Bala Mukundashtakam - Shuddha Kannada

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ಬಾಲ ಮುಕುನ್ದಾಷ್ಟಕಮ್

ಕರಾರವಿನ್ದೇನ ಪದಾರವಿನ್ದಂ ಮುಖಾರವಿನ್ದೇ ವಿನಿವೇಶಯನ್ತಮ್ ।
ವಟಸ್ಯ ಪತ್ರಸ್ಯ ಪುಟೇ ಶಯಾನಂ ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ ॥ 1 ॥

ಸಂಹೃತ್ಯ ಲೋಕಾನ್ವಟಪತ್ರಮಧ್ಯೇ ಶಯಾನಮಾದ್ಯನ್ತವಿಹೀನರೂಪಮ್ ।
ಸರ್ವೇಶ್ವರಂ ಸರ್ವಹಿತಾವತಾರಂ ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ ॥ 2 ॥

ಇನ್ದೀವರಶ್ಯಾಮಲಕೋಮಲಾಙ್ಗಂ ಇನ್ದ್ರಾದಿದೇವಾರ್ಚಿತಪಾದಪದ್ಮಮ್ ।
ಸನ್ತಾನಕಲ್ಪದ್ರುಮಮಾಶ್ರಿತಾನಾಂ ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ ॥ 3 ॥

ಲಮ್ಬಾಲಕಂ ಲಮ್ಬಿತಹಾರಯಷ್ಟಿಂ ಶೃಙ್ಗಾರಲೀಲಾಙ್ಕಿತದನ್ತಪಙ್ಕ್ತಿಮ್ ।
ಬಿಮ್ಬಾಧರಂ ಚಾರುವಿಶಾಲನೇತ್ರಂ ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ ॥ 4 ॥

ಶಿಕ್ಯೇ ನಿಧಾಯಾದ್ಯಪಯೋದಧೀನಿ ಬಹಿರ್ಗತಾಯಾಂ ವ್ರಜನಾಯಿಕಾಯಾಮ್ ।
ಭುಕ್ತ್ವಾ ಯಥೇಷ್ಟಂ ಕಪಟೇನ ಸುಪ್ತಂ ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ ॥ 5 ॥

ಕಲಿನ್ದಜಾನ್ತಸ್ಥಿತಕಾಲಿಯಸ್ಯ ಫಣಾಗ್ರರಙ್ಗೇನಟನಪ್ರಿಯನ್ತಮ್ ।
ತತ್ಪುಚ್ಛಹಸ್ತಂ ಶರದಿನ್ದುವಕ್ತ್ರಂ ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ ॥ 6 ॥

ಉಲೂಖಲೇ ಬದ್ಧಮುದಾರಶೌರ್ಯಂ ಉತ್ತುಙ್ಗಯುಗ್ಮಾರ್ಜುನ ಭಙ್ಗಲೀಲಮ್ ।
ಉತ್ಫುಲ್ಲಪದ್ಮಾಯತ ಚಾರುನೇತ್ರಂ ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ ॥ 7 ॥

ಆಲೋಕ್ಯ ಮಾತುರ್ಮುಖಮಾದರೇಣ ಸ್ತನ್ಯಂ ಪಿಬನ್ತಂ ಸರಸೀರುಹಾಕ್ಷಮ್ ।
ಸಚ್ಚಿನ್ಮಯಂ ದೇವಮನನ್ತರೂಪಂ ಬಾಲಂ ಮುಕುನ್ದಂ ಮನಸಾ ಸ್ಮರಾಮಿ ॥ 8 ॥

Browse Related Categories: