧𑌕𑍍𑌯𑍋 𑌨 𑌸 𑌜𑍀𑌵𑌤𑌿 𑌮𑌾𑌨𑌵𑌃 ॥ 42॥
𑌹𑌿𑌤𑍍𑌵𑌾 𑌤𑌾𑌨𑍍𑌪𑌰𑌮𑍇𑌷𑍍𑌵𑌾𑌸𑌾𑌨𑍍𑌪𑌾𑌂𑌡𑌵𑌾𑌨𑌮𑌿𑌤𑍌𑌜𑌸𑌃 ।
𑌆𑌹𑌿𑌤𑌂 𑌭𑌾𑌰𑌤𑍈𑌶𑍍𑌵𑌰𑍍𑌯𑌂 𑌤𑍍𑌵𑌯𑌾 𑌦𑍁𑌰𑍍𑌯𑍋𑌧𑌨𑍇 𑌮𑌹𑌤𑍍 ॥ 43॥
𑌤𑌂 𑌦𑍍𑌰𑌕𑍍𑌷𑍍𑌯𑌸𑌿 𑌪𑌰𑌿𑌭𑍍𑌰𑌷𑍍𑌟𑌂 𑌤𑌸𑍍𑌮𑌾𑌤𑍍𑌤𑍍𑌵𑌂 𑌨𑌚𑌿𑌰𑌾𑌦𑌿𑌵 ।
𑌐𑌶𑍍𑌵𑌰𑍍𑌯𑌮𑌦𑌸𑌮𑍍𑌮𑍂𑌢𑌂 𑌬𑌲𑌿𑌂 𑌲𑍋𑌕𑌤𑍍𑌰𑌯𑌾𑌦𑌿𑌵 ॥ 44॥
॥ 𑌇𑌤𑌿 𑌶𑍍𑌰𑍀𑌮𑌹𑌾𑌭𑌾𑌰𑌤𑍇 𑌉𑌦𑍍𑌯𑍋𑌗𑌪𑌰𑍍𑌵𑌣𑌿 𑌪𑍍𑌰𑌜𑌾𑌗𑌰𑌪𑌰𑍍𑌵𑌣𑌿
𑌵𑌿𑌦𑍁𑌰𑌵𑌾𑌕𑍍𑌯𑍇 𑌅𑌷𑍍𑌟𑌤𑍍𑌰𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 3𑍮॥

Browse Related Categories: