ನಾರದ ಉವಾಚ ।
ಇನ್ದ್ರಾಕ್ಷೀಸ್ತೋತ್ರಮಾಖ್ಯಾಹಿ ನಾರಾಯಣ ಗುಣಾರ್ಣವ ।
ಪಾರ್ವತ್ಯೈ ಶಿವಸಮ್ಪ್ರೋಕ್ತಂ ಪರಂ ಕೌತೂಹಲಂ ಹಿ ಮೇ ॥

ನಾರಾಯಣ ಉವಾಚ ।
ಇನ್ದ್ರಾಕ್ಷೀ ಸ್ತೋತ್ರ ಮನ್ತ್ರಸ್ಯ ಮಾಹಾತ್ಮ್ಯಂ ಕೇನ ವೋಚ್ಯತೇ ।
ಇನ್ದ್ರೇಣಾದೌ ಕೃತಂ ಸ್ತೋತ್ರಂ ಸರ್ವಾಪದ್ವಿನಿವಾರಣಮ್ ॥

ತದೇವಾಹಂ ಬ್ರವೀಮ್ಯದ್ಯ ಪೃಚ್ಛತಸ್ತವ ನಾರದ ।
ಅಸ್ಯ ಶ್ರೀ ಇನ್ದ್ರಾಕ್ಷೀಸ್ತೋತ್ರಮಹಾಮನ್ತ್ರಸ್ಯ, ಶಚೀಪುರನ್ದರ ಋಷಿಃ, ಅನುಷ್ಟುಪ್ಛನ್ದಃ, ಇನ್ದ್ರಾಕ್ಷೀ ದುರ್ಗಾ ದೇವತಾ, ಲಕ್ಷ್ಮೀರ್ಬೀಜಂ, ಭುವನೇಶ್ವರೀ ಶಕ್ತಿಃ, ಭವಾನೀ ಕೀಲಕಂ, ಮಮ ಇನ್ದ್ರಾಕ್ಷೀ ಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಕರನ್ಯಾಸಃ
ಇನ್ದ್ರಾಕ್ಷ್ಯೈ ಅಙ್ಗುಷ್ಠಾಭ್ಯಾಂ ನಮಃ ।
ಮಹಾಲಕ್ಷ್ಮ್ಯೈ ತರ್ಜನೀಭ್ಯಾಂ ನಮಃ ।
ಮಹೇಶ್ವರ್ಯೈ ಮಧ್ಯಮಾಭ್ಯಾಂ ನಮಃ ।
ಅಮ್ಬುಜಾಕ್ಷ್ಯೈ ಅನಾಮಿಕಾಭ್ಯಾಂ ನಮಃ ।
ಕಾತ್ಯಾಯನ್ಯೈ ಕನಿಷ್ಠಿಕಾಭ್ಯಾಂ ನಮಃ ।
ಕೌಮಾರ್ಯೈ ಕರತಲಕರಪೃಷ್ಠಾಭ್ಯಾಂ ನಮಃ ।

ಅಙ್ಗನ್ಯಾಸಃ
ಇನ್ದ್ರಾಕ್ಷ್ಯೈ ಹೃದಯಾಯ ನಮಃ ।
ಮಹಾಲಕ್ಷ್ಮ್ಯೈ ಶಿರಸೇ ಸ್ವಾಹಾ ।
ಮಹೇಶ್ವರ್ಯೈ ಶಿಖಾಯೈ ವಷಟ್ ।
ಅಮ್ಬುಜಾಕ್ಷ್ಯೈ ಕವಚಾಯ ಹುಮ್ ।
ಕಾತ್ಯಾಯನ್ಯೈ ನೇತ್ರತ್ರಯಾಯ ವೌಷಟ್ ।
ಕೌಮಾರ್ಯೈ ಅಸ್ತ್ರಾಯ ಫಟ್ ।
ಭೂರ್ಭುವಸ್ಸುವರೋಮಿತಿ ದಿಗ್ಬನ್ಧಃ ॥

ಧ್ಯಾನಮ್
ನೇತ್ರಾಣಾಂ ದಶಭಿಶ್ಶತೈಃ ಪರಿವೃತಾಮತ್ಯುಗ್ರಚರ್ಮಾಮ್ಬರಾಮ್ ।
ಹೇಮಾಭಾಂ ಮಹತೀಂ ವಿಲಮ್ಬಿತಶಿಖಾಮಾಮುಕ್ತಕೇಶಾನ್ವಿತಾಮ್ ॥
ಘಣ್ಟಾಮಣ್ಡಿತಪಾದಪದ್ಮಯುಗಳಾಂ ನಾಗೇನ್ದ್ರಕುಮ್ಭಸ್ತನೀಮ್ ।
ಇನ್ದ್ರಾಕ್ಷೀಂ ಪರಿಚಿನ್ತಯಾಮಿ ಮನಸಾ ಕಲ್ಪೋಕ್ತಸಿದ್ಧಿಪ್ರದಾಮ್ ॥ 1 ॥

ಇನ್ದ್ರಾಕ್ಷೀಂ ದ್ವಿಭುಜಾಂ ದೇವೀಂ ಪೀತವಸ್ತ್ರದ್ವಯಾನ್ವಿತಾಮ್ ।
ವಾಮಹಸ್ತೇ ವಜ್ರಧರಾಂ ದಕ್ಷಿಣೇನ ವರಪ್ರದಾಮ್ ॥
ಇನ್ದ್ರಾಕ್ಷೀಂ ಸಹಯುವತೀಂ ನಾನಾಲಙ್ಕಾರಭೂಷಿತಾಮ್ ।
ಪ್ರಸನ್ನವದನಾಮ್ಭೋಜಾಮಪ್ಸರೋಗಣಸೇವಿತಾಮ್ ॥ 2 ॥

ದ್ವಿಭುಜಾಂ ಸೌಮ್ಯವದಾನಾಂ ಪಾಶಾಙ್ಕುಶಧರಾಂ ಪರಾಮ್ ।
ತ್ರೈಲೋಕ್ಯಮೋಹಿನೀಂ ದೇವೀಂ ಇನ್ದ್ರಾಕ್ಷೀ ನಾಮ ಕೀರ್ತಿತಾಮ್ ॥ 3 ॥

ಪೀತಾಮ್ಬರಾಂ ವಜ್ರಧರೈಕಹಸ್ತಾಂ
ನಾನಾವಿಧಾಲಙ್ಕರಣಾಂ ಪ್ರಸನ್ನಾಮ್ ।
ತ್ವಾಮಪ್ಸರಸ್ಸೇವಿತಪಾದಪದ್ಮಾಂ
ಇನ್ದ್ರಾಕ್ಷೀಂ ವನ್ದೇ ಶಿವಧರ್ಮಪತ್ನೀಮ್ ॥ 4 ॥

ಪಞ್ಚಪೂಜಾ
ಲಂ ಪೃಥಿವ್ಯಾತ್ಮಿಕಾಯೈ ಗನ್ಧಂ ಸಮರ್ಪಯಾಮಿ ।
ಹಂ ಆಕಾಶಾತ್ಮಿಕಾಯೈ ಪುಷ್ಪೈಃ ಪೂಜಯಾಮಿ ।
ಯಂ ವಾಯ್ವಾತ್ಮಿಕಾಯೈ ಧೂಪಮಾಘ್ರಾಪಯಾಮಿ ।
ರಂ ಅಗ್ನ್ಯಾತ್ಮಿಕಾಯೈ ದೀಪಂ ದರ್ಶಯಾಮಿ ।
ವಂ ಅಮೃತಾತ್ಮಿಕಾಯೈ ಅಮೃತಂ ಮಹಾನೈವೇದ್ಯಂ ನಿವೇದಯಾಮಿ ।
ಸಂ ಸರ್ವಾತ್ಮಿಕಾಯೈ ಸರ್ವೋಪಚಾರಪೂಜಾಂ ಸಮರ್ಪಯಾಮಿ ॥

ದಿಗ್ದೇವತಾ ರಕ್ಷ
ಇನ್ದ್ರ ಉವಾಚ ।
ಇನ್ದ್ರಾಕ್ಷೀ ಪೂರ್ವತಃ ಪಾತು ಪಾತ್ವಾಗ್ನೇಯ್ಯಾಂ ತಥೇಶ್ವರೀ ।
ಕೌಮಾರೀ ದಕ್ಷಿಣೇ ಪಾತು ನೈರೃತ್ಯಾಂ ಪಾತು ಪಾರ್ವತೀ ॥ 1 ॥

ವಾರಾಹೀ ಪಶ್ಚಿಮೇ ಪಾತು ವಾಯವ್ಯೇ ನಾರಸಿಂಹ್ಯಪಿ ।
ಉದೀಚ್ಯಾಂ ಕಾಳರಾತ್ರೀ ಮಾಂ ಐಶಾನ್ಯಾಂ ಸರ್ವಶಕ್ತಯಃ ॥ 2 ॥

ಭೈರವ್ಯೋರ್ಧ್ವಂ ಸದಾ ಪಾತು ಪಾತ್ವಧೋ ವೈಷ್ಣವೀ ತಥಾ ।
ಏವಂ ದಶದಿಶೋ ರಕ್ಷೇತ್ಸರ್ವದಾ ಭುವನೇಶ್ವರೀ ॥ 3 ॥

ಓಂ ಹ್ರೀಂ ಶ್ರೀಂ ಇನ್ದ್ರಾಕ್ಷ್ಯೈ ನಮಃ ।

ಸ್ತೋತ್ರಂ
ಇನ್ದ್ರಾಕ್ಷೀ ನಾಮ ಸಾ ದೇವೀ ದೇವತೈಸ್ಸಮುದಾಹೃತಾ ।
ಗೌರೀ ಶಾಕಮ್ಭರೀ ದೇವೀ ದುರ್ಗಾನಾಮ್ನೀತಿ ವಿಶ್ರುತಾ ॥ 1 ॥

ನಿತ್ಯಾನನ್ದೀ ನಿರಾಹಾರೀ ನಿಷ್ಕಳಾಯೈ ನಮೋಽಸ್ತು ತೇ ।
ಕಾತ್ಯಾಯನೀ ಮಹಾದೇವೀ ಚನ್ದ್ರಘಣ್ಟಾ ಮಹಾತಪಾಃ ॥ 2 ॥

ಸಾವಿತ್ರೀ ಸಾ ಚ ಗಾಯತ್ರೀ ಬ್ರಹ್ಮಾಣೀ ಬ್ರಹ್ಮವಾದಿನೀ ।
ನಾರಾಯಣೀ ಭದ್ರಕಾಳೀ ರುದ್ರಾಣೀ ಕೃಷ್ಣಪಿಙ್ಗಳಾ ॥ 3 ॥

ಅಗ್ನಿಜ್ವಾಲಾ ರೌದ್ರಮುಖೀ ಕಾಳರಾತ್ರೀ ತಪಸ್ವಿನೀ ।
ಮೇಘಸ್ವನಾ ಸಹಸ್ರಾಕ್ಷೀ ವಿಕಟಾಙ್ಗೀ (ವಿಕಾರಾಙ್ಗೀ) ಜಡೋದರೀ ॥ 4 ॥

ಮಹೋದರೀ ಮುಕ್ತಕೇಶೀ ಘೋರರೂಪಾ ಮಹಾಬಲಾ ।
ಅಜಿತಾ ಭದ್ರದಾಽನನ್ತಾ ರೋಗಹನ್ತ್ರೀ ಶಿವಪ್ರಿಯಾ ॥ 5 ॥

ಶಿವದೂತೀ ಕರಾಳೀ ಚ ಪ್ರತ್ಯಕ್ಷಪರಮೇಶ್ವರೀ ।
ಇನ್ದ್ರಾಣೀ ಇನ್ದ್ರರೂಪಾ ಚ ಇನ್ದ್ರಶಕ್ತಿಃಪರಾಯಣೀ ॥ 6 ॥

ಸದಾ ಸಮ್ಮೋಹಿನೀ ದೇವೀ ಸುನ್ದರೀ ಭುವನೇಶ್ವರೀ ।
ಏಕಾಕ್ಷರೀ ಪರಾ ಬ್ರಾಹ್ಮೀ ಸ್ಥೂಲಸೂಕ್ಷ್ಮಪ್ರವರ್ಧನೀ ॥ 7 ॥

ರಕ್ಷಾಕರೀ ರಕ್ತದನ್ತಾ ರಕ್ತಮಾಲ್ಯಾಮ್ಬರಾ ಪರಾ ।
ಮಹಿಷಾಸುರಸಂಹರ್ತ್ರೀ ಚಾಮುಣ್ಡಾ ಸಪ್ತಮಾತೃಕಾ ॥ 8 ॥

ವಾರಾಹೀ ನಾರಸಿಂಹೀ ಚ ಭೀಮಾ ಭೈರವವಾದಿನೀ ।
ಶ್ರುತಿಸ್ಸ್ಮೃತಿರ್ಧೃತಿರ್ಮೇಧಾ ವಿದ್ಯಾಲಕ್ಷ್ಮೀಸ್ಸರಸ್ವತೀ ॥ 9 ॥

ಅನನ್ತಾ ವಿಜಯಾಽಪರ್ಣಾ ಮಾನಸೋಕ್ತಾಪರಾಜಿತಾ ।
ಭವಾನೀ ಪಾರ್ವತೀ ದುರ್ಗಾ ಹೈಮವತ್ಯಮ್ಬಿಕಾ ಶಿವಾ ॥ 10 ॥

ಶಿವಾ ಭವಾನೀ ರುದ್ರಾಣೀ ಶಙ್ಕರಾರ್ಧಶರೀರಿಣೀ ।
ಐರಾವತಗಜಾರೂಢಾ ವಜ್ರಹಸ್ತಾ ವರಪ್ರದಾ ॥ 11 ॥

ಧೂರ್ಜಟೀ ವಿಕಟೀ ಘೋರೀ ಹ್ಯಷ್ಟಾಙ್ಗೀ ನರಭೋಜಿನೀ ।
ಭ್ರಾಮರೀ ಕಾಞ್ಚಿ ಕಾಮಾಕ್ಷೀ ಕ್ವಣನ್ಮಾಣಿಕ್ಯನೂಪುರಾ ॥ 12 ॥

ಹ್ರೀಙ್ಕಾರೀ ರೌದ್ರಭೇತಾಳೀ ಹ್ರುಙ್ಕಾರ್ಯಮೃತಪಾಣಿನೀ ।
ತ್ರಿಪಾದ್ಭಸ್ಮಪ್ರಹರಣಾ ತ್ರಿಶಿರಾ ರಕ್ತಲೋಚನಾ ॥ 13 ॥

ನಿತ್ಯಾ ಸಕಲಕಳ್ಯಾಣೀ ಸರ್ವೈಶ್ವರ್ಯಪ್ರದಾಯಿನೀ ।
ದಾಕ್ಷಾಯಣೀ ಪದ್ಮಹಸ್ತಾ ಭಾರತೀ ಸರ್ವಮಙ್ಗಳಾ ॥ 14 ॥

ಕಳ್ಯಾಣೀ ಜನನೀ ದುರ್ಗಾ ಸರ್ವದುಃಖವಿನಾಶಿನೀ ।
ಇನ್ದ್ರಾಕ್ಷೀ ಸರ್ವಭೂತೇಶೀ ಸರ್ವರೂಪಾ ಮನೋನ್ಮನೀ ॥ 15 ॥

ಮಹಿಷಮಸ್ತಕನೃತ್ಯವಿನೋದನ-
ಸ್ಫುಟರಣನ್ಮಣಿನೂಪುರಪಾದುಕಾ ।
ಜನನರಕ್ಷಣಮೋಕ್ಷವಿಧಾಯಿನೀ
ಜಯತು ಶುಮ್ಭನಿಶುಮ್ಭನಿಷೂದಿನೀ ॥ 16 ॥

ಶಿವಾ ಚ ಶಿವರೂಪಾ ಚ ಶಿವಶಕ್ತಿಪರಾಯಣೀ ।
ಮೃತ್ಯುಞ್ಜಯೀ ಮಹಾಮಾಯೀ ಸರ್ವರೋಗನಿವಾರಿಣೀ ॥ 17 ॥

ಐನ್ದ್ರೀದೇವೀ ಸದಾಕಾಲಂ ಶಾನ್ತಿಮಾಶುಕರೋತು ಮೇ ।
ಈಶ್ವರಾರ್ಧಾಙ್ಗನಿಲಯಾ ಇನ್ದುಬಿಮ್ಬನಿಭಾನನಾ ॥ 18 ॥

ಸರ್ವೋರೋಗಪ್ರಶಮನೀ ಸರ್ವಮೃತ್ಯುನಿವಾರಿಣೀ ।
ಅಪವರ್ಗಪ್ರದಾ ರಮ್ಯಾ ಆಯುರಾರೋಗ್ಯದಾಯಿನೀ ॥ 19 ॥

ಇನ್ದ್ರಾದಿದೇವಸಂಸ್ತುತ್ಯಾ ಇಹಾಮುತ್ರಫಲಪ್ರದಾ ।
ಇಚ್ಛಾಶಕ್ತಿಸ್ವರೂಪಾ ಚ ಇಭವಕ್ತ್ರಾದ್ವಿಜನ್ಮಭೂಃ ॥ 20 ॥

ಭಸ್ಮಾಯುಧಾಯ ವಿದ್ಮಹೇ ರಕ್ತನೇತ್ರಾಯ ಧೀಮಹಿ ತನ್ನೋ ಜ್ವರಹರಃ ಪ್ರಚೋದಯಾತ್ ॥ 21 ॥

ಮನ್ತ್ರಃ
ಓಂ ಐಂ ಹ್ರೀಂ ಶ್ರೀಂ ಕ್ಲೀಂ ಕ್ಲೂಂ ಇನ್ದ್ರಾಕ್ಷ್ಯೈ ನಮಃ ॥ 22 ॥

ಓಂ ನಮೋ ಭಗವತೀ ಇನ್ದ್ರಾಕ್ಷೀ ಸರ್ವಜನಸಮ್ಮೋಹಿನೀ ಕಾಳರಾತ್ರೀ ನಾರಸಿಂಹೀ ಸರ್ವಶತ್ರುಸಂಹಾರಿಣೀ ಅನಲೇ ಅಭಯೇ ಅಜಿತೇ ಅಪರಾಜಿತೇ ಮಹಾಸಿಂಹವಾಹಿನೀ ಮಹಿಷಾಸುರಮರ್ದಿನೀ ಹನ ಹನ ಮರ್ದಯ ಮರ್ದಯ ಮಾರಯ ಮಾರಯ ಶೋಷಯ ಶೋಷಯ ದಾಹಯ ದಾಹಯ ಮಹಾಗ್ರಹಾನ್ ಸಂಹರ ಸಂಹರ ಯಕ್ಷಗ್ರಹ ರಾಕ್ಷಸಗ್ರಹ ಸ್ಕನ್ದಗ್ರಹ ವಿನಾಯಕಗ್ರಹ ಬಾಲಗ್ರಹ ಕುಮಾರಗ್ರಹ ಚೋರಗ್ರಹ ಭೂತಗ್ರಹ ಪ್ರೇತಗ್ರಹ ಪಿಶಾಚಗ್ರಹ ಕೂಷ್ಮಾಣ್ಡಗ್ರಹಾದೀನ್ ಮರ್ದಯ ಮರ್ದಯ ನಿಗ್ರಹ ನಿಗ್ರಹ ಧೂಮಭೂತಾನ್ಸನ್ತ್ರಾವಯ ಸನ್ತ್ರಾವಯ ಭೂತಜ್ವರ ಪ್ರೇತಜ್ವರ ಪಿಶಾಚಜ್ವರ ಉಷ್ಣಜ್ವರ ಪಿತ್ತಜ್ವರ ವಾತಜ್ವರ ಶ್ಲೇಷ್ಮಜ್ವರ ಕಫಜ್ವರ ಆಲಾಪಜ್ವರ ಸನ್ನಿಪಾತಜ್ವರ ಮಾಹೇನ್ದ್ರಜ್ವರ ಕೃತ್ರಿಮಜ್ವರ ಕೃತ್ಯಾದಿಜ್ವರ ಏಕಾಹಿಕಜ್ವರ ದ್ವಯಾಹಿಕಜ್ವರ ತ್ರಯಾಹಿಕಜ್ವರ ಚಾತುರ್ಥಿಕಜ್ವರ ಪಞ್ಚಾಹಿಕಜ್ವರ ಪಕ್ಷಜ್ವರ ಮಾಸಜ್ವರ ಷಣ್ಮಾಸಜ್ವರ ಸಂವತ್ಸರಜ್ವರ ಜ್ವರಾಲಾಪಜ್ವರ ಸರ್ವಜ್ವರ ಸರ್ವಾಙ್ಗಜ್ವರಾನ್ ನಾಶಯ ನಾಶಯ ಹರ ಹರ ಹನ ಹನ ದಹ ದಹ ಪಚ ಪಚ ತಾಡಯ ತಾಡಯ ಆಕರ್ಷಯ ಆಕರ್ಷಯ ವಿದ್ವೇಷಯ ವಿದ್ವೇಷಯ ಸ್ತಮ್ಭಯ ಸ್ತಮ್ಭಯ ಮೋಹಯ ಮೋಹಯ ಉಚ್ಚಾಟಯ ಉಚ್ಚಾಟಯ ಹುಂ ಫಟ್ ಸ್ವಾಹಾ ॥ 23 ॥

ಓಂ ಹ್ರೀಂ ಓಂ ನಮೋ ಭಗವತೀ ತ್ರೈಲೋಕ್ಯಲಕ್ಷ್ಮೀ ಸರ್ವಜನವಶಙ್ಕರೀ ಸರ್ವದುಷ್ಟಗ್ರಹಸ್ತಮ್ಭಿನೀ ಕಙ್ಕಾಳೀ ಕಾಮರೂಪಿಣೀ ಕಾಲರೂಪಿಣೀ ಘೋರರೂಪಿಣೀ ಪರಮನ್ತ್ರಪರಯನ್ತ್ರ ಪ್ರಭೇದಿನೀ ಪ್ರತಿಭಟವಿಧ್ವಂಸಿನೀ ಪರಬಲತುರಗವಿಮರ್ದಿನೀ ಶತ್ರುಕರಚ್ಛೇದಿನೀ ಶತ್ರುಮಾಂಸಭಕ್ಷಿಣೀ ಸಕಲದುಷ್ಟಜ್ವರನಿವಾರಿಣೀ ಭೂತ ಪ್ರೇತ ಪಿಶಾಚ ಬ್ರಹ್ಮರಾಕ್ಷಸ ಯಕ್ಷ ಯಮದೂತ ಶಾಕಿನೀ ಡಾಕಿನೀ ಕಾಮಿನೀ ಸ್ತಮ್ಭಿನೀ ಮೋಹಿನೀ ವಶಙ್ಕರೀ ಕುಕ್ಷಿರೋಗ ಶಿರೋರೋಗ ನೇತ್ರರೋಗ ಕ್ಷಯಾಪಸ್ಮಾರ ಕುಷ್ಠಾದಿ ಮಹಾರೋಗನಿವಾರಿಣೀ ಮಮ ಸರ್ವರೋಗಂ ನಾಶಯ ನಾಶಯ ಹ್ರಾಂ ಹ್ರೀಂ ಹ್ರೂಂ ಹ್ರೈಂ ಹ್ರೌಂ ಹ್ರಃ ಹುಂ ಫಟ್ ಸ್ವಾಹಾ ॥ 24 ॥

ಓಂ ನಮೋ ಭಗವತೀ ಮಾಹೇಶ್ವರೀ ಮಹಾಚಿನ್ತಾಮಣೀ ದುರ್ಗೇ ಸಕಲಸಿದ್ಧೇಶ್ವರೀ ಸಕಲಜನಮನೋಹಾರಿಣೀ ಕಾಲಕಾಲರಾತ್ರೀ ಮಹಾಘೋರರೂಪೇ ಪ್ರತಿಹತವಿಶ್ವರೂಪಿಣೀ ಮಧುಸೂದನೀ ಮಹಾವಿಷ್ಣುಸ್ವರೂಪಿಣೀ ಶಿರಶ್ಶೂಲ ಕಟಿಶೂಲ ಅಙ್ಗಶೂಲ ಪಾರ್ಶ್ವಶೂಲ ನೇತ್ರಶೂಲ ಕರ್ಣಶೂಲ ಪಕ್ಷಶೂಲ ಪಾಣ್ಡುರೋಗ ಕಾಮಾರಾದೀನ್ ಸಂಹರ ಸಂಹರ ನಾಶಯ ನಾಶಯ ವೈಷ್ಣವೀ ಬ್ರಹ್ಮಾಸ್ತ್ರೇಣ ವಿಷ್ಣುಚಕ್ರೇಣ ರುದ್ರಶೂಲೇನ ಯಮದಣ್ಡೇನ ವರುಣಪಾಶೇನ ವಾಸವವಜ್ರೇಣ ಸರ್ವಾನರೀಂ ಭಞ್ಜಯ ಭಞ್ಜಯ ರಾಜಯಕ್ಷ್ಮ ಕ್ಷಯರೋಗ ತಾಪಜ್ವರನಿವಾರಿಣೀ ಮಮ ಸರ್ವಜ್ವರಂ ನಾಶಯ ನಾಶಯ ಯ ರ ಲ ವ ಶ ಷ ಸ ಹ ಸರ್ವಗ್ರಹಾನ್ ತಾಪಯ ತಾಪಯ ಸಂಹರ ಸಂಹರ ಛೇದಯ ಛೇದಯ ಉಚ್ಚಾಟಯ ಉಚ್ಚಾಟಯ ಹ್ರಾಂ ಹ್ರೀಂ ಹ್ರೂಂ ಫಟ್ ಸ್ವಾಹಾ ॥ 25 ॥

ಉತ್ತರನ್ಯಾಸಃ
ಕರನ್ಯಾಸಃ
ಇನ್ದ್ರಾಕ್ಷ್ಯೈ ಅಙ್ಗುಷ್ಠಾಭ್ಯಾಂ ನಮಃ ।
ಮಹಾಲಕ್ಷ್ಮ್ಯೈ ತರ್ಜನೀಭ್ಯಾಂ ನಮಃ ।
ಮಹೇಶ್ವರ್ಯೈ ಮಧ್ಯಮಾಭ್ಯಾಂ ನಮಃ ।
ಅಮ್ಬುಜಾಕ್ಷ್ಯೈ ಅನಾಮಿಕಾಭ್ಯಾಂ ನಮಃ ।
ಕಾತ್ಯಾಯನ್ಯೈ ಕನಿಷ್ಠಿಕಾಭ್ಯಾಂ ನಮಃ ।
ಕೌಮಾರ್ಯೈ ಕರತಲಕರಪೃಷ್ಠಾಭ್ಯಾಂ ನಮಃ ।

ಅಙ್ಗನ್ಯಾಸಃ
ಇನ್ದ್ರಾಕ್ಷ್ಯೈ ಹೃದಯಾಯ ನಮಃ ।
ಮಹಾಲಕ್ಷ್ಮ್ಯೈ ಶಿರಸೇ ಸ್ವಾಹಾ ।
ಮಹೇಶ್ವರ್ಯೈ ಶಿಖಾಯೈ ವಷಟ್ ।
ಅಮ್ಬುಜಾಕ್ಷ್ಯೈ ಕವಚಾಯ ಹುಮ್ ।
ಕಾತ್ಯಾಯನ್ಯೈ ನೇತ್ರತ್ರಯಾಯ ವೌಷಟ್ ।
ಕೌಮಾರ್ಯೈ ಅಸ್ತ್ರಾಯ ಫಟ್ ।
ಭೂರ್ಭುವಸ್ಸುವರೋಮಿತಿ ದಿಗ್ವಿಮೋಕಃ ॥

ಸಮರ್ಪಣಂ
ಗುಹ್ಯಾದಿ ಗುಹ್ಯ ಗೋಪ್ತ್ರೀ ತ್ವಂ ಗೃಹಾಣಾಸ್ಮತ್ಕೃತಂ ಜಪಮ್ ।
ಸಿದ್ಧಿರ್ಭವತು ಮೇ ದೇವೀ ತ್ವತ್ಪ್ರಸಾದಾನ್ಮಯಿ ಸ್ಥಿರಾನ್ ॥ 26

ಫಲಶ್ರುತಿಃ
ನಾರಾಯಣ ಉವಾಚ ।
ಏತೈರ್ನಾಮಶತೈರ್ದಿವ್ಯೈಃ ಸ್ತುತಾ ಶಕ್ರೇಣ ಧೀಮತಾ ।
ಆಯುರಾರೋಗ್ಯಮೈಶ್ವರ್ಯಂ ಅಪಮೃತ್ಯುಭಯಾಪಹಮ್ ॥ 27 ॥

ಕ್ಷಯಾಪಸ್ಮಾರಕುಷ್ಠಾದಿ ತಾಪಜ್ವರನಿವಾರಣಮ್ ।
ಚೋರವ್ಯಾಘ್ರಭಯಂ ತತ್ರ ಶೀತಜ್ವರನಿವಾರಣಮ್ ॥ 28 ॥

ಮಾಹೇಶ್ವರಮಹಾಮಾರೀ ಸರ್ವಜ್ವರನಿವಾರಣಮ್ ।
ಶೀತಪೈತ್ತಕವಾತಾದಿ ಸರ್ವರೋಗನಿವಾರಣಮ್ ॥ 29 ॥

ಸನ್ನಿಜ್ವರನಿವಾರಣಂ ಸರ್ವಜ್ವರನಿವಾರಣಮ್ ।
ಸರ್ವರೋಗನಿವಾರಣಂ ಸರ್ವಮಙ್ಗಳವರ್ಧನಮ್ ॥ 30 ॥

ಶತಮಾವರ್ತಯೇದ್ಯಸ್ತು ಮುಚ್ಯತೇ ವ್ಯಾಧಿಬನ್ಧನಾತ್ ।
ಆವರ್ತಯನ್ಸಹಸ್ರಾತ್ತು ಲಭತೇ ವಾಞ್ಛಿತಂ ಫಲಮ್ ॥ 31 ॥

ಏತತ್ ಸ್ತೋತ್ರಂ ಮಹಾಪುಣ್ಯಂ ಜಪೇದಾಯುಷ್ಯವರ್ಧನಮ್ ।
ವಿನಾಶಾಯ ಚ ರೋಗಾಣಾಮಪಮೃತ್ಯುಹರಾಯ ಚ ॥ 32 ॥

ದ್ವಿಜೈರ್ನಿತ್ಯಮಿದಂ ಜಪ್ಯಂ ಭಾಗ್ಯಾರೋಗ್ಯಾಭೀಪ್ಸುಭಿಃ ।
ನಾಭಿಮಾತ್ರಜಲೇಸ್ಥಿತ್ವಾ ಸಹಸ್ರಪರಿಸಙ್ಖ್ಯಯಾ ॥ 33 ॥

ಜಪೇತ್ಸ್ತೋತ್ರಮಿಮಂ ಮನ್ತ್ರಂ ವಾಚಾಂ ಸಿದ್ಧಿರ್ಭವೇತ್ತತಃ ।
ಅನೇನವಿಧಿನಾ ಭಕ್ತ್ಯಾ ಮನ್ತ್ರಸಿದ್ಧಿಶ್ಚ ಜಾಯತೇ ॥ 34 ॥

ಸನ್ತುಷ್ಟಾ ಚ ಭವೇದ್ದೇವೀ ಪ್ರತ್ಯಕ್ಷಾ ಸಮ್ಪ್ರಜಾಯತೇ ।
ಸಾಯಂ ಶತಂ ಪಠೇನ್ನಿತ್ಯಂ ಷಣ್ಮಾಸಾತ್ಸಿದ್ಧಿರುಚ್ಯತೇ ॥ 35 ॥

ಚೋರವ್ಯಾಧಿಭಯಸ್ಥಾನೇ ಮನಸಾಹ್ಯನುಚಿನ್ತಯನ್ ।
ಸಂವತ್ಸರಮುಪಾಶ್ರಿತ್ಯ ಸರ್ವಕಾಮಾರ್ಥಸಿದ್ಧಯೇ ॥ 36 ॥

ರಾಜಾನಂ ವಶ್ಯಮಾಪ್ನೋತಿ ಷಣ್ಮಾಸಾನ್ನಾತ್ರ ಸಂಶಯಃ ।
ಅಷ್ಟದೋರ್ಭಿಸ್ಸಮಾಯುಕ್ತೇ ನಾನಾಯುದ್ಧವಿಶಾರದೇ ॥ 37 ॥

ಭೂತಪ್ರೇತಪಿಶಾಚೇಭ್ಯೋ ರೋಗಾರಾತಿಮುಖೈರಪಿ ।
ನಾಗೇಭ್ಯಃ ವಿಷಯನ್ತ್ರೇಭ್ಯಃ ಆಭಿಚಾರೈರ್ಮಹೇಶ್ವರೀ ॥ 38 ॥

ರಕ್ಷ ಮಾಂ ರಕ್ಷ ಮಾಂ ನಿತ್ಯಂ ಪ್ರತ್ಯಹಂ ಪೂಜಿತಾ ಮಯಾ ।
ಸರ್ವಮಙ್ಗಳಮಾಙ್ಗಳ್ಯೇ ಶಿವೇ ಸರ್ವಾರ್ಥಸಾಧಿಕೇ ।
ಶರಣ್ಯೇ ತ್ರ್ಯಮ್ಬಕೇ ದೇವೀ ನಾರಾಯಣೀ ನಮೋಽಸ್ತು ತೇ ॥ 39 ॥

ವರಂ ಪ್ರದಾದ್ಮಹೇನ್ದ್ರಾಯ ದೇವರಾಜ್ಯಂ ಚ ಶಾಶ್ವತಮ್ ।
ಇನ್ದ್ರಸ್ತೋತ್ರಮಿದಂ ಪುಣ್ಯಂ ಮಹದೈಶ್ವರ್ಯಕಾರಣಮ್ ॥ 40 ॥

ಇತಿ ಇನ್ದ್ರಾಕ್ಷೀ ಸ್ತೋತ್ರಮ್ ।